O biri im: kam shijuar të shijshmet dhe nuk kam gjetur gjë më të shijshme se sa shëndeti.
O biri im: kam shijuar të hidhurat dhe nuk kam gjetur gjë më të hidhur se sa të kërkosh nga njerëzit.
O biri im: kam bartur hekurin, por nuk kam gjetur më të rëndë se sa borxhin.
O biri im: kam parë të pasurit dhe nuk kam parë më të pasur se sa ai që është i kënaqur me atë që ka caktuar Allahu për të.
O biri im: kam provuar durimin dhe kam shijuar të keqen, por nuk kam parë më të vështirë se sa varfëria.
O biri im: më kanë armiqësuar njerëzit dhe nuk kam gjetur më armik se sa nefsin (egon) tim.
O biri im: kam veshur rrobat më të shtrenjta, por nuk kam gjetur rroba më të mira se sa devotshmëria.
O biri im: kam dëgjuar të flasin shumë, por nga heshtja kam mësuar më shumë.
O biri im: jam gjunjëzuar para shumë sfidave, por kur jam gjunjëzuar për Allahun jam lartësuar.
O biri im: hapa shumë dyer, por askund nuk u mirëprita si në derën e pendimit.
Përshtati: Hoxhë Valdet Kamberi
