Kosova do ti mbaj larg duart nga fondet për vitin 2011. Ky është vendimi që ka marrë FMN-ja, për të cilin raporton Reuters. Agjencia e njohur britanike, që citon zyrtarë qeveritarë në kushtet anonimiteti është që "marrëveshja e re mes qeverisë dhe FMN-së nënkupton një lloj monitorimi të rreptë të politikave fiskale por pa pasur mundësi të ketë qasje në fondet për këtë vit"
Qeveria në Prishtinë është përpjekur ta quaj një fitore të saj arritjen e një kompromisi për monitorim deri në fund të vitit, pavarësisht faktit se fondet e dedikuara në marrëveshjen paraprake mbesin të pashfrytëzuara. Sipas Reuters, "Zyrtarët qeveritarë shpresojnë që në vitin 2012 të arrijnë një marrëvshje më të madhe se sa ajo e korrikut të viti të kaluar që parashihte një pako ndihmash për Kosovën deri në 155 milionë dollarë", e që Kosova i ka humbur për këtë vit./indeksonline/
