Ministri për Kthim dhe Komunitete në qeverinë e Kosovës, Aleksandar Jablanoviq, ka thënë se ai nuk e ka idenë se në Kosovë ka pasur masakra në vitet 1998-99.
Në një intervistë dhënë në Interaktivin e KTV-së, Jablanoviq ka thënë se ai ka qenë tinejxher në kohën e luftës dhe se në Leposaviq nuk ka pasur luftë, raporton KTV.
Ministri ka thënë se kryeministri Mustafa asnjëherë nuk e ka thirrur për ta pyetur për deklaratën e tij kundërthënëse.
Ka pohuar se nuk i ka ofenduar nënat gjakovare, por ata që kanë gjuajtur me gurë dhe se nuk e ka ndërmend të japë dorëheqje e as të ndalet së quajturi Kosovën me emrin “Kosovë dhe Metohi”.
Ndiqeni një deklaratë të ministrit Jablanoviq në emisionin Interaktiv, që transmetohet sonte në KTV.
