Sipas një studimi të Departamentit të Mjekësisë Ligjore të EULEX’it, së paku një femër sulmohet seksualisht çdo 3,5 ditë në Kosovë. Studimi thekson se numri i vërtetë i sulmeve seksuale në Kosovë mbetet i panjohur.
Departamenti i Mjekësisë Ligjore të misionit të BE’së në Kosovë, EULEX ka nxjerrë për herë të parë një dokument që flet për evolucionin e kriminalitetit të dhunshëm në Kosovë, gjatë pesë viteve të fundit.
Sulmet seksuale janë të përfshira në këtë studim dhe të dhënat janë marrë nga regjistrat e zyrës së ekzaminimit mjekësor, një divizion i zyrës për persona të zhdukur dhe mjekësi ligjore (OMPF MEO).
Studimi ka analizuar të dhënat nga 401 raste të sulmeve seksuale të ekzaminuara nga OMPF gjatë periudhës 2003 – 2008. Studimi ka zbuluar se së paku një femër është sulmuar seksualisht çdo 3,5 ditë në Kosovë.
Nga këto raste, 38 për qind e viktimave të sulmeve seksuale ishin nën moshën 16 vjeçare. Përveç sulmeve seksuale, kjo përbën edhe abuzimin e fëmijëve.
Nga mostra e nxjerrë, gjersa femrat të të gjitha moshave mund të jenë të viktimizuara, ato të moshës 15-16 vjeçare mund të jenë më të rrezikuara, 22 për qind nga totali i mostrës.
Mosha e kryerësve të krimit është 13-41 vjet dhe vetëm 41 kryerës janë sjellur për ekzaminim mjeko-ligjor gjatë periudhës së studimit.
Numri mesatar i femrave seksualisht të sulmuara në vit është 86, 4. Kjo barazohet me 7.2 muaj.
Sipas studimit dhe përqindjes së ndarë për muaj, sulmet seksuale ndodhin në maj dhe shtator.
Komuna e Prishtinës ka përqindjen më të madhe të sulmeve (54%) ndërsa komuna e Gjakovës renditet me më së paku sulme (5%).
OMPF’ja thotë se të dhënat e paraqitura në këtë studim duhen të shihen si një reflektim minimal të kësaj dukurie të gjerë.
Një studim pilot që është bërë nga autori këtë vit ka zbuluar se 70% e të anketuarve ka pësuar nga një formë e sulmit seksual. Asnjë prej tyre nuk e ka raportuar këtë tek autoritetet.
Kjo zyre kërkon nga lexuesit të kontribuojnë me të dhëna derisa raporti në detaje është në përgatitje e sipër./gazetajnk/
