Gjykata Supreme e Kosovës ka refuzuar kërkesën e mbrojtjes së Fatmir Limajt për lirimin nga paraburgimi. Ky vendimi i Supremes mban datën 27 dhjetor 2012, me çka edhe njëherë i është refuzuar kërkesa e avokatit të Limajt, Naser e Nexhmi Krasniqit edhe Naser Shalës, trasnemton KTV.
Ndërsa mbetet në fuqi vendimi i Qarkut, me të cilin u është vazhduar paraburgimi edhe për dy muaj. Limaj dhe të tjerët do të qëndrojnë në paraburgim deri me 23 shkurt të 2013. Edhe Supremja ka dhënë arsyetimin e saj se lirimi i tyre mund të ndikojë në zhvillimin e procedurës tek dëshmitë dhe dëshmitarët.
Avokati i Limajt, Tomë Gashi, ka thënë se arsyet për caktimin e paraburgimit, vazhdimin e tij dhe refuzimi i lirimit nga Gjykata Supreme, nuk kanë bazë ligjore dhe, sipas tij, janë krejtësisht vendime politike. Sipas tij, si bazë e gjykimit të ardhshëm duhet të merret gjykimi lirues i majit 2012. Duke potencuar se Limaj nuk mund të ndikojë në dëshmitë e X-it, i njohur si Azem Zogaj dhe as në përmbajtjen e ditarit të tij, ngase ai ka vdekur. /koha/
