Përkufizimi gjuhësor i fjalës “Islam”:
Fjala “Islam” gjuhësisht domethënë: nënshtrim, dorëzim dhe përulje.
Përkufizimi fetar i fjalës “Islam”:
Islam në terminologjinë fetare domethënë: “Dorëzim ndaj Allahut me teuhid, nënshtrim në bindje ndaj Tij dhe largim nga shirku dhe ithtarët e tij”.
Islami në kuptimin e përgjithshëm dhe në kuptimin e veçantë:
a. Islami në kuptimin e përgjithshëm domethënë: “Adhurimi ndaj Allahut nëpërmjet asaj që Ai e ka ligjëruar që nga dërgimi i pejgamberëve deri në Kijamet”.
b. Islami në kuptimin e veçantë është ajo me të cilën ka ardhur Muhamedi, sal-lAllahu alejhi ue sel-lem.
Shtyllat e Islamit janë pesë:
1. Dëshmia se nuk ka të adhuruar me të drejtë përveç Allahut dhe se Muhamedi është i Dërguari i Allahut.
2. Falja e namazit.
3. Dhënia e zekatit (lëmoshës së detyrueshme).
4. Agjërimi i ramazanit.
5. Kryerja e haxhit, për atë që ka mundësi.
Shtyllat e Islamit janë dy llojesh:
a. Shtylla pa të cilat nuk mund të qëndrojë Islami, ndryshe quhen “shtylla thelbësore”, të cilat janë:
1. Dëshmia se nuk ka të adhuruar me të drejtë përveç Allahut dhe se Muhamedi është i Dërguari i Allahut.
2. Falja e namazit.
b. Shtylla pa të cilat nuk mund të plotësohet Islami, ndryshe quhen “shtylla plotësuese”, të cilat janë:
1. Dhënia e zekatit (lëmoshës së detyrueshme).
2. Agjërimi i ramazanit.
3. Kryerja e haxhit, për atë që ka mundësi.
Argumenti për shtyllat e Islamit:
Thënia e të Dërguarit të Allahut, sal-lallahu alejhi ue sel-lem: "Islami është ndërtuar mbi pesë shtylla: Dëshmia se nuk ka të adhuruar me të drejtë përveç Allahut dhe se Muhamedi është i Dërguari i Tij, pastaj falja e namazit, dhënia e zekatit, agjërimi i ramazanit dhe kryerja e haxhit." [Muslimi].
Marrë nga libri “Et-Teuhijd el-mujesser” i autorit Abdullah El-Huvejl
Përktheu: Jusuf Kastrati – Shembulli.com
