...sepse më kanë mbuluar mëkatet!
Qaj, sepse të shumtën e kohës e kam humbur kot!
Qaj, sepse më kanë mashtruar të mirat e kësaj dunjaje!
Qaj, sepse nuk i jam bindur urdhrave të Zotit tim!
Qaj, sepse kohën më të vlefshme e kam shpenzuar në gjëra prej të cilave nuk kam pasur asnjë dobi!
Qaj, sepse më bren ndërgjegjja ime!
Qaj, sepse më dhemb shpirti...!
Qaj, sepse të mirat e kësaj Dunjaje më kanë bërë ta harroj Ahiretin!
Qaj, por nganjëherë nuk e di pse???
Apo ndoshta pse një ditë do të vdes dhe nga mëkatet e shumta i frikësohem vdekjes!?
Qaj... qaj... qaj...!
Sepse tani pendohem te Zoti im!
Tani qaj, sepse jam posedues i gabimeve të mia!
Po ashtu jam rob i mëkateve të mia!
Qaj, sepse nuk e kam kryer obligimin ndaj prindërve!
Qaj, sepse në vend të përuljes kisha kryelartësinë!
Qaj, sepse e kisha harruar edhe Ditën e Kiametit!
Qaj, sepse i frikësohem kësaj Dite të trishtuar në të cilën do të jap llogari dhe i frikësohem dënimit dhe ndëshkimit aty...!
Andaj kam shpejtuar dhe kam shtuar pendimin para qortimit!
I jam kthyer Namazit dhe Agjërimit...
Qaj, sepse tani jam i bindur çka do që të mbjelli në këtë dunja do ta korri në Ahiret!?
Qaj, sepse jam penduar tek All-llahu dhe shpesh ia përkujtoj vetes:
"Mëshira Ime tejkalon hidhërimin Tim" (Buhariu dhe Muslimi)
Tinushe Beshi
