Arabia Saudite ka ekzekutuar dënimet e para me vdekje për vitin 2016 për 47 të dënuar për krimin e terrorit.
Ndër të ekzekutuarit ishte edhe Nimr al Nimr, një nga personalitetet më të rëndësishme fetare të pakicës shiite.
Ndërkohë që në listën e të ekzekutuarve kishte emra të cilët janë gjykuar për terrorizëm dhe lidhje me Al-Kaedën, një pjesë tjetër e tyre ishin nga opozita shiite.
Si pasojë e sulmeve terroriste në rritje në vend gjatë viteve 2003-2006, ishin arrestuar dhe nxjerrë para drejtësisë shumë anëtarë të Al-Kaedës.
Ndërsa në protestat shiite ndërmjet viteve 2011-2013 ishin arrestuar shumë protestues shiitë.
Kur u dënua me vdekje personaliteti fetar Shii, Nimr al Nimr, Irani kishte deklaruar se ekzekutimi i Shejh Nemr-it do ti kushtonte shumë Arabisë Saudite.
Në vitin 2015, Arabia Saudite ekzekutoi 157 të dënuar me vdekje, duke e bërë këtë shifrën më të lartë të 20 viteve të fundit.
Arabia Saudite është një ndër 5 vendet që zbaton dënimin më të lartë me vdekje në botë.
