Edhe Podujeva kundër mulla Idrizit

Reagojnë 26 imamë e KBI - Podujevë për të ashtuquajturën Sindikatë :“Nuk përkrahim veprimet e Idriz Bilallit, ai nuk e ka përkrahjen tonë.”

Meqenëse u bë shumë zhurmë nga disa individ (që punojnë në BIRK), se kinse po i mbrojnë interesat e punëtorëve , e tek ta është edhe emir i kryetarit të KBI së Podujevës Idriz Bilalli të cilët formuan njëfarë sindikate të punëtorëve, ne punëtorët (shumica) e KBI së Podujevës dalim me këtë reagim:

Nuk përkrahim veprimet e Idriz Bilallit, ai nuk e ka përkrahjen tonë, bile mendojmë se na ka bërë shumë dëm dhe përçarje si në Këshill ashtu edhe në xhemat.

Ne mendojmë se të gjitha telashet që i kemi si besimtarë dhe si punëtorë duhet të i zgjidhim nëpërmes institucionit tonë BIRK-ut e jo rrugëve. Ne jemi të vetëdijshëm për grupacione të ndryshme që punojnë kundër BIRK, por rruga e vetme është Kryesia e BIRK-ut, përmes Këshillave, të zgjidhen problemet që I kemi./bislame/

Ju përshëndesim me selam, punëtorët e KBI Podujevë
Podujevë
16 shtator 2011