Policia e Kosovës ka konfiskuar 25 kilogram substanca narkotike të llojit heroinë në vlerë prej 500 mijë eurosh dhe 15 mijë euro para të gatshme në pikën kufitare të Hanit të Elezit.
Lidhur me këtë deri më tani policia ka arrestuar 7 persona të cilët dyshohet të jenë pjesë e kontrabandës. Udhëheqësi i Sektorit antikontrabandë në Doganën e Kosovës,Bashkim Arifi tha se ky operacion është arritur falë bashkëpunimit në mes të Doganës dhe Policisë.
Sipas zyrtarëve të policisë për shkak të hetimeve të mëtutjeshme lidhur me rastin nuk mund të jepen emrat e të arrestuarve dhe informacione të tjera./rtk/
