Mediat gjermane kanë raportuar se një baba nga Dithmarschen me vite ka abuzuar me tri vajzat e tij, edhe atë i ndihmuar nga dy djemtë në moshë 18 dhe 16 vjeçare.
Thomas B. (48) ka filluar t’i përdhunojë vajzat e veta kur gruaja e tij Beatrix (46) në vitin 2005 ishte sëmurë. Çifti ka pasur shtatë vajza, dhe i ati dhe bijtë kanë dhunuar tri prej tyre, njëra tetëvjeçare dhe dy të tjerat 13 dhe 17 vjeçare.
Vajzat disa herë me radhë i janë drejtuar të ëmës duke i rrëfyer se çka u bënte i ati dhe vëllezërit, por ajo nuk u kishte besuar dhe i kishte fajësuar se gënjejnë.
Vajza e katërt (22) ka dëshmuar se i ati shpeshherë ka qëndruar pranë krevateve të tyre i veshur vetëm me të brendshme dhe të gjithë fëmijët i ka dëbuar jashtë, përveç njërës nga vajzat e veta.
Gjykata ka vendosi që edhe nëna e vajzave të mos shpallet plotësisht e pafajshme, transmeton oranews.
Thomas B. për dhunimin e vajzave është dënuar me tetë vjet e gjysmë burg, ndërkaq djalit të tij të madh i është shqiptuar dënim prej dy vjetësh burg. Proces gjyqësor për të birit më të ri të dhunuesit ende vazhdon, por procesi është i mbyllur për publik.
