Një delegacion nga Egjipti viziton Kosovën

Me ftesë të Ministrisë së Punëve të Jashtme të Kosovës, një delegacion i gjerë i gazetarëve dhe përfaqësuesve të tjerë të shoqërisë civile nga Egjipti do të qëndrojë për vizitë treditore në Kosovë. Delegacioni pritet të ketë takime me udhëheqës të lartë të institucioneve të vendit. Sipas MPJ-së, vizita është "pjesë e diplomacisë publike dhe e aktiviteteve të parapara në Strategjinë për Lobim për njohje të Republikës së Kosovës". Vizita e delegacionit të gjerë egjiptian në Kosovë, pritet të ketë efekte të rëndësishme në avancimin e qëndrimit të opinionit publik dhe elitës politike në Egjipt, sidomos pas ndryshimeve demokratike të muajve të fundit, karshi njohjes së shtetit të pavarur dhe sovran të Kosovës./kosova-sot/