Gjykata Supreme e Kosovës ka vendosur sot lidhur me ankesën e prokurorit ndaj aktgjykimit të Gjykatës së Qarkut për gjashtë nga të akuzuarit, në rastin tashmë të njohur “Kleçka”, duke e kthyer gjithë lëndën në rigjykim. Me këtë vendim Arben Krasniqi, Shaban Shala, Sabit Shala, Behlul Limaj, Refki Mazreku dhe Besim Shurdha u bashkohen të akuzuarve të tjerë në në pabarurgim. Bëhet fjalë për katër të akuzuar të tjerë, tashmë në paraburgim: Fatmir Limaj, Naser Krasniqi, Naser Shala, Nexhmi Krasniqi.
Me këtë vendim të Gjykatës Supreme të Kosovës, Rasti ‘Kleçka’ përfundimisht kthehet në pikën zero, d.m.th gjykimi nis nga e para.
Në mars të këtij viti, Gjykata e Qarkut i kishte liruar gashtë të pandehurit nga të gjitha pikat e aktakuzës, me të cilën ngarkoheshin.
Të pandehurit ishin akuzuar për krime lufte kundër popullatës civile dhe të burgosurve të luftës. Sipas kumtesës së EULEX-it, trupi gjykues e shpalli të pranueshme edhe dëshminë e Agim Zogajt, i njohur edhe si “dëshmitari X”, si dhe provat e mbledhura gjatë bastisjes së objekteve të Naser Krasniqit dhe Fatmir Limajt./koha/
