Mijëra të burgosur që mbaheshin nga regjimi i Muhamar Gadafit, janë liruar nga kryengritësit në Tripoli.
Numri i personave të arrestuar gjatë muajve të fundit vlerësohet të ketë kapur shifrën 60 mijë, ndërsa mbetet e paqartë vendndodhja e një numri të madh të tyre.
Omar Bani tha se do të ishte “katastrofë” nëse të burgosurit e zhdukur rezultojnë të vrarë.
Tripoli pothuajse është në duart e kryengritësve, të cilët po përpiqen ta rimëkëmbin vendin.
Zëdhënësi i Gadafit tha se ky i fundit është i gatshëm për të filluar bisedimet për transferimin e pushtetit. Por, kryengritësit deklaruan se nuk do të negociojnë derisa ai të dorëzohet./REL/
