G.K. dhe G.Ç.,kanë marrë nga Universiteti i Prishtinës (UP) sivjet statusin e studenteve të stomatologjisë, ndonëse në provimin pranues që iu ishin nënshtruar nuk kishin mundur të kalonin as pragun minimal për regjistrim. Ato janë pajisur me indekse, ngaqë janë vajza politikanësh, shkruajnë mediet.
Babai i së parës është kryetari i Kuvendit të Kosovës, Jakup Krasniqi, ndërsa i së dytës është ish ministri, Ethem Çeku. Pavarësisht ndasive ideologjike të prindërve të tyre, Fakulteti i Mjekësisë, ku ato janë regjistruar, i ka listuar në grup të përbashkët për t'i mbajtur ushtrimet. Në të gjashtin.
Sipas listës së rangimit të studentëve në bazë të pikëve që kishin marrë, G.K. ishte e 184-ta, ndërsa G.Ç. e 116-ta.
Fare pak kishin punuar në testin e provimit pranues. Nuk kishin marrë as 5 pikë në të, nga 30 sa mund të merreshin gjithsej./bota-sot/
