Dy predha kanë qëlluar sot ambasadën e Rusisë në Damask në kohën kur aty kishin filluar të mblidheshin njerëz në kuadër të një manifestimi për ta mbështetur dhe falënderuar këtë vend, aviacioni i të cilit po i mbështetë forcat e regjimit për të zmbrapsur rebelët.
Sipas një gazetari të AFP-së, dy predhat kanë rënë në oborrin e ambasadës, duke shkaktuar panik në mesin e rreth 300 personave të mbledhur aty, raporton “zeri.info”.
Nuk ka të plagosur në mesin e manifestuesve, ndërkohë që nuk ka të dhëna për dëmet eventuale brenda ambasadës.
Sipas Observatorit Sirian të të Drejtave të Njeriut, raketat janë gjuajtur nga grupet opozitare përreth kryeqytetit.
