Dy shpërthime të fuqishme që kanë ndodhur në veri të Mitrovicës, njëra rreth mesnatës dhe tjetra në orët e hershme të mëngjesit të sot, njofton Kosovapressi.
Sipas këtyre burimeve, nuk ka të lënduar, ndërsa të dyja shpërthimet kanë ndodhur në afërsi të shkollës së mesme teknike, zonë kjo e banuar me popullatë shumicë serbe.
”Pas shpërthimeve është vërejtur prezencë më e shtuar e pjesëtarëve të policisë së Kosovës dhe atyre ndërkombëtarë.
Zëdhënësi i policisë në Mitrovicë, Besim Hoti ka konfirmuar për Kosovapress vetëm një shpërthim të ketë ndodhur rreth mesnatës, duke shtuar se nuk dihet përbërja e këtij mjeti shpërthyes dhe as vendi i saktë i shpërthimit, ndërsa policia është duke zhvilluar hetimet për ndriçimin e këtij rasti.
