EULEX-i ka përgëzuar për punën Policinë e Kosovës dhe Doganat për një operacion të djeshëm që rezultoi me kapjen e 25 kg drogë të llojit heroinë. Por në fakt ajo drogë sic ka raportuar Klan Kosova ishte kapur rastësisht për cfarë e kanë biseduar zyrtarët doganorë dhe policët para se të fillonte konferenca. UD i Drejtorit të Hetimeve në Polici po i thoshte kolegut para konferencës që aksionin ta paraqiste si një punë intensive të intelegjencës e që nuk është zënë rastësisht. E gjithe bisedia ishte kapur nga kamera.
Për këtë skandal të policisë, është deklaruar EULEX-i por që ka përgëzuar për punën. “Është shumë inkurajuese të shohim që Dogana e Kosovës dhe Policia Kufitare e Kosovës kanë treguar iniciativë dhe entuziazëm në këtë operacion. Sasia e drogës së konfiskuar me këtë rast është e konsiderueshme, pothuajse sa pesëdhjetë për qind e tërë heroinës së konfiskuar në Kosovë vitin e mëparshëm. Ky operacion i suksesshëm tregon sa mirë janë duke përparuar agjencitë vendase për zbatimin e ligjit,” tha Mike Marsden, Shef i Doganës së EULEX-it.
“Duhet ta përgëzojmë po ashtu edhe Policinë e Kosovës për pjesëmarrjen e tyre në konfiskim,” tha Rene Boumendil, zëvendësshef i Policisë së EULEX-it. “Operacionet e tilla e tregojnë profesionalizmin gjithnjë e më të madh të PK-së dhe shpresojmë që në të ardhmen do të kryhen më shumë operacione të tilla,” shtoi ai.
Kjo është kronika që flet për skandalin, e për të cilin aksion ka folur EULEX-i./indeksonline/
{youtube width="650" height="450"}E8YCC6LJxzU{/youtube}
