Artikuj

Dy persona u vranë dhe nëntë të tjerë u plagosën në natën e shtunë pranë Sheshit Tahrir në qendër të Kajros, kur policia u përpoq që të shpërndante demonstruesit që dolën në rrugë për të protestuar kundër vendimit me të cilin ish-presidenti egjiptian Hosni Mubarak u la i lirë për konspiracion dhe vrasjen e demonstruesve në fillim të 2011.

Zëdhënësi i ministrisë së shëndetsisë Hossam Abdel-Ghaffar konfirmoi për Anadolu Agency, (AA) se dy persona u vranë, por nuk zbulojnë shkakun e vdekjes.

Një tjetër burim i afërt me spitalin, tha se viktimat u qëlluan.

"Gjithashtu janë plagosur nëntë demonstrues, disa prej të cilëve kishin asfiksi nga gazi lotsjellës, ndërsa disa janë plagosur nga plumbat," tha Abdel-Ghaffar.

Natën e kaluar policia egjiptiane hodhi gaz lotsjellës për të shpërndarë qindra demonstrues që ishin mbledhur në Sheshin Tahrir për të protestuar kundër vendimit për lirimin e Mubarak, si dhe ish-ministrin e brendshëm Habib el-Adliyya dhe gjashtë ish-zyrtarëve të sigurisë.

Gjykata liroi Mubarakun edhe nga akuza e korrupsionit në lidhje me eksportin e naftës në Izrael.

Gjykata e liroi edhe dy djemtë e ish presidentit, Alaa dhe Gamal dhe manjatin e akuzar për korrupsion Hussein Salem.

Aktgjykimi mund të apelohet.

Gjyqtari duke lexuar aktgjykimin tha se të dhënat tregojnë se gjatë revolucionit të 2011 u vranë 239 njerëz në 11 provinca, prej të cilëve 36 u vranë në sheshe publike.

Në fund të 2012, Mubarak dhe Al-Adly u dënuan me 25 vjet burg në lidhje me vrasjen e demonstruesve. Pas së cilës avokatët e ish-presidentit apeluan vendimin, gjykata urdhëroi rihapjen e çështjes.

Shqiptarët në Preshevë, Bujanoc e aq më shumë në Medvegjë, për sa i përket realizimit të objektivave të tyre dhe nivelit të të drejtave të njeriut, vazhdojnë të mbetën në pozitën më të palakmueshme.

Aparati shtetëror serb po ua mohon shqiptarëve të drejtat më elementare, e të cilat janë të garantuara nga konventa të shumta për të drejtat e njeriut e që edhe Serbia është nënshkruese e tyre.

Deputeti shqiptar në Kuvendin e Serbisë, Riza Halimi, mendon se shqiptarët e Luginës janë shumë larg realizimit të të drejtave të tyre.

Enkel Rexhepi, përfaqësues i Këshillit për të Drejtat e Njeriut të Luginës, vlerëson se në një ose mënyrën tjetër sipas tij, diskriminimin po e ndihmojnë edhe politikanët shqiptarë të Luginës, transmeton RTK.

Ndërkaq, deklaratat e kryeministrit Shqiptarë, Edi Rama, deputeti Halimi i sheh si shpresdhënëse, ndërkohë që ai mendon se spektri politik i këtushëm duhet të jetë shumë aktiv.

Shqiptarët në Serbisë përkundër pjesëmarrjes aktive në çdo nivel të institucioneve shtetërore, vazhdojnë të mbeten pakica më e diskriminuar në Ballkan e Evropë.

Afër 600 milion marka gjermane apo përkthyer në euro 300 milionë euro, konsiderohet të jenë mjetet e kursyera nga qytetarët e Kosovës në bankat e ish Jugosllavisë që në periudhën e paraluftës kanë operuar në Kosovë, transmeton rel.

Kështu thonë ekspertë për çështje ekonomike, duke kërkuar nga autoritetet kompetente që të kërkojnë kthimin e këtyre mjeteve nga shteti i Serbisë.

Në atë kohë në Kosovë bankat kryesore të ish- Jugosllavisë kanë qenë “Jugobanka”, “Banka e Lublanës” dhe “ Bankos”, e që kursimtarët mjetet e tyre financiare në këto banka i kishin të kursyera, kryesisht në valutën gjermane (DEM) si dhe në valuta tjera.

Një gjykatë egjiptiane të shtunën i ka hequr ish-presidentit, Hosni Mubarak akuzat për konspiracion në vrasjen e protestuesve gjatë kryengritjes së vitit 2011, raporton Anadolu Agency (AA).

Gjykata hoqi gjithashtu akuzat ndaj ish-ministrit të Brendshëm, Habib el-Adly dhe gjashtë ish-zyrtarëve të lartë të sigurisë për urdhërimin e vrasjes së qindra protestuesve gjatë kryengritjes 18-ditore, e cila i dha fund sundimit 30-vjeçar të Mubarakut në fillim të vitit 2011.

Në fund të vitit 2012, Mubarak dhe al-Adly u dënuan të dy me nga 25 vjet burg për urdhërimin e vrasjes së demonstruesve gjatë kryengritjes. Gjykata më pas urdhëroi një rigjykim ndaj dënimit, si pasojë e apelimit me sukses të avokatëve të ish- presidentit.

Gjatë seancës të së shtunës, gjyqtari i procedurës paraprake gjithashtu ka liruar ish-presidentin Mubarak nga një akuzë korrupsioni që e përfshinte në eksportet e gazit në Izrael. Dy djemtë e Mubarakut Alaa dhe Gamal u liruan gjithashtu nga akuzat për spekulim. Vendimet e të shtunës janë ende subjekt për tu apeluar.

Reali Madrid ka hequr kryqin që ndodhet mbi stemën e saj, pasi fyen ndjenjat e myslimanëve. Kërkesa është bërë nga sponsorizuesit e ‘National Bank of Abu Dhabi’. Bankierët myslimanë nuk e pëlqejnë kryqin mbi stemë pasi duket shumë i krishterë.

Si pasojë e kësaj, ekipi spanjoll ka pranuar që ta heqë kryqin, ndonëse stema ekziston që prej vitit 1902. Presidenti i skuadrës së Realit Florentino Perez, shtatorin e kaluar nënshkroi një kontratë tre vjeçare me Bankën Kombëtare të Abu Dabit, një nga institucionet më prestigjioze në botë, transmeton Shqip.

“Unë e di që njerëzit i ndjekin të gjitha ndeshjet tona dhe lidhjet e skuadrës me Emiratet e Bashkuara janë gjithmonë në rritje. Kjo marrëveshje do të ndihmojë klubin për të fituar zemrat e tifozëve tanë në Emiratet e Bashkuara Arabe ”, tha Perez.

Burim Demolli është kosovari i fundit i cili është vrarë në Siri.

E pamja e tij është hapur në shtëpinë e tij në lagjen Kolovica të kryeqytetit, gjegjësisht në rrugën “Viktor Hygo”.

Familja e tij në lagjen Kolovica sot ka hapur të pamën. Të njohur e familjarë sot ia kishin mësyrë familjes së tij për ngushëllime. Ndërkohë mësohet se përveç këtij edhe një vëlla dhe kushërirë të tjerë muaj më parë kanë marrë rrugën për Siri me gjithë familje, njofton zëri.

Ndërkohë jo zyrtarisht mësohet se në Siri është plagosur edhe një i afërm i Burimit.

Emblemat e para të UÇK-së ishin shtypur në një fabrikë tekstili në Zvicër. Ardhja e tyre për në Kosovë, siç tregon Adnan Asllani - aktivisti që bëri emblemën e UÇK-së - ishte përcjellë me vështirësi të njëjta sikurse edhe armatimi që hynte për ushtarët e UÇK-së.

Stema e UÇK-së, që e bëri Asllani, ishte bartur edhe nga Adem Jashari. Nuk kishte pasur kundërshtime në LPK për versionin që ishte prezantuar.

“Si për ironi më kujtohet se shumë vonë, diku në verë 1998, pasi emblemat ishin shpërndarë në mesin e luftëtarëve, e ashtuquajtura Ministri e Mbrojtjes e Qeverisë së Bukoshit kishte marrë vendim t’i aprovonte emblemat e UÇK-së”, thotë krijuesi i stemës së UÇK-së.

Asllanit nuk i kishte kërkuar askush leje, që stema që kishte krijuar të përshtatej edhe për UÇPMB-në dhe UÇK-në në Maqedoni. /Zëri/

Treshja Rexhep Selimi, Daut Haradinaj dhe Mujë Krasniqii, më 28 nëntor të vitit 1997, në Llaushë të Skenderajt kanë dalë për herë të parë para opinionit publik si pjesëtarë të UÇK-së. Ky ishte fillimi i mobilizimit të madh për luftën që po fillonte.

Më 25 nëntor 1997, forcat e Ushtrisë Çlirimtare të Kosovës të drejtuara nga komandanti legjendar Adem Jashari, sulmuan forcat e policisë në Vojnik të Skenderajt, të cilat u tërhoqën duke lënë të vrarë dhe të plagosur.

Të nesërmen, me 26 nëntor, një ekspeditë ndëshkimore me 10 automobila e mjete të tjera të motorizuara, u drejtuan për në ketë fshatë. UÇK prapë i sulmoi dhe pas katër orë luftimesh të rrepta, forcat e policisë u tërhoqën. Në tërheqje e sipër, filluan të qëllojnë majtas e djathtas kundër kujtdo që shihnin. Në fshatin Llaushë ata vranë mësuesin Halit Geci, në derë të shkollës, i cili u varros me një ceremoni të madhe më 28 nëntor 1997.

Në këtë ceremoni varrimi, ku morën pjesë mijëra qytetarë nga mbarë Kosova, u bë dalja e parë publike e UÇK-së.

Komandanti legjendar i UÇK-së, Adem Jashari, u vra duke luftuar për lirinë e vendit të tij. Automatiku që nuk e lëshoi nga dora deri në momentin e fundit të jetës do të ekspozohet nesër në Muzeun e Kosovës.

Për herë të parë do të ekspozohet arma që po e mbante në dorë Adem Jashari në momentin kur u vra në kullën e tij në Prekaz.

Aty ndodhet edhe pushka e punuar me dorë e Hamzë Jasharit. Pjesë e ekspozitës do të jenë edhe shumë artefakte të tjera.

Ekspozita hapet në orën 14:00.

Presidenti i Turqisë, Rexhep Tajip Erdoan, vazhdoi të kritikoj Organizatën e Kombeve të Bashkuara.

Në fjalën e tij të mbajtur në hapjen e mbledhjes së Komitetit të Përhershëm për Bashkëpunim Ekonomik dhe Tregtar të Organizatës së Konferencës Islamike (ISEDAK) Presidenti Erdoan tha se OKB-ja ka nevojë për reforma serioze, transmeton trt.

“Fatkeqësisht fati i botës varet nga 5 vendet, ne duhet ta shpëtojmë botën nga kjo”, u shpreh Erdoan.

Duke theksuar se Kombet e Bashkuara deri më tani nuk gjetën zgjidhje problemeve që jetohen në botë Presidenti Erdoan tha se “A kanë gjetur ndonjë zgjidhje Kombet e Bashkuara problemeve që u jetuan deri më tani? A mund të themi se ka drejtësi nëse shikojmë në strukturën e Këshillit të Sigurimit të Kombeve të Bashkuara? Mjafton që vetëm një anëtarë të kundërshtoj dhe të bllokohet tërë procesi”.

Duke e bërë të ditur se në Këshillin e Sigurimit nuk ka asnjë vend myslimanë Erdoan shtroi pyetjen “A është e mundur që një strukturë, e cila nuk është e drejtë, të drejtoj mirë botën? Anëtarësia e përkohshme nuk ka asnjë kuptim, këtu nuk mund të prisni drejtësi”.

“Këtë e kamë thënë edhe në Asamblenë e Përgjithshme të OKB-së. Bota është më e madhe se 5 vendet, por fatkeqësisht bota është e lënë në duart e këtyre 5 vendeve”, u shpreh Erdoan ndërsa shtoi se “Ne duhet ta shpëtojmë botën nga kjo, kjo strukturë me plotë kuptim të fjalës ka nevojë për reforma”.

Kryeministri i Shqipërisë, Edi Rama gjatë një takimi në Komunitetin Mysliman të Shqipërisë, ku merrnin pjesë edhe përfaqësues të komuniteteve të tjera fetare ka deklaruar se tashmë për ndërtimin e Xhamisë së Madhe (Namazgjasë) në Tiranë nuk ka asnjë pengesë, raporton Anadolu Agency (AA).

Rama i ka dorëzuar lejen për ndërtimin e Xhamisë së Namazgjasë kryetarit të Komunitetit Musliman të Shqipërisë, Skënder Bruçaj. Kryeministri Rama në fjalimin e tij u shpreh se ka ardhur koha ti rikthehet dinjiteti  muslimanëve të cilët politika i la në mëshirë të fatit.

"Gjëja që më ka lënë mbresë është durimi i këtij komuniteti i cili ka duruar për më shumë se 20 vjet me radhë. Jam krenar që në një kohë realisht të shkurtër në detyrën tonë, i dhamë zgjidhje një problemi që qëndroi i hapur kaq gjatë. Kjo kohë provon se ky problem ka qëndruar kaq kohë i hapur si mungesë e vullnetit politik. Sot jam i lumtur sepse zoti e desh dhe vullneti ynë e bëri të mundur që të mos kishim një xhami ngjitur një pallati dhe një qendre tregtare por të kemi një xhami pranë së cilës do të ngrihet një muze i bashkëjetesës fetare. I jam mirënjohës Selim Muçës në fillim, Skënder Bruçajt më pas që me shumë mirëkuptim ka bashkëpunuar me ne, për ta kthyer xhaminë në parametrat e duhur dhe për të mos e lënë më në rrugë të shtyrë deri në buzë të trotuarit, por për ta vendosur në qendër të parkut të Namazgjasë dhe për ta rrethuar me pemë, gjelbërim, hapësira.”- u shpreh Kryeministri Rama.

Rama gjatë fjalës së tij ka pohuar se sot iu hap rruga një projekti për një xhami në parametrat e bukur dhe të duhur, duke ia shtuar edhe më tej vlerën e saj. Rama ka theksuar se pranë saj do të jetë edhe një muze si simbol i bashkëjetesës fetare.

Rama gjithashtu dha dy mesazhe duke u shprehur se mesazhi i parë është: "për ne edhe për gjithë botën nëse laicitetei shprehet në shumë mënyra në vende të ndryshme, në Shqipëri shprehet si “bashkëjetesa fetare” dhe solidariteti mes njëri- tjetrit. 

Dhe së dyti: “Muslimanët në Shqipëri janë një shembull i mirë për vendin tonë dhe për tërë Europën. Luftërat midis shteteve dhe feve nuk ekzistojnë, por ekzistojnë luftërat mes injorancave".

Ndërsa kryetari i Komunitetit Musliman të Shqipërisë, Skënder Bruçaj u shpreh se: “patjetër këtë përgjegjësi do ta çojmë deri në fund. Dhe ju falënderojmë të gjithë për mbështetjen e dhënë”.

Gjatë vitit 2000 dhe gjysmës së parë të vitit 2001, territoret e komunës së Preshevës, Bujanocit dhe Medvegjës kanë qenë fushë e konfrontimeve të armatosura të policisë serbe dhe Ushtrisë Çlirimtare për Preshevë, Medvegjë dhe Bujanoc (UÇPMB).

Pjesëtaret e saj për herë të parë janë paraqitur publikisht në fund të janarit të vitit 2000 në fshatin Dobrosin (komuna e Bujanocit) gjatë varrimit të vëllezërve të vrarë Shaqipi.

Konfrontimi i armatosur dhe incidentet janë intensifikuar posaçërisht pas tërheqjes së policisë nga punktet e kontrollit në fshatrat shqiptare nga komuna e Bujanocit me 27 Nëntor 2000.

Tërheqja është bërë pas sulmit të UÇPMB-së mbi patrullën policore, me ç’rast vdiqën tre policë e pesë policë janë plagosur.

Gjatë gjashtë muajve të ardhshëm, janë vrarë, plagosur ose rrëmbyer më tepër se 100 njerëz, shqiptarë, serbë, dhe përfaqësues të ushtrisë dhe policisë.

Në fillim të vitit 2001, Qeveria e Republikës së Serbisë dhe Qeveria Federative formuan trupin Koordinues për Preshevë, Bujanoc dhe Medvegjë.

Në përpjekje që të zgjidhet kriza në mënyrë politike, në fillim të vitit 2001 përfaqësues të pushtetit dhe komunitetit shqiptar filluan negociatat, me ndërmjetësimin e përfaqësuesve të paktit Veriatlantik (NATO), Kombeve të Bashkuara (KB) dhe Organizatës Evropiane për Siguri dhe Bashkëpunim (OSBE).

Rezultatet e këtyre negociatave kanë qenë hyrja graduale e Ushtrisë Jugosllave në Zona Tokësore të Sigurisë, në të njëjtën kohë dhe demilitarizimi dhe shpërbërja e UÇPMB-së.

Zona Tokësore të Sigurisë me marrëveshje të mëvonshme është anuluar në mënyre formale. Kuvendi Federativ në vitin 2002 nxjerri Ligjin për amnisti për të gjithë pjesëtarët të UÇPMB-së. /kp/Wikipedia/

Sot, në Kazermën “Adem Jashari” në Prishtinë, me ceremoni ushtarake u shënua 26 nëntori, “Dita e Forcës së Sigurisë së Kosovës”, raporton Anadolu Agency (AA).

6 vjetorin e themelimit të saj, Forca e Sigurisë së Kosovës (FSK) e festoi me manifestim në të cilin ishin prezent personalitetet më të larta politike dhe ushtarake, të Kosovës dhe institucioneve ndërkombëtare si: presidentja e Kosovës, Atifete Jahjaga, kryeministri i Kosovës në detyrë, Hashim Thaçi, Ministri i FSK-së, Agim Çeku, komandanti i FSK-së, gjenerallejtënant Kadri Kastrati, komandanti i KFOR-it, gjeneralmajor Francesco Paolo Figliuolo, përfaqësues të lartë të Ekipit Ndërlidhës dhe Këshillues të NATO-s në Kosovë (NLAT), ambasadorët e akredituar në Kosovë, si dhe atashetë ushtarak.

Po ashtu, kjo ceremoni ishte e hapur edhe për përfaqësues të jetës kulturore, artistike dhe sportive, nxënës të shkollave fillore të mesme, student si dhe qytetarë të Kosovës, të cilët patën rastin të shohin edhe një parakalim të trupave të Forcës së Sigurisë së Kosovës, raporton AA.

Në fjalimin e rastit, Komandanti i FSK-së, gjenerallejtënant Kadri Kastrati iu ka uruar pjesëtarëve të FSK-së “Ditën e Forcës” me shpresë se përvjetorin e ardhshëm ta kremtojnë si pjesëtarë të Forcave të Armatosura të Kosovës.

“Unë si komandant i FSK-së, me siguri të plotë mund të ritheksoj që FSK është e gatshme të transformohet në Forcat e Armatosura të Kosovës dhe të marr detyra të reja, mbrojtjen e vendit dhe qytetarëve të saj” ka thënë gjenerallejtënant Kadri Kastrati dhe ka shtuar se FSK si një forcë profesionale dhe multietnike, është institucioni më i besueshëm dhe i respektueshëm në Kosovë.

Kjo, sipas komandantit të FSK-së, është arritur me kryerjen e detyrave dhe përmbushjen e përgjegjësive dhe obligimeve të dala nga misioni i këtij institucioni dhe Kushtetuta e Kosovës, duke numëruar veprimet e shumta që FSK i kryen me qëllim që t’i shërbej qytetarëve të Kosovës, sikurse janë aksionet e deminimit, aksionet e kërkim-shpëtimit gjatë situatave emergjente, si dhe dhënia e ndihmës humanitare qytetarëve të Kosovës.  

“Rezultatet evidente të cilat shihen nga ngritja e standardit në realizimin e detyrave, si dhe modernizimi i këtij institucioni, na bënë krenar por edhe të obligueshëm që ta ruajmë këtë besueshmëri” ka theksuar gjenerallejtënant Kadri Kastrati dhe tregoi se institucioni të cilin ai e udhëheq, sivjet ka marr pjesë në shumë stërvitje ushtarake, përkrah ushtarëve të ushtrive të rajonit dhe atyre të NATO-s.

Presidentja e Republikës së Kosovës, Atifete Jahjaga në këtë ceremoni përgëzoj FSK-në për përparimin e arritur dhe ngritjen e nivelit në përmbushjen e detyrave. Ajo iu drejtua pjesëtarëve të FSK-së me porosinë se, të gjithë qytetarët e Kosovës kanë besim të madh në FSK-në, për ta mbrojtur Kosovën dhe për të bashkëpunuar me partnerët dhe aleatët strategjikë të Kosovës.

“E ardhmja e Forcës së Sigurisë së Kosovës dhe e ardhmja e Forcës së Armatosur të Kosovës që nuk ka alternativë, mbetet punë parësore për Kuvendin e ri, institucionin kaq të nevojshëm dhe kaq të rëndësishëm për vendin dhe për qytetarët e tij” Jahjaga dhe shtoi se Kosova ka kaluar nëpër shumë procese të rëndësishme të tranzicionit dhe se, formimi i Forcave të Armatosura të Kosovës do ta kompletoj Kosovën si shtet , duke kontribuar në konsolidimin e tij të plotë.

Për të arritur këtë, sipas saj, është i nevojshëm ndërtimi sa më i shpejtë i institucioneve të Kosovës, Kuvendit dhe Qeverisë, pas konstituimit të cilëve, duhet të punohet shumë më tepër për ta kompensuar kohën e humbur dhe rikthyer besimin e qytetarëve në institucionet e Kosovës.

Gjatë fjalimit të saj, Jahjaga theksoi rëndësinë e bashkëpunimit të shkëlqyeshëm të FSK-së me NATO-on dhe misionin e tij paqësor në Kosovë, KFORin,  si dhe me Gardën Nacionale të Shtetit Iowa të Shteteve të Bashkuara të Amerikës.

Kryeministri i Kosovës në detyrë, Hashim Thaçi, po ashtu ka deklaruar se një nga prioritetet e institucioneve të reja do të jetë transformimi i FSK-së në Forcat e Armatosura të Kosovës. “FSK-ja duke bashkëpunuar ngushtë me NATO-n dhe KFOR-in, sot është e gatshme të kryej të gjitha obligimet, brenda në Kosovë dhe po në rang të marrëveshjeve rajonale me shtetet përreth nesh, Shqipërinë, Maqedoninë, malin e Zi por edhe Kroacinë dhe Slloveninë ka thënë Thaçi dhe ka shuar se perspektiva euroatlantike e Kosovës, do të jetë një nga prioritetet e Qeverisë së re dhe kjo, sipas tij,  do të jetë një shembull i shkëlqyeshëm i kontributit të vendit tonë në paqen, stabilitetin dhe bashkëpunimin rajonal.

Ceremonia ushtarake përfundoi me parakalimin e njësiteve të specializuara të Forcës së Sigurisë së Kosovës para mysafirëve prezent, në kremtimin e 6 vjetorit të “Ditës së Forcës së Sigurisë së Kosovës”.

Për nder të 26 nëntorit, ditëlindjes së FSK-së, është inauguruar edhe ndërtesa e re e Ministrisë së Forcës së Sigurisë së Kosovës, ndërsa në mëngjes, para këtyre dy ceremonive, zyrtarët më të lartë të Kosovës e kanë vizituar Kompleksin Memorial  në Prekaz të Skenderajt, ku janë varrosur komandanti legjendar i Ushtrisë Çlirimtare të Kosovës, Adem Jashari dhe anëtarët e familjes së tij, të vrarë në mars të vitit 1998 nga forcat policore dhe ushtarake serbe.

PDK dhe LDK po shkojnë drejt finalizimit të marrëveshjes së koalicionit, sipas të cilës Isa Mustafa do të jetë kandidat i përbashkët për kryeministër, Kadri Veseli për kryeparlamentar dhe Hashim Thaçi për president, pas skadimit të mandatit të Jahjagës.

Profesori Arsim Bajrami sipas të gjitha gjasave nuk do të jetë kandidat i PDK’së për Kryetar të Kuvendit të Kosovës. Emri i tij pritet të zëvendësohet me atë të zëvendëskryetarit të partisë, Kadri Veseli.

Burime të Politiko.net bëjnë të ditur se gjithçka po shkon drejt asaj që Kadri Veseli të zgjedhet Kryetar i Kuvendit, ndërsa Arsim Bajramit t’i besohet drejtimi i një ministri.

Profesor Bajrami është angazhuar në harmonizimin e programit për arsim në kuadër të grupeve punues dhe duket se synimi i tij është që nesër ai të jetë Ministër i Arsimit, nëse kjo ministri do t’i takojë PDK-së dhe nëse për këtë do të pajtohej lidershipi i kësaj partie.

Në fillim në komisionin për Arsim, Shkencë dhe Teknologji PDK kishte caktuar Memli Krasniqin, por që ai është zëvendësuar më vonë nga Arsim Bajrami, i cili ishte kandidat i PDK-së për Kryetar të Kuvendit në seancën e fundit në të cilën nuk arriti të zgjedhet.

Ndryshe sipas marrëveshjes mes PDK-së e LDK-së posti i Kryeministrit do t’i takojë Isa Mustafës ndërsa ai i Presidentit, pas skadimit të mandatit të Presidentes Atifete Jahjaga, do t’i takojë PDK-së, e cila kandidat do të ketë Hashim Thaçin.

Politiko.net mëson se këto çështje janë diskutuar deri tash mes partnerëve të koalicionit ndërsa finalizimi i tyre në rast se nuk do të jetë ndonjë ndryshim pritet të bëhet përmes një marrëveshjeje të shkruar dhe të nënshkruar nga Hashim Thaçi e Isa Mustafa. /Politiko.net/

Isa Mustafa, ka thyer heshtjen disaditore të tij, duke deklaruar pas asnjë shenjë dyshimi se ai do të jetë Kryeministri i Kosovës.

Mustafa këtë deklaratë të shumëpritur e ka dhënë gjatë një interviste të shkurtër, derisa po dilte nga një takim me presidenten e Kosovës Atifete Jahjaga, për Kosovë Gjocin e Klan Kosovës.

“Unë do të jam kryetar i Qeverisë së Kosovës”, ka thënë Mustafa për Klan Kosova, transmeton Gazeta Blic.

Tutje, Mustafa nuk përmendi emra ministrash, sikur që janë publikuar në media ditëve të fundit.

Mbrëmë në Prishtinë është promovuar ribotimi i Vëllimit të parë të Revistës “Zani i Naltë”, botim i Komunitet Mysliman të Shqipërisë. Në këtë manifestim që u mbajt në Amfiteatrin e Fakultetit të Studimeve Islame, qenë të pranishëm prijësit më të lartë të tri komuniteteve islame shqiptare, Kryetari i Komunitetit Mysliman të Shqipërisë, Skender ef. Bruçaj, Reisi i Bashkësisë Fetare Islame të Maqedonisë, Sulejam ef. Rexhepi si dhe nikoqiri, Myftiu i Kosovës, Naim ef. Tërnava, në kujdesin e të cilit u mbajt ky aktivitet. Pasi i përshëndeti të pranishmit që qenë në numër të konsiderueshëm, përfshirë këtu personalet të shquara nga bota akademike, kulturore e fetare nga të gjitha trojet tona, Myftiu Tërnava përgëzoi  KMSH për punën që ka bërë me ribotimin e Vëllimit të parë të revistës "Zani i Naltë", në të cilin është përmbledhur botimi i tri viteve të para 1923-1925.

Për qëllimin dhe objektivat që kishte revista si organi i parë zyrtar i KMSH në gjuhën shqipe, Myftiu tha: "Misioni i revistës "Zani i Naltë" ishte hapja e rrugës dhe krijimi i hapësirës së duhur për emancipimin, përparimin dhe edukimin e drejtë e të duhur të masës së gjerë. E konceptuar si revistë fetare islame, ajo këtë mision madhor e kreu me sukses. Mirëpo, ajo nuk ngeli në kuadër të një reviste thjeshtë fetare, por shumë shpejt Zani Naltë u shndërrua në një tribunë të mendimit fetar, filozofik, kulturo e atdhetar, ku rreth vetës mblodhi penat më të njohura të kohës, të cilët përmes faqeve të kësaj reviste, u ofruan lexuesve kontribute nga disiplinat fetare islame dhe artikuj e studime të ndryshme me karakter filozofik, shkencor, historik, shoqëror, arsimor e kulturor, që i dhanë vlerë dhe e shquan këtë revistë nga të tjerat."

Kryetari i KMSH-së, Skender Bruçaj, përveç tjerash, tha: "Revista "Zani i Naltë", u themelua në vitin 1923 menjëherë pas ngritjes së institucionit të Komunitetit Mysliman, pas Kongresit të parë Mysliman Shqiptar. Botimi i saj ka zgjatur nga viti 1923 deri më 1939, kur Shqipëria hyri në një fazë tjetër historike, atë të Luftës së Dytë Botërore. Në këtë revistë, gjatë gjithë periodikut të saj vërehen tonet patriotike dhe atdhetare të shkruesve, të cilët lanë gjurmë të pashlyera me anë të shkrimeve të tyre.”

Kryetari i Bashkësisë Fetare Islame të Maqedonisë Sylejman Rexhepi tha "Revista  "Zani i Naltë" ka qenë dhe mbetet edhe sot që luan rolin e vet në shtimin e diturisë dhe emancipimin e popullit shqiptarë".

Referatin vlerësues  gjithëpërfshirës për historikun, rolin, veprimtarinë dhe rëndësinë që ka luajtur Revista "Zani i Naltë" në ngritjen e vetëdijes kombëtare e fetare e mbajti Resul ef. Rexhepi -sekretar i përgjithshëm i BIK, i cili, përveç tjerash, tha: "Përmbajtja e këtij vëllimi që po e promovojmë sot, sikundër edhe gjithë numrat e "Zanit të Naltë" paraqet një punë të shkëlqyer që ngërthen në vete vlera shumëdimensionale, si në aspektin kombëtar, fetar, kulturor, edukativ e historik. Kjo, sikurse shihet edhe në editorialin e numrit të parë të kësaj reviste, kishte qenë edhe qëllimi i drejtuesve dhe botuesit të kësaj reviste, ku thuhet se "Zani i Naltë" ka për qëllim: "...M'ia zbulue  popullit mysliman shqiptar të vërtetën e besimit në një mënyrë të thjeshtë e të pandërlikume..., si dhe me plotësue vllazninë ndërmjet të gjithë elementeve në Shqipni". Kjo me qëllim që, sikurse thuhet aty, "Me forcue themelet e nji politikes së shëndoshtë e të thjeshte  kombëtare në Shtetin tonë". Që nga numri i parë e deri në numrin e fundit që doli në vitin 1939, drejtuesit e revistës "Zani i Naltë" i mbeten besnik dhe i kultivuan këto parime të shenjta e madhore.

Ndërkaq, drejtori për kulturë pranë KMSH-së, Genti Kruja u shpreh se Aktivitete të tilla si ky i sotmi, marrin një rëndësi të veçantë për arsye se tregojnë edhe një herë para mbarë opinionit publik, se rruga jonë është dhe duhet të jetë gjithmonë rruga e dijes dhe e urtësisë, e librit dhe e kulturës, si një hallkë lidhëse dhe e vazhdueshme në zinxhirin e hapave dhe gjurmëve që na lënë hoxhallarët dhe dijetarët tanë të urtë e të ditur, paraardhësit dhe prijësit tanë myslimanë, të cilët ishin edhe plejada e fundit e rilindësve shqiptarë, të cilët me përkushtimin, devotshmërinë dhe punën e tyre bënë që ne sot pas shumë vështirësive, luftërave dhe persekutimeve nga më të egrat që ka parë shekulli XX, të trashëgojmë një pasuri të rrallë kulturore dhe studimore siç është edhe “Zani i Naltë”, një za, një zë kumbues i të vërtetës së pandryshueshme dhe të përhershme të dijes dhe mesazhit që ai përcjell, nën dritën e pashtershme të fjalës së parë hyjnore të librit të fundit qiellor “Lexo”.

Prijësit e tri bashkësive fetare islame shqiptare shprehen gatishmërinë që bashkërisht ta ribotojnë komplet kolonën e Zanit të Nalët" në 10 vëllime.
Të pranishmit në këtë aktivitet ndoqën edhe Filmin dokumentar "90 vjet Zani i Nalt" të përgatitur nga produkcioni i KMSH-së./bislame/

Mbi 15 mijë gra dhe vajza janë vrarë në Siri që nga viti 2011 kur filloi lufta civile në këtë vend, raporton Anadolu Agency (AA).

Organizata për Monitorimin e Respektimit të Drejtave të Njeriut në Siri (SNHR), me rastin e 25 nëntorit, Ditës Ndërkombëtare Kundër Dhunës ndaj Grave publikoi një raport ku thuhet se që nga marsi 2011 në Siri janë vrarë mbi 15.372 gra, duke përfshirë edhe 4.194 vajza të mitura.

Në mesin e viktimave 641 gra janë vrarë nga snajperistët apo gazrat toksike, ndërsa, siç thuhet në raport, gratë përbëjnë gjashtë për qind të numrit të përgjithshëm të të vrarëve në Siri.

SNHR po ashtu ka theksuar se pjesëtarët e organizatës ISIL në qytetet siriane Hama, Deyru'Zota dhe Rakka vranë 81 femra, në mesin e të cilave pesë ishin vrarë me gurë.

Më 25 nëntor 1997 forcat e Ushtrisë Çlirimtare të Kosovës të drejtuara nga komandanti legjendar, Adem Jashari, sulmuan forcat e policisë në Vojnik të Skënderajt, të cilat u tërhoqën, duke lënë të vrarë dhe të plagosur.

Të nesërmen me 26 nëntor, një ekspeditë ndëshkimore me 10 automobila e mjete të tjera të motorizuara u drejtuan për në ketë fshatë, ku UÇK prapë i sulmoi dhe pas katër orë luftimesh të rrepta, forcat e policisë u tërhoqën të përgjakura.

Në tërheqje e sipër, forcat serbe, të egërsuara nga goditjet që u kishte dhënë UÇK, filluan të qëllojnë majtas e djathtas pa mëshirë kundër kujtdo që shihnin dhe në fshatin Llaushë ata vranë mësuesin Halit Geci në derë të shkollës, i cili u varros me një ceremoni të madhe më 28 nëntor 1997.

Në këtë ceremoni varrimi, ku morën pjesë mijëra qytetarë nga mbarë Kosova, u bë dalja e parë publike e UÇK-së.

Ish luftëtari i UÇK-së dhe ish pjesëtari i TMK-së, Hajredin Sejdiu, tash dhjetë vjet siguron kafshatën e gojës duke mbledhur ato që të tjerët i hedhin nëpër kontejnerë.

Ai sot më shumë ia ka frikën dimrit, sesa luftës dikur. Ai që dikur qëndronte stoikisht në front përballë armikut si ushtar i UÇK-së dhe që deri para 10 vitesh ecte nëpër qytet në uniformën e TMK-së, sot kacavaret nëpër kontejnerë e rrugëve të Gjilanit, për të gjetur ndonjë copë buke për t’ua çuar në shtëpi fëmijëve, ose ndonjë metal për ta shitur në hekurishte.

I tillë është fati i Hajredin Sejdiut, i cili asesi të gjejë një punë të dinjitetshme, kurse krenaria nuk e lejon të kërkojë lëmoshë, andaj siguron ekzistencën e familjes duke mbledhur hekurishte dhe gjësende të tjera nëpër kontejnerë.

“Hedhurinat nuk bëjnë shumë para, sepse ato blihen me kile, por mbetet diçka prej tyre. Ne fukarenjtë mjaftohemi edhe me pak”, thotë Sejdiu, shkruan Kosova Sot.

Ai thotë se me rëndësi është që kur të shkojë në mbrëmje në shtëpi, t’u çojë bukë fëmijëve që të mos flejë të uritur.

Thotë se vështirë ia del, sepse nuk mund të sigurojë para për ilaçet e gruas së sëmurë.

Hajredini më shumë i frikësohet dimrit, sesa luftës.

Thotë se për të dhe fëmijët e tij, që banojnë në njërin nga dy objektet e banimit social, dimri do të jetë shumë i vështirë.

“Verës ia bëj disi, sepse mund të gjendet diçka nëpër kontejnerë, kurse dimrit nuk gjejmë diçka që vlen”, thotë ai.

Një skandal i vërtetë mund të cilësohet ky lajm, por se është i vërtetë dhe ekziston si fenomen, ku gratë nga Shqipëria e Veriut shiten për 500 euro tek maqedonasit, madje edhe të shkuar në moshë.

Një histori të tillë e ka sjellë në vëmendje gazeta maqedonase "Dnevnik", ku thekson se të moshuar maqedonas marrin gratë shqiptare të reja nga zonat e veriut të Shqipërisë, duke paguar jo shumë para, transmeton Zhurnal.

Bashkëbiseduesit e gazetës tregojnë se njohja me nuset shqiptare bëhet përmes ndërmjetësuesve.

Madje, një fenomen i tillë për shumë persona është shndërruar edhe në një biznes përfitimi material.

Mësohet se në kërkim të nuseve shqiptare, për beqarët maqedonas, janë vënë edhe krerët e komunave.

Një nga ta është kryetari i Komunës Makedonski Brod Milosim Vojneski, i cili thotë se ka kontakte të vazhdueshme me shkues nga Korça.

Ai është i interesuar t’u gjejë nuse rreth 200 beqarëve nga kjo komunë, ku tashmë janë regjistruar rreth 80 martesa me nuse nga Shqipëria.

Madje, shumica e nuseve shqiptare janë të deklaruara si myslimane, por se ata s'e kanë problem kurorëzimin më tej në kishë.

Raste të ngjashme në shtyp janë publikuar edhe më parë, kur nuset shqiptare blihen, jo vetëm nga maqedonasit, por edhe nga serbët, përgjithësisht të shkuar në moshë.

Kabineti i Izraelit miratoi një projektligj të ri me anë të të cilit shteti perceptohet si një shtet çifut.

Sipas projektligjit parashikohet që ligjet në Izrael të rregullohen duke u frymëzuar nga ligjet fetare dhe që gjuha arabe të nxirret nga të qenit gjuhë e dytë zyrtare.

Ky projektligj që përjashton arabët, të cilët përbëjnë 20% të popullatës së Izraelit, nga ana e organizatave të të drejtave të njeriut cilësohet si një hap drejtë fashizmit.

Madje edhe partitë e moderuara të djathta që janë partnere të koalicionit qeverisës dolën kundër këtij projektligji. Që projektligji të ratifikohet është e nevojshme të miratohet edhe në Knesset, parlamentin e Izraelit.

Të gjitha skenaret që propozojnë zgjedhjen e problemit izralito-palestinezë me dy shtete ose me një shtet të vetëm, me vete sjellin edhe rregulloren me anë të të cilës do të njihen identitetet arabe dhe çifute.

Me mijëra spanjollë manifestuan në Madrid për t’i kërkuar qeverisë që të përmbushë angazhimin e tij për të ngushtuar të drejtat e femrave për të abortuar.

Duke mbajtur flamuj që kishin sloganin “Çdo jetë vlen!”, manifestuesit parakaluan në kryeqytet, duke fërshëllyer me zemërim ndërkohë që kalonin para selisë së Partisë Popullore (PP, konservatorë), sipas gazetarëve në terren.

“Abortues, vrasës!”, bërtisnin disa. “Po jetës, jo aborit!”, therrisnin disa të tjerë.

Kryeministri spanjoll, Mariano Rajoy, kishte premtuar para se të zgjidhej në vitin 2011 se do të forcojë ligjin mbi abortin, por hoqi dorë nga ky projekt në shtator për shkak të mosmarrëveshjeve mbi këtë çështje brenda partisë së tij.

Kjo tërheqje ka ngjallur zemërimin e shumë përkrahësve të tij, që kërcënojnë se nuk do të votojnë më për atë në zgjedhjet e ardhshme të përgjithshme, të parashikuara në dhjetor 2015./trt/

Një palestinez është vrarë nga të shtënat e forcave izraelite në Rripin e Gazes, raporton Anadolu Agency (AA).

Ky është incidenti i parë që ka ndodhur në tre muajt e fundit që kur Izraeli dhe grupet palestineze të rezistencës arritën një marrëveshje për armëpushim në enklavën e rrethuar palestineze.

32 vjeçari Fadil Halawa u qëllua nga ushtari izraelit në Gazën Veriore. bëri të ditur zëdhënësi i Ministrisë së Shëndetësisë Ashraf al-Qodra.

Ushtria e Izraelit ende nuk ka komentuar ngjarjen.

Marrëveshjen e armëpushimit ndërmjet dy palëve u arrit më 26 gusht në Kajro, me të cilën ka përfunduar ofenziva Izraelite në Rripin e Gazës.

Në sulmet e forcave izraelite që zgjatën nga 7 korriku, janë vrarë 2.160 palestinez, shumica civilë, ndërsa mbi 11.000 të tjerë janë plagosur.

Zyrtarët e Lidhjes Demokratike, e ata të Partisë Demokratike, vazhdojnë të kenë qëndrime të ndryshme për postin e kryeministrit. Burime të Televizionit Rrokum brenda grupeve punuese për ndarjen e resorëve dhe planin qeverisës, thonë se posti i kryeministrit nuk është definitiv.

Sipas këtij burimi, pozita e të parit të qeverisë po diskutohet. Dhe, nëse kryeministër do të jetë kryetari i LDK-së, Isa Mustafa, atëherë PDK do të ketë tetë ministri, ndërsa LDK shtatë. Katër ministri do t’ju jepen partive minoritare.

Por, në rast se PDK nuk lëshon pe dhe vazhdon të insistojë që Hashim Thaçi të mbetet kryeministër, atëherë ai do të drejtojë Qeverinë edhe për dy vjetët e ardhshme, derisa presidentes aktuale, Atifete Jahjaga, t’i kalojë mandati. Pastaj, më 2016 Thaçi kandidon për postin e presidentit, e në karrigen e kryeministrit vendoset Isa Mustafa apo Lutfi Haziri.

Rrokum ka siguruar edhe disa nga emrat e mundshëm për ministra, të cilët janë diskutuar në takimin e fundit të grupit punues.

Disa prej ministrave të ardhshëm të qeverisjes PDK-LDK janë: Bardhyl Meta (ministër i Zhvillimit Ekonomik), Sadri Ferati (ministër i Punës dhe Mirëqenies Sociale), Valon Murtezaj (ministër i Punëve të Jashtme), Skender Hyseni (ministër për Integrime Evropiane).

Grupi punues ka mbetur të vendos ndërmjet dy emrave për ministër të Shëndetësisë - Bekim Haxhiun apo Bajram Rexhepin.

Blerand Stavileci do të mbetet ministër i Bujqësisë ose i Administratës Publike. Memli Krasniqi, aktualisht ministër i Kulturës, ka mundësi të mbetet aty ku është, megjithëse kjo Ministri mund të jetë një nga katër ministritë që mund t’ju takojë minoriteteve.

Agim Çeku do vazhdojë të mbetet ministër i Forcës së Sigurisë. Ndërsa, Ministria e Arsimit po synohet t’i besohet Ferid Aganit - kryetar i Partisë së Drejtësisë.

Grupet punuese do të mblidhen të hënën. Rrokum po ashtu mëson se seanca për përmbylljen e konstituimit të Kuvendit nuk do të mbahet mbajt deri në fund të javës që vjen, përkatësisht deri në ndarjen e tanë resorëve ministrorë. /Rrokum/

KUSH JANË MINISTRAT E ARDHSHËM by RrokumTelevision

Për më shumë se shtatë orë, 57 punëtorë të Minierës “Trepça” kanë mbetur të ngujuar brenda në minierë.

Minatori Shefqet Cimili që doli me grupin e tretë të këtyre punëtorëve nga horizontet nëntokësore të “Trepçës”, u ankua për mungesë ushqimi e uji.

“Nuk ka pasë as ushqim, s’ka pasë as ujë. Më ka mungu gjithçka, po shyqyr që dolëm”, tha Cimili.

Ai doli me liftin me të cilin transportohet xehja. Dalja me një lift të tillë është shumë e mundimshme, pasi nuk është i dizajnuar për njerëzit. Minatorët gjatë tërë rrugës që i nxjerrin mbi sipërfaqe qëndrojnë të kërrusur.

Çdo dalje e minatorëve shoqërohet me duartrokitje të njerëzve që po qëndrojnë para hyrjes së minierës.

Ismet Hajzeri, njëri nga minatorët e ngujuar tha: “I kanë pasë disa vështirësi të vogla, por minatorët janë mësuar me to, kështu që po vazhdojnë me dalë. Gjendja e minatorëve është e mirë”, tha Hajzeri.

Drejtori i “Trepçës”, Ahmet Tmava, tha se problemi i sotëm ndodhi për shkak të teknologjisë së vjetruar. /kallxo.com/

Drejtoria për çështje religjioze pranë Qeverisë turke mbrëmë paralajmëroi se do të ndërtojë xhami në kampusin e secilit universitet shtetëror në vend.

“Në proces të ndërtimit janë xhamitë në mbi 80 universitete. Pesëmbëdhjetë prej tyre tashmë janë të hapura për besimtarët dhe do të hapim 50 të tjera gjatë vitit 2015″, deklaroi Mehmet Gurmez, shef i Drejtorisë për çështje të religjionit.

“Ka 20 milionë të rinj në vendin tonë dhe ne dëshirojmë të mund të arrijmë tek secili prej tyre”, sqaroi Gurmez, cituar nga Anadollia.

Sipas tij, imamët të cilët marrin rroga nga qeveria në pajtim me ligjet në Turqi, do të jenë përgjegjës që në çdo xhami t’u ofrojnë ndihmë të rinjve të cilët janë në gjendje të rëndë.

“Ne u kushtojmë rëndësi të madhe xhamive nëpër universitete. Kjo është mënyra e vetme që xhamitë të kthehen në jetën, qytetet dhe zemrat e njerëzve tanë”, potencoi Gurmez.

Për disa orë kanë mbetur 50 minatorë të bllokuar në minierë.

Bllokimi ka ndodhur si pasojë e prishjes së liftit që përdoret për transportin e punëtorëve.

Klan Kosova raporton se nuk ka të lënduar dhe se po bartja e punëtorëve do të bëhet me makinat me të cilat nxirren jashtë xehet.

Ndër karakteristikat e fshatit Bresanë është edhe tradita që ka në ruajtjen e kultivimit të vlerave kombëtare dhe fetare.

Si karakteristikë është edhe fakti se është ndoshta ndër fshatrat e rrallë që ka dy xhami. Njëra ndër to, e ndërtuar së voni, llogaritet si më e madhja në trojet shqiptare, dhe jo vetëm.

Arsyeja e ekzistimit të dy xhamive, sipas imamit Kasam Muhameti, është sepse sidomos pas vitit 1990 filloi të shtohej xhemati në xhaminë e vjetër, transmeton Telegrafi.

“Në mungesë hapësire të mjaftueshme për xhematin e shumtë, në vitin 1994 lindi ideja që namazi i xhumasë të falej në xhami në dy grupe, e po kështu të veprohej edhe për namazet e muajit të Ramazanit dhe gjatë festave fetare”, thotë Muhameti.

Insistimi për të ndërtuar edhe një xhami, sipas tij, u shtua shumë, por nuk u arrit të mblidheshin forca për t’ia filluar kësaj pune, mbase edhe për shkak se ishte kohë trazirash,kur pas pak do të shpërthente edhe lufta në Kosovë dhe në vitin 1999 do të dëbohej me dhunë nga okupatori serb popullata e të gjitha fshatrave të Opojës.

Pas luftës, me rikthimin në vatrat e tyre, përkatësisht më 2001 u mor vendimi nga udhëheqësit e fshatit dhe xhemati që të mobilizoheshin për të nisur ndërtimin e xhamisë së re aty ku ishte paraparë që në vitin 1995.

Më 2002, përkatësisht më 26 gusht 2002 ndodhi “mrekullia” dhe Bresana mblodhi forcat për t’i vënë gurthemelin xhamisë së re, natyrisht pasi ishin siguruar mjete materiale nga vetë xhemati.

Sipas Muhametit, me kontributin e xhematit filloi ndërtimi i bazës së xhamisë. Muret dhe kubetë e xhamisë mbetën pa u ngritur për një kohë të gjatë për shkak të mungesës së mjeteve.

Ai shton se më 2006, Kryesia e Bashkësisë Islame të Kosovës gjithashtu siguroi një fond për muret dhe kubetë e xhamisë së re, por ato nuk u punuan sepse projekti kërkonte investim më të madh.

“Ky fond ishte i pamjaftueshëm për t’u vënë në funksion xhamia, sepse kishte mbetur pa dyer e dritare, muret ishin të palyera brenda dhe jashtë, nuk kishte rrjet elektrik dhe as qilima në dysheme. Megjithatë, nga viti 2007 xhemati filloi të falte namazin e xhumasë dhe ato për festa fetare”, thekson imami Muhameti.

Ndërkaq, shton ai, në shtator të vitit 2009 u organizuan një grup për të punuar dhe për investime në xhaminë e re.

Kjo iniciativë, sipas tij, u mbështet dhe u përkrah fuqishëm nga xhemati, saqë disa prej tyre shitën tokë për të kontribuar në xhami, disa nga xhemati dhanë kontribut edhe në vlera: 5000, 10000, 15000, 20000 eurosh, por pati edhe të tillë që kontribuuan edhe në vlerë prej 30000 eurosh.

“Në nëntor të vitit 2009 u hap solemnisht xhamia e re me brendinë e xhamisë të gatshme për t’u falur xhemati, u vu gurthemeli i dy minareve dhe ato u ngritën dhjetë metra. Megjithëkëtë, për shkak se bëheshin punime edhe në oborr të xhamisë – në xhami faleshin vetëm xhumatë”, bënë të ditur Kasam Muhameti.

Sipas imamit të xhamisë, tashmë xhamia posedon edhe automjetin për transportimin e kufomave.

Gjithashtu, aty janë rregulluar edhe parkingu, oborri dhe fontana. Në xhami është i instaluar edhe uji alternativ, që zakonisht përdoret për mirëmbajtjen e hapësirës së gjelbëruar. Kjo xhami me respekt mban emrin e mësuesit të nderuar të këtyre trevave, myderriz Rexhep Ismaili.

“Është xhamia më e veçantë në trojet shqiptare, sepse është më e madhja dhe e vetmja deri tash me katër minare”, thotë imami Muhameti.

Ai, thotë se në këtë kontribut gjithashtu nuk duhet harruar as mbështetja e kuvendit komunal, i cili gjithmonë i ka përkrahur.

“Në të dy xhamitë aktualisht mësimet islame i vijojnë më shumë se treqind nxënës filloristë e të rritur”, përfundon Muhameti. /Telegrafi/

[youtube height="400" width="100%" align="none"]https://www.youtube.com/watch?v=Bwzuk2D8ihw[/youtube]

Nën udhëheqjen e Partisë më të madhe opozitare në vend Partia Demokratike dhjetra parti politike, sindikata të pavarura dhe shoqëria civile janë mbledhur përpara godinës së qeverisë për të protestuar kundër qeverisë, raporton Anadolu Agency (AA).

Përpara godinës së bashkisë së Tiranës aty ku ishin mbledhur qindra mijëra njerëz nën udhëheqjen e liderit të Partisë Demokratike Lulzim Basha dhe ish liderit të kësaj force politike Sali Berisha u mblodhën në sheshin Skënderbeu dhe marshuan drejt godinës së qeverisë aty ku ishte ngritur edhe një skenë ku dhjetra qytetarë ndanë problemet e tyre me njerzit që ishin mbledhur.

Qytetarët janë mbledhur për të protestuar siç pretendojnë ata kundër rritjes së taksave në përgjithësi si dhe mos realizimin e premtimeve elektorale nga ana e qeverisë aktuale.

Protestuesit kanë ngritur pankarta me mbishkrime ku injorizohej qeveria për premtimet e dhëna si dhe kanë kundërshtuar veprimet e fundit të policisë së shtetit duke i thënë “jo shtetit policor”.

Lideri Demokrat Lulzim Basha në fjalimin e tijë para qindra mijëra qytetarëve ka thënë se kjo është një qendresë dhe një tregim se veprimet që ben Kryeministri i Shqipërisë do të hasin në një pengesë të madhe.

“Ne jemi në shesh ndërsa ai ka zgjedhur që sot të futet në bunkierin e Enver Hoxhës për tu fshehur” tha Basha.

Basha në fjalën e tij tha që ka ardhur në këtë shesh pasi është konsultuar me shumë njerëz në rrethe të cilët janë përpara shumë padrejtësive.

Basha në fjalën e tij gjithashtu ka thën se kundër premtimit të tyre për një Shqipëri me duar të pastra dyshja Rama Meta sollën shtetin policor.

Basha në vazhdim të fjalës së tij i ka bërë thirrje Kryeministrit Rama të mos luaj me durimin e qytetarëve dhe ti japë fund qeverisjes imagjinare.

Ai kundërshtoi rritjen e taksave duke i thënë kryeministrit se kjo gjë nuk ka për ti shërbyer ekonomisë së vendit dhe se kjo është nje mbushje e buzhetit pa menduar.

Nga ana tjetër Kryeministri Rama ka ironizuar protestën e sotme të opozitës në faqen zyrtare të tij në rrejtin social Facebook.

Rama duke postuar një fotografi ku shihet një shtepi e cila ështe pa leje dhe e ndërtuar mbi trotuar. Shtepia në fjalë sipas Ramës e merr energjinë elektrike pa leje nëpërmjetë shtyllës së ndrisçimit të rrugës të cilën e kanë bërë pjesë të shtëpisë.

Kjo është protesta e katërt e opozitës shqiptare e drejtuar nga lideri i ri i saj Lulzim Basha.

Basha duket se ka kaluar provën e protestës me sukses pas akuzave se në krye të partisë gjendet akoma ish lideri i kësaj partie Sali Berisha.

Ndërkohë që qindra forca policore kanë rrethuar sheshin përpara Kryeministrisë për të siguruar këtë protestë pranë godinës së qeverisë janë vënë re vetëm police femra. Taktikë e cila është ndjekur shpesh nga policia shqiptare kohët e fundit./AA/

Parlamenti Evropian ka ndërmarrë një tjetër nismë për njohjen e Palestinës si shtet i pavarur.

Eurodeputeti socialist francez, Gilles Pargneaux, ka paraqitur për votim një projektrezolutë, që parashikon njohjen e ekzistencës së Palestinës si shtet dhe që do të diskutohet gjatë seancave të javës së ardhshme.

Në rast se projektrezoluta përfshihet në agjendën e punimeve të PE-së, votimi do të bëhet më 27 nëntor.

Pargneaux, anëtar i Komisionit të Marrëdhënieve të Jashtme në Parlamentin Evropian, në një postim të tijin në një rrejt social, deklaron se PE-ja mund të kontribuojë në zgjidhjen e konfliktit izraelito-palestinez, duke njohur Palestinën si shtet.

"Parlamenti Evropian duhet të veprojë menjëherë për zgjidhjen e problemit në fjalë", shkruan deputeti francez në postimin e tij.

Miratimi i projektrezolutës së sipërcituar, ku parashikohet njohja e Palestinës nga Parlamenti Evropian, mbart rëndësi nga pikëpamja simbolike, pasi shërben më tepër për ta ngritur dhe mbajtur gjallë këtë çështje në agjendat e qeverive të shteteve anëtare të BE-së.

Socialistët francezë në mazhorancë paraqitën të premten një projektrezolutë për njohjen e Palestinës, një nismë kjo që pason të tilla të ngjashme në Angli, Spanjë, Irlandë dhe Suedi. Në rast se rezoluta e paraqitur në Parlamentin e Francës do të përfshihet në agjendën e punimeve, parashikohet që të diskutohet më 28 nëntor dhe të votohet më 2 dhjetor./trt/

Selia e Degës së parë të LDK-së në Prishtinë, në lagjen Kodra e Trimave, ka qenë cak i një sulmi nga persona tash për tash të panjohur.

Zyra e kësaj dege, e cila ndodhet në rrugën “Vëllezërit Fazliu” është sulmuar në orët e hershme të mëngjesit të së shtunës.

Policia ka dalë në vendin e ngjarjes dhe ka bërë hetimin e këtij rasti. Përveç thyerjes së xhamave nuk ka pasur dëme tjera materiale, transmeton RTK.

Ky akt vandal vjen një ditë pasi kjo degë nëpërmjet një njoftimi është shprehur kundër marrëveshjes së koalicionit PDK-LDK. Megjithatë, kryetari i kësaj dege, Ismet Beqiri, ka reaguar menjëherë dje kundër njoftimeve se Dega I e partisë së tij ka reaguar kundër koalicionit PDK-LDK.

Ai ka thënë se kjo degë nuk është takuar fare dhe rrjedhimisht nuk ka pasur mundësi të ketë reagim të saj.

Pamjet filmike janë realizuar nga gjermanët në qytetin e Prizrenit gjatë Luftës së Dytë Botërore, ku Shqipëria (Kosovë), ishte pushtuar nga Gjermania Naziste.

Kosova në këtë video paraqitet një vend oriental i prapambetur ku edhe sfondi i muzikës është i zhanrit oriental. /Zeri/

[youtube height="400" width="100%" align="none"]https://www.youtube.com/watch?v=1TfFdXlfRaE[/youtube]

Qeveria palestineze ka marrë një propozim nga Katari, i cili ka për qëllim të sigurojë 20.000 vende pune palestinezëve nga Rripi i Gazës, raporton Anadolu Agency (AA).

Ministri i Palestinez i Punës, Mamoun Ebu Shahla, tha për Anadolu Agency (AA) se Doha ka paraqitur një plan për punsimin e 20.000 banorëve të Gazës.

Detajet e propozimit për punësimin e palestinezëve do të diskutohen gjatë vizitës së ministrit në Katar në një kohë sa më të shkurtër, shtoi Abu Shahla.

Ministri po ashtu shtoi se propozimi synon lehtësimin e krizës së papunësisë në Rripin e Gazës së bllokuar, ku përqindja e papunsisë kaloi 65 për qind, që nga koha kur forcat izraelite filluan sulmet intensive këtë verë.

Përqindjen e papunësisë e vërtetoi një organizatë palestineze joqeveritare që angazhohet për lirimin e rrethimit të Rripit të Gazës dhe po ashtu vuri në dukje se përqindja e të varfërve në Rripin e Gazës, pas ofanzivës të përgjakshme ka arritur në 90 për qind.

Edhe para ofensivës fundit, Gaza ka qenë nën bllokadë izraelite dhe sulmeve nga deti, toka dhe ajri, që nga viti 2006.

Bllokada është ashpërsuar pas vitit 2007 lëvizja palestineze Rezistenca e Hamasit morën kontrollin e territorit bregdetar nga rivalet e Fatahut.

Kryetari i Lëvizjes Vetëvendosje, Albin Kurti, ka thënë se me marrëveshjen në parim për qeverisja të vendit nga PDK-ja dhe LDK-ja, nuk u diskutuan koalicionet por pozita e kryeministrit.

“Këta ishin dy trupa, një karrige, pa asnjë tru”, është shprehur ai, derisa ka shtuar se qeverinë këto dy parti e kanë ndarë si me thikë.

Sipas tij në këtë marrëveshje ka ndikuar ambasadorja amerikane, Tracy Jacobson.

Kurti në një konferencë për medie të mbajtur të enjten, ka thënë se është i bindur që Jacobson i ka premtuar Mustafës mbylljen e lëndëve që Komuna e Prishtinës, i ka dorëzuar në Prokurori kundër tij, përcjell koha.net.

“Mbrëmë ka pasur pazar me dosje, nuk e nguci PDK-ën edhe militantët e SHIK-ut, krimin e organizuar e korrupsionin e tyre e ato 70 lëndë të futen në frigorifer në mënyrë që të mos fillojë veprimi lidhur me to që mund të qoj të përgjegjësia e Mustafës”, ka thënë Kurti.

Një amerikan ka bërë një eksperiment shumë interesant. Duke qëndruar para Universitetit “Berkeley” në Kalifornia, ka valëvitur flamurin e ISIS-it. Derisa mbante në dorë këtë flamur, fliste kundër Amerikës dhe lavdëronte ISIS-in. Askush nuk e sulmoi dhe as që ia tha ndonjë fjalë të keqe, përkundrazi, pati edhe që i uruan fat.

Pas pak, i njëjti mori flamurin e Izraelit dhe filloj ta valëviste. Një numër i madh i njerëzve e kundërshtojnë dhe e sulmojnë verbalishtë./Shembulli/

[youtube height="400" width="100%" align="none"]https://www.youtube.com/watch?v=kCBINSWCiAE[/youtube]

Sot rreth orës 12:00 i është hequr masa e arrestit shtëpiak anëtarit të LISBA-së, Fuad Ramiqit, njofton Radio Pendimi.

Anëtari i LISBA-së është liruar nga arresti shtëpiak pa ndonjë kusht. Lirimi i tij është i plotë dhe ai nuk ka asnjë ndalesë.

Fuad Ramiqi ishte arrestuar me 17 shtator me grupin e 13 të arrestuarve, ku shumica prej tyre ishin hoxhallarë, të akuzuar për terrorizëm dhe prishje të rendit kushtetues.

Qytetarët kanë mendime të ndryshme sa i përket arritjes së koalicionit të mbrëmshëm në mes të Partisë Demokratike të Kosovës (PDK) dhe Lidhjes Demokratike të Kosovës (LDK).

Disa qytetarë të anketuar nga KosovaPress-i thonë se ky koalicion iu ka dashtë vendit tash e shumë kohë, por të tjerët mendojnë se ky koalicion është i dëmshëm për shtetin.

Shpëtim Statovci mendon se ky koalicion mund ta qoj vendin përpara.

“Qaj koalicion iu ka deshtë Kosovës. Me atë koalicion mundet me shku përpara se këto tjerat janë ma të vogla, kanë deputet ma shumë, munden me arrit më shumë, qaj është i mundshëm, e kemi prit”, ka thënë ai.

Mirëpo, Bekim Gashi mendon krejt ndryshe. Sipas tij, ky koalicion është tradhti nga Isa Mustafa.

“Unë e vlerësoj shumë të dëmshëm dhe kjo është një tradhti prej anës së LDK-së, prej Isa Mustafës - kaq mund të them. Nuk mund të jetë ky koalicion i qëndrueshëm”, ka theksuar ai.

Kurse, Selvije Zeneli, një qytetare tjetër thotë se e rëndësishme është që vendi të dalë nga kriza.

“Vallahi ishalla ju shkon mbarë, edhe na kem qef. Nashta edhe formohen se u bë boll që 6 muaj, ndoshta është edhe fundi”, ka deklaruar ajo.

Por, ka edhe qytetarë që janë shprehur skeptik me formimin e koalicionit PDK-LDK.

Adhurim Maka thotë se nuk ka vlerësim të qartë rreth këtij koalicioni që tashmë pritet t’i formoj edhe institucionet.

“Nuk e di, nuk kam koment, nuk e di, 5 muaj me prit, 5 muaj pa ditë çka me bo në fund ndodhi ajo që është dashtë me ndodh në fillim ose nuk e di”, ka thënë ai.

Ndërsa, Tefik Avdurrahmani thotë se ky koalicion është dashtë me ndodh tash e shumë kohë më parë.

“E vlerësoj shumë të mundshëm sepse ashtu është dashtë me qenë para kohe dhe tash me vonesë, këtë që e kanë formu nuk më ka ardh mirë. Para zgjedhjeve është dashtë bashkimi me ndodh jo pas zgjedhjeve”, është shprehur ai.

Këto mendime të qytetarëve kanë ardhur pas arritjes së koalicionit të mbrëmshëm në mes të PDK-së dhe LDK-së për nxjerrjen e vendit nga kriza politike pas zgjedhjeve të 8 qershorit, ku shumicën e votave e kishte marrë PDK-ja por që nuk kishte vota të mjaftueshme në kuvend për t’i formuar institucionet e shtetit. /KP/

Isa Mustafa do të udhëheq ekzekutivin e vendit në koalicionin në mes të Lidhjes Demokratike të Kosovës dhe Partisë Demokratike të Kosovës.

Posti i kryeministrit Mustafës do t’i takojë në bazë të marrëveshjes për koalicion të arritur sonte në mes të lideri të PDK-së, Hashim Thaçi dhe atij të LDK –së, me ndërmjetësimin e Ambasadores amerikane Tracy Ann Jacobson dhe Presidentes Atifete Jahjaga.

Lideri i PDK-së, Hashim Thaçi, do të bëhet President i Kosovës në vitin 2016, atëherë edhe kur i përfundon mandati presidentes aktuale, Atifete Jahjaga.

Marrja e postit të presidentit nga Thaçi është përfolur në vazhdimësi si një mundësi, në rast se do të arrihej marrëveshja PDK-LDK, e cila edhe u arrit sonte, transmeton express.

Pas situatës politike të krijuar në vend, e sidomos pas asaj që ndodhi mes Bllokut, LDK ka këmbëngulur se në qeveri do të jetë vetëm me postin e kryeministrit.

Ndërkaq për "lëshimin" e këtij posti, kishte kohë që PDK pati dhënë shenja.

Derisa LDK kishte si kusht Kryeministrin, PDK në anën tjetër kishte kusht të jetë në qeverisje.

Lideri i PDK-së, Hashim Thaçi dhe ai i LDK-së, Isa Mustafa, sonte kanë bërë marrëveshje për koalicion qeverisës. Marrëveshja është bërë në zyrën e Presidentes Atifeta Jahjaga dhe në praninë e Ambasadores së SHBA-së, Tracey Ann Jacobson.

Arritjen e marrëveshjes e ka konfirmuar presidentja Jahjaga përmes një postimin në facebook pa bërë të ditura detajet e marrëveshjes.

Lexojeni të plotë komunikatën e presidentes Jahjaga në Facebook:

Presidentja e Republikës së Kosovës, zonja Atifete Jahjaga, ka pritur sonte në një takim të përbashkët me kërkesën e tyre kryetarin e Partisë Demokratike të Kosovës, zotëri Hashim Thaçi dhe kryetarin e Lidhjes Demokratike të Kosovës, zotëri Isa Mustafa, në kuadër të përpjekjeve për krijimin e institucioneve të Kosovës. Në takim, me ftesën e Presidentes Jahjaga, mori pjesë edhe ambasadorja e Shteteve të Bashkuara të Amerikës, Tracey Ann Jacobson.

Në takimin e zhvilluar në Zyrën e Presidentes, me nismën e dy liderëve, zotëri Thaçi dhe zotëri Mustafa u pajtuan në parim për ndërtimin e koalicionit ndërpartiak ndërmjet Partisë Demokratike e Kosovës dhe Lidhjes Demokratike të Kosovës për të ndërtuar institucionet e Republikës së Kosovës, konform Kushtetutës dhe vendimeve të Gjykatës Kushtetuese.

Të dy liderët politikë theksuan përkushtimin e tyre për përmbylljen e shpejtë të procesit të ndërtimit të institucioneve në bazë të Kushtetutës, vendimeve të Gjykatës Kushtetuese dhe parimeve kushtetuese që ruajnë karakterin shumetnik të Republikës së Kosovës, përmbushin obligimet ndërkombëtare të rendit dhe ligjit dhe forcimit të rrugës euroatlantike të vendit tonë.

Presidentja Jahjaga si faktor i unitetit dhe garantuese e funksionimit demokratik të institucioneve të Kosovës do të vazhdojë të luaj rolin lehtësues në përputhje me Kushtetutën e Republikës së Kosovës në këtë proces.

Së shpejti, rreth 4500 besimtarë myslimanë do kenë mundësi të luten në xhaminë e madhe, që do të ndërtohet në qendër të kryeqytetit. Ky ishte vendimi i qeverisë, në lidhje me adresimin e të gjitha shqetësimeve të besimtarëve myslimanë. Lajmi u bë i ditur nga zëvendëskryeministri Niko Peleshi.

Peleshi deklaroi sot, se qeveria ka marrë dy vendime tepër të rëndësishme. I pari është marrë në kuadër të masave për të stimuluar zhvillimin ekonomik dhe rritjen e punësimit në vend. Kjo ka të bëjë me mbështetjen e industrisë fasone, duke i rikthyer tatim fitimin 5%.

Qeveria do të themelojë fondin e mbështetjes së industrisë fasone, që për vitin 2014 kjo shkon në vlerën 2.5 milionë dollarë. Peleshi ftoi donatorët e brendshëm ose të huaj që të marrin pjesë në këtë fond, për të kontribuar  në një platformë të hapur jo vetëm për buxhetin e shtetit, por edhe donatorët e tjerë.

Vendimi i dytë ka të bëjë me një çështje të zvarritur prej kohësh, që është  ndërtimi i xhamisë së Namazgjasë dhe Muzeut të Bashkëjetesës.

“Kjo zgjidhje, pra leja e ndërtimit të lëshuar dhe vendimi, i hapin rrugën rifillimit të punimeve për ndërtimin e Xhamisë së Namazgjasë, dhe një muzeu të interesit publik dhe bashkëjetesës fetare. Vendimi i sotëm ka të bëjë me marrjen e përgjegjësisë nga qeveria për të shpronësuar sipërfaqet private, mbi të cilat do të ndërtohet muzeu. Për këtë, kemi ndjekur të gjitha procedurat që ligji parashikon”, tha Peleshi./shekulli/

Ushtria izraelite ka mbajtur të arrestuar rreth 10.000 fëmijë palestinezë në zonën perëndimore të Jerusalemit, në periudha të ndryshme kohore, nga viti 2000 deri më sot, informoi një zyrtar i Organizatës për Çlirimin e Palestinës, raporton Anadolu Agency (AA).

"Izraeli nuk jep asnjë imunitet për fëmijët dhe rregullisht shkel marrëveshjet ndërkombëtare për të drejtat e fëmijëve, duke i poshtëruar apo torturuar ata, duke u mohuar atyre një gjykim të drejtë," tha Issa Qaraqe, kreu i Komisionit për të burgosurit palestinez të Organizatës së Çlirimit, thuhet në një deklaratë për media.

Në deklaratë, me rastin e 25-vjetorit të Konventës mbi të Drejtat e Fëmijëve të miratuar nga Asambleja e Përgjithshme e Kombeve të Bashkuara, Qaraqe shtoi se izraelitët mbanin nën arrest rreth 3.000 palestinezë, në periudha të ndryshme të qershorit të këtij viti, nga të cilat 30 për qind janë fëmijë. Shumica e fëmijëve të arrestua janë nga Jerusalemi, shton zyrtari.

Rreth 95 për qind e fëmijëve në paraburgim, keqtrajtohen fizikisht dhe torturohen, nga stafi i sigurisë izraelite, tha ai. Së paku edhe 300 fëmijë ende mbahen të arrestuar në burgjet izraelite, tha Qaraqe.

Asnjë zyrtar izraelit nuk ka komentuar mbi akuzat e Qaraqe. Në pjesët e pushtuara të Jerusalemit lindor shpërthyen tensione në fillim të korrikut të këtij viti, kur kolonët hebrenj rrëmbyen dhe vrarë një djalë palestinez nga rajoni Shuafat.

Atmosfera në qytet u bë edhe më e tensionuar, kur në fund të tetorit, autoritetet izraelite mbyllën kompleksin e xhamisë Al Aksa, pas vrasjes së një rabini. Në të gjithë Izraelin janë arrestuar më shumë se 7000 palestinezë, sipas Ministrisë palestineze të çështjes së të burgosurve.

Aleanca për Ardhmërinë e Kosovës përfundimisht ka vendosur që mos të vazhdojë bashkëpunimin me partinë e Isa Mustafës, Lidhjen Demokratike të Kosovës.

Partia e Ramush Haradinajt tani më edhe zyrtarisht është shprehur e hapur për koalicion ndaj Partisë Demokratike të Kosovës.

Zëdhënësi i AAK-së, Ernest Luma në një prononcim për “Zërin” ka deklaruar se partia e tij është ndier e tradhtuar nga LDK-ja.

“Ju e dini që Kosova proceset në të cilat jemi dhe të cilat na presim, dhe situate që po kalojnë kërkojnë në radhë të parë formim shumë të shpejt të institucioneve. Duke mos humbur kohë dhe duke mos ndërtuar bashkëpunime mbi parimet të pasigurta dhe të hamendura sikurse është dëshmuar me Lidhjen Demokratike të Kosovës. Pra nuk e përjashtojmë asnjë variant. I vetmi variant i përjashtuar është bashkëpunimi më tutje me LDK-në pas joseriozitetit që e dëshmoi ditëve të fundit”, ka thënë Luma për “Zërin”.

Kryeministri shqiptar, Edi Rama, i ka kërkuar sektorit privat kuvajtian të investojë në sektorë të ndryshëm të vendit të tij, duke përgëzuar shtetin e Kuvajtit për kontributin e tij për zhvillimin e Shqipërisë.

Kryeministri ka dhënë një intervistë për Agjencine e lajmeve kuvajtiane “Kuna”, në kuadër të vizitës zyrtare dyditore që po zhvillon në Shtetin e Kuvajtit.

“Ne jemi gati të mirëpresim investimet private në Shqipëri, kështu mund të zhvillojmë edhe më shumë këto marrëdhënie duke mbështetur investitorët kuvajtian që të investojnë në shqipëri në sektorë të ndryshëm”, tha Rama, i cili i përshkroi marrëdhëniet me Kuvajtin si speciale.

Gjatë intervistës me Agjencinë Kuvajtiane të Lajmeve (KUNA), Rama u shpreh se kishte filluar takimet me sektorin privat në Kuvajt për të analizuar se si sipërmarrës të rëndësishëm mund të hapin biznese të rëndësishme në Shqipëri në fusha të ndryshme si pasuritë e paluajtshme, bujqësia, turizmi dhe uji.

Marrëdhëniet dhe bashkëpunimi mes Kuvajtit dhe Shqipërisë fillojnë që në vitet 1990. Rama theksoi gjithashtu se Shqipëria ishte nga vendet e para që dënuan pushtimin e Kuvajtit nga Iraku në gusht 1990.

Fondi Kuvajtian për Zhvillimin Ekonomik Arab (KFAED) ka që prej vitit 1993 ka dhënë gjashtë hua praj 21,5 milionë dinarë kuvajtian (KD) (72,9 milionë dollarë) për projekte bujqësore dhe transporti në Shqipëri.

Rama, i shoqëruar nga ministri i Punëve të Jashtme dhe ai i Ekonomisë, tha se do të takohet me Madhërinë e tij Sheikun Amir Sabah Al-Ahmad Al-Jaber Al-Sabah, dhe Madhërinë e tij kryeministrin Sheiku Jaber Mubarak Al-Hamad Al-Sabah si dhe zyrtarët e KFAED-s.

Kryeministri shqiptar, i shoqëruar gjithashtu edhe nga katër anëtarë të parlamentit, tre kryetarë komunash dhe një delegacion prej 16 përfaqësuesish të bizneseve, tha se KFAED ka luajtur një rol të rëndësishëm në periudhën e vështirë të tranzicionit shqiptar.

Kuvajti dhe Shqipëria do të nënshkruajnë marrëveshje të rëndësishme për të promovuar dhe mbrojtur investimet dhe bashkëpunimin ekonomik, teknik, ligjor dhe gjyqësor.

Një forum ekonomik i sponsorizuar nga Dhoma Kuvajtiane e Tregtisë dhe Industrisë do të mbahet me rastin e vizitës së Ramës për tu fokusuar në shanset për tregti dhe investime që sjell një rritje të shkëmbimeve tregtare mes dy vendeve./trt/

Parlamenti i Spanjës miratoi njëzëri rezolutën, e cila i kërkon qeverisë të nisë procedurat për njohjen e shtetit palestinez.

Teksti i rezolutës që u miratua sot në parlamentin e Spanjës, pas ndryshimeve të caktuara të kërkuara nga Partia Popullore në pushtet (PP), kërkohet "njohja e shtetit palestinez."

Teksti i rezolutës, i cili i është drejtuar qeverisë thuhet se "sipas ligjit ndërkombëtar të njihet shteti i Palestinës."

"Nisma për një shtet sovran palestinez duhet të mbështetet kryesisht nga Bashkimi Evropian, por edhe i gjithë komuniteti ndërkombëtar", sipas rekomandimit të Parlamentit të Spanjës.

Ministri i Jashtëm spanjoll Jose Manuel Garcia Margallo, pas seancës parlamentare, tha se një zgjidhje e qëndrueshme për krizën izraelito-palestineze kontribuon për paqen dhe stabilitetin në gjithë Lindjen e Mesme.

Deri tani, Suedia është vendi i vetëm ndër vendet evropiane që e ka njohur Palestinën. Përveç Suedisë, Palestinën e kanë njohur edhe shtatë shtete anëtare të BE-së, por para se të bëhen pjesë e Bashkimit Evropian. Këto janë Republika Çeke, Hungaria, Polonia, Bullgaria, Rumania, Malta dhe Qiproja e Jugut. Përndryshe, Palestinën si shtet të pavarur e kanë pranuar më shumë se 130 shtete të botës.

Derisa Lidhja Demokratike e Kosovës nuk po “dorëzohet” për të shkuar në një koalicion me Partinë Demokratike të Kosovës, është partia e Ramush Haradinajt – AAK, e cila gjithnjë e më shumë po i afrohet Hashim Thaçit.

Burimet e gazetës “Zëri” kanë konfirmuar se gjatë gjithë ditës së martë janë zhvilluar takime “tinëz” ndërmjet zyrtarëve të PDK-së dhe atyre të AAK-së për t’ia lidhur kryet një koalicioni qeveritar.

Mirëpo në këtë drejtim thuhet se nuk ka munguar “shigjetimi” as në drejtim të LDK-së, edhe pse kjo e fundit duket më e vendosur për t’i qëndruar deri në fund sloganit “Anti-Hashim”. /Zëri/

Kriza politike në Kosovë, ka lënë në margjina dy nga problemet më të mëdha, papunësinë dhe varfërinë.

Një gjendje e tillë, kur ka zvarritje të formimit të institucioneve dhe mos adresim të problemeve, sipas sociologëve ka ndikuar që pakënaqësitë e qytetarëve të shënojnë rritje.

Raporti i fundit i Programit për Zhvillim i Kombeve të Bashkuara (UNDP), në një anketë të bërë me qytetarë të Kosovës, ka vënë në pah se 79 për qind e qytetarëve të anketuar janë shprehur se janë ose të pakënaqur ose shumë të pakënaqur me drejtimin ekonomik dhe social në të cilën po shkon vendi.

Sociologu Shemsi Reçica, profesor në Universitetin e Prishtinës në një prononcim për Radion Evropa e Lirë vlerëson se qytetarët e Kosovës janë të zhgënjyer me liderët politikë, të cilët siç thotë ai, nuk ofruan zgjidhje të problemeve me të cilat qytetarët ballafaqohen.

“Pakënaqësia e qytetarëve për zhvillimet në përgjithësi në Kosovë nuk është e re. Kjo pakënaqësi lidhet kryesisht me varfërinë dhe papunësinë, në veçanti te të rinjtë, dhe sidomos me mungesën e perspektivës së tyre. Qytetarët e kanë vërejtur se lidershipi është pozicionuar për të siguruar vendet e tyre udhëheqëse në institucionet e Kosovës”, vlerëson profesor Reçica.

Lufta për pushtet që po bëhet nga liderët politik, shton Reçica i ka irrituar qytetarët e Kosovës.

Sipas tij, qytetarët tashmë e kanë parë se liderët politikë para së gjithash po mendojnë për pozita udhëheqëse dhe shumë pak për qytetarët.

“Qytetarët janë bërë imunë në këtë gjendje dhe nuk po shohin një lidership që do t’i drejtonte në një rrugë të mirë dhe do t’i jepte udhë pakënaqësive të tyre”, thekson ai.

Kosova ballafaqohet me shkallë të lartë të papunësisë. Nga 1.2 milion forcë punëtore, Kosova ka të punësuar vetëm 300 mijë sosh, pjesa e mbetur janë ose të papunë ose jo aktivë.

Këto norma alarmante të papunësisë prekin sidomos popullsinë e re të Kosovës.

Në varfëri të skajshme jetojnë 12.1 për qind të popullsisë, derisa janë 217 mijë kosovarë që jetonin me më pak se 1 euro në ditë.

Profesor Ismajl Hasani, ligjërues në Fakultetin Filozofik të Universitetit të Prishtinës, thotë për Radion Evropa e Lirë se në një shoqëri më të gjithë këto trende negative ekonomike dhe sociale, është e natyrshme rritja e pakënaqësive.

“Është legjitime rritja e pakënaqësive e qytetarëve në një shoqërinë të cilën ka devijuar shumë çka në ndërtimin institucional. Në një vend ku ka shifra alarmante për korrupsion për keqpërdorim të parasë publike ka edhe investigime për korrupsion në nivel më të lartë të mbikëqyrjes ndërkombëtare të rendit dhe legjitime, është legjitime që njerëzit të jenë të pakënaqur”, shprehet ai.

Kriza politike në Kosovë po vazhdon gati që gjashtë muaj. Mos konstituimi i institucioneve është vlerësuar se po e fut Kosovën në një krizë politike, financiare e buxhetore./rel/

Edhe një kosovar, i cili ishte radhitur në grupin e Shtetit Islamik, ISIS, është vrarë sot në luftën e Sirisë.

T. S. (emër i njohur për redaksinë), rreth 30 vjeçar nga fshati Zhur i Prizrenit është vrarë gjatë luftimeve në Siri. Lajmin për Gazetën Blic e kanë konfirmuar të afërm të të vrarit.

Siç merr vesh Gazeta Blic ky i ri para një viti kishte shkuar në Siri për t’iu bashkuar ISIS-it.

Sot ose nesër pritet të vendoset nëse blloku VLAN do të vazhdoj siç ishte tani e pesë muaj apo LDK do t’i marr AAK-së, postin e kryeministrit me rishikimin e marrëveshjes së 10 qeshorit. Ndërsa, si opsion i fundit flitet edhe ndarja e koalicionit paszgjedhor.

Megjithatë, përfaqësues të subjekteve që janë pjesë e Bllokut, kanë paralajmëruar se sot ose nesër do të jenë ditët vendimtare sa i përket të ardhmes së bllokut.

Kështu të paktën kanë thënë përfaqësuesit e Bllokut, pas takimit që patën të premten në orët e vona, ku Ramush Haradinaj tha se përderisa nuk ka marrëveshje tjetër, ajo e 10 qershorit mbetet në fuqi, madje sipas tij, do të mundohen ta ruajnë këtë shumicë, jo për inati të askujt por për të ecur përpara.

Kurse, të shtunën e të dielën që lamë pas, si përfaqësuesit e AAK-së, ashtu edhe ata LDK-së, janë shprehur se duan postin e kryeministrit, madje kanë filluar edhe ta akuzojnë njëri tjetrin për dështime.

Në anën tjetër, vizita e ministrit të Punëve të Jashtme të Gjermanisë për shtetet e Evropës Juglindore, Ernst Reichel, i cili është duke qëndruar në Kosovë, në përpjekje për të ndihmuar liderët partiakë për të gjetur një zgjidhje, si dhe deklaratat e ambasadores amerikane Tracy Ann Jacobson, e po ashtu të atij britanik Ian Cliff, që sa më parë të thirret seanca, janë shenjat e ndërhyrjes ndërkombëtare.

Ndryshe, ndërkombëtarët pritet të jenë aktiv edhe këtë javë kur pritet që vendi të dal nga kriza politike që ka ardhur pas zgjedhjeve të fundit.

Në qytetin gjerman Hannover të shtunën pasdite u mbajtën demonstrata nga ekstremistët e djathtë, të cilët kundërshtojnë "islamizimin e Evropës".

Jo larg nga vendi i protestës së tyre sot është mbajtur një tubim antifashist dhe antiracist.

Me mijëra persona kanë mbajtur protesta në vendin, ku pjesëtarët e të djathtës ekstreme dhe grupi i huliganëve protestuan kundër përhapjes së Islamit në Evropë.

Në sheshin prapa stacionit qendror të trenit në Hannover ishin mbledhur pjesëtarët e të djathtës ekstreme dhe tifozët e disa klubeve të futbollit, të cilët brohorisnin me slogane kundër të huajve dhe Islamit. Ndërkohë që vetëm 300 metra nga ky vend disa qytetarë protestuan kundër të djathtës ekstreme.

Simpatizantët e të djathtës ekstreme dhe huliganët mbanin nëpër duar pankarta me mbishkrimet "Stop islamizimit të Evropës", ndërsa në anën e kundërt u panë parulla të tilla si "Jo racizmit".

Policia e Hannoverit ndërmori masa të mëdha të sigurisë me qëllim për të shmangur incidentet e mundshme. Zëdhënësi i policisë së Hannoverit, Andre Puir deklaroi se protestat kanë zgjatur rreth tre orë dhe nuk janë shënuar incidente të mëdha.

"Në protestat e huliganëve ishin rreth tre mijë persona. Nuk ka asnjë të lënduar dhe protestat mbaruan në mënyrë paqësore", shtoi Puir./trt/

Pakënaqësia e qytetarëve të Kosovës  lidhur me punën e institucioneve kryesore është pasqyruar edhe në pyetjet që kanë të bëjnë me kënaqshmërinë e tyre me drejtimin politik në të cilin po shkon Kosova.

Kështu thuhet në hulumtimin “Pulsi publik“ të UNDP dhe USAID, i cili ofron një pasqyrë të saktë të treguesve kyç dhe rezultateve të anketës së pulsit publik.

Ky hulumtim përfshin periudhën nga prilli deri nëntor të vitit 2014 dhe ndjek traditën e raporteve të mëparshme duke shqyrtuar situatën e ndryshueshme në Kosovë në fushën politike, ekonomike, të sigurisë dhe zhvillimit.

Hulumtimi nxjerr se vetëm 5% të kosovarëve duket të jenë të kënaqur ose shumë të kënaqur me drejtimin e tanishëm politik të Kosovës (në krahasim me 21% në prill 2014).

Shumica e kosovarëve duket se janë të pakënaqur apo shumë të pakënaqur me drejtimin e tanishëm politik të Kosovës (72%, krahasuar me 42.5% në prill të vitit 2014).

Rreth 39% të kosovarëve janë përgjigjur pozitivisht kur janë pyetur nëse janë të gatshëm të protestojnë për arsye politike. Përqindje më e lartë e serbëve (49.5%), në krahasim me respondentët shqiptarë (39.1%) kanë pohuar se do të ishin të gatshëm t’ju bashkohen protestave politike. Vetëm 18.5% të pjesëtarëve të grupeve të tjera etnike kanë deklaruar se do të protestonin kundër situatës aktuale politike.

E Lëvizja Vetëvendosje! tashmë ka paralajmëruar se nëse nuk thirret vazhdimi i seancës konstituive nga kryesuesja e kësaj seance, Flora Brovina, do ta përdorë edhe alternativën për protesta dhe demonstrata të qytetarëve.

Protestën si forëmë për të shprehur pakënaqësinë për situatën e krijuar në vend e kanë parë edhe shoqëria civile, por ka bërë të ditur se nuk do t’iu dalë në përkrahje atyre që thirren nga ndonjë parti politike.

Ditë më parë ambasadorja e Shteteve të Bashkuara të Amerikës në Kosovë, Tracy ann Jacobson, në një debat publik kishte thënë se nuk duhet të kërkohet zgjidhja e krizës politike në vend përmes protestave.

E lidhur me këtë deklaratë analisti Shpend Kursani kishte thënë se është e padrejtë të delegjitimohen protestat, sidomos kur një protestë do të organizohej jo nga partitë politike që veprojnë për ta kapur pushtetin, por nga qytetarë të pakënaqur me këta politikanë, siç i ka quajtur ai, të korruptuar./kosovalive/

Në Gaza dje u mbajtën protesta kundër provokimeve të fundit izraelite dhe shkeljeve të drejtave të muslimanëve në kompleksin e xhamisë Al-Aksa në Jerusalem, raporton Anadolu Agency (AA).

Në organizim të lëvizjes Al-Ahrar, një numër i madh i njerëzve u mblodhën dje para ndërtesës së parlamentit në Gaza për të treguar revoltën e tyre të provokimeve izraelite në Jerusalem.
Protestuesit e mbledhur brohorisnin me parulla në mbështetje të Al-Aksa-s, duke thënë se është shumë e rëndësishme që të vazhdojë rezistenca e palestinezëve.

Udhëheqësi i lëvizjes Al-Ahrar, Halid Ebu Hilal tha se duhet të mblidhen vendet arabe dhe e tërë bota islame që të bëjnë diçka më tepër për ti parandaluar shkeljet e të drejtave të muslimanëve në Al-Aksa.

"Izraeli asnjëherë më nuk guxon ta prek Al-Aksën, ndërsa palestinezët duhet ta vazhdojnë rezistencën," tha ai.

Përfaqësuesi nga radhët e Hamasit, Mushir el-Misrin iu bëri thirrje palestinezëve për intifadë të re në mënyrë që, siç thotë ai, për të mbrojtur xhaminë Al-Aksa nga Izraeli.

"Ajo që për momentin ndodh në Jerusalem është një nga planet më të rrezikshme në histori," tha al-Misrin. Tensionet e fundit mes Izraelit dhe Palestinës filluan pasi pala izraelite disa javë më parë ndaloi hyrjen e muslimanëve në kompleksin e xhamisë Al- Aksa.

Presidenti Rexhep Tajip Erdoan në fjalën që mbajti dje në Samitin e Udhëheqsve Fetarë Myslimanë të Vendeve të Amerikës Latine tha se ata që e ngrejnë botën në këmbë për Kobanin nuk shqetësohen aspak kur bëhet fjalë për Halepin.

“Planet po bëhen tinzërisht dhe mbi këto planet duhet qëndruar”, theksoi Erdoan.

“Ajo që na takon neve deri në frymën e fundit është të flasim dhe shpjegojmë Krijuesin si dhe t’i ftojmë njerëzit në rrugën e Krijuesit”, cilësoi ai.

“Me institucionet tona kombëtare dhe me ato ndërkombëtare ku jemi pjesëmarrës punojmë për të hedhur në çdo vend themelet e paqes, miqësisë, vëllazërisë dhe solidaritetit. Me institucionet tona siç janë TIKA, Gjysmëhëna e Kuqe, AFAD, Institutet Junus Emre, TRT, Agjencia Anadolli e lajmeve, Departamenti i Bashkëatdhetarëve dhe Komuniteteve Farefisnore po bëjmë përpjekje për të qenë pranë të shtypurve, të pafajshmeve, të skamureve, miqve dhe vëllezërve tanë”, tha Presidenti Rexhep Tajip Erdpoan.

“Shikoni gjendjen e kompleksit Al-Aksa... Çfarë do të bënte bota në qoftë se një diçka e tillë do të kishte ndodhur në vendet tona kundër faltoreve të tyre? A e ka ngritur njeri zërin për ato që kanë ndodhur në Ak-Aksa? Çfarë do të bënte bota nëse një gjë e tillë do të kishte ndodhur kundër kishave? Por siç e shikoni, ne nuk lejojmë kurrën e kurrës që të ndodhë ndonjë veprim i tillë në vendete tona. Cila është arsyeja? Sepse në fenë tonë nuk bëhet fjalë për një sulm të tillë, për një shkatërrim e rrënim të tillë. Xhamia Al-Aksa nuk u takon vetëm palestinezëve. Ajo është një nga dy kiblet e myslimanëve në mbarë botën. Si rrjedhim kemi të bëjmë me një detyrë, përgjegjësi që na takon të gjithëve. Por shikoni edhe një botën, a po e ngreh zërin ajo përballë gjithë këtyre veprimeve?, vijoi Erdoan.

Cili është ai që mund të thotë se ata që e përdorin fenë e paqes, Islamin, për të emërtuar organizatat e tyre të pista terroriste, rrjetet e tyre kriminale, se po i shërbejnë islamit, se janë në rrugën e Kur’anit dhe Sunetit? Kush mund të pretendojë që ata që kanë tradhtuar atdheun e tyre dhe myslimanët për llogari të vendeve dhe vatrave të tjera janë duke e respektuar Islamin, se janë vullnetarë për t’i shërbyer Islamit?, tha Erdoan./trt/

Mërgim Mavraj është shprehur krenar për barazimin e Shqipërisë në ndeshjen miqësore ndaj Francës (1-1) duke falënderuar Zotin në radhë të parë, ndërkaq i ka uruar edhe dy lojtarët që debutuan, Arlind Ajeti dhe Herolind Shala.

22-vjeçari ishte autor i golit të kuqezinjve, prandaj ka arsye më shumë për t’u gëzuar.

“Alhamdulillah! Urime Shqipëri! 1-1 në Francë është rezultat fantastik. Krenar!”.

“I uroj vëllezërit e mi, Arlind Ajeti dhe Herolind Shala, për ndeshjen e parë në kombëtare Ju shkoftë mbarë”, shkruan në postimin e Mërgimit në Facebook, transmeton Telegrafi.

Një nga xhevahiret e trashëgimisë kulturore të Prishtinës, Xhamia e Jashar Pashës, e ndërtuar në shekullin XV dhe e rindërtuar në shekullin XIX nga Jashar Mehmet Pasha, një qytetar i pasur i Prishtinës dhe guvernatori i Shkupit në vitin 1842, sipas të cilit edhe mori emrin. Ajo gjendet saktësisht në qendër të Qendrës Historike të Prishtinës, afër Xhamisë së Çarshisë (e ndërtuar në shekullin e 15-të nga Sulltan Bajaziti për të përkujtuar fitoren e osmanëve në vitit 1389), Shatërvani dhe Muzeu i Kosovës, në një anë; përball ka Parkun Arkeologjik, kurse mbi të gjenden Xhamia e Mbretit apo Xhamia e Sulltan Mehmet Fatihut (e ndërtuar në vitet 1460-1461 nga Sulltan Mehmeti II – Pushtuesi, 8 vjet pas rënies së Konstantinopolit) dhe Sahat Kulla.

Xhamia e Jashar Pashës është pjesë e kompleksit i cili paraqet historinë, kulturën dhe traditën e gjithë atyre që jetojnë dhe kanë jetuar ndër shekuj, në Prishtinë. Mirëpo, kjo pasuri e jashtëzakonshme e peisazhit kulturor dhe historik të Prishtinës, që nga paslufta e Dytë Botërore, ka pësuar ndryshime të mëdha nga pamja e saj burimore, më së shumti për shkak të restaurimeve joprofesionale të cilat janë bërë gjatë kohës së komunizmit dhe e kanë dëmtuar tej mase. Dëmtimet ishin aq të mëdha sa që, në fillim të vitit 2012, Këshilli i Bashkësisë Islame të Prishtinës vendosi ta mbyllte xhaminë për besimtarët e vet, për shkak të rrezikut nga rrënimi, si pasojë e çarjeve dhe dëmeve të tjera që i kishte pësuar xhamia.

Duke qenë se, Qeveria e Kosovës, gjerësisht, Ministria e Kulturës Rinisë dhe Sportit i kushton rëndësi të veçantë trashëgimisë kulturore, ajo në pajtim me Bashkësinë Islame të Kosovës, së bashku nënshkruan memorandumin e bashkëpunimit me TIKA-në, Agjencinë Turke për Bashkëpunim dhe Koordinim në Kosovë, për ta restauruar dhe për t’ia kthyer shkëlqimin e dikurshëm.

Koordinatori i TIKA-së në Kosovë, Eyup Yavuz Umutlu, duke folur për Anadolu Agency mbi punimet restauruese që janë duke u bërë në Xhaminë e Jashar Pashës, shpjegon se TIKA, si në Kosovë ashtu edhe në vendet e Ballkanit, ku sipas raportit të vitit 2013, në 120 vende të botës e shtrirë veprimtarinë e vet, si një nga sektorët më të rëndësishëm e ka atë të restaurimit të monumenteve historike dhe trashëgimisë kulturore.

“Restaurimet janë një nga sektorët në të cilët ne ndihmojmë këtu në Kosovë. Bazuar në këtë, ne kemi filluar restaurimin e xhamisë së Jashar Pashës, në gusht të vitit 2014. TIKA  është përgjegjëse për komplet projektin, duke filluar nga hartimi i projektit të restaurimit, realizimi i punëve, mbikëqyrja e tyre dhe mbi të gjitha, komplet shpenzimet e punimeve i bartë TIKA” tha Umutlu i cili vlerësoi se punimet po shkojnë mirë përkundër vështirësive të mëdha.

“Natyrisht, punët e restaurimit, vetvetiu janë punë shumë të vështira, në veçanti nëse këto restaurime bëhen jashtë vendit (Turqisë). Restaurimin, aktualisht është duke e bërë një kompani turke. Është një nga firmat më me emër dhe e respektuar në Turqi, në lëmin e restaurimit. Duke i falënderuar planifikimit të mirë të punëve nga kjo firmë, si dhe fillimit të mbarë, restaurimi po zhvillohet me ritëm të paraparë dhe për mrekulli”, shpjegon koordinatori i TIKA-së dhe thotë se, pas sigurimit të gjitha kushteve të nevojshme administrative që TIKA të realizojë projektin dhe fillimit të punimeve në shtator të këtij viti, pritet që procesi restaurimit të zgjasë 2 vjet dhe Xhamia e Jashar Pashës të rihapet në gusht 2016.

Eksperti i cili po i udhëheq punimet e restaurimit, arkitekti Fahrettin Emrah Köşgeroğlu nga kompania Sema Proje e Ankarasë, rrëfen për telashet e mëdha me të cilat janë ballafaquar në fillim të punimeve, si pasojë e një restaurimi i cili është bërë në kohën e ish-Jugosllavisë, sidomos në minaren e xhamisë, në pjesën e epërme.

“Pjesa e epërme e projektit ishte në gjendje shumë të keqe, përkatësisht, kulmi i minares është dashur të hiqet plotësisht, siç e keni parë dhe ajo është dashur të rehabilitohet nga fillimi” tha Fahrettin Köşgeroğlu dhe shtoi se gjatë punimeve në pjesën e kupolës, janë përdorur materiale të palejueshme.

“Gjatë restaurimi të kupolës janë përdorur materiale të palejuara, siç është çimentoja, e cila nuk lejohet të përdoret gjatë restaurimeve dhe gjatë kohës, për shkak të një trajtimi të tillë, ka ndikuar në keqësimin e gjendjes së objektit. Edhe këtu kemi ndërhyrë, duke e hequr atë shtresë e cila do të përtërihet nga fillimi. Këto janë gjëra të papritura dhe paplanifikuara me të cilat jemi ballafaquar” vazhdon rrëfimin e tij për Anadolu Agency, përgjegjësi kryesor për restaurimin e xhamisë së Jashar Pashës dhe thotë se përkundër vështirësive ata janë duke u munduar që, maksimalisht ta ruajnë origjinalitetin dhe pamjen burimore të objektit.

“Një problem tjetër është se, punimet e brendshme të xhamisë janë shumë të veçanta, vizatimet dhe muret e pikturuara janë shumë mirë të ruajtura dhe janë tejet të pasura, në aspektin artistik. Një pasuri të këtillë të vizatimeve në Ballkan mund ta shihni shumë rrallë. Prandaj, ruajtja e këtyre punimeve kërkon një qasje të veçantë dhe shumë të kujdesshme” tha eksperti i ndërtimeve të larta dhe restaurimeve, arkitekti Fahrettin Emrah Köşgeroğlu, duke theksuar se po punohet me përkushtim dhe kujdes maksimal që, kësaj pasurie kulturore dhe historike t’i mos prishet origjinaliteti dhe pamja burimore.

Një tjetër problem me të cilin punëkryesi ka hasur gjatë restaurimit të Xhamisë së Jashar Pashës, është mungesa e materialeve dhe mjeshtërve të veçantë për kryerjen e punëve konservuese dhe restauruese, thotë për AA, Recep Peker nga kompania e cila i kryen punët, Pekerler Insaat nga Stambolli.

“Materialet i kemi sjell nga Turqia, duke filluar nga plumbi e deri te materialet për restaurim, të gjitha gjërat i sjellim nga Turqia. Për punime në këtë xhami, nga Turqia kemi ftuar ekspertë të veçantë, muratorët, derdhësit e plumbit, gurkalitësit, ata i sjellim nga Turqia” tha njeriu i cili këtë zeje e ka trashëgimi nga gjyshi dhe familjarisht e punojnë prej 65 vitesh, Recep Peker i cili me shumë përkushtim po punon për të bërë restaurim sa më të denjë për t’i mënjanuar defektet dhe për t’ia kthyer shkëlqimin e vjetër këtij monumenti me vlerë të madhe historike.

Kosova ka trashëgimi kulturore të pasur dhe kjo është një vlerë e popullit që ka jetuar në këtë vend. Për këtë, populli ndjehet krenarë dhe për të, restaurimi dhe përtëritja e monumenteve historike dhe kulturore është shumë e rëndësishme. Në këtë aspekt, Turqia ka ndihmuar shumë, duke investuar në restaurimin e shumë monumenteve të trashëgimisë kosovare.

“Ne merremi me ruajtjen e trashëgimisë kulturore. Në këtë aspekt, ne merremi edhe me restaurimin e xhamive. Diku bëjmë restaurimin e sahat-kullave, diku hamameve, çesmeve të vjetra. Qëllimi ynë është që me restaurimin e këtyre objekteve, të ruajmë trashëgimin kulturore. Prandaj, në kuadër të kësaj, ne edhe më  herët në Kosovë kemi bërë restaurimin e disa xhamive” tha Eyup Yavuz Umutlu dhe theksoi rëndësinë e ruajtjes së këtyre monumenteve historike që kanë vlerë të madhe për trashëgimin botërore, në përgjithësi.

Duke ju kthyer edhe një herë elementeve të veçanta të Xhamisë së Jashar Pashës, të shtresuara gjatë shekujve, ai e konsideron këtë xhami si një nga veprat më të veçanta dhe më të rëndësishme të peizazhit kulturor dhe historik të Prishtinës, me vlera arkitektonike, artistike dhe historike.

“Vizatimet e brendshme dhe pikturuat në muret e xhamisë së Jashar Pashës, janë të veçanta. Kjo xhami është e rëndësishme sepse gjendet në qendër të qytetit të Prishtinës, në qendër të kryeqytetit të Kosovës dhe ishte një xhami e mbyllur për kryerjen e riteve fetare. Po ashtu, është një xhami, restaurimi i së cilës është shumë i vështirë për shkak të rrezikut nga shembja. Për këtë arsye, gjendet në listën e prioriteteve tona dhe i kemi dhënë përparësi duke i filluar më shpejt punimet” përfundoi koordinatori i TIKA-së për Kosovë, organizatë qeveritare kjo e Turqisë e cila në pesë vitet e fundit ka investuar shumë në restaurimin e monumenteve të trashëgimisë kulturore dhe historike në Kosovë./AA/

Partia Demokratike e Kosovës nuk e ka ndërmend që të thërras seancën konstituive të Kuvendit pa pasur edhe marrëveshje për formimin e qeverisë. Zyrtarë nga PDK-ja janë të bindur se Blloku tashmë është i përçarë dhe se koalicioni paszgjedhor do të thyhet, prandaj presin që të shkojnë në seancë me një marrëveshje për koalicionin PDK-LDK.

Se nuk do të ketë së shpejti seancë të Kuvendit, këtë e qartësoi edhe kryesuesja e seancës, Flora Brovina, e cila tha se nuk ka seancë pa marrëveshje, përkundër thirrjeve që i bënë si ambasadori i Mbretërisë së Bashkuar në Kosovë, Ian Cliff ashtu edhe ambasadorja amerikane, Tracy Ann Jackobson.

Nëse PDK nuk do të dorëzohet edhe disa ditë përballë këtyre presioneve dhe nuk do të ketë reagim serioz nga ana e presidentes së vendit, Atifete Jahjaga, atëherë ka gjasa që vetë Blloku të veprojë.

Një zyrtar i lartë i Blloku LVAN i ka thënë Gazetës Blic se janë duke diskutuar disa ide se si të veprohet nëse do të vazhdoj kjo bllokadë e PDK-së.

“Jemi ne konsultime të vazhdueshme edhe ndërmjet vete, por edhe me një pjesë të ndërkombëtarëve se si të veprohet me seancën konstituive. Ka ide të ndryshme, mirëpo, opsion kryesor mbetet që këtë ta bëjë Teuta Rugova, si deputetja më e re, nëse PDK nuk do të pranoj në asnjë formë ta thërras seancën”, ka thënë ky burim.

Mirëpo, ky zyrtar është i bindur se Flora Brovina nuk ka rrugë tjetër pos që të thërras seancën e Kuvendit. “Besojmë që këtë do ta bëjë gjatë javës”, tha ky burim.

Në anën tjetër, nga PDK duket se nuk do të lëshojnë pe. Pos Brovinës, edhe vetë kryetari i PDK-së, Hashim Thaçi disa herë e ka përsëritur ditëve të fundit se s’ka institucione pa PDK-në. Ai ka thënë se partia e tij ka dalë e para në zgjedhje, dhe kësisoj i takon edhe qeveria.

Ndërkaq, një zyrtarë i lartë i PDK-së në kushte anonimiteti i ka thënë Gazetës Blic se ata janë të bindur se do të thyhet Blloku.

“Takimi i djeshëm tregoi se Blloku është i përçarë. Jeni të bindur se Blloku do të thyhet. Do të ketë koalicion PDK- LDK”, tha ky zyrtar.

Ndërkaq, zyrtarisht as nga PDK e as nga LVAN nuk kanë dashur të prononcohen gjatë ditës së shtunë rreth këtyre temave.

Në anën tjetër, ka filluar një presion i madh ndërkombëtarë. Pos ambasadorit britanik, edhe ambasadorja amerikane ditëve të fundit ka qenë shumë aktive në lidhje me zhvillimet e fundit politike në Kosovë. Ajo dje ka kërkuar që menjëherë të thirret seanca konstituive e Kuvendit.

Vendi ka hyrë në muajin e gjashtë që nga mbajtja e zgjedhjeve dhe ende nuk i kemi institucionet. PDK doli e para në zgjedhje, mirëpo nuk arriti që të gjejë asnjë partner për bashkëqeverisje. Blloku LDK – AAK- Nisma dhe Vetëvendosje arritën marrëveshje për bashkëqeverisje, mirëpo Gjykata Kushtetuese me vendimin për kryetarin e Kuvendit kishte bllokuar institucionet. Mirëpo, tash pas lëshimit pe të Bllokut, analistët politik konsiderojnë se më nuk ka arsye që të mos thirret seanca konstituive./Gazeta Blic/

Sot në ditën e premte që njihet si dita më e madhe e javës për besimtarët myslimanë, përveç faljes është zhvilluar dhe një aksion për dhurim gjaku për fëmijët talasemikë.

Imami Xhamisë së rrugës së Kavajës, Ahmed Kalaja, gjatë ligjëratës së tij, shprehu nevojën që këta fëmijë kanë për dhurim gjaku, duke e mbështetur në thënien Kuranore: "Kush shpëton një jetë sikur të ketë shpëtuar gjithë njerëzimin...".

Kjo nismë është nisur në të gjithë xhamit e Tiranës, si nismë e Komunitetit Mysliman dhe pritet të shtrihet më gjerë.
Qindra besimtarë i janë përgjigjur kësaj thirrje për t'u ardhur në ndihmë fëmijëve talasemikë.

Më parë edhe Komiteti Shtetëror për Kultet ka zhvilluar një fushatë për dhurimin e gjakut së bashku me të rinj nga komunitetet fetare ku përveç dhurimit të gjakut, ky gjest shpreh bashkëpunimin dhe harmoninë që kanë komunitetet fetare në vendin tonë.

Rreth 60 besimtarë dhuruan gjak sot dhe pritet që të premtet e ardhshme numri i tyre të shtohet. Veprimi i tyre është vlerësuar shumë nga Qendra e Dhurimit të Gjakut, duke u shprehur se kjo është një ndihmë e rëndësishme që jepet për jetën e këtyre fëmijëve.

Nuk është hera e parë që komunitetet fetare kanë ofruar bashkëpunim të ngushtë me qendrat e dhurimit të gjakut./shekulli/

Dr. Shefqet Krasniqi sot fali namazin e xhumasë në xhaminë e madhe në Prishtinë. Gëzimi i besimtarëve që ishin tubuar për të falur xhumanë ishte shumë i madh. Pas namazit, të gjithë kishin dëshirën për të takuar hoxhën. Radhët për tu përshëndetur me të, ishin të gjata. Emocionet dhe përqafimet nuk mungonin.

Faqja “Të përfitojmë nga hoxha i nderuar Dr. Shefqet Krasniqi”  në facebook, e cila edhe është faqja zyrtare e dr. Shefqet Krasniqit, sjell pamje që transmetojnë këto moment./Shembulli/

Foto:

Video:

Zëvendëskryeministri Niko Peleshi, priti në një takim Ambasadorin e Shtetit të Kuvajtit në Republikën e Shqipërisë Najeeb A. Al-Bader në ambientet e Kryeministrisë në Tiranë.

Sipas një njoftimi të zyrës së shtypit në kryeministri, Ambasadori Al-Bader, gjatë takimit, i dorëzoi zëvendëskryeministrit Peleshi, kontributin e Shtetit të Kuvajtit me vlerë 5 milionë euro për të mbështetur skemën e Kryeministrit të Shqipërisë, Edi Rama, në lidhje me një numër projektesh prioritare të Qeverisë Shqiptare, që synohet të zbatohen në mënyrë efektive.

Zëvendëskryeministri Peleshi theksoi se kontributi do të alokohet per pesë prioritete, duke i mundësuar qeverisë shqiptare të përballet me një sërë sfidash, duke lehtësuar zbatimin e reformave të nevojshme dhe të kërkuara nga Bashkimi Evropian./Top Channel/

Gjatë këtij viti, në Kosovë kanë hyrë 2 mijë e 400 tonelata duhan. Mesatarja e importit të duhanit që hyn në Kosovë për një vit, është rreth 3 mijë e 500 tonelata.

Në bazë të këtyre statistikave del se qytetarët e Kosovës harxhojnë rreth 150 deri në 200 milion euro për një vit, për konsum të duhanit.

Adriatik Stavileci, zëdhënës në doganat e Kosovës thekson se taksat e duhanit kalojnë shifra mjaft të mëdha.

"Konsumi vjetor i vlerësuar nga doganat e Kosovës dhe kompanitë ndërkombëtare, është 3 mijë deri në 3mijë e 500 ton".

"Ndërkaq prej janarit deri në tetor të këtij viti,kemi pasur import 2. 400 ton duhan.Taksat e duhanit janë mjaft të larta , ku e kalojnë shifrën 100 milion euro.Vetëm gjatë kësaj periudhe të këtij viti , pra gjithsej për duhan janë shpenzuar rreth 150 milion euro", ka shtuar Stavileci.

Ndryshe nga data 22 maj e vitit 2013, Ligji për kontrollin e duhanit ka hyrë në fuqi.

Por ai nuk është duke u zbatuar në masë të kënaqshme, kanë deklaruar zyrtarë që merren me monitorimin e ligjit për kontrollin e duhanit.

Nga hulumtimet e bëra nga Instituti Kombëtar i Shëndetit Publik, del se rreth 500 mijë njerëz në Kosovë, e konsumojnë duhanin në mënyrë të rregullt.

Naser Ramadani, drejtor i Institutit Kombëtar të Shëndetit Publik, thotë se rreth 12 për qind e fëmijëve të shkollave fillore konsumojnë duhan.

"Duke e pasur parasysh se ne përcjelljen e duhan pirjes në Kosovë jemi duke e bërë tash një dekad, dhe kemi bërë hulumtime. Një prej tyre mbikqyrja e duhanprijes tek të rinjtë,që është studim voluminoz jo vetëm në Kosovë, por është studim botëror, kemi gjetur të dhëna brengosëse , ku rreth 37 për qind të njerëzve në Kosovë janë duhanpirës".

"Më brengosës është fakti se rreth 12 për qind të fëmijëve të shkollave fillore dhe të mesme konsumojnë duhanin", ka shtuar ai.

Ramadani gjithashtu ka theksuar se institutcioni që ai udhëheq, ka bërë si vazhdimësi edhe një hulumtim rreth rezikut të pirjes së duhanit, ku ka rezultuar se sëmundjet respiratore zënë vendin e parë.

"Duke përcjellur statistikat tona në Institutin Kombëtar,ne kemi vërejtur se në dhjetë sëmundjet më të shpeshta të bëra gjatë hulumtimeve në Kosovë janë vërejtur se sëmundjet respiratore janë në vendin e parë, e që automatikisht do të thotë se është indikator".

"Në mënyrë direkte dhe indirekte kemi kontribuar në gjetjen e shkaqeve dhe në hulumtimin e drejtëpërdrejt të duhanpirjes në këto sëmundje respiratore, në rradhë të parë, por jo vetëm këto. Edhe kontaminimi i ajrit dhe kushtet tjera të jetesës e bëjnë të mundur që të ketë sëmundje respiratore. Por duhani si faktor rreziku është dominant në shfaqjen e sëmundjeve respiratore", është shprehur Ramadani.

Derisa inspektori sanitar,Ibrahim Tërshnjaku ka bërë të ditur se shkelja e ligjit për kontrollin e duhanit është duke ndodhur, si në institutcione publike, po ashtu edhe nëpër subjekte afariste.

"Kemi shkelje të ligjit , por ne kemi punuar që të gjejmë mënyrën për shkelësit të gjejmë një mekanizëm ligjor dhe të kërkojmë nga gjykata që procedimi i lëndëve të shkon më shpejtë".

"Kosova duhet të konsolidohet, dhe të mos injorohet ligji,e që unë e di se në shumë shtete ligji për kontrollin e duhanitështë cështje kombëtare", ka shtuar Tërshnjaku.

Sidoqoftë, sipas hulumtimit të fundit që ka bërë Qendra për Zhvillim dhe Avokim, del se niveli i shkeljes së ligjit për kontrollin e duhanit është rreth 8 për qind në institutcione shëndetësore, universitete dhe kolegje 8.8 për qind, në shkolla të mesme 16.2 për qind, gjykata 20 për qind, objektet komunale 22.2 për qind, në qendra tregtare 3.6 për qind, derisa në klube nate, shkelësit e ligjit arrijnë në 82.6 për qind./rel/

Autoritetet izraelite kanë hequr ndalimin për hyrje në kompleksin e xhamisë Al-Aksa të Jerusalemit Lindor, duke lejuar hyrjen për besimtarët, pavarësisht moshës, raporton Anadolu Agency (AA).

Policia izraelite njoftoi të enjten se nuk do të ketë kufizime të moshës gjatë faljes së sotme të namazit të xhumasë. Vendimi u mor menjëherë pas një takimi në Aman mes kryeministrit izraelit Benjamin Netanyahu, mbretit të Jordanisë Abdullah II dhe Sekretarit Amerikan të Shtetit, John Kerry.

Pas takimit, Netanyahu tha se Izraeli është i përkushtuar për ruajtjen e gjendjes së tanishme në vendet e shenjta në Jerusalemin Lindor.

Kerry tha se janë arritur hapa të rëndësishme për uljen e tensioneve ndërmjet izraelitëve dhe palestinezëve në lidhje me vendet e shenjta në këtë fushë. Më parë këtë muaj, Jordania, e cila është përgjegjëse për menaxhimin e vendeve të shenjta në Jerusalem, në përputhje me Marrëveshjen e Paqes të vitit 1994, jo larg e ftoi ambasadorin e Tel Avivit, në shenjë proteste kundër dhunës izraelite në Jerusalemin Lindor.

Tensionet në Lindje të Jerusalemit janë rritur nga fundi i muajit të kaluar, kur Izraeli mbylli Al-Aksën disa orë pas plagosjes së rabinit radikal.

Derisa ditëve të fundit vazhdon presioni ndaj PDK-së por edhe deklaratat e udhëheqësve të LDK-së për nevojën e ridizajnmit të Bllokut, në të njejtën kohë as “krahu i luftës” në Bllok duket që s’është duke qëndruar duarkryq.

Përkundrazi, siç Gazeta Blic mëson nga burimet e saj, disa prej bashkëpunëtorëve të Haradinajt dhe Limajt, të cilët kanë vendosur që të “rrijnë bashkë” ose me Bllokun por eventualisht edhe me PDK-në nëse Blloku prishet, tashmë kanë rivënë kontaktet me zyrtarë nga PDK-ja.

“Kjo po ngjet për çdo eventualitet.. nëse LDK e ka përnjëmend të shkojë me PDK-në duhet ta dijnë që me PDK-në ata janë djegur më shumë se të gjithë ne”, i ka thënë Gazetës Blic një zyrtar i Aleancës.

“PDK dhe Thaçi janë në gjendje të japin çdo gjë- përfshirë edhe postin e Kryeministrit nëse shkojmë me ta”, ka thënë ky zyrtar i cili nuk ka dashur t’i tregojë emrat e zyrtarëve të Aleancës që kanë rivënë kontaktet me PDK-në.

Por ajo që është e sigurtë është se bashkimi i “krahut të luftës” do të bënte vota të mjaftueshme që bashkë me pakicat të kishin edhe shumicën në Kuvend edhe në Qeveri.

I njejti zyrtar ka thënë pokështu Gazetës Blic që sinjali i qartë ndërkombëtar është që zgjedhje nuk do mbahen në asnjë mënyrë. /Gazeta Blic

I është ndërprerë arresti shtëpiak imamit të xhamisë së madhe në Prishtinë, dr. Shefqet Krasniqit. Siç njofton Radio Pendimi, ndërprerja e arrestit është bërë me disa kushte:

1.Nuk ka të drejtë prezantimi në media, qoftë në emisione apo intervista
2.Nuk ka të drejtë të mbajë ligjërata në asnjë xhami,
3.Ka të drejt të dalë jashtë shtëpisë dhe të shkoj në xhami por jo të dalë si imam.
4.Kush donë mund ta vizitojnë hoxhën pa ndonjë problem .
5.Hoxha duhet të paraqitet në polici njëherë në javë.
6.Vizituesit nuk kanë të drejtë gjatë vizitës të bëjnë foto me hoxhën.

Këto kushte, sipas Radio Pendimit, vlejnë deri më 12 dhjetor 2014.

Regjimi sirian, detyron migrimin e popullatës civile në rajon me sulmet intensive ajrore të ndërmarra në Halep (Aleppo), raporton Anadolu Agency (AA).

Për shkak të luftës civile është shkatërruar infrastruktura e Halepit i cili është kthyer në gërmadhë, ku pjesa më e madhe e shtëpive janë bërë të papërdorshme. Në shumë rajone të qytetit nuk ka energji elektrike dhe për shkak të shqetësimevemjetet nuk mund të lëvizin me drita ndezur.

Gjithashtu është vështirësuar dërgimi i ndihmave humanitare në rajonet që janë nën kontrollin e opozitarëve për shkak të marrjes nën kontroll pikën e vetme të daljes në rajonin e Handarat nga forcat e regjimit të cilët mendohet se kanë mbështetje nga Hizbulla dhe forcat milice të ardhura nga Irani dhe Iraku.

- Probabiliteti i valës së re të migrimit

Rrethimi i qytetit nga forcat e regjimit nga të tria anët e rrit probalitetin e valës së re të migrimit. Konfliktet mes forcave të regjimit dhe opozitarëve të armatosur në Handarat shkakton që populli të përballet me vështirësi të mëdha.

Semir Ebu Luej, një nga ish-banorët e rajonit të Halepit (Aleppo) tha për gazetarin e AA se ata ndodhen në një situatë të vështirë për shkak të kalimit nën kontrollin e regjimit të një pjese të Handaratit.

Ebu Luej duke theksuar se forcat e regjimit të Damaskut kanë rrethuar rajonin tha se: "Forcat e regjimit në një anë sulmojnë forcat opozitare në Halep me bomba fuçi dhe në anën tjetër përpiqet të mbajë nën kontroll me forcat e huaja milice në rajonin e Handarait. Regjimi kërkon të zbrazë Halepin duke sulmuar me bomba fuçi.

Luey, duke treguar se pavarësisht nga bombardimet civilët nuk largohen nga shtëpitë e tyre tha se: "Populli ka frikë ndaj përsëritjes së sulmeve me bombë fuçi nga helikopterët e ushtrisë të cilët më parë kanë bombarduar më parë lagjet si Mujesir, Mesekin Hananu, Kadi Askeri, Salahaddin, Bejanun dhe shumë rajone të tjera ku ka detyruar popullatën të migrojë.

Asambleja Kombëtare e Francës do të votojë këtë muaj një rezolutë simbolike në favor të njohjes së shtetit të Palestinës, me shpresën se kjo do të ndikoj në përfundimin e konfliktit shumë dekadash në mes të Izraelit dhe Palestinës.

E aprovuar nga Dhoma e Ulët dhe më e fuqishme e parlamentit do t'i dërgoj sinjale Presidentit Francois Hollande dhe qeverisë socialiste, që do të thonë fjalën përfundimtare.

Hollande kishte mbështetur "njohjen ndërkombëtare" të shtetit të Palestinës dy vjet më parë.

Rezoluta do të votohet më 28 nëntor.

Muajin e kaluar parlamenti anglez votoi në favor të së njëjtës çështje derisa Suedia u bë vendi më i madh evropian Perëndimor që e njohu Palestinën.

Ditë më parë është raportuar se në Kazermat e FSK-së është ndaluar praktikimi i riteve fetare me një urdhër të prerë. Kjo ka shkaktuar pakënaqësi tek pjesëtarët e FSK-së, të cilët ankohen se po u bëhet padrejtësi. Ministri i FSK-së, Agim Çeku, kishte theksuar se është vendim i përkohshëm. Kurse, Neni 8 i Kushtetutës e definon Kosovën si shtet laik, neutral në çështjet e religjioneve.

Avni Islam ekspert i çështjeve të sigurisë dhe luftës ndaj ekstremizmit, për gazetën “Bota sot” e vlerëson si të pa drejtë këtë masë të ndërmarrë ndaj pjesëtarëve të besimit islam, pasi sipas tij me këtë masë po u shkelet e drejta në besim.

“Në bazë të konventave ndërkombëtare është e garantuar, e drejta në besim. Në praktikat e vendeve të NATO-s u garantohet një e drejtë e tillë. Madje në këto ushtri kanë klerikë fetare të feve të ndryshme, si dhe ndahen hapësira të veçanta për kryerjen e riteve fetare”, thotë Islami.

Sipas tij kjo masë e ndalimit të praktikimit të riteve fetare, nuk ndikon aspak në përhapjen e ekstremizmit fetar. Islami më tej ka vlerësuar se në institucione duhet të krijohen kushte për praktikimin e riteve fetare.

“Kjo që ka ndodhë në kazermat e FSK-së është e panevojshme dhe kjo nuk ndikon aspak në parandalimin dhe luftimin e terrorizmit apo ideve radikale. Madje në vendet ku respektohen të drejtat dhe liritë e njeriut në institucionet publike ka hapësira të veçanta për kryerjen e riteve fetare. Dhe këto nuk ndikojnë aspak në radikalizmin e atyre individëve. Prandaj edhe në objektet e legalizuara dhe aty ku dihet se çka ligjërohet është dashtë vërtetë që të krijohen mundësitë e kryerjes së lutjeve”, pohon ai.

Islami thekson se, një masë e tillë është kontraproduktive e madje jo që është në kundërshtim me konventat ndërkombëtare për të drejtat e njeriut” dhe të drejtës në besim, po kjo do të ndikon negativisht të praktikuesit e riteve fetare.

“Mendoj se edhe nëse ka pasur indikacione se në mesin e praktikuesve dhe predikuesve fetar ka pas dyshime, atëherë është dashur të merren masa preventive duke i larguar të dyshuarit dhe hapi i dytë duhet t’ u bëhet verifikimi së pari ligjërueseve të cilët do të mbanin ligjërata dhe do tua falte Namazin, kësisoj udhëheqësit e FSK–së janë treguar të pa pjekur duke mos mundur të përballen me një gjendje të tillë”, deklaron Islami.

Avni Islami pohon se, nëse kështu veprohet në të ardhmen në FSK, por jo vetëm këtu që tu merret e drejta në praktikimin e lutjeve fetare, atëherë ekziston rreziku që mu këtu të bëhet qendër për prodhimin e radikalizmit për shkak të shkeljeve elementare të drejtave të njeriut dhe të drejtës në Besim.

Intelektualëve musliman në Kosovë ju shtua edhe një doktor shkence. Ai është hoxhë Sadat Rrustemi, i cili sot doktoroi në Universitetin Jinan të Libanit.

Këtë e bënë të ditur djali i tij, Ubejd Rrustemi, i cili përmes një postimi në rrjetin social facebook njoftoi se hoxhë Sadat Rrustemi sot doktoroi në Universitetin Jinan të Libanit me temën "Femra Kosovare nga këndvështrimi i jurisprudencës islame dhe ligjeve juridike dhe kanuneve - të drejtat e femrës".

Hoxhë Sadat Rrustemi më herët ka kryer studimet në fakultetin e Sheriatit në Universitetin Islamik të Medinës e më pas edhe ato postdiplomike në Universitetin e hapu në Kajro./Shembulli/

Ish-kreu i agjencisë së zbulimit ushtarak të Pakistanit, Hamid Gul, thotë se udhëheqësi i organizatës ISIL, Abu Bakr al-Baghdadi, në fund të viteve 80-të të shekullit të kaluar, ishte trajnuar në kampet e Afganistanit, lajmëron Anadolu Agency (AA).

Lideri i ISIL-it dhe Kalifi i tyre Abu Bakr al-Baghdadi është figurë enigmatike për të cilin publiku di shumë pak, përfshi edhe institucionet zyrtare, si edhe të dhënat e fshehta të SHBA-ve. Nuk ekziston edhe një burim i justifikuar për të kaluarën Baghdadit, ndërsa sipas informacionëve në të cilat arritën mediat, bëhet fjalë për personin me emrin Ibrahim Avvad Ibrahim Ali al-Bedri.

Lindur më 1971 në qytetin irakian Samara në veri të Bagdadit. Ai ka doktoruar në Fakultetin e Studimeve Islame, Universiteti i Bagdadit, ku punoi si ligjërues. Gjatë pushtimit amerikan të Irakut në vitin 2003, thuhet se shërbeu në një xhami të Bagdadit. Për shkak të mbështetjes së rezistencës irakiane në vitin 2004, u arrestua në Faluja dhe deri në vitin 2009 ishte paraburgosur në Kampin Bucca në Bagdadin jugorë, që është përdorur si burg ushtarak amerikan.

- SHBA-të nuk zbulojnë informacione në lidhje Baghdadin

Pavarësisht akuzave të shumta rreth qëndrimit pesëvjeçar të Baghdadit në kampin amerikan, institucionet zyrtare të Shteteve të Bashkuara ende nuk japin informacione në lidhje me të. Akuzat e publikuara nga gazeta amerikane "New York Times" si dhe intervista me ushtarakun amerikan i cili ishte përgjegjës për kampin Bucca, Kenneth King dhe portali "The Daily Beast" kanë tërhequr vëmendjen e publikut, kur është fjala për këtë temë. King, konfirmoi se Baghdadi deri në vitin 2009, ishte arrestuar në burgun Bucca dhe se pas mbylljes së burgut, së bashku me të burgosurit e tjerë, i janë dorëzuar autoriteteve irakiane, të cilët e liruan më pas. Me rastin e dorëzimit të burgosurve tek autoritetet e Irakut, King thotë se Bagdadi m'u afrua dhe më tha: "Shihemi në Nju Jork."

Zëdhënësja e Departamentit amerikan të Shtetit, Jen Psaki në konferencë për gazetar më 7 korrik, kishte deklaruar se nuk mund të konfirmojë dhe as të mohojë pretendimet rreth qëndrimit të Baghdadit në kampin amerikan. Për këtë çështje më vonë u diskutua edhe në Dhomën e Përfaqësuesve, përfaqësuesit e të cilit kërkuan nga autoritetet tu përgjigjen pyetjes nëse Baghdadi ishte në kampet amerikane dhe si u lirua. Zyrtari i Departamentit Amerikan të Shtetit,Brett McGurk tha se nuk ka informacion mbi lirimin e Baghdadit dhe se personalisht në atë kohë nuk kishte qenë në qeveri. Deri më tani, autoritetet nuk kanë dhënë përgjigje të detajuar rreth kësaj pyetje.

Gjenerali në pension pakistanez dhe ish shefi i përgjithshëm i inteligjencës ushtarake Hamid Gul, në një intervistë për AA zbuloi një seri informacionesh interesante në lidhje me kreun e ISIL Baghdadin. Gul gjatë periudhës 1979-1989 ishte një nga dëshmitarët më të rëndësishëm të mbështetjes pakistaneze ushtarake dhe logjistike të grupeve lokale afgane, të cilat rezistonin pushtimin nga forcat sovjetike.

Gul pohon se në vitin 1988, vizitoi kampet në rajonin Khost të Afganistanit dhe në mesin e të rinjve ishte edhe udhëheqësi i ISIL Baghdadi. "Atje kam takuar një grup të të rinjve arab. Afganët dhe arabët ndryshojnë në dukje. Në pyetjen se kush jeni, ata ma vërtetuan se ishin arabë. Atje, ata ishin trajnuar për të luftuar në rrugën e Perëndisë. Familjet e mira, kishin dërguar të rinjtë për ti ndihmuar luftëtarëve xhihadistë. Të ndezin zjarre, të gatuajnë në kuzhinë dhe të shërbejnë në kamp. Ata me të vërtetë ishin djelmosha të rinj, më shumë fëmijë. Besoj se njëri prej tyre ishte Ibrahim Bedri, apo Ebu Bekr el-Baghdadi," tha Gul. Gjenerali në pension Gul thotë se autoritetet amerikane arrestuan dhe e mbajtën në burg al- Baghdadin dhe se ata duhet të kenë informacione në lidhje me të.

- Të maskuar dhe gjatë takimeve me komandantët e tyre

Baghdadi këmbëngul të ruaj fshehtësinë e të dhënave rreth tij, ndërsa shumë burime thonë se ai vendos maskë edhe gjatë takimit me komandantët e ISIL-it. Mediat përdorin dy fotografi për të cilat vetëm supozohet që fytyra mbi to është me të vërtetë e Baghdadit. Fotografinë e parë, është botuar nga qeveria e Irakut, ndërsa tjetra është një fotografi nga fletarresti i SHBA-ve.

Paralelisht me këtë, nëpër media është shfaqur edhe një video, ku pretendohet se duket Baghdadi. Fjala është për një xhirim të cilin ISIL kishte publikuar në internet më 5 korrik, e që pretendohet se është xhirim gjatë hutbes në xhaminë e Mosulit.

Ndërsa identiteti i vërtet i liderit të ISIL-it, al Baghdadi mbetet një mister, në media javën e kaluar u dha lajmi se ai ishte plagosur rëndë në sulmet ajrore të koalicionit të udhëhequr nga Shtetet e Bashkuara. Autoritetet amerikane kanë thënë se nuk kanë asnjë informacion në lidhje me këtë dhe se nuk e dinë se ku ai ndodhet dhe si qëndron gjendja e tij.

Xhamia në fshatin palestinez, El-Mugir, në Bregun Perëndimor është djegur të mërkurën në mëngjes, ndërsa nëpër muret e xhamisë janë shfaqur mesazhe urrejtjeje ndaj arabëve, raporton Anadolu Agency (AA).

Besimtarët myslimanë konstatuan këtë ngjarje kur u nisën në faljen e namazit të mëngjesit (sabahut). Kati i parë dhe hyrja e xhamisë është djegur, ndërsa pas rishikimit të shkurtër besimtarët kanë vërejtur se flakët kanë arritur deri në katin e dytë duke shkaktuar dëme materiale. Në muret e xhamisë janë të shkruar mesazhet e urrejtjes ndaj arabëve.

Dëshmitarët pohojnë se pas këtij incidenti qëndrojnë kolonët radikal hebrenj. Megjithatë, ende nuk ka informacione zyrtare lidhur me sulmin ndaj xhamisë në Bregun Perëndimor.

Kolonët radikale hebrenj herë pas here shqetësojnë popullin palestinez, sidomos në zonat ku janë ndërtuar në mënyrë të paligjshme vendbanimeve hebraike. Palestinezët ankohen gjithashtu se hebrenjtë herë pas here gjuajnë me gurë automjetet e tyre.

Në trazirat e javës së kaluar në Jerusalem, trupat e ushtrisë izraelite kanë hyrë në Al-Aksa, pastaj në çizme hynë edhe në brendësi të xhamisë, gjë e cila është kundër traditës myslimane. Që atëherë, dhuna në Jerusalem, Jerusalemin Lindor, Ramallah dhe vende tjera nuk ka të ndalur.

Kledion Krasniqi nga Prizreni, i cili vuan nga tumori në kokë është në një gjendje shumë të rëndë shëndetësore, është duke qëndruar në shtëpi - në mungesë të fondeve.

Ai është operuar në një spital në Turqi mirëpo nuk ka pasur mundësi të qëndrojë shumë gjatë për trajtim dhe sëmundja i është kthyer.

Babai i tij, Gjevdet Krasniqi ka deklaruar se nëse sëmundja i rikthehet në gjendjen si ka qenë, atëherë biri i tij nuk do të ketë shumë gjasa për shërim.

Sa i përket mbledhjes së fondeve, Ministria e Shëndetësisë i ka dhënë për këtë rast 24.000 euro mirëpo këto nuk kanë mjaftuar për shërimin e tij në Turqi dhe ministria në fjalë ka thënë se nuk mund të ofroj fonde dy herë për të njëjtin rast.

Për këtë arsye, “Lëvizja Rinia” ka organizuar aksion humanitar në Prizren dhe në Prishtinë për të mbledhur edhe mjetet tjera të cilat i janë nevojitur për shërim.

Të kontaktuar nga Infodirekt.tv, kryetari i Lëvizjes Rinia, Egzon Pacolli, ka treguar se aksioni humanitar "Ta ndihmojmë Kledin" vazhdon.

"Ne kemi organizuar turnir në futboll, në stadiumin e Prishtinës në Tokbahqe, për këtë të shtunë. Fondet e mbledhura nga ekipet pjesëmarrëse do të shkojnë për operacionin e Kledit. Po ashtu ftojmë të gjithë të cilët dëshirojnë të kontribuojnë për shërimin e Kledit të kontaktojnë tek ne ose tek familja e tij. Fondet e mbledhura deri tani nga ne dhe nga Ministria e Shëndetësisë ia mundësuan atij të operohet një herë, por këto nuk mjaftojnë sepse i duhen edhe 6000 euro për të vazhduar shërimin", deklaroi Pacolli për Infodirekt.tv.

Për të gjithë ata që dëshirojnë të ndihmojnë Kledin këta janë numrat e xhirollogarisë dhe numrat e telefonit të familjes së tij:

Numri i xhirollogarisë: TEB BANK - 2030000067622737

Numrat e telefonit: +377 44 756 454; si dhe +377 45 522 259

Nëpërmjet TIKA-s, Turqia do të ndërtojë në Gazë 1.000 banesa për palestinezët, që kanë mbetur të pastrehë nga sulmet 51-ditore të Izrealit.

Konsulli i përgjithshëm i Turqisë në Jerusalem, ambasadori Mustafa Sarniç, i cili realizoi në Gazë një vizitë bashkë me Presidentin e Agjencisë Turke për Bashkëpunim dhe Koordinim (TIKA), Serdar Çam, nën shoqërinë e autoriteteve të TIKA-s dhe Entit të Çështjeve Fetare të Turqisë mori pjesë në ceremoninë e organizuar të hënën për hedhjen e themeleve për 1.000 banesa.

Gjatë fjalimit të rastit, Presidenti i TIKA-s, Serdar Çam, ka deklaruar se 1.000 banesat e reja, që do të ndërtohen për banorët e Gazës, janë një dhuratë e thjeshtë për njerëzit e vuajtur të këtij rajoni, për t’u krijuar atyre kushte më të volitshme jetese.

Ndërsa konsulli i përgjithshëm i Turqisë në Jerusalem, ambasadori Mustafa Sarniç, është shprehur se janë dëshmitarë të një rrënimi të madh në Gazë.

“Së pari duhet garantuar themelimi i një shteti të lirë dhe të pavarur palestinez. Ne besojmë se paqja dhe qetësia në rajon do të vendoset vetëm pasi të jenë garantuar këto kushte. Ne, si autoritete të Republikës së Turqisë, do të kontribuojmë me sa mundemi për rindërtimin e Gazës”, ka theksuar Sarniç.

Të dielën, kreu i TIKA-s dhe konsulli i përgjithshëm i Turqisë në Jerusalem realizuan gjithashtu përurimin e puseve të ujit, që do të plotësojnë nevojën për ujë të rreth 800 mijë palestinezëve në Lagjen “Shujaiyya” të Rripit të Gazës./trt/

Vizita e kryeministrit serb, Aleksandër Vuçiq, që pritet të ndodhë më 10 dhjetor në Kosovë, për disa qytetarë të komunave serbe nuk është diçka e jashtëzakonshme.

Sipas tyre, edhe vizita e kryeministri shqiptar, Edi Rama në Serbi është thjeshtë një budallallëk.

Zarko Stanimir (70), i cili banon në komunën e Graçanicës, në një intervistë për “Zërin” ka dhënë një deklaratë, që rrallë serb e thonë për Kosovën.

Stanimir vlerëson se të gjithë politikanët janë të njëjtë dhe se, sipas tij, veç po e gënjejnë popullin.

“Pse po i bëjnë këto budallallëqe. Tani edhe Vuçiqi vjen dhe do të bëjë budallakia tjera. Edhe ai (Edi Rama v.j.) ka shkuar atje me bë budallaki. Le ta dinë se Kosova ka shkuar moti. A e keni të qartë se është kryer me Kosovën”, ka thënë ndër të tjera ai. /zeri/

[youtube height="400" width="100%" align="none"]http://www.youtube.com/watch?v=tRs-ug7OznA[/youtube]

Gazetari, Betim Musliu i quan arrestimet e fundit të personave që dyshohen për terrorizëm filma të Hollywood-it.

Musliu, në një diskutim për rolin e medias në stigmatizimin e grupeve të ndjeshme, ka thënë që raportimet e gazetarëve mbi arrestimet e këtyre personave, kanë qenë të tmerrshme.

"Raportimet e arrestimit të këtyre personave kanë qenë të tmerrshme. Këto raportime të gazetarëve lidhur me arrestimet, janë bërë me një praktikë të mbrapsht ,duke bërë që të zbulohet identiteti i të gjithë protagonistëve të arrestuar duke mos mbrojtur asnjë të dhënë personale të tyre".

Sipas tij, është bërë një shkelje flagrante ndaj këtyre personave.

"Ekziston mundësia e pafajësisë së tyre, ku askush nuk mund të jetë i dënuar, përderisa nuk shpallet përmes një aktgjykimi fajësia e tyre. Kjo është një shkelje flagrante ndaj këtyre personave", ka thënë Musliu./Infodirekt/

Kur ju dëgjoni se 10.000 fëmijë janë vrarë gjatë luftës civile të Sirisë, ndoshta ju jeni duke menduar se ata vdiqën nga shpërthimet dhe sulmet ajrore - ju do të keni pjesërisht të drejtë.
Nëse janë sulmet e avionëve amerikanë në Pakistan, sulmet ajrore izraelite në Gaza, apo bombat e qeverisë siriane mbi Aleppo - ne jemi të mësuar për të dëgjuar se fëmijët janë vrarë, kryesisht aksidentalisht.

Rrallë herë kemi hasur në raste, kur fëmijët kanë qenë fokusi i snajperëve në rrugë. Megjithatë, kjo ka qenë një realitet për më se tri vite në Siri, transmeton Telegrafi.

Grupi i Kërkimeve të Oxfordit ka gjetur se sulmet nga snajperët kanë vrarë rreth 400 fëmijë sirianë nën moshën 17 vjeçare, duke përfshirë periudhën kohore mars 2011 – gusht 2013.

Ekziston një video e cila do t’iu paraqesë këtë realitet të tmerrshëm. Aty shihet një djalë i ri, ndoshta tetë vjeçar, duke tentuar që të shpëtoi nga snajperi duke shkuar drejt një vajze të re.

Në një moment ai bie në tokë pas një goditje në të, por ai prapë çohet dhe vazhdon të lëvizë. Ai kap vajzën për dore dhe ikin drejt ndonjë vendi më të sigurt duke u “ndihmuar” nga “mjegulla e pluhurit” rreth tyre e shkaktuar nga të shtënat e armëve. /Telegrafi/

[youtube height="400" width="100%" align="none"]http://www.youtube.com/watch?v=mgwO6oni-wY[/youtube]

Shqipëria dhe Serbia kanë hapur një faqe të re në raportet midis tyre, pavarësisht vështirësve dhe mospajtimeve të njohura midis tyre, ka thënë sot kryeministri i Shqipërisë, Edi Rama, në një takim me qytetarët e Preshevës, në jug të Serbisë, transmeton rel.

Takimi është  mbajtur në Shtëpinë e Kulturës të këtij qyteti dhe ka pasuar bisedimet që kryeministri shqiptar zhvilloi me zyrtarët lokalë të Preshevës.

“Nuk do të rreshtim duke punuar për rilindjen e Shqipërisë dhe për rilindjen e shqiptarëve kudo që jetojnë”.

“E marr pësipër përgjegjësinë që na takon, të mos lejojmë gjeneratën e re të shqiptarëve, por edhe atë të serbëve, të trashëgojnë traumat dhe pasojat e një konflikti jashtëzakonisht të gjatë”, tha Rama.

Kryeministri i Shqipërisë qëndron në Preshevë, një ditë pas vizitës në Beograd.

Një numër i madh policësh do të kujdeset për të siguruar vizitën e kryeministrit të Shqipërisë, Edi Rama në Preshevë, i cili në ditën e dytë të kësaj vizite historike në Serbi do të vizitojë edhe këtë qytet në jug të vendit, të banuar kryesisht nga popullsia shqiptare, raporton Anadolu Agency (AA).

Sipas korrespondentit të Anadolu Agency (AA) nga Presheva, në qytet janë vendosur billbordet e mëdha me imazhin e kryeministrit dhe me mesazhe "mirë se vjen Kryeministër".

Në vizitën e sotme historike në Luginën e Preshevës Kryeministri i Shqipërisë Edi Rama do të takohet ne këshilltarët e kuvendit të Preshevës, Bujanocit dhe Medvegja, Anëtarët e keshillit, preshev-bujanoc dhe liderët politik, raporton Anadolu Agency (AA).

Sipas informacioneve të marra nga gazetari i AA në Preshevë Komuna e Preshevës do t'i ndajë Ramës titullin “qytetar nderi” me motivacionin e vizitës historike të një kryeministri shqiptar pas 68 viteve.

Pas këtij momenti Rama do të takohet me liderët e Luginës dhe kabinetin e Kryetarit të Komunës së Preshevës.

Kryeministri Ahmet Davutollu e dënoi edhe një herë sulmin e Izraelit ndaj xhamisë al-Aksa.

Xhamia al-Aksa është kibleja e parë e myslimanëve dhe në këtë aspekt ne i kushtojmë një rëndësi të madhe, theksoi Davutollu, duke shtuar se “ata që duan të prishin kibilenë tonë të parë ta dinë mirë që ndërmjet nesh dhe Qabesë nuk ka asnjë dallim, mbrojtja e tyre është për ne një detyrë hyjnore”.

Ne do të rindërtojmë çdo që është prishur nga Izraeli në Xhaminë al-Aksa, nënvizoi Davutollu, ndërsa tha se do të dalin kundër çdo tiranie e shtypjeje, pavarësisht se në cilin vend të botës ndodh.

Kryeministri i Shqipërisë Edi Rama në konferencën për shtyp pas takimit me kryeministrin serb Aleksander Vuçiq deklaroi se Kosova e pavarur është realitet.

Në përgjigjen e tij Vuçiq këtë deklaratë për Kosovën e quajti provokative dhe shtoi se nuk do të lejojë nënçmimin e Serbisë nga askush.

Ai shtoi s endke ka pritur këtë fjalim të Ramës. Kosova është pjesë e Serbisë, shtoi ai Vuçiq .

Kryeministri i Serbisë, Aleksandar Vuçiç organizoi një pritje ceremoniale për kryeministrin e Shqipërisë, Edi Rama, me nderime të larta shtetërore para Pallatit "Srbija" në Beogradin e Ri, i cili sot mbërriti në Serbi për vizitën dy-ditore, raporton Anadolu Agency (AA).

Kryeministrat e të dy vendeve do të zhvillojnë takimin "kokë më kokë", takim prej 20 minutash, pas së cilit në takimin plenar do të bisedojnë delegacionet e Serbisë dhe Shqipërisë.

Janë parashikuar gjithashtu të nënshkruhen disa marrëveshje, të dy kryeministrat më pas do t'ju drejtohen medieve, në një konferencë të përbashkët.

Vizita e Ramës e cila ishte planifikuar për 22 tetor u shty për shkak të incidenteve në ndeshjen e futbollit ndërmjet Serbisë dhe Shqipërisë. Të dy kryeministrat u dakorduan që vizita të shtyhet për 10 nëntor.

Edi Rama në Serbi do të qëndrojë për dy ditë. Të martën, ai do të vizitojë Luginën e Preshevës, është konfirmuar për Anadolu Agency nga Ambasada e Shqipërisë në Beograd.

Pas më shumë se shtatë dekadave, vizita e Edi Ramës do të jetë vizita e parë e një zyrtari të lartë shqiptar në Beograd. Herën e fundit kryeqytetin e ish-Jugosllavisë në vitin 1947, e vizitoi udhëheqësi komunist shqiptar Enver Hoxha ku u takua me Josip Broz Titon.

Në këtë kontekst Rama në një intervistë për AA marrëdhëniet Shqipëri-Serbi i shikon në perspektivën e një kohë të re për Ballkanin dhe nga ana tjetër sipas tij kjo kohë e re kërkon lidership, kërkon një qasje të re dhe të bashkuar, për një të ardhme që duhet të jetë më e mirë për të gjithë popujt e rajonit, duke lënë pas të gjitha ato që në të shkuarën, jo vetëm na kanë penguar të shkojmë përpara, por kanë shkaktuar shumë konflikte dhe kanë sjellë shumë gjakderdhje, të cilat duhet të ja lëmë historisë, për të shkruar së bashku një histori paqeje dhe bashkëpunimi rajonal.

Pas pak minutash delegacioni shqiptar me kryeministrin Edi Rama do të mbërrijë në aeroportin e Beogradit. Avioni që do çojë një kryeminister shqiptar në Serbi pas 68 vjetësh sapo është nisur nga aeroporti “Nënë Tereza”.

Sipas gazetarit të Top Channel në Beograd, Idro Seferi, janë rreth 200 gazetarë që do e ndjekin këtë ngjarje historike dhe 3000 policë që do të sigurojnë rendin gjatë kësaj vizite.

Është parashikuar nënshkrimi i tri marrëveshjeve mes dy vendeve; një për doganat, një që shqiptarët dhe serbët të udhëtojnë me karta identiteti dhe një për bashkëpunimin rinor, por konfirmime zyrtare ende nuk ka.

Në orët e mbrëmjes Kryeministri Rama pritet të vizitojë Bashkinë e Beogradit ku do të takohet me kryebashkiakun Sinisha Mali me të cilin do të ketë një bisedë joformale.

Të martën Kryeministri Rama do të vizitojë Preshevën ku do të takohet me udhëheqësit shqiptarë, ndërkohë që do të ketë edhe një takim me qytetarët në Pallatin e Kulturës.

Mediat serbe i kanë kushtuar një rëndësis të veçantë vizitës së tij në Preshevë duke cituar Ministrin e Jashtëm, Ivica Daçiç që tha se nuk është problemi tek vizita e Ramës në Preshevë, por tek mesazhi që ai do të përcjellë./Top Channel/

Pjesëtarët e FSK-së të cilëve u është ndaluar falja brenda kazermave ankohen se po u bëhet padrejtësi.

Ministri i FSK-së, Agim Çeku, thotë se është vendim i përkohshëm. Kurse, Neni 8 i Kushtetutës e definon Kosovën si shtet laik, neutral në çështjet e religjioneve.

“Jemi duke u konsultuar me Bashkësinë Islame, me ekspertë, me juristë për ligjet, Kushtetutën dhe me specifikat e ushtrisë, praktikat e ushtrive të NATO-s, kështu që është një vendim i përkohshëm derisa të marrim një vendim të ri. Mendoj që brenda këtij viti do të përfundohet kjo çështje”, ka deklaruar Çeku, i kontaktuar nga Zëri. /Zëri/

Sot hoxha nga Mitrovica e Kosovës, Fatmir Latifi ka qëndruar në qytetin e Shkupit, për të ndërmjetsuar në pajtimimin e dy familjeve shqiptare që ishin të konfliktuar ndër vite, me ç'rast ai ka arritur të bëj një 'Pajtim Gjaku', raporton Almakos.

Almakos është në dijeni të emrave të kryefamiljarëve që janë pajtuar mes tyre, por për shkak se nuk dëshirojnë të bëhet publike, ne nuk do i publikojmë ato.

Më pas, Latifi namazin e drekes e fali në Xhaminë e Uhudit në lagjen e Dizhonit të Shkupit, ku është mirëpritur mjaft mirë nga xhemati i kësaj xhamisë, mes tjerash mund të shihni videon se si një Haxhi plak emocionohet tepër kur e sheh Hoxhën në fjalë.

[youtube height="400" width="100%" align="none"]http://www.youtube.com/watch?v=zdFqTBVcbc8[/youtube]

Aktivistët palestinezë me rastin e përvjetorit të rënies së Murit të Berlinit në mënyrë simbolike kanë çarë murin ndarës në Jeruzalem, raporton Anadolu Agency (AA).

Aktivistët e Komiteteve të Rezistencës të cilët janë kundër murit ndarës dhe klonëve hebrenjë në mënyrë simbolike kanë çarë murin ndarës në Beit Nabala dhe kanë ngritur flamurin palestinez.

Një prej aktivistëve palestinezë që ka hapur vrimën në mur, tha se veprimi ishte demonstrim me rastin e përvjetorit të rënies së Murit të Berlinit.

Një aktivist që nuk jep identitetin e tij tha se "kjo e çarë, është fillimi i fundit i murit të ndarjes që ndan në interesat e koloneve izraelite tokat palestineze. Ky mur është një shprehje e ndarjes raciste në epokën moderne".

Izraeli, për arsye sigurie filloi të ndërtojë në vitin 2002 murin e ndarjes mes Bregut Perëndimor dhe Izraelit.

Njoftohet se në sulmet ajrore që ka kryer koalicioni ndërkombëtar i udhëhequr nga SHBA janë vrarë dhjetëera militantë të ISID, përfshirë edhe dy liderë të kësaj organizate.

Sipas informacioneve nga sulmet ajrore që kanë kryer forcat e koalicionit ndërkombëtar, të kryesuar nga SHBA, në Enbar të Irakut janë vrarë 12 militantë të ISID, 2 prej të cilëve ishin liderë.

Pretendohet se është vrarë lideri i ISID-it, Ebubekir el-Bagdadi, por një zyrtar i Pentagonit bëri të ditur se nuk janë ende në gjendje të konfirmojnë një lajm të tillë.

Sipas një komunikate të lëshuar nga Departamenti amerikan i Mbrojtjes (Pentagon) avionët e koalicionit ndërkombëtar kanë goditur afër Mosullit një autokolonë me 10 automjete, brenda të cilëve gjendeshin edhe stafi drejtues i ISID-it.

Ndërkohë që televizioni al-Arabija njoftoi se lideri i ISID-it, el-Bagdadi është plagosur, një televizion lokal në Irak pretendoi se është vrarë një ndihmës i Bagdadit.

Në rrjetet sociale qarkullojnë lajmet për vdekjen e Bagdadit, ndërsa ISID-i i ka hedhur poshtë këto pretendime përmes komunikatave që lëshon në internet.

Njoftohet se në sulmet ajrore kanë gjetur vdekjen dhe janë plagosur me dhjetëra militantë të ISID-it.

Shtetet e Bashkuara të Amerikës për kokën e Bagdadit kishin vendosur një shpërblim prej 10 milionë dollarësh.

Koalicioni ndërkombëtar sulme ajrore realizoi edhe në qytezën el-Kaim që ndodhet në provincën Enbar të Irakut.

Dëshmitarët okularë thanë se në shënjestër të sulemeve ajore ishte një shtëpi ku ishin mbledhur liderët e ISID-it. Në këtë sulm gjetën vdekjen 15 vetë dhe u plagosën 31 të tjerë./trt/

Drejtori i Human Rights Watch (HRW) Kenneth Roth ka thënë se gjatë sundimit të Abdel Fatah Al-Sisit, Egjipti ka qenë dëshmitarë i formës më të keqe të shtypjes në historinë e saj.

Mohamed Morsi supporters run away from teargas in Rabaa al-Adawiya squareRoth ka postuar një pyetje në Twitter duke pyetur se cilat janë reformat gjatë sundimit të Al-Sisi-së, para se të përgjigjet, se ai ka bërë “goditjen më të rëndë në historinë moderne të Egjiptit”.

Ai pastaj dërgoi një “tweet” direkt tek autoritetet egjiptiane, duke shkruar: “Jo, Egjipti, nuk ka asnjë keqkuptim pas kritikave të UNHCR, se kjo është goditja më e rëndë në historinë e kohëve të fundit”.

Me këtë postim Roth iu ka referuar shqyrtimit të gjendjes së Egjiptit në Këshillin e OKB-se per të Drejtave të Njeriut (UNHCR), rezultatet e të cilave do të publikoheshin të premten.

Sipas BBC, Keith Harper, ambasadori amerikan në UNHRC, tha se Egjipti ka shkelur “lirinë e shprehjes, tubimit paqësor dhe të organizimit dhe ka privuar mijëra egjiptianë nga gjykimi i drejtë”. Gjatë séances së shqyrtimit, kanë dëshmuar edhe shkelje të shumta.

Megjithatë, zëvendës ministri i jashtëm egjiptian Hesham Badr hodhi poshtë këto pretendime, duke thënë se ato janë të bazuara në “keqkuptime”. /mesazhi/

Gazeta britanike The Guardian në artikullin e saj për zhvillimet në Kosovë, ka shkruar edhe për lidhjet e Shërbimit Informativ të Kosovës (SHIK) me shërbimin inteligjent francez DGSE. Sipas

Guardian, disa prej 20 rekrutëve të SHIK’ut të cilët ishin dërguar në Francë, ku ishin trajnuar për mbrojtje të afërt dhe për të përdorur armë, më vonë janë bërë pjesë e një grupi vrasësish.

Më poshtë mund të lexoni pjesë të tekstit të Guardian ku shkruan për lidhjet e SHIK’ut që ishte drejtuar nga Kadri Veseli me shërbimet inteligjente perëndimore.

Hetimet e reja për grupin fantazmë të spiunazhit SHIK, siç shkruan mediumi britanik, mund të del turprues edhe për agjencitë perëndimore të inteligjencës, në veçanti për CIA’n dhe DGSE’në e Francës, mbështetja e së cilëve për Thaçin, PDK’në dhe SHIK-un daton që nga lufta në Kosovë (1998-9). Në atë kohë, shkruan “The Guardian”, amerikanët dhe francezët përkrahnin Thaçin si komandantin më të efektshëm të UÇK-së që ka luftuar kundër ushtrisë serbe, e cila kishte ndërmarr një “fushatë të spastrimit etnik”.

Disa hetues të Kosovës dhe të EULEX-it besojnë se këto lidhje të inteligjencës gjatë kohës së luftës kanë ndihmuar në mbrojtjen e udhheqësisë së PDK-së dhe kanë penguar përpjekjet e tyre që ta frenojnë korrupsionin dhe krimin e organizuar në vend që nga shpallja e pavarësisë së Kosovës më 2008.

“The Guardian”, shkruan se familja e Bllacës është larguar nga Kosova për mbrojtje të mërkurën.

“The Guardian” përmes një burimi brenda EULEX’i, i ka konfirmuar hetimet ndaj Sylës.

Sipas mediumit më të fuqishëm britanik, këto të dhëna për vrasjet e kryera nga SHIK-u mund të jetë të papërshtatshme edhe për agjencitë e huaja të inteligjencës të cilat kanë ndihmuar gjatë luftës në Kosovë për organizimin e kësaj agjencie të inteligjencës.

Kadri Veseli, shefi i SHIK-ut dhe person i afërt me Thaçin, më 2011 i pati thënë ueb-faqes amerikane të lajmeve “GlobalPost”: “Kemi pasur shumë partnerë – 25 agjenci të inteligjencës… SHBA-të na kanë ndihmuar shumë”.

Veseli kishte thënë se agjencitë e huaja të inteligjencës kanë ndihmuar SHIK-un “në çdo aspekt”, por ka mohuar që SHIK-u ka kryer vrasje sistematike politike.

Përveç CIA-s, SHIK-u ka pranuar mbështetje të veçantë edhe nga shërbimi i jashtëm i inteligjencës franceze, DGSE. Franca ka ofruar trajnime ushtarake për UÇK-në. Përgjimet britanike të komunikimeve mes ushtrisë serbe gjatë kohës së luftës kanë zbuluar edhe se zyrtarë të DGSE-së janë vrarë bashkë me ushtarë të UÇK-së në një pritë të forcave serbe.

Pranverën e vitit 1999, sipas hetuesve që kanë përcjellë aktivitetet e SHIK-ut, një grup prej 20 rekrutëve të SHIK-ut janë marrë me një anije nga porti i Durrësit dhe janë transferuar në një anije luftarake franceze. Ata kishin qenë të veshur në fanella të kaltra të errëta në mënyrë që të përziheshin me ushtarët francezë. Me të shkuar në Francë, ata kanë pranuar trajnime për armë specialiste si pjesë e asaj që mendohej të ishte një kurs për mbrojtje të afërt. Por sipas hetuesve, disa prej rekrutëve të trajnuar nga Franca më vonë janë bërë pjesëtarë të grupit të vrasësve.

Lidhja e Francës me SHIK-un është forcuar kur forcat franceze morën nën kontroll pjesën veriore të Kosovës pas intervenimit të NATO-s më 1999, ku përfshihej rajoni i Drenicës prej nga vjen edhe familja e Thaçit dhe rrethi i tij i ngushtë. Një ish-shef i operacioneve të DGSE-së, Xavier Bout de Marnhac, pati udhëhequr EULEX-in nga 2010 deri më 2012.

Një hetues nga Kosova, gjithnjë sipas “The Guardian”, vlerëson se skuadra e vrasjeve është përgjegjëse për së paku 30 vrasje dhe se lidhja me francezët ka ndihmuar që EULEX-i të ngurrojë t’i nis hetimet ndaj politikanëve më të mëdhenj të Kosovës.

“Këta vrasës nuk janë të rëndësishëm, por janë të lidhur me njerëz të mbrojtur”, thotë hetuesi. “Njerëz nga vende të ndryshme kanë një lidhje emocionale pas luftës”.

“Është e vërtetë se në fund të vitit ‘99, kontaktet franceze ishin më të afërta me PDK-në dhe SHIK-un pasi që trupat franceze të NATO-s ishin vendosur në zona ku ky grup ka qenë i fuqishëm”, thotë për “The Guardian”, një ish-zyrtar francez që ka shërbyer në Kosovë. “Por ky ‘bashkëpunim’ nuk ka shkuar aq larg sa pretendohet nga disa persona sot. SHBA-të shkuan edhe më larg! Është e vërtetë se Franca ka trajnuar disa persona, por ka qenë përbrenda kornizës së krijimit të Forcës Mbrojtëse të Kosovës”.

Trajneri dhe futbollistët e Besës së Pejës, kishin planifikuar që të premten (dje) të mbanin stërvitje në ora 13:00. Një gjë e tillë nuk ndodhi për një arsye siç thonë lojtarët, shumë të fortë. “Për shkak se xhumaja falet në ora 12:00, jemi marrë vesh së bashku me trajnerin që stërvitjet t’i mbajmë nga ora 14:00”, thonë disa nga futbollistët pejan për t’u ndalur më shumë në këtë çështje, portieri Flamur Neziri.

“Zakonisht stërvitjet i mbajnë 24-orë para ndeshjeve, për t’iu përshtatur orarit të ndeshjes. Tanimë e kemi ndërruar orarin për faktin se të gjithë lojtarët e falim namazin e xhumasë. Është gjë shumë e mirë nga ana e trajnerit Arbnor Morina, i cili i ka mirëkuptuar lojtarët dhe për këtë fakt, duam që ta falënderojmë. Edhe ai e fal xhumanë”, ka thënë ‘gardiani’ Flamur Neziri për Arenën.

Edhe klubi më i madh kosovar, Prishtina e ndërron orarin e stërvitjeve për shkak të xhumasë. “Një ditë para ditës së xhumasë, bisedojmë për orarin e stërvitjeve, gjithmonë e lëmë në kohën që na konvenon për ta arritur xhumanë. Namazi është obligim i çdo myslimani, kështu që bisedojmë me shtabin teknik për çështjen e orarit. Në ekipin tonë thuajse 75 për qind e lojtarëve e falin namazin e xhumasë”, njofton për gazetën kapiteni i Prishtinës, Driton Krasniqi./Arena/

Përfaqësuesit e shoqatës humanitare "Kalliri i mirësisë", në kuadër të së cilës funksionon edhe pushimorja për jetimët në Prevallë, "Kulla e jetimit", kanë paralajmëruar padi ndaj drejtorit të Urbanizimit të Prizrenit, Nijazi Kryeziu, për shpërdorim të detyrës zyrtare për shkak të nxjerrjes së aktvendimit për rrënimin e këtij objekti.

Në këtë shoqatë konsiderojnë se zyrtari komunal i Prizrenit ka shpërfillur autoritetin e Ministrisë së Mjedisit dhe Planifikimit Hapësinor.

Nga MMPH-ja kam pranuar një vendim tjetër, ndërsa tash prej Komunës një tjetër. Kjo ministri më pati urdhëruar që ato pak tejkalime që kam pasur me i largua, gjë që e kam bërë. Pas kësaj ka ardhur vendimi i DUPH-së së Prizrenit, i cili jo vetëm se është i çuditshëm, por e ka shkelur edhe autoritetin e vetë Ministrisë”, ka thënë Kemajl Januzaj nga SHH "Kalliri i mirësisë".

Ndaj vendimit të DUPH-së ai është ankuar edhe në MMPH-në dhe thotë se nuk ka marrë përgjigje zyrtare brenda afatit të paraparë, prandaj, sipas tij, janë përmbushur kushtet ligjore që të ushtrojë kallëzim penal pranë organeve të drejtësisë. /Koha Ditore/

Këshilli i bashkësisë islame Vushtrri, njofton se sot ka ndërruar jetë hoxha Ferat Gërguri. Përmes një njoftimi ne faqen e tyre në rrjetin social facebook, KBI-Vushtrri njofton vdekjen e tij si dhe detajet rreth ceremonisë së varrimin që do të bëhet nesër në varrezat e qytetit të Vushtrrisë.

Më poshtë mund të lexoni njoftimin e plotë nga KBI Vushtrri:

Për shkaqe shëndetësore, Tribunali i Hagës ka vendosur ta liroj, përkohësisht, liderin e Partisë Radikale Serbe, Vojisllav Sheshelin, gjendja shëndetësore e të cilit është përkeqësuar dukshëm, raporton Anadolu Agency (AA).

Shesheli është i akuzuar për krim kundër njerëzimit dhe thyerjen e ligjeve dhe zakoneve të luftës në Kroaci, Bosnje dhe Kosovë, por edhe pas 11 viteve, sa gjendet në paraburgim në Hagë, procesi i tij gjyqësorë nuk ka përfunduar.

Haki Kasumi, koordinator i Këshillit të Shoqatës për Personat e Zhdukur nga Kosova, ka vlerësuar se lirimi i përkohshëm i Sheshelit, po e përsërit rastin e Sllobodan Milosheviçit, i cili vdiq pa ju shqiptuar vendimi në Gjykatën e Hagës.

Sipas tij, kjo është e papranueshme dhe nuk ka lidhje me drejtësinë. “Ai që e ka bërë këtë, sipas nesh, është duke e bërë të njëjtin krim sikurse edhe kriminelët, në mesin e të cilëve është si peshk i madh, krimineli i madh, Shesheli. Fatkeqësisht, po duket se edhe ai do të mbetet pa aktgjykim, që është e papranueshme dhe që, për viktimat, është qëndrim dhe veprim i gabueshëm i atyre që e lirojnë këtë kriminel” thotë për Anadolu Agency, Haki Kasumi.

Ai thekson se gjykatësit ndërkombëtarë nuk duhet të kenë fare mëshirë ndaj këtij lloji të kriminelëve, si dhe duhet t’i ndjekin vazhdimisht, në mënyrë që këto krime të mos përsëritën më kurrë.

Nga ana tjetër, Bojan Teofiloviç nga Qendra për Paqe dhe Tolerancë në Graçanicë ka theksuar se Shesheli ka qenë i akuzuar në Hagë, por se nuk është i dënuar, ndërsa në drejtësi, ekziston supozimi se ose je i pafajshëm ose je i dënuar.

“Mendoj se ky akt është hedhja e ‘patateve të nxehta’ dikujt tjetër, sepse, sipas të gjitha gjasave ai është në një gjendje shëndetësore që nuk i ka mbetur edhe shumë jetë... Nga ana tjetër, ata kanë probleme për shkak të procesit të tij. Edhe pas 11 viteve të kaluara në Tribunal, nuk ka aktgjykim dhe kjo është mënyra më e lehtë për Tribunalin që ta zgjedh këtë situatë në të cilën janë futur me gabimin e tyre dhe kjo është zgjedhur si mënyrë për ta zgjedhur këtë situatë” ka thënë për AA, Teofiloviç.

Drejtori ekzekutiv i Fondit për të Drejtat Humanitare në Kosovë , Bekim Blakaj, ka thënë për AA se Tribunali i Hagës është duke na befasuar, nga dita në ditë, sepse proceset në këtë gjykatë po zgjasin shumë gjatë dhe kjo është e padurueshme për viktimat. “Ky është rasti tani edhe me Vojsilav Sheshelin. Procesi i tij po zgjatë që 11 vjet dhe viktimat assesi nuk po mund të shohin drejtësinë. Kjo është problem i madh sepse po shihet se, gjendja shëndetësore e Sheshelit është përkeqësuar dhe unë po frikohem se do të vdes, pa u marr vendimi. Ky do të jetë rasti i dytë. Ka edhe disa raste të fundit të cilat janë në proces e sipër në Tribunalin e Hagës dhe nëse vazhdojnë në këtë mënyrë, viktimat nuk do të jenë të kënaqura me punën e Tribunalit të Hagës” thotë Blakaj.

Sipas fjalëve të tij, Fondi për të Drejtat Humanitare ka reaguar edhe më herët se, proceset po zgjasin shumë gjatë dhe jo vetëm viktimat, por edhe shoqëritë në këtë regjion po mbeten pa e mësuar të vërtetën dhe vendimin e gjykatës së Tribunalit të Hagës.

Në Sarajevë pati reagime kundërshtuese pas vendimit të tribunalit të Hagës për lirimin e Sheshelit

"Hedhja e kripës në plagë të hapur nuk është e pazakontë për ne", deklaroi kryetarja e shoqatës "Nënat e Srebrenicës" Hatixha Mehmedoviç, në lidhje me lirimin e përkohshëm të akuzuarit të Hagës dhe liderit të Partisë Radikale Serbe (SRS) Vojislav Sheshel, raporton Anadolu Agency (AA).

Mehmedoviç theksoi se familjet e viktimave nuk janë të befasuara me këtë vendim, kjo është trishtuese, pasi që në këtë mënyrë brezave të rinj i jep "krahë" që të bëjnë krime edhe më të përgjakshme dhe të rrezikshme.

"Të kaluarën nuk mund ta kthejmë, por nga ajo asgjë nuk mësuam, ashtu që ajo të mos përsëritet askund dhe askujt. Nuk është çudi që në botë ndodhin krime, sepse gjykatat nuk bëjnë atë që duhet dhe çdo gjë duket e korruptuar disi. Ne, familjet, që përjetuam të gjitha torturat në BeH, përfshirë gjenocidin në Srebrenicë, ne ndjehemi me të vërtetë keq. Nuk shpresuam që fëmijët tanë të kthehen, sepse e dimë që është e pamundur, por ne prisnim drejtësi. Megjithatë, në vend të drejtësisë ne ballafaqohemi me humbje të vullnetit për ta vazhduar luftën për të vërtetën dhe drejtësinë. Nëse nuk ka drejtësi nuk ka të ardhme. Të gjithë ata që kanë kryer gjenocid dhe agresion, të cilat po lirohen, disi po shpërblehen, ndërsa ne, familjet, dënohemi," tha Mehmedoviç.

Kryetarja e Shoqatës "Nënat e Srebrenicës dhe Enklavat e Zhepës" Munira Subashiç tha se "Shesheli kishte bërë cirk nga Tribunali i Hagës" duke fyer viktimat dhe prokurorët gjatë gjykimit dhe se "ndoshta është liruar që të mos vdiste në Hagë, por në shtëpi."

I ashpër ishte edhe reagimi i Kryetarit të Shoqatës së kampeve të përqendrimit në Bosnjë, Jasmin Meshkoviç. "Ne e dënojmë ashpër dhe shprehin pakënaqësinë tonë me vendimin për lirimin e përkohshëm të kriminelit të luftës, personin, procesi gjyqësor i të cilit zhvillohet që nga viti 2003. Ne nuk mund ta besojmë. Vlerësojmë rëndësinë e Tribunalit të Hagës. Është e vërtetë se, pa këto institucione, e vërteta do të shihej ndryshe. Tribunali ka kontribuar për zbardhjen e krimeve, por vendimi për lirimin e Shesheljit paraqet poshtërim të viktimave. Njerëzit janë të hutuar, anëtarët tanë na telefonojnë dhe pyesin nëse kjo është e vërtetë," tha Meshkoviç.

Vojislav Sheshel ishte gjykuar nga Tribuanali i Hagës me akuza për krime kundër njerëzimit dhe shkelje të ligjeve apo rregullave të luftës në vitet 1991-1993 në Kroaci, Bosnjë dhe Hercegovinë dhe Vojvodinë. Argumentet mbyllëse në gjyq janë përcaktuar në vitin 2012, por vendimi deri në ditët tona nuk është sjellë akoma. Dhoma Gjyqësore Penale e Tribunalit Ndërkombëtar për ish-Jugosllavinë dje vendosi që Vojislav Sheshel të lirohet përkohësisht për shkak të gjendjes së rënduar shëndetësore.

Sot në hapësirat e Kuvendit të Kosovës janë takuar liderët e koalicionit LVAN. Në takim ishin Isa Mustafa (LDK), Albin Kurti (LVV), Ramush Haradinaj (AAK) dhe Fatmir Limaj (Nisma)

Në emër të tyre foli kreu i Nismës për Kosovën, Fatmir Limaj, i cili tha se blloku nuk do të insistojë më për postin kryeparlamentarit.

Edhe dje është raportuar se LVAN-i sot mund ta bëjë publik këtë pozicion . Por, siç u tha dje, edhe sot pas takimit u theksua se blloku ka kërkuar garanci nga presidentja se herën e dytë do t’u takojë atyre e drejta për të formuar Qeverinë, pasi mundësinë e parë ta ketë shteruar PDK-ja e Thaçit.

Limaj ka thënë se i kanë dërguar një letër presidentes Atifete Jahjaga, me propozim konkret për zgjidhjen e ngërçit. Ai tha se përmes kësaj letre kanë kërkuar nga Jahjaga që të thërras urgjentisht seancën e Kuvendit në të cilën deputetët e LVAN-it do ta votojnë kryeparlamentarin e PDK-së, për t’i hapur rrugë Qeverisë së Bllokut. /Telegrafi/

Koalicioni ndërkombëtar i udhëhequr nga SHBA-të ka vënë në shënjestër bazën e Lëvizjes Ahraru Sham, e cila është një nga komponentët më të mëdhenj të Frontit Islamik në Siri. Nga sulmi i fundit ndaj tyre njoftohet se u vranë 2 anëtarë të lëvizjes.

Xhihad esh-Shami, anëtar i Zyrës së Shtypit të Lëvizjes Ahraru Sham duke folur për gazetarët theksoi se forcat e koalicionit të udhëhequra nga SHBA-të kanë ndërmarrë sulme ajrore ndaj një baze që i përket lëvizjes në fshatin Babiska të Idlibit.

- "Ne jemi duke u përpjekur për të mbrojtur civilët"

Shami ka theksuar se gjatë sulmeve me 8 raketa kanë humbur jetën 2 anëtarë të lëvizjes Ahraru Sham dhe baza që ishte objektiv është shembur plotësisht. Shami gjithashtu ka shprehur se do të zbrazim disa baza që ndodhen afër vendbanimeve të civilëve me qëllimin për të mbrojtur civilët nga bombardimet e SHBA-së.

Struktura bazë e Frontit Islamik edhe grupi i komponentëve të formimit të strukturës nuk janë përfshirë në listën e organizatave terroriste të SHBA-së apo Kombeve të Bashkuara.

- Sulm me bombë fuçi në Rastan

Në anën tjetër regjimi sirian vazhdon sulmet në zonat e kontrolluara nga opozitarët. Në sulmet e ndërmarra me bombë fuçi në rajonin Rastan të Humusit është plagosur një grua që ndodhej pranë vendngjarjes dhe u shembën disa shtëpi të civilëve.

Komiteti i koordinimit lokal të Sirisë kishte njoftuar se avionët e forcave të koalicionit kishin ndërmarrë sulme ajrore ndaj bazës dhe depove të municionit të Fronti Nusra në Harm të Idlibit.

Edhe Mustafa Ebu Latif një prej aktivistëve lokalë në rajon ka deklaruar se gjatë sulmeve ndaj depos së municioneve të Frontit Nusra në Harm, si pasojë e shpërthimeve humbën jetën 4 fëmijë, një numër i madh njerëzish u plagosën dhe shumë vendbanime u dëmtuan.

Koalicioni ndërkombëtar i udhëhequr nga Shtetet e Bashkuara të Amerikës, në 24 orët e fundit ka bombarduar dy depo municionesh të Frontit Al-Nusra. Përveç kësaj janë sulmuar edhe disa objektiva të tjera dhe nga të dyja sulme ka patur të lënduar dhe të vdekur, në mesin e të cilëve janë katër fëmijë, raporton Anadolu Agency.

Komiteti Lokal i Sirisë (LCC), njoftoi se sulmi ndaj depos së municioneve të Frontit Al-Nusra kishte ndodhur në qytetin Harm në afërsi të Idlibit. Aktivisti lokal Ebu Latif theksoi se në këto shpërthime janë plagosur shumë njerëz, ndërsa katër fëmijë u vranë. Përveç kësaj janë shkaktuar edhe dëme të mëdha materiale në objektet pranë. Siç tha Ebu Latif, nga rrënojat, me ndihmën e makinave, janë tërhequr të plagosurit dhe të vrarë.

Sulmi tjetër është kryer në objektivë në afërsi të kalimit kufitar Bab Hava. Ebu Latif tregoi se koalicioni ndërkombëtar ka bombarduar edhe objektivat e organizatës Brigada Ahrari Sham në fshatin Buskaya, po ashtu në afërsi të Idlibit. Përveç kësaj, ai tha se sulmet ajrore janë kryer edhe në qytezat Sarmede, Baka, Kefr Direyn dhe Kafr Tahrim të cilët gjenden në afërsi të Idlibit.

Ebu Latif nuk kishte të dhëna nëse ka pasur të lënduar apo të vrarë na këto sulme, por tha se sulmi më i fuqishëm ishte ai ndaj Frontit Nursa në Harm. Zëdhënësi Frontit Al- Nusra, Mustafa Sultan, njoftoi se nga sulmet e forcave të koalicionit në pozicionet e tyre në rajonin e Idlib ka të vrarë dhe të plagosur. Forcat e koalicionit edhe më herët kanë sulmuar pozicionet e kësaj organizate në zonën e Idlibit dhe Aleppos.

Në rast se liderët e partive politike nuk do të gjejnë zgjidhje për tejkalimin e ngërçit politik, atëherë presidentja e Kosovës, Atifete Jahjaga, të premten, eventualisht të martën, me dekret të veçantë do ta shpërndajë Kuvendin, më pas do t’i shpallë zgjedhjet e jashtëzakonshme.

Lajmin e kanë konfirmuar burime mirë të informuara të “Epokës së re”. Po këto burime kanë bërë me dije se Kosova është vonuar në krijimin e institucioneve, prandaj nuk ka kohë për ta krijuar qeverinë me procedurë të rregullt për shkak të mosfunksionimit të Kuvendit. /epoka e re/

Një profesor në Universitetin e Arizonës ka shokuar amerikanët i cili në një deklaratë publike ka thënë se krimet e trupave amerikane në stërvitjet e përditshme janë njësoj të tmerrshme si ato që bëjnë xhihadistët, dhe se pozicioni i SHBA-ve është hipokrit që dënojnë dhe ngre moralin mbi krimet e bëra në emër të ISIS-it, raporton Daily Mail.

Në një artikull të publikuar në faqen e internetit TruthOut (drita e së vërtetës), Musa al-Gharbi i cili është një instruktor në Departamentin e universitetit të Qeverisë dhe programit të Shërbimit Publik, ushtarët amerikanë është duke i paraqitur si “përdhunuesit anti-myslimane”, krimet e të cilëve janë “njëlloj tmerrshme, nëse jo më keq se ata që bëjnë anëtarët e ISIS-it”, transmeton TetovaSot.

Teksti ka shkaktuar një stuhi reagimesh, dhe disa politikanë kanë sugjeruar edhe universitetin ku profesori punon për të pakësuar fondet për punë, sepse ata mendojnë se paratë e taksapaguesve nuk duhet të financojnë institucionet që nxisin debate të tilla në një situatë çfarë është sot bota.

“Politika e Shteteve të Bashkuara në Irak, Libi dhe Siri kanë ushqyer kryesisht krijimin e ISIS, si një faktor kyç në rajon”, shkroi Al-Gharb dhe shtoi se ajo që tani njerëzit e zyrës së Obama-s e dënojnë ka ndodhur edhe më parë, vetëm se ofruesit e krimeve ishin ushtarë amerikanë.

“Si një duhanxhi i SHBA-ve deklaron dhunën seksuale dhe rrëmbimet e femrave të jezidëve nga xhihadistët, i njëjti skenar është përdorur në vitin 2001, kur Amerika filloi luftën kundër talebanëve në Afganistan. Megjithatë, gjatë kësaj lufte, dhe luftës së ardhshme kundër Irakut në vitin 2003, ushtarët amerikanë kanë përdhunuar në mënyrë të përsëritur, të burgosurit dhe njerëzit lokalë”, shkroi Al Gharb në tekstin e tij.

Profesori tronditi publikun amerikan me pretendimet se në mesin e trupave amerikane ka shumë “racistë dhe neo-nazistë” dhe përmend krimet e tmerrshme që ata kanë kryer kundër trupave të armikut, një pjesë e të cilave ka edhe foto.

Pas artikullit është dërguar një shenjë proteste ndaj universitetit, por institucioni ka thënë se teksti është një pikëpamje personale e autorit, dhe se shumë nga kolegët e tij ishin të tronditur dhe të ofenduar nga qëndrimet e tij.

Megjithatë, rektori vuri në dukje se sipas Amendamentit të Parë, Musa Al Gharb ka të drejtë të shprehë publikisht mendimin e tij personal. /TetovaSot/

Orët e mëngjesit të së mërkurës në Jerusalem janë shënuar me përleshje ndërmjet forcave izraelite të sigurisë dhe protestuesve pasi që forcat izraelite kanë hyrë me çizme brenda xhamisë Al-Aksa. Incidenti i dytë ka ndodhur në Jerusalemin Lindor ku një palestinez u nis me automjet në drejtim të këmbësorëve izraelitë. Deri tani në këto dy sulme një person ka vdekur, ndërsa 41 janë plagosur, raporton Anadolu Agency.

Hyrja e hebrenjve në Al-Aksa ka shkaktuar reagime të rrepta të myslimanëve, si atyre që protestuan në xhami ashtu edhe të atyre që ishin të tubuar në rrugët përreth. Policia kundër protestuesve ka përdorur plumba gome, bomba tymi dhe bomba zhurmuese. Pasi protestuesit hynë në brendësi të xhamisë, disa policë kanë hyrë me çizme brenda xhamisë duke përdhosur edhe vendet e veçanta në të. Pas ndërhyrjes së policisë janë parë edhe shumë kopje të shpërndara të librit të shenjtë mysliman rreth xhamisë.

Trazirat nuk ishin të kufizuara vetëm në brendësi të e xhamisë. Protestuesit janë mbledhur edhe në rrugët përreth, kur erdhi deri te konflikti me pjesëtarët e policisë. Edhe në këtë rast policia izraelite ka përdorur plumba gume, bomba tymi dhe zhurmuese.

Në trazirat janë plagosur 27 njerëz, në mesin e tyre edhe gazetari i AA Turgut Alp Boyraz kamera e të cilit është shkatërruar dhe kameramani i TRT-së.

Xhamia e Al-Aksa është vendi i tretë për nga rëndësia për myslimanët. Myslimanët e parë në kohën kur Profeti Muhammed (a.s) ishte gjallë, me rastin e faljes së namazit kanë kthyer fytyrat e veta në drejtim të Al-aksas, prandaj kjo është është arsyeja pse kjo xhami është e njohur si kibla e parë e myslimanëve.

- Incidentet në Jerusalemin Lindor -

Trazirat në Jerusalem akoma nuk kanë përfunduar kur në Jerusalemin Lindor ka ardhur deri de incidenti i ri. Sipas burimeve të policisë një palestinez ka drejtuar veturën e vetë në drejtim të izraelitëve, ku janë plagosur 14 persona. Ushtarët izraelitë në vendin e ngjarjes e kanë qëlluar shoferin i cili ndërroi jetë menjëherë.

Njoftohet se ushtarët izraelitë që nga viti 1967 për herë të parë kanë hyrë në xhaminë Al-Aksa deri në hyrjen e poshtme të kupolës, ku ndodhen vendet kryesore të kompleksit, duke shkelur dhe përdhosur vendet e veçanta në xhami, raporton Anadolo Agency (AA).

Drejtor i Departamentit të fondacioneve islamike dhe drejtuesi i xhamisë Al-Aksa, Azzam el-Hatib, në një deklaratë për gazetarin e AA tha se: "Afërsisht 300 ushtarë izraelitë kanë dhunuar xhaminë Al-Aksa. Disa prej ushtarëve kanë hyrë me çizme brenda xhamisë duke përdhosur edhe vendet e veçanta në të.

Hatib duke theksuar se ushtarët izraelitë që nga viti 1967 për herë të parë hyjnë në xhami. "Ky është një hap shumë i rrezikshëm, është një gjendje e papranueshme dhe Izraeli do të vuajë pasojat e kësaj". Xhamia Al-Aksa e cila gjendet në Jerusalem cilësohet si Kibla e parë e myslimanëve.

Këshilltari për shtyp në zyrën e Hatajit për punimet në Siri të Fondacionit humanitar IHH Burak Karaxhaoglu (Burak Karacaoğlu) ka bërë thirrje për ndihma emergjente në Siri, raporton Anadolu Agency (AA).

Karaxhaoglu tha për gazetarin e AA se: “Vendi me 20 milionë banorë ka nevojë për ndihma emergjente humanitare për afërsisht 10 milionë banorë”.

Karaxhaoglu thekson se në këtë proces 6.5 milionë sirianë u detyruan të largohen nga shtëpitë e tyre dhe 3 milionë prej tyre gjetën shpëtim duke ikur në vendet fqinje. Sirianët të cilët u detyruan të largohen nga vendi, tre të katërtat e tyre e përbëjnë gratë dhe fëmijët, mbi 1 milionë fëmijë mundohen të vazhdojnë jetën e tyre në kushte të vështira larg vendit dhe shtëpive të tyre.

Karaxhaoglu duke tërhequr vëmendjen për rritjen e problemeve nga përkeqësimi i motit të ftohtë tha se: "Populli sirian i goditur nga lufta dhe varfëria është i detyruar të luftojnë edhe kundër motit të ftohtë. Për arsye të rritjes së numrit të refugjatëve dita ditës edhe nevojat e tjera janë bërë të pa-përballueshme. Ndihmat më në nevojë janë furnizimet ushqimore si miell, sheqer, oriz dhe vaj.”

Duke filluar nga muaji nëntor 2014, Komuna e Prishtinës ofron transportin publik falas për pensionistët e Prishtinës në linjat të cilat menaxhohen nga trafiku urban - linjat 3 dhe 4.

Pensionistët e interesuar duhet të paraqiten në ndërmarrjen së “Trafiku Urban”, ndërsa me vete duhet të kenë letërnjoftimin, një fotografi si dhe vërtetimin mbi vendbanimin, i cili lëshohet nga bashkësia lokale përkatëse, njofton Telegrafi.

Me këtë rast, pensionistëve do t’ju lëshohet bileta që do të vlejë për gjashtë muajt e ardhshëm, e cila do t’ua sigurojë transportin falas për linjat e sipërpërmendura.

Incidentet në ndeshjen mes Serbisë dhe Shqipërisë ringjallën fjalorin e vjetër të politikanëve serbë, derisa mediat u shfrytëzuan masivisht në përhapjen e propagandës kundër shqiptarëve.

Vukashin Obradoviq, kryetari i Shoqatës së Pavarur të Gazetarëve serbë, thotë se të jesh gazetar në Serbi është e vështirë, sidomos për faktin se kontrolli ndaj mediave është i ngjashëm me atë nga epoka e Millosheviqit, raporton KTV.

Ai pohon se gjuha e urrejtjes e përdorur së fundi ndaj shqiptarëve në media më shumë ishte tentim për të tërhequr vëmendjen nga problemet e shumta me të cilat ballafaqohen qytetarët serbë.

Drejtori dhe kryeredaktori i agjencisë së lajmeve Fonet, Zoran Sekuliq, vlerësoi se gjuha e urrejtjes në media, ndonëse jo praktikë e shpeshtë, udhëhiqet nga shteti, derisa mediat i krijon në organe politike-shoqërore.

Derisa disa besojnë se bëhet fjalë për liri të shprehjes, të tjerët, pas këtyre ballinave shohin propagandë nacionaliste, transmeton Koha.net.

Gazetari shqiptar në Beograd, Idro Seferi, pohon se pas incidenteve të ndryshme në ndeshjen Serbi-Shqipëri pati dukshëm raportime të njëanshme dhe të ndikuara.

Sulmohet nga racistët xhamia “Junus Emre” në kryeqytetin e Danimarkës në Kopenhagen, raporton Anadolu Agency (AA).

Xhamia “Junus Emre” nuk ka pamjen e një xhamie sepse është pa minare dhe pa kupolë, dhe vepron nën shenjën e Shoqatës Kulturore turke në Danimarkë. Muret e xhamisë janë vizatuar nga 3 persona në orët e natës me kryqin nazist.

Pas njoftimit nga drejtuesit e shoqatës dhe komunitetit, ka ndërhyrë policia duke parë pamjet filmike të kamerave të sigurisë dhe ka arrestuar tre persona. Kryetari i shoqatës Sherafetin Koçbaj (Şerafettin Koçbay) tha se “në orët e vona të natës në murin e xhamisë është vizatuar kryqi nazist dhe simboli trekëmbëshit. Koçbaj gjithashtu theksoi se donim të fshinim kryqin, por për shkak se shoqëria e siguracionit nuk paguan dëmin nuk e kemi fshirë dhe gjithashtu kemi dëgjuar se policia ka arrestuar personat e dyshuar dhe kanë kërkuar që të mbyllet çështja”.

Edhe Drejtuesi i shoqatës, Mehmet Jëllmaz (Mehmet Yılmaz) njofton se më parë nuk kanë ndodhur sulme të tilla gjatë 34 viteve, përveç një rasti ku është lënë një shishe e shkruar dhe në muajt e verës kur policia kishte kryer kontroll për një çështje tjetër. Kjo është hera e parë në këtë lloj sulmi thekson ai. Jëllmaz gjithashtu thekson se xhamia nuk ka asnjë aktivitet.

Kreu i PDK-së, Hashim Thaçi, njëherit kryeministër në detyrë ka ftuar sërish liderët e partive tjera që të reflektojnë karshi ngërçit politik për të bërë të mundur krijimin e institucioneve të vendit bazuar në rezultatet e zgjedhjeve parlamentare të 8 qershorit.

Ai sot ka thënë se mënyra e vetme e daljes nga kjo situatë politike është komunikimi dhe diskutimi mes liderëve të partive parlamentare.

“Është koha të lëvizim përpara, të ndërtojmë institucione stabile, institucione që do të punojnë në agjendën jashtëzakonisht të rëndësishme zhvillimore dhe integruese të shtetit të Kosovës”.

I pyetur rreth mundësisë së një koalicioni mes PDK-së dhe LDK-së, ku Isa Mustafa do të bëhej kryeministër, ndërsa ai do të zinte postin e presidentit, pas mbarimit të mandatit të presidentes Atifete Jahjaga, kryeministri Thaçi ka thënë se është kulturë të diskutohen gjërat.

Por sipas tij, askush nuk do të mund të realizojë 100 për qindëshin e asaj që aspiron.

"Vetëm me marrëveshje tejkalohet ngërçi i krijuar”, ka thënë Thaçi. /kosovasot/

Zhvillohet protestë në Gaza në shenjë solidariteti për të burgosurit palestinezë në burgjet izraelite, raporton Anadolu Agecy (AA).

Familjet palestineze u mblodhën para ndërtesës së Kryqit të Kuq në Gaza dhe kërkuan nga organizatat për të drejtat e njeriut që të ndërmarrin hapat e nevojshëm për lirimin e të gjithë palestinezëve në burgjet izraelite. Protestuesit mbajtën në duar fotografitë e të afërmeve të tyre.

Selva el-Xhuxhu (Selva el-Cucu), nëna e të burgosurit palestinez Xhuma el-Xhuxhu (Cuma el-Cucu) duke vënë në dukje se të burgosurit janë në kushte të vështira tha: "Të burgosurit, vuajnë nga shumë sëmundje, gjithashtu kushtet në burg nuk janë të përshtatshme për kurimin e tyre. Ne kërkojmë nga Presidenti palestinez Mahmud Abbas që të ushtrojë presion ndaj institucioneve ndërkombëtare për lirimin e të burgosurve.

Nga ana tjetër Izraeli ka njoftuar se ka anuluar "ditën e takimit" të organizatës së Kryqit të Kuq që ishte planifikuar për të burgosurit palestinezë në burgjet izraelite. Sipas të dhënave nga Ministria palestineze e të Burgosurve, në burgjet izraelite ndodhen 7 mijë palestinezë të burgosur.

Anëtari i kryesisë së LISBA-a, Fatos Rexhepi është liruar nga paraburgimi.

“Lirohet nga paraburgimi anëtari i kryesisë se LISBA' hoxhë Fatos Rexhepi”, shkruan Noli Zhita, anëtar i kryesisë së LISBA-së.

Deputetët e Kuvendit të Kosovës po marrin rroga, edhe pse Kuvendi nuk po funksionon. Madje, buxhetit të varfër të Kosovës kjo jo pak po i kushton.

Këtë e bënë me dije edhe Sekretari i Kuvendit, Ismet Krasniqi, përmes një përgjigje elektronike për TV Rrokum. Ai tha se janë procesuar edhe rrogat e muajit të kaluar.

“Për periudhën 17 korrik - 31 tetor, për 107 deputetë janë paguar ne total 562 mijë euro. Nuk ka pasë pagesë për 12 deputetë që kane pozita në Qeveri”, shkroi ai.

Ndryshe, deputetet për gjysmën e muajit korrik kanë marrë 744 euro rrogë, për të vazhduar pastaj me rrogën e plotë që ashtë 1488 euro në muaj.

Analisti Shpend Kursani nuk fajëson partitë apo deputetët, por Kushtetuesen që e solli këtë ngërç dhe që e ka përcaktuar këtë situatë që deputet të marrin rroga edhe pa u kompletua konstituimi i Kuvendit. Ndërsa, Albert Krasniqi nga KIPRED vlerëson se pagat janë të arsyeshme pasi, sipas tij, nëse kërkohet që deputetët të heqin dorë nga postet tjera, atëherë nuk mund t’ju mohohet paga e deputetit.

Por, për qytetarët kjo gjë është absurde dhe e turpshme.

Deputetet e Kuvendit të Kosovës, pos rrogës që marrin, u paguhen mëditjet edhe për mbajtjen e seancave, për udhëtime, si dhe për mbledhjet nëpër komisione. Sipas Ligjit për deputetë, paga për një vit marrin edhe deputetët tjerë që nuk kanë arritur me qenë pjesë e kësaj legjislature. /Rrokum/

562 MIJË EURO PAGA, PËR DEPUTETET E “PAPUNË” by RrokumTelevision

Mllefi ndaj shqiptarëve që mbizotëroi në Serbi pas ndeshjes futbollistike Serbi-Shqipëri tashmë është qetësuar. Por pasojat ende vërehen. Disa ditë pas sulmeve ndaj disa bukëpjekësve shqiptarë në Novi Sad, policia e qytetit ka ofruar roje për këto lokale.

Pas pothuajse 30 vjetëve të kaluar në Novi Sad dhe disa sulmeve paraprake ndaj lokaleve të tij, Bajram Temaj nga Prizreni e dinte se çfarë e priste. Temaj, pronari i lokalit ‘Evropa’, i cili më së shumti pësoi nga këto sulme, thotë se paraprakisht i kishte dërguar kërkesë policisë që t’i ofrojnë mbrojtje shkaku i kërcënimeve, raporton KTV.

Temaj, i cili është pronar edhe i disa lokaleve të tjera në këtë qytet dhe ka të punësuar më shumë se 60 persona të nacionaliteteve të ndryshme, beson se sulmi ishte i planifikuar, por jo nga qytetarët e Novi Sadit, por nga grupe të huliganëve me të cilët Serbia ka vazhdimisht probleme.

Gjate bisedës me KTV-në, ai shtoi se këtë herë, për dallim nga herët e shkuara, përgjigjja e autoriteteve të rendit ishte shumë e shpejtë.

Shqiptarët në Serbi, pohon Temaj, janë gjithmonë cak i sulmeve, jo vetëm kur ngjarjen kanë të bëjnë me Kosovën. Ai shton se me këdo që Serbia ngatërrohet, shqiptarët gjithnjë pësojnë, transmeton Koha.net.

Dhe shkaku i kësaj, Temaj thotë se është shumë i dëshpëruar me mosreagimet e politikanëve kosovarë, për të cilët pohon që s’iu dëgjohet zëri asnjëherë kur sulmohen shqiptarët në Serbi.

Nënkryetari i parlamentit izraelit (Knesset), ka hyrë në oborrin e Xhamisë Al-Aksa, duke shkaktuar në këtë mënyrë tensione të reja, raporton Anadolu Agency (AA).

Drejtor i kompleksit të Xhamisë Al-Aksa, Omer Al-Kisvani, tha për AA se nën mbrojtjen e policisë, në oborr hyri zëvendëskryetar i Knesset, Moshe Feiglin dhe nëntë kolon izraelite.

Sipas Kisvanit, myslimanet në Xhaminë Al-Aksa, me thirrje të tekbireve protestuan për hyrjen e Feiglinit dhe kolonëve izraelitë në oborrin e xhamisë. Policia izraelite ka rritur masat e sigurisë në hyrje të oborrit, ndërsa hyrja lejohej vetëm për personat më të vjetër se 50 vjeç. Gratë u lejuan të hyjnë me letërnjoftim.

Kujtojmë, se tensionet në Jerusalem zgjasin që nga sulmi i armatosur ndaj një shtetasi amerikan, lideri i ekstremit të djathtë i Fondacionit hebre për ruajtjen e tempullit të malit (halib), rabini Yehuda Joshua Glick në Jerusalem. Policia izraelite pas kësaj shpalli se Al-Aksa mbyllet deri në një njoftim të mëtejshëm, si për besimtarët ashtu edhe për turistët. Kjo, që nga viti 1967, është hera e parë e mbylljes së Al-Aksas për besimtarët dhe turistët. Megjithatë, autoritetet izraelite më vonë hoqën ndalimin dhe tani lejohet hyrja vetëm për personat më të vjetër se 50 vjeç.

Familja Dërguti i ka falë gjakun e djalit familjes Mjaku nga Shkupi. Ky njoftim, është bërë nga faqja e facebookut e imamit nga Mitrovica, Fatmir Latifi.

Aty ndër të tjera shkruhet edhe për koordinimin e disa hoxhallarëve për pajtimin e këtyre dy familjeve.

Njoftohet se Izraeli në muajin tetor ka vrarë 7 palestinezë dhe ka arrestuar 350 të tjerë, raporton Anadolu Agency (AA).

Sipas një raporti të publikuar nga Qendra Kërkimore për të Drejtat e Njeriut dhe të Burgosurit Ahrar, ushtarët izraelitë dhe kolonët hebrenj në muajin tetor kanë vrarë 7 palestinezë, 4 prej tyre fëmijë dhe kanë arrestuar 350 të tjerë, 3 prej tyre gazetarë.

Në raport theksohet se 15 prej të arrestuarve nuk i kanë mbushur 18 vjeç dhe shumica e rasteve të arrestimeve kanë ndodhur në Jerusalem. Gjithashtu në raport përmendet edhe rasti i arrestimit të 2 personave nga 6 peshkatarët në Gaza me pretendimin për kalim të kufirit. Rreth 7 mijë të burgosur palestinezë ndodhen në burgjet izraelite.

Kompleksi i xhamisë Al-Aksa në Jerusalem këtë mëngjes u rihap për besimtarët mbi 50 vjeç dhe turistët, raporton Anadolu Agency (AA).

Myslimanët mbi 50 vjeç, kanë kryer namazin e xhumasë, lutjen e rregullt myslimane të së premtes, në Al-Aksa, ndërsa të tjerët këtë lutje e kryen në rrugët përreth. 
Masat izraelite, ishin imponuar më parë edhe sot nxitën pakënaqësinë e palestinezëve, që shkaktoi një konflikt të vogël. Palestinezët pas namazit të xhumasë, diskutuan rreth masave ndaluese nga autoritetet izraelite për Al-Aksan, ku nuk mund të hyjnë myslimanët nën moshën 50 vjeç.

Pas ndërhyrjes së forcave të sigurisë izraelite, palestinezët e mbledhur hodhën gurë dhe mjete piroteknike, pas së cilës ata u larguan nëpër rrugët përreth. 
Pas sulmit të armatosur ndaj një qytetari amerikan, udhëheqësit ekstrem të krahut të djathtë të Fondacioni hebre për ruajtjen e tempullit të malit (HaLiba) rabini Yehuda Joshua Glick në Jerusalem dy ditë më parë, qeveria izraelite dje njoftoi se Al-Aqka është e mbyllur deri në një njoftim të mëtejshëm si për besimtarët ashtu edhe për turistët.

Kjo është hera e parë që nga viti 1967, kur ishte mbyllur Al-Aska edhe për besimtarët dhe turistët. Megjithatë, autoritetet izraelite këtë mëngjes hoqën ndalimin dhe hyrja lejohet vetëm për personat më të vjetër se 50 vjeç. Nga ana tjetër, në Gaza sot u mbajtën protesta në mbështetje të Al-Aksas dhe Jerusalemit. Protestat u filluan pas namazit të xhumasë, ku morën pjesë qindra njerëz.

Në prezencë të shumë besimtarëve myslimanë, banorë të fshatit Celinë të Komunës së Rahovecit e më gjerë, më 29 teor 2014 u bë hapja e xhamisë së Re, pas plot 15 vitesh të djegies, shkatërrimit dhe rrënimit të xhamisë së vjetër nga ana e forcave serbe.

Në emër të Kryesisë së BIK, të pranishmëve iu drejtua Sabri ef. Bajgora: “Më lejoni që në emër të Kryesisë së BIK, në emër të Myftiut Naim ef Tërnava, t’ua përcjell urimet dhe përgëzimet më të sinqerta me rastin e inaugurimit të xhamisë së fshatit Celinë, me lutje drejtuar Krijuesit dhe me shpresë që, të gjithë ata, që kanë kontribuar në një formë apo në një tjetër, Allahu t’i shpërblejë me begatitë e Tij pakufi. Prania ime sot këtu në këtë vend të bekuar, pashmangshëm më kthen prapa në kohë, kur kam qenë pikërisht në këtë vend, në krye të një komisioni të BIK për të evidentuar dëmet në infrastrukturën e BI dhe dëmet që kanë pësuar këto objekte nga lufta e fundit e egër në Kosovë. Dita që ishim ne këtu, ishte një ditë vërtetë e vështirë, sepse kemi parë shkatërrime të pa imagjinuara të fshatit, kemi marrë informacione se 75 persona nga mesi juaj, janë martirizuar në mbrojtje të pragut, dhe nderit familjar, kemi parë plagë, dhembje dhe  vuajtje, por kemi parë edhe krenarinë e një popullate e cila kurrë nuk u gjunjëzua para një armiku shekullor. Ata na dogjën, na vranë, na prenë, por nuk arritën ta thyejnë shpirtin tonë, ta thyejnë besimin tonë dhe ta shuajnë dashurinë tonë ndaj njëri tjetrit, por në veçanti edhe dashurinë dhe respektin e madh që e kemi pas edhe si besimtarë. Allahu pastë bërë rahmet mbi shpirtin e hoxhës së rënë shehid Arif ef. Shalën, i cili ishte viktimë e dhunës serbe, ashtu sikur të gjithë ata që derdhën gjak për lirinë e Kosovës, Allahu i pastë në mëshirën e Tij, e i gradoftë me gradë të dëshmorit. Dëshiroj që ta falënderoj edhe imamin tuaj Shkelzim Jeminin i cili në vazhdimësi u angazhua për përfundimin e kësaj xhamie. Dhe ja, sot u bë realitet, falë edhe ndihmës dhe kontributit tuaj. Kjo zemër bujare e këtij populli, në vete ka besimin e thellë në Zotin xh.sh. Nga thellësia e shpirtit dhe e zemrës, më lejoni që me lutje t’i drejtohem Allahut që për çdo kontribut tuajin u shpërblefshi me shpërblimet më meritore. Thotë Zoti xh.sh. në librin e Tij:”dhe thuaj punoni, se Allahu do ta shohë punën tuaj, do ta shohë i Dërguari i Tij dhe të gjithë besimtarët”. Dhe kjo punë dhe angazhim është këtu sot para nesh, ka hedhur shtat dhe lirisht mund të konsiderohet si krenaria jo vetëm e fshatit por edhe e këtyre anëve. Është një mrekulli në vete, sepse dëshmon se ky popull e ka të ngulitur thellë besimin e pastër në Zotin e Gjithëmëshirshëm. Shpresoj që xhamitë e mbarë botës, ashtu sikur e dhe tonat në Kosovë, të shërbejnë në radhë të parë si afrim yni me devotshmëri, me adhurim tek Krijuesi ynë, që kjo xhami të jetë vatër edukative dhe arsimore, që nga kjo xhami të dalin njerëz të edukuar e të emancipuar që në radhë të parë do ta kenë në hatër ardhmërinë e vendit të tyre, Kosovës sonë të shtrenjtë. Gjaku që është derdhur në këtë vend është amanet në supet tona, që gjithmonë na thërret që të kontribuojmë, të punojmë për vendin tonë. Le të dalin nga kjo xhami mesazhe të paqes, mesazhe të dashurisë, ashtu siç kemi ditë ne që gjithmonë të kultivojmë bashkim, dashuri dhe respekt për njëri tjetrin. Xhamitë i ndërtojnë vetëm ata njerëz që kanë besim të madh në Zotin xh.sh. ata që besojnë bindshëm në ditën e Gjykimit, që falin namazin e japin zeqatin dhe nuk ja kanë frikën askujt përpos Allahut xh.sh.. dhe sigurisht se fjala e Pejgamberit a.s. zen vend këtu kur thotë se:”Ai njeri që ndihmon në ngritjen e një shtëpie të Zotit – xhamisë, atij Allahu do t’ia ngrisë një shtëpi në xhenet”. Të gjithë ju që keni kontribuar, Allahu ua ndërtoftë nga një pallat në xhenet, që t’i shijoni kënaqësitë e xhenetit, sepse e keni merituar një gjë të tillë.”

Shani ef. Sylka, kryetar i Këshillit të BI në Rahovec, pasi përshëndeti dhe u dëshiroi mirëseardhje përfaqësuesve të Kryesisë së BIK me në krye Sabri Bajgora, fshatarëve të Celinës ua uroi hapjen zyrtare të kësaj xhamie. “Nuk ka dyshim se ndërtimi i xhamive është një ndër punët më të pëlqyera dhe më të dashura te Allahu xh.sh.. Ndërtimi i tyre simbolizon forcën e besimit të atyre që i ndërtojnë ato. Të nderuar të pranishëm, banorë të fshatit Celinë, krahas vuajtjeve të mëdha që përjetuat, si gjatë luftës ashtu edhe pas saj, ju gjetët forcën dhe kurajon që të ngritni edhe këtë shtëpi të Allahut, që argumenton dhe reflekton aspektin tuaj shpirtëror pozitiv, besimin në Zotin xh.sh. Në emër të Këshillit të BI në Rahovec, edhe njëherë ju përgëzoj për këtë objekt”

Në emër të Kryesisë së fshatit të pranishmit i përshëndeti kryeplaku i fshatit, z. Rasim Fazliu.

Imami i fshatit, Shkelzim ef. Jemini ftoi kryeimamin Bajgora që ta prejnë shiritin e xhamisë së re në Celine. Ai paraprakisht paraqiti të dhëna rreth ecurisë së punëve gjatë ndërtimit të xhamisë, duke cekur me këtë rast edhe donatorët dhe kontribuuesit e ndërtimit të saj. Pas faljes së namazit të drekës, për gjithë të pranishmit u shtrua një drekë solemne, me ç’rast nxënësit e fshatit dhanë edhe një program me recitim të poezive të ndryshme, dhe ilahi të kënduara nga Menduh Alajbeg, nxënës i Medresesë Alaudin në Prizren./bislame/

Më 28 tetor 2014, Komiteti i Këshillit të Sigurimit në përputhje me rezolutat 1267 e miratuar në vitin 1999 dhe 1989 e miratuar më 2011, që ka të bëj me Al-Qaida dhe lidhet me individë dhe etnitete, ka hequr emrin e fondacionit ‘Al-Haramain’ nga lista e sanksioneve kundër Al Qaida, pas përfundimit të shqyrtimit të kërkesave për fshirjen e këtij emri, e cila është dorëzuar përmes Zyrës së Ombudspersonit, (Avokatit të popullit) e themeluar në përputhje me rezolutën e Këshillit të Sigurimit 1904 e miratuar më 2009 dhe pasi ka shqyrtuar Raportin Gjithëpërfshirës të Avokatit të Popullit për këtë fshirje nga lista.

Për këtë arsye, ngrirja e aseteve, ndalesa e udhëtimit dhe embargoja e armëve të parapara në paragrafin 1 të rezolutës së Këshillit të Sigurimit 2161 e miratuar më 2014, nuk vlejnë më për fondacionin në fjalë.

Në Kosovë gjatë muajit të kaluar janë mbyllur nga institucionet shtetërore mbi 15 OJQ për të cilat thuhet se kanë pasur bashkëpunim me fondacionin “Al Haramain”, i cili fondacion kishte vepruar në vendin tonë prej vitit 1999 deri në vitin 2005./zëri/

Disa izraelitë përmes internetit kanë iniciuar një peticion në të cilin kërkohet që Spanja ta pranojë shtetin e Palestinës, siç ka bëri Suedia, raporton Anadolu Agency (AA).

Siç shkruan "Jerusalem Post" në peticion i bëhet thirrje parlamentit të Spanjës që të pranojë shtetin e pavarur të Palestinës në nëntor të këtij viti, kur edhe pritet votimi jo-detyrues mbi shtetësinë e Palestinës. Edhe pse peticioni sapo ka nisur, deri tani disa qindra izraelitë e kanë mbështetur idenë.

Megjithatë, në Spanjë ekzistojnë edhe pjesa tjetër që kundërshton një ide të tillë dhe në mesin e tyre është kryeministri spanjoll Jose Maria Aznar i cili gjatë kësaj jave publikoi një artikull në të cilin autori kundërshton nismat parlamentare për mbështetjen e shtetit të Palestinës.

Ndërkohë e sapo-emëruara ministrja e Jashtme e Suedisë, Margot Wallstrom, dje ka bërë të ditur se vendi i saj e ka njohur Palestinën si shtet të pavarur. Suedia është vendi i 135-të në botë dhe njëkohësisht vendi i parë i BE-së që e ka njohur pavarësinë e Palestinës.

Stafi i Klinikës se Gjinekologjisë në QKUK neglizhon, përçmon dhe ofendon pacientet gjatë procesit të lindjes së fëmijës.

Kështu thonë gratë që kanë kaluar nëpër duart e mjekëve dhe infermiereve të kësaj klinike.

Neglizhencë dhe pakujdesi në këtë klinikë ka vërejtur edhe deputetja e Kuvendit të Kosovës nga lëvizja “Vetëvendosje”, Albulena Haxhiu.

Para disa ditësh Haxhiu ka thënë se ka pasur “një përvojë të keqe” në Klinikën e Gjinekologjisë. /koha/

Pasi Xhamia Al-Aksa në Jerusalem u mbyll plotësisht për herë të parë që nga viti 1967, imami Omer el-Kisvanij me rojet e sigurisë kreu faljen e mëngjesit dhe aktivizoi altoparlantin në mënyrë që besimtarët të mund ta dëgjojnë jashtë xhamisë dhe të kryejnë namazin, raporton Anadolu Agency (AA).

Xhamia e Al-Aksas është e mbyllur tërësisht për herë të parë që nga viti 1967, tha kryetari drejtorisë i Vakëfit Islam, Azzam al-Khatib. "Administrata izraelite sot në mëngjes ka mbyllur xhaminë Al-Aksa. Ky është rasti i parë i tillë që nga viti 1967," tha Khatib, duke shtuar se administrata është duke punuar për të rihapur xhaminë për të gjithë myslimanët.

Gazetari i AA ka kontaktuar me imamin e Al-Aksas, Umer el-Kisvanij, i cili pavarësisht nga vendimi Izraelit për ta mbyllur xhaminë, ai erdhi në vendin e punës. "Kur erdha këtë mëngjes në Al-Aksa, kudo ishte plot me ushtarë izraelitë. Ata nuk lejonin hyrjen e besimtarëve të cilët erdhën për të bërë lutjen e mëngjesit. Unë hyra, sepse kjo është puna ime. Ezani i Sabahut u thirr në kohë, por ne kemi pritur dhjetë minuta me shpresë se policia do të lejoj xhematin për të hyrë. Kur e kuptuam se nuk do të lejojnë askënd të hyjnë në xhami, unë së bashku me shtatë rojet e sigurisë që punojnë në al-Aksa, kryem lutjen e mëngjesit, me shpresën se besimtarët të cilët ishin jashtë derës do ta falin namazin me ne, aktivizova altoparlantin" me dëshpërim tha Kisvani duke shtuar se, më pasi kishte mësuar se besimtarët faljen e mëngjesit e kryer në rrugë, përpara xhamisë.

Kisvani vuri në dukje se diçka e tillë ndodh për herë të parë që nga viti 1967, dhe se ky veprim i Izraelit është shumë i rrezikshëm. Ai thekson se policia izraelite, në qoftë se ata duan paqe, duhet të parandalojnë dhunën e kolonëve hebrenj. Në Jerusalemin Lindorë dje kishte ndodhur një sulm i armatosur ndaj rabinit hebre Glick i cili është kryetar i organizatës së ekstremit të djathtë. Autoritetet izraelite thanë se Xhamia Al-Aksa do të mbyllet për të gjithë vizitorët, si për besimtarët, ashtu edhe për turistët.

Zëdhënësi i Policisë së Kosovës, Beki Kelani, e ka demantuar lajmin për të cilin kanë raportuar disa media, se qytetarë të Kosovës kanë tentuar që ta sulmojnë ndonjërën nga bazat e KFOR-it në Kosovë.

“Policia e Kosovës nuk ka asnjë informacion të besueshëm për ndonjë kërcënim të mundshëm, ndaj ndonjërës prej bazave të KFOR-it”, tha Kelani për Telegrafi.

Ndryshe, sot është raportuar në media se një grup prej së paku tre kosovarëve nga regjioni i Mitrovicës është arrestuar ditë më parë nga Policia e Kosovës, meqë dyshohet se ata kanë planifikuar një sulm ndaj një baze të KFOR’it në Kosovë. /Telegrafi/

Një prift italian, i cili ditë më parë e kishte pranuar se kishte abuzuar seksualisht një adoleshente, ka varur veten të martën në dhomën e tij të ndërrimit në kishë, pak para se peshkopi të shkonte ta lajmëronte për përjashtimin e tij, ka njoftuar dioqeza e Tristes (verilindje).

Gjatë rrëfimit, të shtunën, para peshkopit të tij, imzot Giampaolo Crepaldi, prift 48-vjeçar, e kishte pranuar se akuzat kundër tij se ka kryer “aktin e rëndë” me një vajzë 13-vjeçe ishin të vërteta dhe kishte kërkuar dy ditë kohë për ta përgatitur letrën, përmes të cilës do t’i kërkonte falje Zotit, Kishës dhe viktimës.

Mirëpo, kur peshkopi shkoi të martën pasdite për ta takuar dhe për t’ia treguar lajmin se ai përjashtohej nga famullia dhe për nisjen e një procedure kanonike ndaj tij, ai e ka gjetur priftin të varur në dhomën e ndërrimeve.

Nëpërmjet një komunikate, të publikuar në faqen e vet të internetit, dioqeza bën thirrje për lutje për shpirtin e priftit, duke shprehur keqardhje që rasti nuk arriti ta ndiqte “rrjedhën kanonike dhe gjyqësore”, e cila do t’i mundësonte priftit një “këndellje të dëshirueshme njerëzore dhe të krishterë në respekt të ligjeve”. /Zëri/

Shefja suedeze e diplomacisë, Margot Wallstrom, njoftoi sot se qeveria e saj njeh nëpërmjet një dekreti shtetin e Palestinës, duke u bërë vendi i parë perëndimor i BE-së, që merr një vendim të tillë.

“Sot qeveria merr vendimin për të njohur shtetin e Palestinës. Është një hap i rëndësishëm, që konfirmon të drejtën e palestinezëve për vetëvendosje”, njoftoi ministrja e Punëve të Jashtme në një shkrim të publikuar në të përditshmen “Dagens Nyheter”.

“Qeveria konsideron se kriteret e së drejtës ndërkombëtare për një njohje të shtetit palestinez janë përmbushur. Një territor me kufij fiks, një popullsi dhe një qeveri”, shtoi ajo.

“Ne shpresojmë se kjo do të hapë rrugën edhe për të tjerët”, theksoi Wallstrom.

Deri tani, të paktën 112 shtete kanë njohur shtetin e Palestinës.

Sipas autoriteteve palestineze, duhet të jenë 134 shtete, ku shtatë janë anëtarë të Bashkimit Evropian që e kanë njohur para se të bëheshin pjesë e BE-së, këto janë Republika Çeke, Hungaria, Polonia, Bullgaria, Rumania, Malta dhe Qiproja e Jugut.

Gjatë deklaratës mbi politikat në përgjithësi të qeverisë suedeze në fillim të tetorit, Kryeministri Stefan Lofven kishte njoftuar se Suedia do të njohë shtetin e Palestinës dhe kjo ishte përshëndetur nga autoritetet palestineze, por ishte kritikuar nga Izraeli dhe SHBA-të.

Autoritetet izraelite kanë mbyllur xhaminë al-Aksa në Jerusalemin Lindor, pas një sulmi ndaj një rabini hebre, raporton Anadolu Agency (AA).

"Autoritetet izraelite sot në mëngjes e mbyllën tërësisht Xhaminë al-Aksa", tha për AA Azzam al-Khatib, president i Departamentit të Vakëfit Islam në Jerusalemin Lindor. Ky është rasti i parë i mbylljes së xhamisë që nga viti 1967, kur Izraeli pushtoi Jerusalemin Lindor. "Momentalisht ne po negociojmë për të rihapur xhaminë për besimtarët myslimanë", tha al-Khatib.

Izraeli e mbylli xhaminë menjëherë pasi u sulmua rabini hebre, Yehuda Glick, të mërkurën nga palestinezët në Jerusalem. Policia izraelite sot vrau një palestinez, për të cilin dyshohej se ishte pjesëmarrës në sulmin ndaj rabinit. Policia izraelite konfirmoi vrasjen e ish të  burgosurit palestinezë, Moataz Hegazija, i cili i rezistoi policinë gjatë arrestimit. 
Burimet lokale palestinezë konfirmojnë se Hegazi u vra dhe tre të tjerë u plagosën, gjatë një shkëmbim zjarri me policinë izraelite.

Rabini Glick është i njohur edhe si lider i grupit të hebrenjve, të cilët u përpoqën të hyjnë në kompleksin e xhamisë al-Aksa të mërkurën. Kur është fjala për al-Aksa, policia izraelite kishte vendosur kufizime ndaj besimtarëve palestinezë, ku nuk lejohej hyrja në xhami e atyre personave nën moshën 50 vjeç.

Gjatë muajve të fundit në kompleksin në fjalë, ka pasur një numër të madh të ndërhyrjes së dhunshme të kolonëve hebrenj të cilët shpesh janë shoqëruar nga policia izraelite. 
Për myslimanët, al-Aksa përfaqëson vendin e tretë më të rëndësishëm, ndërkohë që hebrenjtë besojnë se në këtë vend dikur kanë ekzistuar dy tempuj hebraik.

Dr. Selman El-Aude e ka konfirmuar lajmin që është duke qarkulluar nëpër mediet lokale të Arabisë Saudite se thirrësi i njohur islam dr. Muhamed El-Arifi është arrestuar nga autoritet saudite dhe aktualisht po mbahet në paraburgim, për shkak të cicërimave që i ka bërë lidhur me parregullsitë e trenit të haxhinjve në Meke.

Dr. Selman El-Aude, i cili është zëvendësdrejtor i Unionit Botëror të Dijetarëve Muslimanë, shkroi të hënën në profilin e tij në twitter: "Allahu ynë, liroje atë sa më shpejt dhe ktheje te familja dhe të dashurit e tij! Bëje këtë sprovë që e ka goditur ngritje dhe shpërblim për të! Falënderimi i takon Allahut në çdo gjendje."

Cicërimat për të cilat u arrestua dr. Muhamed El-Arifi janë këto:

"Treni i haxhinjve këtë vit më keq sesa vitin e kaluar: ankesat e haxhinjve janë shtuar, parregullsi në orar, ndalje e shpeshtë pa ndonjë arsye, neglizhim për renditjen e turmave, mosfunksionim i ashensorëve dhe i shkallëve elektrike."/Shembulli/

Qeveria palestineze e pajtimit, ka njoftuar se për riparimin e ndërtesave në Gaza ka nënshkruar një marrëveshje me Programin për Zhvillim të Kombeve të Bashkuara (UNDP), raporton Anadolu Agency (AA).

Kryeministri palestinez, Rami el-Hamdallah në një deklaratë ka njoftuar marrëveshjen e bërë me UNDP në vlerën 10 milionë dollarë për riparimin e një mijë ndërtesa në Gaza. Në njoftim thuhet se riparimi do të financohet nga Fondi Monetar Arab dhe Banka Arabe për Zhvillim Ekonomik në Afrikë (BADEA).

Hamdallah në një konferencë për shtyp ka deklaruar se marrëveshja e nënshkruar me UNDP ka qenë e planifikuar që para sulmeve izraelite, sepse këto ndërtesa edhe më parë kanë pasur nevojë për riparime. Hamdallah gjithashtu theksoi se për rindërtimin e Gazës edhe 1 dollarë nuk ka ardhur si ndihmë, ku edhe ndihma e dhënë në konferencën e zhvilluar në kryeqytetin e Egjiptit në Kajro nuk ka ardhur akoma sipas Hamdallah.

Një ditë pas vendimit të Gjykatës së Apelit sipas të cilit Fuad Ramiqi është liruar nga paraburgimi dhe kjo masë është zëvendësuar me arrest shtëpiak, ai përmes mbrojtjes së tij paralajmëron mundësinë që rastin e tij ta dërgoj në Gjykatën Kushtetuese.

Mbrojtja e Ramiqit, avokati Skënder Musa ka thënë për Zëri se klienti i tij dyshohet për veprën penale të thirrjes për rezistencë dhe atë vetëm për shkak të një deklarate të dhënë në televizion ku mes të tjerash ka thënë se nuk do të rrinë duarkryq pas arrestimit të 40 personave si të dyshuar për terrorizëm.

Avokati Musa ka thënë se së bashku me klientin e tij, janë duke e shqyrtuar mundësinë që rastin ta dërgojnë në Kushtetuese në mënyrë që kjo e fundit ta interpretoj nenin e Kushtetutës i cili ka të bëjë me lirinë e shprehjes./zëri/

Gratë myslimane në Belgjikë kundërshtojnë përjashtimet sociale për shkak të praktikimit të fesë së tyre, raporton Anadolu Agency (AA).

Hind është një grua 31-vjeçare marokene që jeton në Bruksel, e pa punë. Ajo gjithashtu është një myslimane me veshje islame - nikab, hixhab që mbulon fytyrën.

"Unë jam duke kërkuar punë ... dhe këtu në Belgjikë ka një ligj të ri që nuk mund të punojmë me vellon tonë", tha Hind, e cila nuk e bëri të ditur mbiemrin e saj. "Ne duhet ta heqim atë për të punuar", shtoi ajo.

Ligji për ndalimin e kësaj veshje fetare, hyri në fuqi në Belgjikë në vitin 2011. Gratë e mbuluara kundërshtuan ligjin, i cili ndalon veshje fetare tradicionale në vende të tilla si parqet dhe në rrugë.

Shqiptarët e Preshevës, Bujanocit e të Medvegjes kanë zgjedhur Këshillin Nacional, në krye të të cilit do të jetë Jonuz Musliu.

Siç raportohet, në bazë të marrëveshjes, ai ka dalë fitues në dy koalicione zgjedhore, që përfshinin pesë parti politike, nga gjashtë. Atij ia dhanë votën 61 për qind e votuesve.

Ai aktualisht është kryetar i Kuvendit Komunal në Bujanoc dhe kryetar i Lëvizjes së Progresit Demokratik.

Musliu sipas rezultateve momentale, nga 15 anëtarë do të ketë 9, kurse PVD-UDSH do të ketë 6 antarë në KNSH. /presheva.com/

Në mesin e hoxhallarëve që u liruan sot nga paraburgimi është edhe hoxhë Bedri Robaj, njofton Radio Pendimi.

Lajmin e kanë konfirmuar familjarë të tij.

Hoxhës Bedri Robaj i është caktuar arresti shtëpiak prej 60 ditësh.

Është liruar nga paraburgimi kreu i LISBA-s, Fuad Ramiqi, të ciliti i është caktuar masa e arrestit shtëpiak.

Lajmin për lirimin e Ramiqit e ka bërë të ditur Noli Zhitia, anëtar I kryesisë së LISBA-s.

"Lirohet Fuad Ramiqi, Allahu Ekber", ka shkruar Noli Zhita.

Për lirimin e Ramiqit ka njoftuar edhe LISBA përmes një njoftimi të shkurtër dërguar mediave, ku thuhet se "Është liruar Erdogani i Kosovës Fuad Ramiqi".

Lajmin e ka konfirmuar për Express edhe Arbër Jashari, zëdhënës në Gjykatën e Apelit.

"Fuad Ramiqi dhe pesë persona të tjerë janë liruar nga paraburgimi, por ndaj tij (Ramiqit) dhe të tjerëve është shqiptuar masa e arrestit shtëpiak", ka thënë Jashari, zëdhënës në Gjykatën e Apelit./Telegrafi/

Pas lirimit nga paraburgimi të tre hoxhallarëve sot, Shembulli.com mëson se është liruar edhe hoxha nga Vitia, Sabahudin Selimi.

Lajmin për lirimin e tij, për Shembulli.com, e kanë konfirmuar disa miq të tij.

Edhe për këtë hoxhë është vendosur që procesin gjyqësor ta presë nën arrest shtëpiak./Shembulli/

Blerim Mazreku ka marrë iniciativë që të fsheh emrat e dy sponsorëve të Sigal Prishtinës që shesin pije alkoolike.

Basketbollisti shtatlartë i Sigal Prishtinës, Blerim Mazreku, ka vendosur t’i fshijë nga fanella e tij emrat e dy prodhuesve të birrës, që janë sponsorë të klubit.

Blerimiu ka vënë nga një ngjitës Birrës së Pejës dhe Pilsnerit, emra të cilën janë të shkruar prapa fanellës së tij, transmeton Zëri.

Mazreku njihet si praktikues i fesë Islame, madje duke e kryer edhe obligimin e të qenit në Qabe.

Rreth 4500 besimtarë myslimanë do kenë mundësi të luten në xhaminë e madhe, që do të ndërtohet në qendër të kryeqytetit. Drejtoria turke për Çështjet Fetare, njoftoi planin për ndërtimin e xhamisë më të madhe në Ballkan, pikërisht në kryeqytetin shqiptar, Tiranën.

Vendim erdhi pasi besimtarët prej kohësh ankohen për kapacitetin e vogël, që ofron Xhamia e Et'hem Beut. “Vetëm 60 njerëz mund të falen në të njëjtën kohë në këtë xhami, pavarësisht se 70 për qind e popullsisë është myslimane”, tha kreu i Fondacionit Diyanet, Ismail Palakoglu.

Në deklaratën për medien turke, Palakoglu tha se “planifikuam të ndërtonim xhaminë e re në një hektar tokë. Besimtarët janë falur në sheshin e Tiranës gjatë fundjavave, pasi Xhamia e Et'hem Beut nuk është mjaft e madhe”.

Lidhur me punimet, Palakoglu njoftoi se “ka vështirësi gjatë motit me shi. Xhamia e re do të ketë katër minare dhe rreth 4500 njerëz do mund të falen në të. Edhe pse procedurat për licencën vazhdojnë, është planifikuar që xhamia të përfundojë për dy deri në tre vjet”, shtoi kreu i Fondacionit Diyanet.

Diyanet është autoriteti më i lartë fetar në Turqi, tashmë nën varësinë e kryeministrit të ardhshëm turk, Ahmet Davutoglu./Shekulli/

Hoxhë Mazllam Mazllami është liruar sot nga qendra e paraburgimit për të pritur procesin gjyqësor në arrest shtëpiak, njofton Radio Pendimi.

Ai rreth orës 16:00 ka arritur në shtëpinë e tij dhe është në mesin e familjarëve ku nuk po mungon gëzimi për lirimin e tij. Ai është mirë me shëndet.

Po ashtu, sipas informacioneve që ka Radio Pendimi, janë liruar edhe hoxhallarët Ebu Beker (Leonard) Ruli dhe hoxhë Eroll Nesimi. Familjarët e këtij të fundit për Radio Pendimin kanë konfirmuar lajmin për lirimin e tij.

Deri më tani nga paraburgimi, në rastin e imamëve të arrestuar, janë liruar: Enis Rama, Ekrem Avdiu, Enes Goga, Shefqet Krasniqi, Dardan Gjuka, Idriz Bilibani./Shembulli/

Kryeministri izraelit Benjamin Netanyahu ka miratuar ndërtimin e 1.060 njësive të reja të banimit në Jeruzalemin Lindor, raporton Anadolu Agency (AA).

Sipas lajmeve të radios izraelite Netanjahu ka miratuar ndërtimin e 660 shtëpive të raja në Jeruzalemin Lindor në lagjen Ramat Shlomo dhe 400 në Har Homa të malit Ebu Guneym.

Dje në mbrëmje në kanalin televiziv 2 TV Netanyahu së bashku me Ministrin e Ekonomisë dhe liderin e Partisë “Shtëpia Hebre”, Naftali Bennett ka njoftuar marrëveshjen për ndërtimin e 2 mijë ndërtesave të reja në vend-banimet me shumicë palestineze.

Çështja e vendbanimeve hebreje qëndron si çështja më problematike në negociatat për paqe mes Palestinës dhe Izraelit.

Negociatat mes Izraelit dhe Palestinës, të planifikuara për sot, janë shtyrë.

Zëdhënësi i Lëvizjes së Rezistencës Islamike (Hamas), Fevzi Berhum, ka konfirmuar se negociatat e planifikuara për të hënën janë shtyrë për shkak të ngjarjeve në gadishullin Sinaj.

Sipas tij, delegacioni i Hamasit nuk mund të hyjë në Egjipt sepse pas sulmit me bombë në Sinaj është mbyllur kalimi kufitar Refah, i vetmi kalim zyrtar mes Egjiptit dhe Bregut Perëndimor.

Berhum shtoi se delegacioni i Hamasit me mirëkuptim e ka pranuar këtë vendim, por nuk ka mundur të tregojë asgjë në lidhje me datën tjetër të mundshme të negociatave.

Në anën tjetër, presidenti i delegacionit negociator palestinez, Azzam Al-Ahmed veçmas ka mbërritur në Egjipt për të marrë pjesë në negociata.

Të premten në veri të Gadishullit Sinaj janë kryer dy sulme me bomba në të cilat janë vrarë 30 ushtarë, ndërsa 31 janë plagosur. Menjëherë pas kësaj presidenti egjiptian Abdul Fettah al-Sisi ka deklaruar se në afërsi të kufirit me Gazën do të merren masa shtesë sigurie dhe kështu, siç tha ai, "problemi i terrorizmit do të zgjidhet nga rrënjët".

Me këtë rast edhe është mbyllur kalimi kufitar Refah.

Futbolliti shqiptar, Besart Berisha, bëri sexhde pasi shënoi një nga golat e tij për Melbourne Victory.

Ish-sulmuesi i Hamburgut, Besart Berisha, shkëlqeu për Melbourne Victory në fitoren e fundit kundër Melbourne Cityt.

Ai shënoi tre gola në këtë sfidë, prej tyre një supergol teksa edhe festimi i tij ishte tejet i veҫantë.

Ai bëri sexhde në fushë, duke treguar se është një mysliman i devotshëm me ç'rast edhe falënderoi Zotin. /Telegrafi/

Në Serbi sot mbahen zgjedhjet për këshillat e pakicave kombëtare. Në zgjedhjet, të cilat në përputhje me rregullat ligjore mbahen për herë të pare,17 pjesëtarët e komuniteteve pakicë do të zgjedhin këshillat e tyre, transmeton Anadolu Agency (AA).

Në garën zgjedhore marrin pjesë gjithsej 82 lista zgjedhore: 10 kanë romët, bunjevcët 9, rumunët 8, rusinët 7 lista. Hungarezët, gjermanët, ashkalitë, bullgarët dhe vllasë kanë nga 4 lista zgjedhore, ndërsa shqiptarët, grekët, sllovakët dhe ukrainasit nga 5, egjiptianët 3, çekët dhe boshnjakët me nga 2 lista. Maqedonasit, malazezët dhe kroatët në Serbi në mënyrë elektronike do ti zgjedhin këshillat e tyre.

Në mbarë Serbinë pjesëtarët e komuniteteve me pakicë do të mund të votojnë në 881 vendvotime. Qendrat e votimit janë hapur në ora 7:00 dhe do të mbyllën në ora 20:00, ndërsa për herë të parë do të mbikëqyren nga Komisioni Zgjedhor Republikan (RIK) i Serbisë.

Sipas Komisionit Zgjedhor Republikan të Serbisë numri përfundimtar i votuesve në zgjedhjet e drejtpërdrejta për anëtarë të këshillave të pakicave kombëtare është 456.444. Në zgjedhjet e drejtpërdrejta janë më së shumti hungarez me të drejtë vote, gjithsej 137.111, pasojnë boshnjakët me 99.259, 61,755 romë kanë mundësi të votojnë, 35.395 shqiptarë, 31.196 sllovak, 27.763 vllahë, rumunët me 17.875 të regjistruar, bullgarë, 14.908. Numri i anëtarëve të tjerë minoritarë që do të mund të votojnë është më i vogël se dhjetë mijë.

Komunitetet Kombëtare në Serbi në vitin 2003, pas miratimit të ligjit për pakicat kombëtare dhe të drejtat e tyre, filluan të formojnë këshillat kombëtarë që përfaqësojnë organet përfaqësuese të komuniteteve pakicë në fushat e përdorimit zyrtar të gjuhës dhe shkrimit, arsimit, kulturës dhe informimit.

Po diskutohet mundësia që nga viti i ardhshëm të anulohen ekskursionet në Shqipëri për nxënësit kosovarë. Njohës të arsimit konsiderojnë se këto ekskursione kanë marrë karakter shfrenimi si pasojë e abuzimit me narkotik dhe alkool.

Gjilani ka nisur një procedurë për anulimin e ekskursioneve duke marrë parasysh se një maturant i kësaj komune humbi jetën këtë vit në Durrës.

Edhe në Prishtinë viteve të fundit ekskursionet kanë rezultuar me gjetje tek nxënësit edhe deri në 3.5 kg drogë gjatë udhëtimit në ekskursion në Shqipëri.

Në gjimnazin "Sami Frashëri" e pranojnë se kanë zënë nxënës me substanca narkotike por thonë se duhet angazhim i të gjithëve për zhdukjen e kësaj dukurie.

Ekspert të arsimit dhe prind thonë se më mirë të mos organizohen fare ekskursionet sesa të shfrytëzohen për ndeja dhe muzikë dhe jo për çështje edukative./RTV21/

Negociatat e zhvilluara indirekte ndërmjet Izraelit dhe grupeve palestineze sipas planit do të fillojnë ditën e hënë në kryeqytetin egjiptian në Kajro, raporton Anadolu Agency (AA).

Një anëtar i delegacionit palestinez pjesëmarrës në negociatat indirekte të armëpushimit Kays Abdulkerim, tha në një deklaratë për AA se:"Miratimi përfundimtar erdhi për negociatat, pavarësisht nga ngjarjet e dhimbshme në Egjipt nuk do të bëhet asnjë ndryshim në datën e negociatave. Negociatat do të fillojnë ditën e hënë më 27 tetor.

Në anën tjetër një nga drejtuesit e Hamas, Ismail Ridvan theksoi se sulmi që ndodhi dje në Sinan Veriore të Egjiptit nuk do të ndikojë në negociatat indirekte me Izraelin që janë planifikuar të fillojnë ditën e hënë në Kajro.

Grupet negociatore të Izraelit dhe Palestinës kanë konfirmuar zhvillimin e negociatave indirekte ditën e hënë më 27 tetor nëse nuk do të ndodhë ndonjë problem, por janë shprehur se pritet miratimi final në lidhje me datën.

Tifozët e skudrës turke, Besiktasit e kanë vendosur flamurin Kombëtare të Shqipërisë, midis Beogradit, teksa ata ishin duke zhvilluar takimin kundër Partizanit.

Përballja ndërmjet Partizanit dhe Besiktasit në kuadër të Europa Ligës, e luajtur në Beogradm, përfundoi me fitore të lartë të mysafirëve, 4-0.

Tifozët mysafirë nga Turqia, zbulohet se e kishin vendosur flamurin Kombëtar të Shqipërisë midis stadiumit të Partizanit, i cili ndodhet në Beograd, raporton lajmi.net.

Përpos kësaj, besohet se tifozët kanë kënduar këngë pro shqiptarëve. Situata ndërmjet serbëve dhe shqiptarëve është shumë e tensionuar, sidomos pas vendimit skandaloz të UEFA-së.

Llogaritja verore e kohës përfundon nesër (26 tetor) në orën 03:00, kur akrepat e orës do të zhvendosen për një orë prapa.

Më saktësisht, koha në orën 03:00 do të llogaritet si 02:00.

Matja dimërore e kohës nis në fundjavën e fundit të muajit tetor dhe zgjat deri në fundjavën e fundit të muajit mars.

Pas plotë shtatë ditë qëndrimi në komë, ka ndërruar jetë nëntëvjeçari Sabri Aliu, nga fshati Greme i Ferizajt.

I ndjeri është aksidentuar një javë më parë, duke u goditur me veturë nga Skender Lami, i fshatit Gaçk, Komuna e Ferizajt.

Vogëlushi u varros në varrezat e fshatit të tij të lindjes, në Greme, por në ceremoninë e varrimit ndodhi ajo që më së paku u prit: shtrirja e dorës së pajtimit në mes familjes Aliu (nga babai i Sabriut) dhe familjes Lami. Ky pajtim ndodhi me angazhimin e madh të imamëve të Komunës së Ferizajt.

Imami Fidaim Fazliu, në ceremoninë e varrimit, duke treguar për vendimin e familjes Aliu, ka theksuar se ky moment është tepër prekës, raporton TV Liria.

"Familja e ngushtë e Sabriut, babai i tij Zahiri dhe axha, dhe të gjithë familjarët, me zemrën dhe me gojën plotë kanë shprehur dëshirë që ta bëjnë faljen e gjakut, të djalit të tyre, jeta e të cilit është marrë aksidentalisht nga një shofer i kësaj ane", ka theksuar ai.

Babai që humbi djalin e vetëm, me lotë e i mërzitur pati një lutje për të gjithë shoferët, që të kenë kujdes gjat vozitjes.

“Sabriu ishte djali i vetëm i kësaj familje. Familja ka edhe dy vajza. Mua si imam m’u besua barra e ndërmjetësimit", ka thënë imami për Telegrafin. "Pas shumë bisedave dhe takimeve u pranua falja e gjakut në ditën e varrimit, ku kishte mijëra njerëz”. /Telegrafi/

Arrestohen 3 palestinezë gjatë incidenteve të shkaktuara nga Izraeli i cili nuk ka lejuar myslimanët nën 40 vjeç të hyjnë në Xhaminë Aksa, raporton Anadolu Agency (AA).

Palestinezët të cilët kanë falur namazin e xhumasë kanë reaguar ndaj qëndrimit të ushtarëve izraelitë. Disa palestinezë pas faljes së namazit të Xhumasë iu janë kundër-përgjigjur me gurë dhe fishekzjarre ushtarëve izraelitë të cilët kanë rrethuar lagjen Vadi el-Xhevz.

Protestuesit palestinezë u shpërndanë pas ndërhyrjes së forcave izraelite me "Tankerë" të mbushur me lëndë foseptikë dhe policët me kuaj të shoqëruar nga snajperët. Zëdhënësi i Departamentit të Policisë Micky Rosenfeld në një deklaratë për AA tha se "në ngjarjet e ndodhura janë arrestuar 3 palestinezë”. Arrestimet janë kryer nga policët civilë izraelitë të cilët ishin mes protestuesve palestinezë.

Deputeti i Partisë së Veprimit Demokratik (SDA), Enis Imamovic, në Parlamentin e Serbisë foli për politikat antiboshnjake të serbëve.

Ai përmend vrasjet dhe dhunën që nuk zgjidhet. Keqbërësit që nuk ndëshkohen. Ndërsa, nuk harron edhe kërcënimet e çetnikëve, “qenve të luftës”, të mercenarëve prorusë në Ukrainë, që po ia bëjnë Sanxhakut, transmeton Telegrafi.

Ndër të tjera ai përmend edhe fashizmin serb, në Vojvodinën shumetnike , me sulmet ndaj pronës dhe jetëve të shqiptarëve.

Ndërkaq, përderisa deputetët serbë bëjnë zhurmë, kryetari i Kuvendit i thotë se me fjalimin e tij po irriton shumicën e deputetëve, pra serbët!

[youtube height="400" width="100%" align="none"]http://www.youtube.com/watch?v=rSTVMJFcv7A[/youtube]

Komisioni Disiplinor i UEFA-s e ka penalizuar Shqipërinë për ndeshjen e ndërprerë me Serbinë, duke i dhënë kësaj të fundit fitoren 3-0.

Skandal i vërtetë i UEFA-s që në vend të drejtësisë ka zgjedhur diplomacinë politike duke shkelur mbi faktet e pakundërshtueshme në lidhje me ndeshjen Serbi-Shqipëri. Në mënyrë befasuese për mbarë opinionin ndërkombëtar, Komisioni Disiplinor i qeverisë evropiane të futbollit në një tentativë të qartë për të ruajtur ekuilibrat në kurriz të të vërtetës vendosi në fakt ta kthejë në zero ndeshjen e turpshme të Beogradit, pasi nga njëra anë vendosi që ndeshja të fitohet në tavolinë nga Serbia me rezultatin 3-0, ndërsa nga ana tjetër për aktet e dhunës në Beograd vendosi t’i heqë 3 pikë Serbisë, pra praktikisht i bie sikur ndeshja të mos ishte luajtur fare. Përveç humbjes në tavolinë me rezultatin 3-0 Shqipëria është dënuar edhe me një gjobë financiare prej 100 mijë eurosh, ndërkohë që Federata Serbe e Futbollit dënohet me 100 mijë euro gjobë, si dhe zhvillimin me dy ndeshjeve pa tifozë nga ana e përfaqësueses serbe të futbollit. Pavarësisht dhunës që u pa në sytë e gjithë botës nga ana e tifozëve serbë, pavarësisht turpit që ndodhi në Beograd dhe precedentëve botërorë të huliganizmit nga ana e serbëve, UEFA ka vendosur të mbyllë sytë, gojën dhe veshët duke zgjedhur balancat politike. FSHF-ja do ta apelojë këtë vendim fillimisht në Komisionin e Apelit dhe pas ezaurimit të këtij hapi, për të synuar që drejtësia të vihet në vend edhe në Gjykatën e Arbitrazhit Sportiv në Lozanë.

Fëmijët në Gaza, të cilët pas sulmeve të fundit kanë mbetur pa asgjë, nën rrënojat e qytetit përpiqën të gjejnë veshmbathjet e nevojshme për ditët e dimrit që vijnë, raporton Anadolu Agency (AA).

Palestinezët të cilët kanë mbetur pa çati mbi kokë, në një mënyrë kanë arritur të mbijetojnë gjatë verës, por me frikë të madhe po presin ditët e dimrit.

Banorët e Sujaijet në Gaza, kanë treguar për AA se si i kanë përjetuar sulmet izraelite, duke shtuar se si shumica e sendeve personale iu kanë mbetur nën rrënoja.

Palestinezi Refat en-Nejjar (45), i cili gjatë sulmeve të Izraelit ka mbetur pa shtëpi, theksoi se më së shumti i frikësohet dimrit për shkak të familjës.

"Jemi 11 veta në familje. Por për pesë fëmijët e mi ende nuk kam gjetur veshmbathje të nevojshme. Frikësohem se ky dimër do të jetë shumë i rëndë. Këtë vit nuk kemi pajisje ngrohjeje, rreth të cilit do grumbulloheshim dhe do të ngroheshim", thotë palestinezi.

Ai tregoi se dy fëmijët e tij shkojnë çdo ditë në shtëpitë e rrënuara duke kërkuar rroba dhe këpucë të përshtatshme për dimër.

Vajza e tij Iman (6), thotë se do të dëshironte të gjejë çizme dhe xhup para se të fillojë të bie bora.

I biri i tij Muhammed Hassan (11), po ashtu theksoi se do të dëshironte të gjejë rroba të përshtatshme dhe të ngrohta para se të fillojë dimri.

Në sulmet izraelite, të cilat kanë zgjatur 51 ditë, janë vrarë 2.158 persona, ndërsa mbi 11 mijëpersona janë plagosur.

Gjatë sulmeve janë shkatërruar plotësisht 17.200 shtëpi, 73 xhami, 24 shkolla dhe me mijëra objekte të tjera janë dëmtuar.

Futbollisti i Beshiktashit, Demba Ba, ka realizuar golin e dytë në fund të pjesës së parë për ekipin e tij, ndërsa ai e festoi këtë gol në mënyrë mjaft domethënëse.

Demba Ba pasi shënoi në Serbi, festoi duke rënë në sexhde dhe duke falënderuar Allahun.

Beshiktashi në këtë ndeshje deklasoi Partizanin duke e mundur me rezultat 4-0.

Bashkësia Islame në Republikën e Sllovenisë, njofton se me 22 tetor, imami nga Sllovenia Shpend Fidani, lexoi tërë Kur'anin para Komisionit të Bashkësisë Islame, duke u bërë kështu Hafizi i parë në Slloveni, raporton Anadolu Agency (AA).

Praktikohet që kandidatët për mësim të Hifzit para Komisionit 15 ditë vazhdimisht përmendësh të recitojnë nga dy Xhuze dhe në këtë mënyrë marrin titullin Hafiz, ose personi që e di përmendësh tërë Kur'anin.

Shpend Fidani ka lindur në vitin 1985 në Sarajevë, ku pas mbarimit të medresesë Karaxhoz-beg në Mostar, kreu Fakultetin e Studimeve Islame (FIN) në Sarajevë. Nga viti 2011 është imam, hatib dhe mualim në xhematin e Lubjanës në Slloveni.

Siç thuhet në faqen zyrtare të Bashkësisë Islame në Slloveni, Hafiz Fidani duanë e hafizllëkut së shpejti do ta bëjë në xhematin e tij në Lubjanë.

Shpendi është i martuar me Sumejën, e cila gjithashtu përfundoi FSHI në Sarajevë, me të cilën ka një fëmijë. Në Slloveni jetojnë rreth 80.000 myslimanë, apo rreth katër për qind e popullsisë së përgjithshme.

Senati që është Dhoma e lartë e Parlamentit të Irlandës ka pranuar propozimin e qeverisë për njohjen e Palestinës, raporton Anadolu Agency (AA).

Senati i përbërë nga 60 anëtarë shqyrtoi propozimin dhe nënshkrimin e 31 anëtarëve. Në mocionin e paraqitur nga senatori Averil Power thuhet se: "Qeveria, duhet ta njohë zyrtarisht Palestinën dhe duhet të ndihmojë për të krijuar një zgjidhje mes dy shteteve që qytetarët e të dy shteteve të mund të jetojnë në paqe dhe siguri”.

Propozimi nuk ka efekt detyrues për qeverinë irlandeze, por ministri irlandez i Jashtëm Charlie Flanagan muajin e ardhshëm pritet të vizitojë Senatin për të diskutuar çështjen në fjalë.

Ndërsa ambasada izraelite në Dublin ka reaguar duke thënë se "Këto lloj votimesh dëmtojnë procesin e paqes". Edhe parlamenti i Britanisë këtë muaj ka pranuar propozimin për njohjen e Palestinës me 274 vota. Por njohja e shteteve në Britani dhe Irlandë bëhet nga qeveritë dhe jo nga Parlamentet.

Ish agjenti i AKI-së, Bojan Bozhoviq ka dalë me deklarata publike në faqen e tij në Facebook, duke treguar se para 3 viteve kishte lajmëruar Agjencinë Kosovare për Intelegjencë se kush e kishte vrarë pjesëtarin e policisë së Kosovës, Enver Zymberi. Bozhoviq ka thënë se si ka mundësi që vrasësi shëtit ende i lirë.

Ai madje ka shtuar se me këtë deklaratë rrezikon edhe jetën dhe familjen mirëpo thotë se këtë po e bënë për dashurin që ka për Kosovën.

“Në këtë ditë tre vjet më parë në Agjencin e Inteligjencës ë kam dorëzuar raportin kush e vrau një oficer të policisë rep. e Kosoves Enver Zymberi. Pse askush nuk e thotë emrin e vrasësit.

Pse vrasësi të lirë shetit ne Kosove. Ok jam Bojan Bozhoviq ish pjestare te AKI ( Agjencia Kosovare per inteligjence) Ullheq te projekt I ashtuquajturi "Veri".

154 hetimet prej gushti 2011 deri filimi kesaj viti. E di qe me kete informate reziku jete dhe siguri familijar mire po nuk kam frike sepse dashurija per Kosove eshte me e madhe se jeta . Boll ma heshtja . me e mire ne toke si heroj ose lumtur si renc .Bojan Bozhoviq”, shkruan ai në Facebook. Bojan Bozhoviq përndryshe ka qenë edhe gazetarë ndërsa nga Veriur ka raportuar për mediet shqiptare në Kosovë./Zeri/

Edhe një shqiptar nga Shkupi besohet se është vrarë në luftën që po zhvillohet në Siri dhe në Irak.

Siç mëson Zhurnal, bëhet fjalë për një 35-vjeçar nga lagja Dizhon, i cili ishte pjesë e grupit të luftëtarëve nga Maqedonia që kanë marrë armët për të shkuar në luftën atje.

Mësohet se i vrari kishte qenë pjesëmarrës në luftërat në Kosovë dhe në Maqedoni. /zhurnal.mk/

Presidenti i Federatës Evropiane të Futbollit (UEFA) ka dhënë një deklaratë para vendimit të Komisionit të Disiplinës së organizatës më të madhe evropiane për futboll, në lidhje me ndeshjen e ndërprerë midis Serbisë dhe Shqipërisë.

Francezi ka thënë se skenat që ndodhen në stadiumin e Partizanit të Beogradit ishin të turpshme dhe skandaloze, ndërsa ka paralajmëruar se te dyja kombëtaret do të ndëshkohen, transmeton Telegrafi.

"Lufta jonë kryesore është që të eliminojmë skena të ngjashme çfarë ndodhën në Beograd. Skenat ishin të turpshme dhe skandaloze. E kam thënë dhe e them prapë, politika nuk ka vend në futboll dhe nuk do të ketë kurrë. Ata që shkaktuan incidentin në Beograd do të dënohen ashpër dhe të dy Federatat të bëhen gati për ti pranuar dënimet" ka thënë Platini.
Kujtojmë se ndeshja në mes të Serbisë dhe Shqipërisë është ndërprerë më 14 tetor, para përfundimit të pjesës së parë, kur tifozët serbë u futën në fushë dhe sulmuan futbollistët shqiptarë. /Telegrafi/

Policia izraelite të mërkurën arrestoi katër të rinj të mitur palestinezë në Jerusalemin e pushtuar Lindor me pretendimin se kanë sulmuar me gurë ndaj makinave izraelite, raporton Anadolu Agency (AA).

Një djalë 13-vjeçar u arrestua pasi kishte hedhur gurë drejt makinave izraelite në lagjen Al-Tur, duke dëmtuar një prej tyre, njoftohet nga policia nëpërmes faqes së saj zyrtare në Twitter.

Tre të miturit e tjerë palestinezë, të moshës mes 14 dhe 16 vjeç, u arrestuan për sulm me gurë në drejtim të makinave të policisë izraelite në rajonin e Beit Hanina.

Në muajt e fundit, makinat izraelitë dhe trenat e lehtë hekurudhor janë bërë objekt i shpeshtë i sulmeve palestinezëve me gurë.

Ministri izraelit i Sigurimit Publik, Yitzhak Aharonovitch ka premtuar kapjen e palestinezëve të cilët hedhin gurë ndaj trenave në Jeruzalem. Kryeministri Benjamin Netanyahu ka thënë se sulmet me gurë në Jerusalemin Lindor nuk do të tolerohet.

Izraeli pushtoi Jerusalemin lindor gjatë Luftës së vitit 1967 në Lindjen e Mesme. Më vonë aneksoi qytetin e shenjtë në vitin 1980, duke pretenduar atë si kryeqytet të shtetit hebre të vetëshpallur, lëvizje kjo, që kurrë nuk u pranua nga bashkësia ndërkombëtare.

Selmo Drekoviç, imami i xhamisë Muhaxhir në Suboticë të Vojvodinës, të cilën huliganët u përpoqën ta djegin pas ndeshjes futbollistike ndërmjet Serbisë dhe Shqipërisë në stadiumin e Partizanit në Beograd, thotë se pas sulmit jeta e besimtarëve në këtë qytet është kthyer në normalitet, ashtu siç ishte edhe para incidentit, raporton Anadolu Agency (AA).

Ai theksoi se për të dhe për besimtaret e tjerë të besimit islam në Suboticë është e rëndësishme që kryetari i komunës së Suboticës Jene Maglai dhe zyrtarët e policisë nga fjalët kaluan në vepra.

- Policia në krye të detyrës -

Kryetari i komunës së Suboticës të dielën, një ditë pas tentativës për zjarrvëni, vizitoi xhaminë dhe imamin Drekoviç, duke dënuar ngjarjen e së shtunës mbrëma, ku deklaroi se pushteti lokal nuk do të tolerojë që askush në Suboticë të ndihet i pasigurt, pavarësisht fesë dhe kombësisë.

Imami Drekoviç deklaroi për AA se makina e policisë gjendet pranë xhamisë 24 orë në ditë, dhe se kryetari i Komunës ka dërguar një ekip për të përcaktuar dëme materiale në objekt.

Ndërkohë, Ministria e Punëve të Brendshme e Serbisë ka konfirmuar se pas incidentit qëndrojnë dy të mitur të nacionalitetit serb dhe hungarez.

Megjithatë, sulmi në xhami, e cila është ndërtuar në vitin 2008 nuk e ka penguar zhvillim e jetës normale në Suboticë. Këtë ka konfirmuar edhe imami Drekoviç i cili tha se jeta e besimtarëve është kthyer në normale. "Pra, këtu nuk ndihet tensioni. Çdo gjë është kthyer në normale dhe shoh se kalimtarëve që kalojnë pranë xhamisë u vjen keq. Kjo do të thotë se sulmuesit kanë qenë vetëm disa individë që nuk kanë peshë në shoqërinë dhe shoqëria nuk e ndanë mendimin si ata", ka thënë Drekoviç.

- Ezani nga xhamia -

Imami i Suboticës tregon se minarja e xhamisë është treguesi më e mirë i lirisë fetare. Ai kujtoi se si në Beograd ekziston vetëm një xhami me minare, ndërsa në qytete tjera evropiane ndërtimi i minares është i ndaluar.

"Këtu ka aq shumë fqinj të cilët asnjëherë nuk janë ankuar. Kjo është një mënyrë për të jetuar në bashkëjetesë dhe që të gjitha komunitetet të kenë liri fetare", tha Drekoviç. Ai ka theksuar se ka marrë mbështetje nga përfaqësuesit e komuniteteve të tjera fetare të cilët solidarizohen me myslimanët e Vojvodinës dhe është shumë e rëndësishme të dihet se edhe ata e dënojnë këtë sulm.

Drekoviç theksoi se pas incidentit të shtunës mbrëma, nuk kanë pasur reagime ndaj thirrjes së ezanit dhe se numri i besimtarëve që vijnë të falen nuk ka ndryshuar. Ai po ashtu shtoi se para xhamisë ende qëndrojnë një patrullë e policisë duke thënë se nuk beson që ka nevojë për këtë gjë.

- Novi Sad pa atmosferë të tensionuar -

Në Suboticë jetojnë rreth pesë mijë mysliman, dhe ata, sipas fjalëve të imamit Drekoviç, nuk ndihen të kërcënuar për shkak të sulmit në xhami. "Nuk ndihemi të kërcënuar. As në mesin tonë kjo ngjarje nuk ka zënë shumë hapësirë. Merremi me aktivitete të përditshme dhe çdo gjë është në rregull", thotë Drekoviç.

Një atmosferë e ngjashme mbizotëron në mesin e besimtarëve myslimanë në Novi Sad, ka thënë për AA sekretari i Myftiut të Novi Sadit Mirza Murati. Ai ka theksuar se në mesin e besimtarëve nuk mbizotëron atmosferë e tensionuar përveç se objektin e Bashkësisë islame në këtë qytet e siguron patrulla e policisë.

"Ne ndjehemi të sigurt. Policia na ka dalë në ndihmë duke u kujdesur për sigurinë e objektit. Ata kanë vendosur për këtë gjë edhe para se ne e kemi dërguar kërkesën", ka thënë Murati.

Ai tha se fqinjët e tyre të përkatësive të tjera fetare kanë ofruar mbështetjen e tyre pas incidentit. "Çdo person normal ofron mbështetje. Këto janë vetëm veprat e individëve që nuk duhej të ndodheshit", tha Murati për AA.

Nexhat Daci, gjatë emisioni Click në RTV 21 i është përgjigjur edhe vërejtjes së analistit Driton Selmanj, se takimet e tij me Shefqet Krasniqin si dhe pjesëmarrja e fjalimi në një prezentim të një libri nga ky, e ka zbehë dhe e ka bërë jo të besueshëm edhe vet akademinë, pasi që Krasniqi është nën hetime nga prokuroria.

Daci i ka arsyetuar këto takime dhe e ka quajtur Krasniqin si shumë produktiv, madje ka thënë edhe se librat e tij janë të shkruara sipas të gjitha procedurave më të besueshme edhe pse ai nuk ka shumë njohuri mbi shkencat shoqërore.

Daci ka shtuar se për të është gëzim i madh që dr. Shefqet Krasniqi është anëtarë i Lidhjes së Dijetarëve Muslimanë.

[youtube height="400" width="100%" align="none"]http://www.youtube.com/watch?v=rYqndV0iLPs[/youtube]

Shumë njerëz të vullnetit të mirë sot kanë qëndruar në Llaushë të Podujevës për t’i ndihmuar pesë jetimëve që, përveç se janë pa prindër, janë edhe pa strehim.

Lotët e jetimëve nga Llausha e Podujevës prekën shumë njerëz. Me t’u bërë publike gjendja e tyre e mjerë, oborri i tyre u mbush me njerëz.

Disa prej tyre të martën kishin filluar renovimin e shtëpisë së pesë fëmijëve të familjes Halili.

Për të nisur këtë punë, xhemati i xhamisë së Besianës kishte dhuruar 1,500 euro. Por, kjo shumë ende nuk është shfrytëzuar.

Asnjë cent s’është shfrytëzuar dhe shpenzuar, pasi nw ndërkohë po arrijnë dhe pritet të arrijnë akoma materiale, mjeshtër dhe mobilie falas për këta pesë jetimë. Prandaj ato do të harxhohen me kalimin e kohës, ose do t’ua japim nga pak, ose çfarë kanë nevojë më tutje, ka thënë imami i xhamisë së Besianës.

Përveç shtëpisë, fëmijët që humbën dy prindërit brenda një periudhe disamujore, po ndihmohen edhe me ushqime e para. Shoqata e tregtarëve “Bashkimi” kishte mbledhur 2,500 euro.

Ata nuk do ta lënë me kaq aksionin e tyre.

Ndërsa, Egzona 13 vjeçare, më e madhja e kësaj familje, e ka vlerësuar ndihmën e dhënësve.

“Faleminderit shumë prej tyre, na kanë ndihmuar shumë, disa me para, disa me gjëra ushqimore. Faleminderit prej tyre, Zoti i shpërbleftë”, ka thënë ajo.

Fondi i Kombeve të Bashkuara për Asistencë të Fëmijëve (UNICEF) ka publikuar një raport i cili thotë që çdo pesë minuta në botë nga dhuna vdes një fëmijë, raporton Anadolu Agency (AA). 

Zyra e UNICEF-it në Britani të Madhe ka publikuar një raport, "Fëmijët në Rrezik: Veprim për t'i dhënë fund dhunës ndaj fëmijëve", ku është vënë në dukje se miliona fëmijë në mbarë botën edhe jashtë zonave të luftës në shtëpitë e tyre, shkolla dhe në shoqëri janë viktima të dhunës fizike, seksuale dhe në baza psiqike. 

Urbanizimi i shpejtë, papunësia e lartë dhe tendenca në rritje të diskriminimit janë faktorë, të cilat janë vënë në dukje si burimet kryesore të rrezikut të dhunës ndaj fëmijëve. 
Raporti i UNICEF-it, paralajmëron që si pasojë e dhunës çdo ditë vdesin mesatarisht, 345 fëmijë, prej të cilëve 75 për qind vdesin nga dhuna në vendet që nuk janë të përfshira nga lufta.

Duke theksuar se 25 për qind e fëmijëve në botë janë viktima të dhunës në familje, raporti thekson se një në dhjetë vajza në botë është viktimë e ngacmimit seksual. 

UNICEF-i vazhdon me pretendimet se fëmijët në vendet e varfra më shpesh janë viktima të dhunës dhe citon shembullin e adoleshentëve në Amerikën Latine që deri në 70 herë më shumë janë të rrezikuar nga ngacmime, se moshatarët e tyre në Mbretërinë e Bashkuar. 

Gjithashtu theksohet se vdekshmëria e fëmijëve e shkaktuar nga sëmundje të shërueshme tek fëmijët e moshës nën pesë vjeç është ulur ndjeshëm në 15 vitet e fundit në Brazil, por në vitet e fundit në vend nga dhuna janë vrarë më shumë se 15.000 të rinjë. 

Nga vendet afrikane në raportin e UNICEF-it përmendet Kenia, ku një në tre vajza dhe një në gjashtë djem kanë qenë viktima të abuzimit seksual, në të cilën vetëm një në qindra rast është raportuar në autoritetet përkatëse.

Sidomos vëmendje tërheq fakti se në të gjitha 41 vendet ligjërisht është e ndaluar dhuna ndaj fëmijëve, dhe se shumë vendet të pasura nuk kanë një rregullore të tillë. 

Drejtori i UNICEF-it në Mbretërinë e Bashkuar David Bull gjatë prezantimit të raportit, tha se është e domosdoshme që fëmijët të cilët jetojnë me frikë, ti mundësojnë që të fitojnë ndjenjën e besimit dhe sigurisë. "Është e domosdoshme që të angazhohemi shumë, për ta bërë botën një vend, ku jeta e fëmijëve të bëhet më e mirë," tha Bull./AA/

Komiteti për të Drejtat e Njeriut pranë OKB-së ka rishikuar gjendjen e të drejtave të njeriut në Izrael, raporton Anadolu Agency (AA).

Në një deklaratë Komiteti, njoftoi se ka rishikuar raportin e izraelit në bazë të Konventës Ndërkombëtare për të Drejtat Civile dhe Politike (ICCPR) Në zbatimin e dispozitave të pikës së katërt.

Ekspertët e Komitetit kërkuan nga zyrtarët izraelitë të cilët morën pjesë në takim, informacion në lidhje me operacionet e fundit ushtarak në Gaza. Në mbledhje pas operacioneve ushtarake u kërkua informacion edhe për aktivitetet e zgjerimit territorial të Izraelit dhe bllokada ushtarake ndaj Gazës.

Ekspertët gjithashtu kanë kërkuar informacione në lidhje me raportet që tregojnë politikat e strehimit, masat për ndalimin e torturave dhe përdorimi i forcës dhe dhunës kundër civilëve

Komiteti do të mblidhet përsëri me 23 tetor për të vlerësuar situatën e të drejtave të njeriut në Izrael.

Shteti i Turqisë jo vetëm që i ka hapur dyert për vëllezërit sirianë, por po përballon pothuajse e vetme edhe nevojat e tyre, pasi ndihmat e vendeve të zhvilluara si kanë mbetur komike në krahasim me 4.5 miliardë dollarë që ka shpenzuar Turqia.

Turqia sot mirëpret në territorin e saj 1,5 milion refugjatë dhe vazhdon të jetë porta e shpresës për shumë të tjerë që arratisen nga lufta civile dhe dhuna në vendin e tyre. Por shoqëria ndërkombëtare vazhdon të bëjë veshin e shurdhët përballë thirrjeve të Turqisë për të kontribuar me ndihma për përballimin e nevojave të këtyre refugjatëve në prag të dimrit.

Ndihmat që kanë ardhur nga jashtë shtetit, përfshi edhe ndihmat e Kombeve të Bashkuara janë sa 1/20 e shpenzimeve që ka bërë Turqia.

Pra ndihmat e jashtme janë vetëm 246 milion dollarë... Kombet e Bashkuara deklaruan se për shkak të pamjaftueshmërisë së buxhetit nuk do të mund të dërgojnë ndihma njerëzore për civilët sirianë. OKB-ja deri me sot ka dhënë një ndihmë vetëm prej 161 milion dollarësh.

Ndërsa ndihma e bërë nga vendet e zhvilluara të Perëndimit është tepër qesharake. Franca, një nga vendet pararojë të BE-së ka ndihmuar me 25 mijë e 145 dollarë.

Kurse, Austria, për dramën njerëzore siriane nga portofoli ka nxjerrë vetëm 25 mijë dollarë.

Suedia ka dërguar 35 mijë dollarë ndihma për vendstrehimet e sirianëve.

Deri më sot Turqia ka dërguar në Siri 483 mauna me ndihma që kapin vlerën 693 milion lira (rreth 309 milionë dollarë)./trt/

Një video tronditëse ku shfaqet një polic në New York i cili mbështet dy burra për muri, vetëm sepse janë myslimanë.

Videoja është shkarkuar në internet nga Adam Saleh, pasi pretendon se bëhej fjalë për 'diskriminim racor' të punonjësve të policisë, ndaj disave që ishin të veshur në veshje tradicionale myslimane, transmeton Telegrafi.

Adam drejton një llogari në YouTube të quajtur TrueStoryASA me shokun e tij Shejh Akbar, ku dy të rinj paraqesin video qesharake.

Megjithatë, ata vendosën të publikojnë një video të re për 650.000 abonentët e tyre duke qenë të frustruar me policinë.

Në videon tre minutëshe shfaqen dy të rinj me veshje perëndimore dhe që flasin me theks amerikan.

Një polic qëndron afër dhe pavarësisht se ata “kërcënojnë” njëri tjetrin, polici nuk bën asgjë.

Vetëm 20 minuta më vonë, të dy të rinjtë kanë ndryshuar veshjen në një tradicionale myslimane dhe bëjnë thuja se të njëjën gjë. Për më shumë, shikojeni reagimin e policit. /Telegrafi/

[youtube height="400" width="100%" align="none"]http://www.youtube.com/watch?v=EeQbuTigFos[/youtube]

Procesi gjyqësor kundër Fuad Ramiqit dhe imamëve të tjerë është diskriminim fetar dhe politik në Kosovë, ka deklaruar publikisht Lëvizja Islame Bashkohu në një letër të hapur dhe njëherësh, ju ka bërë thirrje organizatave ndërkombëtare që monitorojnë shkeljen e të drejtave të njeriut, që të mbikëqyrin edhe këtë rast, raporton Anadolu Agency (AA).

LISBA, parti politike opozitare në Kosovë, me këtë letër publike iu ka drejtuar drejtpërdrejtë OSBE-së ( Organizatës për Siguri dhe Bashkëpunim të Evropës ), ODIHR-së (Zyrës për Demokraci të Institucioneve dhe Drejtat e Njeriut), Amnesty International-it dhe Human Rights Watch , që të bëjnë presion mbi Presidencën dhe Qeverinë e Kosovës të ndërpresin, sipas kësaj partie politike,  persekutimin, burgosjen ilegale dhe diskriminimin fetar dhe politik i cili po i bëhet komuniteti islam në Kosovë, në veçanti liderëve fetar.

LISBA kërkon që këto organizata, misioni i të cilave është lufta kundër persekutimit politik dhe mbrojta e demokracisë dhe të drejtave të njeriut, të vijnë në Kosovë dhe të shohin se si, në këtë vend. Qeveria dhe Presidenca kontrollojnë gjyqësorin dhe në mënyrë të padrejtë i mbajnë të mbyllur Fuad Ramiqin dhe imamët e BIK-ut. Me këtë rast, LISBA në letrën publike thotë se Ramiqi është burgosur për shkak të një deklarate që sekretari i kësaj Partie e ka bërë në një televizion lokal, ku ai e ka cilësuar regjimin e sotëm kosovar si diktatorial.

“Edhe pse Gjykata e Prishtinës nuk ka mundësi ta dënojë pasi ai nuk ka bërë ndonjë krim me deklaratën e tij dhe Gjykata e Apelit ka gjykuar që Ramiqi por edhe të burgosur të tjerë po mbahen në burg pa fakte, përkundër çdo norme demokratike, kundër ligjeve dhe Kushtetutës së Kosovës, Konventës Evropiane Për të Drejtat e Njeriut, Kartave Ndërkombëtare për të Drejtat e Njeriut, të cilat Kosova pretendon ti respektoj , sekretari i Partisë dhe imamët po mbahen në burg në mënyrë ilegale” thuhet në këtë letër , ku ndër të tjera përmendet fakti se pas skaditmi të afatit prej paraburgimit prej 30 ditësh, atyre u është vazhduar paraburgim edhe për 60 ditë të tjera dhe kështu, sipas LISBA-së,  njerëz të pafajshëm po mbahen në burg, për 3 muaj, për një krim që nuk e kanë bërë kurrë.

Së fundit, të premten, Gjykata Themelore e Prishtinës ka marr vendimin për t’ju vazhduar paraburgimin për edhe dy muaj,  Fuad Ramiqit, liderit të LISBA-së dhe 6 imamëve të tjerë, Bedri Robajt, Mazllum Mazllumit, Eroll Mesinit, Leonard Rulit, Sabahudin Selimit dhe Trim Ademit , ndërsa tre të akuzuarve tjerë: Dardan Gjukës, Alban Masliut dhe Idriz Bilibanit, u ka caktuar masën e arrestit shtëpiak, po ashtu për 60 ditë të ardhshme.

Nëna u vdiq para disa muajve, babai para dhjetë ditësh. Barra e familjes bie mbi 15-vjeçaren.

Nuk është e vështirë ta kuptojmë se jetojmë në një vend ku ka shumë varfëri e mjerim. Aty ku për shumicën dita zbardhet duke menduar se çfarë do të kenë në tryezë për të ngrënë e kur nata vjen gjumi i zë duke menduar se si do t’ia bëjnë për ditën e nesërme. Një gjë të tillë e përjeton edhe familja Halili nga fshati Llaushë, komuna e Podujevës.

Një shtëpi e vogël dydhomëshe, e ftohtë sikurse jetët e banorëve që strehohen aty. Një korridor i errët ndan dy dhomat. Muret e çara në shumë vende, e po ashtu edhe të kapluara nga lagështia dhe rroba të varura në disa tela, janë panorama e zymtë që ofron kjo shtëpi. Në njërën dhomë dy shtretër e një copë tepihu, ndërsa në tjetrën vetëm një copë tepihu e disa rroba të shpërndara, të cilat të tërhiqnin vëmendjen porsa hyje brenda në atë shtëpi. Kjo është streha e vetme e pesë fëmijëve të mbetur jetimë.

Numri ku mund të kontaktoni këtë familje për ta ndihmuar është: 044-119- 930. /Kosova Sot/

Një vajzë palestineze në moshë të vogël vdiq, ndërsa një tjetër u plagos rëndë pasi u godit nga një kolon hebre pranë Ramallahut në Bregun Perëndimor, raporton Anadolu Agency (AA).

Sipas dëshmitarëve okularë, koloni hebre ka goditur dy vajza të moshës 5-8 vjeçare në rrugën kryesore dhe më pas ishte larguar nga vendi i ngjarjes.

Drejtori i kompleksit mjekësore në Ramallah, Ahmed Bitawi tha se vajzat ishin në gjendje kome. Më pas njëra ka vdekur dhe mjekët po luftojnë për ti shpëtuar jetën vajzës tjetër. 
Pas këtij incidenti ende nuk ka patur deklarata nga zyrtarët izraelitë dhe palestinezë.

Kolonët hebrenj shpesh sulmojnë palestinezët në të gjithë Bregun Perëndimor. Nga ana tjetër, Autoritetet Palestineze akuzojnë ushtrinë dhe policinë izraelite, sepse në raste të tilla, nuk reagojnë.

Në xhaminë e Suboticës, gjatë natës së kaluar persona të panjohur hodhën lëndë të përzier molotovi, në përpjekje për të shkaktuar zjarr. Ndërkohë që fqinjët ortodoksë dhe katolikë shuar zjarrin, raporton Anadolu Agency (AA).

Persona të panjohur kanë shkaktuar zjarr në një pjesë të xhamisë Muhaxhir këtë mëngjes pak para orës 04:00, ndërsa ndërhyrja e shpejtë i fqinjëve shuajti zjarrin, ndërkohë policia ka nisur hetimet për këtë ngjarje, konfirmoi për AA  kryetari i Bashkësisë Islame të Suboticës, Ibazer Uzeir.

"Fqinji i cili është jomysliman shuajti zjarrin. Fqinjët kujdesen për xhaminë. Situata jo që është e mirë, por ne nuk kemi ndonjë problem këtu në Suboticë dhe kjo ngjarje ka ndodhur për herë të parë. Ne nuk presim diçka të tillë, por ka gjithmonë diçka që nuk është e mirë," tha Uzeir duke shtuar se ishin të befasuar nga sulmi i natës së kaluar në xhami.

Ai theksoi se "nuk e di se çfarë do të kishte ndodhur nëse nuk do ta kishin shuar zjarrin fqinjët të cilët janë jomyslimanë- katolikë dhe ortodoksë" dhe se e gjitha ngjarja është e filmuar nga kamerat e sigurisë pranë. Kryetari i Komitetit të Bashkësisë Islame të Suboticës, tha se besimtarët myslimanë në Suboticë ndjehen të shqetësuar nga ky sulm. Ai shpreson se përfaqësuesit e qeverisë dhe të pushtetit lokal në Suboticë do të dënojmë këtë sulm.

Imami i Xhamisë Selmo Drekoviç, i cili në momentet e sulmit ndodhej në banesë e cila është në afërsi të xhamisë, gjithashtu tha se zjarri ishte shkaktuar qëllimisht. Myftiu i Bashkësisë Islame në Serbi Mevlid Dudiç, më vonë do të japë informacione më të detajuara rreth kësaj ngjarjeje.

"Në Xhaminë Muhaxher të Suboticës, persona të panjohur kanë hedhur lëndë molotovi që kishte shkaktuar dëme serioze. Hetimi është në vazhdim," njoftoi Bashkësia Islame në Serbi.

Zjarri i cili u shua shpejt, ka dëmtuar portën e garazhit dhe një pjesë rezidenciale të ndërtesës e planifikuar për të akomoduar Imamin dhe familjen e tij. Në Suboticë, në veri të Serbisë, që nga vitin 2008 është ndërtuar xhamia me minare në rrugën Sofia - Budapest, e para pas më shumë se 250 viteve. Xhamia që mban emrin El-Muhaxhir (refugjatët) ndodhet pranë tregut në rrugën Karagjorxhe dhe ka minare 16 metra të gjatë dhe tetë kupola më të vogla (kube).

Xhamia është ndërtuar nga myslimanët e Suboticës me ndihmën e donacioneve nga jashtë, nga Sanxhakut dhe pjesë të tjera të Serbisë dhe është e vetmja me minare.

Në stadiumin e Partizanit, sonte para fillimit të ndeshjes mes Partizanit dhe Cervena Zvezdës të Beogradit, tifozët kanë djegur flamurin e Shqipërisë, raporton Anadolu Agency (AA).

Tifozët bartnin një flamur të zi me një kafkë në të cilën ishte shkruar parulla me shkronja cirilike "Me besimin në Zot - Liri ose vdekje", ndërsa disa kishin veshur fanella ku në pjesën e pasme shkruhej "çetnikët - veri".

Brenda stadiumit të Partizanit gjysmë ore para fillimit të ndeshjes Partizan- Cervena Zvezda ka pasur një incident, kur tifozët u përleshën në tribunën lindore, përleshje fizike, që më pas erdhi deri te djegia e një pjese të tribunës. Ndërkohë pjesëtarët e xhandarmërisë ishin të shpejtë dhe ndërhynë për të parandaluar përshkallëzimin e incidentit.

Populli i Gazës, dje pas namazit të xhumasë, kanë protestuar kundër shkeljeve  të drejtave të muslimanëve në xhaminë Al-Aksa në Jeruzalem, raporton Anadolu Agency (AA)

Banorët e Gazës pasnamazit të xhumasë, nga pjesët e ndryshme të qytetit kanë organizuar një marshim drejt godinës së parlamentit në këtë qytet. Ata dënuan shkeljen e të drajtave të muslimanëve në Al-Aksa nga ana Izraelitëve dhe kërkuan që bota islame të reagojë në lidhje me këtë problem. 

Një nga zyrtarët e Hamasit, Ismail Ridvan, ka thënë se vënia në pikëpyetje e shenjëtërisë së Al-Aksas vë në pikëpyetje besimin e të gjithë njerëzve në këtë rajon. Ridvan ka kërkuar nga presidenti palestinez Mahmud Abbas që këto shkelje ti paraqesë në Gjykatën Ndërkombëtare Penale dhe i bëri thirrje Organizatës së Bashkëpunimit Islamik (OIC), dhe institucioneve ligjore ti ndalin shkeljet e të drejtave të muslimanëve në Izrael.

Në muajt e fundit në kompleksin në fjalë, ka pasur një numër të madh incidentesh të dhunshme nga kolonët hebrenj, të cilët në të shumtën e rasteve ishin nën shoqërimin e policisë izraelite. 

Për muslimanët, Xhamia Al-Aksa është vend i shenjtë i tretë më i rëndësishëm, ndërsa hebrenjtë besojnë se në këtë vend dikur ka pasur dy tempuj hebrenjë.

Kryetari i komunës së Hanit të Elezit, Rufki Suma, në një intervistë për Radio Pendimin tha se arrestimi dhe burgosja e hoxhallarëve është çështje politike.

“Është politizuar shumë arrestimi i hoxhallarëve duke i akuzuar ata si terroristë, kur dihet se në fenë Islame nuk ka terrorizëm, unë besoj në pafajësinë e tyre. Deri më tani nuk kemi pa fakte për atë që po akuzohen”.

I pyetur nëse qeveria duhet të kërkoj falje për arrestimin e hoxhallarëve tani pasiqë disa prej tyre janë liruar, Suma tha se qeveria nuk mund të shpaguaj dëmin e shkaktuar me këto arrestime.

“Qeveria nuk mund ta shpaguaj dëmin që ua ka shkaktuar hoxhallarëve, as me kërkim falje apo me para, sepse ka dëmtuar imazhin e tyre si hoxhallarë. Edhe këtyre që iu është vazhduar masa e paraburgimit, iu është bërë padrejtësi. Unë besoj në pafajësinë e tyre”, tha Suma.

Serbia po shtiret si viktima e të gjitha kohërave pas një ndeshje futbolli, dhe një flamuri që ra nga qielli në stadiumin e Beogradit mes Serbisë dhe Shqipërisë. Nacionalizmi dhe tërbimi i tyre po kalon çdo kufi.

Por po harron se çfarë ka bërë me shqiptarët ajo përmes ajrit. Ka vrarë mijëra njerëz në Kosovë dhe përveç tjerash, kishte provokuar rëndë Shqipërinë në vitin 1999. Serbët në mënyrë të kobshme e shëtitën me helikopter trupin e dëshmorit të UÇK-së nga Lumasi i Beratit, Astrit Suli, përgjatë kufirit me Shqipërinë./reporteri/

Ngritja e tensionit serbo-shqiptar është më e larta që prej pas luftës në Kosovë.

Ndeshja Serbi – Shqipëri ka hedhur në sipërfaqe edhe njëherë urrejtjen serbe mbi shqiptarët.

“Vrisni dhe preni që shqiptari të mos ekzistoj” ishin thirrjet e pandërprera të 35 mijë serbëve në stadiumin e Partizanit.

Ndërsa sot, një dit pas vizitës së presidentit rus në Beograd, Vladimir Putin, ku ushtria serbe bëri edhe një paradë ushtarake vjen provokimi i radhës.

Faqja zyrtare e “Forcave Speciale Serbe” ka publikuar në Facebook, një fotografi të dy raketa-hedhësve për të cilët thonë se mund të gjuajnë aq larg sa të bombardojnë Prishtinën.

“Nora152mm” mund të hedh gjylet deri në 50 kilometra që do të mjaftonte për të granatuar Prishtinën”, shkruajnë serbët. /Zeri/

Ka krijuar situata tensionuese ndalimi i muslimanëve nën 50 vjeç në xhaminë Aksa nga ushtria izraelite, raporton Anadolu Agency (AA).

Palestinezët të cilët falën namazin e xhumasë në rrugë. Pas faljes së Xhumasë disa palestinezë kanë reaguar ndaj ndërhyrjes së ushtarëve izraelitë që kishin rrethuar e lagjen Vadi el-Xhevz.

Palestinezët u shpërndarë pa incidente pas një kohe dhe pas përparimit të forcave izraelite të cilët ndërhynë me tanket TOMA të mbushur me lëndë foseptikë, policët me kuaj të shoqëruar edhe nga snaiperët.

Xhamia Aksa e cila brenda saj është si një kompleks përfshin muze, medrese, kopësht dhe një rrethim të madh ku xhamia Aksa për muslimanët është një simbol dhe konsiderohet si kibla e parë.

Hebrenjtë të cilët mendojnë se poshtë xhamisë aksa gjenden rrënojat e tempullit të Solomonit ku për këtë arsye ata janë duke bërë edhe gërmime. Kolonët hebrenj dhe autoritetet izraelite herë pas here duke hyrë në rrethinat e xhamisë ngacmojnë komunitetin dhe studentët të cilët marrin mësime. Për këtë arsye dhe nga reagimet e muslimanëve ndaj shkeljeve të izraelitëve në xhaminë Aksa shënohen tencione të vazhdueshme.

U është caktuar masa e paraburgimit prej 30 ditësh Fuad Ramiqit, Bedri Robajt, Mazmull Mazllumit, Eroll Mesini, Leonard Ruli, Sabahudin Selimi dhe Trim Ademit.

Këtë e ka konfirmuar për KosovaPress, Skender Musa, avokat i Fuad Ramiqit.

Mbrojtja e Fuad Ramiqit ka thënë se do të paraqesin ankesë te Gjykata e Apelit, sepse sipas tij, po bëhet shkelje e Kushtetutës.

Ndërkohë, tre të tjerëve iu është caktuar masa e arrestit shtëpiak.

Policia izraelite kishte mbyllur disa rrugë për të parandaluar hyrjen në kompleksin e Al-Aksa personave nën moshën 50 vjeç, raporton Anadolu Agency (AA).

Sipas dëshmitarëve okularë, policia izraelite patrullon në hyrjet e vjetra të Jeruzalemit, si dhe në derën hyrëse të Al-Aksa dhe pengon hyrjen e palestinezëve që janë nën moshën 50 vjeç.

- Qindra muslimanë që dëshironin të hyjnë në Al-Aksa u detyruan të falen në rrugë-

Izraeli gjatë festës hebreje "Sukkot", e cila filloi më 8 tetor dhe zgjat nëntë ditët, ndaloi hyrjen e palestinezëve në Al-Aksa, për shkak së cilës shumë herë është bër objekt konflikti mes palestinezëve dhe ushtarëve izraelitë.

Në muajt e fundit në kompleksin në fjalë, ka pasur një numër të madh incidentesh të dhunshme nga kolonët hebrenj, të cilët në të shumtën e rasteve ishin nën shoqërimin e policisë izraelite.

Për muslimanët, Xhamia Al-Aksa është vend i shenjtë i tretë më i rëndësishëm, ndërsa hebrenjtë besojnë se në këtë vend dikur ka pasur dy tempuj hebrenjtë.

Përkundër faktit se seanca kishte përfunduar të enjten në orët e vona, Gjykata Themelore e Prishtinës ende nuk ka marr vendim lidhur me 10 të pandehurit, të dyshuar për rrezikim të rendit kushtetues dhe të sigurisë kombëtare të Kosovës. Vendimi pritet të merret sot, raporton Anadolu Agency.

Prokurori nuk ka paraqitur asnjë fakt apo provë të re për të pandehurit, për më tepër, ai ka tërhqur disa akuza si; rekrutim për terrorizëm. Bazuar në këtë, për Mazllam Mazllamin, Dardan Gjukën dhe Idriz Bilibanin, prokurori ka kërkuar t’ iu ndërpritet masa e paraburgimit dhe të iu caktohet masa arrest shtëpie ndërsa, për shtatë të pandehurit tjerë, në mesin e të cilëve gjendet edhe lideri i LISBA-së, Fuad Ramiqi, ka propozuar që t’iu vazhdohet paraburgimi.

Nga ana tjetër, avokatët e të pandehurve kanë deklaruar se, prokuroria edhe një herë, ka dështuar të arsyetoj dyshimin e bazuar dhe se nuk ka paraqitur asnjë provë për rastin në fjalë.

Ditë më parë, imami i Xhamisë së Madhe në Prishtinë, Shefqet Krasniqi u liruar nga paraburgimi dhe ka kaluar në arrest shtëpie.

Megjithatë, Gjykata e Themelore duhet të marrë një vendim lidhur me 10 të akuzuarit sepse masa e paraburgimit prej 30 ditësh për këta persona, skadon pikërisht sot, një muaj pasi ata janë arrestuar.

Lokali "Bash qebapë" dhe dy furrat e bukës, "Evropa" si dhe "As Pek", janë demoluar mbrëmë në Novi Sad nga huliganët.

Rreth një orë pas mesnatës, huliganët thyen dritaren e lokalit "Bash qebapë" në rrugën Maksim Gorki në Novi Sad, transmeton Telegrafi.

Sipas dëshmitarëve okularë, një grup prej disa të rinjve të maskuar, vrapoi drejt lokaleve dhe me ndihmën e gurëve thyen dritaret e dyqaneve, të cilat raportohen se janë të shqiptarëve dhe boshnjakëve.

U sulmuan edhe dy furrat "Evropa" në rrugën “Car Lazar” si dhe "As Pek" në Detelinari, në rrugën rome. /Telegrafi/

Qyteti sirian Kobani, ku prej disa javësh po zhvillohen përleshje të ashpra mes militantëve të ISIL dhe grupeve kurde, praktikisht është shndërruar në gërmadha, raporton Anadolu Agency (AA).

Dukshëm është dëmtuar pjesa lindore e qytetit, ku numri i madh i objekteve publike dhe shtëpive private janë shkatërruar tërësisht. Dëmi i madh është shkaktuar në ndërtesa dhe objekte që gjenden në afërsi të kufirit me Turqinë, ku herë pas here mund të dëgjohen shpërthime të fuqishme që vijnë nga Kobani. 

Përleshjet mes këtyre grupeve kanë nisur një muaj më parë, ndërkohë që përleshjet po zhvillohen edhe brenda qendrës së qytetit. Militantët e ISIL kanë uzurpuar një zonë në lindje të qytetit ku kryejnë sulme ndaj objektivave të grupeve kurde. Në anën tjetër, forcat e koalicionit të udhëhequra nga Shtetet e Bashkuara të Amerikës, prej javësh kryejnë sulme ajrore ndaj militantëve të ISIL.

Avokati i Fuad Ramiqit, Skënder Musa, ka thënë se pret që klienti i tij të lirohet nga të gjitha akuzat.

Në kohën kur i imamët e arrestuar dhe kryetarin e LISBA-s, Fuad Ramiqin, i ndajnë edhe më pak se dhjetë orë nga përfundimi i masës së paraburgimit, avokatët e tyre, shprehin bindjen se nuk do të ketë prova për gjykimin e tyre.

Pas përfundimit të një seance në Gjykatën e Apelit, avokati Musa tha se prokurori i rastit, nuk ka arritur të ketë prova shtesë për të mbrojturin e tij, Fuad Ramiqin dhe pret që ai të lirohet më së largu nesër.

“Sa i përket të mbrojturit tim, i cili akuzohet për thirrje për rezistencë, në mënyrë absolute prokurori nuk ka paraqitur asgjë të re”.

“Vendimi nuk e di se kur do të merret, mirëpo prokurori nuk ka paraqitur asnjë provë të re për të akuzuarit, përkundër saj, ka hequr dorë edhe nga disa dyshime që ka pasur ndaj të pandehurit, siç është rekrutimi për terrorizëm”.

“Ndërkaq prova të reja, siç ka kërkuar Gjykata e Apelit, nuk ka pasur dhe as në këtë seancë nuk është vërtetuar dyshimi i bazuar për asnjë nga të pandehurit”.

“Në mënyrë të veçantë nuk është vërtetuar dyshimi se i mbrojturi ka kryer veprën penale, thirrjes për rezistencë, për shkak se ajo ka qenë një deklaratë e një njeri opozitar, kundër institucioneve të shtetit tonë dhe nuk ka pasur të bëjë asgjë kundër vendimeve të gjykatave”.

Masa e paraburgimit për të arrestuarit do të zgjasë deri në orën 24, ndërsa nesër pritet të ketë një vendim nga gjykata./lajmi/

Në Gjykatën Themelore në Prishtinë ka përfunduar seanca dëgjimore për 10 të dyshuarit për cenim të rendit kushtetues të Kosovës.

Imamit të xhamisë në lagjen Fidanishte në Mitrovicë, Eroll Misini, i është hequr akuza për veprën penale “rekrutim për terrorizëm”.

Këtë e ka konfirmuar avokati i tij Kadri Osaj, pas përfundimit të seancës dëgjimore.

“Prokuroria u bind dhe ka hequr dorë nga dyshimi që klienti im e ka kryer veprën penale rekrutim për terrorizëm”.

“Klienti imë është imam, punon në kuadër të Bashkësisë Islame, predikon me moral dhe gjatë predikimit referenca e prokurorisë në predikimet e tij nuk ka gjetur asgjë inkriminuese dhe nuk vërteton dyshimin e bazuar”, ka thënë avokati Osaj.

Gjatë seancës, prokurori ka propozuar që të pandehurve Alban Malësiu, Dardan Gjuka dhe Idriz Bilibani t’iu ndërpritet masa e paraburgimi, ndërsa për të pandehurit tjerë ai ka kërkuar që të vazhdojnë të qëndrojnë në paraburgim.

Vendimi ndaj 10 të dyshuarave pritet të merret gjatë ditës së sotme./lajmi/

Persona të panjohur kanë thyer xhamat në ndërtesën e Ambasadës shqiptare në Podgoricë, raporton korrespodenti i Anadolu Agency (AA).

Nga ambasada kanë konfirmuar për AA se xhamat janë thyer, por nuk kanë dhënë më shumë detaje lidhur me incidentin. Në bisedë të shkurtër  telefonike zyrtarët e Ambasadës shqiptare në Podgoricë, kanë konfirmuar që kjo ngjarje e pa paranueshme ka ndodhur sot në ora 10:30. Ndërtesa e ambasadës së Republikës së Shqipërisë gjendet në qendër të Podgoricës, në rrugën “Stanko Dragojeviç”.

Gjatë natës së mbrëmshme është sulmuar një furrë buke në Stara Pazova dhe Sombor, në pronësi të shqiptarëve. Policia serbe deri tani nuk i ka zbuluar sulmuesit, ndërsa hetimet janë në vazhdim, raporton Anadolu Agency (AA).

Njëri nga sulmuesit e furrës "Milenijum as" në Stara Pazova me armë automatike ka gjuajtur rreth 50 plumba, ndërsa një tjetër hodhi bombë. Ndërsa në  Sombor iu vu zjarri furrës së bukës "Dva brata" gjatë orëve të hershme të mesnatës në 1:30. Për fat të mirë, zjarri u shua shpejt dhe në të dy incidentet nuk ka pasur punëtorë të lënduar.

Përveç se në Serbi, për shkak të incidentit dhe ndërprerjes së ndeshjes kualifikuese EURO 2016, të luajtur në Beograd mes Serbisë dhe Shqipërisë të martën në mbrëmje, tensionet janë rritur edhe në Mal të Zi. Pas konfliktit fizik të djeshëm në mes nxënësve malazez dhe shqiptarë në shkollën e qytetin kufitar të Tuzit, janë thyer edhe xhamat e Ambasadës së Shqipërisë në Podgoricë. Për këto akte vandalizmi hetimet janë në vazhdim, për Anadolu Agency konfirmoi Ambasada e Shqipërisë në Podgoricë.

Është duke vazhduar seanca për shqyrtimin e vendimit të masës së paraburgimit për personat e arrestuar një muaj më parë, me akuzën për rrezikim të rendit kushtetues të Kosovës, ku të përfshirë janë imam e hoxhallarë. Sipas mbrojtjes, deri në këto momente prokurori nuk ka paraqitur asnjë provë të re.

Fuad Ramiqi, Sabahudin Selimi, Eroll Nesimi, Idriz Bilibani, Leopnard Ruli, Dardan Gjuka, Shefki Koraçi dhe Bedri Robaj janë 8 nga 13 të arrestuarit një muaj më parë, që sot pritet të merret vendimi për ta.

Aktualisht për shumicën e të akuzuarve që janë brenda, ka rënë vepra rekrutim për terrorizëm.

Skënder Musa, avokat i Fuad Ramiqit, thotë se për shumicën e të dyshuarve nuk ka ndonjë dyshim të bazuar se kanë kryer veprat penale për të cilat dyshohen.

Fuad Ramiqi, dyshohet të ketë kryer veprën penale thirrje për rezistencë, në bazë të nenit 411 të Kodit Penal të Kosovës.

E mbrojtja e tij, thotë se Ramiqi gjatë intervistës dhënë KTV-së, për çka edhe akuzohet, ka shprehur vetëm qëndrimet e tij kundër burgosjes në mënyrë arbitrare të njerëzve me bindje politike e fetare.

Ai konsideron se kjo është në kundërshtim me nenin 30 të Kushtetutës së Kosovës./KP/

Në raportin e publikuar dy ditë para në kuadër të Ditës Botërore të Ushqimit nga Instituti Ndërkombëtar i Politikave të Ushqimit theksohet se uria në 16 vende të botës është në një fazë kritike.

Sipas raportit të përgatitur nga instituti me qendër në Uashington duke iu referuar statistikave të fëmijëve të dobët 1 nga 8 persona dhe 1 nga 6 fëmije vuajnë nga uria në rang botëror.

Instituti thekson se nga viti 1990 ka një përmirësim të ndjeshëm megjithatë uria mbetet një nga problemet kryesore. Shumë shtete mbulojnë statistikat e personave që vuajnë nga uria, ndërsa vendet me popullsi të dendur edhe pse kanë bërë përparime kanë shumë probleme me urinë, shpjegon raporti.

Në raport theksohet gjithashtu se vendet më të prekura nga kjo dukuri janë Eritreja dhe Burundi dhe se vendet e Saharasë Afrikane edhe pse kanë përmirësime kanë akoma probleme serioze në këtë fushë. Ndërkohë që vendet e Saharasë Afrikane mbajnë kryesimin për sa i përket urisë, Azia Jugore është ndjekësi i tyre.

Në raport gjithashtu vihet theksi mbi progresin që ka bërë shteti i Ganës për sa i përket luftës kundër urisë ku ky shtet ka 40 % më pak të prekur nga uria se viti 1990. Në raport thuhet gjithashtu se një nga problemet më të mëdha për sa i përket urisë është mungesa e vitaminave dhe mineraleve në ushqim. Kjo bën që një numër i madh i fëmijëve në botë të vuaj nga "uria e fshehtë" ku vendi më i prekur në këtë pike është Vietnami.

Sipas raportit gjithashtu theksohet se në vendet në zhvillim për sa i përket ushqimit çdo ditë e më shumë janë duke iu larguar të ushqyerit tradicional dhe si pasojë po hapin rrugën e shumë sëmundjeve sporadike si obeziteti./trt/

Dhjetëra mijëra serb ulurinin “ MBYTNI, MBYTNI SHQIPTARËT” në ndeshjën kualifikuese për EM.

Jo nuk është më qështja e Flamurit. Ishte nje racizëm blanko, urrejte e qartë. Në stadion dhjetëra mijëra serb ulurinin“ mbytini, vrisni të gjithë shqiptarët“ dhe „ vrisni dhe masakroni ( rjepini) deri sa nuk mbetët asnji shqiptarë më“.

E ai ministri i jashtëm serb Daqiqi thotë se kinse Flamuri ishte një provokim i planifikuar nga shtetet perëndimore! Dhe dua të vij në përfundim: Një Serbi e tillë nuk ka se çka kërkon në Bashkimin Europian. Ne nuk duam të importojmë asnjë urrejtës dhe asnjë racizëm. Mjafton me MILLOSHEVIQIN. Ne nuk duam pasardhës të Millosheviqit në Bashkimin Europian.

DIESES SERBIEN IN DIE EU ? NEIN! NO! NE! JO! NON! ZEHNTAUSENDE SERBEN BRÜLLEN: „TÖTE, TÖTE DIE ALBANER!“ bei EM-Quali in Belgrad Es geht nicht mehr um Flaggen. Es war blanker Rassismus, blanker Hass. Im Stadion skandierten Zehntausende: „Töte, töte den Albaner!“ und „„Töte! Schlachte! Bis kein Albaner mehr übrig bleibt!“ Serbiens Außenminister Dacic sagte, die Flagge im Spiel sei eine geplante Provokation des Westens. Um es auf den Punkt zu bringen: Ein solches Serbie.

Në Sivastopol, në varrezat ku prehen dëshmorët turq që ranë në Luftën e Krimesë janë dëmtuar hëna dhe ylli në 11 varre.

Ndërsa në rrugën që lehtësonte orientimin e njerëzve për të shkuar në varrezat që ndodhen në Malin Sapun, janë hequr edhe tabelat në gjuhën e vendore dhe angleze.

Autoritetet ruse bënë të ditur se do të hiqen të gjitha tabelat në gjuhën ukrainase dhe do të zëvendësohen me tabela në rusisht, kurse për dëmtimin e varrezave do të zhvillohen hetime.

Varrezat e Dëshmorëve u ndërtuan në vitin 2004 në shenjë kujtimi të ushtarëve turq që kanë rënë dëshmorë në luftën turko-ruse të viteve 1853-1856.

Këtu ndodhen 35 varre.

Ndërkaq në Krime ka filluar edhe numërimi i popullsisë, proces që do të zgjasë deri në 25 tetor.

Pas numërimit të popullsisë (census) do të qartësohet edhe numri i banorëve të Krimesë, struktura etnike, niveli i arsimit si dhe shumë informacione të tjera.

Sipas censusit të vitit 2001 në Krime banonin më shumë se 2 milion banorë.

Deputeti i Partisë së Drejtësisë, Gëzim Kelmendi, ka përshëndetur lirimin e dr. Shefqet Krasniqit. Ai përmes një postimi në facebook  ka thënë se hoxhë Shefqet Krasniqi ishte i madh kur u arrestua e është edhe më i madh tani pasi u lirua.

“I Madh ishe kur u arrestove, edhe ma i Madh u lirove. ELHAMDULILAH që na u ktheve Doktori ynë i dashur Prof.dr.Shefqet Krasniqi”, ka shkruar Kelmendi në facebook./Shembulli/

Pas gati 100 ditësh në Siri, 8-vjeçari Erion Sina është kthyer sonte në orët e mbrëmjes në Kosovë.Në aeroport ka dalë për ta pritur presidentja e Kosovës, Atifete Jahjaga.

Kthimin e tij e ka mundësuar familja e tij në bashkëpunim me autoritetet kosovare.

Në këtë mënyrë Erioni i bashkohet nënës së tij Pranverës e i cila me muaj të tërë ka bërë përpjekje ta kthej nga fronti i luftës./rtk/

Udhëheqja pro-ruse në Krime ka kërkuar nga myslimanët në këtë territor të aneksuar që të lirohen nga “literatura e ndaluar islame” deri më 1 janar të vitit 2015.

Lideri i këtij rajoni, Sergei Aksyonov u tha sot gazetarëve në Simferopol se autoritetet “nuk do ta konfiskojnë për tre muaj literaturën myslimane, që ishte lejuar nga autoritetet e Ukrainës, e që është e ndaluar nga legjislacioni rus”.

Myslimanë në Krime janë kryesisht banorët tartarë dhe shumica e tyre e kundërshtojnë aneksimin e këtij territori të Ukrainës nga ana e Rusisë, që u bë në muajin mars.

Pjesëtarët udhëheqës të komunitetit tartar në Krime, gjatë muajve të fundit, ishin cak i policisë për posedim të asaj që ajo e cilëson si “literaturë e ndaluar myslimane”./lajmi/

Pas lirimit nga paraburgimi sot paradite, në këto momente në shtëpinë e tij në Prishtinë ka arritur hoxha i nderuar dr. Shefqet Krasniqi. Në numër i besimtarëve janë mbledhur para shtëpisë së tij me entuziazëm e kanë pritur ardhjen e tij./Shembulli/

Foto - Radio Pendimi

Njoftohet se është djegur xhamia Ebubekir es-Siddik në Nablus të Palestinës nga kolonët çifut.

Në prononcimin e tij për media aktivisti Hamza Dirije tha se palestinezët, të cilët kishin ardhur për të falur namazin e mëngjesit në xhaminë që ndodhet në zonën Akraba në jug të qytetit, u përballën me flakët në katin e poshtëm dhe ndërhynë për ta fikur zjarrin, transmeton trt.

Hamza Dirije theksoi se si pasojë e zjarrit u dogjën disa kopje të Kur’an-it famëlartë dhe tapetet, gjithashtu kolonët çifut kanë shkruar në muret e xhamisë "Vdekje arabëve".

Dirije thekson se edhe para 5 muajsh kishte ndodhur një ngjarje e tillë ku ishin djegur stallat e kafshëve të palestinezëve dhe ishin shkruar parulla të njëjta.

Autoritetet palestineze dhe izraelite nuk kanë bërë ndonjë deklaratë në lidhje me ngjarjen.

Tifozët e skuadrës së mirënjohur turke Beshiktas, kanë premtuar se përsëri do ta valojnë flamurin kombëtar shqiptar në Beograd.

Turqit ishin të ngazëllyer nga çka panë nga ideja e tifozëve shqiptar, teksa kanë premtuar se të njëjtën gjë do ta bëjnë përsëri në tokën serbe po në të njëjtin stadium, kur do të takohet skuadra turke me Partizanin e Beogradit, ekipe këto që luajnë në të njejtin grup në kuadër të Ligës së Europës, ndërsa ndeshja e tyre do të luhet më 23 tetor. Madje ata kanë premtuar se në këtë përballje nuk do të mungoj as flamuri i Kosovës.

Gjykata Themelore e ka liruar sot Imamin e Xhamisë së Madhe të Prishtinës, dr. Shefqet Krasniqin nga paraburgimi, duke i caktuar masën e arrestit shtëpiak për 30 ditë.

Këtë e ka konfirmuar Bajram Tmava avokat i Krasniqit.

Gjykata Themelore i kishte caktuar më herët masën e paraburgimit dr. Shefqet Krasniqit nën dyshimet për veprat penale kundër rendit kushtetues dhe të sigurisë të Republikës së Kosovës.

Paraburgimi 30 ditësh i dr. Shefqet Krasniqit qe kthyer dje në rivendosje nga ana e Kolegjit të Gjykatës së Apelit, për herë të dytë brenda një muaji pasi që herën e parë, Gjykata Themelore në Prishtinë refuzoi ankesën e avokatëve mbrojtës, transmeton Kallxo.com.

Imami dr. Shefqet Krasniqi, bashkë me disa imamë të tjerë ishin arrestuar më 17 shtator.

Pas vendimit të Gjykatës së Apelit së kthimit të lëndës së dr. Shefqet Krasniqit në Rivendosjes, Gjyakta Themelore ju ka dërguar ftesë palëve për mbajtjen e seancës gjatë ditës së mërkurë, transmeton Zëri.

Mbrojtësi i dr. Shefqet Krasniqit, avokati Bajram Tërrnava, ka konfirmuar për “Zëri” që seanca është thirrur për të vendosur në lidhje me vërejtjet e dhëna nga Gjykata e Apelit.

Për rastin e Krasniqit, Gjykata do të rivendos një ditë para se ndaj tij të skadojë masa e paraburgimit që ishte caktuar në afat prej një muaji.

Në flamurin e shfaqur mbrëmë në stadiumin e Partizanit të Beogradit, ishte flamuri i Shqipërisë së Madhe, në të cilin “janë të përfshirë” edhe pjesë të Malit të Zi, të Greqisë, gjysma e Maqedonisë së tanishme dhe një pjesë e Serbisë deri tek Nishi.

Agjencia greke "ANA-MPA" raportoi shkurtimisht mbi ngjarjet në stadiumin e Partizanit, vetëm duke njoftuar se një ndeshje braktiset për shkak të flamurit, transmeton Telegrafi.

Ndërsa Novasports.gr, situatën e përshkruan në këtë mënyrë: "Gjatë ndeshjes, ‘avioni’ u shfaq në fushë, me flamurin e varur të Shqipërisë së Madhe, i cili ka zemëruar serbët, që çoi në kaosin brenda dhe jashtë fushës".

"Pobjeda" e Malit të Zi, ka bërë të ditur vetëm se “takimi është ndërprerë kur mbi fushën e futbollit është shfaqur një objekt i vogël fluturues me flamurin shqiptar”.

Ndërkaq "Vijesti" ka shkruar: "Në stadiumin e mbushur të ish-APJ-së, në një kohë është shfaqur një dron me flamurin e Shqipërisë së Madhe – pas kësaj çdo gjë ka ndryshuar, transmeton Telegrafi.

“Ai ishte sinjal për kaos të përgjithshëm – përleshje ndërmjet lojtarëve nga të dyja anët, por edhe nga tifozët e tribunave. Disa prej tyre goditen lojtarët shqiptarë. Gjatë kësaj kohe, policia është treguar tepër e dobët për të kontrolluar ngjarjet në terren, sidomos në fund të tunelit", transmeton "News", duke shtuar se në fund, tifozët kishin bërë edhe fyerje për kryeministrin serb, Aleksandar Vucic.

"Alfa" nga Maqedonia nuk ka saktësuar se ishte në pyetje flamuri i Shqipërisë së Madhe, ndërsa "Channel 5", deklaroi se ishte fjala për një provokim ndaj vendasve.

“Në minutën 42, u shfaq një objekt fluturues me flamurin e Shqipërisë së Madhe dhe të Serbisë së Vogël. Kur Stefan Mitrovic kishte kapur flamurin, disa futbollistë shqiptarë ia kanë rrëmbyer atë dhe kështu kishte filluar përleshja, me çka edhe gjyqtari kishte ndërprerë ndeshjen".

Alsat shqiptar, media e stacionuar në Maqedoni, tha se "flamuri është i shenjtë dhe nuk duhet të preket nga askush, sidomos jo nga një serb, andaj lojtarët kanë reaguar për të mbrojtur flamurin”.

Alsat, gjithashtu në fokus kryesor ka mbajtur edhe prezencën e Ivan Bogdanovit në terren. /Telegrafi/

Ndeshja e mbrëmshme mes Serbisë dhe Shqipërisë, e luajtur në Beograd, përfundoj para kohe përshkak të incidenteve që ndodhën. Menjëherë pas incidenteve, futbollistët shqiptarë u larguan nga fusha e më pas edhe nga stadiumi në drejtim të aeroportit për tu kthyer në Tiranë rreth orës 03:30.

Njëri nga futbollistët, Mërgim Mavraj, është lajmëruar pak orë më vonë nga xhamia "Dine Hoxha" në Tiranë ku ka falur namazin e sabahut. Ai, në faqen e tij në facebook, ka postuar një fotografi ku shihet me imamin e xhamisë "Dine Hoxha", hoxhë Ahmed Kalaja. Mavraj, këtë fotografi e ka shoqëruar me tekstin: “Namazi i Sabahut në Tiranë me hoxhën Ahmed Kalaja, pas një nate të pergjaktë”./Shembulli/

Prokurori i Prokurorisë Speciale të Kosovës, Haki Gecaj, ka paralajmëruar se do të paraqesë kërkesën për vazhdimin edhe për dy muaj të paraburgimit ndaj dhjetë personave të dyshuar për terrorizëm, në mesin e të cilëve është edhe kryetari i Lëvizjes “Bashkohu”, Fuad Ramiqi.

Paraburgimi prej një muaji ndaj hoxhës Bedri Robaj, ndaj Idriz Bilibanit, Mazllam Mazllamit, Fuad Ramiqit, Alban Malsiut, Dardan Gjukës, Eroll Nesimit, Leonard Rulit, Sabahudin Selimit e Trim Ademit pritet të përfundojë më datën 16 tetor.

Para se të skadojë kjo datë, prokurori është i obliguar që ta paraqesë kërkesën e tij për vazhdimin ose jo të paraburgimit.

“Ju informoj se lidhur me këtë rast prokurori i çështjes nga Prokuroria Speciale e Republikës së Kosovës do të paraqesë kërkesën për vazhdim të paraburgimit ndaj personave të dyshuar, të cilët janë në paraburgim”, ka thënë për “Zërin”, zëdhënësja e Prokurorisë Speciale të Kosovës, Liridona Kozmaqi.

Prokurori i rastit në këtë dosje është prokurori, Haki Gecaj, i cili kishte paraqitur edhe kërkesën për arrestimin e imamëve nga Mitrovica, Enis Rama e Ekrem Avdiu si dhe kryeimamit të Pejës, Enes Goga.

Që të tre personat janë liruar disa ditë pas caktimit të paraburgimit me arsyetimin se prania e tyre në liri nuk i dëmton hetimet në këtë rast.

Teksa tre imamët janë në liri, hoxhallarët e tjerë vazhdojnë të qëndrojnë prapa grilave.

Të gjithë janë arrestuar më 17 shtator dhe një ditë më vonë rasti ishte proceduar në Gjykatë. Gjykata Themelore fillimisht me vendimin e marrë e kishte vazhduar masën e ndalimit edhe për 48 orë, ndërsa pas saj kishte vendosur masën e paraburgimit ndaj të gjithë të arrestuarve. Të dyshuarit për vepra penale kundër rendit kushtetues, përmes avokatëve të tyre i kishin paraqitur ankesat kundër paraburgimit në Gjykatën e Apelit. Kjo e fundit ka vlerësuar se Gjykata Themelore nuk e ka vërtetuar dyshimin, mbi të cilin të pandehurit duhet të qëndrojnë në paraburgim, andaj edhe e ka kthyer lëndën në rivendosje.

Ndonëse kanë mbetur vetëm edhe tri ditë nga skadimi i masës së paraburgimit prej 30 ditësh, Gjykata Themelore ende nuk ka rivendosur.

“Në bazë të praktikës gjyqësore, kjo duhet të vendoset për katër-pesë ditë dhe kjo zvarritje e tillë është e paarsyeshme dhe nëse deri në këtë kohë Prokuroria dhe Gjykata nuk kanë arritur ta vërtetojnë dyshimin e bazuar se të dyshuarit i kanë kryer veprat penale për të cilat dyshohen, atëherë kjo i bie se së pari kanë bërë arrestimin e të mbrojturit tim dhe më vonë i bëjnë hetimet”, thotë Skender Musa, avokat mbrojtës i Fuad Ramiqit.

Ky i fundit dyshohet se ka kryer veprën penale “Të thirrjes për rezistencë” dhe atë përmes një interviste të dhënë në televizion, ku mes të tjerash kishte theksuar se partia që ai përfaqëson, nuk do të rrijë duarkryq karshi arrestimeve për terrorizëm.

Duke folur për kërkesën e prokurorit Gecaj, Musa është i bindur që nuk ka pasur arsye as të caktohet në fillim paraburgimi e hiç më pak, sipas tij, të vazhdohet tashmë.

Paraburgimi do të skadojë më 16 tetor. Për këtë datë, mbrojtësit e të pandehurve tashmë kanë marrë ftesat e Gjykatës Themelore, ku pritet të mbahet seancë.

Avokati i të dyshuarit, Leonard Ruli, Esat Gutaj, thotë për “Zërin” se në këtë seancë do të deklarohen të pandehurit dhe në të njëjtën kohë do të vendoset nëse do të vazhdohet apo jo masa e paraburgimit?

“Më datën 16.10.2014 fillon një seancë, sipas vërejtjeve të Gjykatës së Apelit, për vazhdimin ose ndërprerjen e paraburgimit. Mirëpo nga provat e deritanishme, qoftë nga Policia, qoftë nga hetuesit apo Prokuroria, absolutisht nuk ka bazë as për caktim e as për vazhdimin e paraburgimit, ngase në aktvendimin për fillimin e hetimeve asnjë provë më të vogël nuk e kanë ofruar. Prandaj, unë mendoj dhe jam i bindur se kemi të bëjmë me vendime dhe urdhëresa politike dhe jo juridike”, thotë avokati Gutaj./Zëri/

Rreth orës 03:25 minuta të mëngjesit të së mërkurës ka mbërritur në aeroportin ndërkombëtar “Nënë Tereza” të Rinasit avioni me lojtarët dhe të gjithë stafin e Kombëtares shqiptare.

Edhe pse orari ishte totalisht i papërshtatshëm një surprizë mjaft e bukur i priste lojtarët kuqezi, me mijëra persona, më shumë se çdo herë tjetër, kishin dalë në pritje të tyre.

Presidenti i FSHF-së, Duka, trajneri De Biasi dhe kapiteni Cana folën për mediat në aeroport. Armand Duka është shprehur se i gjithë stafi shqiptar ka respektuar rregullat e UEFA-s, por edhe ato shtesë të vendosura nga pala serbe. Por, sipas tij kanë qenë pikërisht serbët të cilët kanë prishur lojën e futbollit.

Trajneri De Biasi e ka cilësuar si dramatike atë që ndodhi në kryeqytetin serb, ndërsa shtoi se kjo ndodhi në momentin më të mirë të kombëtares sonë.

Kapiteni dhe lideri i Kombëtares kuqezi, Lorik Cana ka thënë se lojtarët shqiptarë janë tradhtuar nga ata të cilët ishin përgjegjës për sigurinë e tyre./TCH/

[youtube height="400" width="100%" align="none"]http://www.youtube.com/watch?v=Q9hnClIq11M[/youtube]

Futbollistët shqiptarë në avion, po nisen për Tiranë

Futbollistët e kombëtares shqiptare, po përgatiten për nisje për në Tiranë. Sipas raportimeve të komentatorit Dritan Shakohoxha, stafi i kombëtares kuqezi, tani ndodhet në aeroplan, dhe nga momenti në moment, priten të nisen për në Shqipëri, ku mijëra tifozë kuqezi, kanë bllokuar rrugët e Tiranës, për të pritur heronjtë e kësaj Shqipërie.

Në videot më poshtë keni një pamje nga afër të incidentit në ndeshjen Serbi – Shqipëri. Video e parë është realizuar nga një reporter i portalit serb “Mondo” i cili në momentin e incidentit është gjetur brenda fushës, afër bankave të lojtarëve me ç’ rast ka arritur që nga afër të filmoj atë që ndodhi./Shembulli/

[youtube height="400" width="100%" align="none"]https://www.youtube.com/watch?v=V-lRK78MFBQ[/youtube]

[youtube height="400" width="100%" align="none"]https://www.youtube.com/watch?v=uDs5mwNRY7U[/youtube]

Burimet nga Federata Shqipare brenda ekipit kombëtar raportojnë se dy lojtarë mund të jenë të lënduar nga incidenti që ndodhi në fushë gjatë ndeshjes ndaj Serbisë.

Njoftohet nga brenda ekipit kombëtar se dy lojtarë mund të jenë të lënduar nga incidenti kur çetnikët serb hynë në fushë dhe sulmuan kapitenin legjendar Lorik Cana dhe sulmuesin Bekim Balaj.

Tani raportohet se kombëtarja shqiptare është larguar me hotel nga stadiumi dhe se të gjithë janë të sigurt nga ekipi.

Nuk dihet fati i zyrtarëve të Federatës Shqiptare dhe gazetarëve, të cilët po ashtu u sulmuan nga çetnikët serb në stadium. /Telegrafi/

Ministria e Punëve të Brendshme në vijim të ndjekjes me shqetësim të zhvillimeve në stadiumin e Beogradit ka kontaktuar me zyrtarët më të lartë të Ministrisë së Brendshme Serbe, të cilëve u është përcjellë mesazhi i ministrit Saimir Tahiri: “Qeveria Serbe mban përgjegjësi për sigurinë e jetës dhe shëndetit të lojtarëve dhe stafit teknik të kombëtares shqiptare të futbollit ashtu si edhe për sigurinë e jetës së çdo mbështetësi dhe qytetari shqiptar në stadiumin e Beogradit. Ministri Tahiri kërkoi të merren urgjentisht të gjitha masat për të garantuar sigurinë e të gjithë shtetasve shqiptarë të pranishëm të stadium”.

Ndërkohë pak minuta më para ka reaguar edhe kryeministri i Shqipërisë Edi Rama. Në një postim në rrjetin social Facebook, Rama shprehet: Krenar për Kuqezinjtë që për sa pati futboll fituan me lojë e me raste.  Keqardhje për fqinjët që lanë nam botërisht me shfaqjen e shëmtuar.

Arbitri e ka ndalur ndeshjen ndërmjet Serbisë dhe Shqipërisë, pas tensioneve në stadium. Në një njoftim thuhet se takimi është pezulluar deri në një njoftim të radhës.

Pak pa përfunduar pjesa e parë (42’), tifozët serbë kanë hyrë në fushë duke detyruar arbitrin e takimit të ndërpresë ndeshjen dhe të thërrasë të gjithë lojtarët në dhomat e zhveshjes.

Gjithçka nisi kur një Flamur Kuqezi në mënyrë shumë kreative fluturoi mbi stadium. Tifozët serbë u irrituan duke hedhur gjësende në fushë dhe duke detyruar gjyqtarin të ndërpresë takimin në pritje të qetësimit të situatës.

Por, kur Mitrovic e kapi flamurin për ta hequr nga fusha, ndërhyri Xhaka dhe aty nisi një sherr i madh, në të cilin u përfshinë të gjithë lojtarët në fushë dhe ata të stolit.

Në fushë arritën të hynin edhe shumë tifozë duke detyruar arbitrin ta pezullojë ndeshjen. /Telegrafi/

Kolonët hebrenj kanë sulmuar gratë palestineze që protestonin rreth Xhamisë Al-Aksa, raporton Anadolu Agency (AA).

Gratë palestineze protestuan kundër ushtarëve izraelitë me parullat "hallall gjaku, shpriti ynë xhamia Aksa", "Popull, mos u bëni merak! Perëndia është me ne".

Ndërsa ish-Myftiu i Jerusalemit, Ikrime Sabri u ndalua të hynte në Aksa dhe largua me dhunë duke u shtyrë nga ushtarët izraelitë.

Ushtarët izraelitë gjatë ndalimit të një të riu palestinez në ndërhynë për të parandaluar gazetarët përreth që të mos filmonin. Në anën tjetër palestinezët të cilët nuk u lejuan të hynë në xhaminë Aksa protestuan ndaj praktikave që ndjek Izraeli.

Ushtarët izraelitë që në orët e para të mëngjesit kanë bllokuar hyrjet dhe rrugët që të çojnë në xhaminë Aksa, ndërsa myslimanët që nuk mundën të hynë në xhami e falën namazin e mëngjesit në rrugë.

Me rastin e festës " Sukkot" janë rritur shkeljet e izraelitëve kundrejt xhamisë Aksa. Kjo festë e cila simbolizon kohën kur bijtë e Izraelitëve qarkulluan 40 vjet në shkretëtirën e Sinait nga perëndia në streha të përkohshme. Festa e cila fillon ditën e mërkurë do të zgjasë 9 ditë ku dhe hebrenjtë ortodoksë kanë ngritur çadra nëpër rrugica të qytetit. Xhamia Aksa e cila brenda saj është si një kompleks përfshin muze, medrese, kopsht dhe një rrethim të madh ku për myslimanët është një simbol si “kibla” e parë.

Në një njoftim dërguar Lidhjes së Hoxhallarëve të Shqipërisë nga Liga së Dijetarëve Muslimanë me qëndër në Kuvajt bëhet me dije pranimi i anëtarësisë së përhershme të LHSH pranë kësaj organizate.

Duke shprehur konsideratat më të mira për aktivitetin e LHSH-së në këtë njoftim thuhet: “Na gëzon pa masë që t’ju bëjmë me dije pranimin e kërkesës tuaj për të qenë anëtarë të përhershëm të Ligës së Dijetarëve Muslimanë, duke parë përpjekjet tuaja të begata në thirrjen në rrugën e Allahut dhe në përhapjen e dijes fetare.

Liga e Dijetarëve Muslimanë përpiqet maskimalisht për të unifikuar fjalën e dijetarëve muslimanë të Ehli Sunetit në botë dhe për unifikimin e qëndrimeve të tyre në lidhje me çështjet e reja dhe emergjente të umetit, si dhe për krijimin e një reference fetare që i drejton muslimanët në rrugën e duhur”, thuhet në këtë njoftim./LHSH/

Gjykata e Apelit e ka kthyer në rivendosje çështjen e paraburgimit te imamit të Xhamisë së Madhe në Prishtinë, Shefqet Krasniqit. Lajmi është konfirmuar nga Sevdali Zejnullahu, avokat i Krasniqit.

Sipas tij, mbrojtja e ka pranuar vendimin me të cilin çështja është kthyer ne rivendosje dhe pritet që në ditët në vijim Gjykata Themelore në Prishtinë të vendosë për këtë rast.

Imami Krasniqi është arrestuar më 17 shtator nën dyshimet për vepra penale kundër rendit kushtetues dhe të sigurisë të Republikës së Kosovës.

Kjo është hera e dytë që rasti i paraburgimit të Shefqet Krasniqit kthehet në rivendosje.

Herën parë, pak ditë pas caktimit të masës së paraburgimit, ankesa e avokatit të tij ishte miratuar nga Kolegji i Apelit, por Gjykata Themelore e kishte konfirmuar masën e caktuar të paraburgimit./kallxo.com/

Krerët e Universiteteve në Egjipt janë udhëzuar për të përjashtuar studentët që marrin pjesë në protesta apo trazira brenda kampuseve universitare pa u marrë në pyetje ose pa iu referuar komisionit disiplinor, raporton Anadolu Agency (AA)

Ky njoftim u komunikua nga një zyrtar i lartë i Ministrisë së Arsimit të hënën.

Zyrtari, i cili kërkoi të mbetet anonim, tha për Anadolu Agency se udhëzimet ishin dhënë gojarisht për krerët e universiteteve të dielën vonë.

Edhe pak ditë bëhen një muaj nga arrestimi i bujshëm i hoxhallarëve në vendin tonë. Edhe pse për akuzat me të cilat janë ngarkuar nuk ka fakte, shumica e tyre vazhdojnë të mbahen në paraburgim.

Një nga emrat më të përfolur gjatë këtyre arrestimeve ishte hoxha i xhamisë së madhe në Prishtinë, dr. Shefqet Krasniqi. Ai u arrestua nën akuzën për nxitje të personave për përfshirje në luftën e Sirisë, akuzë për të cilën u arrestuan edhe pjesa tjetër e hoxhallarëve. Pas bastisjes së shtëpisë, atij iu gjet një shumë parash. Edhe pse shuma që u përmend në media është normale për një profesor universitar dhe imam xhamie i cili ka edhe një biznes familjar, ai filloi të akuzohet edhe për shpëlarje parash. Megjithatë, deri më tani nuk ka asnjë fakt për këto akuza.

Dr. Shefqet Krasniqit, fillimisht i ishte caktuar masa e paraburgimit një muaj, e cila më pas me ankesën e avokatëve mbrojtës ishte anuluar për t’iu caktuar një masë e re deri më datën 17 të këtij muaji. Sipas një informacioni që ka Radio Pendimi, dr. Shefqet Krasniqi dje kishte pasur një seancë ku ishte intervistuar nga prokurori i rastit dhe me ç ‘rast përsëri i është hequr masa e paraburgimit, mirëpo ai vazhdon të jetë në mbajtje të paktën deri të mërkurën kur edhe i është caktuar edhe një seancë e radhës.

Kujtojmë se deri më tani nga grupi i hoxhallarëve të arrestuar janë liruar vetëm tre prej tyre, hoxhë Ekrem Avdiu, hoxhë Enis Rama, që të dy nga Mitrovica dhe hoxhë Enes Goga nga Peja./Shembulli/

Mbrojtësi kosovar i Kombëtares së Shqipërisë, Mërgim Mavraj, në një intervistë për tabloidin e njohur gjerman ‘Bild’, ka folur gjerësisht rreth mënyrës së jetesës së tij.

Ai ka treguar se është besimtar i madh i fesë islame, duke shtuar se falet pesë herë në ditë (edhe kur është në autostradë!).

Lutet pesë herë në ditë

Bild: Dukeni djalë i qetë?
Mavraj: "Unë jam një person i cili është vështirë të vlerësohet nga njerëzit që nuk më njohin. Nëse nuk më pëlqen diçka, unë e tregoj atë. I respektoj të gjithë njerëzit. Kurrë nuk bëjë një fytyrë të mirë dhe një lojë të keqe. Unë e konsideroj veten të mirë dhe mendoj që kjo është më e drejtë"

Bild: Veproni në mënyrë të balancuar. Sekreti juaj?
Mavraj: “Unë kam provuar forma të ndryshme të meditimit. Unë jam shumë fetar. Unë merrem shumë me veten time, duke u përpjekur për të gjetur ekulibrin tim dhe të jem i përulur"

Bild: Sa shpesh luteni?
Mavraj: "Pesë herë në ditë. Lutja në vetvete është po ashtu një lloj meditimi. Shokët e mi më respektojnë plotësisht. Unë kur jam në autostradë, shkoj në një parking dhe lutem. E bëjë atë pothuajse kudo. Kjo është normale për mua. Kjo është jeta ime".

Kapiteni legjendar i Kombëtares së Shqipërisë, Lorik Cana, i është lutur Zotit që të jetë në anën e tyre nesër kur të përballen me Serbinë.

Lorik Cana thotë se Kombëtares shqiptare i nevojitet ta bëjë lojën më të mirë, për të arritur deri tek rezultati pozitiv ndaj Serbisë. Futbollisti kosovar e ka bërë një postim në rrjetin social, Facebook, përmes së cilit i ka motivuar bashkëlojtarët.

“Duhet me luajt ndeshje perfekte për të fituar nesër ndaj Serbisë. Edhe pse dihet që ata kanë një skuadër cilësore, duhet të luftojmë me gjithë forcat tona për gjithë kombin tonë dhe për nder të të parëve tanë kryelartë. Këtë e dinë gjithë çunat, këtë e di gjithë Kombëtarja, këtë e di një Shqipëri e tërë. Allahu qoftë me ne nesër!”, ka shkruar Cana.

Ushtria izraelite e cila ka ndaluar hyrjet për myslimanët në xhaminë Aksa, ka ndërhyrë me gaz lotsjellës ndaj palestinezëve që protestuan në derën Hitta të xhamisë, raporton Anadolu Agency (AA).

Disa palestinezë u përpoqën të rezistojnë ndaj ushtarëve izraelitë duke qëlluar me gurë mbi ta, dhe si rezultat i ndërhyrjes së ushtarëve u plagosën më shumë se 20 persona ku shumica prej tyre ishin gra. Ushtarët izraelitë keqtrajtuan gazetarët e AA dhe disa gazetarë të tjerë që ndodheshin mes tyre.

Kryetari i shoqatës së Xhamisë Aksa Abdulazim Salhab në deklaratën e tij për gazetarin e AA në vendngjarje tha se: "Kanë ndaluar hyrjen e të gjithë studentëve që studiojnë në Xhaminë Al-Aksa duke përfshirë edhe punonjësit brenda Aksa-së. Që nga ora 6:00 e mëngjesit kanë ndërhyrë me plumba plastikë dhe me gazlotsjellës. Aksa-ja nuk është vetëm e palestinezëve dhe mbrojtja e xhamisë Aksa është detyrë e të gjithë myslimanëve.”

Gjatë konfliktit në orët e para të mëngjesit kanë hyrë në xhaminë Aksa të shoqëruar nga forca policore lideri i partisë Manhigut Yehudit (Lëvizja Udhëheqjes së Hebrenjve) dhe zëvendës kryetari i parlamentit të Izraelit Moşe Feiglin i shoqëruar edhe nga disa izraelitë të tjerë.

Ndërkohë vazhdojnë shkeljet ndaj xhamisë Aksa për shkak të festave Izraelite "Sukot" këtë javë. Kjo festë e cila simbolizon kohën kur bijtë e izraelitëve qarkulluan 40 vjet në shkretëtirën e Sinait nga perëndia në streha të përkohshme. Festa e cila fillon ditën e mërkurë do të zgjasë 9 ditë ku dhe hebrenjtë ortodoksë kanë ngritur çadra nëpër rrugica të qytetit.

Xhamia Aksa e cila brenda saj është si një kompleks përfshin muze, medrese, kopsht dhe një rrethim të madh ku për myslimanët është një simbol si “kibla” e parë.

Turqia nuk ka arritur marrëveshje me Shtetet e Bashkuara për shfrytëzim të bazave ajrore turke në Incirlik, në luftën kundër xhihadistëve të Shtetit Islamik.

Negociatat për këtë do të vazhdojnë, njoftuan sot burime nga zyra e kryeministrit turk, Ahmet Davutoglu.

Turqia ka arritur një marrëveshje me Washingtonin për trajnimin e rebelëve sirianë, pohuan të njëjtat burime, pa specifikuar se kush do t’i trajnojnë rebelët, e as ku, transmeton Telegrafi.

Këto komente kanë ardhur pas raportimit të këshilltares amerikane për siguri kombëtare, Susan Rice, e cila tha se Turqia ka rënë dakord që t’ju lejojë forcave të koalicionit ushtarak - të udhëhequra nga Shtetet e Bashkuara - të shfrytëzojnë bazat e saja për veprimtari në territorin e Irakut dhe Sirisë, si dhe për trajnimin e luftëtarëve opozitarë sirianë.

Administrata e presidentit amerikan, Barack Obama, po i bën thirrje Turqisë që të përfshihet në luftën kundër ekstremistëve të ISIS-it, ndërsa Ankaraja është e gatshme dhe këmbëngul që Shtetet e Bashkuara të krijojnë një zonë të sigurt përgjatë kufirit të Turqisë me Sirinë. /Telegrafi/

Presidenti i Republikës së Turqisë, Rexhep Tajip Erdoan uroi zëvendës kryetarin e Partisë së Veprimit Demokratik (SDA), Bakir Izetbegoviç me rastin e rizgjedhjes në postin e anëtarit boshnjak të Kryesisë së Bosnje-Hercegovinës.

Një burim nga Presidenca turke njoftoi se Erdoan i telefonoi Izetbegoviç dhe e uroi atë për suksesin e arritur në zgjedhje, njofton trt.

Edhe kryeministri i Turqisë, Ahmet Davutollu, zhvilloi një bisedë telefonike me Izetbegoviç për ta uruar atë për suksesin e arritur në zgjedhjet e fundit.

Kryetari aktual i Presidencës së Bosnje dhe Hercegovinës natën e fundit ka deklaruar fitoren e tij, në bazë të së cilës edhe në të ardhmen do ta ushtroj funksionin e anëtarit boshnjak të presidencës së BH.

Kandidati i SDA-së për anëtarin boshnjak të presidencës së Bosnjë-Hercegovinës, Bakir Izetbegoviç fitoi 194.455 vota dhe kryeson garën për anëtarin boshnjak të presidencës së Bosnjë-Hercegovinës në bazë të votave të numëruara deri më tani nga 2.496 qendra votimi nga 3.262 gjithsej, ose 76,52 për qind.

Këto të dhëna paraprake janë publikuar nga Komisioni Qendror i Zgjedhjeve të Bosnjës dhe Hercegovinës.

Shtetet arabe kanë premtuar se do të ofrojnë ndihmë prej 2 miliardë dollarë për rindërtimin e Rripit të Gazës, në konferencën që është duke u mbajtur në Kajro, ka deklaruar një zyrtar palestinez, transmeton Anadolu Agency (AA).

Zyrtari anonim, deklaroi se disa shtete Arabe gjatë muajit të kaluar kanë konfirmuar këtë shumë donacioni gjatë takimeve me ministrat palestinez në prag të kësaj konference një-ditore të, me pjesëmarrjen e 50 delegacioneve shtetërore.

Sekretari Amerikan i Shtetit, John Kerry, i cili ka mbërritur sot për të marrë pjesë në konferencë, ka njoftuar se Shtetet e Bashkuara të Amerikës do të ofrojnë ndihme prej 212 milionë $ për popullin palestinez.

Rreth 30 ministra të jashtëm dhe përfaqësues të 20 organizatave rajonale e ndërkombëtare, përfshirë Fondin Monetar Ndërkombëtar dhe Bankën Botërore, po marrin pjesë në konferencën njëditore, të kryesuar nga Egjipti dhe Norvegjia.

Në këtë konferencë marrin pjesë edhe shefi i OKB-së, Ban Ki-Mun, dhe Sekretari i Përgjithshëm i Lidhjes Arabe, Nabil al-Arabi. Për shtatë javë me radhë, gjatë muajit korrik dhe gusht, Izraeli ndërmori sulme në Rripin e Gazës, me qëllim ndaljen e zjarrit me raketa nga territori palestinez.

Nga ofensiva izraelite mbetën të vrarë 2.160 palestinezë dhe rreth 11.000 të tjerë u plagosën, pjesa më e madhe prej tyre civilë. Pasojë e kësaj ndërhyrjeje ishte edhe shkatërrimi i disa banesave dhe i infrastrukturës përgjatë gjithë brezit bregdetar.

Rrethimi nga ana e Izraelit u forcua edhe më tej pasi lëvizja palestineze e rezistencës, Hamas, i emërtuar nga Izraeli si "grup terrorist", mori kontrollin e territorit bregdetar nga fraksion rival i Fatahut, në vitin 2007.

Në pronat e Manastirit ortodoks të Deçanit janë shkruar grafite si “ISIS” “Kalifati po vjen”, “AKSH” e “UÇK”. Pas këtij veprimi janë arrestuar tre të rinj shqiptarë.

Këto grafite për të cilat ka raportuar RTV KIM, e që janë vlerësuar si kërcënim, janë vërejtur në objektet e pronave të manastireve, sot rreth mesditës.

Mirëpo, shtrohet pyetja se sa është e lehtë që qytetarët të kenë qasje në pronat e Manastirit të Deçanit, kur dihet se ky Manastir ende ruhet në mënyrë strikte nga KFOR-i italian.

Ata që e njohin mirë edhe pozitën që gjendet Manastiri i Deçanit, e dinë se për të shkuar deri te atje duhet të kalohen të paktën dy postblloqe të KFOR-it, derisa në portën kryesore qëndrojnë 24 orë ushtarët ndërkombëtarë.

Një qytetar deçanas me inicialet A.K. i ka thënë Indeksonline se duket gati e pamundur që dikush nga shqiptarët të kenë shkruar këto grafite.

“Nëse po thuhet se kjo është bërë nga të rinjtë, atëherë si është e mundur që të kenë ditur se si shkruhet Kalifati në gjuhën angleze. Po ashtu është pak e besueshme që ata të rinj të hynin në pronën e Manastirit, pasi që është nën vëzhgim 24 orësh”, thotë ky qytetar.

Sipas tij, kjo mundet me qenë edhe një përpjekje e Kishës Ortodokse serbe që të forcojë praninë e KFOR-it aty e me këtë edhe të zmbraps në një far formë qytetarët e pakënaqur deçanas me pronat që ua ka marrë Manastiri.

“Deçanasit vazhdojnë të jenë të frustruar me aneksimin e pronave të tyre nga Manastiri dhe me vendimin e gjykatës që këto prona të uzurpuara t'i njihen kishës. Prandaj them se loja me grafite mund të jetë produkt i kësaj propagande që të merret si arsyetim për kinse sigurinë e atyre që jetojnë aty”, ka thënë A.K.

Është konfirmuar në vazhdimësi se deçanasit kanë respekt të madh për Manastirin, sepse e konsiderojnë si të tyrin, pasi që shekuj më parë ky objekt fetar iu takonte atyre.

Historianët e kanë vërtetuar se Manastiri i Deçanit është ndërtuar mbi themelet e Kishës Katolike që iu ka takuar pikërisht shqiptarëve. /Indeksonline/

Edhe pse jeton në kushte të rënda, ish-ushtari i UÇK-së, Skender Havolli, thotë se nuk është "pishman" për sakrificën që ka bërë.

Havolli e ka menduar ndryshe të ardhmen e tij për fëmijët, familjen dhe shqiptarët.

Sot, ky ish-ushtar i UÇK-së, jeton në kushte të mjerueshme.

Një kronikë e realizuar nga Rrokum TV, shpërfaqë kushtet e familjes së veteranit të UÇK-së, i cili duket se është lënë në harresë nga shteti. /Rrokum TV/

ISH-USHTARI I BRAKTISUN by RrokumTelevision

Muret e objekteve përcjellëse të Manastirit të Deçanit janë pushtuar ditën e sotme nga mbishkrime për ISIS-in (Shteti Islamik i Irakut dhe Sirisë).

“Chaliphate is coming” (Kalifati po vjen), “UÇK”, “AKSH”, janë mbishkrimet që janë parë sot të shkruara me ngjyrë të kuqe e të zezë në muret e objekteve rrethuese të Manastirit, si dhe disa mbishkrime në arabishte.

Mbishkrimet më të afërta të shkruara janë në shtëpizën e kopshtarisë, rreth 300 metra nga kisha e manastirit, ndërsa mbishkrimet tjera janë shpërndarë nëpër objektet tjera në afërsi prej 500 metrash, transmeton Koha.net.

Për këtë incident janë njoftuar menjëherë Policia e Kosovës dhe KFOR-i, të cilët janë paraqitur menjëherë në vend të ngjarjes.

Gjatë kontrollimit të vendngjarjes, ku mori pjesë edhe igumeni i Manastirit të Deçanit, Sava Janjic e komandanti lokal i KFOR-it, Angelo Mineli, një grup i shqiptarëve në largësi prej rreth 100 metrash kanë thirrur “UÇK, UÇK”, raporton RTV Kim ndërsa thekson se tre prej këtyre të rinjve janë arrestuar. /koha/

Zjarri i shkaktuar në hyrjen e një xhamie është shuar nga zjarrfikësit në Bad Salzuflen të Gjermanisë veriperëndimore.

Në një deklaratë me shkrim nga Departamenti i Policisë në Bielefeld, u njoftu se ditën e shtunë në orën 03.00, nga autor apo autorë ende të paidentifikuar, i është vënë flaka derës hyrëse të një ndërtese, brenda së cilës gjendej edhe xhamia Schötmar Vahdet. Vetëm një person arriti të dilte jashtë ndërtesës, ndërsa 8 të tjerë dolën prej andej me ndihmën e ekipeve të zjarrfikësve.

Në njoftim theksohet se pas përpjekjes për zjarrvënie mund të ketë arsye politike dhe se hetimi po i merr parasysh edhe këto mundësi.

Policia ka kërkuar ndihmë nga dëshmitarët, në lidhje me përpjekjen për t ka kërkuar ndihmë nga dëshmitarët  zbuluar autorët e këtij incidenti.

Kohët e fundit, përpjekjet dashakeqëse në Gjermani për vënie zjarresh në xhami po shkaktojnë shqetësim te banorët myslimanë.

Muajin e kaluar, në Oldenburg ishte hedhur një bombë Molotov në xhaminë Haxhë Bajram, ndërsa në muajin gusht pati një zjarrvënie në xhaminë Mevlana në Berlin.

Sipas të dhënave të policisë, nga viti 2001 deri në vitin 2011, janë shkaktuar 22 raste të ngjashme në xhamitë e Gjermanisë, në vitin 2012, 35 raste dhe në vitin 2013 kjo shifër shkon në 37 raste.

Gjykata egjiptiane ka dënuar me 3 deri në 15 vjet burg tetë të pandehur, ndër të cilët edhe zyrtari i Vëllazërisë Myslimane, Mohamed Beltagi, raporton Anadolu Agency (AA).

Burimet gjyqësore thanë se tetë persona, përfshirë Beltagin, udhëheqës i Aleancës Kombëtare Safwat Hegazi dhe kreu i Al-Jazeera, Ahmed Mansour, u dënuan për mbajtjen peng të një avokati dhe torturim gjatë protestave të 25 janarit 2011.

Në gjykimin që u mbajt në ndërtesën e Akademisë Policore, Gjykata egjiptiane i dënoi këto tre persona me 15 vjet burg.

Nga ana tjetër në seancën e mbajtur sot në Akademinë e policisë në Kajro për ish Presidentin e Egjiptit Muhammed Mursi, trupi i gjyqtarëve vendosi që ta shtyjë atë për ditën e nesërme. Mursi është vërejtur duke falur namazin e mesditës bashkë me të pandehurit e tjerë në gjyqin që u mbajt sot.

Përveç të tjerash, aty ndodhen edhe ish-gjyqtarë, deputetë dhe ministra.

Kundër këtij vendimi gjyqësor mund të paraqitet ankesë.

Avokatët e të dënuarve shprehen se vendimi i gjykatës është hakmarrje ndaj personave që kanë kontribuar për përmbysjen e qeverisë së ish-presidentit të Egjiptit, Hosni Mubarak.

“Elbasan Arena” që tani i ngjan një tempulli evropian, sonte zyrtarisht do të hap dyert në përballjen ndërmjet Shqipërisë dhe Danimarkës.

Kuqezinjtë dhe danezët e “ftohte” do të përballen në kuadër të eliminatorëve të Evropianit ‘Francë 2016’.
Shqipëria ka disa ditë që nën drejtimin e Gianni De Biasit, ka nisur përgatitjet për duelin me danezët, e që vlerësohet një nga sfidat më të vështira të Shqipërisë.
Ekipi shqiptar pas fitores së madhe kundër Portugalisë në hapje të këtij cikli të garave, si asnjë herë më parë është e motivuar që të mposht edhe Danimarkën në mënyrë që të bëjë një hap të madh në garën për kualifikimin në Evropianin 2016.

Në kampin kuqezi mbretëron një atmosferë e bukur sportive dhe shpresëdhënëse për një fitore të madhe.
Mbrojtësi Taulant Xhaka, i cili për herë të dytë vesh fanellën kuqezi, mendon se Shqipëria mund të mposht ekipin daneze. Anëtari i Baselit përmes profilit të tij në Facebook, ka thënë se beson në fitoren e Shqipërisë.

“Unë besoj në fitore kundër Danimarkës”, ka shkruar Xhaka. I bindur në fitore ndaj danezëve është edhe qendërmbrojtësi Mërgim Mavraj.

“Do të mundohemi t’i fitojmë tri pikë ndaj Danimarkës, por edhe ndaj Serbisë, për ta ruajtur pozitën e mirë në renditje”, ka theksuar Mavraj./rtk/

Banori i komunës së Podujevës, Naim Zeqiri, mbahet në Qendrën e Paraburgimit në Beograd, pas trajtimeve mjekësore në Nish.

Zeqiri është arrestuar pas një përleshjeje me xhandarmerinë serbe në fund të muajit gusht në kufirin Kosovë-Serbi. Gjatë përleshjes u vra banori tjetër nga Kosova, Fatmir Mehmeti, dhe një pjesëtar i xhandarmerisë serbe, Stevan Sindelic.

Policia e Kosovës në gusht ka thënë se “disa persona e kanë kaluar kufirin në zonën e përleshjes me qëllim të prerjes së paligjshme të druve...”.

Bashmir Xhemaj, këshilltari politik i ministrit të Jashtëm në detyrë, Enver Hoxhaj, ka konfirmuar për Indeksonline se Zeqiri ka qenë në gjendje të rëndë dhe se tani gjendet në Beograd pas masës së caktuar ndaj me tre muaj paraburgim.

Xhemaj thekson se MPJ dëshiron të sigurohet që Ministria ka “qenë dhe vazhdon të përcjell situatën e tij përmes Zyrës Ndërlidhëse të Kosovës në Beograd dhe ndihmën e autoriteteve të EULEX-it". Sipas tij, së shpejti do të vendoset edhe nga gjyqtari i procedurës paraprake edhe për vizitën e familjarëve të tij. /Indeksonline/

Numri i të vdekurve për shkak të epidemisë Ebola kaloi 4.000 persona, sipas bilancit të fundit të OBSH-së, i publikuar të premten në Gjenevë.

Sipas këtij bilanci, që përfundon më 8 tetor, kishte gjithsej 8.399 raste të regjistruara në shtatë vende, duke shkaktuar 4.033 të vdekur.

Bilanci i më parshëm, që mbyllej më 5 tetor, fliste për 8.033 raste dhe 3.865 të vdekur.

Shtatë vendet e prekura janë ndarë në dy grupe nga Organizata Botërore e Shëndetësisë (OBSH), i pari përbëhet nga Guinea, Liberia dhe Sierra-Leone, ose tre vendet më të prekura, ndërsa i dyti nga Nigeria, Senegali, Spanja dhe SHBA-të.

Në grupin e parë, Liberia, vendi më i prekur nga epidemia, numëron 4.076 raste dhe 2.316 të vdekur.

Në Sierra-Leone, OBSH-ja ka regjistruar 2.950 raste dhe 930 të vdekur.

Përfundimisht në Guine, nga ku u përhap epidemia në dhjetor 2013, janë regjistruar 1.350 raste dhe 778 të vdekur.

Personeli, që përkujdeset për të sëmurët, vazhdon të paguajë një çmim të lartë në këtë vend me 416 raste dhe 233 të vdekur.

Në grupin e dytë, në Nigeri, numri i rasteve dhe vdekjeve ka mbetur i pandryshuar me 20 raste dhe 8 të vdekur.

Sipas raportit të fundit të OBSH-së, flitet për një të vdekur në SHBA, një të sëmurë në Spanjë dhe një në Senegal.

Në Republikën Demokratike të Kongos, ku është përhapur një version ndryshe i epidemisë Ebola nga ai që ka goditur Afrikën Perëndimore, OBSH-ja numëron 71 raste dhe 43 vdekje, sipas një bilanci të datës 7 tetor./trt/

Njoftohet se në Selvan të Jeruzalemit lindor në konfliktet mes policisë Izraelite dhe Palestinezëve janë plagosur 7 të rinj palestinezë, raporton Anadolu Agency (AA).

Sipas informacioneve të marra nga dëshmitarë për arsyen se kohë më parë klonët hebrenj konfiskuan disa nga shtëpitë që u përkasin palestinezëve në vende të ndryshme të Selvan'it ka pasur konflikte mes policisë Izraelite dhe palestinezëve ku si pasojë e këtyre konflikteve janë plagosur 7 të rinj palestinezë.

Për shkak të konfiskimit të shtëpive të disa palestinezëve nga klonët hebrenj në Selvan pothuajse çdo ditë ndodhin konflikte.

Në anën tjetër, radioja e ushtrisë izraelite njoftoi se në Hanina të Jeruzalemit verior një grup të rinjsh palestinezë kanë sulmuar me gurë një autobus duke thyer xhamat e tij.

Dëshmitarët okularë thanë se forcat policore dhe ushtarake bastisën qytetin Hanina dhe u vunë në ndjekje të të rinjve.

Ata janë në mesin e të rinjve më të zgjuar të vendit...dhe mendojnë se Amerika është kërcënim më i madh për paqen në botë se sa ISIS.

Pagesa e vitit prej 60 mijë dollarësh, tregon edhe njëherë në këtë video për rëndësinë e edukimit. Këta studentë amerikan, thonë se politikat e jashtme të amerikës janë më të rrezikshme për botën se sa myslimanët  fanatik, transmeton “Zëri”.

“Amerika është imperializëm dhe mbrojtja e jonë e naftës në Lindjen e Mesme është duke destabilizuar rajonin dhe po lejon grupet si ISIS të marrin fuqi.

Në një nivel ne jemi duke e shkaktuar këtë gjë. Sikur civilizim perëndimore jemi ne ata që duhet fajsuar shumë për problemet që ato vende po i ballafaqojnë. Nuk mendoj se dikush nuk do të pajtohej që ne nuk e kemi krijuar vet ISIS”, ka thënë një studente./Zeri/

[youtube height="400" width="100%" align="none"]http://www.youtube.com/watch?v=9EtuPJ0H-Fc[/youtube]

Njoftohet se policia izraelite, ka penguar palestinezët nën moshën 50 vjeç të hyjnë në xhaminë al-Aksa për të falur namazin e xhumasë, raporton Anadolu Agency (AA).

Ushtarët izraelitë ndërhynë ndaj palestinezëve që falën namazin e xhumasë në rrugët e lagjes Vadi el-Cevz. Disa palestinezë iu kundërpërgjigjën ushtarëve izraelitë me fishekzjarrë dhe gurë. Gjatë këtij konflikti shpëtuan nga fishekzjarrët edhe gazetarët e AA Turgut Alp Bojraz, Salih Zeki Fazlëoglu dhe gazetari i Reuters Ammar Awad që ndodheshin në mes të konfliktit.

Ushtarët izraelitë përparuan me tanke të shoqëruar nga snaiperat dhe policët me kuaj, ndërsa palestinezët u tërhoqën dhe më pas u shpërndanë. Ushtarët izraelitë në xhumanë e kaluar penguan myslimanët nën 50 vjeç që të arrinin në xhaminë Aksa.

Prokurori i Prokurorisë Speciale të Kosovës, Besim Kelmendi, të premten ka kërkuar caktim të paraburgimit prej 30 ditësh ndaj nëntë mjekëve të dyshuar, por jo edhe ndaj ministrit të Shëndetësisë, Ferid Agani, sekretarit të Përhershëm të Ministrisë së Shëndetësisë, Gani Shabani, si dhe ish drejtorit të QKUK-së, Njazi Gashi.

Seanca ndaj nëntë të dyshuarve - Lulzim Brovina, Borçe Petrovski, Ali Hocogllu, Astrit Bakiqi, Nexhmi Zeqiri, Daut Gorani, Eefedin Muhaxheri, Murat Abazi dhe Reshat Emra - është duke vazhduar në Gjykatën Supreme të Kosovës.

Dymbëdhjetë mjekët dyshohen për veprat penale: “Pjesëmarrja ose organizim i grupit kriminal të organizuar”, “Keqpërdorim i pozitës apo autoritetit zyrtar”, “Marrje e ryshfetit”, “Dhënie e ryshfetit” dhe “Ushtrim i kundërligjshëm i veprimtarisë mjekësore dhe farmaceutike”.

Deri te këto dyshime, prokurori i Prokurorisë Speciale, Besim Kelmendi, ka ardhur pas përgjimeve të bisedave dhe mesazheve që janë shkëmbyer mes mjekëve të arrestuar.

Këto mesazhe janë siguruar nga KALLXO.com, e të cilat janë dokumentuar edhe në kërkesën e prokurorit për caktimin e paraburgimit ndaj nëntë të dyshuarve.

Në komunikimin mes Draut Goranit dhe Astrit Bakiqit, në një mesazh Astriti i shkruan Dautit: “Sps, të hanen e kam një pac. ( pacient) X.X. për koro. (korografi). Unë nuk ndalem”.

Ndërsa, në një mesazh tjetër Astriti i shkruan sërish: “ Le m... tja marrin lekët”.

Komunikimi tjetër vazhdon nga mjeku Nexhmi Zeqiri me Daut Goranin, ku Nexhmiu i shkruan Dautit: “Mirëmëngjesi dosti jem, të përshëndes nga ulqini, koha dhe uji ok! Mos harro naj pacient ta qojm tek maqedont se ende po mundona me ju q... nane me qmime, jam në negociata ende. dije që 500 jan tuat.klm”.

Mjeku Nexhmi Zeqiri i shkruan kështu edhe kolegut të tij Lulzim Kamberi: “Mirëmëngjesi Luli, tregoju në Emergjenc me të thirr ty. Nëse ke ndonjë pac. ( pacientë) për te maqedont tregom me SMS dhe 500 euro jan tuat. unë rreth orës 19-20 Jam”.

Po ashtu, mjeku Nexhmi Zeqiri i shkuan edhe kolegut të tij Ali Hocagllu një sms në të cilin thuhet: “Z.Ali jam dr. Nexhmi Zeqiri- kardiologu që punon në Nj. Koronare (Njësia Koronare) te QKUK. Ka koh që kam kërkuar te ju takoj juve ne tel. edhe përmes Astritit por kot. Kam nevoj te ju takoj ty dhe Astritin për arsye se 6 pacient nuk mi keni paguar parat ende”.

Avokatët e të dyshuarve nuk po pajtohen me kërkesën e Prokurorit Special për caktimin e paraburgimit ndaj mjekëve të dyshuar. /Kallxo.com/

Popullsia e Kosovës për vitin 2013 (01 janar-31 dhjetor) vlerësohet të jetë 1,820,630 banorë rezidentë krahasuar me vlerësimin e vitit 2012, që ishte 1, 815, 606 banorë.

Shtimi natyror i popullsisë në Kosovë është rritur për 21,407 banorë. Numri i lindjeve në Kosovë për vitin 2013 ishte 29,724, kurse numri i vdekjeve ishte 8,317.

Ndërkaq, numri i të kthyerve në Kosovë gjatë vitit 2013 ishte 3,864 banorë, përderisa numri i emigrantëve kosovarë ishte 20,246 banorë.

Kështu thotë publikimi i Agjencisë së Statistikave të Kosovës, ku thuhet se janë përfshirë edhe lëvizjet e brendshme të popullsisë (nga një komunë në tjetrën), ku numri i përgjithshëm është 9,330 banorë.

Baza e të dhënave për ta vlerësuar numrin e popullsisë për vitin 2013 është marrë nga numri i vlerësuar i popullsisë rezidente në Kosovë në fund të vitit 2012, lindshmëria, vdekshmëria dhe lëvizjet e popullsisë jashtë Kosovës.

Kryeministri palestinez Rami Hamdallah deklaroi se qeveria palestineze do të nisë me punimet për rindërtimin e Gazës, pasi një pjesë e rëndësishme e qytetit ka mbetur nën rrënoja të shkaktuara nga sulmet e fundit nga ushtria izraelite, raporton Anadolu Agency (AA).

Hamdallah gjatë vizitës së parë në Gaza ka premtuar se qeveria do të bëjë çdo gjë të nevojshme për meremetimin e ndërtesave të shkatërruara në Gaza. "Ne jemi këtu për të filluar punën e rindërtimit të pjesëve të Gazës, të cilat u shkatërruan në sulmet izraelite dhe ti normalizojmë kushtet e jetesës," tha Hamdallah.

Ai theksoi se qeveria do të bëjë të gjitha përpjekjet e nevojshme për të dërguar ndihma dhe mbështetje në Gaza dhe banorëve të saj. Ai shtoi se qeveria do të zhvillojë një plan gjithëpërfshirës kombëtar ekonomike për zhvillimin dhe përparimin e Gazës, duke shtuar se për detajet e rindërtimit të Gazës do të bisedojnë në konferencën që do të mbahet të dielën në Kajro.

Në konferencën e Kajros do të diskutohen rreth sigurimit të ndihmës dhe mbështetjes për Gazën, që tu mundësohet banorëve të saj një jetë të ndershme dhe me dinjitet. "Ne shpresojmë se embargo do të hiqet dhe do të hapen të gjitha kalimet kufitare.  Kërkojmë që të sigurojmë mbrojtje ndërkombëtare për palestinezët," tha Hamdallah.

Kryeministri i palestinez pas vizitës në Gaza do të udhëtoj për Kajro ku do të marrë pjesë në konferencë. Vizita e kryeministrit Hamdallaha në Gaza ka rëndësi të veçantë në aktivitetet e kryera nga qeveria kombëtare e Palestinës. Kryetari i Këshillit Ekonomik palestinez për rindërtim dhe zhvillim Mohammed Eshtiye tha se për rindërtimin e Gazës nevojiten 7.8 miliard dollarë.

Sulmet izraelite në Gaza të cilat filluan më 7 korrik, zgjatën 51 ditë dhe u vranë 2.157 njerëz, ndërsa u plagosën më shumë se 11.000 të tjerë.

Sulmet kanë shkatërruar gjithsej 17,200 shtëpi, 73 xhami dhe 24 shkolla, ndërsa mijëra ndërtesa të tjera janë dëmtuar.

Me autorizimin e Prokurorisë Speciale të Republikës së Kosovës, Njësiti për Krime Ekonomike nga Policia e Kosovës, dje është kryer një operacion i gjerë në Prishtinë dhe Pejë, ku janë arrestuar nëntë persona.

Të arrestuarit janë: Lulzim Brovina, Borçe Petrovski, Ali Hocogllu, Astrit Bakiqi, Nexhmi Zeqiri, Daut Gorani, Eefedin Muhaxheri, Murat Abazi dhe Reshat Emra, kurse janë intervistuar edhe ministri i Shëndetësisë, Ferid Agani, Gani Shabani, sekretar i përhershëm i Ministrisë së Shëndetësisë dhe Njazi Gashi, ish-drejtor i QKUK-ut.

Për këta të pandehur ekziston dyshimi i bazuar se duke vepruar në bashkëveprim dhe duke shkelur ligjin e prokurimit publik nr.04/L-042, kanë keqpërdorur pozitën e tyre zyrtare, duke nënshkruar marrëveshje bashkëpunimi për sigurimin e shërbimeve shëndetësore, të cilat nuk ofrohen në institucionet publike shëndetësore.

Sekretari i Ministrisë së Shëndetësisë gjatë marrjes në pyetje ka thënë se nën presionin e ministrit Ferid Agani ka nënshkruar kontratë të paligjshme, pa përfillur ligjin, me klinika private të zemrës.

Rreth dy orë ka zgjatur intervistimi i ministrit në detyrë të Shëndetësisë, Ferid Agani, nga Prokuroria Speciale e Kosovës. Ai është intervistuar në cilësinë e të dyshuarit, lidhur me mjekët e arrestuar sot në mëngjes.

Agani ka thënë se ka qartësuar para organeve se punën e tij si ministër, derisa ka theksuar se përveç mjekëve të shumtë në të gjithë territorin e Kosovës, janë intervistuar edhe zyrtarë të tjerë të ministrisë që ai drejton, transmeton koha.net.

"Sot e kemi pasur një aksion policor në disa qendra të Kosovës, të cilat kanë pasur për subjekt fillimin e procedurave hetimore ndaj disa zyrtarëve në sektorin e shëndetësisë përkitazi me një çështje që ka të bëjë me trajtimin e të sëmurëve me probleme kardiovaskulare në disa spitale private në vend. Unë jam intervistuar në cilësinë e të dyshuarit, sikurse edhe të gjithë të tjerët dhe në këtë drejtim unë mendoj se shumë shpejt do t’i qartësojmë të gjitha dilemat të cilat prokurori i ka sa i përket personalitetit tim politik. Në anën tjetër edhe zyrtarët e tjerë të ministrisë së shëndetësisë që janë bërë pjesë e kësaj afere uroj të qartësojnë gjithçka", ka theksuar Agani.

Këtu mund ta dëgjoni deklaratën e plotë të ministrit Agani.

Këngët e reperit të njohur shqiptar, Gold Ag kanë rrezikshmëri të lartë për tiu futur në një proces gjyqësor, nga i cili vështirë të mund të shpëtoni.

Në rastin "Monstra", është përfshirë si provë kundër të akuzuarve edhe një disk me këngë të këngëtarit Gold Ag.

Sipas Gjykatës së Shkupit, djemtë kanë dëgjuar këngë të tilla nacionaliste dhe janë frymëzuar për të kryer vrasje.

Më saktësisht, njërit prej të pandehurve i është gjetur disku me këngën "Ty o Gostivar" i Gold Ag-ut.

Asmir Alispaiç, njëri prej avokatëve që mbron të akuzuarit ka thënë për "Lajm" se gjykata dhe prokuroria i kanë cilësuar si prova këngët e Gold Ag, të gjetura nëpër shtëpitë e të rinjve.

Ndërsa, sipas tij, kjo është e padrejtë.

Kjo, pasi dëshmitarët e rastit të vrasjes së pesëfishtë kanë pohuar se nuk i kanë parë shqiptarët në vendin e ngjarjes kur ka ndodhur edhe vrasja e pesifishtë në liqenin e Smilkovcit. /albeu/

(I plotësuar) Koha.net nga burime zyrtare mëson emrat e nëntë të arrestuarve.

Të arrestuarit janë: Lulzim Brovina, Borçe Petrovski, Ali Hocogllu, Astrit Bakiqi, Nexhmi Zeqiri, Daut Gorani, Eefedin Muhaxheri, Murat Abazi dhe Reshat Emra, kurse janë intervistuar edhe ministri i Shëndetësisë, Ferid Agani, Gani Shabani, sekretar i përhershëm i Ministrisë së Shëndetësisë dhe Njazi Gashi, ish-drejtor i QKUK-ut.

Po ashtu Koha.net ka siguruar edhe dokumentin zyrtar të Prokurorisë Speciale, të cilin po ia bashkëngjisim informatës.

Ja kush janë dhe pse u arrestuan mjekët dhe zyrtarët e MSH-së

Nën autorizimin e Prokurorisë Speciale të Republikës së Kosovës, Njësiti për Krime Ekonomike nga Policia e Kosovës ka kryer sot një operacion të gjerë në Prishtinë dhe Pejë, ku ka arrestuar nëntë persona.

Ja çfarë thuhet në njoftimin e Prokurorisë Speciale të Republikës së Kosovës:

Nën autorizimin e Prokurorisë Speciale të Republikës së Kosovës, Njësiti për Krime Ekonomike nga Policia e Kosovës ka kryer sot një operacion të gjerë në Prishtinë dhe Pejë, ku ka arrestuar nëntë persona.

Prokuroria Speciale e Republikës së Kosovës, lidhur me këtë rast, në qershor të vitit 2014, ka nxjerr aktvendim për fillim të hetimeve kundër: G.Sh., F.A., L.B., B.P., A.H., A.B., N.Z., D.G., Nj.G., E. M., M.A. dhe R.E.. Prej këtyre personave, disa janë zyrtarë të Ministrisë së Shëndetësisë dhe disa të tjerë janë mjekë.

Për këta të pandehur ekziston dyshimi i bazuar se duke vepruar në bashkëveprim dhe duke shkelur ligjin e prokurimit publik nr.04/L-042, kanë keqpërdorur pozitën e tyre zyrtare, duke nënshkruar marrëveshje bashkëpunimi për sigurimin e shërbimeve shëndetësore, të cilat nuk ofrohen në institucionet publike shëndetësore, me spitalet private: Internacional Medicine Hospital, më seli në Prishtinë dhe INTERMED sh.p.k. më seli në Prishtinë, pa shpallur fare tenderin për sigurimin e këtyre shërbimeve.

Me këto veprime, të pandehurit ua kanë mundësuar spitaleve private Internacional Medicine Hospital (IHM) sh.p.k. dhe INTERMED sh.p.k. përfitimet materiale, duke ua paguar nga buxheti i Ministrisë së Shëndetësisë, si autoritet kontraktues, shpenzimet për pacientët që dërgoheshin nga institucionet publike shëndetësore në këto spitale private, në kundërshtim më Udhëzimin Administrativ nr.02/2012.

Po ashtu në vend të pagesave prej 70% të shumës për trajtim jashtë institucioneve shëndetësore, kanë paguar deri në 100% të këtyre shpenzimeve, për këto trajtime shëndetësore, duke përfshirë edhe koronarografinë, edhe pse koronarografia kryhej edhe në Qendrën Klinike Universitare të Kosovës.

Disa nga të pandehurit kanë marrë ryshfet nga dy klinikat private të lartcekura, ndërsa zyrtarët e klinikave u kanë dhënë ryshfet atyre, për t’i dërguar pacientët në klinikat e tyre. Njëri nga këto spitale nuk ka pasur fare licencë pune dhe gjithashtu edhe mjekët që kanë punuar në atë spital nuk kanë licencë për kryerjen e intervenimeve mjekësore në zemër, e të cilat i kanë kryer.

Me ketë të pandehurit dyshohet të kenë kryer e veprat penale: “Pjesëmarrja ose organizimi i grupit kriminal të organizuar”, nga neni 283 paragrafi 2 të Kodit Penal të Republikës së Kosovës; ‘Keqpërdorimi i pozitës apo autoritetit zyrtar”, nga neni 422 par.1 dhe 2 nënparagrafi 2.2 dhe 2.4 të Kodit Penal të Republikës së Kosovës; “Marrje e ryshfetit”, nga neni nga neni 428 paragrafi. 2 të Kodit Penal të Republikës së Kosovës; “Dhënie e ryshfetit”, nga neni 429 paragrafi. 3 lidhur më paragrafin 2 të Kodit Penal të Republikës së Kosovës; “Ushtrimi i kundërligjshëm i veprimtarisë mjekësore dhe farmaceutike”, nga neni 262 paragrafi. 1 lidhur më nenin 31 të Kodit Penal të Republikës së Kosovës.

Prokurori i rastit nga Prokuroria Speciale e Republikës së Kosovës ka marrë aktvendim për ndalim ndaj nëntë personave të arrestuar dhe do t’i paraqesë Gjykatës Themelore në Prishtinë, kërkesën për caktimin e paraburgimit prej një muaji për të nëntë të ndaluarit.

Ministri Agani po merret në pyetje, ja emrat e kardiologëve të arrestuar

Policia e Kosovës aktualisht është duke e intervistuar ministrin e Shëndetësisë, Ferid Agani.

Intervistimi po kryhet në zyrën e ministrit, derisa nuk dihet nëse marrja në pyetje po bëhet në cilësinë e dëshmitarit apo të dyshuarit.

Express ka siguruar emrat e disa mjekëve të arrestuar mëngjesin e sotëm.

Daut Gorani, Nexhmi Zeqiri janë dy nga kardiologët e arrestuar. I arrestuar bashkë me ata është edhe një infermier.

Arrestohen nëntë zyrtarë shëndetësorë, i dyshuar është edhe ministri Agani

Nëntë zyrtarë të Ministrisë së Shëndetësisë, të spitaleve dhe klinikave private, ndër ta edhe doktorë, janë arrestuar në orët e hershme të mëngjesit të së enjtes.

Sipas një burimi brenda Policisë së Kosovës, Njësiti për Krime Ekonomike ka kryer një operacion të gjerë në Prishtinë dhe Pejë, që ka të bëjë me personat që dyshohet se kanë keqpërdorur detyrën e tyre zyrtare.

“Ata dyshohen për keqpërdorimin e detyrës zyrtare, që ka të bëjë me pajisjet shëndetësore, sidomos me stendat që përdoren tek pacientët e sëmurë nga zemra”, ka thënë për lajmi.net, ky burim me kusht anonimiteti.

Sipas këtij burimi, Prokuroria ka vërejtur se përdorimi i stendave të dyshimta, të skaduara afati, si dhe vendosja e tyre nga doktorë jokompetentë, mund të ketë çuar në vdekjen e pacientëve, që deri tani e ka çuar numrin e tyre mbi 100.

“Përveç të arrestuarve, i dyshuar në këtë rast është edhe vet ministri i Shëndetësisë, Ferid Agani, si dhe Sekretari i Përgjithshëm i Ministrisë së Shëndetësisë”, ka thënë burimi i lajmi.net, duke bërë të ditur se aksioni i policisë është duke vazhduar. /lajmi.net/

Edhe pse Kuvendi nuk është aktiv, deputetët marrin pagë prej 1488 eurosh. Që nga momenti kur janë betuar e deri më tash, 107 deputetë janë paguar nga buxheti i shtetit me 398 mijë e 40 euro.

Rrallëherë u takuan në sallën e Kuvendit të Kosovës, prandaj muhabetet e tyre aty ishin të pakta. Ndonëse më 17 Korrik, kur edhe nisi seanca konstituive e legjislaturës së 5-­të, të zgjedhurit e popullit e dhanë betimin se do të punojnë me dinjitet dhe për interesa të shtetit, në këtë sallë u bë shumë pak debat. Por, joefikasiteti nuk ndikoi në pagat mujore. Ata vazhdojnë t`i marrin rrogat.

RTK ka kontaktuar me disa prej tyre dhe ata kanë konfirmuar se në fund të muajit shtator u është dhënë rroga e tretë.

Meqë seanca e parë e konstituimit të Kuvendit ishte mbajtur më 17 Korrik, atë muaj, deputetët kanë marrë gjysmë page, në vlerë prej 744 eurove.

Ndërsa në gusht e shtator ata janë paguar me rrogë të plotë, vlera bazë e të cilës është 1 mijë e 488 euro.

Në sekretariatin e Kuvendit të Kosovës thonë se këtë shumë e kanë gëzuar 107 deputetë.

Për këtë periudhë gati tremuajshe i bie që një deputet i Kosovës, arkës së shtetit i ka kushtuar 3 mijë e 720 euro, ndërsa komplet legjislatura e re ka zbrazur buxhetin për 398 mijë e 40 euro. /rtk/

Për kontributin e madh të hoxhallarëve sidomos në periudhën e pasluftës në Kosovë, tanimë dinë të gjithë. Thirrja islame e tyre tanimë është prezentë në pothuajse çdo shtëpi. Por, kontributi i tyre nuk fillon me përfundimin e luftës. Shumica prej tyre punën e kishin filluar shumë moti. 

Një kontribut i hoxhallarëve, për të cilin opinioni i gjerë është pak i informuar, është ai në kohën e luftës në Kosovë.

Xhezair Shaqiri, i njohur si Komandant Hoxha, tregon për pjesëmarrjen e hoxhallarëve në luftë. Ai përmend edhe emrat e atyre hoxhallarëve që kishte takuar gjatë luftës.

Në një emision në “Radio Pendimi” ai rrëfen për takimet që kishte me disa prej hoxhallarëve që ishin pjesë e luftës, transmeton Shembulli.

“Mund të them se nga ata hoxhallarë që sot janë të njohur e atëherë nuk kanë qenë, kam njohur disa, siç është dr. Shefqet Krasniqi të cilin kam pas nderin ta njoh s’pari herë në luftën e Kosovës më 1998, ndër ta është edhe Ekrem Avdiu, apo edhe Eroll Rexhepi, i cili është imam në Pejë, me të cilin kam qenë në vijën e parë të frontit”, thotë komandant Hoxha.

Ai tregon se këta hoxhallarë kishin lënë studimet e tyre dhe ishin bashkangjitur luftës për çlirimin e Kosovës.

“Po flas për dr. Shefqet Krasniqin, në atë kohë kish magjistru, temën e doktoratës duke e përgatitë. Erolli poashtu student në Medine dhe shumë të tjerë që kanë ardhur me marrë pjesë në UÇK”, vazhdon tregimin Xhezair Shaqiri i njohur si Komandant Hoxha.

Në pyetjen e moderatorit se ku i kishte takuar këta hoxhallarë që përmendi, ai përgjigjet: “Ekremin e kam taku pas lufte se ka qenë i burgosur, por e di që ka qenë komandant i një kompanie në Prekaz, bile në shtëpinë e Ilaz Kodrës ka qenë i instalum, më pas kemi dëgju se është arrestu. Me Shfqetin prej 98-tës jemi taku së pari herë në Rosuj të Bajram Currit, ku ka qenë një qendër e trajnimit të disa ushtarëve që kanë qenë fetar dhe pastaj në Koshare ka marrë pjesë drejtpërdrejt në luftën e Koshares në thymjen e kufirit. Me Eroll Rexhepin kemi qenë 98-tën mbi fshatin Gjocaj ku kemi qenë shumë pak ushtar, vetëm nëntë ushtar, kemi luftuar disa orë me qindra ushtarë serb dhe ka dashtë Allahu fitorja ka qenë e jona edhe pse kemi pas 3 dëshmorë e disa të plagosur, por popullata civile ka qenë e mbrojtur ku ishin afro njëzetmijë banorë që rrezikoheshin nga këto forca paramilitare serbe”, përfundon tregimin e tij Xhezair Shaqiri - Komandant Hoxha.

[youtube height="400" width="100%" align="none"]https://www.youtube.com/watch?v=oqN-uf10-Tk[/youtube]

Ngjarje tronditëse që ka ndodhur javën e kaluar në shkollën fillore “Migjeni” të fshatit Baincë të komunës së Drenasit, ku me ç ‘rast është rrahur brutalisht një nxënës i kësaj shkolle, ka marr përmasa edhe më shqetësuese. Nxënësi Mentor Leku, në klasën e 6-të që ishte rrahur nga arsimtari i tij, Izet Demiçi, tani po kërcënohet nga arsimtari.

Kjo është edhe arsyeja që nxënësi, Mentor Leku, ka ndërprerë mësimin dhe nuk është duke vijuar procesin mësimor.

Vëllai i viktimës në një prononcim për gazetën “Zëri”, ka thënë se vëllain e tij e ka ndalur nga shkolla pasi që mësuesi përmes nxënësve ka dërguar mesazhe kërcënuese.

“Asgjë se kamë rrahur herën e parë çka do të ja bëjë kur të kthehet në shkollë”, janë fjalët që arsimtari ju kishte thënë nxënësve për tregon vëllai i viktimës.

Ai madje ka thënë se arsimtari i matematikës, Izet Demiçi, këto fjalë i kishte thënë një ditë pasi që rasti ishte raportuar në polici dhe në media.

“Nxënësve të nesërmen në klasë ju ka thënë se i ka ngjyros me ngjyrë faqet për me bërë situatën ma dramatike”, ka theksuar vëllai i viktimës.

Edhe pse ishte paralajmëruar nga Drejtoria e Arsimit të Komunës së Drenasit se do të merret masa ndajë arsimtarit, asgjë konkrete nuk ka ndodhur.

Drejtori i drejtorisë së Arsimit në komunën e Drenasit, Sadik Tahiraj, ka konfirmuar për “Zëri” se arsimtari është duke dhënë ende mësim në shkollë.

Tahiraj ka sqaruar se nuk mund të merren masa deri sa rasti është në procedurë.

“Është rast që është duke e shqyrtuar edhe hetuesia në atë pjesën tjetër edhe drejtoria dhe MASHT-i përmes të drejtës ligjore që kanë në bazë të këtij udhëzimi ne ju kemi drejtuar me kërkesë drejtorisë së inspeksionit të MASHT-it dhe po pres një përgjigjeje edhe prej tyre”, ka thënë Tahiraj.

Por Tahiraj, thotë se nuk është informuar se arsimtari i matematikës të ketë dërguar mesazhe kërcënimi nxënësit.

“Jam në kontakt edhe me prindërit e djalit edhe me shkollën dhe nuk kamë informacion se ai është kërcënuar”, ka thënë Tahiraj, duke konfirmuar se nxënësi nuk është duke ndjekur mësimin.

Mentori nga profesori ishte rrahur pasi që kishte kërkuar nga ai ditën e premte që ti jap leje për të shkuar në xhami për ta falë namazin e xhumasë.

Arsimtari i kishte rrahur aq fortë sa që Mentori ishte detyruar të kërkojë menjëherë ndihmën mjekësore në spital.

Ngjarja rëndë ishte përjetuar edhe nga nëna e nxënësit e cila kishte rritur fëmijët në mungesë të bashkëshortit i cili kishte vdekur më herët./Zëri/

[youtube height="400" width="100%" align="none"]http://www.youtube.com/watch?v=MQ3qLyi6c5Y[/youtube]

Njëri nga të dyshuarit për vrasjen e policit Enver Zymberi që ka ndodhur në vitin 2011, Radomir Kasalloviq, pas dorëzimit të tij të martën dhe intervistimit nga EULEX-i, është liruar.

Lajmin e ka bërë të ditur mbrëmë për media avokati i tij, Lubomir Pantoviq.

Sipas tij, Kasalloviq është intervistuar të martën nga hetuesit e EULEX-it në jug të Mitrovicës dhe pastaj është liruar dhe do të mbrohet në liri.

Ndryshe, në lidhje mevrasjen e Enver Zymberit dyshohen gjithsej gjashtë serbë të veriut për të cilët ekziston fletarrest ndërkombëtar.

Në ditën e parë të festës hebreike Sukkot ka patur konflikt mes policisë izraelite dhe palestinezëve në xhaminë e Al-Aksa, raporton Anadolu Agency (AA).

Njoftohet se nga konflikti janë plagosur 3 policë izraelitë që kujdeseshin për të siguruar hyrjen klonëve hebrenj në xhaminë Aksa.  Sipas informacionëve të marra nga dëshmitarë në vendngjarje mësohet se pati një përleshje kur kolonët hebrenj po mundoheshin të hynin në xhaminë Aksa për të festuar. Policia që tentoi të nxirrte jashtë myslimanët nga xhamia u përlesh me ta, ku u plagosën 3 policë izraelitë.

Ndërsa një zyrtar nga Departamenti i Fondacionit Islamik në Jerusalem theksoi se akoma vazhdojnë tensionet në xhaminë Aksa.

Gjithashtu bëhet e ditur se Festa Hebraike ka filluar sot do të vazhdojë për 9 ditë. Kolonët hebrenj herë pas here nën shoqërimin e ushtrisë apo të policisë organizojnë udhëtime dhe rite fetare në xhaminë Aksa dhe me reagimin e palestinezëve shpeshherë ndodhin përleshje, ku dhe policia izraelite ndalon hyrjet për plestinezët në xhaminë Aksa.

Që nga dita e arrestimit të hoxhallarëve njerëz të shumtë kanë shprehur pakënaqësinë e tyre për këto arrestime. Këtë e kanë bërë në forma të ndryshme duke rrëfyer përvojat dhe të mirat që kanë pasur nga këta hoxhallarë. Ajo që më së tepërmi vërehet janë faktet e shumta për kontributin e hoxhallarëve në ruajtjen dhe kultivimin e stabilitetit në shoqëri e aspak e kundërta, për të cilën ata po akuzohen.

Një tregim shumë interesant na e sjell një dëgjues i Radio Pendimit. Ai gjatë një inkuadrimi në një emision në këtë radio, derisa shpreh pakënaqësinë e tij për burgimin e hoxhallarëve, tregon se si këshillat e hoxhës dr. Shefqet Krasniqi kanë qenë vendimtare që ai të mos bëj vetëvrasje.

“Njëri nga këta hoxhallarë, dr. Shefqet Krasniqi, pasi që më ka vdekë një djalë dhe përshkak të varfërisë së skajshme unë kam pas me ba vetëvrasje, me këshillat e doktorit (dr. Shefqet Krasniqit) unë sot jam gjallë”, thotë dëgjuesi.

Dr. Shefqet Krasniqi i kishte thënë se vetëvrasja nuk është zgjidhje, dhe e kishte këshilluar që ta luste Allahun dhe se Ai do t’i dhuroj të mira dhe do t’ia rregulloj jetën.

“Ai më ka këshillue, më ka thanë o vëlla nuk është zgjidhje me ba vetëvrasje, Allahu është ai që ka me të dhanë edhe ty sikur krejtve që ju ka dhanë dhe ka me tu ndrqë jeta. Banë sabër, banë dua. Me këshillat e doktorit (dr. Shefqet Krasniqit), unë sot kam tre fëmijë, kam shtëpi dhe kam jetë normale elhamdulilah”, përfundon tregimin e tij dëgjuesi i Radio Pendimit.

Dr. Shefqet Krasniqi së bashku me disa hoxhallarë të tjerë u arrestua më 17.09.2014. Ditë më parë atij i është vazhduar paraburgimi deri më 17.10.2014.

Deri më tani janë liruar tre nga hoxhallarët e arrestuar, hoxhë Ekrem Avdiu dhe Enis Rama nga Mitrovica dhe hoxhë Enes Goga nga Peja./Shembulli/

[youtube height="400" width="100%" align="none"]https://www.youtube.com/watch?v=SnSs7Nnpn2E[/youtube]

Në një aksion të organizuar në shesh, para objektit të Qeverisë së Kosovës, Lëvizja Vetëvendosje e ka bërë kryetarin e Gjykatës Kushtetuese të Kosovës kali, derisa kalorësit e tij i ka ilustruar me fotografinë e kryeministrit të Kosovës, Hashim Thaçi dhe Kadri Veselit.

Frashër Krasniqi nga Vetëvendosje tha që Enver Hasani është vartës i PDK-së dhe SHIK-ut.

Haxhi i këtij viti dëshmoi se si tetë bijtë e një nënë konkurrojnë me njëri-tjetrin për të ndihmuar nënën e tyre për të kryer obligimet e Haxhit të saj sa më rehatshëm.

Ata të gjithë donin për të fituar shpërblim të veçantë nga Allahu për t’i shërbyer me mirësi nënës së tyre të dashur.

Shumë njerëz i shoqërojnë nënat e tyre të moshuara dhe baballarët për Haxh dhe Umre për të treguar dashurinë e tyre dhe përkushtimin ndaj tyre, të frymëzuar nga mësimet e Kur’anit dhe Sunnetit të Pejgamberit (a.s.) që nxisin besimtarët për të përkrahur, ndihmuar, prindërit e tyre të moshuar.

Ajsheja shtatëdhjetë vjeçare erdhi për Haxh këtë vit me tetë bijtë e vet, dhe secili prej tyre përpiqej për të siguruar kujdes maksimal për të.

Në mënyrë që të shmangen konfliktet, më i riu prej tyre, Mustafa Al-Fejsal , propozoi që çdo ditë dy prej tyre të mbajnë nënë në një karrige me rrota për të kryer ritualet.

“Kjo është një ide e mirë”, tha vëllai i madh, Mussai. “Gjatë 20 viteve të fundit ne kemi kursyer para për të kryer haxhillëkun me nënën tonë”, tha ai, “duke shpresuar se Allahu do ta na pranojë haxhillëkun dhe lutjet e tona”.

Në një intervistë për Gazeta Shqiptare, akademiku Rexhep Qosja, ndër tjerash ka folur edhe për arrestimet e hoxhallarëve.

Në pyetjen se si i interpreton ai arrestimet e imamëve në Kosovë, përgjigja e Qosjes ka qenë:

Jam me mendje e me zemër kundër shkuarjes së shqiptarëve në luftërat e të ashtuquajturit ISIS në Irak e në Siri apo kudo qoftë tjetër në Lindje të Mesme.

Dhe jam me mendje e me zemër për marrjen e masave ligjore kundër atyre që shkojnë edhe të atyre që marrin pjesë në financimin e dërgimit të tillë të shqiptarëve në atë luftë.

Por, sa, e si, e përse mund të jenë të fajshëm imamët e burgosur apo ata 42 shqiptarët e tjerë kosovarë për të ashtuquajturin radikalizëm fetar, si po e quajnë vetëdijen e tejshquar fetare njerëz të politikës dhe analistë dhe për shkuarjen e një numri të rinjsh shqiptarë në luftën e ISIS-it në Siri e në Irak e ku tjetër në Lindje të Mesme, unë nuk mund ta di: këtë do ta thonë prokurorët dhe gjykatat.

Para katër-pesë ditësh dy imamë prej Mitrovicës prokuroi përkatës i liroi për t’u mbrojtur në liri, sipas të gjitha gjasave i liroi të pafajshëm.

Para dy ditësh, edhe njëzet të tjerë nga ata 42 të arrestuarit, po ashtu, u liruan për t’u mbrojtur në liri, d.m.th. u liruan të pafajshëm.

Çka do të thonë këto burgosje dhe këto lirime? Ndoshta e gjithë kjo domethënë se në këto burgosje pothuaj të menjëhershme, në të vërtetë të dyhershme ka ligj, ka shtet – çka është e arsyeshme, por ka edhe politikë, politikë staliniste arrivistësh poltronë – çka është e paarsyeshme.

Unë, si intelektual me bindje demokratike, që mbroj me shkrim prej shumë kohësh, i arsyetoj burgosjet e gjithë atyre që në çfarëdo mënyre financojnë dërgimin e shqiptarëve në luftën e ISIS-it në Siri e në Irak apo kudo tjetër, por nuk i arsyetoj burgosjet për shkak të të ashtuquajturit indoktrinim fetar.

Shpjegimet e para me të cilat u arsyetua burgosja e imamëve dhe e një numri nga ata 42 shqiptarët e burgosur para tyre bazoheshin në indoktrinimin: kanë nxitur, u tha, mosdurimin fetar e kombëtar; janë marrë me ekstremizëm fetar; disa janë marrë edhe me terrorizëm.

Jemi mësuar të na burgosin Rankoviçi dhe Millosheviçi, me Ali Shukrinë, Kolë Shirokën dhe Sinan Hasanin për indoktrinim nacionalist dhe irredentist, por nuk kam pritur se shqiptarët edhe në demokraci do të burgosen për indoktrinim: tani për indoktrinim fetar!

E dëgjova akuzën për burgosjen e kryetarit të LISBA-s, Fuad Ramiqit, të cilin nuk e njoh sepse nuk e kam takuar kurrë, me ç’rast u tha se ai po burgosej për shkak se po ftonte për rezistencë! Kaq. Nuk u tha për çfarë rezistence dhe kundër kujt rezistencë.

Jemi mësuar që në Jugosllavinë komuniste të na burgosin Rankoviçi, Millosheviçi, Ali Shukria, Kolë Shiroka dhe Sinan Hasani për protesta, demonstrata, greva, që i quanin rezistencë kundër Jugosllavisë.

Adem Demaçi, unë e disa veprimtarë të tjerë politikë, pas rënies së komunizmit kemi kërkuar rezistencë aktive, madje luftë kundër pushtimit serb, po Millosheviçi nuk na ka burgosur. Thirrjet tona për rezistencë, luftë quheshin delikt verbal, që s’trajtohej vepër penale pas shpërbërjes së Jugosllavisë.

Por nuk kam pritur që në Kosovën e quajtur demokratike do të burgoset ndonjë shqiptar a qytetar tjetër për thirrje gojore për rezistencë. Ku jetojmë ne? Në Kosovën demokratike, qoftë edhe rurale demokratike, apo në Kosovën komuniste? Arkitekti a piktori a skulptori, Maks Velo, më shumë herë deri tani, ka shprehur mosdurimin e tij, në të vërtetë urrejtjen e tij të tejskajshme ndaj shqiptarëve të besimit mysliman dhe shqiptarëve të Veriut!

Por, asnjë zyrtari, në Shqipëri, nuk i ka shkruar dhe nuk i shkon mendja të kërkojë burgosjen e tij për atë delikt foljor. Natyrisht, mos e thëntë Zoti, të më shkojë as mua mendja për burgosjen e tij.

Monumentet historike që tregojnë për historinë, po dëshmojnë edhe fytyrën e shëmtuar të luftës 4-vjeçare në Siri.

Besimtarët mysliman në Kenia në mënyrë modeste kanë festuar Kurban-bajramit, raporton Anadolu Agency (AA).

Shumica e banorëve të këtij vendi për shkak të kushteve të vështira ekonomike në të cilat jetojnë nuk kanë qenë në gjendje të therin kurbanin për festën. Megjithatë, disa organizata ndërkombëtare kanë siguruar kurbanet për familjet e shumta që gjenden në situatë të vështirë ekonomike dhe sociale. Kjo ndihmë me rastin e Kurbn-Bajramit disa familjeve u ka zbukuruar këto ditë festive duke kthyer kështu buzëqeshje në fytyrat e tyre.

Fëmijët, po ashtu, kanë shfrytëzuar këtë atmosferë festive dhe duke kënduar dhe vallëzuar nëpër rrugët festuan këtë festë myslimane.

Përfaqësuesit e Këshillit të Bashkësisë Islame në Prizren përmes një letre dërguar në adresë të Ministrisë së Kulturës, Rinisë dhe Sporteve, Komunës së Prizrenit dhe Qendrës Rajonale për Trashëgimi Kulturore kanë kërkuar rindërtimin e xhamisë së "Mahmud Pashës" në Kalanë e Prizrenit, bën të ditur sot “koha Ditore”.

Sipas tyre, ekzistojnë dëshmi të mjaftueshme për dukjen e dikurshme të kësaj xhamie, sikurse që janë të pranishme edhe themelet e saj.

Kryetari i KBI-së në Prizren, Lutfi Ballëku ka shprehur qëndrimin se projekti mund të hartohet nga institucionet kompetente apo Bashkësia Islame duke angazhuar ekspertë të fushës së trashëgimisë kulturore.

"Rindërtimi i xhamisë do t'ia kthente pamjen Kalasë, që e ka pasur para se të braktiset", thuhet në këtë letër, ku po ashtu nënvizohet se sa i përket "destinimit të xhamisë pas rindërtimit kjo nuk është shumë me rëndësi nëse xhamia do të funksionojë për kryerjen e ritualeve fetare islame apo jo".

Ballëku në shkresën e tij ka tërhequr vërejtjen se si në Kala ashtu edhe jashtë janë duke u rindërtuar objekte pa pasur gjurmë për to.

Në anën tjetër, këshilltari i ministrit të Kulturës, Shkëlzen Dragaj, ka konfirmuar se MKRS-ja, përkatësisht Departamenti për Trashëgimi Kulturore e ka pranuar kërkesën e Bashkësisë Islame të Prizrenit për rindërtimin e xhamisë në Kala dhe se ajo kërkesë do të shqyrtohet nga komisioni përgjegjës.

Sa i përket projektit të Kalasë, respektivisht të zbatimit në përgjithësi, Dragaj ka rikujtuar të gjitha palët se projekti është shqyrtuar dhe miratuar në faza të caktuara për shkak të kompleksitetit dhe gjurmëve ekzistuese të cilat janë të dukshme.

Xhamia në Kalanë e Prizrenit supozohet se është ndërtuar pasi në të janë vendosur trupat osmane, nga shekulli XV deri në shekullin XX.

Krahas objekteve ushtarake në Kala besohet se ata ndërtuan edhe një xhami me dimensione të vogla që ka shërbyer për ushtarët osmanë, e cila supozohet se u shkatërrua nga fundi i shekullit XVII nga austriakët. Për shkak të rrethanave të kohës dhe karakterit të saj, Kalaja e Prizrenit, ka qenë në gërmadha, por sipas studiuesve disa herë është rinovuar.

Kalaja e Prizrenit, sipas historianëve, funksionin e vet primar mbrojtës e ka kryer deri në vitin 1912.

Kalaja që daton qysh nga shekulli IV është e ndarë në tri pjesë. /koha/

Forcat e Frontit Islamik kanë vrarë 50 ushtarë të regjimit sirian, kur ata u përpoqën të hyjnë në rajonin Handarat, në veri të Alepo-s, raporton Anadolu Agency (AA).

Të dielën, zëdhënës i brigadës Teuhid, i Frontit Islamik, Salih Anadani konfirmoi për AA vrasjen e ushtarëve të regjimit të presidentit të Sirisë Bashar al Asad.  Zëdhënësi deklaroi gjithashtu se ata kishin plagosur edhe dhjetëra ushtarë të regjimit sirian. 

Salih Anadani ka pohuar se tre ushtarë u kapën rob, duke përfshirë një iranian dhe një afgan. Bëhet e ditur se sulmi ndaj regjimit është realizuar në bashkëpunim me forcat e tjera të armatosura të opozitës.

Luftimet midis Frontit Islamik dhe forcave të regjimit sirian të Asad kanë vazhduar në këtë rajon që nga e premtja e kaluar. Anadani tha se pas luftimeve intensive, Fronti Islamik kishte rifituar kontrollin e Handarat dhe El Mellehe.

Më shumë se 190,000 njerëz janë vrarë në Siri që nga fillimi i konfliktit në fillim të vitit 2011, sipas shifrave të fundit të OKB-së të publikuara në muajin gusht.

Një djalosh kosovar, i cili shihet teksa falet, ka habitur mediat amerikane.

Ai, në momentin e fotografimit, shihet teksa lutet gjatë ritualit të faljes së Kurban Bajramit.

"Një djalë nga Kosova, ulur pranë babait të tij, duke kryer lutjet e Kurban Bajramit në Xhaminë e Madhe të Prishtinës", e ka komentuar Associated Press foton në fjalë.

Një fotografi e publikuar ditë më parë shpjegon më së miri përhapjen e Islamit në Shqipëri.

Një krahasim i një fotografie të bërë pas vizitës së Papës në Shqipëri dhe faljes së Kurban Bajramit ka ngjallur shumë reagime në rrjetet sociale.

Në foton kur Papa vizitoi Shqipërinë shihet një numër i konsiderueshëm njerëzish, por ky numër u rrit dukshëm kur u fal Kurban Bajrami. Vlerësojeni vet.

Vendimi i Gjykatës së Apelit në Kosovë e cila ka rrëzuar vendimin e Gjykatës Themelore për paraburgimin e 11 imamëve kosovarë që dyshohen për vepra terroriste, duket se i jep një kthesë të re çështjes së bujshme të arrestimeve.

Dosjet e tyre janë kthyer në Gjykatën Themelore, për mungesën e arsyetimit të dyshimeve, për të cilat janë arrestuar.

Top News ka siguruar vendimin e Gjykatës së Apelit përmes së cilit vërtetohet se aksioni i Policisë dhe parashkrimi i lëndës ndaj të pandehurve nga ana e prokurorit nuk është shoqëruar me asnjë fakt apo provë që vërteton dyshimet se imamët kanë rekrutuar njerëz për të quar në Siri apo vepra tjera terroriste.

Sipas vendimit të Gjykatës së Apelit, kur një prokuror beson se duhet caktuar masa e paraburgimit ndaj një personi, ai i paraqet gjykatës së procedurës paraprake kërkesë e cila përfshin përshkrimin e provova që mbështesin dyshimin e bazuar se personi i arrestuar ka kryer veprën penale.

“Pra sipas kësaj dispozite, kushti elementar që duhet të përmbushet për ta caktuar apo vazhduar gjykata ndaj një personi paraburgimin është dyshimi i bazuar se personi i tillë ka kryer vepër penale, kusht ky që në rastin konkret Prokurori as Gjykata nuk ka arritur ta vërtetojnë, ashtu siç me të drejtë pretendohet në ankesa”, thuhet në vendim të Gjykatës së Apelit.

Gjykata e Apelit në vendimin e saj ka thënë se dyshimet e ngritura për të dyshuarit se kanë kryer vepra terroriste, apo se nxitur njerëz të shkojnë në luftime në Siri, nuk bazohen askund dhe nuk përmbajnë fakte.

“Në dispozitivin e aktvendimit në përgjithësi për të gjithë të pandehurit që dyshohen për këto vepra penale vetëm thuhet se përmes ligjëratave apo predikimeve të tyre kanë mbështetur luftën në Siri, kanë përcjellë mesazhe për të shtytur persona që tu bashkëngjiten grupeve terroriste apo kanë nxitur urrejtje ndërmjet grupeve fetare, kanë rekrutuar persona për të marrë pjesë në grupet terroriste apo përmes thirrjeve kanë bërë ftesë personave për të marrë pjesë në grupe terroriste. Por nuk theksohet në cilin vend, në ç’kohë dhe në ç’mënyrë të pandehurit kanë shtyrë, kanë bërë thirrje apo kanë dërguar mesazh. Aq më tepër nuk përshkruhet asnjë provë që vërteton dyshimin e bazuar përkitazi me këto veprime”, thuhet më tutje në vendim të Gjykatës.

Gjykata e Apelit ka shprehur habinë se si prokurori i kësaj çështje nuk ka paraqitur asnjë lloj prove derisa ka kërkuar paraburgim për imamët.

Kjo Gjykatë pasi ka hedhur poshtë vendimin e Gjykatës Themelore për paraburgimin e imamëve kosovarë, ka kërkuar nga ajo që gjatë rishikimit të vendimit të kërkojë nga prokurori i rastit prova për të gjitha dyshimet e ngritura, e pasi t’i shoh dhe vërtetoj ato, të marr vendim për masën e mëtejme ndaj imamëve të arrestuar.

Tani Gjykata Themelore pritet që të marrë një vendim të ri për rastin e 11 imamëve të arrestuar, ndërsa një ditë më parë e njëjta Gjykatë ia ka vazhduar hoxhës Shefqet Krasniqi paraburgimin deri më 17 tetor.

Sipas Bajram Tmavës, avokat i Shefqet Krasniqit, veprimet e prokurorëve dhe gjykatësve në Gjykatën Themelore, lidhur me rastet e imamëve janë veprime qesharake, të pa bazuara dhe pa asnjë fakt.

Nga 15 imamë që u arrestuan në muajin shtator, 2 imamët e Mitrovicës Enis Rama dhe Ekrem Avdiu po mbrohen në liri, ndërsa imami i Pejës, Enes Goga, është liruar nga të gjitha akuzat. Ai u lirua të enjten, pas kthimit te vendimit nga Gjykata e Apelit. /Top News/

Përgjegjës për Marrëdhëniet me Jashtë në Frontin Islamik Ebu Mustafa theksoi se ISIL shfrytëzoi rastin dhe  pushtoi zonat që çliroi opozita Siriane nga regjimi i Asadit dhe për këtë arsye filluan sulmet ndaj ISIL me 25 gusht me "Operacionin e Damaskut Nehravanu'ş", raporton Anadolu Agency (AA).

Ebu Muastafa Për shkak të intensifikimit të sulmeve nga forcae e Asadit dhe të koalicionit vazhdon gjendja e luftës me ISIL por jo në përplasje aktive.

Ebu Mustafa gjithashtu tërhoqi vëmendjen se pozitat e frontit islamik janë në shenjestër nga forcat e koalicionit dhe se janë intensifikuar sulmet e forcave të Asadit si dhe ato të Hizbullahut në zonat rurale të Halepit dhe për këtë arsye kanë vendosur të mos luftojnë me ISIL.

Ebu Mustafa, deri sa ISIL të pranojë armëpushimin do të ketë një luftë me densitet të ulët mes palëve por Fronti islamik do të ruajë pozicionin e tij duke mbrojtur "zonat e çliruara".

Autoriteti për Zyrën e shtypit të Frontit islamik në Aleppo Ebu Firas el-Halebi në një deklaratë për AA tha se forcat e koalicionit duhet të bombardonin forcat e Asadit të cilët që prej 3-4 vjetësh bëjnë masakra, ai gjithashtu shtoi se forcat e koalicionit nuk kanë bombarduar objektivat e ISIL ku dihet se ku janë bazat e organizatës, por kanë goditur forcat e opozitës siriane dhe civilët.

Rreth 3 milionë myslimanë u bënë Haxhinj, raporton Anadolu Agency (AA)

Dje në Mekë ka patur një popullim nga Haxhinjtë të cilët përmbushin një nga pesë shtyllat e Islamit. Disa prej riteve të Haxhit janë pritja në Arafat dhe mbas kësaj Haxhinjtë kalojnë në Muzdelife dhe këtu pasi bëjnë duanë e pritjes mledhin gurëza për të goditur shejtanin. Pas kësaj rrotullohen 7 herë rreth Qabesë (duke kryer kështu tavafin) dhe në fund të pelegrinazhit bën pjesë qethja dhe heqja e rrobave të Haxhit (ihrami).

Haxhin e kanë përfunduar rreth 3 milionë myslimanë nga e gjithë bota.

Trendi i shqiptarëve që e kanë kaluar kufirin ilegalisht nga Kosova përmes Serbisë e më pas në Hungari e shtetet e tjera, është më i ulët se vitin e kaluar, por së paku nga 650 qytetarë janë larguar çdo muaj nga Kosova.

G.B. është vetëm njëri nga mijëra shqiptarët që edhe këtë vit ia kanë mësyrë kurbetit.

Sipas të dhënave të Ministrisë së Punëve të Brendshme të Kosovës, që nga janari i këtij viti e deri në qershor, numri i azilkërkuesve të rinj nga Kosova në shtetet e Bashkimit Evropian ka arritur në 4,455 persona.

“Për fat të keq një trend në rritje është sidomos në muajt korrik, gusht që i ka shprehur shqetësimet edhe ambasadori i Hungarisë që është rritur fluksi i shkuarjes në Hungari e sidomos nga dy qytetet, Ferizaj dhe Fushë Kosovë, më shumë nga komuniteti RAE, por edhe shqiptarë që deklarohen apo jo si ashkali, në mënyrë që ta kenë si alibi për të fituar azil edhe pse azili nuk fitohet më”, thotë për gazetën “Zëri” ministri Bajram Rexhepi.

Krahasuar me vitin e kaluar kur nga Kosova në vendet evropiane ishin paraqitur gjithsej 17 mijë e 755 azilkërkues, ky trend sivjet është më i vogël, por prapë sipas ministrit është shqetësues.

“Kemi pasur prioritete të tjera, ndoshta kemi qenë të fiksuar te lufta ndaj islamit ekstrem dhe ndoshta kjo neglizhencë ka mundur të ndikojë”, thotë ai. /Zëri/

Imami i Xhamisë së Madhe në Prishtinë, dr. Shefqet Krasniqi, Kurban Bajramin e kaloi në burg.

Nga shtëpia e Imamit që po akuzohet për prishjen e rendit kushtetues e cenimit të sigurisë shtetërore, një familjar po fajëson politikanët që dr. Shefqet Krasniqi nuk gjendet në shtëpi për këtë festë.

"Shkaku është krejt politika. Parlamenti nuk mundet me i zgjedh punët e veta dhe ju kanë gju hoxhallarëve", flet për Klan Kosova, i emocionuar e me lot në sy, Izet Krasniqi - vëllai i dr. Shefqet Krasniqit.

Në familjen e Krasniqit po besojnë se arrestimi i dr. Shefqet Krasniqit ishte i padrejtë dhe kësisoj po shpresojnë se ai me shokët duhet të lirohet sa më parë.

Myslimanët të cilët jetojnë në kryeqytetin e Rusisë në Moskë mbushën xhamitë për të falur namazin e Bajramit që në orët e para të mëngjesit, ndërsa myslimanët që nuk gjetën vend në xhami e falën namazin në rrugë, raporton Anadolu Agency (AA).

U morën masa të rrepta sigurie Në 4 xhamitë e Moskës dhe ambientet përreth tyre që ndodhen në qendër të kryeqytetit të Rusisë. Myslimanët në kryeqytet që tejmbushjen xhaminë në qendër të qytetit para namazit gjatë hyrjes në xhami u kontrolluan me dedektorë për arsye sigurie. Nga pjesëmarrja e madhe xhamia u mbush plotësisht dhe myslimanët shfrytëzuan çdo ambient jashtë saj si shinat e tramvajit dhe kalldrëmet për tu falur.

Në xhaminë e qendrës në fjalimin e namazit të Bajramit u fol për rëndësinë e Kurban Bajramit dhe pelegrinazhin e Haxhit.

Myslimanët e Jerusalemit u mblodhën në xhaminë Aksa për të falur namazin e Bajramit, raporton Anadolu Agency (AA).

Kurban Bajarami përkoi në të njëjtën ditë me festën e hebrenjve Yom Kippur (Dita e Shlyerjes). Sipas besimit hebre përveç lutjeve në këtë ditë çdo gjë tjetër është e ndaluar dhe për këtë janë pezulluar udhëtimet me autobus, tren dhe me avion, gjithashtu edhe rrugët kryesore janë mbyllur.

Edhe pse qeveria e Izraelit bllokoi rrugët kryesore për trafikun, mijëra njerëz u mblodhën në xhaminë Aksa që është edhe simboli i Jerusalemit.

Lëvizja e Rezistencës Islamike Palestineze (Hamas) uroi të gjithë myslimanët për festën e Kurban Bajramit. Pas namazit një pjesë e besimtarëve vizituan varrezat e dëshmorëve në bulevardin “Selahadin”.

Palestinezët që jetojnë në Jerusalem do ti therin kurbanet e tyre në Bregun Perëndimor për arsye se Izraeli ka ndaluar ngritjen e tregut të bagëtive.

Është falur në Xhaminë e Madhe në Prishtinë, Namazi i Kurban Bajramit, ku është bërë thirrje për paqe, dashuri, harmoni e solidaritet mes njerëzve në tërë botën. Ceremonia qendrore me rastin e Kurban Bajramit është mbajtur në Xhaminë ‘Sulltan Mehmet Fatih’, e cila njihet si Xhamia e Madhe, nën organizimin e Bashkësisë Islame të Kosovës. Drejtuesit e Bashkësisë Islame të Kosovës (BIK) kanë bërë thirrje për paqe mes njerëzve në botë, pasi sot më shumë se kurrë bota ka nevojë për paqe, dashuri, solidaritet e harmoni mes vete.

Sekretari i Përgjithshëm i BIK-ut, Resul Rexhepi tha se përveç prerjes së kurbanit, qytetarët kanë rastin t’i ndihmojnë edhe të varfërve, edhe skamnorëve, edhe jetimëve sepse kjo do të ofroj njerëzit mes vete.

“Sot në këtë ditë gëzimi të gjithë besimtarët që në zemrat dhe shpirtin e tyre shndrit besimi i sinqertë, besim i cili motivon dhe fuqizon veprat tona, të jemi me solidar mes vete, të jemi më human, më mëshirues dhe me tolerant. T’i lëmë urrejtjet dhe armiqësitë, të motivohemi për buzëqeshje dhe përqafime vëllazërore. Çdo festë e jona e ka porosinë e vet, e porosia më e madhe e Kurban Bajramit qëndron fuqishëm mbi parimin e dashurisë, bujarisë, solidaritetit, barazisë dhe sakrificës. Në këtë ditë feste prej nesh kërkohet t’i harrojmë urrejtjet e mospajtimet, t’i bashkojmë zemrat tona dhe ta shtrijmë dorën e pajtimit”, tha Rexhepi.

Ai tha se kujdes të veçantë duhet të tregojnë ndaj jetimëve dhe me ndihmën e tyre t’ua lehtësojnë dhimbjen e tyre. Rexhepi tha se duhet të ndihmohen skamnorët që edhe ata të gëzohen në këtë ditë.

Rexhepi shtoi se sot kur po festohet dita e Kurban Bajramit, në botë ka shumë vatra të luftës, ku të pambrojturit, gratë, ku ka dhunë vrasje e shkatërrime, lusin Zotin që të bëj që ato vende dhe ata popuj të heqin dorë nga konfliktet dhe vrasjet.

Sevdali Zejnullahu - avokat i Imamit të Xhamisë së Madhe në Prishtinë, Shefqet Krasniqi - në një prononcim për Telegrafin ka thënë se sot mbrojtja ka pranuar vendimin e Gjykatës Themelore të Prishtinës, në të cilin thuhet se Imamit Krasniqi do t’i vazhdohet paraburgimi deri me datën 17 tetor.

Sipas tij, mbrojtja brenda 24 orëve ka mundësinë për ankesë, në lidhje me vendimin, në Gjykatën e Apelit, mundësi të cilën Zejnullahu ka thënë se do ta shfrytëzojnë.

“Ne do ta dorëzojmë nesër ankesën. Sa përfillet dhe sa shpejt vendoset nuk e dimë. Megjithatë, dispozitat ligjore parashohin që me u vendos sa ma parë - me urgjencë. Shpresojmë se hoxha, për festën e Kurban Bajramit do të jetë në mesin tonë”, tha ai për Telegrafin.

Ndryshe, Shefqet Krasniqi është arrestuar, para dy javësh, së bashku me një grup hoxhallarësh, me pretendimin se e kanë cenuar rendin kushtetues. Deri më tani janë liruar tre nga nëntë imamët e arrestuar. /Telegrafi/

Deputeti i Partisë së Drejtësisë, Gëzim Kelmendi, iu ka gëzuar lajmit për lirimin e hoxhës Enes Goga. Ai në rrjetin social Facebook, ka falënderuar Zotin dhe ka uruar lirimin e hoxhë duke thënë se iu kthye lirisë ai që luftoi për lirinë.

Ja postimi i tij në rrjetin social facebook:

Organizata “Al Haramain”, për të cilën është raportuar për lidhjet e saj me organizatën terroriste “Al-Qaeda”, për disa vjet me radhë në bashkëpunim me Qeverinë e Përkohshme, nga viti 1999 deri në vitin 2005, kanë sjellë miliona euro në sektorë të ndryshëm. Shuma marramendëse të hollash kanë ardhur në Kosovë përmes kësaj organizate, bashkë me Komitetin e Bashkuar Saudit për Ndihmë Popullit të Kosovës (SJRC). Sipas një dokumenti të siguruar nga gazeta “Zëri”, në detaje bëhet i ditur aktiviteti i kësaj organizate. Qeveria e Përkohshme nga këto dy organizata ka pranuar afër 18 milionë euro në formë ndihme. Madje para të gatshme nga këto organizata kanë marrë edhe disa medie në Kosovë.

Në një përmbledhje prej rreth 45 faqesh, me titull “Pjesë nga aktiviteti i Komitetit të Bashkuar Saudit në Kosovë”, shpalosen detaje për miliona euro të sjella në Kosovë.

Pranim-dorëzimi i këtyre mjeteve ishte bërë në prani të Qeverisë së Përkohshme të Kosovës. Këto organizata pos shumë ndërtimeve në vend, kanë investuar edhe në ndërtimin e 9 xhamive në tërë Kosovën.

Për lidhjen e Osama Bin Laden-it me këtë organizatë, e cila ka ardhur në Kosovë pas luftës, kanë raportuar edhe kabllogramet e zbuluara nga “Wikileaks”, ndërkohë që në vitin 2003 sekretari i atëhershëm i Departamentit të Shtetit Amerikan, Colin Powell, ka shkruar se “dokumentet e zëna në Ballkan tregojnë se punëtorët e “Al Haramain” në Shqipëri, Bosnjë, Kroaci dhe Kosovë përkrahin Al – Qaedan”. Powel shkruante se pas sulmeve terroriste të 11 shtatorit, zyrtarët e zyrës së “Al-Haramain” në Kosovë shkatërruan të gjitha dokumentet që mund ta lidhnin organizatën me aktivitete militante apo terroriste. Për dokumentin e Powell kanë raportuar disa herë mediat e huaja dhe vendore. Në vitin 2004 nga SHBA-ja kishin shpallur këtë organizatë me lidhje terroriste, ndërkohë që Komitetit i Këshillit të Sigurimit të OKB-së i kishte ndaluar të gjitha aktivitetet e saj.

“Qendra Laparoskopike e Princit Sulltan”

Mirëpo, kjo organizatë e cila për disa vite me radhë, e vendosur në një objekt në lagjen “Velania” në Prishtinë, kishte bashkëpunuar ngushtë me Qeverinë e Përkohshme në sektorë kyçë të vendit.

Në nëntor të vitit 1999, Qendra Klinike Universitare e Kosovës (QKUK), kishte pranuar rreth 2 milionë marka gjermane vetëm për Qendrën Laparoskopike. Kjo qendër sot e asaj dite mban emrin “Qendra Laparoskopike e Princit Sulltan”. Për të përdorur aparaturat e sofistikuara që kishte dhuruar Komiteti, mjekët kosovarë i kishte trajnuar themeluesi i kësaj qendre, dr. Faris el Hadi. “Komiteti i Bashkuar Saudit për Ndihmë Kosovës ka paraparë që të gjitha shpenzimet t’i mbulojë për 5 vjetët e ardhshëm”, thuhet ndër të tjera në materialet e kësaj organizate. Në shtator të vitit 1999, SJRC kishte marrë përsipër meremetimin e 10 shtëpive të shëndetit. Këto shtëpi shëndetësore të cilat u meremetuan nga ky Komitet, ishin në komunën e Besianës, Vushtrrisë, Mitrovicës, Skenderaj, Klinë, Deçan, Gjakovë, Rahovec, Ferizaj dhe Kaçanik. Totali i shpenzimeve i këtij projekti kap shumën e 2 milionë e 400 mijë markave gjermane.

Gjykata e Apelit ka aprovuar të mërkurën (01.10.2014), ankesat e mbrojtësve të 11 personave të dyshuar për vepra penale kundër rëndit kushtetues dhe sigurisë së Republikës së Kosovës, njofton Zyra për Informim e kësaj gjykate.

Gjykata vendosi që aktvendimi për caktimin e masës së paraburgimit, PPR.KR.nr.464/2014, i datës 19.09.2014, të anulohet dhe çështja t’i kthehet Gjykatës Themelore në Prishtinë për rivendosje. Deri në marrjen e një vendimi të ri nga ana e kësaj të fundit, të pandehurit B. R, E.G, M.M, F. R, A M, D. G, E.N, L.R S. S, dhe T. A do të qëndrojnë në paraburgim.

“Kolegji prej tre gjyqtarësh i Gjykatës së Apelit konstatoi po ashtu se ankesat e dy të pandehurve tjerë të këtij rasti E. R dhe E. A, janë jo lëndore. Gjykata e Apelit vlerëson se aktvendimi i shkallës së parë i kundërshtuar me ankesa, përmban shkelje esenciale të dispozitave të procedurës penale, nga neni 384 i Kodit të Procedurës Penal të Kosovës, ngase në arsyetimin e tij, nuk janë paraqitur arsye përkitazi me faktin vendimtar apo kushtin elementar (dyshimin e bazuar), i cili duhet të plotësohet për t’iu caktuar dikujt paraburgimi”, thuhet në njoftimin e Gjykatës së Apelit. /Telegrafi/

Fetullah Gylen, që shpesh herë është diagnostifikuar nga imamët vendas dhe ata ndërkombëtar si një spiun që nuk ka lidhje me islamin. Mirëpo, ai qëndron mirë nga burimet financiare, organizata Gylen ka në pronësi të veten shumë kompani dhe media. Kohën e fundit është përmendur shumë për kundërshtimet e tyre ndaj qeverisë turke, shkruan IliriaSot.

Lëvizja Gylen kishte organizuar një grusht shtet, ku me një audiomontazh dhe nëpërmjet njerëzve që kishte futur në polici tentoi ta rrëzoj qeverinë, duke bërë lajme se kinse qeveria turke po dërgon armë terroristëve ekstremist.

Përveç sherrit të madh që bënë në Turqi, tani lëvizja Gylen ka vendosur që ti vëndoj një njollë shtetit turk edhe në Ballkan.
Ajo ka marrë nën finansim disa media që njihen si islamofobe, në Kosovë ka dyshime se ka finansuar Gazetën Express me 50.000 euro, të ardhura këto nga disa agjentë dhe të dorëzuara një gazetarit të Express-it.

Express me sygjerime të lëvizjes Gyleniste, projekton lajme të kopjuara nga mediat e Gylenit, gjegjësisht nga gazeta “Zaman”.
“Zaman” me disa lajme kohën e fundit tenton ti lidh organizatat qeveritarë turke që operojnë në Kosovë, si “TIKA”dhe “YUNUS EMRE”, me terrorizmin dhe mbështetjen ndaj ISIS-it. Ndaj këtyre shpifjeve reagoi edhe ambasada turke ne Kosovë duke i quajtur këto fabrikime qëllim kqija.

Lëvizja Gylen i paraqet imamët e arrestuar si pjesëtarë të ISIS-it, që mbështeten nga shteti turk.
Express njihet si gazetë që sulmon qytetarët musliman në Kosovë dhe mundohet që me shpifje dhe akuza të pa argumentuara ti lidh me terrorizmin.

Lëvizja Gylen kohën e fundit është duke u bërë edhe më e fortë në Kosovë, pasi ka hapur disa universitete dhe shkolla të mesme.
Dyshohet se anëtarë të Levizjes Gylen shihen shumë shpesh në takime me gazetarë të Express-it, dhe se takimi i fundit i tyre ishte në kafenen RINGS në Prishtinë.

Mbetet të shihet reagimi i Kosovës ndaj këtij grupacioni, që me shpifje dhe shantazhe tenton ti frikësoj hoxhallarët dhe shtetit turk ti humbin imazhin e mirë që ka në Kosovë.

Kryesia e Bashkësisë Islame të Kosovës, njofton besimtarët dhe opinion e gjerë se dita e parë e festës së Kurban - Bajramit, është ditën e  shtunë më 4 tetor 2014.

Manifestimi qendror për territorin e Kosovës, kushtuar festës së Kurban – Bajramit, mbahet në  xhaminë “Sulltan Mehmet- Fatih” (Xhamia e Madhe) në Prishtinë.

Manifestimi fillon në ora 6:00, me faljen e namazit të sabahut, pas të cilit do të jetë ligjërata tematike kushtuar kësaj feste që do ta mbaj kryeimami i BIK, Sabri ef. Bajgora.

Namazi i Kurban – Bajramit falet në ora 7:13. Hytben e Kurban- Bajramit do ta mbaj sekretari i përgjithshëm i BIK, Resul ef. Rexhepi.

Me rastin e festës së Kurban – Bajramit, Ditën e parë, më 4 tetor 2014, Kryesia e BIK, si tradicionalisht organizon pritje përurimi në selinë e Kryesisë nga ora 9 -12.

Kryesia e Bashkësisë Islame të Kosovës të gjithë besimtarëve dhe opinionit të gjerë ua uron festën e Kurban - Bajramit, duke e lutur Zotin që të na pranoj Haxhin, kurbanin, lutjet e ibadetet tona.

Me fat festa e Kurban –Bajramit!/bislame/

Është liruar imami nga Peja, Enes Goga. Pas marrjes së lajmit për lirimin e tij, në hyrje të qytetit të Pejës, te qendra tregtare ETC janë mbledhur shumë besimtarë për të pritur kryimamin e Pejës, Enes Goga.

Tupanë, përqafime e kërcim. Kështu e ka pritur sot xhemati i Pejës imamin e porsaliruar Enes Goga.

[youtube height="400" width="100%" align="none"]https://www.youtube.com/watch?v=P-U3Wv3uDwM[/youtube]

Kryesuesja e seancës konstituive, Flora Brovina me një njoftim që ua ka dërguar deputetëve të të gjitha partive, i ka njoftuar se për shkak të “situatës delikate”, ka vendosur që ta shtyjë seancën, deri në afat të pacaktuar.

Janë së paku dy familje kosovare, gra dhe fëmijë të xhihadistëve kosovarë që kanë arritur të largohen shëndosh e mirë nga Siria, mirëpo kanë frikë të kthehen në Kosovë nga ideja se mund të arrestohen.

Mësohet se këto gra dhe fëmijë momentalisht janë në Turqi ndërsa janë në mëdyshje nëse duhet të kthehen në Kosovë apo jo.

Policia e Kosovës nuk ka pranuar të komentojë këtë informacion por bën me dije se gratë dhe fëmijët e xhihadistëve kosovarë nuk duhet të kenë frikë të kthehen nga Siria në Kosovë.

"Policia e Kosovës, gratë dhe fëmijët i konsideron si viktima të manipuluara që kanë shkuar në Siri dhe që janë të ekspozuar ndaj një rreziku shumë të madh, dhe qëllimi jonë, vazhdimisht është që t’i kthejmë gratë dhe fëmijët në Kosovë”, ka thënë Fatos Makolli, drejtor i Anti Terrorizmit në Policinë e Kosovës për Indeksonline.

Deri tek pajtimi do të vijë kur Serbia do ta njeh pavarësinë e Kosovës, ka thënë lideri i Lëvizjes Vetëvendosje, Albin Kurti, për javoren serbe “NIN”.

Ai ka shtuar se Kosova ka nevojë për një dialog të hapur, demokratik dhe social me serbët, në të cilën qytetarët do të jenë në qendër të vëmendjes, dhe jo një dialog të mbyllur, transmeton Telegrafi.

“Kur Serbia do ta njeh pavarësinë e Kosovës dhe është e gatshme që të përballet me të kaluarën e saj kriminale, atëherë do të vij edhe pajtimi. Kosova nuk është zemra e Serbisë, të cilën nuk dëshiron ta copëtoj, por e vërteta e Serbisë, të cilën gjithmonë dëshiron ta mbajë”, tha Kurti.

I pyetur se pse po kërkon që të udhëheq bisedimet, të cilat nuk i njeh dhe si e sheh Bashkësinë e komunave serbe pas këtyre negociatave, Kurti tha se është kundër bisedimeve të pakushtëzuara me Serbinë për çështje të brendshme të Kosovës.

Kurti tha se Bashkësia e komunave serbe, e cila u krijua pas marrëveshjes në mes të kryeministrit të Kosovës, Hashim Thaçit dhe atij serb, Ivica Dacic, pasqyrojnë synimet e Beogradit në Kosovë, i cili kërkon një Republikës të re serbe, duke shtuar se, sipas mendimit të tij, kjo e shndërron fqinjin verior, në një Serbi të Madhe.

“Në marrëveshjen rreth komunitetit serb ka dispozita jodemokratike, jokushtetuese si dhe është raciste, pasi që komandanti i policisë në veri, domosdo duhet të jetë serb”, tha ai. /Telegrafi/

Përmes një kumtese për medie Ambasada e Turqisë në Kosovë ka reaguar ndaj shkrimit me titull Qeveria turke financon radikalizmin islam në Kosovë?

Lidhur me këtë Ambasada ka shkruar:

“Lajmi është publikuar edhe më herët në mediet turke dhe është mohuar nga zëvendëskryeministri Numan KurtulmuÅŸ dhe nga TIKA.”

TIKA, vazhdon reagimi i Ambasadës turke, ka kompletuar projekte të restaurimit të trashëgimisë historike dhe kulturore si dhe projekte të ndryshme të zhvillimit në fushën e arsimit, shëndetësisë e bujqësisë në Kosovë dhe shton se TIKA me aktivitetet e saj jo vetëm në Kosovë por në mbi 100 vende të tjera të botës, realizon projekte të cilat do të shërbejnë në krijimin e kulturës së vazhdimësisë së paqes, refuzimin e çfarëdo dhunë apo tjetërsimi, tejkalimin e paragjykimeve ndërmjet komuniteteve dhe forcimin e dialogut ndërmjet qytetërimeve.

Në këtë kornizë, thotë ndër të tjera reagimi, konsiderimi i TIKA-së si përgjegjëse ndaj aktiviteteve të ndonjë institucioni ose organizate, apo përgjegjësve, proceset gjyqësore e të cilëve ende nuk kanë përfunduar, paraqet një veprim të pabazuar në aspektin ligjor dhe moral.

Poshtërsitë e disa gazetarëve kosovarë, duket se nuk kanë të ndalur.

Këtë e dëshmon edhe titulli i një lajmi, që ka të bëjë me refuzimin e heqjes së masës së paraburgimit për 35 të arrestuarit nën dyshimin për përfshirje në luftërat jashtë vendit, të publikuar në portalin informativ 'koha.net': "Gjykata e Apelit i lë në paraburgim 35 imamët".

A thua këta gazetarë nuk dinë të dallojnë imamët nga besimtarët e thjeshtë apo urrejtja që kanë ndaj Islamit dhe muslimanëve i shtyn ata të bëjnë gjëra të tilla?!

Një ngjarje e tronditëse ka ndodhur dje në shkollën fillore “Migjeni” të fshatit Baincë të komunës së Drenasit, ku me ç ‘rast është rrahur brutalisht një nxënës i kësaj shkolle.

Indeksonline mëson se nxënësi M.L. në klasën e 6-të është rrahur nga arsimtari i tij, I.D. (emër i njohur për redaksinë) për gjëra tejet banale.

Në foton e siguruar nga Indeksonline shihen qart goditjet e rënda që janë shkaktuar nxënësit M.L.

Njëri prej dëshmitarëve i cili nuk deshi t’i përmendet emri ka treguar arsyen se pse arsimtari ka rrahur nxënësin.

“Veç pse e ka pyet arsimtarin se pse ia qiti 2-sh dhe ai nuk ka qenë i kënaqur, arsimtari menjëherë e ka rrahur atë”, ka thënë ky dëshmitar.

Nga ana tjetër, kryetari i këshillit të prindërve të SH.F “Migjeni”, Fatmir Kiqina në një prononcim për portalin tonë tha se gjesti i arsimtarit ka qenë tejet i paparanueshëm për banorët e fshatit të tyre.

“Ky rast është krim, me rreh fëmijën me i bë shenja është krim”, është shprehur ai.

[youtube height="400" width="100%" align="none"]http://www.youtube.com/watch?v=MQ3qLyi6c5Y[/youtube]

SHBA-ja qëllimisht ka shkaktuar shpërthimin e Ebola-s në Afrikën Perëndimore, nga e cila u vranë më shumë se tre mijë njerëz, në mënyrë që ushtria amerikane të testojë armën e fundit biologjike, shkruan gazetat më të mëdha në Liberi.

Cyril Broderick, profesor i biokimisë në Universitetin Shtetëror të Delaware, i cili është autori i testit, argumenton se komploti ka përfshirë Institutin e Mjekësisë së ushtrisë amerikane për hulumtimin e sëmundjeve infektive, të njohur për kërkimet e armës-biologjike, qendrën amerikane për Kontrollin e Sëmundjeve, organizatën ndërkombëtare, "Mjekët pa Kufij", kompaninë farmaceutike, “Tekmir” dhe spitalin shtetëror të qytetit Kenema të Siera Leones, “Glasko Smith Kline".

Broderick thekson se epidemia Ebola ka shpërthyer disa javë pasi në media u raportua se Departamenti i Mbrojtjes i Shteteve të Bashkuara po financon hulumtime rreth virusit Ebola, të cilat po kryhen te njerëzit e shëndetshëm, transmeton Telegrafi.

“Departamenti i Mbrojtjes i dha 140 milionë dollarë kompanisë kanadeze "Tekmir" për të kryer kërkimet, të cilat filluan në janar të vitit 2014. Konsistonte në faktin se një virus vdekjeprurës u injektua te njerëzit e shëndetshëm, në mënyrë që të zhvillohet një vaksinë”, thotë Broderick.

Një muaj më vonë u shpall epidemia e quajtur, Ebola, ndërsa kompania farmaceutike, "Tekmir", menjëherë ofroi vaksinat, të cilat nuk u testuan mjaftueshëm.

“Duhet të theksohet se pikërisht kjo vaksinë, si çdo tjetër, është një formë e armës biologjike”, ka thënë Broderick, duke shtuar se është interesante se në Kenema, e cila u gjend në qendër të epidemisë, qeveria amerikane ka një laborator për kërkime të viruseve, me qëllim të krijimit të armës biologjike. /Telegrafi/

Gjilani ka përjetuar edhe një ngjarje tjetër tragjike. Mbrëmë në Durrës është mbytur B.Selmani, nxënës i klasës XII në gjimnazin “Zenel Hajdini” në Gjilan.

Mbytjen e nxënësit, siç transmeton rajonipress, e ka konfirmuar Nazmi Musa, drejtor i Arsimit në Gjilan. Musa tha se sipas informatave të para, nxënësi B.Selmani, është zgjuar nga gjumi dhe ka rënë nga kati i pestë ku edhe ka banuar.

“Më kanë thënë se ata në Durrës kanë intervenuar me kohë. Unë në emrin tim i shprehi ngushëllimet më të thella sepse vërtet është një rast që na ka prekur e tronditur thellë”, tha Musa.

Të gjithë nxënësit e gjimnazit “Zenel Hajdini” që janë nisur të shtunën në ekskursion për në Durrës pritet të kthehen sot në Gjilan, së bashku me viktimën.

Edhe një gjilanas i vrarë në Siri. Këtë herë bëhet fjalë për një 17 vjeçar nga Uglari i Gjilanit. Melos Selami Kosumi është vrarë në Siri kanë konfirmuar për rajonipress burimet policore.

Mësohet se Melosi ishte në një shkollë në Turqi derisa prej atje kishte shkuar në luftë pa dijeninë e familjes.

Lajmin e ka konfirmuar edhe prindi i viktimës Selami Kosumi. “Po është e vërtetë se djali im është vrarë në Siri para një jave. Djali ka shkuar pa dijeninë time dhe ka qenë në shkollë në Turqi. Ka qenë nxënës i zoti dhe nuk ka pasur asnjë katërshe” tha Selamiu.

Selamiu tha se nga sot ka hapur edhe të pame në Gjilan. /rajonipress/

Gjykata e Apelit, ka refuzuar si të pa bazuara ankesat e mbrojtësve të 35 personave të dyshuar për vepra penale kundër rendit kushtetues dhe sigurisë së Republikës së Kosovës, ndaj aktvendimit të Gjykatës Themelore në Prishtinë PPK.KR.nr.406/2014.

Kolegji nga ana tjetër ka aprovuar ankesën e mbrojtësit të një të pandehuri të këtij rasti (S. Kaçikut), kundër të njëjtit aktvendim, duke vendosur që atij t’i ndërpritet paraburgimi dhe t’i zëvendësohet me arrest shtëpiak, deri me 12.11.2014.

Për të dyshuarit e tjerë do të mbeten në fuqi masat e sigurisë të shqiptuara si në aktvendimin e gjykatës së shkallës së parë PPK.KR.nr.406/2014,të datës 04.09.2014, të datës 09.09.2014 dhe të datës 20.09.201, me kohëzgjatje deri me 12.11.2014, njofton Zyrta për Informim në Gjykatën e Apelit.

Turqia i ka thënë “PO” shamisë në shkollë dhe “jo” makijazhit dhe tatuazheve në këto ambiente.

Qeveria e Ankarasë ka publikuar një dekret më 27 shtator, duke saktësuar se cilat do të jenë rregullat e reja të cilat do tu nënshtrohen fëmijët e moshës 10 vjeç e lartë në shkolla. Lajmi është bërë i ditur nga Hurriyet online.

Të gjithë studentët, si femrat dhe meshkujt, nuk mund të lyejnë flokët, të bëjnë makijazh, të kenë tatuazhe apo piercing. Sa u takon meshkujve, nuk mund të mbajnë mjekër apo mustaqe. Përveç kozmetikës, tatuazheve dhe piercing-ëve, është tërësisht e ndaluar të shkosh në shkollë me shapka, sandale, kapela, çanta apo veshje të tjera me simbole politike, qofshin këto foto apo të shkruara.

I vetmi aksesor i lejuar për femrat islame është velloja e tyre, të cilën në shqip e njohim edhe me termin perçe. Edhe pse në dukje është një rregull shumë i mirë i vendosur, kanë nisur kundërshtimet e para kundër presidentit Erdogan.

Prokurorët kishin kërkuar burgim të përjetshëm për Karaxhiqin i cili u akuzua, ndër të tjera, për vrasjen e shtatë mijë meshkujve në Srebrenicë dhe bombardimin e Sarajevës.

Prokuroria e Hagës ka filluar të mbaj fjalimin përfundimtar rreth gjykimit të Radovan Karaxhiq.

Ish-lideri i serbëve të Bosnjë-Hercegovinës, i cili po mbrohet vetë, fjalimin përfundimtar do ta mbajë ditën e mërkurë.

Prokuroria pohon se gjatë luftës tre vjeçare u vranë qindra mijëra njerëz, ndërsa Karaxhiq ka udhëhequr dëbimin e kroatëve dhe boshnjakëve, transmeton Telegrafi.

"Nën komandën e Karaxhiqit, bashkëpunëtorë e tij kanë dëbuar, vrarë, torturuar dhe abuzuar qindra mijëra myslimanë dhe kroatë", njoftoi prokuroria.

Prokuroria gjithashtu përshkroi se si u trajtuan dhe u dëbuan myslimanët në Prijedor me urdhër të Karaxhiçit, ndërsa janë bërë publike edhe disa imazhe të tmerrshme të të burgosurve nga kampi Omarska.

"Mijëra të burgosur jetuan në kushte të tmerrshme, johigjienike dhe në prag të urisë. Të burgosurit gjatë marrjes në pyetje nga Ministria e Punëve të Brendshme dhe policia ushtarake, në mënyrë të pashmangshme u abuzuan, ku disa prej tyre janë rrahur gjer në vdekje. Në Omarska janë mbajtur edhe femrat, të cilat fillimisht - gjatë ditës pastronin gjakun dhe trupat, ndërsa natën përdhunoheshin. Të burgosurit ishin frikësuar ‘çdo sekondë’, sepse nuk e dinin se cili do të jetë personi i ardhshëm, i cili 'kurrë më nuk do të kthehej". /Telegrafi/

Hoxha nga Prizreni, Mazllam Mazllami, të cilin prizrenasit e njohin si bamirës të madh, po mbahet në paraburgim nën akuzat për nxitje të urrejtjes dhe ekstremizëm fetar. Përshkak të kësaj, shumë familje skamnore dhe jetimë janë të privuar nga ndihmat që i shpërndante ky hoxhë, e posaçërisht në këtë kohë të festës së Kurban Bajramit

Hoxhë Mazllam Mazllami nga mbarimi i luftës e deri më tani ka ndërtuar me dhjetëra shtëpi për familje të skamnore dhe jetimë, ka shtruar dreka e darka për fëmijë jetimë, shumë familjeve ua ka siguruar ushqimin dhe veshmbathjen, njofton Radio Pendimi.

Me arrestimin e këtij hoxhe, shumë familje kanë mbetur pa përkrahje dhe shumë projekte shtëpish kanë mbetur të parealizuara.

Në kohën e festës së bajramit, hoxha mundohej që çdo familje skamnore t’iu siguronte ushqim, bënë të ditur Radio Pendimi.

Lusim Zotin që të lirohet sa më parë ky humanist i madh, hoxhë Mazllam Mazllami.

Në videon më poshtë mund të shihni disa sekuenca nga aktivitetet bamirëse të hoxhë Mazllam Mazllami.

[youtube height="400" width="100%" align="none"]https://www.youtube.com/watch?v=FitT5oql9jM[/youtube]

Qëllimi i konsultimeve që do të bëjë presidentja e vendit Atifete Jahjaga me liderët e partive politike është që të gjendet formula e një qeveri të përkohshme nga një koalicion mes PDK-LDK dhe AAK.

Burime të indeksonline kanë bërë të ditur se udhëheqësi i kësaj qeveria që do të përgatiste vendin për zgjedhje pas një viti nuk do të jetë në nivelin e asnjërit prej liderëve të partive politike.

“Po bëhet përpjekje që të gjendet një kryeministër dhe ministra konsensual”, i ka thënë portalit në kushte anonimiteti një zyrtar i lartë.

Mediat kanë raportuar se në rast të mungesës së vullnetit nga partitë politike atëherë presidentja Jahjaga do të kërkojë nga Gjykata Kushtetues të drejtën juridike për t`i shpallur zgjedhjet e jashtëzakonshme, e drejtë e cila pritet që t`i bind partitë për formulën e përkohshme.

Indeksonline ka mësuar edhe disa nga emrat që po shqyrtohen për kryeministër.

Asaj i prinë nënkryetari i AAK-së Blerim Shala. Kandidatura e Shalës po konsiderohet për shkak të marrëdhënieve të mira që Shala ka me Brukselin dhe Uashingtonin por edhe për shkak se lideri i AAK-së Ramush Haradinaj nuk do të mund ta refuzonte këtë kandidaturë.

Në AAK po përmendet edhe Avni Arifi për shkak të afërsisë së tij me liderin Ramush Haradinaj por edhe për shkak të performacnës së tij në kohën e plotësimit të standardeve.

Megjithatë, burimet kanë shpjeguar se të qenit partia më e vogël, nuk po i krijon shumë mundësi AAK-së që ta ketë kryeministrin.

Në radhët e PDK-së po shqyrtohet kandidatura e nënkryetarit Enver Hoxhaj për shkak të marrëdhënieve të mira me disa nga shtetet mike të Kosovës.

Çuditërisht, nga PDK-së, kandidate serioze është edhe zëvendëskryeministrja aktuale Edita Tahiri.

Tahiri ka mbështetje të madhe ndërkombëtare për ta udhëhequr qeverinë e përkohshme për shkak të konstruktivitetit të saj në dialogun Kosovë- Serbi.

Nga LDK-ja, kandidaturë serioze është nënkryetarja e kësaj partie Teuta Sahatqija. Ajo po vlerësohet seriozisht për shkak të pranueshmërisë që ka tek mbështetësit ndërkombëtarë por edhe tek shoqëria civile.

Vjosa Osmani, deputetja më e votuar e LDK-së është kandidatura tjetër serioze për ta udhëhequr qeverinë.

Burime të Indeksonline kanë bërë të ditur se në rast të mungesës së pajtimit për kandidatura politike atëherë qeveria e ardhshme do të jetë me emra që nuk janë pjesë e partive politike.

Në rast të një zhvillimi të tillë, atëherë gazetari Baton Haxhiu, del të jetë kandidatura serioze për shkak të afërsisë dhe raporteve korrekte që ka me të tre subjektet politike që do ta bëjnë qeverinë e përkohshme.

Ambasadori i Kosovës në SHBA Akan ismajli është kandidatura tjetër. Po ashtu emër i fuqishëm që po qarkullon është edhe ai i Dastid Pallaskës, njëri i afërt me ndërkombëtarët dhe njohës i shkëlqyeshëm i marrëdhënieve ndërkombëtarë dhe të ligjeve.

Një emër që është përmendur kohëve të fundit është ai i Shefki Abdullahut, ish komandantit të UÇK-së, kandidat për deputet nga radhët e AKR-së.

Shefi i zyrës ndërlidhëse të Kosovës në Beograd, Ambasadori Valdet Sadiku ka qenë një nga përkrahësit e marshit për të drejtat e komunitetit LGBT që u mbajt sot në Beograd, raporton Indeksonline duke u mbështetur në fotografitë e shpërndara 'online'.

Në mesin e shumë fotografive që mediat serbe i kanë publikuar, shihet edhe Sadiku i cili zyrtarisht e ka titullin Ambasador, ndonëse nuk udhëheqë një ambasadë.

Në marshin e sotëm në Beograd, i mbajtur nën masa të rrepta sigurie, ka pasur pjesëmarrës një mori diplomatësh të huaj dhe politikanë të njohur serbë, transmeton indeksonline.

Në mesin e atyre që kanë përkrahur të drejtat e komunitetit LGBT në kryeqytetin serb ka qenë edhe ambasadori amerikan, Michael Kirby.

Aty ishte edhe shefi i delegacionit të BE-së në Serbi, Michael Davenport, kryetari i Beogradit, Sinisha Mali, udhëheqësi i partisë liberale serbe, Çedomir Jovanoviq etj.

Pilotja arabe, e cila ka krijuar imazh në shtetet arabe, duke bombarduar forcat e ISIS-it, është “leçitur” nga familja e saj për shkak se ka bombarduar “heronjtë sunitë të shtetit të Irakut dhe Levantit”.

Merjem El-Mensuri është njëra prej femrave që piloton F16 dhe është duartrokitur nga forcat perëndimore për luftën e saj kundër ISIS-it.

Por në një deklaratë të familjes së saj, që jeton në Emiratet e Bashkuara Arabe, ajo tashmë konsiderohet e leçitur.

Sulmet ajrore kanë filluar për të “ndaluar agresionin brutal që janë duke e bërë ISIS-i në Siri dhe Irak”.

Pilotja femër arabe, misioni i së cilës kundër ISIS-it ishte dyfish më i rëndë për “forcat tokësore të tyre” raportohet se nuk është pritur aspak mirë nga familja e saj, të cilët e kanë “leçitur” atë.

Merjem El-Mensuri udhëheq bashkë me koalicionin kampanjën e sulmeve ajrore të perëndimit kundër ISIS-it, por një deklaratë anonime thotë se familja e saj e ka “leçitur” atë, për shkak se ajo po merr pjesë “në agresionin brutal ndërkombëtar” kundër Sirisë.

Në këtë deklaratë po ashtu shprehet mbështetja për shtetin Islamik, ku thuhet se “ne jemi krenarë për heronjtë tonë Sunitë në Irak dhe Levant”. Grupi brutal terrorist tashmë e gëzon këtë nofkë dhe quhet Shteti Islamik i Irakut dhe Levanit ose me shkurtesën ISIL.

Në deklaratë po ashtu shprehet mbështetje për revolucionin sirian, ndërkaq atë e ka transmetuar për media agjencia e lajmeve palestineze Wattan.

“Ne, familja Mensuri dhe Emiratet e Bashkuara Arabe (EBA) këtu deklarohemi publikisht që ne e leçisim të ashtuquajturën Merjem El-Mensuri si dhe të gjithë ata që po i bashkohen agresionit brutal ndërkombëtar kundër vëllezërve tanë sirianë dhe këtu fillojmë me leçitjen e vajzës sonë Merjem El-Mensuri.

“Ne kërkojmë nga vendasit tanë që të mos na djegin pasi që dihen konsekuencat e aksioneve te të ashtuquajturës Merjem El-Mensuri”, thuhet në deklaratë.

“Ne kemi bërë thirrje të gjithë fraksioneve... në fushat e betejës në Siri që të bashkohemi në përpjekjet tona të përbashkëta drejt një objektivi të vetëm, luftën kundër regjimit monstruoz të Esedit.

“Familja jonë është krenare për të gjithë njerëzit e lirë të cilët mbrojnë kauzat e tyre dhe të gjithë ata të cilët kanë marrë armët për të mbrojtur nderin dhe kombin e tyre (kombin islamik). Ne jemi krenarë me heronjtë tonë sunitë në Irak dhe Levant dhe të gjithë ata që vihen në ballë të të drejtave tona”, vazhdon tutje deklarata.

Ende nuk është e qartë se qëndrimet që shprehen në deklaratë paraqesin tërë familjen apo vetëm një pjesë të saj.

Fisi Mensuri ka disa anëtarë me ndikim në EBA, përfshirë edhe një ministër të ekonomisë në Emiratet e Bashkuara Arabe, e që është njëra prej familjeve më të mëdha – e dyta më e madhe në Ebu Dhabi, kryeqytetin e Emirateve të Bashkuara Arabe, kështu që ende nuk dihet se deklarata është bërë nga ndonjë grup që i takon familjes apo nga i tërë fisi.

Deklarata po konsiderohet anonime dhe më shumë thuhet se është bërë me qëllim frikësimi të qeverisë së EBA-së, e cila mund të ndryshojë qëndrim karshi frontit të përbashkët të perëndimit në luftë kundër ISIL-it./telegrafi/

Sulmet e amerikane ajrore në veriperëndim të Sirisë, vranë të paktën shtatë civilë, njoftoi organizata Human Rights Watch (HRW), duke shprehur keqardhje dhe duke bërë thirrje për një hetim mbi shkeljet e mundshme të ligjit të luftës.

Pas lajmit për humbjen e civilëve nga sulmet ajrore të koalicionit ndërkombëtar të udhëhequr nga Shtetet e Bashkuara në Siri ndaj IS, një zëdhënës i Pentagonit, admirali John Kirby, tha të enjten se ushtria amerikane "nuk ka informata të besueshme nga burime operative" rreth vdekjes së civilëve, transmeton Telegrafi.

Por Human Rights Watch, një organizatë jo-qeveritare e të drejtave të njeriut me bazë në Nju Jork, tha se të paktën dy burra, dy gra dhe pesë fëmijë u vranë në një sulm me raketa të martën në mëngjes.

Imami i arrestuar i Xhamisë së Madhe të Prishtinës, Shefqet Krasniqi, ka qenë shoqërues për disa ditë i ish deputetit, Gani Gecin në qelinë e tij. Mirëpo, sipas burimeve të gazetës Tribuna, Gecit i kanë penguar ritet fetare të Imamit Shefqet Krasniqi.

Ky i fundit ka qëndruar së bashku me Gani Gecin katër ditë në një dhomë të përbashkët dhe pastaj ata janë ndarë.

Sipas këtyre burimeve, Gani Geci ka kërkuar që të zhvendoset në një dhomë tjetër me arsyetimin se Imami Shefqet Krasniqi po zgjohet herët për ti kryer ritet fetare dhe në këtë mënyrë Geci po e ka të pamundur të vazhdoj fjetjen.

Ndryshe këta të dy po qëndrojnë në paraburgim, njëri për shpëlarje parash e tjetri për vrasjen e një personi. /Tribuna/

Në Kosovë kanë filluar të përdoren disa droga të reja kimike shumë të rrezikshme për shëndetin e njeriut. Përbërja e tyre variron nga substancat e përdorura në industri e deri te materialet për mirëmbajtje sanitare.

Rreth 1,200 persona në Kosovë janë përdorues të substancës narkotike të llojit heroinë, që njihet si njëra nga drogat më të dëmshme.

Drejtues të qendrës mediko-psikoterapeutike "Labyrinth" thonë se nuk ka rritje të përdorimit të kësaj droge.

Për udhëheqësin e kësaj qendre Safet Blakaj shqetësuese është futja në treg e llojeve të reja të drogave kimike që krijohen nga substancat të cilat përdoren në industri si dhe materiale për mirëmbajtje sanitare.

Në Evropë tashmë ekzistojnë 300 lloje të drogave kimike e disa prej tyre përdorën edhe në Kosovë tash e dy vjet, të cilat sipas Blakajt po përhapen shumë shpejt.

Këto lloje të drogave kimike janë substanca GHB e cila është akronim i formulës (Gama Hidor Galbulin) e që përmban elemente kimike siç janë zbardhuesit dhe pastruesit e ndryshëm të automjeteve.

Çmimi i këtyre drogave të reja është edhe më i lirë se sa marihuana.

Zyrtarë të Policisë së Kosovës thonë se kanë informacione për llojet e reja të drogës që përdorën në Kosovës, mirëpo deri më tani nuk kanë trajtuar asnjë rast./RTK/

As gjysma e xhematit të xhamisë “Isa Beg” në Mitrovicë nuk ka arritur të premten t’ia japë dorën hoxhës Enis Rama. Rreth pesë mijë besimtarë janë lidhur në namaz prapa tij, shkruan sot Koha Ditore.

“Na ke shqetësu, hoxhë. Kam kajtë, vallahi”, i thotë njëri prej tyre, pasi e puth në ballë hoxhën që një ditë më parë u lirua nga paraburgimi ku kishte qëndruar një javë. Është dashur të presë në radhë për ta përqafuar hoxhën që ka munguar nga e marta e javës së kaluar, kur u arrestua me 11 imamë tjerë të dyshuar për vepra që lidhen me terrorizmin.

“Allahu të shpërbleftë!” i thotë besimtari tjetër mjekërgjatë teksa e merr ngryk.

“Mirë se na ke ardhë!” pason besimtari tjetër për t’u larguar nga xhamia.

“Prit ta shohim pak Enisin kur të del”, insiston një i ri që sapo kishte falë namazin jashtë xhamisë, ani se tashmë gjysmë ore kishte kaluar nga falja e namazit.

Takimi me hoxhën ka ndodhur pas vendimit të Gjykatës Themelore të Prishtinës për lirimin e Ramës dhe kolegut të tij, Ekrem Avdiu.

[gallery width="200" height="100" columns="3"]
[gallery_item title="Foto 1" src="/images/1foto/01lajme/er-is-ii.jpg"]Foto 1[/gallery_item]
[gallery_item title="Foto 2" src="/images/1foto/01lajme/er-is-iii.jpg"]Foto 2[/gallery_item]
[/gallery]

Deputeti i Partisë së Drejtësisë Gëzim Kelmendi ka thënë se nuk do të largohet nga partia, pavarësisht se ai ka vendosur të mos mbështes koalicionin me PDK-në.

Sot vonë kryesia e Partisë së Drejtësisë ka mbajtur një mbledhje ku ndër të tjera është diskutuar edhe vendimi i deputetit të kësaj partie, Gëzim Kelmendi që të mos mbështesë koalicionin me PDK-në.

Kelmendi ka thënë se në kryesi ka që e mbështesin qëndrimin e tij por ka edhe nga ata që e kundërshtojnë. Ai ka thënë se nuk do të largohet nga partia, por i mbetet kryesisë nëse do ta përjashtojë, pavarësisht se ai mendon se vendimi i tij nuk është në kundërshtim me parimet e PD-së.

Kelmendi ka vendosur që votën e tij në Kuvendin e Kosovës mos të e jap për koalicionin me PDK-në, shkaku se sipas tij, kjo parti nuk e ka përmbushur premtimin për të lejuar përdorimin e shamive në arsimin parauniversitar.

Hoxha nga Mitrovica dhe njëherazi ish-komandanti i UÇK-së, Ekrem Avdiu sot në orët e paraditës i ka dhënë një inervistë Radio Pendimit, duke thënë se gjatë gjithë kohës është ndierë shumë komod, së pari me Zotin, pastaj edhe me individët tjerë.

I pyetur nga Radio Pendimi se a është njollosur imazhi i hoxhallarëve pas arrestimeve të fundit, hoxha u përgjigj duke thënë: "Kam përshtypjen se më shumë është njollosur imazhi i drejtësisë dhe i shtetit se sa imazhi i hoxhallarëve, të cilët janë plotësisht të pafajshëm.

Gjithashtu Ekrem Avdiu tha se gëzimi i tij dhe i familjes së tij nuk është i plotë derisa të lirohen edhe hoxhallarët tjerë.

Për më shumë shikojeni videon:

[youtube height="400" width="100%" align="none"]https://www.youtube.com/watch?v=cp_YXKozAU0[/youtube]

Imami i Mitrovicës, Enis Rama, pas lirimit nga arresti me dyshime për nxitje të urrejtjes dhe për shkuarje të kosovarëve në Siri, luftën në këtë vend e ka quajtur të pakuptimtë, ndërsa ka bërë thirrje që askush të mos shkojë atje.

Ai pas faljes Xhumase në Mitrovicë i tha Koha.net se është plotësisht i pafajshëm për dyshimet që i ngarkoheshin. Ai tha se gjatë kohës sa ka qëndruar në paraburgim prokurori ka verifikuar dhe ka vërtetuar se nuk qëndrojnë dyshimet se ai ka bërë thirrje që të rinj nga Kosova t’u bashkohen luftës në Siri. Luftën në Siri ai e ka quajtur të pakuptimtë dhe u ka bërë thirrje të rinjve nga Kosova që të mos shkojnë atje.

“Unë jam deklaruar disa here për këtë çështje dhe asnjëherë nuk kam bërë thirrje për të shkuar kushdo në Siri. Unë pres që gjithçka të sqarohet sa më shpejt”, është shprehur imam Enis Rama.
Imamët Enis Rama e Ekrem Avdiu kanë dalë të enjten pasdite nga Burgu i Dubravës, ku kanë qëndruar një javë.

Lirimin e tyre e ka propozuar vetë prokurori special, Haki Geci, i cili i kishte arrestuar vetë nën dyshimin se me ligjëratat e tyre, imamët kanë frymëzuar shkuarjen e kosovarëve në Siri dhe bashkimin me organizatat terroriste ISIS dhe “Al-Nusra”.

Imamët kishin mohuar se kanë bërë ndonjëherë thirrje të tilla. Prokuroria është arsyetuar se kanë pushuar shkaqet që të dyshuarit të mbahen në paraburgim edhe më tej, pa sqaruar më shumë.

Zëdhënësi i Prokurorisë së Shtetit, Astrit Kolaj, ka thënë për “Kohën Ditore” se prokurori i rastit pas paraburgimit të të dyshuarve tyre ka vazhduar me punën për mbledhjen e provave, ndërsa ka ardhur në përfundim se nuk ekzistojnë arsye që ata edhe më tutje të qëndrojnë në paraburgim.

“Procedurat e mbledhjes së provave dhe hetimet do të vazhdojnë edhe më tutje”, ka thënë ai.

Ndërkohë, të arrestuarit e tjerë Shefqet Krasniqi, Enes Goga, Mazllam Mazllami, Bedri Robaj, Idriz Bilibani, Fuad Ramiqi, Alban Malsiu, Dardan Gjuka, Eroll Nesimi, Leonard Ruli, Sabahudin Selimi dhe Trim Ademi vazhdojnë të mbahen në paraburgim.

Gjykata e Apelit ka vendosur ta rishqyrtojë caktimin e masës së paraburgimit ndaj të pandehurit Shefqet Krasniqi. Imami megjithatë do të mbetet në paraburgim deri në një vendim të ri.

Një kolegj penal i Departamentit të Krimeve të Rënda i Gjykatës së Apelit, ka aprovuar ankesën e mbrojtësit të të pandehurit Sh. Krasniqi, lidhur më aktvendimin PPR.KR.453/2014, të datës 19.09.2014, nxjerrë nga ana e Gjykatës Themelore në Prishtinë, sipas të cilit këtij të fundit i është caktuar masa e paraburgimit prej 1 muaji.

“Gjykata e Apelit ka vendosur që ky aktvendim të anulohet dhe çështja t’i kthehet Gjykatës Themelore në fjalë për rivendosje. I pandehuri po ashtu do të mbetet në paraburgim deri në marrjen e vendimit të ri”, njofton Zyra për Informim e Gjykatës së Apelit.

Sh. Krasniqi dyshohet se ka kryer veprat penale : Shpëlarje e parave nga neni 32 par.2,nënparagrafi 2.5 dhe 2.6 të Ligjit mbi parandalimin e shpëlarjes së parave dhe financimit të terrorizmit; Shtytje për kryerjen e veprave terroriste nga neni 141 i Kodit penal të Kosovës dhe Nxitje e urrejtjes, përçarjes ose mosdurimit kombëtarë, racorë, fetarë apo etnik, neni 174 i këtij kodi.

“Kolegji, pas shqyrtimit të shkresave të çështjes dhe ankesës së mbrojtësit të të pandehurit Krasniqi, vlerësoi se aktvendimi i atakuar duhet anuluar dhe kthyer për rivendosje për shkak se i njëjti përfshinë shkelje esenciale të dispozitave 187 të KPK-së. Kjo ngase gjykata e shkallës së parë në arsyetimin e aktvendimit të atakuar nuk ka dhënë fare arsyet e duhura dhe vendimtare mbi dyshimin e bazuar se i pandehuri ka kryer veprat penale për të cilat është duke u hetuar”, përfundohet në njoftim. /Telegrafi/

Vetëm gjatë vitit të kaluar, në mbarë botën, kanë humbur jetën 6,3 milion fëmijë të moshës nën pesë vjet, ka deklaruar në fjalimin e tij në sesionin e 69-të punimeve të Asamblesë së Përgjithshme të Kombeve të Bashkuara Presidenti turk Rexhep Tajip Erdoan (Recep Tayyip Erdoğan).

Siç tha ai, gjatë luftës në Siri, janë vrarë 17,000 fëmijë, janë plagosur 375.000 të tjerë, ndërsa 19.000 janë gjymtuar. Me këtë rast Erdoani deklaroi se: "Në botën ku vdesin fëmijët askush nuk mund të ndjehet i sigurt dhe askush nuk mund të jetojë në paqe dhe begati të qëndrueshme".

Duke folur për sulmet izraelite në Gaza, Erdoan tha se vetëm në Rripin e Gazës janë vrarë 490 fëmijë, ndërsa 3.000 janë plagosur.

"Janë të pamëshirshme vrasjet para kamerave, para syve të gjithë botës, përderisa lozin në bregdet, vrapojnë nëpër parqet, shkollat, fshihen në xhamitë, në krahët e nënave të tyre, ku ndjehen më të sigurt. Me çudi të madhe ndjekim se si përdorën etiketa të caktuara për 'heshtjen' e atyre që duan të tërheqin vëmendjen e botës për vrasjet e fëmijëve, grave dhe personave me nevoja të veçanta në Palestinë", ka deklaruar presidenti Turk Erdoan.

Duke folur për ngjarjet në Lindjen e Mesme, Erdoan tha: "Ata që kundërshtojnë vrasjet që po ndodhin në Irak dhe Siri, ata që e kundërshtojnë vrasjen e demokracisë në Egjipt, janë gjithashtu subjekt i disa akuzave të padrejta dhe të pabazuara dhe po ashtu akuzohen për mbështetjen e terrorizmit"./trt/

Analisti, Shpend Kursani duke komentuar lirimin e imamëve, Enis Rama dhe Ekrem Avdiu, përmes një postimi në Facebook, ka thënë se komuniteti islam në Kosovë duhet ta fal shtetin e pamend, siç e ka quajtur ai.

Sipas tij, ajo çka e bën komunitetin islam në Kosovë të irritohet edhe me shume me shtetin, “është fakti që këta nuk dolën të pafajshëm nga gjykimi i gjyqtarit për mungesë të provave, por nga gjykimi i vetë prokurorit se nuk kishte prova, që fillimisht të arrestohen këta”.

Ai tha se këta dy imamë kanë folur më shumë sesa Hashim Thaçi dhe ministrat e tjerë kundër shkuarjes së qytetarëve të Kosovës në luftën e Sirisë.

Lexojeni të plotë postimin e Kursanit në facebook:

“Qitu osht puna de. Sidomos me keta dy hoxhallare qe kane fol ma shume se Hashim Thaci, Enver Hoxhaj, Bajram Rexhepi, Tracey Ann Jacobson, e krejt keta me i bo bashke, kunder perfshierjes se qytetareve te Kosoves ne Siri.

E cka e bene komunitetin islam ne Kosove te irritohet edhe me shume me shtetin eshte fakti qe keta nuk dolen te pafajshem nga gjykimi i gjyqtarit per mungese te provave, por nga gjykimi i vete prokurorit se nuk kishte prova qe fillimisht te arrestohen keta. Tmerr.

Beje thirrje komunitetin islam ne Kosove qe ta falin kete shtet pa mend, ta falin kesaj radhe duke u lutur qe t'i shtohen me shume mend ketij shteti, e ku lutja duhet te perfundoje eshte aty ku duhet filluar kundershtimi i pushtetit kriminal jo per qellime fetare por per qellime te parimeve te pergjithshme per me shume drejtesi ne kete vend per te gjitha komunitetet dhe shtresat. Vetem duke luftuar kunder pushtetit qe ka kapur shtetin, ky i fundit merr me shume mend” (sic), ka shkruar Kursani në Facebook.

(I plotësuar) Kryetari i Partisë së Drejtësisë (PD), Ferid Agani, ka hedhur poshtë raportimet se ka thirrur mbledhje për shkarkim të Gëzim Kelmendit. Agani për lajmi.net ka thënë se në mbledhje do të diskutohet vetëm për vendimin e Kelmendit për tu larguar nga GP i kryesuar nga PDK-ja.

Kryetari i Partisë së Drejtësisë (PD), Ferid Agani, ka mohuar raportimet në media se ka thirrur një mbledhje të Kryesisë së Partisë për ditën e nesërme, ku do të merrej vendim për shkarkimin nga partia të deputetit Gëzim Kelmendi i cili është shprehur se nuk do ta votojë kandidatin e PDK-së, për kryetar Kuvendi.

Agani në një prononcim për lajmi.net ka thënë se kjo është e pa vërtet. Ai ka sqaruar se nesër do të ketë mbledhje për të diskutuar për vendimin e Gëzim Kelmendit, por jo për ta shkarkuar atë.

“Absolutisht e pavërtetë. Nuk bëhet fjalë për kurrfarë kërkese për shkarkim, por për diskutim për vendimin e deputetit Kelmendi, për tu larguar nga Grupi Parlamentar i koalicionit të Misionit të Ri”, ka thënë Agani për lajmi.net.

Gëzim Kelmendi, i cili është edhe nënkryetar i PD-së, tashmë ka marrë vendim që të mos e votojë kandidatin e PDK-së, për kryetar të Kuvendit, duke u thirrur në atë se kjo parti nuk ka respektuar marrëveshjen për koalicion parazgjedhor mes PDK-së dhe PD-së, që të hiqet udhëzimi administrativ që ndalon mbulesën e vajzave në shkollat publike të Kosovës.

Kelmendi po ashtu ka marrë vendim që të mos jetë as pjesë e Grupit Parlamentar që e udhëheq PDK.

Agani thërret Kryesinë e PD-së për ta shkarkuar Kelmendin?

Mësohet se kryetari i Partisë së Drejtësisë, Ferid Agani, ka thirrur një mbledhje të Kryesisë së PD-së për nesër në ora 17:00, ku temë do të jetë shkarkimi i deputetit Gëzim Kelmendi nga detyra e nënkryetarit të partisë.

“Nesër në mbledhje të Kryesisë do të diskutohen qëndrimet e deputetit Gëzim Kelmendi, i cili është shprehur publikisht se nuk do ta votoj kryeparlamentarin e propozuar nga PDK-ja dhe javën e kaluar është tërhequr nga Grupi Parlametar i PDK-së. Ne nuk jemi krejt dakord me vendimin e tij për mos votimin e kandidatit për kryetar të Kuvendit të propozuar nga PDK-ja. Mirëpo, jemi kategorikisht kundër që një deputet të shkarkohet dhe largohet nga PD-ja për shkak të raportit të tij ndaj një partie tjetër, në këtë rast PDK-së, sepse në fund të fundit PDK-ja e ka shkelur premtimin për ndryshimin e Udhëzimit Administrativ që ndalon vajzat me mbulesë të vijojnë mësimin”, tha një zyrtar i lartë i PD-së për Veriu.info.

Ai thotë se deputeti Gëzim Kelmendi, i cili njëherësh është edhe nënkryetar i PD-së, ka mbështetje të fuqishme të strukturave të PD-së, përfshirë edhe disa prej nënkryetarëve të partisë dhe një pjesë të Kryesisë.

“Nëse kalon propozimi i kryetarit Ferid Agani në mbledhjen e nesërme të Kryesisë, atëherë kjo çështje do t’i kaloj Këshillit Drejtues të partisë për ta vendosur”, thotë zyrtari i lartë i PD-së për Veriu.info.

Burimet të Veriu.info bëjnë të ditur se ky veprim i Ferid Aganit, është një lloj mase paraprake e tij, në mënyrë që deputeti Gëzim Kelmendi të mos mundet ose t’i vështirësohet shumë mundësia për t’i bërë konkurrencë në garën për kryetar të PD-së, në zgjedhjet e brendshme partiake të cilat pritet të zhvillohen pas disa muajsh. /Veriu.info/

Sot në orët e para të  mëngjesit nga Aeroporti Ndërkombëtar "Ademi Jashari", ka udhëtuar për në Mekë të Arabisë Saudite grupi i  besimtarët të parë kosovarë, të cilët gjatë ditëve në vijim do e kryejnë  Haxhin. Bashkë me besimtarët tanë ka udhëtuar edhe Myftiu i Kosovës, Naim ef. Tërnava.

Për t'i përcjellë besimtarët tanë, në Aeroport kishin dalë familjarë, miq, përfaqësues të Këshillave të BI Islame dhe përfaqësues të Kryesisë së BIK.

Besimtarët tanë tashmë veç kanë arritur dhe janë akomoduar në Mekë.

Sivjet  Haxhin pritet ta kryejnë 865 besimtarë kosovarë. Kryesia e BIK si çdo herë ka bërë përgatitjet e duhura.  Me haxhinjtë tanë në vendet e shenjte do të jenë edhe 37 udhëheqës, si dhe ekipi mjekësorë që do të kujdeset për gjendjen shëndetësore të haxhilerëve.

Shkuarja e besimtarëve tanë për në Mekë do të vazhdoj edhe nesër  e pasnesër kur pritet  të udhëtoj edhe grupi i fundit mi besimtarëve nga Kosova./bislame/

Me kërkesë të prokurorit të rastit Haki Gecaj, është marrë vendimi për lirimin e dy imamëve nga Mitrovica Enis Rama dhe Ekrem Avdiu.

Mbrojtësi i Enis Ramës, avokati Mahmut Halimi ka konfirmuar për “Zëri” lirimin e dy hoxhallarëve ndërsa thotë se është rast i rrallë kur pasi që vendoset për paraburgimin vet prokuroi i rastit kërkon lirimin e personave.

Ndërkohë Gjykata e Apelit ende nuk e ka marrë vendimin për hoxhallarët e tjerë të cilët janë arrestuar javën e kaluar nën dyshimin se kanë kryer vepra penale që janë në kundërshtim me rendin kushtetuese të Kosovës.

Një seri e reklamave fyese kundër fesë Islame, këtë javë do të vendosen në 100 stacione të autobusëve dhe në dy metrotë e Manhattan-it të Nju-Jorkut.

Fushata, e cila kushtoi më se 100 mijë dollarë është paguar nga aktivistja dhe blogerja, Pamela Geller, e cili ka një kohë të gjatë që udhëheq një kampanjë kundër "anti-semitizmit arab", transmeton Telegrafi.

Në tre reklama thuhet se Islami është një fe me plotë urrejtje, ku në njërën prej tyre shihet, Adolf Hitler, duke biseduar me ish-udhëheqësin palestinez, Mohammed Amin al-Husseini.

Bordi i Drejtorëve të metrosë në Nju Jork nuk ka pranuar që të publikohen këto reklama, por pasanikja, Geller çështjen e ka dërguar në gjykatë, e cila vendosi që kjo formë e reklamës paraqet "fjalën e lirë", për të cilën ajo ka të drejtë.

Geller edhe më parë ka paraqitur reklama, në të cilat, armiqtë e Izraelit i quante "egërsira". /Telegrafi/

Hoxha nga Prizreni, Mazllam Mazllami, i cili po akuzohet për nxitje të urrejtjes ndërfetare, në YouTube, ka një video të publikuar në vitin 2012, ku dëshmohet e kundërta.

Ai në këtë video tregon se si gjatë një aktiviteti që kishte në vitin 2009 në Lihtenshtajn dhe Lugano të Zvicrës, kishte vizituar dy priftërinjtë të cilëve edhe u kishte ndarë dhurata. “Kur dëgjova që prifti në Lihtenshtajn ua kishte lëshuar sallën e kishës për faljen e Bajramit, vëllazënive mysliman vendosa me ia dërguar një dhuratë modeste, Kosovën në kristal të Trepçës”, thotë hoxhë Mazllami ndër të tjera në këtë video./Zëri/

Për më shumë shikojeni linkun:

[youtube height="400" width="100%" align="none"]http://www.youtube.com/watch?v=7tFbu7PLNno[/youtube]

Deputeti i Partisë së Drejtësisë, Gëzim Kelmendi i është kundërpërgjigjur kryetarit të tij, Ferid Agani, i cili ka thënë se vendimi për votën kundër kandidatit për kryetar të PDK-së duhet të shqyrtohet në organet e partisë.

Kelmendi në një intervistë për Indeksonline ka thënë se, kryesia e PD-së ka shkelë vendimin e saj duke mos u tërhequr nga koalicioni, pasi që, sipas tij, Partia Demokratike e Kosovës nuk e mbajti fjalën për çështjen e shamive.

“Fillimisht mendoj se kryesia e PD-së e ka shkelë një vendim duke vazhduar koalicionin me PDK-në, ngase vendimi paraprak i kryesisë së PD-së ka qenë që të hyhet në koalicion me PDK-në me kusht që të ndryshohet udhëzimi administrativ. Kjo ka qenë marrëveshje parazgjedhore dhe ajo nuk ka ndodhë gjatë fushatës, në parim ka ndodhë, por ne jemi lajthitë që është nënshkruar ai udhëzim por nuk është fuqizuar”, ka thënë ai.

Deputeti Kelmendi më tej ka thënë se, nëse partia të cilën e udhëheq Ferid Agani merr ndonjë vendim kundër tij, atëherë mund të vlerësohet se po vepron kundër vetvetes.

“Pasi që kemi hy në koalicion ka vazhduar fushata, ka ardhur deri të konstituimi i Kuvendit, nuk ka pas ndryshime konkrete dhe në këtë rast në vend që Kryesia e Partisë së Drejtësisë ta shqyrtojë partneritetin me PDK-në, konkretisht ta këpus bashkëpunimin me PDK-në. Pra, nëse merr vendim kundër meje, unë mendoj se atëherë po vepron kundër vetvetes. Në parim e shkel vendimin e vet para se të veproj diçka kundër meje”, ka theksuar ai.

Por, deputeti Kelmendi nuk i ka mbet ‘hatri’ me PDK-në vetëm për çështjen e shamive, ai po ashtu është i brengosur edhe për arrestimin e imamëve të BIK-ut, të cilin e quan ‘arrestim politik’.

“Ndër arsyeja pse jam larguar nga Grupi Parlamentar i PDK-së ka qenë edhe arrestimi i imamëve, të cilën unë e kam quajtur politik”, ka thënë në fund Kelmendi. /Indeksonline/

Presidenti turk Rexhep Tajip Erdoan (Recep Tayyip Erdoğan) ka deklaruar se kritikat ndaj krimeve të Izraelit, të cilat shkelin të drejtat e njeriut dhe të cilat nuk e respektojnë jetën e njeriut nuk paraqesin antisemitizëm.

Erdoani gjatë fjalimit në organizatën Think-tank, Këshilli për Marrëdhënie të Jashtme (CFR) ka folur për ngjarjet rajonale dhe globale.

Duke thënë se këtë vit është shënuar edhe 100-vjetori i Luftës së Parë Botërore, Erdoani ka deklaruar: "Turqia, apo shteti osman siç është quajtur 100 vite më parë, ishte shteti i cili më së shumti e ka ndjerë luftën. Në fillim të shekullit të XX-të, shteti osman shtrihej nga kufiri me Iranin në lindje, deri në Vjenë në Evropë, Tunizi dhe Algjeri në Afrikën e Veriut, Krimenë në veri, Jemen në jug dhe deri në Oqeanin Indian".

Erdoani ka deklaruar se arsyeja për të kujtuar historinë është kriza aktuale në rajonin e Lindjes së Mesme dhe Evropës Lindore. Çështja e Palestinës, çështja e Irakut dhe Sirisë, Krimeja, problemet në Ballkan, aktualisht, janë paraqitur me shpërbërjen e shtetit osman dhe rrënjët e problemeve janë të vjetra, 100 vite, ka deklaruar Presidenti i Republikës së Turqisë.

Lidhur me çështjen izraelito-palestineze, presidenti Turk ka thënë se nuk duhet të ngatërrohet populli i Izraelit me Qeverinë e këtij shteti.

"Me keqardhje mund të them se ka ndodhur disa herë që shteti im, bashkëpunëtorët e mi dhe unë personalisht jemi etiketuar si anti-semitistë. Turqia asnjëherë në historinë e saj nuk ka pasur qëndrim racist, asnjëherë nuk ka qenë anti-semitiste. Unë jam njëri nga kryeministrat e parë që anti-semitizmin e kam vlerësuar si një krim njerëzor. Përkundrazi, Turqia si dhe populli i saj gjithmonë kanë qenë në anën e të shtypurve, ka qenë shtet që i'a zgjati dorën edhe çifutëve", theksoi Presidenti Erdoan.

Ai gjithashtu tha se Perandoria Osmane gjatë shekullit të 15-të i ka hapur dyert e saj për çifutët që ishin dëbuar nga territori i Spanjës, ku ata për shekuj me radhë kanë vazhduar të jetojnë në paqe.

Në fund Presidenti Erdoan porosit se kritikat e tij "asnjëher nuk kanë qenë në llogari të popullit çifut, por vetëm dhe vetëm në llogari të qeverisjes izraelite dhe politikës së saj"./trt/

35 vjeçari maqedonas nga Ankona është në gjyq pasi që prifti italianë e ka akuzuar se në vitin 2005 e ka shantazhuar atë se do të zbulojë se kanë pasur marrëdhënie seksuale dhe i ka marr priftit 150 mijë euro, raporton gazeta “La Vocce di Romagna”, transmeton portal “Prvi.mk”.

Procesi gjyqësorë ka filluar javën e kaluar me mbrojtjen e Maqedonasit, ndërsa prifti do të tregojë storjen e tij pas dy muajve.

Sipas avokatit të priftit, për 93 mijë euro ekziston llogaria, ndërsa parat tjera janë dhënë në kesh.

Avokati i maqedonasit konsideron se deklaratat e priftit nuk janë të logjikshme, sepse siç thotë, nuk ekziston aq dashuri e madhe krishtere për të cilën do të paguheshin aq para.

Zëvendës kryeministri i Turqisë, Bulent Arinç, ka deklaruar për media se Qeveria turke ka hequr ndalimin e bartjes së shamive tradicionale myslimane në shkolla. Sipas tij, ndryshimet kanë të bëjnë me kodin e veshjes, ku femrat nuk do të jenë të detyruara që mos ta mbulojnë kokën, nëse ato dëshirojnë.

Këtë e ka përshëndetur edhe kryeministri turk, Ahmet Davutoglu, duke e quajtur si një përpjekje për demokratizim.

Për këtë vendim, laikët kanë akuzuar qeverinë se dëshiron të islamizojë këtë vend laik.

Prifti Ortodoks në një emision debat flet për mbulesën e gruas, si shpëtim të shoqërisë.

“Shumë shpesh themi, 'Shiko si janë bërë myslimanët, si janë të mbuluara, se çka duan të tregojnë!?'

Ata janë duke i shpëtuar vajzat e tyre, gratë e tyre. Në të vërtetë, një shoqëri varet nga gruaja e shëndoshë, nga një grua e dëlirë dhe nga një vajzë e moralshme”, thotë prifti në një emision-debat në Beograd, transmeton TetovaSot.

Ai më tej thotë se nuk e kupton se çka duan të tregojnë vajzat e krishtera në Beograd me lakuriqësinë e tyre.

“Shikoni të krishterat e reja, serbet në Beograd apo ato në Podgoricë apo edhe këtu, të shqyera, lakuriqe, të shpuara – nga vathët e shumta, me tatuazhe të shumta. Çka është kjo? Kjo është me një fjalë: ‘Afrohu, vendose dorën në mua (më prek) dhe më ço ku të duash”, shprehet prifti.

Në fund prifti ortodoks shprehet edhe për preferencat e tij si mashkull: “Unë jam mashkull, nuk jam engjëll, për mua më tërheqëse ka qenë ta shoh gruan e veshur me një fustan (që të paramendoje – imagjinojë se si duket) e jo ashtu”. /TetovaSot/

[youtube height="400" width="100%" align="none"]http://www.youtube.com/watch?v=Pqjo4yQjiiA[/youtube]

Departamenti i Mbrojtjes njoftoi se Shtetet e Bashkuara kanë filluar sulmet ajrore kundër Shtetit Islamik në Siri.

Zëdhënësi i Pentagonit, Jeff Pool i tha Zërit të Amerikës se në sulmet kundër militantëve në Siri janë angazhuar avionë luftarakë dhe anije të pajisura me raketa kruz.

Nuk është e qartë se cilat vende të tjera të koalicionit të udhëhequr nga SHBA-të janë angazhuar në këtë sulm.

Presidenti Barack Obama autorizoi sulmet ajrore brenda Sirisë, duke thënë se Shtetet e Bashkuara do të zgjerojnë luftën kundër ekstremistëve të Shtetit Islamik kudo që ata janë.

Zëdhënësi i Pentagonit, nënkoloneli Jeff Pool i dha hollësi Zërit të Amerikës në lidhje me sulmet e reja amerikane kundër militantëve të Shtetit Islamik.

"Unë mund të konfirmojë se ushtria amerikane dhe ushtritë e vendeve partnere po ndërmarrin veprime ushtarake kundër terroristëve të ISIL-it në Siri duke përdorur aeroplanë luftarakë dhe raketa Tomahok".

Nënkoloneli Pool nuk dha informacione të mëtejshme për shkak se operacionet kundër Shtetit Islamik në Siri janë duke vazhduar.

Mediat amerikane njoftojnë se pesë vende arabe, duke përfshirë Bahreinin, Katarin dhe Arabinë Saudite, morën pjesë në sulmet kundër militantëve në Siri.

Zyrtarët amerikanë e kanë paralajmëruar qeverinë siriane që të mos pengojë sulmet ajrore amerikane ndaj militantëve.

Shtetet e Bashkuara tashmë kanë goditur Shtetin Islamik në Irak, duke kryer 190 sulme ajrore kundër këtij grupi.

Këto sulme kanë ndihmuar ushtrinë e Irakut dhe forcat kurde të zbrapsin ekstremistët nga popullsitë e pambrojtura dhe infrastruktura qeveritare.

Më parë këtë muaj, presidenti Barack Obama u zotua se do t’i ndjekë militantët kudo që ata mund të jenë, duke përfshirë Sirinë./telegrafi/

Imami i xhamisë në lagjen “Jeni Mahalla” në Prizren, Mazllam Mazllami është shprehur i kënaqur me sjelljet që Policia e Kosovës ka treguar gjatë arrestimit të tij. “

“Gjatë arrestimit, Policia e Kosovës ka pasur sjellje shumë korrekte”, ka treguar për Mazllami.

Koordinatori i KMDLNJ-së në Prizren, Bashkim Kajdomçaj ka vizituar sot Qendrën e Paraburgimit në Prizren, ku po qëndrojnë të arrestuarit e fundit.

Kajdomçaj tregon se gjatë intervistës të paraburgosurit e fundit janë shprehur të kënaqur me trajtimin që kjo qendër po ua bënë.

“Disa nga të intervistuarit si: E.B.nga Mitrovica, I.R. nga Bresana Dragash, F.B.nga Hani i Elezit dhe hoxhë Mazllam Mazllami, imam në xhaminë ‘Jeni Mahalla’ në Prizren, i arrestuar më 17.09.2014 kanë folur për trajtimin korrektë të tyre gjatë qëndrimit në këtë institucion dhe s’kanë pasur asnjë vërejtje”, tregon Kajdomçaj. /PrizrenPress/

Konfliktet në zonat kufitare me Sirinë janë ende duke vazhduar, ndërkohë që brenda tri ditësh Turqia ka pranuar rreth 130.000 refugjatë.

Zëvendëskryeministri turk, Numan Kurtulmus ka deklaruar se në Turqi kanë hyrë edhe 30.000 refugjatë të tjerë dhe se numri i përgjithshëm i refugjatëve sirianë ka arritur në 130.000 persona.

Në Tel-Abjad, në rajonin kufitar Raka në veri të Sirisë, janë ende duke vazhduar përleshjet e ashpra mes ISID-it dhe Fronit të Armatosur Kurd (PYD), ndërkohë që varganë të tjerë të refugjatëve vazhdojnë të arrijnë në kufirin me Turqinë.

Një vargan i ri me refugjatë sirianë, në mesin e të cilëve janë edhe një numër i madh grash e fëmijësh, ka arritur në pikën kufitare Suruç të Shanllëurfës dhe pret të hyjë në Turqi.

Gjatë natës, një fëmijë dhe një i rritur janë plagosur nga shpërthimi i një mine këmbësorie. Të plagosurit janë transportuar menjëherë në një spital turk. Ndërkohë, forcat e rendit në Turqi kanë përforcuar masat e sigurisë.

Përleshjet me ISID-in në veri të Sirisë janë intensifikuar në tri ditët e fundit, ndërsa kreu i Departamentit për Menaxhimin e Fatkeqësive dhe Emergjencave (AFAD), Fuat Oktaj, dje ka deklaruar se numri i sirianëve në Turqi në dy ditët e fundit ka arritur në mbi 100.000./trt/

Lëvizja VV njofton se ditëve të fundit ka patur kërkime policore mbi aktivistët e saj lidhur me aksionet politike të realizuara tash vonë dhe një pjesë tjetër para më shumë se 5 vitesh.

`Në ditët e fundit në mënyrë shqetësuese është shtuar kontrolli dhe kërkimi policor mbi aktivistët Lëvizjes VETËVENDOSJE! Në të gjitha qendrat e Kosovës ka pasur kërkime për një numër aktivistësh, qoftë në zyrat e Lëvizjes, apo në shtëpitë e tyre. Kërkimet policore janë të lidhura me aksionet politike të Lëvizjes tonë të realizuara tash vonë dhe një pjesë tjetër para më shumë se 5 vitesh.

Kështu, aktivistëve: Nora Fetoshi , Etleva Malushaj , Marigone Drevinja, Albin Kurti, Dardan Molliqaj, Zgjim Hyseni, Frashër Krasniqi, Valdrin Ahmeti, Nol Nushi, u janë dërguar ftesa, apo janë marrë në telefon për t’u paraqitur në polici. Ndërsa aktivistja Brikena Ramabaja është kërkuar disa here në shtëpi dhe në zyrën e Lëvizjes VETËVENDOSJE! në Dardanë.

Si rezultat i gjithë kësaj `gjuetie` policore mbi aktivistët tanë sot u arrestua Kushtrim Dakaj, i cili ishte duke pirë kafe para zyrës qendrore të Lëvizjes VETËVENDOSJE! Ai u arrestua nga 3 policë, të cilët i priste makina me dy të tjerë, pa e sqaruar fare se po e arrestojnë dhe pse po e arrestojnë.

Këto veprime të policisë ne i konsiderojmë presion politik të Qeverisë në ikje mbi Lëvizjen VETËVENDOSJE! si formë e shantazhit, e kërcënimit dhe e hakmarrjes lidhur me zhvillimet e fundit politike në vend. Lëvizja VETËVENDOSJE! kërkon nga organet e rendit, Policia dhe Gjyqësia që të ndalojnë me kërkimet dhe arrestimet e aktivistëve të Lëvizjes VETËVENDOSJE! e të mos bëhen vegël e një pushteti skajshmërisht të korruptuar, i cili nuk zgjedh mjet për të mbetur në pushtet`, thuhet në komunikatën e VV-së.

Lajmin e raportuar në disa media, se njëmbëdhjetë policë të Njësisë Speciale kanë refuzuar urdhrin për të qenë pjesë e arrestimit të disa imamëve i kryer ditë më parë, e ka demantuar Policia e Kosovës.

Në një prononcim për lajmi.net, zëdhënësi i Policisë së Kosovës, Brahim Sadriu, ka thënë se ky lajm nuk është i vërtetë.

Ndërsa burime të lajmi.net, brenda policisë, bëjnë me dije se në aksionin e arrestimit të imamëve, në mesin e të cilëve ishte edhe hoxha i Xhamisë së Madhe në Prishtinë, Shefqet Krasniqi, nuk kanë qenë fare të përfshirë Njësia Speciale e Policisë së Kosovës.

Ky aksion sipas këtij burimi, është kryer nga policë të Njësisë së Reagimit të Shpejtë, që është njësit tjetër nga ai i Njësisë Speciale.

Lajmi të cilin e demanton policia, thotë se këta policë që refuzuan të bëhen pjesë e aksionit i pret ndëshkimi, që mund të shkoj edhe deri me burgim.

Por edhe kjo mohet nga policia, për faktin e thjeshtë se një refuzim i tillë as që ka ndodhur. /lajmi.net/

Sipas të dhënave nga policia e të dy vendeve mësohet se më shumë se 1500 kosovarë kanë ardhur në Tiranë për këtë vizitë historike.

Për këtë interest të veçantë të shqiptarëve të Kosovës, në konferencën për shtyp At Ferderico Lombardi u pyet nga TemaTv nëse Vatikani do të ketë një qëndrim të ndryshuar lidhur me njohjen e shtetit të Kosovës.

Drejtori i Zyrës së Shtypit në Vatikan iu shmang pyetjes, duke thënë se “Jemi në kuadër të një vizite fetare të Papës në Shqipëri dhe kjo vizitë nuk ka asnjë qëllim për të finalizuar rezultate diplomatike apo poltike”, – u shpreh At Lombardio lidhur me njohjen e shtetit të Kosovës.

Katolikët në Kosovë sipas statistikave zyrtare përbëjnë 2.2 përqind të popullsisë ndërsa 1.5 përqind e tyre janë besimatarë ortodoksë.

Ardhja për herë të parë e Papa Françeskut në Shqipëri është konsideruar si një ngjarje historike ndaj autoritetet më të larta shtetërore kanë bërë gjithçka që ajo të trajtohet si e tillë.

Qeveria ngriti një komitet të posaçëm dhe ndezi dritën jeshile për mbulimin financiar të të gjitha përgatitjeve që do të ndërmerreshin.

Aktualisht, ndryshimet, rikonstruksionet dhe çdo gje tjetër në funksion të mikpritjes së kreut te Vatikanit, i ka kushtuar buxhetit të shtetit rreth 2.6 milionë dollarë, raporton Vizion Plus.

Fatura financiare është pjese e fondit të kontigjencës së qeverisë, por edhe i buxhetit të Bashkisë së Tiranës.

Në këtë kosto janë përfshirë një sërë zërash, duke nisur nga restaurimi i plotë i sheshit Nënë Tereza, ndriçimi i zonës, pastrimi i fasadave të ndërtesave, prishja e një sërë godinash përreth tij, rregullimi i dekorit etj.

Por, pjesë e kostos së vizitës së Papa Françeskut është edhe rikonstruksioni i rrugës pranë shoqatës Betania, në fshatin Bubq të Fushë Krujës, aty ku përfaqësuesi më i lartë i Vatikanit do të zhvillojë një vizitë.

Punimet për të realizuar këto ndërhyrje kanë nisur që në 8 gusht dhe janë realizuar në një kohë rekord.

Gjatë predikimit (hytbës) të Xhumasë në qytetin Thun të Zvicrës, kryetari i Bashkësisë islame Qendrore në Zvicër (IZRS) Nicolas Blancho foli edhe për arrestimet e fundit në Kosovë. Ai foli edhe për imamin e Xhamisë së Madhe, Shefqet Krasniqi, të cilin e quajti bashkëpunëtor të ngushtë.

"Unë e njoh Dr. Shefqet Krasniqin personalisht prej vitesh dhe mund të them me sigurinë të madhe se akuzat kundër tij janë të pabaza. Përkundrazi, kam përshtypjen se aktualisht me valët spektakulare të arrestimeve në Kosovë po bëhen përpjekje që të mbulohet kaosi politik për formimin e qeverisë. Z. Krasniqi është imam i xhamisë kryesore në Prishtinë dhe po ashtu një figurë kryesore dhe me ndikim të madh në shoqërinë kosovare. Arrestimi i tij dhe personaliteteve tjera është një akt i ultë i cili duket se do të ketë një ndikim mjaft negativ të shumica e kosovarëve në lidhje me atë se si do ta perceptojnë ata shtetin e ri. Unë të kërkojë që ai të lirohet dhe të lihet i lirë menjëherë ", u shpreh Blancho.

Krasniqi erdhi në vitin 2011 në Konferencën Vjetore të IRZS në qytetin Biel si ligjërues mysafir. Që atëherë ai mirëpriti Nicolas Blancho disa herë në Kosovë ose takime janë mbajtur në raste të ndryshme në Zvicër apo edhe në konferenca të ndryshme jashtë vendit. Për më tepër, që dy të i lidh anëtarësimi i përbashkët në Organizatën Ndërkombëtare të Dijetarëve Muslimanë «Association des Savants Musulmans» (ASM). /Indeksonline/

LISBA, vazhdimin e paraburgimit për Fuad Ramiqin dhe imamët e Bashkësisë Islame të Kosovës e sheh si një vendim që synon të terrorizojë, tremb dhe poshtërojë imamët dhe opozitën politike në Kosovë. Sipas tyre ky vendim është jodemokratik dhe diskrediton regjimin e sotëm kosovar.

LISBA dëshiron ta njoftoj opinionin e gjerë, se rasti i montuar kundër Fuad Ramiqit dhe imamëve të BIK-ut është antiligjore dhe persekutuese, ky konkludim është bërë edhe nga vetë analistët dhe avokatët, të cilët mbrojnë Fuad Ramiqin dhe imamët.

“Imamët dhe Fuad Ramiqi njihen në Kosovë nga popullata e vendit dhe ajo ndërkombëtare, ata gjithmonë i kanë shërbyer këtij vendi për të mirë e popullit, duke luftuar dhe dënuar çdo cenim të ligjit në Kosovë. Arrestimi i Fuad Ramiqit për shkak të një deklarate e cila është bërë gjatë një debati publik, është cënim i të drejtave të njeriut. Fuad Ramiqi është politikani i parë opozitar që është arrestuar, deklarimi i tij është deklaratë e mendimit dhe shprehjes së lirë në mënyrë demokratike. Cënimi i shprehjes së lirë është antiligjore, antikushtetuese. Poashtu, shprehja e mendimit të lirë mbrohet edhe nga Konventa Evropiane për të drejtat e Njeriut, nga Karta Ndërkombëtare për të drejtat e njeriut, të cilat janë të zbatueshme në Kosovë”, thuhet në një deklarat për shtyp nga LISBA.

Sipas LISBA-së duke u nisur nga këto konventa dha karta, Fuad Ramiqi i cili është pjesë e politikës opozitare dhe imamët, duhen të mbrohen nga KMDLNJ dhe Ombduspersoni i Kosovës.

LISBA beson në pafajsinë e Fuad Ramiqit dhe të imamëve, dhe konsideron se këto akuza janë shpifje të montuara nga qëllim këqinjtë dhe njerëz që nuk ia duan të mirën vendit tonë. Hoxhallarët ishin dhe do të jenë shtylla e ekzistimit të popullit tonë.

Numri i përdoruesve të drogave nën moshën 18 vjeçare, është mbi 5 për qind. Sipas Labyrinth, tendenca e frikshme e rritjes, mund të bëjë që shumë shpejt 20 për qind e nxënësve, do jenë tymosës të marihuanës.

Kështu konstatohet në hulumtimin e organizatës joqeveritare “Labyrinth”, sipas të cilit, del se rreth 5 për qind e të rinjve deri në moshën 18 vjeçare janë përdorues të substancës narkotike, të llojit marihuanë.

Për drejtorin e kësaj organizate, Safet Blakaj, shqetësuese është trendi i rritjes së përdorimit të substancave narkotike edhe nga fëmijët e moshave prej 12 – 13 vjeçar.

`Nëpër shkolla mund të themi që është 5 për qind. Shqetësuese për neve është që numri është duke u rritur me shpejtësi, për dallim prej vendeve të tjera, që do të thotë se shpejti do t’i zëmë vendet tjera. Le të themi vendet që kanë mjete më të mira preventive, numri i përdoruesve atje arrin në 20 për qind...”, tha për RTK, Safet BLAKAJ, Drejtor në Qendrën “Labyrinth”

Sipas Blakajt, prindërit e fëmijëve duhet të kenë kujdes kur u japin fëmijëve të tyre para, pasi ato mund të keqpërdoren për të blerë substanca narkotike, pasi çmimi i një paketimi prej 3 gramësh të marihuanës kushton 5 euro.

Ndërsa vendin ku ata zgjedhin ta marrin këtë substancë, është kryesisht ndonjë objekt i braktisur.

Në Policinë e Kosovës, për gjashtëmujorin e parë të vitit 2014, janë trajtuar 11 raste, në të cilat janë kapur fëmijët në afërsi të shkollave, duke përdorur drogë.

`Kryesisht rastet që ne i kemi në posedim, që kapen me substanca narkotike, sidomos në sasi të vogël, kemi të bëjmë me mosha deri në moshën 25 vjeçare. Kryesisht numri më i madh është i kësaj grup moshe, por fatkeqësisht kohëve të fundit kemi edhe mosha më të reja, do të thotë persona që janë minoren...`, tha Brahim Sadriu, zëdhënës i Policisë së Kosovës.
Drejtoresha e shkollës fillore “Emin Duraku”, Valbona Hadri, thekson se është e shqetësuar për rritjen e kësaj dukurie negative te fëmijët. Ajo thotë se menaxhimi i shkollës prej 930 nxënësve është mjaft i vështirë dhe stresues, pasi në mungesë të psikologut, ajo detyrohet vetë ta luajë këtë rol.

“Fatmirësisht në shkollën tonë nuk kemi të evidentuar ndonjë rast sa i përket kësaj çështjeje, por ne nuk thotë që duhet të rrimë duarkryq. Në mungesë të stafit profesional psikologjik, ne bëjmë organizimin e debateve me fëmijë dhe e sensibilizojmë këtë çështje", thotë Valbona HADRI, drejtoreshë e Shkollës Fillore “Emin Duraku” Prishtinë.

Sipas saj, kyçja e pedagogëve apo psikologëve në shkolla, do të ishte një ndihmë për menaxhimin më të mirë të situatës edhe fëmijëve, dhe njëkohësisht për të përballuar gjithë këto ndryshime të cilat e përcjellin moshën e tyre.

Sjelljet delikuente të të miturve vazhdimisht janë shfaqur problematike në vitet e fundit në shkollat fillore dhe të mesme në Kosovë.

Vitet e fundit përdorimi i substancave narkotike mbetet një prej problemeve më shqetësuese, me të cilin, institucionet përgjegjëse kanë dështuar të merren si duhet. Veprimtaritë që ndërlidhen me substancat narkotike janë të sanksionuara me dënime të ashpra në kapitullin e veçantë të Kodit Penal të Kosovës. /RTK/

Në një shkrim të titulluar "Ja çfarë thuhet në raportin e State Departamentit amerikan për Shefqet Krasniqin!" të publikuar në gazetablic.com, e më pas edhe nëpër medie tjera, është cituar një pjesë e shkëputur nga një ligjëratë e dr. Shefqet Krasniqit, e mbajtur 2 vjet më parë.

Në këtë shkëputje thuhet:

“Gjaku po derdhet çdo ditë dhe ne kemi përjetuar një pjesë të asaj çka po përjetojnë vëllezërit dhe motrat tona në Siri. Nuk është lehtë të derdhet gjaku i muslimanit, por Allahu është i madh dhe ne nuk kemi gjë tjetër çfarë të bëjmë, përpos të marrim pjesë me vëllezërit dhe motrat tona”. Duke u bazuar në këtë, dr. Shefqet Krasniqi akuzohet se ka nxitur njerëz të marrin pjesë në luftën që po bëhet në Siri.

Por e vërteta është krejt ndryshe. Nëse e dëgjojmë me vëmendje ligjëratën e hoxhës (nga min. 16:24), shohim se hoxha nuk thotë “...ne nuk kemi gjë tjetër çfarë të bëjmë, përpos të marrim pjesë me vëllezërit dhe motrat tona”, por thotë: “...ne nuk kemi gjë tjetër çfarë të bëjmë, pos me dua të marrim pjesë me vëllezërit dhe motrat muslimane...”.

Pra shihet qartë që hoxha i nderuar ka bërë thirrje që të bëhet dua (lutje) për muslimanët në Siri, e jo të merret pjesë në luftë.../Shembulli/

Për më tepër shikojeni videon më poshtë.

[youtube height="400" width="100%" align="none"]https://www.youtube.com/watch?v=y4y2JCBArRQ[/youtube]

Deputeti i ndarë nga grupi parlamentar i PDK-së, Gëzim Kelmendi, përmes një postimi në Facebook, iu ka bërë thirrje veteranëve të UÇK-së që të ngritin zërin kundër arrestimit të hoxhallarëve të Kosovës, të cilët ishin bashkëluftëtarë të tyre.

Pas vendimit për një muaj paraburgim për imamin Shefqet Krasniqi, ka reaguar avokati i tij Bajram Tmava. Ai këtë vendim e ka quajtur të pabazë.

Bajram Tmava, avokati mbrojtës, i imamit të xhamisë së madhe në Prishtinë, Shefqet Krasniqit, ka thënë se vendimi është turp i gjyqësisë së Kosovës.

Tmava ka thënë për Zëri se më këtë është vërtetuar se gjykata e Kosovës është tërsishtë e anshme dhe e ndikuar.

Tmava tha se epilogun e këtij vendimi e kishte ditur gjatë ditës para se të merret vendimi në ora 15:00.

Sipas Tmavës persona të caktuar hynin e dilnin në zyrën e gjykatës “disa i njihja e disa nuk i njihja”, ka thënë Tmava.

Ai shtoi se do të bëjë edhe ankesë për këtë vendim.

Bajram Tmava, avokati mbrojtës, i imamit të xhamisë së madhe në Prishtinë, dr.Shefqet Krasniqi, konsideron se vazhdimi i paraburgimit për 30 ditë, është jo i drejtë, dhe bie ndesh me dispozitat ligjore.

“Ju kanë caktu 30 ditë paraburgim, ky vendim nuk është i drejtë, pasi që bie ndesh me dispozitat ligjore, bie ndesh me moralin, qoftë demokratik ose fetar. Nuk ka asnjë mbështetje për atë masë të paraburgimit”, ka thënë Tmava për Indekosnline.

Imamët e arrestuar para dy dite me akuzën për rrezikimin e rendit kushtetues të Kosovës, iu është caktuar masa e paraburgimit për 30 ditë nga Gjykata Themelore e Prishtinës, njofton indeksonline.

Bajram Tmava, avokati i Imamit të Xhamisë së Madhe të Prishtinës, Shefqet Krasniqi, e ka akuzuar gjykatën se kjo masë është caktuar pa u respektuar procedurat e duhura.

Pas përhapjes së lajmit se nesër, pas namazit të xhumasë, te xhamia e madhe në Prishtinë, do të ketë protestë në shenjë pakënaqësie për arrestimin e fundit, shumë hoxhallarë bënë thirrje që të mos dilet në këtë protestë. Thirrjes për mos t’iu bashkangjitur protestës ia janë përgjigjur shumë besimtarë. Këtë ata e kanë shprehur me reagimet e tyre nëpër rrjetet sociale.

Më poshtë mund të lexoni disa nga këto reagime:

Hoxhë Fatmir Latifi
Imami i xhamisë së Shipolit në qytetin e Mitrovicës, Fatmir Latifi, duke e komentuar thirrjen për një protestë eventuale në shenjë solidarizimi me hoxhallarët e arrestuar, ka theksuar se është kategorikisht kundër çdo proteste të cilat kanë të bëjnë me arrestimet e hoxhallarëve.

Imami Latifi ka thënë për Telegrafin se ka besim të “plotë në pafajësinë e hoxhallarëve dhe vëllezërve tanë”.

“Andaj çdo thirrje në këtë drejtim është dhe konsiderohet si provokim dhe thirrje në destabilitet të vendit tonë edhe ashtu të brishtë. Unë shkurt e shqip ju them besimtarëve myslimanë që përfshirja në protesta eventuale, të cilat mund të mbaheshin nesër, është e haram (e ndaluar)”, ka thënë ai. /Telegrafi/

Është shtyrë vendimi për imamët të cilët akuzohen për veprime kundër rendit kushtetues të Kosovës.

Ata do të jenë në mbajtje edhe për 48 orë të tjera deri në marrjen e vendimit nëse do t’u caktohet masa e paraburgimit ose jo, kërkesë kjo e bërë nga prokurori Haki Gecaj.

Avokati i imamit Enis Rama, Mahmut Halimi, tha se nuk ka asnjë fakt që klientit të tij t’i caktohet masa e paraburgimit dhe shpreson që gjyqtari nuk do ta aprovojë kërkesën e kryeprokurorit.

“Territori i Republikës së Iliridës, përfshinë territorin historik të shqiptarëve, nga qyteti i Manastirit në jug deri në Kumanovë. Kryeqyteti i Republikës së Iliridës ka qenë dhe është  Shkupi”.

Kështu Nevzat Halili me shokë, në sheshin Skënderbeu në Shkup shpalli Republikën e Iliridës.

Ata kërkojnë formimin e organeve qendrore dhe nacionale, por me përfaqësim absolutisht të barabartë, të të dy republikave dhe etniteteve brenda kufijve ekzistues.

Nevzat Halili u kërkoi Institucioneve të Maqedonisë të miratojnë vendimin, për të cilin thotë se është vullnet i popullit. Ai kërkoi gjithashtu nga kryeparlamentari Trajko Veljanovski dhe kryeministri Gruevski të shpallin referendum për të pyetur qytetarët nëse duan të jetojnë në konfederatën e re. Halili madje edhe u kërcënua.

‘Nëse këto kërkesa tona paqësore, nuk pranohen, injorohen apo dikush e dëmton ndonjë aktivist të Institucioneve të Republikës Iliridës, ta dinë se ne të gjithë do të përgjigjemi si popull, si një, duarthatë,  por të drejtën e vetëvendosjes e kemi mbajt dhe e mbajmë si e kanë mbajtur dhe e mbajnë të gjithë popujt e botës’, tha Nevzat Halili, “Kryetari i Iliridës”. 

Në sheshin Skënderbeu nuk mungoi muzika dhe flamujt kombëtar shqiptar.

Në aktin shpalljes së republikës së Iliridës, përkundër ftesës, munguan liderët e partive politike shqiptare dhe ambasadorët e SHBA-së dhe OSBE-së./alsat-m/

[youtube height="400" width="100%" align="none"]http://www.youtube.com/watch?v=Pncb-2Mkzds[/youtube]

Është shtyrë për nesër vendimi për hoxhë Shefqet Krasniqin, nëse do t’i shqiptohet masa e paraburgimit apo ndonjë masë tjetër.

Këtë e ka konfirmuar avokati i Krasniqit, Sevdali Zejnullahu, i cili ka thënë se është i shqetësuar me parregullsitë që po ndodhin në këtë proces, raporton Kosovapress.

Rusia e ka pritur me ironi vendimin e qeverisë së Kosovës për të vendosur sanksione ndaj Moskës, duke thënë se ky vendim e bën Rusinë vetëm për të qeshur.

Reagimi është bërë nga Aleksej Pushkov, udhëheqësi i Komitetit të Dumës për Marrëdhënie Ndërkombëtare, përmes profilit të tij në “Twitter”.

Postimi i plotë i Pushkovit thotë kështu: “Sanksionet e Kosovës neve na bëjnë vetëm për të qeshur. Duket që ata kanë vendosur në këtë mënyrë që vetëm të na bëjnë me dije për ekzistencën e tyre:.

Ndërkaq zyrtari tjetër i parlamentit rus, Leonid Slucki, ka thënë se vendimi nuk duhet të habisë askënd pasi Kosova varet në tërësi nga perëndimi.

Rusia nuk e pranon pavarësinë e Kosovës të shpallur më 2008.

Përmes deklarimeve të zyrtarëve rusë, për shkak të varshmërisë së Kosovës ndaj perëndimit nuk është e habitshme që Prishtina, të gjitha ngjarjet në Ukrainë i interpreton kundër Rusisë. /Indeksonline/

Në Gjykatën Supreme ka filluar intervistimi i 13 të arrestuarve të ditës së djeshme. Ndërsa, Shefqet Krasniqi dhe një imam nga Kaçaniku janë duke u intervistuar tek një prokuror tjetër.

Sipas Prokurorisë, të gjithë të arrestuarit janë të dyshuar për vepra penale kundër rendit kushtetues dhe të sigurisë të Republikës së Kosovës.

Kryesia e Bashkësisë Islame të Kosovës në mbledhjen e mbajtur sot më datë 18.09.2014, shqyrtoi gjendjen e krijuar pas arrestimeve të djeshme. Me këtë rast, për opinionin del me këtë:

DEKLARATË

Kryesia e Bashkësisë Islame të Kosovës me shqetësim ka marrë lajmin për shoqërimin dhe më pastaj edhe ndalimin e djeshëm të disa imamëve tanë.

Kryesia e Bashkësisë Islame të Kosovës, beson në pafajësinë e tyre përderisa organet e drejtësisë nuk e dëshmojnë  të kundërtën.

Bashkësia Islame e Kosovës punën dhe aktivitetin e vetë e bazon në parimet hyjnore islame, andaj ne besojmë se edhe ligjërimet e imamëve në xhamitë tona janë zhvilluar në këtë frymë. Institucioni i Xhamisë te ne historikisht ka luajtur rol pozitiv në edukimin dhe fisnikërimin e popullatës sonë, po ashtu xhamitë kanë pasuar rol determinues  edhe në zhvillimet  e rëndësishme të popullit dhe vendit tonë.

E ripërsërisim nuk prejudikojmë fajësinë, po në të njëjtët kohë jemi kundër fushatës që demonizon institucionin e imamit dhe xhamive pa fol drejtësia, andaj edhe njëherë apelojmë që të presim të japim verdiktin organeve të drejtësisë.

Ftojmë dhe apelojmë tek të gjithë qytetarët, e posaçërisht besimtarët tanë, që me qetësi e maturi të presin vendimin e organeve të drejtësisë, larg çdo politizimi e polarizimi, tendence e keqkuptimi.

Kontributi më i mirë për vendin, shtetin dhe fenë tonë, në këtë situatë të krijuar, është qetësia dhe besimi në institucionet e vendit.

Bashkësia Islame e Kosovës, mbetet e përkushtuar që të mbrojë dhe të prezantojë të drejtat dhe vlerat e besimtarëve islam në përputhje me mësimet Kuranore, traditën e Pejgamberit, dhe me rendin kushtetues të vendit tonë.

Bashkësia Islame e Kosovës, është e përkushtuar në kultivimin dhe interpretimin e mësimeve islame për paqe, respekt, tolerancë e mirëkuptim, larg urrejtjes, ekstremizmit dhe dhunës.

Populli ynë është shquar për urtësi, mirëkuptim, maturi e pjekuri, respekt dhe përkrahje për tjetrin, virtyte e vlera këto që duhet të reflektojnë dhe të na shoqërojnë edhe në këto momente.

Zoti e do paqen dhe njerëzit që e kultivojnë dhe angazhohen për të!

/bislame.net/

Imamët e arrestuar dje nga Prokuroria e Shtetit do të dalin sot pasdite para gjykatës. Prokuroria ka bërë kërkesë që atyre të ju caktohet masa e paraburgimit prej 1 muajsh.

Hamdi Ibrahimi, Kryetar i Gjykatës Themelore në Prishtinë e ka konfirmuar këtë kërkesë, dhe tha  se seanca do të mbahet sot pasdite.

Kryesuesja nga radhët e PDK-së, vazhdoi seancën konstituive të legjislativit të V-të të Kosovës, duke u thirr në vendimin e Gjykatës Kushtetuese të Kosovës, që thotë se në seancën e 17 korrikut nuk janë zgjedhur kryetarët dhe nënkryetarët.

Ajo ftoi nënkryetarin e PDK-së, Hajredin Kuçi, të propozoi kandidatin e këtij subjekti për kryetar të Kuvendit të Kosovës. Emri i propozuar nga subjekti i tij siç është cekur më parë, është Arsim Bajrami.

Për votuan 44 deputetë, kundër 61, abstenojnë 11.

“Kandidati nuk mori votat e mjaftueshme, për t’u shpall kryetar të Kuvendit. Prandaj, jam e detyruar ta ndërpres këtë seancë”, tha ajo. /Telegrafi/

Barjam Tmava, avokat i imamit të Xhamisë së Madhe në Prishtinë, Shefqet Krasniqi në një intervistë në Interaktiv, tha se nuk ka mjaft fakte që klienti i tij, të dyshohet për shpëlarje parash.

Ai ka ofruar disa fakte, që sipas tij nuk mund ta bëjnë këtë vepër të tillë.

“Ajo shumë e parave që ka dal në mjete të informimit, nuk duhet të na brengos. Kjo shumë është normale. Dyshohet për shpëlarja e parave dhe nxitja e urrejtjes, pra nxitje për terrorizëm. Kjo që është paraqit nga prokurori, nuk i ka dispozitat që të jetë vepër , për shpëlarje parash. Për të qenë shpëlarje parash, parat duhet të kenë prejardhje parash të pista. Dhe kjo duhet të jetë një shumë bukur e madhe mjetesh. Këtë që e kamë parë unë me sytë e mi, nuk mund të bëhet fjalë për shpëlarje parash”, tha ai.

Tmava më tej shtoi se nuk bëhet fjalë për qindra mija euro, por për shuma më të vogla dhe se ato mjete kanë qenë të destinuara për ndihmën e personave me nevojë, familjeve me nevojë.

Avokati i Krasniqit, më tej ka thënë se nuk ka kuptim të që t’i bastiset shtëpia e tij.

“Të bëhet bastisja brenda një intervali kohor prej 13 ditësh, është e pakuptimtë. Këtë çështje do ta ngris si çështje”, tha ai.

Tmava më tej, është i bindur se ka ofruar mjaftë fakte për ta nxjerr një vendim në favor të Krasniqit që nesër.

“Në qendrën e ndalimit në Prishtinë. Besoj se i kemi ofruar prova të mjaftueshme, ndihmëse. Po them me përgjegjësinë më të madhe se i kemi ofruar dëshmitë e mjaftueshme për pafajësinë e tij. Në bazë të asaj që ka ofruar deri më tani prokurori, ne kemi ofruar fakte për pafajësi. Nesër pres një vendim në favor të zotri Krasniqit”, tha ai, duke vlerësuar se masa e shqiptuar, është e pa arsyeshme.

Tmava më tej, shtoi se Krasniqi ishte arrestuar sot në mëngjes në parkun e Gërmisë.

Vizita e Papes ne Tirane ka bere qe te ndermerren nje sere rregullimesh apo vendosja e simbolikave nder te cilat eshte edhe varja e fotografive te dhjetra klerikeve katolik te vrare gjate regjimit komunist.

Kjo fotografi e nxjerre sefundimi tregon pamjen qe ka marre kryeqyteti.

Mitrovica, në mëngjesin e së mërkurës ka mbetur pa tre imamë, pjesë e grupit prej 15 personash që janë arrestuar këtë ditë. Enis Rama, imami i xhamisë “Isa Beg”, pasi e ka falur vaktin e sabahut, është shoqëruar nga pjesëtarë civilë të Policisë së Kosovës, raporton KTV.

Pa imam ka mbetur edhe xhamia në lagjen Fidanishte të Mitrovicës. Nexhat Ademi falet në xhaminë ku imam është Eroll Nesimi, derisa e vlerëson si të paarsyeshëm arrestimin e këtij të fundit.
I arrestuar është edhe imami i xhamisë në lagjen Tavnik, Ekrem Avdiu, derisa dega e BIK-ut në Mitrovicë nuk kanë dashur të komentojë arrestimin e tre imamëve të saj.

I frustruar me arrestimet në Mitrovicë ka qenë xhemati i këtij qyteti që ka kanë kryer rituale nën udhëheqjen e këtyre imamëve.

Ata janë shprehur se qeveria me arrestimet po mundohet të arsyetohet para faktorit ndërkombëtar për dështimet e veta.

Avokati mbrojtës i imamit Enis Rama i cili u arrestua të mërkurën bashkë me imamët e tjerë Kosovarë konsideron se këto arrestime u bënë si shkak i vizitës së Papa Françeskut në shtetin Shqiptar që pritet të jetë më datë 21 të këtij muaji.

Ai këto komente i bëri gjatë emisionit Infomagazina të Klan Kosovës. Përndryshe avokati Mahmut Halimi për klientin e vet tha se në ligjëratat dhe predikimet e tij nuk mund të gjenden dyshime për nxitje dhe urrejtje fetare.

Pas arrestimit të sotëm të një numri të madh të Hoxhallarëve në vend, deputetit nga radhët e koalicionit PDK-PD, Gëzim Kelmendi, ka njoftuar largimin e tij nga grupi parlamentar i këtij koalicioni. Ai përmes një postimi ne rrjetin social facebook ka bërë të ditur largimin e tij.

Më poshtë shiheni të plotë reagimin e tij:

Analisti politik dhe drejtori i Fondacionit “Rockfeller Brothers” për Ballkanin Perëndimor, Haki Abazi,në një prononcim për Telegrafin ka theksuar se arrestimet e imamëve, para seancës konstituive të Kuvendit të Kosovës, janë tendencë për ta kthyer vëmendjen e shteteve Perëndimore nga institucionet e Kosovës.

Abazi ka theksuar se arsyeja e vërtetë e arrestimeve është përfitimi i poenëve politik, duke shtuar se “sajimi i situatave të tilla, nga të cilat mund të përfitohet politikisht, janë metoda të cilat janë përdorur nga shërbimet shtetërore të ish – Jugosllavisë”.

Ai e ka ritheksuar prapë se përfshirja e të rinjve kosovarë në valën e luftërave në Lindjen e Afërt dhe të Mesme nuk është as religjioze as ideologjike.

“Pjesëmarrje e të rinjve në luftëra jashtë vendit është pasojë e mungesës së zhvillimit ekonomik, humbjes së përkrahjes nga familja dhe shoqëria, pastaj pasojë e traumave të së kaluarës dhe izolimit në burgun kolektiv (pamundësia e kosovarëve për të udhëtuar jashtë vendit pa viza). Izolimi (mungesa e liberalizimit të vizave për kosovarët) ka ardhur si rezultat i mospunës dhe kapjes së shtetit nga ana e Partisë Demokratike të Kosovës (PDK) dhe gardianëve të tyre”, ka thënë Abazi për Telegrafin.

Në anën tjetër, sipas Abazit, arrestimet e sotme të disa imamëve, “përveç që janë tendencë e pushtetit për të treguar muskujt, synojnë që të provokojnë protesta dhe reagime të dhunshme. Kjo do ta zhvendoste vëmendjen nga zhvillimet e rëndësishme, të cilat e presin vendin në ditët e ardhshme (seanca konstitutive e Kuvendit të Kosovës)”.

“Nuk besoj që shqiptarët e Kosovës do të dalin në mejdan - protestojnë nëpër rrugë për çështjen e arrestimeve - përballë strukturave të cilat po e mbajnë peng shtetin. Konsideroj se shqiptaret janë të vetëdijshëm se nuk duhet rënë pre e këtyre skenarëve të cilët janë të ngjashëm me metodat të cilat i ka përdorur regjimi i ish-Jugosllavë përmes krijimit të situatave të paqena”, ka thënë Abazi për Telegrafin.

Para pak çastesh, imami i Xhamisë së Madhe në Prishtinë, Hoxhë Shefqet Krasniqi është sjellë në Gjykatën Supreme.

Eksperti i sigurisë, Avni Islami është shprehur se arrestimet e imamëve janë të duhura nëse ata kanë rrezik për sigurinë kombëtare, por se shton se kanë prapavijë politike.

"Unë mendoj se arrestimi i disa imamëve i bërë sot është bërë nga pushteti aktual. Arrestimet mund të jenë bërë edhe për shkak të politikës, e cila do të bëjë diçka në një kohë që ka ngërç dhe se pikërisht nesër mbahet seanca konstetuive. E gjitha kjo ndoshta duhet për intervistim, por se më së tepërmi ka ngjyrime politike", tha Avni Islami për Zëri.

Eksperti i sigurisë ka shtuar se edhe raportet ndërkombëtare flasin se në Kosovë nuk ka një rrezik të sigurisë kombëtare të shkallës tepër të lartë.

Islami ka shtuar në fund se megjithatë, përtej spektalklit politik, nëse vërtetë ka dyshime, imamët duhet të hetohen.

Bashkësia Islame e Kosovës (BIK) ka shprehur shqetësim pas arrestimit të 12 imamëve nëpër Kosovë.

Zëdhënësi i Bashkësisë Islame të Kosovës, Ahmet Sadriu, ka deklaruar për Radion Evropa e Lirë se BIK-u është i brengosur lidhur me, siç ka thënë ai, shoqërimin e imamëve në polici, porse ka shtuar se “askush nuk mund të jetë mbi ligjin dhe institucionet kompetente janë të thirrura ta kryejnë punën e tyre".

"Ne e kemi thënë edhe me parë dhe po e përsërisim, të gjitha paraqitjet e tyre janë publike dhe përgjegjësia është individuale", ka thënë Sadriu.

Ish-deputeti i Partisë së Drejtësisë, Amir Ahmeti, ka reaguar pas arrestimeve të ditës së sotme, duke krahasuar Qeverinë e Kosovës me atë të kohës së Milloshevicit.

Policia e Kosovës ka kryer të mërkurën në orët e hershme të mëngjesit një aksion policor në tërë vendin, në ndjekje të personave të dyshuar për nxitje të urrejtjes ndërfetare dhe përçarjes kombëtare, që bie ndesh me rendin kushtetues të Republikës së Kosovës.

Derisa vazhdon aksioni policor, lajmi.net mëson se deri më tani janë arrestuar 13 persona, prej tyre përveç liderit të partisë islamike LISBA, Fuad Ramiqit, të tjerët janë hoxhallarë nëpër rajone të ndryshme të Kosovës.

1. Sabahudin Selimi,
hoxhë nga Vitia.

2. Enes Goga,
kryeimam në Këshillin e Bashkësisë Islame (BIK) në Pejë.

3. Eroll Nesimi,
hoxhë dhe administrues i portalit perkujtimi.net

4. Idriz Bilibani,
hoxhë i komunitetit boshnjak dhe administrator i portalit stazomislama.com

5. Leonard Ruli,
i vetëquajturi Ebu beker Ruli, hoxhë nga Prizreni.

6. Dardan Gjuka,
imam nga Peja, ligjërues në radio radio-udhezimi.com

7. Shefqet Krasniqi,
i lindur më 20.6.1966, në fshatin Sibovc të Obiliqit, ligjërues në Fakultetin e Studimeve Islame (FSI) në Prishtinë, njëherësh edhe imam në Xhaminë e Madhe në Prishtinë.

8. Shefki Koraçi,
imam në Kaçanik.

9. Mazllam Mazllami,
jeton në Prizren, imam në xhaminë e “Jeni Mahallës”.

10. Bedri Robaj,
imam në xhaminë e improvizuar në lagjen Dardani të Prishtinës.
Ajo është jashtë juridiksionit të BIK-ut. Xhamia pa emër e vetëm me mbi shkrimin “XHAMI”, gjendet në lokalet e Ndërmarrjes Shoqërore (NSh) “Auto-Prishtina”, ndërsa qiraja e hapësirës financohet nga Fatos Rizvanolli, biznesmen nga Peja.

11. Ekrem Avdiu,
i lindur më 18 Korrik të vitit 1971, në qytetin e Mitrovicës, aktualisht imam dhe ligjërues në xhaminë e lagjes 'Tavnik' dhe është anëtarë i Këshillit të Bashkësisë Islame të Mitrovicës.

12. Enis Rama,
i lindur më 12 Qershor 1976, në qytetin e Mitrovicës, jeton dhe vepron në Mitrovicë, ku mban edhe ligjërata të rregullta javore si imam në xhaminë 'Isa Beg' në Mitrovicë, si dhe është kryeredaktor në televizionin Peace TV Shqip.

13.Fuad Ramiqi,
i linduar më 26 mars 1960, në Pozharan komuna e Vitisë. Aktualisht kryetar i Lëvizjes Islame Bashkohu – LISBA.

Videove të ndryshme me përmbajtje të ligjëratave të ndryshme fetare nga Imamët e Bashkësisë Islame të Kosovës iu ka ardhur fundi. Por jo vetëm atyre, por edhe fotografive private të imamëve. Ata nuk do të munden më të bëjnë për qejfin e tyre video me ligjërata të ndryshme dhe të plasojnë në rrjete të ndryshme sociale.

Kjo pasi që Bashkësia Islame e Kosovës me anë të një Udhëzimi Administrativ të nxjerrë më 11.09.2014 iu ndalon këto gjëra, madje edhe i sanksionon në rast të shkeljes të një mori rregullash që shkruhen në këtë udhëzim.

Më poshtë mund të lexoni disa nga pikat e këtij Udhëzimi Administrativ:

Në paragrafin 1.2 të pikës 1 të këtij udhëzimi që ka të bëj me përfaqësimin e organit ose institucionit të BIK-ut thuhet se “Nëpunësit e këshillave ose institucioneve të BI-së mund t’iu përgjigjen festave që vijnë në adresë të tyre personale (me shkrim apo gojarisht), pasi që të marrin, pëlqimin paraprak të Këshillit përkatës të BI-së, të institucionit që e përfaqësojnë ose të Kryesisë. Ndërsa gjatë pjesëmarrjeve të tilla duhet të kenë uniformë fetare.

1.4. Nëpunësit fetarë nuk kanë të drejtë të involvohen në aktivitete të partive politike, e as të merren me aktivitete politike të ndonjë partie politike.

1.5. Nëpunësit të jenë të mbajtur në postimin dhe shpërndarjen e fotove dhe videove në rrjetet sociale që kanë të bëjnë me jetën e tyre private.

1.6. Imami në ditën e xhuma duhet:

- Të batë uniformën fetare (shallin dhe xhyben) detyrimisht

- Të jetë i matur në ligjëratat e tij, që të mos mjell përçarje fetare, racore apo etnike

- T’i drejtohet xhematit me urtësi dhe këshillë të mirë

- Të angazhohet ekskluzivisht në ders-vajz fetar (jo politik)

- Gjatë ligjërimit të jetë aktual dhe mirë i përgatitur, duke i ikur fyerjeve, banaliteteve dhe denigrimit të cilitdo qoftë.

Pika 2 e këtij Udhëzimi Administrativ ka të bëj me -Mediet dhe paraqitjet publike:

Paragrafi 2.3.2 Të jap deklaratë për medie kur e kërkon nevoja

2.3.4 T’i lejoj nëpunësit e BI-së të denoncojnë rastet, nëse çështja ka të bëjë me probleme të nivelit lokal, si kërcënimi. Shantazhi, dhuna psikike apo fizike ndaj zyrtarit, vjedhja apo dëmtimi i objekteve fetare, tjetërsimi apo tentim tjetërsimi i pronës vakfnore, e të ngjashme, pas koordinimit më Kryesinë.

2.3.5. Pjesëmarrja e nëpunësve të këshillave të BI-së në TV dhe radio lokale (tokësore/kabllore apo satelitore) bëhet me leje të Këshillit përkatës të BI-së ose të Kryesisë.

2.3.6 Të lejojë prezencën e nëpunësve për ligjërata në studio private, web faqe dhe shoqata të ndryshme në rast se:

a. Jam të regjistruara dhe kredibile si shoqata kulturore, humanitare apo të ngjashme b. Janë të njohura dhe kredibile për veprimtarinë e tyre në opinionin kosovar c. Administrohen nga persona apo grupe të njohura për Bashkësinë Islame të Kosovës dhe opinionin e gjerë d. Në prapavijë duhet të duket logoja e Këshillit përkatës, tema që do të trajtohet dhe emri i ligjëruesit e. Ligjëruesi duhet të përzgjidhet nga ana e Këshillit të BI-së

Pika 3 e Udhëzimit Administrativ ka të bëj me -Ligjëratat-Fet fatë

Ndërsa në paragrafin 3.3 të kësaj pike thuhet se praktikimi i shkollës juridike hanefite është praktikë zyrtare e institucioneve dhe organeve të BI-së në çështjet e fikut ndërsa në ato akaidore sipas shkollës maturidite.

Pika 4 e Udhëzimit Administrativ ka të bëj me -Saksionimet nga Këshilli i BI-së

Në paragrafin 4.8 të kësaj pike thuhet se : Sanksionin çdo imam, i cili angazhohet dhe sjell ligjërues fetar nga jashtë kufijve të Republikës së Kosovës, pa leje paraprake të Kryesisë së BI-së dhe atë pas kërkesës së dorëzuar me shkrim nga ana e Këshillit.

4.10. Lëshon pëlqime me shkrim për postimin e ligjëratave nëpër rrjetet sociale, sidomos në Youtube, me kusht që këto incizime paraprakisht të vlerësohen nga komisionet e ngritura në kuadër të Këshillit enkas për këto ligjërata, dhe të jenë ekskluzivisht nën siglën zyrtare të Këshillit të BI-së.

4.11. Çdo postim që nuk përmban këto elemente, do të shqyrtohet dhe analizohet nga ana e Kryesisë së BI-së, e cila në këtë rast mund të marrë masa përkatëse ndaj atyre që nuk respektojnë këtë vendim.

4.12. Kryesia e BI-së do të hapë një kanal zyrtar në YOUTUBE, ku mund të plasohen ligjëratat e të gjithë imamëve, pas verifikimit dhe miratimit për plasim, nga komisioni i veçantë për media në kuadër të Kryesisë.

Pika 5 e Udhëzimit Administrativ ka të bëj me -Bashkëpunimin me Shoqata

5.1. Kryesia e BIK-ut edhe në këtë mënyrë i njofton nëpunësit e saj se nuk është e lejuar që nëpunësit të punojnë njëkohësisht në kuadër të BI-së dhe shoqata ose OJQ vendore ose ndërkombëtare. Në të kundërtën, Kryesia do të merr masa disiplinore.

5.2. Kryesia e BI-së dhe këshilli vendor, me automatizëm do të refuzojë bashkëpunimin edhe me organizatat dhe shoqatat islame të cilat kanë programe dhe ideologji tjetër nga ajo zyrtare e BI-së.

5.3. Në rast se Kryesia vërteton se ndonjë nëpunës i saj merr mjete financiare nga jashtë, të tillë do të identifikohen dhe do të merren masa përkatëse disiplinore.

Pika 6 e Udhëzimit Administrativ ka të bëj me -Disa rregulla që kanë të bëjnë me xhamitë

6.3. Asnjë imam, asnjë xhami dhe asnjë xhemat nuk ka të drejtë të ketë vulën e vet e cila identifikon atë me vendin e tij të punës ose xhaminë ku shërben. Vulat e tilla do të konsiderohen jo të ligjshme dhe rrjedhimisht edhe vepër penale.

Pika 7 dhe e fundit e Udhëzimit Administrativ ka të bëj me –Trajnimet dhe seminaret

7.1. Është e drejtë ekskluzive e Kryesisë së BI-së të organizoj trajnime dhe seminare në tërë territorin e Republikës së Kosovës.

7.4. Nuk lejohet pjesëmarrja e imamëve në trajnimet dhe seminaret e organizuara nga shoqatat e ndryshme që veprojnë brenda territorit të Kosovës. Përzgjedhja e imamëve dhe lejimi i pjesëmarrjes në këto trajnime dhe seminare, bëhet nga Kryesia e BI-së, pas kërkesës me shkrim të depozituar nga shoqata. /Zëri/

Viti i ri shkollor ka filluar edhe në Siri, por qindra mijëra fëmijë të vrarë dhe të shpërngulur nuk gjendën në bankat shkollore.

Observatori për të Drejtat e Njeriut i Sirisë me seli në Londër ka publikuar raportin për numrin e viktimave në moshë të re në Siri.

Në raport thuhet se gjatë luftës, e cila ka filluar në mars të vitit 2011, në Siri janë vrarë së paku 17.136 fëmijë persona. Të paktën 94 të mitur kanë humbur jetën nga tortura në burgjet e regjimit sirian të presidentit Beshar Esad.

Po ashtu në raport thuhet se gjatë luftës në Siri janë plagosur një milionë e njëqind mijë civilë, në mesin e të cilëve ishin 375.000 fëmijë. Të paktën 19.000 fëmijë kanë mbetur pa një apo më shumë gjymtyrë.

Observatori gjithashtu ka njoftuar se 2.300.000 fëmijë janë dëbuar nga shtëpitë e tyre padrejtësisht. Për shkak të migrimeve brenda shtetit dhe si pasojë e varfërisë së madhe, më shumë se një milion fëmijë në Siri kanë ndërprerë shkollimin.

Nga 1.400.000 fëmijë të cilët u larguan jashtë vendit, 650.000 prej tyre po ashtu kanë ndërprerë procesin arsimor.

Agjencia Siriane e lajmeve SANA ka njoftuar se të hënën edhe zyrtarisht ka filluar viti i ri shkollor në territorin të cilin e kontrollojnë forcat e sigurisë siriane.

Blloku politik, LDK, AAK, Nisma dhe në rast të hyrjes së “Vetëvendosjes” në qeveri po synon që ndarjen e ministrive ta bëjë sipas fuqisë politike që kanë.

LDK-ja thotë se i takon numri më i madh i ministrive, LVV-ja deklaron se do ta marrë çerekun e dikastereve, kurse AAK-ja dhe Nisma thonë se nuk i kanë bërë ende kalkulimet.

Ndarja e “kulaçit” për ndërtimin e qeverisë së ardhshme që synohet të krijohet nga partnerët e koalicionit, LDK, AAK dhe NISMA në rast të hyrjes eventuale të Vetëvendosjes, do të bëhet sipas fuqisë politike. /Zëri/

“Nga Turqia mos prisni diçka tjetër përveç ndihmave humanitare”, u ka thënë Presidenti Rexhep Tajip Erdoan gazetarëve në avion gjatë kthimit nga vizita në Katar.

Në lidhje me një ndërhyrje kundër ISID-it Presidenti Rexhep Tajip Erdoan tha se “Nga Turqia nuk mund të pritet ndonjë diçka tjetër përveç ndihmave humanitare”.

Kurse në lidhje me pretendimet mbi krijimin e një brezi sigurie (zonë tampon) në kufi Presidenti Erdoan tha: “Forcat e Armatosura po punojnë në lidhje me këtë çështje... pasi ta kenë përgatitur studimin do të na e paraqesin ne... Nëse do të ketë nevojë, marrim vendim edhe për këtë...”

Në përgjigje të pyetjeve të gazetarëve gjatë kthimit me avion nga vizita në Katar Presidenti Erdoan vlerësoi hapat dhe masat e komunitetit ndërkombëtar në lidhje me luftën kundër ISID-it.

“Punime në lidhje me këtë çështje do të bëhen, do të kemi një hartë rrugore. Pasi ta kemi parë këtë hartë rrugore, atëherë mund të themi se jemi apo jo plotësisht të kënaqur prej saj”, theksoi Erdoan.

Kurse në lidhje me personelin e Konsullatës së Përgjithshme të Mosullit, të cilët për momentin mbahen peng nga ISID, Erdoan tha se “po punohet për ta zgjidhur çështjen me anë të kontakteve”./trt/

Në libër-leximin e klasës së parë, me autor Arif Demollin, botimi i 11-të, të botuar nga Ministria Arsimit, Shkencës dhe Teknologjisë (MASHT) në vitin 2012, respektivisht në tregimin “Tri të vjela nga një pemë” fq. 52, në një pjesë të dialogut në mes pashait dhe plakut shkruan se “as allahu nuk e di nëse do të arrish t’i shohësh frutat e kësaj peme”.

Kjo ka qenë arsyeja që nëpër rrjetet sociale ka filluar një fushatë përmes së cilës besimtarët myslimanë denoncojnë këtë gabim trashanik të bërë në këtë tekst shkollor për nxënësit e klasës së parë.

Ajo që e ka nxitur protestën virtuale të besimtarëve myslimanë, në këtë tekst, përveç shkrimit të emrit të Allahu me të vogël, është edhe mohimi i njërës nga cilësitë kryesore të Allahut, e që është cilësia e të e të Gjithëdijshmit - pa dijen e të cilit nuk ndodh asgjë, transmeton Telegrafi.

Në anën tjetër, sekretari i Bashkësisë Islame të Kosovës (BIK), Resul Rexhepi, në një prononcim për Telegrafin iu ka bërë thirrje të gjithë atyre që dëshirojnë që të botojnë ose shkruajnë diçka në kontekstin fetar(Islam) fillimisht të konsultohen me institucionin përgjegjës për këtë gjë, që sipas tij është BIK-u.

Ai madje ka thënë se gabime të tilla mund të ndikojnë në prishjen e mirëkuptimin dhe mirëbesimit në mes njerëzve (besimtarëve) në vendin tonë.

“Unë them se nuk është mirë që të përsëriten këto gabime, të cilat fatkeqësisht janë gabime elementare. Ndoshta për dikë këto gabime duken të thjeshta, mirëpo për besimtarët myslimanë një gjë e tillë nënkupton lëndim të ndjenjave (bazamentit) të tyre fetar”, ka thënë Rexhepi.

Organizimi i një numri të madh grupesh myslimane që jetojnë në SHBA filloi me marshimin në rrugën e njohur Madison me faljen e namazit të drekës, ndërkohë grupet që përfaqësonin shtetet e tyre mbanin në duar flamujt dhe veshjet tradicionale përkatëse.

Marshimi u shoqërua me masa të rrepta sigurie, ku mbi 1000 policë siguruan aktivitetin, ndërkohë që efektivat e policëve me kuaj tërhoqën vëmendjen e mijëra të pranishmëve.

Ndërkohë grupet nuk lanë pa demonstruar edhe problemet m të cilat përballen bashkëkombësit e tyre në vendlindje, ku vëmendja më e madhe ishte tek një grup nga Egjipti, i cili me anë të një pjese teatrale demonstroi puçin e ushtrisë me në krye Sisi kundër Mursit. Ata kishin në fokusin e tyre edhe përkrahësit e presidentit Sisi si; Barak Obama, Beniamin Netanjahu apo John Kerry.

Nga ana tjetër bashkë me myslimanët u pa edhe një grup izraelit, i cili hidhte parulla për ti dhënë fund embargos në Palestinë si dhe kërkuan drejtësi për popullin palestinez.

Në pjesën e dytë të organizimit në duatë (lutjet) e bëra doli në pah kundërshtimi ndaj ISID për metodat që ndjek ajo dhe u theksua që kjo organizatë nuk ka asnjë gjë të përbashkët me Islamin./trt/

Derisa të dyja taborët politikë, ai i Partisë Demokratike të Kosovës (PDK) dhe tashmë koalicioni LAN me “Vetëvendosje”, shpresojnë në votën e listës “Srpska” në seancën e 18 shtatorit, është përfaqësuesi i Listës “Srpska”, Alexandar Jabllanovic, i cili i ka qartësuar gjërat.

Jabllanovic i ka thënë gazetës “Zëri” se takimi i së hënës me të nominuarin për kryeministër nga LAN-i, Ramush Haradinaj, do t’i definojë gjërat përfundimisht.

Sipas tij, nëse LAN-I e do përkrahjen për Isa Mustafën, atëherë Lëvizja Vetëvendosje nuk duhet t’i udhëheqë negociatat me Beogradin. /Zëri/

Kanë vetëm nga 12-13 vjet, por janë të varur nga përdorimi i substancave narkotike. Droga po konsumohet me të madhe nga shoqëria kosovare, ndërsa në mesin e tyre ka edhe një numër të konsiderueshëm të të miturve.

Marihuana është substanca e cila pëlqehet më së shumti në vend, përderisa statistikat flasin se mosha mesatare e atyre që konsumojnë këtë lloj droge është rreth 16-vjeç. Autoritetet e rendit vetëm në pjesën e parë të këtij viti kanë gjetur dhe sekuestruar mbi 600 kilogramë marihuanë, që i bie dyfishi i drogës të konfiskuar në të njëjtën periudhë të vitit 2013.

Drejtori i qendrës “Labirinti”, Safet Blakaj, tregon për shifra alarmante të personave që kurohen nga varshmëria prej drogës. Në mesin e shumë konsumuesve ka edhe fëmijë të moshave 12-13 vjeç. /Tribuna/

Në një takim me gazetarët në Gaza Zëvendës Shefi i Byrosë Politike të Hamasit, Ismail Hanie, theksoi se nuk do të pranojnë një çarmatosje të rezistencës.

Zëvendës Shefi i Byrosë Politike të Hamasit, Ismail Hanie në një Takim me gazetarët në Gaza u shpreh se Hamasi nuk do ta pranojë çarmatosjen e rezistencës.

Hanie tha se rindërtimi është i legjitimuar siç është edhe arma e rezistencës dhe se nuk do të pranojnë një "shantazh politik" në mënyrë të nënkuptuar. Hanie gjithashtu i bëri thirrje Egjiptit "që të detyrojë" Izraelin që t'i përmbahet kushteve të armëpushimit dhe theksoi se Hamasi nuk do të pranojë negociata të drejtpërdrejta me Izraelin, por megjithatë, në parim ne nuk jemi kundër veprimit politik në bazë të pajtimit kombëtar.

"Hamasi, ka vendosur të mos bëjë deklarata kundër al-Fatih"

Hanie u shpreh se Hamasi ka marrë një vendim për të mos bërë njoftime për shtyp që të fusë në grindje politike dhe të jetë në kundërshtim me lëvizjen al-Fatah, dhe se në dëshirën e tyre është që të sigurojnë unitetin kombëtar dhe të arrijë një konsensus.

Ndërsa një nga anëtarët e Byrosë Politike të Hamasit, Musa Abu Merzuk një ditë më parë ishte shprehur se " për shkak të rrethimit të rëndë të Gaza-s në rast të presionit popullor Hamasi ishte i detyruar për të biseduar me Izraelin"

Në mes Hamasit dhe al-Fatahut, pas një periudhe 7-vjeçare të ndarjes, më 23 prill u arrit konsensusi kombëtar, dhe në këtë kontekst, më 2 qershor, u krijua qeveria konsensuale me në krye Rami el-Hamdallah./trt/

Ushtria e Lirë Siriane nuk do të marrë pjesë në koalicionin global të SHBA-së për shkatërrimin e ISID-it, deklaruan themeluesit dhe drejtuesit e saj, sipas Agjencisë së lajmeve Anadolli (AA)...
Koloneli Riad Esad tha se forcat e opozitës duan garanci në lidhje me përmbysjen e Presidentit Beshar Esad, përpara se t’i bashkohen një koalicioni kundër ISID-it.

"Nëse ata duan të shohin Ushtrinë e Lirë Siriane në anën e tyre, duhet më parë të japin garanci për rrëzimin e regjimit të Esadit “, u shpreh Koloneli Riad Esad.

E përbërë kryesisht nga oficerë dhe ushtarë, që janë larguan nga forcat e armatosura siriane, Ushtria e Lirë Siriane ka qenë grupi opozitar kryesor, që pretendonte të merrte mbështetje nga vendet perëndimore.

Si pjesë e strategjisë, Presidenti i SHBA-ve, Barak Obama, ka deklaruar se do të sulmojë militantët e ISID-it në Siri dhe të zgjerojë rrethin e sulmeve ajrore në Irak.

Sekretari amerikan i Shtetit, Xhon Kerri, vizitoi Turqinë të premten për të koordinuar veprimet kundër ISID-it. Sot ai ndodhet në Egjipt, një nga 10 shtetet arabe të gatshme për t’u bashkuar me koalicionin global kundër ISID-it.

Sakaq, Turqia ka refuzuar të lejojë përdorimin e bazave të saj për të sulmuar ISID-in dhe nuk e ka nënshkruar deklaratën përfundimtare të konferencës në Xhide të Arabisë Saudite.

Raportimet se nga një sulm ajror dje në Irak janë vrarë tetë shqiptarë, gjashtë prej të cilëve nga Kosova, ka mobilizuar institucionet e Kosovës. Zëvendësministri në detyrë i Punëve të Jashtme, Petrit Selimi, ka bërë të ditur se po bëjnë përpjekje për të siguruar informacione rreth këtij rasti.

Që nga fillimi i konfliktit në Siri dhe Irak, raportohet se atje janë vrarë gjithsej 40 shqiptarë. Kjo situatë ka aktivizuar institucionet e Kosovës për të verifikuar informatat e këtilla.

Selimi tha për RTK-në se ende nuk kanë asgjë zyrtare në lidhje me këto informata. Ai shtoi se janë në kontakt me ambasadat e shteteve mike për t’u interesuar rreth këtij rasti, pasi që bëhet fjalë për shtetas të Kosovës.

Edhe nga Policia e Kosovës thonë se nuk kanë informata zyrtare që gjashtë shqiptarë nga Kosova kanë humbur jetën nga një sulm në Siri. /RTK/

Kryeministri në largim Hashim Thaçi ka kërkuar nga autoritetet e Shqipërisë që gjatë vizitës së Papa Françeskut në Tiranë, më 21 shtator, t’i mundësohet që të jetë pjesë e agjendës zyrtare të takimeve me prijësin katolik, por Vatikani ka hedhur poshtë një mundësi të tillë.

Burime të Gazetës Express në Tiranë bëjnë të ditur se Vatikani ka hedhur poshtë mundësinë që edhe Hashim Thaçi të jetë pjesë e agjendës së takimeve zyrtare të Papa Françeskut me autoritetet në Tiranë.

“Thaçi ka kërkuar mbrëmë që të jetë pjesë e takimeve që Papa do bëjë në Tiranë. Zyrtarisht është kontaktuar Vatikani dhe nuk ka pranuar që ai të jetë pjesë” bëjnë të ditur burime të Gazetës.

Kryeministri Thaçi vitin e kaluar kishte marrë pjesë në ceremoninë e inaugurimit të Papës së ri, ndërkohë që zyra e tij kishte njoftuar se ai ishte pritur në audiencë private nga Papa Françesku. /Gazeta Blic/

Sipas raportit të “Ndihmave Humanitare Globale për vitin 2014” Turqia në krahasim me të ardhurat kombëtare doli vendi që dërgoi më së shumti ndihma humanitare në botë.

Ndërkaq në bazë të sasisë së ndihmave të bëra Turqia radhitet në vendin e tretë pas SHBA-së dhe Anglisë.

Ndihmat e saj Turqia i dërgon në të katër anët e botës nëpërmjet Departamentit për Menaxhimin e Krizave dhe Fatkeqësive pranë Kryeministrisë, AFAD, Agjencisë Turke për Bashkëpunim dhe Zhvillim, TIKA, Gjysmëhënës së Kuqe Turke, Departamentit të Turqve dhe Komuniteteve Farefisnore që Jetojnë Jashtë Shtetit dhe organizatave të ndryshme jo-qeveritare.

Sipas raportit në fjalë Turqia me 1,6 miliardë dollarë ndihma të bëra të cilat janë të barabarta me 0,21% të të ardhurave kombëtare bruto u shpall edhe vendi më bamirës i botës.

Sasia e ndihmave humanitare që bëri Turqia në vitin 2012 ishte 1 miliardë e 85 milionë dollarë, ndërsa kjo shifër në vitin 2013 u rrit për 561 milionë dhe doli në 1,6 miliardë dollarë.

Turqia në këtë radhitje pasohet nga Kuvajti, i cili ndau 0,20% të të ardhurave kombëtare për ndihma humanitare dhe nga Luksemburgu me 0,15%.

Autoritetet serbe të premten kanë kthyer në Kosovë mbetjet mortore të 24 personave të zhvarrosur në varrezën masive në Rashkë të Serbisë. Këto mbetje kanë ardhur në Kosovë pas gjurmimeve disamujore të autoriteteve kosovare e ndërkombëtare për gjetjen e kufomave të personave të zhdukur gjatë luftës së fundit në Kosovë.

Nysrete Kumanova nga shoqata “Thirrjet e nënave” ka thënë se kufomat e sjella të premten ishin vrarë, masakruar dhe varrosur e betonuar në Rashkë për t'ua humbur gjurmët nga ata të cilët masakruan në luftën e fundit në Kosovë, shkruan Tribuna.

Kryetari i Komisionit qeveritar për Personat e Pagjetur i ka thënë gazetës Tribuna se 24 mbetjet mortore janë nga komuna e Drenasit dhe e Skenderajt. Ai ka thënë që në Rashkë ende po shpresohet për viktima të tjera. “Është bërë pranimi i 24 mbetjeve mortore, të ekstraduara në Rudnicë të Rashkës. Presim edhe rezultate tjera nga mostra e dërguara më parë, mirëpo as minimumi i pritur i atyre çfarë kemi shpresuar dhe që është përmendur nga pala serbe nuk është gjetur, kështu që ende Rashka është opsion i hapur për t'u hulumtuar”, ka thënë Gjetaj.

Sipas tij, nga zhvarrosjet që janë bërë ne Rashkë më 22 gusht, janë pranuar 16 trupa të mbetjeve mortore, tani edhe 24 gjithsej 40 trupa janë identifikuar në Rudnicë të Rashkës. Ndërkaq Gjetaj ka thënë se që nga e hëna familjarët do të njoftohen për trupat e personave të kthyer në Kosovë dhe pastaj do të bëhet.

43 ushtarë rezervistë të shërbimeve informative izraelite nuk kanë pranuar që të bëjnë spiunazh antipalestinez.

Rezervistët e njësisë së lartë të mbikëqyrjes elektronike të Izraelit kanë refuzuar që të përgjojnë palestinezët, të cilët jetojnë nën pushtimin izraelit, raporton Agjencia Anadolli (AA).

Në një letër drejtuar Kryeministrit Beniamin Netanjahu dhe shefave të shtabeve, 43 rezervistë të njësisë 8200 kanë deklaruar se nuk pranojnë të kryejnë çdo detyrë ushtarake, që do të forcojë pushtimin e Izraelit në territoret palestineze, njoftoi radioja izraelite.

Ata argumentuan se informatat e mbledhura nga njësia e tyre janë duke u përdorur për të ushtruar presionin ndaj civilëve palestinezë, për rekrutimin e tyre për të spiunuar për Izraelin.

Të themeluara në vitin 1952, njësitë 8200 janë detashmenti më i madh i ushtrisë izraelite, përgjegjëse për mbledhjen e informatave.

Ky veprim vjen dy javë pas ndërprerjes së ofensivës izraelite shtatëjavëshe në Rripin e Gazës, ku u vranë të paktën 2,156 palestinezë dhe u plagosën rreth 11,000 të tjerë, kryesisht civilë.

Të paktën 72 izraelitë u vranë gjithashtu në këtë ofensivë, prej të cilëve 67 ushtarë dhe pesë civilë, sipas shifrave të bëra publike nga Izraeli./trt/

Anulimi i mbajtjes së seancës konstituive të 12 shtatorit me kërkesë të Listës Serbe, duket të jetë vetëm fillimi i problemeve që pritet të shkaktojë inkuadrimi i saj në institucionet shtetërore.

Fakti që seanca e thirrur nga kryesuesja Flora Brovina për t’u mbajtur të premten më 12 shtator u anulua pas kërkesës së Listës Serbe, tregon për forcën që ka ky grup politik në Kosovë, vlerësojnë njohësit e rrethanave politike në vend.

Lidershipi kosovar, sipas tyre, do të duhej të bëhej më unik në mënyrë që vendi të dalë nga ky ngërç politik që ka kapluar vendin tash e tre muaj.

Për Afrim Hotin, fakti që kjo listë po e përcakton agjendën e krijimit të institucione paraqet një shqetësim të madh për situatën politike në vend.

“Është jashtëzakonisht shqetësuese që një grup relativisht i vogël i deputetëve, prej fuqisë parlamentare tashmë përcaktojnë edhe agjendë”, ka thënë Hoti.

Kjo situatë e krijuar, sipas tij, do të duhej të shërbente si një sinjal për lidershipin e Kosovës. /Tribuna/

Raportohet se një tjetër shqiptar ka humbur jetën duke luftuar në qytetin irakian të Bastras.

Bëhet fjalë për shqiptarin nga Shkupi, Mesud Musliu, i cili bëhet kështu i dhjeti shqiptar i Maqedonisë që humb jetën në luftërat e huaja.

MPB-ja ka informuar se ky shtetas jetonte në Gjermani dhe mund të ketë hyrë në Irak në muajin prill.

Dyshohet se ai luftonte përkrah organizatës ISIS.

Fotoja që shihni, është bërë pranë Fakultetit Ekonomik të Universitetit të Prishtinës.

Në kontejner, siç shihet, janë hedhur me dhjetëra e dhjetëra diploma, dokumente, punime…

Përmendorja e likuidatorit Andon Llazov Janev – Qoseto e vendosur para disa ditësh në Shkup, është ngritur mbi tokë vakëfi, e uzurpuar nga sistemi komunist viteve të 70ta të shekullit të kaluar. Ky truall që përfshin edhe kompleksin e Gjykatave, i përkiste Xhamisë Jelen Kapan, që funksiononte në atë vend rreth 500 vite, deri në tërmetin e ‘63tës. Pas dëmtimit nga tërmeti, xhamia nuk u meremetua asnjëherë, por u rrënua tërësisht në vitin 1975.  Mbi të u ndërtua kompleksi i gjykatave, ndërsa tani edhe përmendorja e Llazov Janev Qoseto, i njohur edhe me nofkën Kasapi, që shquhet për kryerjen e atentateve dhe grabitjeve të ndryshme gjatë fundshekullit të XIX.

Gjatë  ngritjes përmendores nuk janë respektuar as procedurat e domosdoshme për hulumtimet arkeologjike në vendin ku është ngritur përmendorja.

Ndërkohë edhe Bashkësia Fetare Islame ka mbyllur sytë para këtij keqpërdorimi të vakëfit, duke mos dalë as edhe me një reagim, qoftë verbal, kundër vendosjes së figurave kontroverse mbi vendin ku mbi 5 shekuj funksiononte xhamia Jelen Kapan. Nga ana tjetër, një tjetër tokë vakëfi, të cilën BFI-ja u zotua ta mbrojë deri në fund, tashmë është humbur. Mbi vendin e Burmali Xhamisë në Qendër të Shkupit po merr pamje hoteli i filluar nga investitori grek. Pavarësisht paralajmërimeve për protesta dhe masa të tjera për rikthimin e Burmali Xhamisë, BFI-ja duket se ka hequr dorë edhe nga ky vakëf./alsat-m/

[youtube height="400" width="100%" align="none"]http://www.youtube.com/watch?v=knpYo9ukThE[/youtube]

Një ditë pas marrëveshjes ndërmjet LAN-it dhe VV-së kanë filluar të shfaqen pakënaqësit e ish-aktivitestëve të Albin Kurtit.

Ish-aktivist i Lëvizjes Vetëvendosje, Shkëlzen Gashi nëpërmjet një postimi në facebook ka paralajmëruar liderin e VV-së, Albin Kurtin se nëse ai do të shkoj të negociojë me Serbinë do ta gjuaj me vezë.

“Veç po e paralajmëroj albin kurtin që ditën që shkon me negociu me sërbinë, bashkë me plot ish aktivistë të vv-së, kemi me e gju me vo të prishta”, ka shkruar ai. /Indeksonline/

Lëvizja Vetëvendosje ka organizuar një aktivitet para RTK-së, ku kanë vendosur një pllakat me emrat e PDK-së të cilët, sipas tyre kanë punësuar në RTK të afërmit e tyre. Në pllakatë shkruhet ‘ RTK - Radio Televizioni i Kunatave.

Frashër Krasniqi, aktivist i VV-së, ka thënë se drejtori i RTK-së, Mentor Shala është shumë i afërt me PDK-në, ai së bashku me gruan e tij, Ramize Myrtezi Shala, kanë themeluar OJQ-në dhe kompaninë që kanë fituar tender në RTK.

Gjithashtu, kanë bërë keqpërdorime të mëdha të buxhetit të RTK-së duke paguar emisione të jashtme në mënyrë të jashtëligjshme.

Personat e PDK-së që kanë punësuar të afërmit e tyre janë: Hashim, Thaçi, Vlora Çitaku, Bekim Haxhiu, Bekim Qollaku, Azem Syla, Mustafë Mustafa, Shaip Muja, Xhevahire Izmaku, Abelard Tahiri, Ngadhënjim Kastrati dhe Mentor Shala. /KP/

Në ish Jugosllavi, dhjetë mijë fëmijë janë shitur në 40 vitet e fundit. Çmimi i fëmijëve ka shkuar nga vlera prej 15000 deri 40000 euro.

“Në trafikimin e fëmijëve janë të përfshirë të shumtë – nga doktorët, mamitë, pastrueset, shërbimet sociale dhe policia”, thekson kryetari i shoqatës serbe “Familjarët e fëmijëve të zhdukur”, Vladimir Cicarevic.

“Tërë jetën e kam vërejtur që diçka nuk është në rregull dhe se nuk u përkas atyre. Në familjen time daneze, familjarët të gjithë janë biond, ashtu i kanë edhe sytë dhe flokët, ndërsa unë jam zeshkan. Dhe pastaj, nëna daneze më ka treguar dhe pranuar atë që prej meje e kishin fshehur. Më kishin blerë për 20 mijë marka nga Qendra për Punë Sociale dhe prindërit e mi të vërtetë janë serbë”, janë fjalët e Anders Olsen, i cili para rreth 44 vitesh kishte lindur në Slankamen si Serxhan Milinkovic.

Edhe pse Gjykata Evropiane në Strasburg është e njoftuar vetëm për gjashtëqind raste të tilla, sipas Shoqatës së Prindërve të zhdukur, numri i fëmijëve të shitur nga Serbia është shumë më i madh.

Vetëm në Serbi, në dyzet vitet e fundit janë “vjedhur” rreth 10.000 fëmijë, që janë shitur me një çmim prej 15.000 deri 45000 euro ose marka.

Partia e Drejtësisë e rikonfirmon përkushtimin e saj për vazhdimin e bashkëpunimit brenda koalicionit për Misionin e Ri, në zbatimin e programit qeverisës, i cili do të sigurojë realizimin e koncepteve politike të PD-së, përfshirë edhe zbatimin në plotëni të lirive dhe të drejtave të njeriut si themel i demokracisë bashkëkohore.

PD, vlerëson se shoqëria kosovare ka përjetuar transformim të thellë demokratik, kur është në pyetje manifestimi publik i bindjeve fetare të femrave në Kosovë, gjë që e dëshmon fakti se që nga ditët e para të vitit shkollorë në 35 komuna të Kosovës, qindra femra me mbulesë vazhdojnë të vijojnë procesin mësimor në shkollat fillore dhe të mesme të vendit.

“PD konsideron se deklarata e deputetit Gëzim Kelmendit paraqet qëndrim të tij personal, ndërsa thekson se realizimi i marrëveshjes parazgjedhore me PDK-në, do të jetësohet në tërësi pas konstituimit të institucioneve të reja shtetërore”, thuhet në njoftimin e PD-së. 

Megjithatë, PD shpreh keqardhje për 10 raste në 5 shkolla të tri komunave të Kosovës (Prishtinë, Viti, Skenderaj) në të cilat ka ndodhur shkelja e dispozitave ligjore përkitazi më këtë çështje, për çka do të ndërmerren procedura gjyqësore të përcaktuar me Ligjin kundër Diskriminimit. /Telegrafi/

Gjyqtari i Vehbi Kashtanjeva ua vazhdoi për dy muaj paraburgimin 32 të dyshuarve për kryerjen e veprave terroriste dhe arrestin shtëpiak gjashtë të tjerëve të këtij grupi. Këta persona qenë arrestuar më 11 gusht.

Ata u arrestuan nën dyshimet për veprat penale të rekrutimit, organizimit dhe pjesëmarrjes në grupet terroriste.

Ndërkaq gjashtë personat tjerë të këtij grupi për të njëjtat dyshime do të qëndrojnë edhe 60 ditë në arrest shtëpiak.

Këta të dyshuar qenë arrestuar në aksionin e bujshëm të Policisë së Kosovës të zhvilluar më 11 gusht.

Edhe grupit prej gjashtë personash që iu vazhdua arresti shtëpiak, në fillim i ishte caktuar masa e paraburgimit prej një muaji, por kjo masë atyre iu hoq nga Gjykata e Apelit më 26 gusht.

Më pas, gjatë gushtit dhe shtatorit policia arrestoi edhe katër persona tjerë nën të njëjtat dyshime.

Deri tash 11 të arrestuarve nga 44 që përbëjnë grupin e të dyshuarve për terrorizëm u është zbutur masa e sigurisë. /kallxo.com/

Pasi nuk kanë mundur që të fitojnë të drejtën për të qenë pjesë e legjislacionit të ardhshëm, shpresa e vetme e tyre ka mbetur që të jenë pjesë e ndonjë dikasteri në Qeverinë e ardhshme.

Kjo mund të shihet edhe nga një foto e tyre e postuar në Facebook, ku të tre kandidatët për deputetë të AAK-së shihen të gëzuar me arritjen e marrëveshjes së LDK-AAK-NISMA me Lëvizjen Vetëvendosje.

Në fotografinë e postuar nga Besnik Tahiri, anëtar i Kryesisë së AAK-së, ai shfaqet bashkë me dy nënkryetarët e partisë, Ardian Gjini dhe Ahmet Isufi.

“Mirë a”, ka shkruar Tahiri. /Telegrafi/

Pikërisht në orën 13:00 është nënshkruar marrëveshja ndërmjet Bllokut LDK-AAK-Nisma dhe Lëvizjes Vetëvendosje.

Pas nënshkrimit të marrëveshjes, krerët e LDK-së, VV-së dhe AAK-së deklaruan:

Isa Mustafa: “Në si lider LDK-AAK-Nisma dhe lideri I VV, nënshkruam marrëveshjen mbi parimet për shtetin dhe qeverisjen. Kjo marrëveshje na obligon që sa më parë dhe në përputhje me parimet e demokracisë parlamentare me normat kushtetuese dhe ligjet e vendit, t’i ndërtojmë institucionet e reja, të përqendrohemi në për zhvillimin ekonomi, në rritjen e punësimit dhe mirëqenien e qytetarëve, reformat në shëndetësi, reformat e thella në drejtim të demokratizimit të vendit. Të punojmë për perspektiven evropiane, anëtarësim në BE dhe NATO. Të bëhen reforma substanciale në luftën kundër krimit dhe korrupsionit, reforma në drejtim të demokratizimit të vendit. Vendosem dialog i hapur demokratik me pakicën serbë në Kosovë për integrimin e plotë të tyre, nëpërmjet zhvillimit të plotë të tyre”

Albin Kurti: “Ne me LVV kur të vije puna te formimi i qeverisë së re e cila do ta ndryshojë Kosovën si në aspektin politik ashtu edhe socioekonomik, do ta mbajmë referendumin brenda VV. Ajo që kemi bërë sot në tremujorin është që VV bashkë me koalicionin LAN jemi marrë vesh që Kosovën ta hedhim në binarët e drejtësisë, të zhvillimit të barazisë, në luftimin e korrupsionit. Dhe formimi i qeverisë, dhe luftimi I korrupsionit ajo do të jetë marrëveshje e ardhshme. Theksi i kësaj marrëveshje është zhvillimi ekonomik, është qeverisja parimore, është reformat institucionale, mirëqenia sociale dhe natyrisht që në këtë marrëveshje kemi përfshirë edhe dialogun ku ne së pari e kemi përmend dialogun me BE dhe Komisionin Evropian, pastaj dialogun me serbët e Kosovës për integrimin e tyre në shoqëri, dhe kemi edhe dialogun në përgjithësi”.

Albin Kurti: “Me sot po fillon një ndryshim i madh në Kosovë pas pamundësimit të ripërtëritjes të regjimit të vjetër me qeveri të re, një qeveri pa regjim, ku qytetari i Kosovës do të jetë në qendër të vëmendjes. Në tekstin e marrëveshjes gjithçka është e qartë, dhe gjithçka sqarohet”.

Ramush Haradinaj: “Ne më 10 qershor e kemi nis një projekt të përbashkët me VV me një funksion parimor jo Thaçi 3, kuptohet ajo ka qenë një nisje e parë me sfidat e veta, kemi bërë një avancim shumë të madh, kemi nënshkruar një marrëveshje të parimeve, dhe të njëjtën kohë të gjithë ne në Kosovë pajtohemi që komunitetet etnike me i marrë përgjegjësitë e tyre siç e ka paraparë Kushtetuta, edhe me qenë pjesë e institucioneve të vendit dhe e kemi mirëprite pjesëmarrjen, si të Listës Srpska. Interesi ynë është edhe integrimi i tyre, kemi partneritet mes LDK-AAK-NISMA dhe tani me VV dhe kemi pa një situate integruese ashtu siç e parasheh kushtetuta”.

Gëzim Kelmendi e Labinotë Demi – Murtezi kanë paralajmëruar se nuk do ta votojnë kandidatin e PDK-së për kryetar të Kuvendit. Kelmendi madje ka paralajmëruar edhe largimin nga GP i PDK-së.

Grupi parlamentar i PDK-së ka vetëm 35 vota e jo 37 sa llogaritet se i ka fituar në zgjedhjet e 8 qershorit.

Dy deputetët e këtij grupi parlamentar Gzim Kelmendi dhe Labinotë Demi – Murtezi kanë paralajmëruar se do nuk do të votojnë kandidatin e PDK-së për kryetar Kuvendit.

Arsyeja e këtij veprimi është se në shkollat e Kosovës edhe këtë vit nuk është lejuar bartja e shamive në shkolla.

I kontaktuar nga Bota press, deputeti i Partisë së Drejtësisë, Gëzim Kelmendi ka sqaruar edhe arsyet pse nuk do ta votoj kandidatin e PDK-së për kryetar të Kuvendit të Kosovës.

“Nuk do ta votoj Arsim Bajramin për kryetar të Kuvendit për shkak të mos realizimit të marrëveshjes që kemi pasur me PDK-në para hyrjes në koalicionin parazgjedhor. PDK nuk e ka realizuar atë marrëveshje dhe si pasojë e këtij mos realizimi shumë vajza në shumë qytete të Kosovës janë privuar nga e drejta e tyre. Andaj vetë largimi i tyre nga shkolla dhe mos realizimi i marrëveshjes mua më bënë që të sillem konform asaj dhe të mos votoj kryetarin e Kuvendit”, u shpreh ai.

I pyetur nëse ka ndërmend edhe largimin nga Grupi Parlamentar I PDK-së, Kelmendi tha për “Botapress” se do ky do të jetë hapi i dytë në reagim të mos përmbushjes së marrëveshjes ndërmjet partnerëve të koalicionit.

“Për momentin kjo është forma e parë. Largimi nga grupi Parlamentar është hapi i dytë të cilin do ta shqyrtojmë edhe me Partinë e Drejtësisë”, tha Kelmendi. /Botapress/

Një delegacion i PD-së i përbërë nga deputeti Gëzim Kelmendi, ish deputeti Jeton Svirca dhe disa të tjerë, janë takuar sot me dr. Shefqet Krasniqin. 

Ndër temat që diskutuan ishte angazhimi dhe puna e palodhshme e hoxhë Shefqetit, për çka e uruan dhe i dhanë mbështetje të fuqishme për të vazhduar kontributin e tij të palodhshëm për popullin dhe vendin e tij, pavarësisht sfidave me të cilat ballafaqohet ai, thuhet në njoftimin e publikuar në faqen e dr. Shefqet Krasniqit në facebook.

Hoxha Shefqet Krasniqi u ka uruar suksese në rrugëtimin e tyre në politikë duke i porositur që të punojnë në interes të vendit./shembulli/

Deputeti i Kuvendit të Kosovës, Gëzim Kelmendi nga Partia e Drejtësisë, parti kjo e cila në zgjedhje ka hyrë në koalicion me Partinë Demokratike të Kosovës, ka bërë të ditur se nuk do ta votoj kandidatin e propozuar nga PDK për kryetar të Kuvendit në vazhdimin e seancës konstituive të së premtes.

Ai përmes profilit të saj zyrtar në rrjetin social “Facebook”, e ka bërë të ditur këtë qëndrim të tij.

Kelmendi këtë qëndrim të tij e ka dhënë, pasi që akoma nuk ka hyrë në fuqi udhëzimi administrativ i cili lejon bartjen e shamisë në shkolla. Premtim ky i cili ishte bërë edhe nga vetë kryeministri në largim Hashim Thaçi gjatë kohës së fushatës.

Një grup i të rinjve, anëtarë të Rinisë Demokratike të Kosovës – dega në Prishtinë zhvilluan një takim me kreun e Bashkësisë Islame të Kosovës, myftiun Naim Tërnava.

Sipas një njoftimi, në takim u diskutua për zhvillimet aktuale në vendin tonë me ç’rast u prek edhe akti simbolik i djegies së logos që përdoret nga grupi ISIS.

“Të rinjtë shpjeguan në takim me Myftiun Tërnava se aktiviteti i djeshëm simbolik nuk kishte qëllim të ofendimit të ndjenjave fetare të besimtarëve mysliman në Kosovë dhe as thënieve të shenjta për islamin. Qëllimi, u tha nga të rinjtë në takim, ishte ta kundërshtojnë terrorin dhe aktet terroriste të grupit ISIS me veprimet e tyre kriminale në rend të parë kundër fëmijëve dhe grave që i bëjnë në kundërshtim me parimet e fesë islame”, thuhet në njoftim.

Me këtë rast shtohet se myftiu Tërnava theksoi se të rinjtë tanë duhet të jenë të kujdesshëm e të matur në veprimet e tyre dhe mos të bien pre e fushatave që më shumë mund të sjellin debate, konfuzion e paqartësi se sa qëllimi i tyre për distancim nga veprimet e ISIS.

“Po ashtu, në takim Myftiu tha se ne si popull solidarizohemi me vuajtjet e popullatës civile në Irak e Siri, dhe në të njëjtën kohë dënojmë veprimet kriminale të asaj që quhet ISIS. “Të rinjtë theksuan se Rinia Demokratike e Kosovës ka një orientim të qartë demokratik, vlerave të tolerancës dhe mirëkuptimit ndërfetar e ndërnjerëzor”, përfundohet në njoftimin e PDK-së. /Telegrafi/

Bashkësia Islame e Kosovës vlerëson se akti i djeshëm i djegies së flamurit në të cilin është edhe dëshmia islame - shehadeti, është veprim i papranuar dhe në kundërshtim me traditën tonë të tolerancës e mirëkuptimit.

Lexojeni të plotë reagimin e BIK-ut:

Akti i djeshëm i djegies së "flamurit" nga një grup i të rinjve në të cilin është edhe dëshmia islame - shehadeti, është veprim i papranuar dhe në kundërshtim me traditën tonë të tolerancës e mirëkuptimit. Është e vërtetë që ky flamur padrejtësisht po keqpërdorët nga ISIS, organizatë terroriste e cila vepron gjoja në emër të myslimanëve. Mirëpo kjo assesi askujt nuk i jep të drejtë që të përdhosë simbolet islame apo të çfarëdo feje tjetër.

Me kohë e kemi thënë dhe e kemi sqaruar se ISIS, nuk vepron sipas mësimeve islame dhe as që është zgjedhur e mandatuar nga myslimanët për përfaqësim. Jemi të bindur që veprimet e tyre shpejt do të marrin përgjigjen adekuate nga populli i Irakut dhe i Sirisë në bashkëpunim me botën demokratike.

Ftojmë të rinjtë tanë që të jenë të kujdesshëm e të matur në veprimet e tyre dhe mos të bien pre e fushatave që më shumë mund të sjellin debate, konfuzion e paqartësi sase qëllimi i tyre për distancim nga veprimet e ISIS. Rikujtojmë se në emër të distanicimit nga ISIS, është e papranueshme nëpërkëmbja dhe përdhosja e simboleve islame.

 Po ashtu ftojmë edhe besimtarët tanë që të mos bien pre e veprimeve të pamatura të disa të rinjve tanë, ku kemi bindjen se këta të rinj nuk kanë dashur që të djegin dëshminë "Nuk ka Zot tjetër përveç Allahut dhe se Muhamedi a.s. është i dërguar i tij", por kanë dashur të djegin fotografinë e kriminelit Bagadatit dhe krimet e tij mbi popullatën e pafajshme. Ne si popull solidarizohemi me vuajtjet e popullatës civile në Irak e Siri, dhe në të njëjtën kohë dënojmë veprimet kriminale të asaj që quhet ISIS.

Nxënëset kosovare që bartin shami, kanë pasur problem të vijojnë mësimin në disa shkolla të Kosovës.

Një marrëveshje e lidhur si kush për koalicion ndërmjet Partisë së Drejtësisë dhe kryeministrit në detyrë, Hashim Thaçi, nga Partia Demokratike e Kosovës, nuk është duke u respektuar.

Pika më sublime e marrëveshjes për koalicion, që kryeministri Hashim Thaçi, kishte arritur me kreun e Partisë së Drejtësisë, Ferid Agani, për të nuk po zbatohet në praktikë nga 1 shtatori.

Bëhet fjalë për marrëveshjen mes kreut të PDK-së, kryeministrit në detyrë, Hashim Thaçi dhe kryetarit të PD-së, Ferid Agani, përmes të cilës nga ditë e parë e shkollës do të lejohet përdorimi i shamisë. /Zëri/

Myslimanët refuzojnë varrezat murale edhe pse tashmë është hedhur guri i parë i varrezave murale në Tufinë. Por për ata që nuk duan të futen në këto varreza, kreu i komunitetit të kulteve, Ilir Hoxholli propozon një zgjidhje për të mos krijuar polemika edhe me të vdekurit. 

“Ligji parashikon edhe ndërtimin e varrezave murale, por ato nuk janë pjesa kryesore e ndërtimit. Dihet qëndrimi i myslimanëve që është kundër varrezave murale, por kjo nuk e cënon aspak komunitetit mysliman, pasi në varrezat murale nuk do të futet askush, i cili nuk dëshiron, qoftë vetë përsonalisht, mund t’a lërë me amanet më pas. Edhe tek pjesa e familjarëve e tyre që nuk dëshirojnë, qofshin edhe në zhvarrimet që do të ndodhë me varret që kanë kaluar periudhën mbi 40 vjeçare.

Është një qëndrim i drejtë që përputhet plotësisht me fenë e tyre. Është e garantuar që nuk do të preken tek varrezat murale, nuk do të jen pjesë e varrëzave, çdo gjë është dëshirë. Në varrezat fetare ndërtohen gjithsecili sipas riteve përkatëse, çdo komunitet ka të drejtë të hapë varrezën e vet, e cila ndërtohet mbi një tiokë që është pronë e komunitetit fetarë përkatës, njihet në formën e tokave “vekëf”, që të parët e tyre mund t’i kenë lënë. Nëpërmjet lejeve dhe bashkëpunimeve me bashkinë apo me komunat përkatëse që është varrezë “fetare”. Është për herë të parë që njihet në këtë lloj termi në ligjin e ri” – tha Hoxholli për ora-news.

Kjo do të thotë se ardhmja e varrezave do të jenë ato publike për ateistët. /albeu/

Norvegjezi Anders Breivik, njeriu që tronditi opinionin publik ndërkombëtar me vrasjen e 77 njerëzve në Oslo dhe në ishullin Utøja në vitin 2011, thotë se dëshiron të krijojë një parti fashiste nga burgu, raporton agjencia ruse e lajmeve "RT".

I dënuar me 21 vjet në burg për vrasjen makabër, Breivik tha se ishte frymëzuar nga suksesi elektoral i neonazistëve të Agimit të Artë në Greqi.

Në një letër prej 33 faqesh që i ka dërguar agjencisë franceze të lajmeve AFP, Breivik shpreh dëshirën për të përhapur ideologjinë e tij me mjete jo të dhunshme dhe argumenton se po mendon të krijojë nga burgu partinë e tij fashiste.

"Si një ish-luftëtar, zemra ime qan për brutalitetin që kam kryer më 22 korrik. Gjëja më e rëndësishme në jetën time është të punoj për të parandaluar që e njëjta gjë të ndodhë përsëri. Ky do të jetë edhe qëllimi i partisë që dua të krijoj", shkruan në letrën e tij nga burgu i sigurisë së lartë ku mbahet prej 2 vjetësh.

Breivik e quan partinë e tij Partia Fashiste Norvegjeze dhe Aleanca Nordike, për të cilat ai thotë se do ta ndihmojnë të promovojë ideologjinë e tij, pa qënë e nevojshme të përdorë sërish dhunë.

Në gjyqin e tij, ai pohoi se masakra e kryer në emër të luftës kundër multikulturalizmit dhe "pushtimit mysliman"

[youtube height="400" width="100%" align="none"]https://www.youtube.com/watch?v=YL3LouhfCBw[/youtube]

Kryetari i Gjykatës Kushtetuese të Kosovës, Enver Hasani, në një ligjëratë që ka mbajtur muaj më parë në Universitetin “SMU Dedman School of Law”, në Dallas të Texas-it, ka thënë se në Kosovë lejohen martesat e seksit të njëjtë. 

Kryetari Hasani në këtë ligjëratë u ka sqaruar të pranishmëve se, në Kosovë, është e lejuar me Kushtetutë martesa e dy personave të gjinisë së njëjtë.

Për këtë temë Hasani flet në minutën e 39-të të videos./lajmi.net/

[youtube height="400" width="100%" align="none"]https://www.youtube.com/watch?v=T6xXDwh0aIc#t=2339[/youtube]

Kapiteni i Përfaqësueses së Kosovës, Anel Rashkaj, pas fitores së parë ndërkombëtare kundër Omanit (1-0), ka ndarë kohë që ta vizitojë imamin e Xhamisë së Madhe në Prishtinë, Shefqet Krasniqin.

Burimet e Telegrafit thonë se Rashkaj është një pëlqyes i madh i ligjëratave të Shefqet Krasniqit, dhe për këtë arsye ka shprehur dëshirë që të njoftohet me të personalisht.

Ky i fundit e mirëpriti me shumë dëshirë atë në zyren e tij, teksa shpenzuan kohë bashkë duke biseduar për shumë çështje.

Ndër të tjera, imami i ka uruar atij për fitoren e madhe ndaj Omanit, si dhe i ka dëshiruar fat në ndeshjet tjera. /Telegrafi/

Një tjetër shqiptarë është vrarë nga radhët e ISIS në Siri. Nëpër rrjetet sociale po shpërndahet fotoja e tij, me përshkrimin që ai ka rënë “shehid”, njofton almakos.

“Vellahu jon nga Shkupi. Xhelali ka ra Shehid InshaAllah. Allahu e pranoft shehid e na bashkoft ne Xhennet”, shkruan në faqet që kanë shpërndarë lajmin.

Një shpërthim i madh ka ndodhur në Pejë, afër Fabrikës së Brumërave. Zjarrfikësit janë ende duke provuar për të lokalizuar zjarrin, ndërsa indikacionet e para janë se aty ka shpërthyer një bombol gazi.

Policia e Kosovës ka rrethakuar në një diametër të gjerë këtë lokacion dhe nuk po lejon aski që të afrohet. Siç bëhet me dije, për fat të mirë, nuk ka të lënduar nga ky shpërthim. Megjithatë, gjithnjë sipas banorëve, aty janë në rrezik përpos Fabrikës edhe disa objekte të tjera.

“Nga ajo që po shihet dëmet mund të jenë shumë të mëdha. Janë duke ardhur ndihmë edhe prej Deçanit dhe Istogut. Jemi duke bërë përpjekje për lokalizim të zjarrit”, ka thënë për Kohën Ditore, Muhamet Mahmutaj, drejtor i Drejtoratit të Komunës për mbrojte dhe shpëtim.

Shpërthimi, sipas banorëve ka plasur rreth orës 13:00.

Gazeta ditore "Kurir", me datë 19 prill të vitit 2012 kishte shkruar një artikull me titull "Vehabiu në policinë serbe", duke akuzuar policin preshevar që punon në vendkalimin kufitar të Preshevës me Maqedoninë Arben Shahin si pjestar të lëvizjes vehabiste, transmeton presheva.com.

Kjo gazetë atë kohë kishte shkruar polici Shahini, që punon rreth pesë vite në policinë multietnike në Preshevë, ka fillua të sillet çuditshëm dhe me agresivitet vitin e fundit. Kolegët e tij polic serb, sipas kësaj gazete, transmeton presheva.com, po frigoheshin se kolegu i tij shqiptar mund ti hedhë ata në erë, duke mos ditur se si të veprojnë me të pasi edhe nuk guxojnë ta suspendojnë për shkak të presionit të madh të politikanëve lokal shqiptar.

Kjo gazetë kishte shkruar në artikullin e saj se "Verës, kur edhe numri më i madh i turistëve kalon kufirin, bukvalisht ai para rampës kishte vendosur një qilim dhe po i lutej Zotit. Kjo ka qenë e pakëndshme, ka irituar njerëzit. Eshtë dashur ta largojmë nga aty, që së paku të mos i kontrolloj pasaportat" ka thënë një burim i gazetës.

Gazeta si mbititull kishte cituar lajmin si SKANDAL NË PRESHEVË, si nëntitull ka qenë e "bindur" se Arbeni është pjestar i lëvizjes vehabiste dhe se MUP-i serb dyshon se ai është terrorist.

Vendimi i gjykatës së apelit, një kopje të cilën e posedon redaksia e presheva.com, ka hedhur poshtë ankesën e gazetës "Kurir" nga Beogradi, edhe atë të Sasha Milovaniq nga Beogradi dhe Jelena Velinoviq nga Beogradi, duke i quajtur si të pa bazuara duke vërtetuar vendimin e gjyqit të lartë në Beograd të datës 18.12.2013.

Me vendimin e gjyqit të lartë në Beograd të datës 18.12.2013, ka marrë vendim që kjo gazetë është e detyruar që paditësit ti paguajnë dëmet jomateriale për shkak të dëmtimit të reputacionit, nderit dhe të drejtave personale me vlerë prej 100.000 dinarë, me interes të kamatës prej datës kur gjyqi ka marrë vendimin.

Kjo gazetë është e obliguar që këtë vendim të gjyqit ta publikoj edhe në gazetë edhe në verzionin elektronik në internet./presheva.com/

Imami i BIK-ut nga Mitrovica, Fatmir Latifi në një video (min. 20:30) të lansuar në rrjetet sociale, ka kritikuar mediat se pse ata nuk po merren me priftin, Anton Kçirën, i cili kohë më parë pati ofenduar gjithë shqiptarët e Kosovës.

Prifit Kçira ka ofenduar muslimanët dhe kjo nuk është gënjeshtër, ka thënë ndër të tjera Latifi.

“Pse se ka kritiku askush atë popin prej amerikës, shqiptari i Kosovës, i cili ka thënë se “turp i qoft që Millosheviqi s’ka arritë 2 milion qenë me i mbyt, neve muslimanëve na ka qujt qen”. Vallai spo ja ngjes, ai e ka thënë këtë sen”, ka thënë imami Latifi.

Imami nga Mitrovica poashtu ka thënë se, feja islame është komplete dhe se, sipas tij, të vetmit hoxhallarët janë njerz të cilët janë të drejtpërdrejt. /io/

[youtube height="400" width="100%" align="none"]https://www.youtube.com/watch?v=AnkCOba3cck[/youtube]

Çetnikët serbë që kanë luftuar në Ukrainë, në aeroportin e Beogradit u pritën nga pjesëtarët e shërbimit të zbulimit BIA.

Shërbimi sekret interesohej për qëndrimin e tyre në Novorusi, siç e quajnë ata rajonin rreth Dunetskut dhe Luganskit, që ka ngritur krye kundër Kievit.

“Marrja në pyetje zgjati pesë orë. Donin ta dinin a kemi shkuar për para dhe kush e ka organizuar udhëtimit. Donin të na lidhnin me financuesit rusë, por ne kemi shkuar me mjetet tona”, tha një çetik për Vesti, transmeton Telegrafi.

Gjatë luftimeve në Ukrainë, çetnikëve u janë shkatërruar pasaportat, kështu që ata iu drejtuan ambasadës serbe. Kështu BIA u informua për emrat e tyre.

Sipas Vestit, në anën e forcave ukrainase luftojnë dy shqiptarë dhe një kroat, të cilët janë zhdukur para dy javëve. Thuhet se ata janë arrestuar, por për fatin e tyre nuk di askush asgjë: as nëse mbahen të burgosur e as nëse janë të gjallë. /Telegrafi/

Myftiu i Sanxhakut, Muahmer Zukorliq, i njohur për qëndrimet e tij të forta kundër Serbisë, e ka quar peshë dje dhe sot Serbinë.

Ai dje në vendin e quajtur Haxhet në Novi Pazar, ku para 70 vitesh janë pushkatuar shumë boshnjakë, i nxori në rrugë rreth 100 mbështetës të tij të veshur me uniforma të gjelbra dhe me stemë të Sanxhakut (e ngjashme me atë të boshnjakëve gjatë luftës kundër serbëve dhe kroatëve).

Ata në kokë mbanin bereta të kuqe. Skuadra e tij kryesisht përbëhej nga nxënës të shkollave të mesme dhe nxënës të shkollës që është nën kontrollin e Zurkorliqit.

“Që provokimi të jetë edhe më i madh, në mesin e viktimave që Zurkoliq i nderoi është edhe Aqif-Efendi Haxhiahmetoviq (shqiptari i cili luftoi kundër serbëve dhe krahë boshnjakëve për çlirimin e Novi Pazarit, atëherë Pazari i Ri), të cilin historianët e vlerësojnë se përgjegjës për vrasjen e serbëve në Luftën e Dytë Botërore”, kështu shkruan e përditshmja serbe Kurir, transmeton Indeksonline.

Haqif Efendi Haxhiahmeti, gjatë Luftës së Dytë Botërore luftoi përkrah boshnjakëve për të cliriruar tokat e pushtuar shqiptare nga serbët. 

[youtube height="400" width="100%" align="none"]https://www.youtube.com/watch?v=OQfEWVlhcZ8[/youtube]

Kjo është Xhamia e Madhe e Prishtinës, në të cilën shërben si imam Dr. Shefqet Krasniqi.

Sot, që është ditë xhumaje, shumë njerëz kanë dalë për tu falur në xhaminë kryesore të kryeqytetit.

Gjatë faljes së namazit të Xhumasë (së premtes) një numër shumë i madh besimtarësh kishin mbushur ambjentet e xhamisë edhe si shenjë mbështetje ndaj imamit që dje për disa orë u mor në pyetje nga polcia.

Lojtarët e kombëtares së Omanit, të cilët do të ndeshen me kombëtaren e Kosovës, të dielën në Prishtinë, sot janë parë në faljen e namazit të xhumasë në Xhaminë e Madhe që udhëhiqet nga imam Shefqet Krasniqi.

Në një profil të rrjetit social Facebook që i dedikohet imamit të Xhamisë së Madhe në Prishtinë, Shefqet Krasniqi, “Të përfitojmë nga hoxha i nderuar Dr. Shefqet Krasniqi”, është publikuar një fotografi ku shihet Krasniqi, një femër dhe një mashkull.

E veçanta e kësaj fotografie është se aty thuhet që sot një grua e krishtere ka pranuar islamin.

“Sot pas namazit të xhumasë, e pranoi islamin një grua e krishtere”, shkruan në njoftim. 

Antari i kryesisë në Partinë e Drejtësisë, Avni Tafili ka reaguar për marrjen në pyetje dje të Imamit të Xhamisë së Madhë në Prishtinë, Shefqet Krasniqit.

Tafili ndër të tjera ka shkruar se, gëzimi i islamofobëve ishte i papërshkrueshëm.

“Allahu e ruajte hoxhën për sa kohë është në të vërtetën!”, ka shkruar ndër të tjera ai.

Ja postimi origjinal:

Banorët shqiptarë të veriut të Mitrovicës konsiderojnë se gjendja e tyre e përgjithshme në këtë pjesë të Kosovës muajt e fundit është rënduar dhe është bërë e pa qëndrueshme.

Sipas tyre, një gjendje e tillë nuk ka qenë asnjëherë më e rëndë gjatë tetë viteve të fundit sa i përket aspektit ekonomik dhe të investimeve.

Emir Azemi, banor i kësaj pjese të qytetit, njëherit zëvendës kryesues për komunitete në Kuvendin Komunal të veriut të Mitrovicës, bëri të ditur për KosovaPress se shumë qytetarë të veriut, nevojtarë, po iu drejtohen organeve komunale në jug për ndihmë rreth aspekteve të ndryshme, por në shumë raste ata po i drejtojnë në veri, me arsyetimin se tani atje ka organe komunale.

“Krejt kjo po zhvillohet pa sukses, sepse ende në veri s’kemi organe të formuara, pos zyrës administrative e cila funksionon me kapacitete të limituara. Dua të njoftoj opinionin e gjerë se edhe më parë ka pasur administratë të UNMIK-ut, zyrë administrative dhe struktura të Serbisë të cilat kanë vepruar në këtë pjesë, por asnjëherë dhe në asnjë mënyrë organet komunale nuk i kanë neglizhuar kërkesat e qytetarëve shqiptarë të veriut, por në mundësitë e tyre ju kanë dalë në ndihmë”, ka thënë Azemi.

Në emër të këtyre banorëve, ai ka kërkuar urgjentisht nga qeveria qendrore, themelimin e një fondi prej 7 milionë eurosh, ku brenda periudhës së caktuar kohore, do të rindërtoheshin 300 shtëpi të djegura, si dhe do të renovoheshin mbi 400 banesa të dëmtuara e uzurpuara të shqiptarëve në veri të Mitrovicës.

Sipas tij, kjo do të kontribuonte në përmirësimin e gjendjes së përgjithshme, sidomos në fushën e banimit, pasi ky është problemi kyç i mijëra refugjatëve të cilët jetojnë tash e 15 vite me qira dhe në gjendje të rëndë. /KP/

Derisa mjekët po përpiqeshin të shpëtonin të plagosurit në repartet e emergjencës brenda spitaleve të Rripit të Gazës gjatë gjithë kohës së sulmeve izraelite, të tjerët po e jepnin mundin e tyre në repartin e lindjes për të nxjerrë në jetë foshnja të reja. Sipas statistikës së fundit të Ministrisë Palestineze të Shëndetësisë 4500 fëmijë kanë lindur në Rripin e Gazës vetëm gjatë ditëve të sulmeve izraelite në Rripin e Gazës, në kohën kur qindra fëmijë kanë rënë dëshmorë, si pasojë e luftës izraelite kundër qytetarëve të Gazës. Lindjet janë shumëfishuar nën zjarrin e okupatorit, saqë ka pasur gra që kanë lindur në shtëpitë e tyre, të tjera rrugës për në spital dhe të tjera në dyshemenë e spitalit, duke pritur ndonjë mjeke për të lindur.

Palestinezët mendojnë se kjo rritje e numrit të të lindurve në këtë muaj është keramet (lloj mrekullie) nga Allahu për të zëvendësuar rritjen e numrit të fëmijëve të rënë dëshmorë gjatë kësaj kohe./Shembulli/

Burimi: http://www.al-akhbar.com/node/213129 (Sena Kemal).

Imami i Xhamisë së Madhe, Shefqet Krasniqi, në një prononcim të shkurtër për Telegrafin ka theksuar se ai është mirë e shëndoshë dhe se sot nuk është arrestuar nga Policia e Kosovës, por është shoqëruar për një intervistim në Prokurorinë Speciale të Kosovës.

Ai u bën thirrje të gjithë besimtarëve myslimanë që të jenë të qetë dhe ta kenë situatën nën kontroll.

Madje, imami Krasniqi ka theksuar se “nuk ka nevojë për panik”.

“Unë them se nuk duhet të ketë panik në mes të besimtarëve myslimanë. Nuk mendoj se nuk duhet të reagojmë, por kjo të jetë në suaza të një gjuhe me argumente dhe fakte”, ka thënë Krasniqi, për Telegrafin.

Kransiqi i ka falënderuar organet e rendit për sjelljen, e cila sipas tij ka qenë shembullore, duke shtuar se “nuk kam asnjë vërejtje për mënyrën se si jam trajtuar sot”.

Radhës së atyre që kanë reaguar për arrestimin e hoxhës Shefqet Krasniqi, ka qenë edhe hoxhë Ulvi Fejzullahu. Në një postim në profilin e tij në facebook, ai ka akuzuar politikën kosovare për “spektaklin” e krijuar me arrestimin e hoxhë Shefqet Krasniqit.

Në vazhdim mund ta lexoni të plotë reagimin e hoxhës Ulvi Fejzullahu.

Pas arrestimit të hoxhës Shefqet Krasniqi, nëpër rrjetet sociale ka shpërthyer një përkrahje shumë e madhe për hoxhën. Përmes tagut #‎meHoxhenShefqetKrasniqi‬ dhe në forma të tjera, shumë hoxhallarë, kolegë të dr. Shefqet Krasniqit, njerëz të profileve të ndryshme, besimtarë, kanë shprehur pakënaqësinë për arrestimin e në të njëjtën kohë edhe përkrahjen për hoxhë Shefqet Krasniqin.

Në vazhdim po i sjellim disa nga këto reagime:

Reperi i mirënjohur, Gold AG ka reaguar pas arrestimit të hoxhë Shefqet Krasniqit. Ai në një postim në Facebook ka thënë se “po jetojmë në një vend ku akuzohen luftëtarët e hoxhallarët, ndërsa veprojnë të lirë tradhtarët”.

“Jetoj me nje vend ku akuzohen luftetaret e hoxhallaret. E te lire veprojn shpiunat e tradhtaret”, ka shkruar ai në Facebook.

Burime të Telegrafit kanë mësuar se imami i Xhamisë së Madhe në Prishtinë, dr. Shefqet Krasniqi është liruar pasi që kishte kaluar disa orë në intervistim nga Prokuroria Speciale e Kosovës.

Imami Shefqet Krasniqi shihet në foto, e cila është bërë pak çaste më herët, duke ecur i qetë pasi që e kishte përfunduar intervistimin në Prokurorinë Speciale.

Ndryshe, Prokuroria Speciale e Republikës së Kosovës ka konfirmuar se imami i Xhamisë së Madhe në Prishtinë, dr.  Shefqet Krasniqi, është intervistuar në Policinë e Kosovës.

Policia e Kosovës përmes një njoftimi zyrtar kishte treguar se ka shoqëruar dr. Shefqet Krasniqin, si të dyshuar për veprën penale “nxitje e urrejtjes, përçarje ose mosdurim kombëtar, racor, fetar apo etnik”, sipas nenit 147 të KPK-së.

Prokuroria Speciale e Republikës së Kosovës ka konfirmuar për Radion Evropa e Lirë se imami i Xhamisë së Madhe në Prishtinë, dr. Shefqet Krasniqi, është duke u intervistuar në Policinë e Kosovës.

“Shtëpia e hoxhës është bastisur nga ana e Policisë së Kosovës. Tash për tash, ai është në intervistim dhe nuk ka ndonjë vendim për ndalim; për më tutje nuk e dimë se si do të rrjedhin gjërat, në bazë të intervistës së tij”, thuhet në përgjigjen e dhënë nga Prokuroria Speciale.

Policia e Kosovës ka konfirmuar se është duke kryer një operacion, por nuk ka dhënë detaje për natyrën e tij apo vendin se ku po realizohet.

“Zyra për informim e Policisë se Kosovës konfirmon se një operacion policor është duke u realizuar, mirëpo natyrën e operacionit pritet ta konfirmojmë pasi t’i kompletojmë informacionet zyrtare nga terreni”, ka thënë zëdhënësi i Policisë, Baki Kelani.

Mediat në Prishtinë raportojnë se operacioni ka në shënjestër persona të dyshuar për veprimtari radikale, por këto njoftime nuk janë konfirmuar ende zyrtarisht.

Bashkësia Islame e Kosovës ka thënë se këto informacione i ka marrë nga mediat dhe se nuk mund të deklarohet për më shumë detaje.

Në muajin gusht, policia ka arrestuar mbi 40 persona, nën dyshimet se kanë marrë pjesë në luftimet në Siri dhe Irak, përkrah organizatave të shpallura terroriste, Shteti Islamik dhe Al-Nusra, si dhe nën dyshime të tjera që lidhen me radikalizmin fetar.

Në një njoftim për opinion paralajmërohet shpallja e Republikës së Iliridës, pra e asaj pjese të banuar me shqiptarë që nga vitet 1990 karakterizohet me këtë emërtim.

“Njoftojmë opinionin shqiptar dhe ate nderkombetar perfshire Qeverin e RKS dhe ate te Shqiperise dhe te gjitha ambasadat e vendeve mike ne IRJM KOSOV DHE SHQIPERI qe se shpejti shqipetaret e ILIRIDES dhe Qeveria e tyre emergjente do te shpall REPUBLIKEN E ILIRIDES NE EMER TE KONFEDERATES TE UNIONIT ILIRID MAQEDONI.

E drejta e popujve per vetëvendosje eshte e garantuar me karten e Atlantikut te vitit 1941 1. Lidhja e Kombeve 2.Karta e kombeve te bashkuara e vitit 1945 3.Deklarata Universale e OKB-s e vitit 1948 4.Rezoluta e E OKB-s NR.637.16.12.1952 5.Rezuluta e OKB-s nr .1514.14.12.1960 6.Rezoluta e OKB-s nr.1815.18.12.1963 7.Rezuluta e OKB-s nr.2105.20.12.1965

Pakti nderkombetar per te drejtat civile dhe politike i vitit 1966 .Pakti nderkombetar per te drejtat ekonomike sociale dhe kulturore 1966 dhe Rezuluta e OKB-s nr .2625.24.12.1970.

Akti final i Helsingut 1975.Karta e Parisit 1990.Dokumenti i KOPENHAGES Qershor 1990.

KERKESA JON ESHTE E BAZUAR NE NUMRIN E SHQIPETAREVE NE IJRM QE PERBEN SE PAKU 40% TE POPULLATES TOTALE TE SHTETIT TE IRJM-se. Per qeshtjen tone eshte njoftuar Kongresi i SHBA-s ,CIA ,Komiteti i HELSINGUT ne SHBA,senati i BELGJIKES,komiteti i Helsingit ne HOLAND dhe BBC.

Republika e Ilirides do te jete faktor stabiliteti ne Ballkan dhe ne EU, sepse nuk do cenoj apo prek kufijt e jashtem administrativ por do te bej nje riorganizim konfederal ne mes dy republikave ILIRID IRJM .Republika e ILIRIDES do te jet nje Republike Demokratike dhe do garantoj te gjitha pakicat minoritare te cilat deshirojn te jetojn ne R.e ILIRIDES te drejta keto te garantuara nderkombetarisht.

Ne kuadrin e saj ILIRIDA do te kete nje force ushtarake te kufizuar dhe me armatim konvencional GRI(Garda e Republikes se ILIRIDES)do ti pergjigjet situatave dhe sfidave kunder gjith atyre qe cenojne rendin republikan te RI dhe qe kercenojne popullaten e REPUBLIKES SE ILIRIDES njekohesisht GRI do te jet e gatshme qe ta mbroj territorin e rep,SE ILIRIDES dhe institucionin e rep,SE ILIRIDES qe nga momenti i shpalljes se rep. se ILIRIDES” (sic.), thuhet në njoftimin e nënshkruar nga komandanti Hamdi Ndrecaj-Panteri, koordinator i GRI-se. /Standardi/

Lajmi i "skllavërisë moderne" të shitjes së grave jezide në treg për "mish të bardhë" ishte vetëm një spekullim i mediave. 

Këtë e demanton media italiane bufale.net në lajmin me titull Disinformazione (Dezinformatë) duke thënë se lajmi i rremë i shitjes së grave jezide robëresha të luftës në Mosul, të cilin fillimisht e lansoi shkrimtarja libaneze me shtetësi Amerikane Brigitte Gabriel, në të vërtetë është një protestë e aktivitesteve kundër diktaturës egjipatase, respektvisht gjatë një proteste në Aleksandri të Egjiptit, njofton albtime. 

Në të vërtetë kjo fotografi nuk është e vitit 2014, dhe e njëjta për herë të parë është publikuar në web faqen Vetogate.com  më 7 dhjetor të vitit 2013 edhe atë e bërë gjatë një proteste në Aleksandri të Egjiptit.

Ajo që vlen të shikohet detajisht është se "kafazi" nuk është i mbyllur në të gjitha anët, respektivisht në anën e përparme është i hapur, që e dëshmon edhe fotografia në vijim.

Për çfarë manifestimi bëhet fjalë?

Protesta kishte të bënte me ngritjen e zërit kundër arrestimit të disa grave nga pushteti puçist i Egjiptit ku një numër i konsiderueshëm i aktivisteve femra pro presidentit të rrënuar Muhamed Mursi, ishin dënuar me 11 vite burg në këtë rast forma e tillë e protestës ishte edhe konform pamjeve që jepeshin nga senca gjyqësore ku gratë e burgosura mbaheshin në "kafaz"./albtime

[youtube height="400" width="100%" align="none"]https://www.youtube.com/watch?v=yAOjhjnPgOc[/youtube]

Zëdhënësja e Departamentit amerikan të Shtetit, Jen Psaki në mbledhjen ditore me mediat tha se kanë biseduar me autoritetet turke në lidhje me lajmet që kanë qarkulluar në shtypin gjerman mbi aktivitetin e agjencive amerikane të zbulimit kundër Turqisë.

Në përgjigje të pyetjes së gazetarëve në brifingun ditor të shtypit mbi pretendimet në fjalë Psaki tha: “Si miq dhe aleate e Turqisë Amerika vazhdon të jetë besnike në qëndrimin e saj për konsolidimin e partneritetit të afërt që ekziston ndërmjet dy vendeve dhe intensifikimin e bashkëpunimit në fushat kyçe”.

Për arsye politike në publik nuk mund të bëjmë komente që kanë të bëjnë me aktivitetin e shërbimeve të inteligjencës, sqaroi Psaki, por mund të konfirmoj që lidhur me këto pretendime është biseduar me autoritetet turke, duke shtuar se bisedimet me palën turke në këtë drejtim do të vazhdojnë.

Pyetjes “në qoftë se pretendimet në fjalë dalin të vërteta, a mund të jepni garanci që administrata amerikane do tu japë fund aktiviteteve të tilla në Turqi?” zëdhënësja e Departamentit të Shtetit iu përgjigj duke u mjaftuar me përmendjen e deklaratës së Presidentit të Shteteve të Bashkuara të Amerikës, Barak Obama, ku ai ka folur edhe për përpjekjet në drejtim të rishikimit të metodave që përdoren nga vendi i saj për grumbullimin e informacionit të klasifikuari, ku ndër të tjera Obama ka deklaruar edhe një seri reformash në këtë drejtim. “Nuk kam asgjë tjetër për të thënë jashtë kësaj”, tha Psaki./trt/ 

Jo më larg se dy muaj më parë, lokalet e shqiptarëve të lagjes Gjorçe Petrov u bënë shkrumb e hi nga huliganët. Të vizitosh edhe sot lagjen Gjorçe Petrov të Shkupit, e cila ende nuk është shëruar tërësisht nga ‘traumat’ e trazirave që ndodhën nga incidentet në këtë lagje, pas vrasjes së Angell P, të duket si në ‘gjendje lufte’.

Shqiptarët që punojnë në Gjorçe nuk do të gjejnë qetësinë asnjëherë. Së paku kështu mendon Fatmir Bajrami, njëri nga pronarët në këtë lagje të Shkupit. Vetëm 5 ditë më parë rreth 70 huliganë ia kanë rrethuar lokalin për ta sulmuar, përderisa siç thotë për Almakos Bajrami ka qenë vetëm vet brenda lokalit, por huliganët kishin brohoritur thirrje antishqiptare, duke qëndruar për 10 minuta jashtë lokalit duke bërtitur, me çka fatmirësisht nuk kanë hyrë brenda. Nëse do të kishin hyrë, Bajrami thotë se aty do të ‘ndodhte një Gaza tjetër e re në Shkup’

“Ata e rrethuan lokalin tim, isha vet brenda, kurse jashtë kishte rreth 70 huligan maqedonas, po të hynin brenda, nuk e di se si do kaloja, e si do kalonin edhe ata. Por, jam i sigurt se do ndodhte një Gaza në Shkup”, – thotë i shqetësuar, Fatmir Bajrami, për Almakos.

Atë e kapin edhe ‘drithërimat prindërore për fatin e fëmijëve të tij’, ngaqë gjatë ditës së sotme sërish i ka ndodhur një incident i rëndë. Menjëherë pasi ka zbritur djali i tij nga autobusi duke u kthyer nga shkolla, është sulmuar nga huliganët maqedonas, duke e rrahur pamëshirë, edhe pse një nxënës i shkollës fillore.

Me çka, djalit të Fatmirit librat që i kishte marrë në shkollë sot, duke vrapuar për të babai duke qarë për të kërkuar shpëtim, i kishin rënë disa prej tyre rrugës. Fatmiri thotë se posa kishte dalë të shoh se ç’po ndodhte jashtë lokalit, ishin larguar përnjëherë rreth 20 maqedonas të moshës 35 – 40 vjeçare, të cilët sipas tij e kishin sulmuar djalin e tij. Ndërkohë, djalin e vllaut e kishin rrahur, deri sa ishte përgjakur.

“Ka vite e vite që sulmohemi vazhdimisht. Me mijëra premtime na i ka dhënë BDI-ja që të rrimë të qetë, se më asnjë incident nuk do përsëritet, dhe se askush nuk do guxojë të na prekë, pasi do na mbrojë policia e shtet. Por, çfarë po ndodh kështu, ne a kemi shtet, a kemi institucione?”, – pyet Fatmiri i revoltuar.

Fatmiri partinë shqiptare në pushtet, BDI-në e quan një parti antishqiptare e sllavomaqedonase, pasi që deri më tani nuk ka bërë asgjë konkrete për të zgjidhur problemet shqiptare, sidomos në lagjet që janë të përziera në Shkup.

“Partia shqiptare në pushtet BDI, ajo është sllavomaqedonase dhe antishqiptare, ngase nuk bënë asgjë për të na mbrojtur nga terrori i vazhdueshëm që po na bëjnë maqedonasit. Ndonjëherë mendoj se BDI në koordinim me institucionet e ndryshme shtetërore na e bënë këtë, me qëllim që mos të ngelet asnjë shqiptarë në Shkup. Kupa është mbushur. Ne nuk njohim tashmë asnjë institucion të Maqedonisë, asnjë organ shtetëror, asnjë institucion, por e njohim vetëm Shkupin”, – thekson Fatmir Bajrami për portalin Almakos. 

Disa banorë të fshatit Llokë, thanë për Almakos se ata kanë filluar tashmë të vetëorganizohen, për faktin se BDI-ja dhe policia nuk kujdesen për sigurinë e tyre, me çka ju ka mbetur të kujdesen vet, me forcat e veta, për sigurinë personale e të pronave të tyre. Tutje banorët e Llokës pohojnë se nëse ndodhin incidente të rënda në të ardhmen e afërt brenda komuniteteve, për këtë përgjegjësi do të kenë partitë në pushtet, BDI dhe VMRO-DPMNE, për arsye se nuk sigurojnë jetën e qytetarëve në mënyre të barabartë.

Miliarderi amerikan Kenneth Langone, themelues i zingjirit të shitoreve “Home Depot” e ka paralajmëruar Papa Françeskun në një intervistë për CNBC, se të pasurit mund t’i ndërpresin donacionet për Kishën Katolike, nëse kreu i saj vazhdon ta kritikojë kapitalizmin dhe pabarazinë në të ardhura.

Langon, i cili veten e përshkruan si një katolik të devotshëm që lutet çdo mëngjes, ka thënë se njerëzit e pasur si ai ndihen të leçitur derisa papa i mbështet të varfrit.

Partia Demokratike e Kosovës dega në Ferizaj me rastin e fillimit të vitit të ri shkollorë, ka shprehur shqetësimet e veta lidhur me faktin se nxënësit lirohen nga shkolla për të shkuar në Xhami.

“Shqetësimi ynë i parë është informacioni se mësimdhënësit i lirojnë nxënësit nga orët mësimore dhe të njëjtit, kohën të cilën është e paraparë të kalojnë nëpër institucione të arsimit fillorë, ata e kalojnë nëpër objekte religjioze-fetare.”

“Ne e kuptojmë rolin e religjionit si pjese e jetës tonë dhe gjithashtu e respektojmë vullnetin e individëve për respektim fesë, por jemi kundër praktikave që fëmijët 13-14 vjeçarë kohën të cilën duhet ta kalojnë në shkolla ata ta kalojnë në Xhami”.

Shkuarjen e nxënësve në xhami ata e shohin si rrezik potencial për ekstremizëm.

“Për më tepër, mosha shumë e re e këtyre fëmijëve nënkupton se ata akoma nuk janë në gjendje të përcaktohen vetë për rrugën të cilën duhet ta ndjekin pa ndonjë imponim të jashtëm, imponim i cili, duke pasur parasysh ekstremizmin fetarë sot prezent në shoqërinë tonë, shumë lehtë mund të shndërrohet në manipulim me pasoja për shoqërinë tone” përfundon komunikata.

Përfaqësuesit e shoqërisë civile në Kosovë, konsiderojnë se zyrtarët e lartë apo bashkëpunëtoret e tyre vazhdojnë të jenë imunë ndaj hetimeve rreth pasurisë së tyre.

Ata thotë se institucionet kompetente dhe agjencitë ekzistuese që kanë për qëllim luftën kundër korrupsionit, duhet të veprojnë duke u bazuar në ligjet ekzistuese që pasuria e zyrtarëve të lartë të hetohet.

Në Kryeprokurorinë e Shtetit thonë se luftimi i korrupsionit është prioritet i sistemit prokurorial të Kosovës.

Sipas tyre, Këshilli Prokurorial i Kosovës, ka zhvilluar politika dhe ka ndërtuar mekanizma përkatëse që përveç luftimit të korrupsionit, në Kosove të ndërmerren hapa konkretë edhe në sekuestrimin dhe konfiskimin e pasurisë së fituar në mënyre të kundërligjshme.

Prokurorja e shtetit, Laura Pula, njëherësh koordinatore nacionale kundër korrupsionit, tha për Radion Evropa e Lirë se si rezultat punës së kryeprokurorisë ka aktgjykime dënuese dhe konfiskime të aseteve të fituara me vepra penale, që tejkalojnë shumën e miliona eurove.

“Këshilli Prokurorial dhe Prokurori i Shtetit, në kuadër të kompetencave dhe përgjegjësive që ja lejon ligji, ka dhe është duke ndërmarrë masa që në të gjitha rastet kur ka dëshmi dhe bazë ligjore të kërkojë sekuestrimin dhe konfiskimin e pasurisë së fituar me vepër penale”, tha ajo.

"Luftimi i kriminalitetit dhe veprave penale më serioze kërkon kohë, koordinim dhe bashkëpunim të ndërsjellë, dhe tanimë kemi rezultatet e para të cilat do të vazhdojnë të jenë me evidente në muajt në vazhdim", ka deklaruar prokurorja Pula.

Mirëpo, drejtori ekzekutiv në Lëvizjen Fol, Petrit Zogaj, organizatë kjo që nga viti 2010 ka bërë monitorimin e pasurisë se personave zyrtarë, thotë për hetimin e pasurisë se zyrtarëve të lartë duhet të këtë vullnet politik nga të gjitha institucionet.

“Aktualisht ka bazë ligjore të mjaftueshme për të filluar hetimin e pasurisë ku mund të konsiderohet problem prejardhja e asaj pasurie. Ka bazë ligjore, nuk ishte dashur të ketë ligj specifik për hetimin e pasurisë. Do të thotë ekziston ligji, po ashtu ekziston edhe klauzola në Kodin Penal, kështu që në aspektin ligjor ne jemi në rregull por vetëm na duhet një vullnet politik nga agjencitë e pavarura që do ta hetonin deklarimin e pasurisë”, tha Zogaj.

Drejtori i Agjencisë Kundër Korrupsionit, Hasan Preteni, tha se deri më tash për rastet e dyshuara të pasurimit në mënyrë të paligjshme të zyrtarëve, agjencia ka iniciuar hetimet bashkë me organet kompetente të drejtësisë.

Megjithatë, ai tregon se tash për tash nuk ka raste të fuqishme të cilat trajtohen as nga gjyqësori e nuk ka as aktakuza të fuqishme të ngritura.

“Sa i takon ligjit për konfiskimin e pasurisë, poenta ishte që të konfiskohet pasuria, por qëndrimi ynë është që barra e provës të jetë te individi, jo te shteti, ose thënë shkurt tani shteti duhet me bind gjyqësorin se një pasuri është krijuar në mënyrë të paligjshme. Mendimi jonë është provat me qenë te zyrtarët dhe secili prej zyrtarëve i cili nuk mund të dëshmojë pasurinë e krijuar – pasurinë e deklaruar, nuk mund të dëshmojë në afate ligjore ajo duhet të konfiskohet. Kjo ka mbetur e pa rregulluar dhe ky ligji këtë lami nuk e rregullon, duhet të dëshmohet që është një vepër penale, më pastaj edhe konfiskimi të realizohet”, tha Preteni.

Duke folur për ligjet ekzistuese që kanë për qëllim luftën kundër korrupsionit, Preteni tha se ato janë shumë të rëndësishme, por sipas tij, nuk po zbatohen, pasi që mungon vullnet i përgjithshëm politik.

“Definitivisht mendoj se nuk po na mungojnë ligjet. E kanë bishtësin e vet edhe këto ligje, janë edhe institucionet, por po na mungojnë rezultatet. Rezultatet definitive, dënimet penale dhe konfiskimi i pasurisë se krijuar në mënyrë të paligjshme”, tha Preteni.

Nga ana tjetër, edhe qytetarët mendojnë se kryesisht zyrtarët e lartë dhe udhëheqës të institucioneve janë të korruptuar, dhe se pasuria e tyre është e paligjshme.

Studentja e Fakultetit Juridik, Donika Jashari nga Prishtina, thotë se pasuria e zyrtarëve duhet të hetohet.

“Absolutisht, mendoj se që kryesisht politikanët të cilët janë pasuruar për një periudhe të shkurtë kohore duhet t’iu hetohet pasuria. Dhe nëse ajo pasuri është fituar në mënyre të paligjshme duhet konfiskuar”, tha Jashari.

Drejtuesit e organizatave joqeveritare kanë deklaruar se nëse vazhdon pandëshkueshmëria ndaj elitës politike, Kosova do të rrezikojë me dështimin e shtetit.

Sipas tyre mungesa e përparimit të Kosovës si një shtet i bazuar në sundim të ligjit dhe mbi parimet e shtetit demokratik, do të pengojë sigurinë e qytetarëve të Kosovës dhe zhvillimin e saj ekonomik. /rel/

Popullariteti i lëvizjes palestineze Hamas, pas konfliktit me Izraelin, në mënyrë dramatike është rritur në mesin e popullsisë në Bregun Perëndimor dhe Gaza, tregon një hulumtim.

Lideri i Hamasit në Gaza, Ismail Henije, do të merrte 61 për qind të votave palestineze, nëse zgjedhjet presidenciale do të zhvillohen sot, ndërsa mbështetja për presidentin aktual, Mahmoud Abbas, ka rënë në 32 për qind, sipas të dhënave të fundit të qendrës palestineze për Politika dhe Hulumtime.

Shumica e palestinezëve mbështesin politikën e Hamasit, të kundërpërgjigjes së armatosur kundër Izraelit në Bregun Perëndimor, vijon hulumtimi, transmeton Telegrafi.

Kjo është hera e parë në tetë vjetët e fundit që shumica e palestinezëve mbështesin liderin e Hamasit, Henije, njofton qendra, duke shtuar se kjo mbështetje do të mund të bie në muajt e ardhshëm, siç ishte para konfliktit me Izraelin.

Ndërkaq, raportohet se në këtë studim janë përfshirë 1.270 palestinezë në Bregun Perëndimor dhe Gaza.

Serbia nuk do të nënshkruajë marrëveshje ndërkombëtare të paqes me Kosovën, ka thënë ministri i Jashtëm i Serbisë, Ivica Daçiq.

Mediat serbe përmendin deklaratën e kryeministrit në detyrë të Kosovës, Hashim Thaçi, i cili gjatë konferencës për Ballkanin Perëndimor ka thënë se "Kosova është e gatshme për të vazhduar fazën e dytë të dialogut", i cili duhet të përfundojë me "marrëveshjen ndërkombëtare për paqe në mes Kosovës dhe Serbisë", transmeton rel.

“Thaçi këtu mendon për njohje të ndërsjellë të Kosovës dhe Serbisë. Serbia nuk do ta nënshkruajë këtë marrëveshje”, ka thënë Daçiq për gazetën beogradase Danas.

Kryesuesja e Këshillit Drejtues të UP-së, ka bërë të ditur se ky këshill ka vendosur që Ramadan Zejnullahu të jetë rektor i UP-së.

Pesë kandidatët që i kishin hyrë garës për rektorin e UP-së, ishin Ramadan Zejnullahu, Behxhet Mustafa, Adem Nura, Anton Berishaj, Berim Ramosaj dhe Isuf Musliu.

Zejnullahu është profesor i Matematikës në Universitetin e Prishtinës.

Rektori i ri do të ketë mandat dyvjeçar për periudhën e mbetur të mandatit paraprak, përkatësisht deri më 30 shtator të vitit 2016.

Rektori i ri i UP-së menjëherë pas zgjedhjes në këtë post ka lëshuar një deklaratë:

Kam kënaqësi ta falënderoj Këshillin Drejtues për besimin që ma kanë dhënë për ta udhëhequr gjatë dy viteve të ardhshme institucionin më të madh arsimor dhe shkencor në vend.

Se universiteti ynë më i vjetër ka mjaft probleme themelore, kjo tashmë është e qartë për publikun e gjerë. Jam i vetëdijshëm për peshën e pozitës së rektorit dhe i gatshëm që së bashku me stafin e studentët, dhe në konsultim me institucionet relevante, të fillojmë t'i adresojmë me seriozitet problemet akute në UP.

Unë do të tentoj t'i mobilizoj të gjitha kapacitetet dhe në transparencë me taksapaguesit kosovarë, të cilët na financojnë me bujari, të shënojmë progres të dukshëm për UP-në dhe rrjedhimisht për arsimin e shkencën kosovare në përgjithësi. 

Kjo detyrë nuk është e lehtë, por e vetmja mundësi për ta realizuar misionin e rëndësishëm të UP-së është nëse secili e kryen detyrën me përgjegjësi dhe profesionalizëm. Unë jam i lumtur që këto parime do t'i vë në shërbim të universitetit të parë në Kosovë, që ka kapacitet për ta transformuar për të mirë shoqërinë tonë, siç ka bërë shpesh në të kaluarën.

Lista Serbe, e cila ka fituar përqindjen më të madhe të votave në krahasim me subjektet tjera serbe në Kosovë, ka ripërsëritur shumë herë se nuk do të heqë dorë nga kushtet e saj për t’iu bashkuar qeverisë së ardhshme të Kosovës. Analistë të çështjeve politike kanë vlerësuar se nëse qeveria e ardhshme e Kosovës do të jetë e varur nga kjo listë, atëherë në mënyrë indirekte do ta kemi prezente agjendën e Beogradit në Qeverinë e Kosovës.

Nëse partitë politike nuk arrijnë t’i bëjnë 61 vota, atëherë sipas analistëve, pesha e Listës Serbe do të shumëfishohet dhe do të jetë vendimtare për krijimin e institucioneve. Anulimi dhe ndalimi i privatizimit të ndërmarrjeve publike në komunat serbe, krijimi i kushteve për kthim të qëndrueshëm të serbëve, kthimi i pronës së Kishës Ortodokse Serbe dhe formimi i asociacionit të komunave serbe, janë katër kushtet kryesore të Listës Serbe.

Analisti Artan Muhaxhiri, ka thënë se pozicionin e Listës Serbe e kanë forcuar vetë politikanët shqiptarë të dy blloqeve, atij parazgjedhor dhe këtij paszgjedhor./Tribuna/

E përjavshmja gjermane Der Spiegel tregoi se shërbimet sekrete amerikane dhe britanike kryenin përgjime intensive elektronike ndaj qeverisë turke.

Autoritetet turke thërritën sot zëvendësambasadorin amerikan në Ankara menjëherë pas informacioneve të medias për aktivitete spiunazhi të SHBA-së në Turqinë, njoftoi sot një zëdhënës i qeverisë turke.

“Ambasadori i ri amerikan ende nuk ka ardhur por i ngarkuari i tij për ta zëvendësuar u thërrit në ministrinë e Punëve të Jashtme për shpjegime”, njoftoi zëvendëskryeministri, Bulent Arinç, pas një mbledhje të këshillit të ministrave.

Në numrin e saj të publikuar të dielën, e përjavshmja gjermane Der Spiegel tregoi se shërbimet sekrete amerikane dhe britanike kryenin përgjime intensive elektronike ndaj qeverisë turke.

Sipas “Der Spiegel”, që thekson se këto informacione i ka marrë nga dokumentet e publikuara nga Edward Snowden, “Agjencia e Sigurisë Kombëtare Amerikane (NSA) përgjon që prej vitit 2006 kompjuterët e përgjegjësve më të lartë turq për të njohur më mirë synimet e kreut islamiko-konservator Rexhep Tajip Erdoan”.

“NSA-ja e ka vendosur Turqinë në të njëjtin nivel me Venezuelën, madje në një nivel më të lartë se sa Kuba, në çështjet e prioritetit amerikan mbi grumbullimin e informacioneve”, shkruhet në të përditshmen gjermane.

Në artikullin e publikuar nga revista gjermane shpjegohet gjithashtu se njëkohësisht që amerikanët përgjonin autoritetet e Ankarasë, ata janë edhe furnizuesi kryesor me informacione në luftën kundër terroristëve të PKK.

Para dy javësh “Der Spiegel” kishte publikuar një artikull ku theksohej se shërbimet sekrete gjermane përgjonin gjithashtu Turqinë./trt/

Lëvizja Vetëvendosje solidarizohet me nxënësit e Luginës së Preshevës, në protestën e tyre për shkak të mungesës së librave shqip, sot, në ditën e parë të shkollës.

"Lëvizja Vetëvendosje! solidarizohet më të gjitha format e protestave në Preshevë, Medvegjë e Bujanoc, lidhur me shkollat shqipe dhe gjendjen e arsimit. Diskriminimi sistematik shtetëror i Serbisë në përgjithësi, e në veçanti në fushën e arsimit, vazhdon me metodat e saj perfide të shtypjes ndaj shkollave në gjuhën shqipe. Si pasojë, ky viti shkollor po fillon pa tekste mësimore dhe pa kushte elementare për zhvillimin e procesit mësimor", thuhet në komunikatën e VV-së.

Vetëvendosje shprehet më tej se në Serbi po vazhdohet politika diskriminuese kundër shqiptarëve në Luginë.

"Qeveria e Serbisë nëpërmjet Trupit Koordinues për Preshevë, Medvegjë dhe Bujanoc shkelin çdo ditë e më shumë të drejtat elementare të shqiptarëve. Me metodat e saj segreguese Serbia nuk siguron tekstet, doracakët dhe librat mësimore për nxënësit shqiptarë. Ajo vazhdon të mos lejoj mësimin e kulturës dhe historisë kombëtare shqiptare nëpër shkollat shqipe. Po ashtu, nuk pranon diplomat e Kosovës, si rrjedhim as nostrifikimin e tyre, edhe pse është pretenduar se kjo çështje është zgjidhur me marrëveshjen e dalë nga negociatat në Bruksel. E gjitha kjo po kontribuon në degradimin e shkollave shqipe. Politika diskriminuese serbe për spastrimin e heshtur etnik të shqiptarëve ilustrohet më së miri në zvogëlimin sistematik të numrit të nxënësve shqiptarë nëpër shkollat shqipe të Preshevës, Medvegjës dhe Bujanocit", thuhet më tej në komunikatë.

Lëvizja Vetëvendosje shprehet se nga ana tjetër ka një pasivitet "të pashjegueshëm" nga ana e Tiranës dhe e Prishtinës, që nuk reagojnë për situatëm.

Në fund, ky subjekt politik shprehet se i fton përfaqësuesit politikë shqiptarë të Preshevës, Medvegjës e Bujanocit, për kohezion në drejtim të kundërshtimit dhe rezistimit ndaj politikave diskriminuese të Serbisë si dhe për përdorim të të gjitha mundësive për përmirësimin e gjendjes në arsim, duke u distancuar kësisoj nga përgjegjësia e degradimit shtetëror serb ndaj arsimit shqip në Luginën e Preshevës./albeu/

Ministria e Arsimit ka njoftuar se janë bërë të gjitha përgatitjet për nisjen e vitit të ri shkollor, kurse ministri në largim, Ramë Buja, u ka uruar të gjithë nxënësve dhe mësimdhënësve sukses.

Ministri i Arsimit, Ramë Buja, me rastin e fillimit të vitit të ri shkollor, u ka shprehur urimet më të përzemërta të gjithë nxënësve, për këtë ditë të rëndësishme, e cila shënon një fillim të ri në rrugëtimin drejt diturisë dhe ndërtimit të një të ardhme të ndritur.

Buja ka uruar edhe të gjithë mësimdhënësit dhe prindërit për përkushtimin, profesionalizmin, vlerat dhe virtytet njerëzore që po transmetojnë në edukimin e brezave të ardhshëm.

“Shkolla shqipe ka njohur vite të rënda të punës së saj në të kaluarën dhe ishit Ju mësimdhënësit ata që i dhatë më së shumti, duke e mbajtur gjallë, rimëkëmbur dhe zhvilluar. Andaj, ne do të përkulemi gjithnjë dhe do t’u jemi mirënjohës të gjithë mësimdhënësve për kontributin që dhanë në edukimin dhe zhvillimin e shoqërisë”.

“Ministria e Arsimit, Shkencës dhe Teknologjisë tashmë ka bërë të gjitha përgatitjet për një fillim të mbarë dhe besojmë se ky vit shkollor do të jetë i suksesshëm. Me dëshirën që suksesi të mos ju mungojë asnjëherë dhe që të kenë shëndetin e mirë, uroj veçanërisht ata nxënës, të cilët këtë vit për herë të parë fillojnë rrugën e dijes”, thuhet në urimin e Bujës.

Me rastin e fillimit të vitit të ri shkollor 2014/15,të hënën Buja do të përurojë Shkollën e Mesme të Lartë në Shtime, ndërsa do të bëjë edhe shpërndarjen simbolike të Abetares për nxënësit e klasës së parë në Shkollën Fillore “Emin Duraku” në Prishtinë.

Skuadra e Bayern Munchen sot ka bërë atë fotografinë tradicionale në fillim të edicionit të ri, kur lojtarët e kësaj skuadre së bashku dalin në foto me veshje bavareze dhe me birra në duar.

Lojtarët myslimanë të Bayernit, Xherdan Shaqiri, Franck Ribery dhe Mehdi Benatia, i janë bashkuar këtij organizimi vetëm me veshje, pasi që kanë refuzuar të fotografohen me birrë në duar, duke iu përmbajtur parimeve islame.

Kjo nuk është hera e parë që Ribery dhe Shaqiri e bëjnë këtë./Indeksonline/

Një grup i të rinjve u bëjnë thirrje moshatarëve që t’u shmangen luftërave e konflikteve në vendet e huaja.

Këta të rinj janë praktikues të fesë islame. Shumë të rinj shfaqen interesim për t’u bërë pjesë e kësaj kampanje.

Për më shumë, shikojeni videon. /Klan Kosova/

[youtube height="400" width="100%" align="none"]https://www.youtube.com/watch?v=0hrgHMfBTuk[/youtube]

Pasojat e ndryshimit të mënyrës së jetesës dhe vetë dinamikës së saj, ma së shumti po i bartin personat e moshuar. Një pjesë e konsiderueshme e këtyre personave, jo rrallë lihen pas dore dhe pa asnjë përkujdesje familjare.

Fat të këtillë ka edhe Hava Vila, rezidente e Shtëpisë për Persona të Moshuar në Prishtinë. Hava erdhi këtu, kur djali i saj e përzuri atë nga shtëpia diku rreth nëntë muaj më parë, menjëherë pas vdekjes së burrit të saj. Madje, nuk ia dha as mundësinë me hapë të pame për vdekjen e tij.

“Më 7 shkurt më ka vdekë burri. As të pame nuk më ka lanë me ba. Më ka përzan të nesërmin. Çka me ba unë?”, tha ajo për Rrokum.

Strehimi në Shtëpinë për Persona të Moshuar ka qenë zgjidhja e vetme për Havën, pasi djali i saj ia kishte shitur shpinë dhe ia kishte marrë të gjitha gjërat për të cilat kishte punuar për 45 vite.

“Kam punuar 45 vjet në Danimarkë. Ka shku trupi jem. Unë me shtaga eci. Jam operu 4-5 herë. Djalit tim ia kam ba të gjitha kushtet, ndërsa ai ma ka shitë shpinë. Shpia ka qenë në vlerë prej 100 mijë euro, ai e ka shitë për 22 mijë euro”, rrëfen Hava.

Ajo me familjen e saj asht kthye në Kosovë, vitin e kaluar. Për vite me radhë ajo kishte jetuar në Danimarkë, ku kishte punuar punë të ndryshme me qëllimin e vetëm që me siguru jetesë të dinjitetshme për familjen.

“Unë kam punu ditën, burri natën, për shkak se kemi pasë fëmijë ", thekson Hava.

Mërzia për të është e pashmangshme. /Rrokum/

RRËFIMI I NJI TË BRAKTISUNE by RrokumTelevision

Kryetari i ri i Partisë AK dhe Kryeministri i ri i Turqisë, Ahmet Davutoglu i paraqit sot në drekë për miratim Presidentit Rexhep Tajip Erdoan në pallatin presidencial “Çankaya” listën e kabinetit të ri.

Kryeministri i ri i Turqisë, Ahmet Davutoglu gjatë prezantimit që i bëri sot qeverisë së re tha se ish-ministri i Çështjeve Evropiane Mevlut Çavusollu do të marrë postin e kreut të diplomacisë.

Ekipi i ri i shpallur nga Davutoglu ka shumë pak ndryshime nga ai i paraardhësit, Rexhep Tajip Erdoan, i cili në 10 gusht u zgjodh për herë të parë me votim popullor presidenti i 12-të i Turqisë.

Në kabinetin e ri janë sjellë katër emra të rinj.

Zëvendëskryetari i Përgjithshëm i Partisë AK, Numat Kurtulush është emëruar në postin e Zëvendëskryeministrit, kurse deputeti i Stambollit Volkan Bozkir është emëruar në krye të Ministrisë për Çështjet e Bashkimit Evropian ndërsa emri i katërt që ka hyrë në kabinetin e ri është Nuretin Xhanikli, të cilit i është besuar Ministria e Doganave dhe Tregtisë.

Zëvendëskryeministri Përgjegjës për Ekonominë, Ali Babaxhan dhe ai Financave Mehmet Shimsek janë dy emra të tjerë që do të mbeten në detyrë.

Deputeti i Ankarasë Jalçin Akdoan, është një nga emrat e rinj që ka marrë pjesë në kabinetin e ri duke u emëruar në postin e zëvendëskryeministrit, që deri tani është mbajtur nga Beshir Atallaj.

Programi i qeverisë së re do të prezantohet në Parlament (TBMM) javën që vjen, si dhe do të pasohet nga një votëbesim, ku Partia për Drejtësi dhe Zhvillim (Partia AK) ka shumicën absolute./trt/

Fatmir Mehmeti nga Dumnica e Podujevës që rezulton i zhdukur prej dy ditësh, pas incidentit të ndodhur në kufirin Kosovë-Serbi, në vendin e quajtur Matrovë, dyshohet se është personi kufoma e të cilit ndodhet në Serbi.

Burime të gazetës “Zëri” bëjnë të ditur se familjarët e Fatmir Mehmetit janë ftuar të shkojnë në Kurshumli të Serbisë sot rreth orës 14:00 për të identifikuar një trup të pa jetë që dyshohet të jetë i familjarit të tyre (F.Mehmeti).

Sipas procdurave zyrtare shteti serb duhet të kontakojë ose me familjen ose me institucuionet në rast të një banori të një vendi tjetër që gjendet i vdekur në territorin e huaj.

Në kushte anonimiteti edhe nga Policia e Kosovës për për këtë gazetë, konfirmohet se janë ftuar familjarët të bëjnë identifikimin e kufomës, pasi që kufoma nuk ka poseduar ndonjë dokument identifikimi me vete.

“Dikush nga familja është ftuar të shkojë, kanë pasur të vendosin se kush do të shkojë ta identifikojë familjarin”, thuhet nga ky burim brenda policisë, por që e pranon se Policia nuk ka informata zyrtare si po shkon rasti duke e lënë të hapur opicionin e parë se shteti serb ka kontakuar familjarët dhe jo institucionet e Kosovës./bs/

“Mendoj se Kosova nuk është në pozicion që t’i mbajë ligjërata askujt për sa i përket të drejtës ndërkombëtare. Nuk e di pse ju përmendni Rusinë në dialogun për Serbinë”, ka thënë Daçiq në replikën e tij ndaj ministrit kosovar në detyrë, Enver Hoxhaj.

Daçiq i ka lutur edhe pjesëtarët tjerë të qeverisë së Kosovës që t’i ulin zërat dhe të mos bëhen “më katolikë se Papa”.

Më tej ai ka përmendur edhe pjesëmarrësit në luftërat e huaja, duke thënë se ka edhe nga Serbia të tillë që marrin pjesë në këto luftëra. “Ne sot po flasim për Kosovën dhe për zotimet që ju i keni marr. Për marrëveshjen që unë e kam nënshkruar bashkë me Hashim Thaçin”, ka thënë më tej Daçiq.

“Ne duam që të arrijmë një zgjidhje politike me ju. A mendoni se kjo zgjidhje është gjetur për sa kohë që ju e keni shpallur njëanshëm pavarësinë? Unë as që reagova për këtë ngase mendova se është në kundërthënie me të drejtën ndërkombëtare”, ka shtuar ministri serb.

“A po dëshirojmë t’i kthehemi të kaluarës apo të shënojmë progres? Nuk besoj se unë apo ti nuk jemi në gjendje që t’i zgjidhim krizat botërore, por le t’i zgjidhim këto krizat tona”, ka porositur Daçiq.

“Duhet të jemi të vëmendshëm për atë çfarë flasim. Unë dua të jem i këndshëm, ta respektoj homologun me të cilin kam qenë edhe në bisedime. Kemi qenë pardje në Berlin dhe kemi diskutuar për të ardhmen, por nëse e kaluara është e vetmja e ardhshme për ne, është e padobishme të flasim më tutje”, ka thënë për fund Daçiq.

I tërë ky reagim i ministrit serb erdhi pas deklaratës së ministrit Hoxhaj, i cili e akuzoi Rusinë për agresion në Ukrainë.

Hoxhaj theksoi edhe një herë shqetësimin e shtetit të Kosovës me krimet që po ndodhin në lindje të Ukrainës dhe papajtueshmërinë e Kosovës me agresionin rus në Krime.

Ministri në detyrë ka risjellë në vëmendjen e KS të OKB-së edhe përfshirjen e serbëve përkrah forcave pro-ruse në Ukrainë, duke cenuar integritetin territorial të këtij shteti.

Më shumë se tre milionë Sirianë janë arratisur nga lufta që shkatërron vendin, ku vetëm një milionë refugjatë janë bërë vetëm në vitin 2013, njoftoi sot OKB-ja.

“Kriza e refugjatëve sirianë përkeqësohet. Ajo sot arrin një nivel rekord duke kaluar nivelin e tre milionë persona të shpërngulur”, njoftoi Komisioneri i Lartë i OKB-së për refugjatët (UNHCR) në një komunikatë duke shtuar se këto shifra nuk përfshijnë mijëra sirianët e tjerë që janë larguar nga vendi por nuk janë regjistuar si refugjatë.

Para një viti numri i refugjatëve sirianë të regjistruar arrinte në dy milionë, sipas UNHCR-së që u bazua në raportet që flasin për kushte gjithnjë e më mjerrane brenda vendit për të shpjeguar këtë rritje të jashtëzakonshme.

Konflikti që po bëhet gjithnjë e më shumë kompleks, që po shkatërron Sirinë, ka shkaktuar vdekjen e më shumë se 191 mijë personave që prej fillimit të tij, në mars 2011./trt/

Të shtëna armësh janë dëgjuar mes fshatit Koshtovë dhe Zubin Potok përkatësisht në vendin e quajtur Kollovergë me ç’rast Policia ka gjetur një person pa shenja jete dhe dy tjerë të plagosur.

Personi i vdekur dhe dy të plagosurit, KosovaPress mëson se janë vëllezër, njëri 19 vjeç, njëri 17 dhe tjetri 16. Që të tre shqiptarë, me mbiemrin Brahimi. Ky i fundit tashmë ka arritur në Emergjencë në Prishtinë.

Burime të KosovaPress gjithashtu bëjnë të ditur se ata kishin shkuar në mal për dru dhe se një person me uniformë serbe ka shtënë me armë në drejtim të tyre.

Askush nuk din nëse ishin andej kufirit apo këndej, por dihet se ata kishin shkuar për dru. Rasti sipas këtyre burime ka ndodhur diku në orën 5 në mëngjes. /KP/

Selver Xhelili, drejtor i inspeksionit komunal në Gjilan është treguar i vendosur pasi që ka arritur të ndalojë lokalet ku zhvillohet narkomania. “Me të gjitha mjetet do të jem kundër dukurive negative ku zhvillohet narkomania, kazinotë e klubet e natës”, thotë ai.

Inspeksioni komunal ka ndërmarrë një aksion shumë të dobishëm pasi që ka arritur të mbyllë disa lokale ku dyshohet se përdoret droga.

Selver Xhelili tha se aksioni është treguar i suksesshëm dhe tashmë janë mbyllur lokalet ku dyshohet se të rinjtë dhe të tjerët kanë përdorur drogën.

“Nuk do të lejojmë me asnjë çmim që dukuritë negative ta helmojnë rininë tonë dhe unë me të gjitha mjetet ligjore do të kujdesem për një jetë më të mirë e më të shëndetshme të të rinjve”, tha Xhelili.

Xhelili tha se për të gjitha këto lokale të dyshimta që ushtrojnë veprimtari të narkomanisë, klubeve të natës e kazinove ka dëshmi dhe do t`i bëjë publike së shpejti. /rajonipress/

Rreth 22 mijë maturantë, që nuk e kanë kaluar provimin shtetëror të Maturës në afatin e parë, do të hyjnë në test sot në pjesën e parë dhe më 6 shtator në pjesën e dytë të testit.

Afati i dytë i provimit shtetëror të maturës do të mbahet sot në rreth 200 Qendra të testimit, ku janë caktuar komisionerët nga Universitetet Publike, ndërsa administrues do të jenë pjesëtarë të kompanive të sigurimeve fizike, të cilët do të monitorojnë këtë proces.

Në ditën e parë të provimit, maturantët do t’i nënshtrohen testit në 120 pyetje nga lëndët: Gjuhë Shqipe, Matematikë dhe Anglisht, ndërsa në ditën e dytë më 6 shtator, testi përmban 80 pyetje sipas lëndëve të drejtimeve përkatëse. Rezultatet e afatit të dytë të provimit të maturës do të shpallen më 15 shtator.

Futbollisti i klubit “Manchester City”, Yaya Toure, përveç që është lojtar i mirë, njihet edhe si praktikues i fesë Islame.

Yaya Toure në ndeshjen e fundit të klubit të tij, në Premier ligën angleze, kundër ekipit të “Liverpool”, kishte nxjerrë në fushë një vajzë me mbulesë në kokë.

Kjo është hera e parë në histori të Premier ligës angleze, që së bashku me lojtarët, në fushë paraqitet një vajzë e mbuluar.

Zëvendësshefi i Byrosë Politike të Hamasit, Ismail Henije në deklaratën që bëri pas hyrjes në fuqi të armëpushimit ndërmjet grupeve palestineze dhe Izraelit tha se përpjekja e fundit palestineze kundër Izraelit rriti prestigjin e kauzës palestineze.

Këto deklarata Ismail Henije i bëri në një fjalim drejtuar mijëra palestinezëve të mbledhur në sheshin ku ndodhet godina e parlamentit në perëndim të Gazës.

Kjo ishte hera e parë e daljes së Henijes përpara popullit që nga dita kur filluan sulmet e Izraelit kundër Gazës. “Fitorja që dëshmoi e gjithë bota nuk është vetëm e Gazës, është rezultati i një përpjekjeje të madhe që vazhdon për vite të tëra dhe që synon çlirimin e Jerusalemit, Mesxhidit al-Aksa dhe të gjitha territoreve palestineze”, u shpreh Henije.

Ndërkaq Ministri i Punëve të Jashtme të Palestinës, Riad al-Maliki, i cili ka ardhur në Ankara për të marrë pjesë në ceremoninë e dorëzim-marrjes së detyrës së presidentit të Turqisë, në përgjigje të pyetjeve të gazetarëve në aeroportin Esenboğa te Ankarasë tha se qëllimi më i rëndësishëm i bisedimeve për vendosjen e armëpushimit është ndërprerja e sulmeve izraelite dhe lejimin e dërgimit urgjentisht të ndihmave në Rripin e Gazës.

Çështjet si porti dhe aeroporti në Gazë do të trajtohen në negociatat që do të zhvillohen pas një muaji, sqaroi Maliki, duke shtuar se të gjitha grupet palestineze kanë rënë dakord mbi kushtet e marrëveshjes.

Maliki shtoi se shpresojnë që Kombet e Bashkuara të asistojnë si një instrument lehtësues në këto bisedime.

Ceremonia e dorëzim-marrjes së postit të presidentit u zhvillua sot pasdite në Sallën e Madhe të Pritjeve në pallatin presidencial “Çankaya”.

Në fjalën e tij përshëndetëse Abdullah Gyl tha se ndjen një nder shumë të madh dhe është i qetë shpirtërisht që ia dorëzon detyrën Presidentit të 12-të të zgjedhur të Turqisë, Rexhep Tajip Erdoan. “Jemi shokë të një kauze për më shumë se 40 vjet”, u shpreh Gyl.

“Kam besim se nën drejtimin e Presidentit një Turqi e fuqishme dhe e qëndrueshme do të japë një kontribut të madh në stabilitetin dhe qetësinë e botës dhe rajonit. Një Turqi edhe më e fuqishme dhe e begatë se asnjëherë tjetër po aq sa është e nevojshme për interesat tona, po aq është e nevojshme edhe për interesat dhe stabilitetin e rajonit tonë”, vijoi Presidenti i 11-të i Turqisë.

Kurse Presidenti i 12-të i zgjedhur Rexhep Tajip Erdoan në ceremoninë e dorëzim-marrjes së detyrës në presidencë tha se në Turqi ka filluar një periudhë e re.

Presidenti Erdoan tha se në këtë periudhë të re do të vazhdojnë pa ndërprerje ‘procesi i zgjidhjes’ që ndiqet për ti dhënë fund terrorit dhe reformat në fushën e anëtarësimit në Bashkimin Evropian.

Me zgjedhjen e Presidentit me votën e popullit i kemi shpallur botës fitoren absolute të vullnetit kombëtar, theksoi Erdoan dhe vijoi: “Duke filluar që nga dita e sotme Turqia do të fokusohet drejt objektivave 2023 pa lejuar që grindjet e vjetra të shndërrohen pa humbur kohë në kampe dhe polarizime”.

Presidenti i zgjedhur dhe qeveria e zgjedhur do të punojnë së bashku në harmoni dhe do ta rrisin ekonominë në mënyrë më të shpejtë dhe të shëndoshë, nënvizoi Erdoan duke shtuar se marshimi demokratik nuk do ta zvogëlojë shpejtësinë, uniteti dhe integriteti i 77 milionëve do të ndërtohet në një formë më të fuqishme.

Pas fjalimit Erdoan i dha Abdullah Gylit stemën e Presidencës dhe Medaljen e Nderit të Shtetit.

Pas mbarimit të ceremonisë çifti Gyl u përcoll nga presidenca me ceremoni ushtarake./trt/

Një anketë e kryer nga grupi kërkimor izeraelit Shiluv Millward Brown, pas shpalljes së armëpushimit midis Izraelit dhe Hamasit, tregoi se 54 për qind e izraelitëve të anketuar besojnë se Izraeli e ka humbur luftën në Gaza. Lajmin e beri te ditur Jerusalem Post.

Sondazhi, rezultatet e të cilit u transmetuan në Channel 2 të mërkurën mbrëma, gjeti se vetëm 32 për qind e izraelitëve të anketuar mendojnë se performanca e kryeministrit izraelit Benjamin Netanyahu ishte e mirë, ndërsa 59 për qind mendojne se performanca e tij ishte e keqe.

Gazeta Assabeel vuri në dukje se sondazhet e fundit kanë treguar se mbështetja për Netanyahun ka rënë në mënyrë dramatike gjatë javëve të fundit, duke rënë nga 37-32. 

Sipas anketës së fundit, 54 për qind e izraelitëve janë kundër armëpushimit dhe 37 për qind e mbështesin atë. Vetëm 29 për qind besojnë se lufta përfundoi me një fitore për pushtimin izraelit. /mesazhi/

Policia e Kosovës ka konfirmuar për “Zërin” se një qytetar i Kosovës është në duar të organeve serbe, kurse për personin e dytë nuk ka të dhëna se ku ndodhet.

Brahim Sadriu nga zyra për informim e Policisë ka deklaruar se ka marrë një deklaratë nga vëllau i një prej të ndaluarve nga organet serbe, dhe se ky person që kishte shkuar të pres dru ndodhet në territorin serb.

“Nuk kemi informacione tjera. Ai ndodhet në duar të palës serbe sipas asaj që na kanë thënë familjarët”, ka thënë Sadriu.

Gazeta ka konfirmuar se personi Naim Zeqiri rreth 34 vjeçar është plagosur nga forcat serbe në vendin e quajtur Matrovë.

Në familjen e tij në këto momente po mbretëron gjendje paniku dhe shqetësimi për familjarin e tyre që ndodhet në duar të organeve serbe në Serbi. Safet Zeqiri, vëllau i Naimit ka thënë për “Zërin” se janë të shqetësuar pasi që nuk kanë asnjë informacion si është gjendja shëndetësore e vëllait.

Ai tregon se në momentin e fundit që kanë kontaktuar me të në telefon, është përgjigjur një polic serb, i cili iu ka deklaruar se ai është plagosur.

“Polici është lajmëruar në telefon dhe ka thënë ‘si e ka emrin se nuk po dinë të flas serbisht’.Ne i kemi treguar emrin dhe kemi pyetur për të na është thënë se është i plagosur në këmbë. Kaq dimë. Më nuk kemi pasur asnjë kontakt”, tha ai për “Zërin” duke kërkuar nga qeveria e Kosovës që të ndërhyjë dhe kontaktojë me palën serbe për fatin e familjarit të tyre.

“Askush nga policia e as qeveria-MPB-ja nuk na ka kontaktuar, madje as policia nuk ka qenë në shtëpi të marrë informacione nga ne”, ka thënë ai.

Ai tha se vëllai i tyre (Naimi) kishte shkuar të pres dru me djalin 12 vjeçar dhe me disa bashkëfshatarë tjerë, të detyruar siç shprehet ai nga skamja. Në familjen Zeqiri nga të katër vëllezërit asnjëri nga ta nuk është i punësuar.

Naimi sipas Safetit kishte shkuar të marrë dru për vete në mal, pasi kishte mbetur pa to. Sipas tij djali 12 vjeçar i Naimit është tronditur dhe nuk është në gjendje as të përshkruajë sesi ka ndodhur ngjarja dhe momentin e fundit kur është ndarë nga i ati.

Mustafë Ahmeti, prindi i Hafiz Ahmetit i arrestuar së bashku me grupin e akuzuar për terrorizëm thotë për rajonipress se djali i tij është plotësisht i pafajshëm.

“Unë as avokat s`kam marrë sepse e di që Hafizi s`ka lidhje me akuzat e përfolura. Lirojeni djalin sepse nuk keni asnjë provë”, u drejtohet Mustafa organeve të hetuesisë.

Mustafë Ahmeti ka qenë i bindur se djali i tij Hafizi (1994) do të lirohet i pari nga grupi që është arrestuar për terrorizëm.

Mustafa thotë se është zhgënjyer dhe mërzitur kur nuk e ka parë emrin e Hafizit me ata që janë liruar dje.

“Unë s`kam marrë as avokat sepse e di që djali im është plotësisht i pafajshëm. Hafizi është më i riu nga të gjithë të arrestuarit dhe asnjë provë deri tashti nuk e kanë që ai të akuzohet” shprehet ai, raporton rajonipress.

Mustafë Ahmeti thotë se hetuesit dhe prokuroria duhet ta shpejtojnë rastin dhe ta lirojnë Hafizin sepse ai s`ka asnjë lidhje direkte apo në forma të ndryshme me të dyshuarit e tjerë.

”Lirojeni djalin sepse nuk keni prova e as dëshmi” porosit Mustafa organet hetuese.

Mustafa tha se ka pritur që djali i tij të fejohet dhe të punësohet këtë vit dhe nuk e ka menduar asnjëherë se ai do të burgoset.

Hafiz Ahmeti (1994) është arrestuar nga policia së bashku me grupin prej 40 vetave. /rajonipress/

Mungesa e një qeverisjeje të qëndrueshme në Kosovë, që nga muajt e parë të këtij viti, si dhe moskonstituimi i institucioneve pas zgjedhjeve parlamentare të mbajtura në muajin qershor, do të kenë reflektim negativ në proceset integruese evropiane të vendit, vlerësojnë njohësit e këtyre proceseve.

Emrush Ujkani, njohës i së drejtës së Bashkimit Evropian, duke folur për Radion Evropa e Lirë, thotë se zhvillimet aktuale në skenën politike në Kosovë, do të prodhojnë efekte negative përballë procesit të integrimeve, duke pasur parasysh që Kosova është shtet i ri dhe me përvojë të shkurtër në agjendën evropiane, në raport me vendet tjera të Ballkanit perëndimor.

Ujkani thotë se periudha e tanishme do të identifikohet në raportin e progresit të Komisionit Evropian, që do të publikohet në tetor të këtij viti.

“Unë jam shumë i sigurt që BE-ja, përmes Komisionit Evropian, respektivisht përmes këtij raporti, do ta bëjë shumë të qartë që në Kosovë ka pasur një mungesë të aktivitetit politik. Kjo do të mbetet një njollë që do të identifikohet me kriterin politik, i cili ka stagnuar edhe me vetëqeverisjen gjatë fundit të legjislaturës të kaluar”.

“Por, shumë ndikuese do të jetë periudha nga 8 qershori e këndej, kur në Kosovë, realisht, ashtu siç po shihet, është shumë e vështirë për të krijuar institucione nga zgjedhjet e dala të këtij viti”, thotë Ujkani.

Shenoll Muharremi, njohës i integrimeve evropiane, thotë për Radion Evropa e Lirë se moskonstituimi i institucioneve deri më tash, ka ndikuar negativisht në dinamikën e procesit të integrimeve evropiane të Kosovë.

“Nuk shohim kurrfarë dinamike. Janë disa procese të rëndësishme që janë filluar një kohë të gjatë, por këtë vit, thjesht, nuk ka kurrfarë progresi të prekshëm. Andaj, pa pikë dyshimi që në shumë aspekte, qoftë në integrime evropiane, qoftë në reforma në drejtësi, në zhvillim ekonomik,  në gjenerim të punësimit, ky vakum po i kushton jashtëzakonisht tepër qytetarit të Kosovës. Kjo është një kohë e humbur për Kosovën”, konsideron Muharremi.

Pasojë negative e mosfunksionalizimit të institucioneve, sipas Ujkanit, nuk do të jetë vetëm identifikimi i kriterit politik nga Komisioni Evropian, por, gjithashtu, edhe krijimi i jo koherencës ndërmjet politikave të Kosovës dhe agjendës evropiane.

“Në të njëjtën kohë, kjo mungesë e institucioneve do të pamundësojë që Kosova t’i shtyjë përpara agjendat ose politikat e veta në raport me agjendën evropiane. Do të thotë, do të ketë, me siguri, një përkushtim shumë më të vogël, për faktin se nuk do të ketë lidership për t’u qëndruar gati këtyre gjërave. Prandaj, mendoj se efekti i përgjithshëm është shumë i madh, në kuptimin negativ dhe kjo mungesë e institucioneve do të lërë gjurmë të pashlyeshme - jam shumë i sigurt - në të gjitha proceset integruese të Kosovës”, thekson Ujkani.

Ndërkaq, Muharremi shpreh mendimin se në qoftë se Kosova ende vazhdon të mos i bëjë funksionale institucionet, do ta betonojë përshtypjen se nuk është seriozisht e interesuar për integrime.

“Për integrime, sa i përket Brukselit, ata i kanë zgjedhur këto probleme. Kjo tashmë është punë e jona e brendshme. Ne po vazhdojmë të dërgojmë sinjale që agjenda evropiane nuk është prioritet për ne”.

“Ne po dërgojmë sinjale që pushteti dhe kontrolli mbi resurse publike, është prioriteti ynë dhe interesi më fundamental i disave me ndikim dhe se integrimet evropiane, thjesht, janë aty sa për të qenë dhe për të pretenduar se ne jemi serioz për t’i ndërmarrë reformat evropiane, të cilat kanë për qëllim që ta transformojnë pozitivisht Kosovën dhe Kosova ta zë hapin me vendet tjera të rajonit”, shprehet Muharremi./rel/

Presidenti palestinez, Mahmoud Abbas, ka konfirmuar para pak çastesh arritjen e një marrëveshjeje për armëpushim të përhershëm në Rripin e Gazës, për të cilën kishte paralajmëruar pak orë më parë një zyrtar i lartë palestinez dhe agjencia egjiptiane e lajmeve “Mena”.

Armëpushimi duhet të hyjë në fuqi në këto momente (ora 18:00, sipas kohës evropiane). Marrëveshja i jep fund luftës ndërmjet lëvizjes islamiste Hamas dhe Izraelit në Rripin e Gazës, e nisur pesëdhjetë ditë më parë.

Sipas zyrtarit të lartë palestinez, i cili ka folur në kushte anonimiteti, kjo marrëveshje përfshin edhe “heqjen e bllokadës ndaj Rripit të Gazës”, e vendosur nga Izraeli më 2006, e që ishte kërkesa kryesore e palestinezëve.

Lëvizja palestineze Hamas e ka cilësuar këtë marrëveshje “fitore për rezistencën”, aludim në grupet e armatosura në Rripin e Gazës. /Zëri/

Gjykata e Apelit duke miratuar ankesat e avokatëve mbrojtës të dyshuarve për terrorizëm më datën 22 gusht 2014 ka aprovuar 6 ankesa prej 39 sa ishin bërë duke ndryshuar vendimin e Gjykatës Themelore për caktimin e paraburgimit dhe duke ua zëvendësuar atë me arrest shtëpiak.

Nga paraburgimi janë liruar Berat Këpuska, Burim Konjuhi, Visar Kadriu, Besim Shabani, Agron Lika dhe Gazmend Haliti, të cilët kanë qenë pjesë e grupit prej 40 të arrestuarëve nën dyshimet për terrorizëm javë më parë.

Gjykata në të njejtën ka refuzuar ndryshimin e masës së paraburgimit për 33 të dyshuarit tjerë të cilët poashtu përmes avokatëve mbrojtës kishin bërë ankesë kundër caktimit të paraburgimit. Ndërsa njëri nga të arrestuarit nuk ka bërë ankesë fare.

Në arsyetimin e Gjykatës së Apelit për lirimin nga paraburgimi për 6 të dyshuarit për terrorizëm thuhet se të pandehurit janë shtetas të Kosovës dhe se atyre u dihet identiteti dhe vendbanimi dhe se janë persona familjarë.

“Nga shkresat e lëndës nuk rezulton asnjë rrethanë konkrete e cila arsyeton dyshimin e bazuar se me gjetjen e të pandehurve në liri do të mund të ikin apo të arratisen, të ndikojnë në bashkëkryesit e tjerë apo në dëshmitarë”, thotë Apeli.

Gjykata ka vlerësuar se me masën e arrestit shtëpiak është masë e mjaftueshme për sigurimin e të pandehurve në procedurë dhe zbatimin me sukses të procedurës penale.

Veç kësaj gjykata këtyre 6 të dyshuarve ua ndalojë të komunikojnë me të pandehurit e tjerë si dhe të kenë komunikime telefonike apo elektronike, të qëndrojnë në shtëpitë e tyre të banimit në adresat e ditura si në shkresat e lëndës.

Policia e Kosovës ka arrestuar me 11 gusht 40 të dyshuar për terrorizëm, lajm ky që kishte zënë vend edhe në mediat ndërkombëtare pas raportimeve të shumta për pjesëmarrjen e disa kosovarëve në luftën e Sirisë. /Kallxo.com/

Pas sfidës së kovës me ujë me akull të filluar me qëllimin sensibilizimin e njerëzve mbi luftën kundër sklerozes amiotrofike (ALS), ngjarja më aktuale e shpërndarë në masë përmes rrjeteve sociale gjatë ditëve të fundit, një fushatë e ngjashme është nisur edhe për sensibilizimin e opinionit mbi ato që po ndodhin sot në Gazë.

Fushata është filluar nga një gazetar palestinez, me emrin Eymen Alul dhe po rritet si ortek dëbore.

Emri i fushatës së re është “Një kovë rërë për Gazën”.

Qëllimi i gazetarit palestinez është të tërheqë vëmendjen e opinionit mbi vuajtjet e palestinezëve, të cilëve shtëpitë po u shemben çdo ditë mbi kokë.

Ndërsa një kolon çifut ka derdhur mbi kokë plehun kimik që e kishte mbushur në një makinë pune.

Saat Altman tha se këtë veprim të çuditshëm e kishte kryer për të tërhequr vëmendjen e njerëzve mbi kushtet e vështira të banorëve që jetojnë në Rripin e Gazës.

Fushata vazhdon të përhapet në mbarë botën.

Fushatën e ka mbështetur edhe Dekani i Fakultetit të Shkencave të Komunikimit pranë Universitetit të Mesdheut Lindor në Qipro, Profesor Sulejman Irvan.

Protestën individuale Irvan e realizoi përpara godinës së universitetit dhe në deklaratën e shkurtër që bëri tha se ndaj masakrës që po ndodh në Gazë duhet të dalin kundër të gjithë njerëzit që kanë ndërgjegje të shëndoshë./trt/

Ngërçi politik po u shkon për shtati me së shumti deputetëve të zgjedhur të legjislaturës së pesë. Edhe pse nuk janë duke bërë asnjë ditë punë në Kuvendin e Kosovës, ata vazhdojnë t’i marrin pagat e tyre sikur të punon pa ndërprerë.

Kështu, secili deri tash merr nga 2.208 euro, të cilat gjithsejtë bëjnë 229.680 euro në dëm të buxhetit të Kosovës. Kësaj shume i shtohen edhe qindra mijëra euro nga stafi i Kuvendit të cilët në mungesë të funksionimit të grupeve parlamentare dhe dhjetëra komisioneve, vazhdojnë të marrin paga pa asnjë angazhim.

Kështu për gjysmën e korrikut dhe gushtit, ata dëmtojnë buxhetin e Kosovës me mbi 200 mijë euro, pa bërë asnjë punë.

Nga një 120 deputetë sa ka Kuvendi i Kosovës, 105 prej tyre do të marrin pagën e plotë për muajin gusht prej 1 mijë e 488 euro, pa e bërë asnjë aktivitet në organin më të lartë ligjvënës në vend, ndërsa, 15 deputetë tjerë, do të vazhdojnë t’i marrin pagat aty ku janë të angazhuar, në Qeveri, Universitet apo në Asamble Komunale.

Sekretari i Kuvendit të Kosovës, Ismet Krasniqi ka thënë për KosovaPress, se tashmë janë në proces pagat e muajit gusht për deputetët e legjislaturës së pesë.

“Për muajin gusht në proces është paga për 105 deputetë, ndërsa 15 tjerë vazhdojnë me paga sipas angazhimeve tjera, si Qeveri, Universitet ose Asamble Komunale. Ata 105 deputetë do t’i marrin nga 1 mijë e 488 euro pagë bruto”, ka thënë Krasniqi përmes telefonit.

Edhe muajin e kaluar ndonëse jo pagën e plotë, deputetët kishin marr gjysmën e pagës së tyre edhe pse në Kuvend kishin hyrë vetëm në seancën konstituive.

Ndërkohë, shoqëria civile e sheh këtë gjë si papërgjegjësi morale të politikanëve, ndonëse ligjërisht kanë të drejt, përderisa Kushtetuta qartëson se mandati i deputetit fillon me certifikimin e zgjedhjeve.

Driton Selmanaj nga Instituti demokratik i Kosovës, thotë për KosovaPress se kjo është një situatë e pazakonshme dhe ka ardhur si pasoj e tekeve dhe papërgjegjësisë së lidershipit të partive në Kosovë, të cilët kanë sjell situata të tilla ku pa punuar asnjë ditë Kuvendi i Kosovës, deputeti paguhet me pagë të plotë.

Selmanaj thotë se ajo që është edhe më shqetësuese është se edhe deputetët e vjetër që e kanë kryer mandatin, për një vit ata marrin rrogën e plotë nëse nuk gjejnë punë.

“Mendoj që nëse do të duhej të kishte një pik morali në politikë ndoshta kjo legjislaturë këta deputetë, do duhej të hiqnin dorë se paku për 50 për qind të pagës së tyre për shkak se nuk kanë punuar asnjë ditë të vetme, asnjë ditë angazhim, përveç atë që janë duke i përcjell ngjarjet politike ngjashëm sikurse ne nga televizionet”, thotë Selmanaj.

E duke u nisur edhe nga fakti se çfarë pagash të mëdha kanë deputetët, Selmanaj thotë se kjo është një barrë e rënd për taksapaguesit dhe për buxhetin e shtetit.

Fidan Kalaja nga Lëvizja Fol thotë se deputetët e Kuvendit nuk e kanë merituar pagën në të shumtën e rasteve as kur ka funksionuar normalisht, Kuvendi i Kosovës, e lëre më tash kur asnjë deputetë asnjë punë se bënë gjatë kësaj kohe.

Kalaja shton se kjo situatë do duhej të reflektonte dhe ndoshta të bëheshin edhe ndryshime apo edhe të përcaktohej me bazë ligjore se nëse vendi gjendet në situata të tilla, deputetët mos të paguheshin deri në momentin e fillimit të funksionimit të Kuvendit.

Por, në anën tjetër Selmanaj thotë se kjo çështje është kategori kushtetuese dhe nëse do të tentohej të bëhej ndonjë ndryshim, atëherë do duhej ndryshuar Kushtetuta.

Megjithatë, sipas tij, vet politikanët do duhej të reflektonin nëse do kishin sado pak moral.

Muajin e kaluar, pagat i kanë marrë 102 deputetë nga 720 euro, që në total është 73 mijë e 440 euro. Ndërsa, 18 deputetë tjerë muajin e kaluar janë paguar në bazë të angazhimit ku janë. /KP/

Në luftën e Sirisë e ka humbur jetën edhe një i ri shqiptar nga Kosova.

Bëhet fjalë për 25 vjeçarin M. L, nga Skenderaji, kanë bërë të ditur burime të afërta të Zëri.info.

Sipas burime thuhet se 25 vjeçari është vrarë dje në luftën e Sirisë./Zëri/

Ndryshimet kushtetuese në Parlamentin e Maqedonisë, si duket sot kanë filluar me konfrontime fizike mes deputetëve shqiptarë të pozitës dhe opozitës.

Në seancën e sotshme të disa komisioneve në Parlament, fillimisht i ka paraprirë një konflikt verbal, e më pas edhe fizik mes deputetëve shqiptarë.

Mediet raportojnë se në këtë konflikt fizik kanë qenë të përfshirë jo zyrtarisht ish ministri i mbrojtjes, Talat Xhaferi tashmë shef i grupit parlamentar të BDI-së, si dhe deputeti i PDSH-së, Orhan Ibrahimi, ndërkaq më pas thuhet se janë përfshirë edhe deputetët tjerë./almakos/

[youtube height="400" width="100%" align=""]https://www.youtube.com/watch?v=C_4YxykHtjk[/youtube]

Sulmet e Izraelit ndaj Rripit të Gazës u protestuan në Bruksel, Anvers dhe Amsterdam.

Këto sulme në Bruksel kryeqytetin e Belgjikës u protestuan me një manifestim ku morën pjesë rreth 500 persona.

“Ndal rrethimin e Gazës” ishte mesazhi me të cilin u organizua kjo protestë ku manifestuesit kërkuan që sulmet izraelite të mos mbeten pa u ndëshkuar.

Protestuesit gjithashtu kërkuan bojkotimin e mallrave izraelite, ndërsa nga qeveria e Belgjikës dhe Bashkimi Evropian kërkuan vendosjen e sanksioneve ndaj Izraelit.

Një protestë tjetër e ngjashme u organizua edhe në rajonin flemen të Belgjikës, gjegjësisht në qytetin e Anversit.

Edhe kryeqyteti i Holandës, Amsterdami ishte skenë e protestave të organizuara kundër sulmeve të Izraelit.

Manifestuesit reaguan ashpër për politikat që Holanada zbaton ndaj rajonit.

Krahas shtetasve turq dhe atyre algjerian protesta u përkrah edhe nga shtetasit holandez ndërsa në këtë manifestim u hodhën parullat “Liri Palestinës”, “Bojkotoni Izraelin” dhe “Ndal masakrat”./trt/

Politikani i SVP-së, Jean-Luc Addor, njëherësh këshilltar i lartë në Parlamentin e Valisit, ka lëshuar një prononcim skandaloz në Twitter lidhur me vrasjen në xhaminë El-Hidaje të St.Gallen: «On en redemande! »  «Wir brauchen mehr davon»: “Ne kemi nevojë për më shumë të tilla”, kishte komentuar politikani i SVP-së.

Mesazhi ironik që e kishte komentuar Addor në “Le Matin Dimanche” për ngritjen e islamit dhe emigracionit» mund të ketë pasoja ligjore për të.

Fjalët e shkruara në Twitter nga deputeti i SVP/UDC-së, Jean-Luc Addor, kanë shkaktuar valë reaksionesh të zemëruara. Këto fjalë shoqëronin një artikull që tregonte vrasjen e një njeriu në një  xhami në St Gallen. “Ky mesazh ishte ironik dhe nuk bëj thirrje për asgjë. Unë vetëm doja të theksoj rrjedhimin/pasojat e ngritjes së Islamit dhe të emigracionit, me që të dyjat janë të ndërlidhura”, thotë deputeti Addor në reagimin e tij. Edhe pse ai pranon që e ka shkruar tepër shpejt, prapëseprapë atij nuk i vjen keq për mendimin e tij, e as për shkurtesat e tij. Njëherësh ne dimë shumë pak rreth kësaj vrasjeje:  “Unë nuk kryej hetime, por duket se elementet që kam përmendur më herët gjenden rreth vrasjes”. Dhe, si përfundim, z. Addor rikujton se: “Këto gjëra ndodhin kur këta njerëz sjellin me vete problemet e tyre te ne”.

Sipas dispozitës penale, duke bërë thirrje për diskriminim racor, ai mund të dënohet me gjobë ose me burgim deri në tre vjet.

Martine Brunschwig Graf, kryetare e Komisionit Federal Kundër Racizmit (FCR), thotë se kjo deklaratë është në kufijtë e ilegalitetit. Një Tweet e tillë mund të ketë pasoja. Ngase që një jurist i shkolluar dhe njëherësh avokat të lëshojë këso deklarata, është e pakuptueshme. “Ai është një politikan dhe bartës i funksioneve shtetërore dhe t`i kalojë kështu kufijtë e legalitetit, kjo më ka tonditur  mua», tha Graf.

Gjithashtu Hisham Maizar, president i Federatës së organizatave ombrellë islamike në Zvicër (FIDS), është e indinjuar nga mesazhi në Twiter i politikanit të SVP-së.

“Fakti që një akt i tillë ndodh në një xhami, është një goditje e madhe për ne myslimanët e Zvicrës”, tha ai.

“Nëse një person si Addor bën shaka në lidhje me një rast të tillë, nuk duhet të mbetet pa përgjigje”, thotë Maizar.

Në Shoqatën Islamike të Zvicrës (FIDS) po medojnë për të ndërmarrë veprime ligjore kundër Jean-Luc Addor.

Addor thotë se nuk pendohet shkaku i deklaratës dhe se ajo është keqinterpretuar./Albinfo/

Kryeimami thekson se pjesa më e madhe e hoxhallarëve të cilët sot janë eminentë kanë qenë pjesë direkte e luftës së Ushtrisë Çlirimtare të Kosovës (UÇK). Kjo për të nuk paraqet ndonjë befasi të madhe, sepse sipas tij, dalja në ndihmë atdheut është traditë dhe amanet edhe nga hoxhallarët të cilët çdo herë kur ka qenë nevojë kanë sakrifikuar për lirinë dhe dinjitetin e vatanit.

Kryeimami i Bashkësisë Islame në Pejë, Enes Goga në një prononcim për Telegrafin ka thënë se hoxhallarët në trojet tona çdo herë kanë qenë në shërbim të atdheut, dhe sipas tij, këtë gjë ata janë duke vazhduar ta bëjnë.

Ai ka theksuar se befasohet kur dikush i akuzon hoxhallarët në Kosovë, se po angazhohen për t’ia dëmtuar imazhin Kosovës, kur sipas tij, ata në momentet më të vështira për vatanin, kanë qenë në gjendje që ta rrezikojnë edhe jetën e tyre.

“Nuk i them këto me mburrje as për të marrë merita e lëvdata, por dëshiroj që bashkëqytetarëve të mi tua sqaroj disa fakte ndoshta të panjohura për ta, sepse misioni të cilin e kemi mbi supe na obligon që të angazhohemi për liri dhe dinjitet. Në luftën e fundit, mbi 35 pesë hoxhallarë i kemi dëshmorë e martirë, të cilët për lirinë e vendit nuk i kursyen as jetët e tyre. Unë kam dëshirë t’i pyes ata të cilët po na akuzojnë si anti-shqiptar, anti-kombëtar, eksportues e importues , ju lutem na thoni ku keni qenë në ditët kur vendlindja juaj digjej nga të katër anët”, ka thënë Goga për Telegrafin.

“Imamët, nga qyteti i Pejës, që kanë pjesë e UÇK-së, përveç meje janë: Musli Arifaj, Kushtrim Kelmendi, Eroll Rexhepi, Safet Pushka. Pastaj ndoshta nuk është e tepërt që qytetarëve të vendit tonë t’iu tregojmë se në frontet e luftës, në zonën operative të Drenicës, kanë qenë edhe hoxhallarët: Ekrem Avdiu, Sabri Jonuzi, Faruk Lohaj, Fatmri Latifi (invalid i luftës), Enis Rama, Driton Lekaj, Arsim Morina, Nehat Ajeti, Lulzim Susuri, Sabit Gashi, Esat Qesakj, Bahri Curri. Duke mos e harruar këtu edhe myftiun e BIK-ut, veprimtarin e të cilit e njohin arkivat e luftës së fundit. Kërkoj ndjesë nëse e kam harruar ndokënd”, ka thënë ai.

Në të gjithë literaturën dhe terminologjinë Islame nuk ka term “Vehabi”

Goga, duke i komentuar akuzat se në Kosovë veprojnë rryma Vehabite, ka theksuar se ende asnjë person nuk ka arritur të ja sqarojë se çka do të thotë “Vehabizëm”. Unë iu them me sinqeritetin më të madh që në të gjithë literaturën dhe terminologjinë Islame nuk do të hasni në termin Vehabi.

“Nëse i kthehemi asaj çka pretendojnë disa persona se është vehabizmi, është interesante se ata me këtë emërtim synojnë që t’i linçojnë disa persona si terroristë, fundamentalistë, ekstremistë, të cilët kanë dukje ndryshe, konkretisht burra që bartin mjekra dhe i shkurtojnë pantallonat dhe vajza të cilat bartin shami. Nëse i referohemi kontekstit historik, në shekullin 18 ka jetuar Muhamed ibn Abdul Vehabi, që bën pjesë në historiografinë e shtetit së Arabisë Saudite, dhe i cili njëkohësisht është figurë që ka kontribute në çështjet e fesë Islami si dijetar i shquar”, ka thënë ai për Telegrafin.

Sipas tij, është për keqardhje kur njerëzit flasin për historiografinë e një personi dhe pretendojnë se e njohin një personalitet të caktuar, e madje as një libër të vetëm se kanë lexuar, e lere më të bëjnë studime shkencore.

“Ne nuk e pranojmë emërtimin me këtë term, sepse përveç që ka qëllime degraduese dhe linçuese, parimet e Islamit nuk e lejojnë që njerëzit të grupohen ose rreshtohen në bazë të personave të caktuar, me përjashtim të rreshtimit pas relatës hyjnore (Kur’anit) dhe mësimeve dhe praktikës së profetit Muhamed. Por, edhe nëse e marrim të mirëqenë këtë pretendim, që nuk ka kurrfarë baze, ju lutem a kështu diskutohet me personat të cilët mendojnë ndryshe, akuzat në distancë me nga gjysmë fjalie, ofendime e çka tjetër jo. A nuk ka mundësi të organizohen tryeza, tribuna, konferenca ku do të rraheshin mendimet dhe të nxjerrshin përfundimet të sakta”, ka thënë Goga.

Madje, ai ka theksuar se është i gatshëm që me këdo qoftë të diskutojnë, por sipas tij, vetëm në mënyrë akademike (fakte,argumente) dhe jo me fletushka dhe doracak, për të gjitha çështjes e fesë, duke përfshirë këtu edhe për pretendimin se në Kosovë ka Vehabizëm.

“Ne nuk kemi tabu përballë asnjë teme, zaten këtë na e mëson edhe feja Islame, madje këtë në mënyrë të shkëlqyer mund ta shihni tek personaliteti i profetit Muhamed, i cili është përgjigjur edhe në çështjet më të thjeshta”, ka thënë Goga.

Kur hoxhallarët bënin thirrje që mos të shkohet në Siri, Qeveria e Kosovës "ndiqte trendet ndërkombëtare”

Kryeimami i Pejës, nuk ka lënë pa folur edhe për Luftë në Siri, e cila sipas tij, është bërë njëra nga temat kryesore në përditshmërinë e kosovarëve.

Ai ka theksuar se qëndron ende prapa fjalëve, të cilat i ka thënë që prej fillimit të revolucionit sirian, se e mbështet kauzën e drejtë të sirianëve për largim të tiranisë dhe shtypjes nga jeta e tyre, për arsye se sipas tij, të njëjtën gjë e ka përjetuar edhe populli i tij para hiq më shumë se 15 viteve.

Ndërsa, përpjekjet kinse për nxitje të të rinjve kosovarë për të shkuar në këtë konflikt nga ana e hoxhallarëve dhe BIK-ut, ai e quan perfide dhe jo aspak të logjikshme.

Ai thekson se kur kanë bërë thirrje hoxhallarët që të rinjtë tonë të mos i bashkohen këtij konflikti, Qeveria e Kosovës bënte takime me opozitën siriane, duke i ndjekur trendet ndërkombëtare të zhvillime karshi kësaj çështje.

“Po më çudit sa iracional janë ata të cilët na akuzojnë ne për nxitje, po ju lutem si mund të ndodhë që një njeri ta thërras në diçka kur vetë nuk e bën atë gjë. Nuk është prej moralit të besimit tonë që të thërrasin në diçka të cilës nuk i përgjigjemi vetë, madje ky qortim vjen edhe nga Kur’ani famëlartë. Po nëse hoxhallarët do të kishin porositur që të shkohet në Siri, numri i atyre që janë në tokën siriane nuk do të ishte 40, 50 persona por disa mijëra. Po kujt i ka kushtuar më shumë se komunitetit mysliman përfshirja e të rinjve tonë në atë konflikt”, ka thënë Goga për Telegrafin.

Ai madje ka theksuar se asnjë nga analistët, të cilët kërkojnë që të persekutohen hoxhallarët, nuk është kërcënuar nga përkrahësit e ISIS-it. Mirëpo, sipas tij, janë kërcënuar hoxhallarët për shkak se e kanë quajtur të dëmshme për myslimanët këtë organizatë kriminale.

“Lajmi për kërcënimet ka qenë i publikuar edhe në media. Kur forumet, asambletë e dijetarëve, që ne si hoxhallarë i kemi referencë për dije dhe vendime fetare, e kanë denoncuar ISIS-in, shumica e atyre që po na akuzojnë as idenë nuk e kanë pasur se kush është kjo organizatë famëkeqe”, ka thënë Goga.

Ndërsa, sa i përket BIK-ut dhe funksionimit të tij, ai këmbëngul se institucioni përfaqësues i myslimanëve të Kosovës, ndonëse mund të ketë bërë ndonjë gabim, sipas tij, ky institucion mbetet kredibil dhe kontributdhënës në ruajtjen e interesave shtetërore.

“Po, a e pyet ndonjëherë dikush veten për arsyen se përse në Kosovë kemi tolerancë fetare. Pikërisht është kontributi i BIK-ut dhe qasje shumë e arsyeshme e këtij institucioni në ruajtjen e kësaj vlere. BIK-u është institucioni që e përfaqëson shumicën e qytetarëve të Kosovës, në aspektin fetar, andaj para akuzave dhe shpifjeve duhet që t’i analizojmë kontributet dhe veprimet të cilat janë bërë në këtë drejtim”, ka vlerësuar Goga.

Kryeimami shprehet se vetëm në Kosovë ka dëgjuar për Islamin tradicional, sekular dhe laik, duke shtuar se “kemi filluar të përdorim terminologji mjaft ‘inovative’ për ta përshkruar fenë Islame”.

“Me përgjegjësi të plotë para Zotit, e pastaj edhe para njerëzve e them se askund në doktrinën Islame nuk gjeni këso terme, madje për këtë e sfidoj këdo që mendon kështu. Është për keqardhje se këtë gjë e din edhe një studiues fillestar i Islamit. Nëse dikush me Islamin tradicional, ose praktikumin e Islamit tradicional mendon në praktikumin e fesë sikurse në kohën e partisë komuniste, kur hoxhallarët kanë marrë pjesë vetëm ne dasma, syneti dhe morte, ai duhet ta harroj këtë gjë. Ju lutem nuk jemi duke jetuar në Kubë, po as në Korenë e Veriut. Ky vend ka traditë fetare Islame mbi gjashtë shekuj, dhe kthehuni tek gjyshet dhe gjyshërit tuaj, pothuajse asnjë prej tyre nuk mund ta gjeni që nuk ka falur namaz, ose tek femrat që nuk kanë pasur mbi kokat e tyre mbulesë. Jemi duke jetuar në një vend që, territorialisht është në Evropë, mirëpo tenton që edhe në aspektin e rregullimit shtetëror të jetë pjesë e kontinentit të vjetër. Shikojeni Londrën, Brukselin, Vjenën e Londrën, askush nuk të pyet për pamjen tënde e aq më pak ta ndalon shkollimin e punësimin. Për Shtetet e Bashkuara të Amerikës (SHBA) mos të flasim, ku feja është absolutisht një gjë e cila praktikohet pa ndonjë problem. Nëse flet dikush për islam tradicional, burimor, me baza në Kur’an dhe Sunet (praktika dhe mësimet e profetit Muhamed) ne atë po e kërkojnë dhe asgjë më tepër.

Goga, mendon se euforia e disa të rinjve në çështjet fetare dhe marrja me komentime të caktuara të çështjeve të fesë Islame, krijon kaos dhe amulli tek njerëzit.

Ai ka theksuar se çdo veprim që ndërmerret nga çdo kush në aspektin fetar, vetëm se duhet të jetë në sinkron me imamët, hoxhallarët, dhe institucionin e BIK-ut.

Përndryshe, sipas tij, çdo emocion i pakontrolluar, sa do që është i sinqertë, mund të bëjë dëme të pariparueshme dhe me pasoja për komunitetin mysliman.

Kryeimani është ndaluar edhe tek çështje e një varreze, përmes së cilës sipas tij, po tentohet të rrënohet ai dhe institucioni i BIK-ut, duke shtuar se kjo është, çështja e varrezave, një temë e vjetër.

“Unë, në konsultim me ekspertët juridik, jam duke përgatitur padi ndaj atyre që kanë drejtuar shpifje ndaj meje, duke traumatizuar edhe familjarët e mi. Mendoj se është koha e fundit kur shpifjet duhet të ndëshkohen. Askush, për teke, inate, dhe ambicie personale, nuk ka të drejtë të rrënoj dikë tjetër. Kur një person nuk është i dëshiruar nga besimtarët ne nuk i kemi faj, le të angazhohet me dituri dhe me punë - rrugët janë të hapura”, ka thënë ai për Telegrafin.

Goga ka theksuar se rasti i çështjes së varrezave është i hapur në prokurori që nga fundi i vitit 2013, dhe sipas tij, nëse dikush ka dëshirë dhe gatishmërinë që t’i referohet procesverbalit të BIK-ut në Pejë, “aty mund të shihet se është marrë një vendim përballë kësaj përpjekje të mjere për të më njëllosur, që ka ardhur nga individ të caktuar”.

Goga ka theksuar se hoxhallarët janë të popullit dhe me popullin, madje ata sipas tij, e luajnë në një farë forme rolin e shoqërisë civile.

“Kemi shumë raste të evidentuara që me ndërmjetësimin e hoxhallarëve shumë persona janë larguar nga narkomania, lojërat e fatit, kazino, bastoret. Sa here kemi ndikuar që njerëzit të mos japin para me kamatë (fajde). Ju lutem kemi dhjetëra raste kur ne si imam, unë personalisht tri katër raste, kemi ndërmjetësuar në pajtim të gjaqeve, duke larguar hasmërinë në mes familjeve shqiptare. Kush flet sot për dëmin e divorcit në shoqëri, fenomen që po na e rrënon shoqërinë dal nga dalë, me përjashtim të hoxhallarëve. Kemi qenë dhe jemi aktiv në aspektin social, kur në shumë raste hoxhallarët në bashkëpunim me xhematin i kanë ndihmuar skamnorët, jetimët, të pastrehët, madje edhe aty dikush ka tentuar të hedhë akuza ndaj nesh. Unë një gjë e di, ne kemi detyra dhe obligime ndaj këtij populli. Besoj se jemi në të drejtën dhe të vërtetën, andaj le të thotë kush çfarë të dojë, ne do të vazhdojmë sikurse kemi vazhduar deri më tani. Zoti na fali në këtë tokë dhe me dinjitet do t’i shërbejmë vendit tonë, në fushën qe jemi të profesionalizuar”, ka përfunduar Goga. /Telegrafi/

Kosova edhe pse konsiderohet si një vend i vogël dhe i varfër, megjithatë ka zyrtarë dhe deputetë të Kuvendit të Kosovës të cilët janë milionerë.

Nga deklarimi i pasurisë që kanë bërë në Agjencinë Kosovare Kundër Korrupsionit, vërehet se zyrtarë të institucioneve, disa nga të cilët janë pjesë e legjislativit, kanë pasuri të paluajtshme, para të gatshme dhe vetura luksoze, ndërkaq, pagat vjetore sillen rreth 17 mijë euro.

Në mesin e deputetëve ka edhe të atillë që pasuria e tyre nga deklarimet e mëhershme është rritur dukshëm për një periudhe të shkurtër kohore.

Përfaqësuesit e shoqërisë civile në Kosovë, kanë ngritur shqetësime lidhur me atë se pse vetëm politikanët në vend janë ata të cilët vit pas viti pasurohen, derisa nuk ka një zhvillim të duhur të shtetit.

Drejtori ekzekutiv në Lëvizjen Fol, Petrit Zogaj, organizatë kjo që nga viti 2010 ka bërë monitorimin e pasurisë se personave zyrtarë, thotë se në një vend ku demokracia është e brishtë dhe në vendet ku pushteti përdoret nga pushtetarët jo për të ndërtuar një strategji zhvillimore, sigurisht që e vetmja kategori që pasurohet brenda këtij sistemi janë politikanët.

“Pa diskutim që kjo ka ndodhur me ne këtu, sikur se mund të ketë ndodhur edhe në shoqëritë tjera, po ajo çka është, dhe mbetet shqetësuese është që njerëzit në politikë në 15 vitet e fundit është parë që në mënyrë konstante kanë rritur pasurinë e tyre, ndërkohë që e njëjta nuk ka ndodhur, ta zëmë, në mënyrë konstante me zhvillimin ekonomik të përgjithshëm shoqëror”, tha Zogaj.

Edhe Arton Demhasaj, përfaqësues ligjor në Organizatën për Demokraci dhe Anti-Korrupsion “Çohu”, thotë se nëse bëhet një llogaritje e vogël e pasurisë së disa deputetëve, kuptohet se pasuria e tyre është e barabartë me pasurinë e një milion banorëve të Kosovës.

“Nëse e llogarit se sa kanë pasuri 120 deputetë, del se kanë pasuri sa një milion banorë të tjerë. Kjo është një çudi e madhe që ndodh në vendin tonë. Dhe ne vazhdimisht kemi thënë që kjo pasuri është krijuar nga politika ose nga njerëzit dhe bizneset që janë të lidhura me politikën. Këtu funksionon njëfarë rrethi vicioz, ku politikanët janë të lidhur me bizneset. Këta vijnë në politikë, tenderët ua japin atyre bizneseve që janë të lidhur me ta, pastaj paratë shpërndahen në mënyrë jo të ligjshme”, tha Demhasaj.

Në Kosovë, ku paga mesatare është deri në 400 euro, gjysma e popullatës është e papunë dhe e varfër.

Sipas të dhënave të fundit të Agjencisë së Statistikave të Kosovës papunësia në Kosovë është 30.9 për qind, meqenëse ka edhe të dhëna, që flasin për një papunësi edhe mbi 40 për qind.

Lidhur me pasurinë e deklaruar të zyrtarëve të lartë, Petrit Zogaj thotë se një nga problemet kryesore të deklarimit të pasurisë është mos hetimi i asaj pasurie.

Ai thotë po ashtu se Kosova ka një bazë ligjore me të cilën mund të fillohet dhe të hetohet ajo pasuri, e cila konsiderohet si e paarsyeshme për të ardhurat e një zyrtari publik, çfarëdo qoftë ai.

“Nëse zyrtari publik për 4-5 vite ka ndërruar një status social nga një, ta quaj i varfër, në një zyrtar që mesatarisht është i pasur,pa një shpjegim racional për pasurinë, e tij sigurisht që një sistem tjetër, këtu po flas për sistemin e drejtësisë, do të duhej t’i nisë hetime për atë pasurim të menjëhershëm”, tha Zogaj.

AKK-ka njoftuar se tashmë ka përfunduar i tërë procesi i deklarimit të pasurisë së deputetëve të rinj që në Kuvend kanë hyrë pas zgjedhjeve nacionale të 8 qershorit.

AKK thotë se deputetët dhe zyrtarët e lartë të institucioneve, deklarimin e pasurisë së tyre e kanë bërë konform afateve të përcaktuara në Ligjin për Deklarimin, Kontrollin dhe Prejardhjen e Pasurisë.

Sipas ligjit, të gjithë zyrtarët e lartë, kanë për obligim ta bëjnë deklarimin e pasurisë së tyre brenda afatit 30 ditorë pas marrjes së detyrës. /rel/

Ndalimi dhe shqyrtimi i privatizimit të ndërmarrjeve në komunat me shumicë serbe, është kushti kryesor për serbët e Kosovës që të marrin pjesë në qeverinë e re. Lista Serbe në seancën e 17 korrikut ka përkrahur koalicionin LDK-AAK-Nisma. Ramush Haradinaj, i nominuar për kryeministër nga këta të fundit, thuhet se u ka premtuar serbëve se do të ua plotësojë kushtet e vëna.

Ramush Haradinaj, sipas të përditshmes serbe Kurir, e cila u referohet burimeve të saj brenda partive politike serbe në Kosovë, është pajtuar që të gjejë zgjidhje ligjore për t’ua kthyer serbëve pronat private të cilat pretendojnë se u janë marrë në Kosovë, si dhe për të rishikuar dhe ndaluar privatizimin e ndërmarrjeve publike, në komunat me shumicë serbe.

“Kjo praktikisht do të thotë se asetet e telekomunikacionit dhe energjisë do të mbeten te serbët, përkatësisht nën menaxhimin e Asociacionit të Komunave Serbe. Ky është një hap shumë përpara, pasi deri më tani asnjë politikan apo parti shqiptare, as që ka dashur të diskutojë këtë temë”, ka thënë për Kurir, një burim shumë i sigurt, transmeton lajmi.net.

Serbia pretendon të drejtën e saj mbi ndërmarrjet publike dhe pronave tjera në Kosovë, duke thënë se vlera e kësaj pasurie është rreth 200 miliard dollarë.

E faktin e kushtëzimit të pjesëmarrjes së tyre në qeverinë e re të Kosovës, me procesin e privatizimit, e kanë thënë hapur edhe liderët politik serb në Kosovë.

Kryetari i Listës Serbe, Aleksandar Jablanovic në një prononcim dhënë së fundi për mediat e vendit ka thënë se pa anulimin e privatizimit dhe disa koncesioneve të rëndësishme për komunitetet, nuk është e mundur që të ketë të ardhme në Kosovë.

"Për ne mënyra e privatizimit deri tash është krejtësisht e papranueshme . Kjo është privatizimi nga parimi i shitjeve të aseteve lirë, ku kompania nuk ka ruajtur formën origjinale të biznesit", kishte deklaruar Jablanovic.

Për komunitetin serb, sipas tij, janë shumë të rëndësishme firmat "Inex", kompleksi turistik Brezovica, kompania "Ivo Lola Ribar" në Shtërpcë, kompania "Ratar" në Graçanicë, kompleksi metalurgjik "Trepça" në veri, si dhe subjektet tjera ekonomike që gjenden në veri të Mitrovicës.

“A do të pranojë kryeministri dhe shumica e deputetëve këto kushte, nuk varet nga ne, por ne pa këto kushte nuk do ta mbështesim kryeministrin dhe qeverinë e ardhshme”, kishte deklaruar Jablanovic.

Sipas gazetës prestigjioze, New York Times, gjuha shqipe radhitet në mesin e dy-tri gjuhëve më të vjetra të botës.

Gazeta përmend armenishten, greqishten dhe shqipen si gjuhë të lashta, prej nga e rrjedhin shumë gjuhë të tjera.

Shikojeni këtë skicë të NYT:

Rreth 300 çifutë viktimë e masakrave naziste që jetojnë në Shtetet e Bashkuara të Amerikës së bashku me fëmijët e tyre në gazetën “The New York Times” publikuan një letër proteste ndaj sulmeve izraelite.

Në anën tjetër në sulmet izraelite të organizuara në veri të Gazës janë vrarë 2 ndërsa u plagosën 4 persona.

Në dy sulmet e njëpasnjëshme të organizuar ndaj një rrokaqielli në lagjen Tel el Hava të Gazës u plagosën 22 persona ndërsa godina u shkatërrua tërësisht.

Ushtria izraelite pretendoi se si objektiv morën një zyrtarë të Hamasit, por rrokaqielli u shkatërrua tërësisht.

Ndërkohë që sulmet në Rripin e Gazës vazhdojnë, Presidenti i Shtetit të Palestinës, Mahmud Abbas në Kajro u takua me Presidentin egjiptian, Abdelfetag al-Sisi.

Egjipti u bëri thirrje të dyja palëve në konflikt që të vazhdojnë me negociata.

Por, nga Hamasi ende nuk u bë ndonjë deklaratë në lidhje me pjesëmarrje apo jo në këto bisedime.

Presidenti Abbas pati një takim edhe me Sekretarin e Përgjithshëm të Lidhjes Arabe, por detajet e këtij takimi nuk u bënë të ditur.

Ndërkohë vazhdojnë edhe protestat ndaj sulmeve izraelite në Rripin e Gazës.

Protestuesit në Amsterdam dënuan ashpër sulmet izraelite, ndërkaq në Holandë u reagua ashpër ndaj politikave të ndjekura ndaj këtij rajoni.

Në anën tjetër 327 çifutë viktimë e masakrës naziste gjatë Luftës së Dytë Botërore së bashku me fëmijët e tyre në gazetën “The New York Times” publikuan një letër ku dënohen sulmet dhe pushtimet izraelite në Rripin e Gazës.

Në letër në mes tjerash shkruhet: “Çifutët viktimë e masakrës së nazistëve së bashku me fëmijët e tyre dënojnë ashpër masakrën izraelite, pushtimin e Gazës dhe kolonizimin e pjesës historike të Palestinës”.

Numri i të vrarëve në sulmet izraelite në Gazë prej fillimit të sulmeve e këtej doli në 2 mijë e 105 persona, ndërsa i të plagosurve në 10 mijë e 631./trt/

Nemanja Sharoviq, zëvendës kryetar i partisë serbe radikale, ka shpalosur në mes të Prishtinës flamurin e kësaj partie, me fytyrën e kreut të saj Vojislav Sheshel.

Saktësisht ai ka qëndruar me flamurin e hapur para kishës ortodokse serbe që gjendet në oborrin e Universitetit të Prishtinës, dhe foton e realizuar e ka postuar në facebook.

Më tej ai shkruan në facebook, se kjo kishë është në qendër të vëmendjes së Kosovës për shkak siç thotë ai ‘Kërkesave ekstreme të shqiptarëve që kisha duhet rrënuar ose duhet të shndërrohet në muze të UÇK-së’. Ndërsa shton se kisha po ashtu është përdhosur kohët e fundit nga një këngëtare shqiptare Era Istrefi e cila është filmuar lakuriq në të.

Në Kosovë me sukses ka përfunduar fushata e korrje-shirjeve,  por zyrtarë të Ministrisë së Bujqësisë dhe ata të Shoqatës së Bujqve, japin shifra kundërthënëse rreth përmbushjes së nevojave me ushqim nga rendimentet e grurit.

Derisa në Ministrinë e Bujqësisë, Pylltarisë dhe Zhvillimit Rural, thonë se sivjet Kosova plotëson mbi  80 për qind nevojat për ushqim nga rendimentet e grurit, përfaqësues të bujqve vlerësojnë se kjo shifër nuk arrin as 30 për qind të mbulimit të nevojave me ushqim. 

Megjithatë, Jusuf Cikaqi, kryetar i Komisionit për monitorimin e fushatës së korrje-shirjeve për vitin 2014, në kuadër të Ministrisë së Bujqësisë, thotë se 86 mijë hektarë sipërfaqe kanë qenë të mbjella me kulturën e grurit, hapësirë kjo që mbulon nevojat me ushqim për 80 për qind të popullatës. Sipas tij, cilësia e grurit është e kënaqshme, kurse sasia është në suaza të normales.

“Bazuar në të dhënat që kemi pasur, që kanë qenë të mbjellë  86 mijë hektarë me grurë, me një rendimente mesatar që sivjet është 3800 kilogramë për hektarë, del se Kosova ka prodhuar afër 329. 891 tonë grurë, kurse nevojat janë 410 mijë tonë grurë, bazuar me numrin e banorëve që është dy milionë dhe me 205 kilogramë për kokë banori. Dhe, nëse këtë e kthejmë në përqindje, atëherë i bie se Kosova ka prodhuar sasi të grurit që plotëson nevojat për 80 për qind të popullatës”, shpjegon Cikaqi.

Por, të dhëna krejt ndryshe paraqesin përfaqësuesit e bujqve, të cilët madje konsiderojnë se fushata e korrjeve-shirjeve, sivjet ka dhënë rendimentet më të ulëta të prodhimtarisë së grurit.

Tahir Tahiri, kryetar i Federatës Sindikale të Bujqve, thotë se në Kosovë deri në 65 mijë hektarë kanë qenë të mbjellë me grurë, kurse janë plotësuar reth 30 për qind të nevojave të popullatës me grurë.

“Diku prej 60 deri në 65 mijë hektarë sillen sipërfaqet me grurë. Kurse, rendimentet që sivjet gruri  ka dhënë, janë rreth 2500 – 2700 kilogramë. Është një nga vitet që ka dhënë rendimentet më të ulëta të prodhimtarisë së grurit. Në bazë të këtyre të dhënave, kemi konstatuar se buka nuk është siguruar më shumë se 25 deri 30 për qind të nevojave të popullatës së Kosovës”, thotë Tahiri.

Ai nuk u beson të dhënave të Ministrisë së Bujqësisë, pasi, siç thotë ai, ka mungesë të kuadrove të zyrtarëve në drejtoritë komunale për bujqësi dhe që nuk dalin në terren.

Ndërkaq, Jusuf Cikaqi, nga Ministria e Bujqësisë, duke iu përgjigjur zotit Tahiri, thekson se ministria ka monitoruar tërë procesin e korrje-shirjeve, kurse të dhënat e tjera i ka marrë nga drejtoritë komunale për bujqësi që janë aktive dhe ka kuadro të mjaftueshme. 

Sidoqoftë, e rëndësishme, sipas Cikaqit, është se viteve të fundit është rritur interesimi i fermerëve për kultivimin e grurit, sidomos pas fillimit të shpërndarjes së subvencioneve për bujqit.

“Nëse bazohemi në të dhënat statistikore, shihet se pas përfundimit të luftës janë mbjellë deri 65 mijë hektarë me kulturën e grurit. Kurse, nga viti 2008, kur Ministria e Bujqësisë filloi të bëjë subvencionimin për hektarë të mbjellë, interesimi i fermerëve për të rritur këtë kulturë është  rritur dhe nga viti në viti këto sipërfaqe janë shtuar. Do të thotë nga 65 mijë hektarë tashmë mbillen rreth 90 mijë hektarë me drithëra të bardha”, shton Cikaqi.

Megjithatë, në mungesë të sigurimit të bukës, Kosova vazhdimisht importon grurë dhe miell, sidomos nga vendet e rajonit.

Sipas të dhënave të Doganave të Kosovës, vitin e kaluar në Kosovë janë importuar mbi 53 milionë kilogramë grurë, miell mbi 44 milionë kilogramë,  kurse në gjashtë mujorin e parë të këtij viti, janë importuar mbi 20 milionë kilogram grurë, ndërkaq miell mbi 23 milionë kilogramë.

Ndryshe, sipërfaqja e përgjithshme në Kosovë është 10,908 km², kurse 53 për qind e tokës është bujqësore. Ndërkaq, nga 1. 9 milionë banorë,  61 për qind prej tyre jetojnë në zonat rurale./rel/

Një tjetër shqiptar besohet të jetë vrarë gjatë luftës në Siri. Bëhet fjalë për një qytetar të etnisë shqiptare të Maqedonisë, nga një fshat i Strugës, me shtetësi austriake dhe që ka jetuar prej vitesh në Austri dhe në vendet e Lindjes së Mesme, raporton “Strugalajm”.

Portali shkruan se familjarët janë lajmëruar për vrasjen e djalit të tyre, por nuk dihet se në ç’rrethana ka humbur jetën shqiptari.

Edhe policia ka informuar se është vrarë një shqiptar, që ka jetuar dikur në një fshat të Strugës, i cili kishte hequr dorë prej vitesh nga shtetësia e Maqedonisë.

"Këto burime nuk saktësojnë rrethanat dhe vendin ku është vrarë strugani, por konfirmojnë me siguri të lartë se ai është vrarë dhe tashmë familja e viktimës është informuar për këtë ngjarje. Në rrugë jozyrtare ky informacion konfirmohet edhe nga burime policore, nga ku thonë se personi në fjalë prej disa vitesh kishte hequr dorë nga shtetësia e Maqedonisë dhe ka jetuar në Austri, si dhe në Siri ku edhe ka krijuar një familje të re", shkruan ky portal.

Një shqiptar rreth moshës 51 vjeçare ishte vrarë në orët e pasdites së ditës së djeshme në xhaminë “El Hidaje“ në St.Gallen, pas namazit të xhumasë.

Siç raporton srf.ch, viktima është një zviceran me prejardhje shqiptare, përkatësisht ishte raportuar se ai ishte nga Presheva, transmeton Telegrafi.

“Një mashkull, i cili u qëllua ndërsa lutej në një xhami në St Gallen të premten pasdite, ka qenë një shtetas zviceran 51-vjeçar me prejardhje shqiptare. Autori, një serb i po të njëjtës moshë, ka pranuar krimin, ka thënë policia kantonale”, bënë të ditur srf.ch. /Telegrafi/

Ismail Kadare: Shqiptarët u konvertuan me dhunë në fenë islame. Numri i parë i revistës filozofike franceze “NOOR” hapet me intervistën e shkrimtarit Ismail Kadare.

Me sa duket Kadare në përpjekje për fitimin e çmimit nobel më shumë se për Shqipërinë po lobon për interesa personale. Kadare për një mbështesje qe mund t’i japë lobi Izrailit dhe ai Islamofob po çon Shqipërinë drejt përçarjes fetare dhe prishjes së harmonisë me të cilën vendi ynë mburret. Shkrimet e tij po bëhen gjithnjë e më fyese për 70 % te popullsisë të cilën po e çon drejtë urrejtjes fetare. Kadare në çdo mënyrë po mundohet që ta fyej, ulë dhe denigrojë këtë pjesë të shqiptarëve.

Nën ndikimin e Kadaresë duket dhe Nard Noka i cili si përfaqësues i katolikëve shqiptarë islamofobinë e Kadaresë e shikojnë si një fener ndriçues të Shqipërisë drejt Evropës. Besoj dhe Kadare duhet të jetë shumë i kënaqur me mbështetjen që po i bën “Profesori”/opozita.com/

Brigadat Ezzeddin al-Qassam, krahu i armatosur i fraksionit palestinez Hamas, mori përgjegjësinë për hedhjen e raketave në kryeqytetin izraelit Tel Aviv.

Brigadat thanë në një deklaratë se luftëtarët e tyre kishin gjuajtur një raketë J80 në Tel Aviv.

Nuk ka pasur asnjë koment nga ushtria izraelite për këto sulme, të cilat vien në përgjigje të ofensivës ushtarake në Rrripin e Gazës.

Dhuna u ndez përsëri të martën,pasi dështuan bisedimet që kishin për qëllim arritjen e një marrëveshje të përhershme armëpushimi.

Izraeli akuzon fraksionet palestineze për shkelje të armëpushimit të përkohshëm, një pretendim i mohuar nga fraksioni i rezistencës Hamas, i cili nga ana e tij akuzoi shtetin e vetëshpallur i hebre se është duke penguar bisedimet në Kajro.

Që kur sulmet izraelite filluan më 7 korrik, të paktën 2089 palestinezë janë vrarë - shumica e tyre civilë - dhe më shumë se 10.000 janë plagosur nga sulmet izraelite në të gjithë Rripin e Gazës. /mesazhi/

Një i ri homoseksual kosovar, 24-vjeçar, është dëbuar nga Franca dhe është kthyer në Kosovë. Kërkesa e tij për azil është refuzuar nga Zyra Franceze për Mbrojtjen e Refugjatëve dhe Personave pa shtetësi.

I riu kosovar dërgoi ankesë në Gjykatën e Apelit në Lyon, por edhe ajo iu refuzua, raporton KTV.

Ai u arrestua më 12 gusht dhe u vendos në paraburgim për aeroportin Saint-Exupéry para se të kthehej në Kosovë të enjten.

Në vendimin e vet, OFPRA tha se nuk ishte e lehtë, por rasti ishte shqyrtuar prej më shumë se një viti, transmeton Koha.net.

Kosovari i ri kishte shkuar në Francë në mars të vitit 2013, kur kishte kërkuar azil pasi që tha se ishte sulmuar në Kosovë për shkak të orientimit të tij seksual. /Koha/

Ngjarja e rëndë që ndodhi të premten në qytetin e St.Gallenit ka tronditur qytetarët e vendit, e veçmas të tronditur mbetën shqiptarët e besimit mysliman që në ato momente gjendeshin në xhami duke falur namazin e xhumasë.

Ata tregojnë se janë tmerruar me vrasjen makabre të bashktadhetarit të tyre, menjëherë pas „namazit të xhumasë”, një ritual i përjavshëm i faljes të premteve në xhaminë “El-Hidaje”.

66-vjeçari Gani Berisha nga Prizreni kishte parë me sy vrasjen makabre të bashktadhetarit me origjinë nga Presheva.

“Tmerr i madh me pa një ngjarje të këtillë. Janë raste shumë të rralla të vrasjeve në xhami. Kjo na ka tronditur të gjithëve”, rrëfen për albinfo. ch  rastin Berisha.

Besimtarët e mbledhur në panikë kanë braktisur xhaminë “El-Hidaje”, ndërsa autori i vrasjes është dëgjuar duke thënë: “Mos u tutni se u kry”, thonë dëshimtarët.

“Mezi kam dalë nga xhamia, të gjithë ishin frikësuar me të dëgjuar krismat”, thotë për albinfo.ch Berisha.

Plaku Berisha thotë se nuk lejohen vrasjet as me “Kanun” në xhami, duke dyshuar se vrasja ka ndodhur për motive hakmarrjeje.

Duke u bazuar në dëshmitë e të pranishmëve në momentin e vrasjes, albinfo.ch ka raportuar të premten se vrasja dyshohet se kishte ndodhur për motive hakmarrjeje.

“Një 50-vjeçar vrau me 5 plumba një shqiptar po të njëjtës moshë për hakmarrje, ngase ia paska vrarë vëllain”, kishtë thënë Burim Berisha për albinfo.ch.

Më tutje Berisha thotë se bëhet fjalë për një ngatërresë familjare që kishte fillet para 20 vjetëve në vendin e tyre të origjinës.

Autori i vrasjes nuk ishte xhematë i rregullt i xhamisë "El Hidaje" në St.Gallen.

Ai kishte ardhur për të kryer vrasjen nga regjioni i Sargans-it të Zvicrës.

Në një njoftim të xhamisë El-Hidaje të lëshuar pas rastit të kobshëm, imami i kësaj xhamie, Mehas Alija dhe kryesia e saj thonë se motivet e vrasjes ende nuk janë të njohura.

„Rasti është nën hetime policore dhe kanë lutur xhematin që të mos përflitet dhe të spekulohet për rastin“, thuhet në njoftim.

„Bëjmë thirrje për përmbajtje dhe durim, kurse familjes së të ndjerit i shprehim ngushëllimet tona“, thuhet më tutje në njoftimin e imamit dhe kryesisë së xhamisë El-Hidaje në Winkel të St.Gallenit.

Vrasjen në xhami e konfirmon edhe Policia e qytetit të Sankt Gallenit, e cila pak pas orës 14 ka marrë një telefonatë për të shtëna në xhami.

Me të arritur në vendngjarje, policia bën të ditur se ka arrestuar një burrë të armatosur.

Në vendin e lutjeve brenda xhamisë, njoftojnë ata, është gjendur një burrë i vdekur.

Momentalisht thonë se janë duke hetuar rastin dhe duke intervistuar të arrestuarin si dhe dhjetë persona të tjerë, të cilët në ato momente gjendeshin në xhami.

Megjithatë, identitetin e viktimës dhe të arrestuarit policia thotë se ende nuk mund t’i konfirmojë me saktësi.

Ndërkohë që hetimet për rrjedhën e ngjarjes dhe mbi motivin që ka çuar deri te vrasja janë duke vazhduar.

Organet e rendit nuk kanë mundur t’i konfirmojnë, por as t’i demantojnë motivet e vrasjes të publikuara në media.

Të shtunën, bëjnë të ditur ata, do të kenë më shumë informacione për vrasjen në xhami.

Albinfo.ch mëson se policia ka liruar xhaminë „El-Hidaje“ në orët e vona të së premtes pas ekspertizës së kryer në vendin e ngjarjes.

Që mediat po e teprojnë paksa me postimet dhe fjalimet e Imamëve rreth konflikitit në Siri nuk është sekret tashmë. Ka patur dhe ka kritika- me të drejtë. Sidomos kur nga arkivi (Youtube) nxirren video të moçme nga dy e më shumë vite dhe lexuesit e shikuesit i serviren si të tashme. Edhe sot e kemi një rast të tillë. Portalet kanë nxjerrë një postim të vjetër 2 vite dhe për të shkruajnë:

“Kryeimami i Pejës, Enes Goga gjatë faljes së xhumasë para të pranishmëve ka mbajtur një ligjëratë lidhje me Sirinë.”

Pyetja është  kjo: cilës së xhuma? Përgjigja del kështu: asaj të datës 8.07. 2012!

Epo ja që në atë kohë edhe krejt bota demokratike bile edhe vet shteti i Kosovës mbështeste (Enver Hoxhaj u shtronte tepihun e kuq opozitës siriane në Prishtinë) përpjekjet e popullit sirian për lirimin nga regjimi i egër i atjeshëm.

Kjo u shënua që të thuhet dhe me këtë edhe të mos postohet ajo video! Kaq./Gazeta Blic/

Një shqiptar rreth 50-tave është vrarë sot në orët e pasditës në xhaminë “El Hidaje“ në St.Gallen pas namazit të xhumasë.

Viktima raportohet të jetë me origjinë nga Presheva, thotë për albinfo.ch, Burim Berisha, i cili ishte i pranishëm në xhami. Sipas tij, dyshohet për hakmarrje. “Një 50-vjeçar vrau me 5 plumba një shqiptar po të njëjtës moshë për hakmarrje ngase ia paska vra vëllaun”, thotë Berisha për abinfo.ch.

Rastin e ka konfirmuar edhe policia. Në një xhami në lagjën Ëinkeln St-Gallenit gjatë një shkëmbim zjarri që ishte dëgjuar të premten ka mbetur i vdekur një person.

Një patrullë policore arriti disa minuta më vonë në vendin e ngjarjes dhe takuan një njeri me një pistoletë, ka thënë zëdhënësi, Gian Andrea Rezzoli. Policia nuk ka dhënë më shumë detaje për shkak të hetimeve.

Agjencia e lajmeve Reuters, duke e cituar një zyrtar të sigurisë së Irakut, ka thënë se milic shiit e kanë sulmuar një xhami sunnite në verilindje të Irakut duke vrarë së paku 40 persona.

Burimi i sigurisë i ka thënë kësaj agjencie të lajmeve se së paku 40 trupa të pajetë kanë arritur në spitalin e qytetit, Bakuba, në krahinën Dijala.

Dëshmitarët i kanë thënë Reutersit se numri i të vrarëve është më i madh, ende nuk është e mundshme që të verifikohen këto raportime.

Ky sulm është raportuar në kohën e tensioneve në rritje në Irak, derisa militantët sunnit të Shtetit Islamik kanë marrë nën kontroll pjesë të mëdha të territorit në veri të Irakut./rel/

I dyshuari për vrasjen e Ruzhdi Shaqirit, Gani Geci i është dorëzuar EULEX-it.

Burime të Kohës Ditore kanë treguar se ish-deputeti para pak çastesh i është dorëzuar organeve të misionit evropian të sundimit të ligjit në Kosovë, me kusht që të mos ketë punë me gjyqësorin kosovar.

Dorëzimi i tij pritet të konfirmohet në orët në vazhdim, përcjell koha.net.

Gjykata Kushtetuese i ka dhënë të drejt kërkeses së Partisë Demokraike të Kossovës. Sipas vendimit të marrë sot, Kushtetuesja ka vendosur në favor të PDK-së.

Vendimi i plotë

Të enjten, më 21 gusht 2014, Gjykata Kushtetuese e Republikës së Kosovës mbajti këshillime dhe votoi në rastin KO119/14, lidhur me vlerësimin e kushtetutshmërisë së Vendimit për zgjedhjen e Kryetarit të Kuvendit të Republikës së Kosovës, Nr. 05-V-001, të votuar nga 83 deputetë të Kuvendit, më 17 korrik 2014.

Kërkesa u parashtrua në Gjykatë, më 18 korrik 2014, nga Xhavit Haliti dhe 29 deputetë të tjerë të Kuvendit të Republikës së Kosovës.

Gjykata Kushtetuese vendosi si në vijim:

I. njëzëri, të DEKLAROJË kërkesën të pranueshme;

II. me shumicë votash, TË KONSTATOJË që:

a. mbledhja dhe procedura e ndjekur pas pezullimit të seancës konstitutive, më 17 korrik 2014, nga Kryesuesja, për shkak të mungesës së kuorumit, kanë shkelur nenin 67 (2) në lidhje me nenin 64 (1) të Kushtetutës dhe Kreun III të Rregullores së punës që zbaton këto nene;

b. Vendimi Nr. 05-V-001, i 17 korrikut 2014, është jokushtetues, si për nga procedura e ndjekur, ashtu edhe për nga përmbajtja, pasi nuk ishte grupi më i madh parlamentar ai që propozoi Kryetarin e Kuvendit dhe, rrjedhimisht, është i pavlefshëm;

c. Seanca konstituive e Kuvendit, që ka filluar më 17 korrik 2014, nuk është realizuar plotësisht, konkretisht nuk janë zgjedhur Kryetari dhe nënkryetarët e Kuvendit. Rrjedhimisht, Kuvendi duhet ta përfundojë seancën konstitutive duke zgjedhur Kryetarin dhe nënkryetarët në pajtim me nenin 67 (2) në lidhje me nenin 64 (1) të Kushtetutës dhe me Kreun III të Rregullores së punës që zbaton këto nene dhe në pajtim me këtë Aktgjykim.

Teksti i plotë i Aktgjykimit do t’u dorëzohet palëve, do të postohet në ueb-faqen e Gjykatës dhe do të publikohet në Gazetën Zyrtare në kohën e duhur.

Është paraparë që gjatë ditës së premte (sot) në Kosovë të mbërrijnë 30 mbetjet mortore të kosovarëve të gjetura në varrezën masive në Rashkë të Serbisë. Por, këto mbetje nuk do të mbërrijnë të paktën deri më 26 gusht. Kjo pasi që pala serbe e përfaqësuar nga Komiteti i Kryqit të Kuq ndërkombëtar, ka kërkuar nga pala kosovare që fillimisht të njoftohen familjarët e këtyre viktimave dhe pastaj të procedohen mbetjet te pala kosovare.

Prenkë Gjetaj nga Departamenti i Mjekësisë Ligjore të Kosovës, ka thënë se pala serbe ka përcjellë kërkesën dhe se e njëjta është duke u shqyrtuar nga pala kosovare. Sipas tij, java e ardhshme është data e fundit për dorëzim të mbetjeve. “E kemi vendos datën 26 ose javën tjetër si datë të fundit në të cilët pala serbe do të na i dorëzojë mbetjet e rreth 30 eshtrave të viktimave të vrara gjatë luftës së fundit në Kosovë”, ka thënë Gjetaj.

Sipas tij, nga raportet ka të dhëna se është rritur numri i mbetjeve mortore dhe se gjatë gërmimeve gjurmuesit kanë hasur në mbetje të reja.
“Tani në raporte kemi parë se kanë ardhur edhe identifikime të tjera. Mbi 30 mbetje, viktima të luftës do të riatdhesohen. Ne po presim përgjigje nga pala serbe e përfaqësuar nga komiteti ndërkombëtar nëse pajtohen për këtë çështje”, ka thënë Prenkë Gjetaj, për gazetën Tribuna.

Një xhami në qytetin Bielefeld ishte sërish në shënjestër të personave të paidentifikuar.

Në Gjermani është regjistruar edhe një sulm tjetër ndaj xhamive.

Në orët e para të mëngjesit, persona të pa identifikuar sulmuan xhaminë “Sulejmanije” në qytetin Bielefeld.

Sipas informacioneve të policisë së qytetit, agresorët librat e Kur’anit në fillim i grumbulluan të gjithë në një vend, pastaj u vunë flakën.

Nga zjarrvënia nuk pati viktima në njerëz, por mendohet se ka dëme të mëdha materiale.

Autoritetet bënë të ditur se ndërhyrja e repartit të zjarrfikëses ishte e shpejtë dhe zjarri u fik pa u përhapur shumë.

Policia bën të ditur se agresorët ndërruan këndin e kamerave duke evituar identifikimin e tyre.

Edhe para 8 ditësh, në të njëjtin qytet i ishte vënë zjarri një xhamie tjetër dhe të dyja ngjarjet kane ngjashmëri me njëra-tjetrën./trt/

Shefi i diplomacisë turke Ahmet Davutollu është ai që do të zëvendësojë kryeministrin e suksesshëm Rexhep Tajip Erdoan, i cili në zgjedhjet e 10 gushtit u zgjodh Presidenti i 12-të i Turqisë.

Emrin e Ministrit të Punëve të Jashtme, Ahmet Davutollu si pasardhës të tij Kryeministri në detyrë Rexhep Tajip Erdoan sapo e deklaroi në fjalën që mbajti pas mbledhjes së Këshillit Qendror Vendimmarrës dhe Ekzekutiv (MYK) të Partisë AK, zhvilluar sot pasdite në selinë e partisë në Ankara.

Erdoan theksoi se procesi për përcaktimin e kryetarit të ri të partisë, që do të jetë njëkohësisht edhe kryeministri i ri i vendit ka qenë transparent dhe gjithëpërfshirës duke u shtrirë deri në bazë të partisë AK, të cilën ai e cilësoi si një familje shumë të madhe në Turqi./trt/

Kyetari i Bashkësisë Islame të Kosovës, Naim Tërnava për DW: "BIK nuk do t'i lejojë askujt të cënojë tolerancën fetare dhe ardhmërinë e Kosovës". Ai prononcohet edhe për arrestimet e fundit dhe gjendjen nëpër xhami.

Kyetari i Bashkësisë Islame të Kosovës, Naim Tërnava për DW: "BIK nuk do t'i lejojë askujt të cënojë tolerancën fetare dhe ardhmërinë e Kosovës". Ai prononcohet edhe për arrestimet e fundit dhe gjendjen nëpër xhami.

Deutsche Welle: Cili është qëndrimi juaj ndaj arrestimeve të personave të dyshuar për ekstremizëm, xhihadizëm dhe terrorizëm në Kosovë?

Naim Tërnava: Bashkësia Islame e Kosovës (BIK) e përkrah çdo aksion që vjen nga institucionet tona. Çdo aksion, i cili ka të bëjë me sigurinë e vendit, me ardhmërinë, prosperitetin dhe me çuarjen përpara të të gjitha proceseve të vendit tonë. BIK ka përkrahur këto aksione, por pa dashur të paragjykojë nëse të arrestuarit janë fajtorë, sepse kjo është punë e organeve të shtetit.

DW: Si e shpjegoni rritjen e ekstremizmit fetar islam në Kosovë, pasi këto ditë janë arrestuar më shumë se 40 persona, që për Kosovën me siguri nuk është pak?

Naim Tërnava: Kjo nuk është pak, por unë si myftiu i Republikës mund të them me plot përgjegjësi: E ndjej veten mirë pasi në Kosovë ende nuk ka ndodhur asnjë ekses mes besimtarëve të tri komuniteteve kryesore që jetojnë këtu. Ne kemi një tolerancë jashtëzakonisht të madhe fetare, të cilën e kemi trashëguar shekuj me radhë dhe të cilën BIK synon ta ruajë edhe më tutje. Ne me siguri që do të bëjmë çmos që ketë tolerancë dhe harmoni ndërfetare dhe ta ruajmë atë. Kjo tolerancë fetare karakterizon jo vetëm Kosovën por të gjitha trojet etnike shqiptare. Edhe një herë po e them: të arrestuarit me siguri që janë marrë për diçka. Ata janë të fajësuar dhe akuzuar por jo edhe të gjykuar. Janë të dyshuar për veprimtari, të cilën po e quajmë ekstremizëm, terrorizëm etj, por duhet të priten vendimet.

DW: Megjithatë si e shpjegoni rritjen e ekstremizmit fetar islam në Kosovë?

Naim Tërnava: Ju lutem, unë nuk them se ka ekstremizëm në Kosovë. A ka ekstremizëm, apo terrorizëm kjo mbetet të diskutohet edhe më tutje. Me siguri që ka të dyshuar për këtë, por shteti i di më mirë këto gjëra, sepse unë nuk jam i thirrur t'i di ato. Nga syri i një udhëheqësi të një bashkësie fetare autoktone, më të madhes në Ballkan, sigurisht që shoh dhe vërej atë që ndodh brenda xhematit tonë, brenda pjesëtarëve të komunitetit tonë të besimit islam. Po e them edhe një herë: BIK do të punojë me tërë fuqinë e vet në parandalimin e çdo mundësie të çfarëdo lloj ekstremizmi që dikush përpiqet ta fusë brenda komunitetit tonë. Është një e vërtetë e pamohueshme, se pas luftës, hyrjet dhe daljet në Kosovë kanë qenë në një farë mënyre të pakontrolluara. Ndaj në Kosovë ka hyrë dhe ka dalë gjithkush, nga do të ketë qenë ai. Kufijtë kanë qenë të hapur. Në dhjetë vitet e fundit kam tërhequr vërejtjen me dhjetëra herë se duhet të kemi kujdes se kush po hyn dhe po del nga Kosova. Ka pasur mundësi dhe ka mundësi të indoktrinimit të një pjese të të rinjëe tanë, sepse ata që kanë ardhur në Kosovë mund të kenë pasur qëllime jo të mira në raport me ardhmërinë e Kosovës, apo kanë dashur të mbjellin farën e sherrit në mesin e të rinjve tanë.

DW: Ju e përmendët disa herë se BIK angazhohet për ruajten e tolerancës fetare. Sa real është rreziku për cënimin e këtyre raporteve të mira të fesë islame me bashkësitë tjera fetare ne Kosovë?

Naim Tërnava: Nuk ka fuqi e cila mund t'i cënojë këto raporte kaq të forta mes komuniteteve fetare në Kosovë. Kështu jemi të urdhëruar në Kur'an, i cili urdhëron respekt ndaj besimit tjetër. Urdhëron të jemi në vazhdimësi bashkëpunues me besimtarët e feve të tjera dhe t'i respektojmë fetë e tjera, të jetojmë në tolerancë dhe paqe. Nuk ka fuqi dhe mundësi askush që të cënojë këto raporte të shkëlqyeshme në Kosovë, në veçanti me komuniteitin katolik në Kosovë.

DW: Zotëri Tërnava, edhe elementët radikalë fetarë referohen pikërisht tek libri i shenjtë Kur'ani, të cilin e përdorin si bazë për luftën e tyre kundër të tjerëve. Si e shpjegoni ju faktin që në emër të Allahut dhe Kur'anit bëhen vrasje në vendet e tjera?

Naim Tërnava: Islami nuk ka asgjë të përbashkët me vrasje, me tortura, me dhunime, me vepra të liga dhe të këqija. Sigurisht që Kur'ani në asnjë ajet nuk urdhëron diçka të tillë. Kur'ani është i pastër dhe e do pastërtinë. Sipas Kur'anit, nëse vret vetëm një njeri të pafajshëm, është sikur të vrasësh tërë njerëzinë apo ta zhdukësh jetën mbi sipërfaqen e tokës. Ndërsa të bëhesh shkaktar që të mbijetojë një njeri, është sikur të bësh që e gjitha bota të mbijetojë. Këtë e urdhëron Kur'ani. Në 44 vende në Kur'an përmendet fjala paqe, vetëm në katër vende përdoret fjala luftë. Kjo do të thotë se Allahu xheleshane hu, 40 herë më shumë kërkon që të punohet për paqën, për një ardhmëri të sigurt pa dallim vendi, besimi, gjuhe apo ngjyre.

DW: Çfarë po bëni ju konkretisht si BIK për të çrrënjosur elementët radikalë në shoqërinë e Kosovës?

Naim Tërnava: BIK sikur edhe deri tani përmes imamëve që i ka në tërë Kosovën, përmes trajnimeve, tubimeve dhe bisedave të ndryshme, në vazhdimësi ka tërhequr vërejtjen për rrezikun e futjes së elemetëve nga jashtë dhe ndikimin e tyre tek të rinjtë dhe xhemati jonë. Ne po përpiqemi që përmes bisedimeve dhe aktiviteteve të ndryshme t'i bindim të tjerët që nesër, Zoti na ruajtë, të mos tentojnë të bëjnë diçka që është në kundërshtim me parimet e fesë. BIK është e gatshme të marrë përgjegjësinë që i takon. Ndërsa institucionet e shtetit duhet ta kryejnë punën e tyre dhe të marrin përgjegjësinë e plotë për sigurinë e vendit. Por është e vërtetë që BIK ka çaluar dhe çalon ende në këto 15 vitet e fundit pas luftës, sepse nuk e ka të qartë pozitën e saj juridike. BIK ende nuk është e regjistruar dhe nuk kemi asnjë fuqi ekzekutive. Prej 15 vitesh qeveria dhe Parlamenti i Kosovës nuk e kanë aprovuar ligjin për qartësimin e pozicionit të bashkësive fetare. Kjo mungesë po i kushton shumë BIK. Merre me mend, BIK nuk ka mundësi që as një veturë ta regjistrojë në emër të saj. Mbetet që shteti të kryejë obligimet e veta, ndërsa ne do t'i marrim përgjegjësitë tona, me qëllim që në Kosovë të kemi një siguri absolute dhe të mos ketë vend për elementët ekstremistë, që shkojnë në radhë të parë në dëm të fesë islame, në dëm të vendit tonë, në dëm të popullit tonë dhe dhe njerëzimit të mbarë.

DW: Ju disa herë e theksuat se ka pasur ardhje të elementëve nga jashtë: a keni të dhëna se prej cilave vende vijnë ata dhe prej nga financohen?

Naim Tërnava: Këto janë çështje të cilat i takojnë institucioneve të shtetit. Ato duhet ta dinë e jo unë. Por që janë prezente, ato po shihen qartë tek disa shoqata që veprojnë në Kosovë. Ndaj shteti duhet t'i sqarojë këto gjëra, sepse kjo është punë e shtetit.

DW: A i keni Ju, pra BIK, të gjitha xhamitë, xhematin dhe imamët e Kosovës nën kontroll?

Naim Tërnava: Fatkeqësisht disa nostalgjikë të ish-sistemit jugosllav, por edhe disa neokomunistë të rinj, disa media, portale, gazeta dhe televizione, po e keqshfrytëzojnë këtë situatë për të sulmuar dhe baltosur BIK. Ndaj dua të them: BIK është jashtëzakonisht e organizuar mirë. Them se: të gjitha xhamitë anë e kënd, në çdo cep të Kosovës, i kemi nën ombrellën e BIK. Dje në shtyp keni mundur të lexoni se katër xhami nuk janë nën kontrollin e BIK....

DW: ...e vërtetë është që e kam lexuar këtë lajm dhe kjo është esenca e pytjes sime...

Naim Tërnava: Nuk është fjala për xhami, por për vendfalje - një në Prishtinë dhe në dy komuna të tjera. Disa njerëz janë vetëorganizuar dje kanë marrë objekte me qira, ku i kryejnë ritet e tyre. Ne për këtë e kemi ngritur shqetësimin tonë. Tash e sa vjet i kemi lajmëruar organet kompetente. Nga policia, kryetarët e kuvendeve dhe organet tona kemi kërkuar që të ndërmarrin masa. Ne si BIK nuk kemi mundësi të veprojmë në këto vende, sepse janë jashtë xhamive. Aty duhet të reagojë shteti dhe jo BIK, sepse janë vendfalje. Ne i kemi të gjitha xhamitë nën patronatin tonë. Ndërsa këto vendfalje na shqetësojnë edhe neve. Ne kemi kërkuar edhe me shkrim nga shteti që këto vendfalje të mbyllen. Pas arrestimeve të fundit është mbyllur një në Prishtinë, por ka edhe dy apo tri të tjera ku ende nuk është reaguar.

DW: Si presidentja dhe qeveria kanë premtuar se në Kosovë nuk do të ketë vend për ekstremizëm, por këto ditë kam lexuar se në mesin e të arrestuarve ka dhe imamë, të cilët punojnë në kuadër të BIK. Sa të vërteta janë këto pohime?

Naim Tërnava: Asnjë imam nuk është i arrestuar. Këto të gjitha janë spekulime dhe gënjeshtra. Një i vetëquajtur imam nga Gjilani ka qenë i arrestuar një ditë por edhe ai është liruar. Pra e them me plot përgjegjësi: asnjë imam nuk është arrestuar. Këto janë spekulime shumë të ulëta nga disa njerëz që duan të shfrytëzojnë këtë situatë për të baltosur BIK. Por xhemati e di se kontributi i BIK ka qenë i jashtëzakonshëm, se BIK ka derdhë edhe gjak për çlirimin e vendit. BIK do të bëj gjithçka ka mundësi për të mirën e këtij vendi. Neve Zoti këtu na ka falë dhe mbi Kosovën nuk ka asgjë. Kosova është e shenjtë dhe nuk do të tolerojmë askënd t'i bëj keq vendit tonë, sigurisë dhe ardhmërisë së vendit tonë, pavarësisht se kush është ai: ekstremist, terrorist apo dreq i mallkum!

Në Gjykatën Kushtetuese të enjten është zhvilluar seanca dëgjimore në lidhje procedurat e ndjekura në seancën konstituive të 17 korrikut për zgjedhjen e kryetarit të Kuvendit të Kosovës.

Kërkesa për të interpretuar zgjedhjen e kryetarit të Kuvendit ishte parashtruar nga Partia Demokratike e Kosovës e cila pretendon se vendimi ishte marrë duke shkelur procedurat kushtetuese.

Në bazë të asaj kërkesë më pas edhe blloku i partive Lidhja Demokratike e Kosovës, Aleanca për Ardhmërinë e Kosovës dhe Nisma, kishin kërkuar që të ketë edhe një seancë dëgjimore për parashtrimin e argumenteve nga të dyja palët.

Kërkesa e PDK-së kundërshton zgjedhjen e Isa Mustafës në postin e kryetarit të Kuvendit në seancën konstituive të 17 korrikut, duke e cilësuar atë si anti-kushtetuese.

Ndërkohë që blloku i partive të koalicionit Lidhja Demokratike e Kosovës, Aleanca për Ardhmërinë e Kosovës dhe Nisma pretendon se zgjedhja e Mustafës ishte kushtetuese. Seanca dëgjimore është udhëhequr nga kryetari i Gjykatës Kushtetuese, Enver Hasani.

PDK në këtë seancë është përfaqësuar nga deputeti Arsim Bajrami, kurse blloku LDK, AAK dhe Nisma nga deputetja Vjosa Osmani.

Në prezantimin e argumenteve të Partisë Demokratike, deputeti Arsim Bajrami ka thënë se zgjedhja e Isa Mustafës në postin e kryetarit të Kuvendit nuk i ka respektuar procedurat kushtetuese.

Sipas tij, në bazë të rezultatit të zgjedhjeve të 8 qershorit, subjekti më i madh parlamentar është Partia Demokratike e Kosovës dhe rrjedhimisht duhet të njihet edhe si grupi më i madh parlamentar me çka do të merrte me automatizëm të drejtën e propozimit të kryetarit të Kuvendit.

"Ne kërkojmë që Gjykata Kushtetuese ta shpallë jo kushtetues vendimin për zgjedhjen e kryetarit të Kuvendit, si për kah procedurat e ndjekura ashtu edhe për kah përmbajtja për faktin se ky vendim është nxjerrë në bazë të prezuncionin (supozimin) e gabuar kushtetues për grupin më të madh parlamentar. Kërkesa jonë e dytë është që Gjykata Kushtetuese të konstatoj që Grupi më i madh parlamentar në konstituive është ai i Partisë Demokratike të Kosovës me 37 deputetë", ka thënë Bajrami.

Në anën tjetër, përfaqësuesja e koalicionit LDK, AAK dhe Nisma, Vjosa Osmani ka thënë se zgjedhja e Mustafës ishte kushtetuese dhe se këtë vendim duhet ta njoh edhe Kushtetuesja në vendimin përfundimtar.

Osmani ka thënë po ashtu se Grupi më i madh parlamentar është ai i partive LDK, AAK dhe Nisma dhe jo ai i PDK-së.

"Kërkojmë nga kjo Gjykatë e nderuar që kërkesa e deputetëve të PDK-së është e papranueshme sepse nuk është në përputhje me Kushtetutën dhe nën dy, si alternativë dhe vetëm e vetëm nëse kjo Gjykatë vendos ta shpallë kërkesën të papranueshme atëherë kërkojmë nga Gjykata të vendos që zgjedhja e kryetarit të Kuvendit ishte në përputhje me Kushtetutën", ka deklaruar Osmani.

Në këtë seancë, kanë prezantuar edhe deputetja e Lëvizjes Vetëvendosje, Albulena Haxhiu dhe ish-deputeti i AAK-së, Ardian Gjini të cilët kanë kundërshtuar pretendimet e PDK-së.

Seanca është përshkuar edhe me fjalime politike për çka kryesuesi u ka tërhequr palëve vërejtjet në disa raste. Nyja e zgjidhjes së çështjes së kryetarit të Kuvendit mbetet përcaktimi se kush e përbën grupin më të madh parlamentar.

PDK si fituese e zgjedhjeve apo koalicioni pas zgjedhor i LDK-së, AAK-së dhe partisë Nisma. Nëse kjo çështje do të sqarohet nga Kushtetuesja mund të pritet që të tejkalohet bllokimi i formimit të institucioneve të reja të Kosovës.

Sipas procedurave, pas seancës dëgjimore, paneli i gjyqtarëve të Gjykatës Kushtetuese do të vazhdoj konsultimin e brendshëm deri në marrjen e vendimit me anë të votimit të fshehtë.

Ky vendim, sipas afatit ligjor mund të merret deri më 18 shtator, ndonëse pritjet e partive politike janë që vendimi të merret më herët për shkak të vakuumit institucional në Kosovë./rel/

Shërbimet e emergjencës kanë thënë se 20 palestinezë janë vrarë dhe së paku 120 të tjerë janë plagosur gjatë sulmeve ajrore në Rripin e Gazës prej përfundimit të armëpushimit.

Në mesin e të vrarëve është edhe bashkëshortja edhe djali i liderit ushtarak të Hamasit, Muhammad Deif, transmeton REL.

Hamasi ka thënë se Deif nuk ka qenë në shtëpi gjatë kohës së sulmit.

Deifi ka arritur t’i shpëtojë shumë përpjekjeve të Izraelit për vrasjen e tij në të kaluarën.

Lufta është rinisur mbrëmë kur raketa të Hamasit e goditën pjesën jugore të Izraelit.

Aeroplanët e Izraelit kanë kryer sulme ajrore më pas ndërsa sulmet kanë vazhduar edhe gjatë ditës së sotme.

Enti i Çështjeve Fetare dhe TIKA kanë filluar një proces të ri për të ndihmuar Gazën. Do të vihet në jetë një fushatë e re infrastrukturore me sloganin “le të riparojmë ndërgjegjen njerëzore.

Është shumë e dhimbshme që ndërkohë që Turqia është bërë një shpirt i vetëm për Gazën, bota është zhytur në thellësitë e heshtjes.

Në një prononcim publik Kryetari i Entit të Çështjeve Fetare, Mehmet Görmez, kritikoi tërë botën dhe veçanërisht atë islame për heshtjen ndaj Gazës.

Deri më sot në fushatën e Entit të Çështjeve Fetare (DİYANET) janë mbledhur të holla që arrijnë deri në 53 milion lira turke (rreth 24,4 milionë dollarë).

Ndërkohë vazhdon edhe kurimi i 23 të plagosurve palestinezë që janë sjellë nga Gaza.

Një prej të plagosurve të tjerë u shërua, ndërsa një tjetër ka humbur jetën pavarësisht të gjitha ndërhyrjeve mjekësore në spital.

Ministria turke e Shëndetësisë filloi procedurat për transportimin e xhenazes në Gazë./trt/

Kryetari i Aleancës për Ardhmërinë e Kosovës (AAK), Ramush Haradinaj, ka pritur sot zëvendësambasadorin e Izraelit në Beograd, Itay Milner.

Kryetari Haradinaj dhe zëvendësambasadori Milner biseduan për zhvillimet aktuale në Kosovë, proceset nëpër të cilat po kalon Kosova dhe rolin e rëndësishëm të Aleancës në kuadër të tyre.

Haradinaj, gjithashtu, e njoftoi diplomatin Milner lidhur me përgatitjet që po bëhen për formimin e Qeverisë së re të Republikës së Kosovës. /Telegrafi/

Një bashkëpunëtor i Agjencisë Kosovare të Inteligjencës është dekonspiruar dhe ekzekutuar në Siri. Ai është vrarë në fillim të këtij viti, pak kohë pas dërgimit nga AKI-ja në cilësi të spiunit.

Viktima ka qenë i infiltruar brenda grupeve xhihadiste shqiptare, pjesë e organizatave terroriste, ka mësuar “Koha Ditore”.
Burime të ndryshme, përfshirë ato në Agjencinë Kosovare të Inteligjencës, kanë bërë të ditur se ky agjent i rekrutuar pas përfshirjes së kosovarëve në luftën e Sirisë është ekzekutuar nga afërsia. Këto burime kanë shprehur dyshimin se ai është dekonspiruar dhe është ekzekutuar.

Burime nga Agjencia kanë thënë se ai nuk është trajtuar mirë duke u lënë pa ndihmë dhe pa udhëzime të nevojshme.

Zyrtarët shtetërorë kanë heshtur për këtë. Kreu i AKI-së, Bashkim Smakaj, nuk u është përgjigjur pyetjeve të “Kohës Ditore”. Ai nuk ka sqaruar se në çfarë rrethanash është vrarë ky agjent. Gazeta nuk ka mundur të marrë qëndrim as nga Qeveria e Kosovës.

Për këtë vrasje Bashkim Smakaj nuk ka raportuar fare para Komisionit për Mbikëqyrjen e AKI’së.

Presidenti në largim i Turqisë, Abdullah Gul, të martën ka thënë se ministri i Jashtëm, Ahmet Davutoglu, me gjasë do ta merr drejtimin e partisë AK, dhe si pasojë do të bëhet kryeministër i ardhshëm.

“Me sa po shoh unë, Davutoglu do ta merr këtë post. Ne do ta mbështesim”, ka thënë Gul, duke iu përgjigjur pyetjeve të gazetarëve gjatë një ngjarjeje në presidencë në kryeqytetin Ankara.

Ylli i futbollit egjiptian, Mohamed Aboutrika ka refuzuar të luaj një ndeshje të madhe miqësore. Vatikani ka organizuar ndeshje miqësore me datë 1 dhjetor në stadiumin e Romës ku do të luajnë shumë yje të futbollit, si Zidane, Ronaldo, Messi e Baggio.

Ndeshja ka për qëllim ti bashkoi njerëzit e besimeve të ndryshme. Por Aboutrika ka refuzuar ndeshjen për një arsye.

"E kuptova se në këtë ndeshje do të luaj edhe një jahudi. Yossi Benaoyun ishte i ftuar dhe unë nuk mund të luaj me një jahudi. E refuzoi ftesën sepse nuk mund ta shoh atë në fushë" ka thënë Aboutrika./Indeksonline/

I arrestuari kohë më parë, por që tash ndodhet në Siri duke luftuar Fitim Lladrovci nga fshati Polac i Skenderajt e ka demantuar lajmin për vdekjen e Lavdrim Muhaxheri.

Ai në një postim të tij në Facebook i ka sqaruar të gjithëve se “luani” nuk ka vdekur dhe se është mirë e po presin që të forcohet nga plagët që ka marrë, raporton Express.

“Selam Alejkum. Krejt ju që mkeni shenu mesazhe ne FB me pytjen a ka ra Shehit Lavrim Muhaxheri. Unë po ju tregoj që Elhamdulilah ai mirë ashtu si Luna. Allahu e rujt dhe e forcoftë”, ka shkruar Lladrovci në Facebook, raporton Express.

Të shtunën, nga një njeri i panjohur, u vra zëvendësmuftiu i Osetisë Veriore (një nga republikat e Federatës Ruse), Rasul Gamzatov në kryeqytetin Vladikavkaz.

"Zëvendësmuftiu u qëllua në kokë nga mbrapa derisa ishte duke dalë nga vetura e tij" citon agjencia ruse e lajmeve Interfax.

Lajmin për Interfax-in e ka konfirmuar Ministria e Brendshme e këtij shteti dhe ka thënë se hetimet janë duke vazhduar.

Në dhjetor të vitit 2012 ishte vrarë edhe një klerik i këtij vendi, Ibrahim Dudarov, i cili po ashtu ishte zëvendësmufti, duke u qëlluar me pesë plumba nga një distancë e afërt. Vrasësit e tij ende nuk janë gjetur./Shembulli/

Njoftimet e fundit nga televizioni kurd KNNC, lajm të cilin e transmeton kosovalbaner.com thuhet se është konfirmuar vrasja e Lavdim Muhaxheri dhe trupi i tij është paraqitur në ekranet e këtij televizioni. Ky lajm ende nuk është konfirmuar.

Televizioni kurd KNNC në një njoftim të para disa çasteve ka thënë se Lavdim Muhaxheri është vrarë.

Sipas këtij televizioni, lajmin e të cilit e transmeton kosovalbaner.com, Muhaxheri ka vdekur pas plagëve të marra nga Forcat Mbrojtëse Kurde.

Por, në google dhe në vet faqen e televizionit KNNC, version i shkruar, nuk ka ndonjë konfirmim për vrasjen ose jo të Muhaxherit.

Sipas portalit kosovalbaner.com, trupi i vdekur i Muhaxherit është publikuar i vdekur në kanalin e KNNC-së.

Po ashtu, një zëdhënës i luftëtarëve kurd thuhet të këtë thënë se të gjithë terroristet pritet të kenë fatin e njëjtë.

Persona të armatosur deri në dhëmbë kanë sulmuar një karvan makinash që i përkisnin princit saudit, duke vjedhur 250 mijë euro dhe një dosje me dokumenta.

Lajmin e ka bërë të ditur policia franceze, sipas të cilës autokolona po udhëtonte drejt veriut të Parisit, për në aeroportin Le Bourget mbrëmjen e së djelës, kur papritur është sulmuar.

Personat e armatosur ndaluan automjetin ku ndodheshin paratë dhe dokumentat dhe më vonë lanë të lirë shoferin dhe dy persona të tjerë, pa plagosur askënd.

Autokolona ishte nisur nga ambasada e Arabisë Saudite. Autorët, të armatosur me Kallashnikov, vunë në shënjestër një minifurgon tip “Mercedes” në rrethrrotullimin verior në Porte de la Chapelle, në rrethinat e Parisit.

Karvani i automjeteve, që i përkisnin princit saudit, u sulmua nga gjithësej 8 persona të ndarë në dy makina të ndryshme, që i drejtuan armët shoferit të minifurgonit, duke e detyruar të ndalonte.

Më pas ata e kanë shkëputur “Mercedesin” nga autokolona, bashkë me shoferin dhe dy persona të tjerë që udhëtonin në të, duke u larguar me shpejtësi.

Mësohet se nga grabitësit nuk u qëllua asnjëherë dhe më pas shoferi dhe dy shoqëruesit e tij u liruan të palënduar. Makina e tyre u gjet më vonë e braktisur, bashkë me një nga ato të grabitësve që u gjet e djegur.

“Në automjet ndodheshin rreth 250 mijë euro para të thata dhe dokumente zyrtare nga ambasada”, sqaroi zëdhënësi i policisë, Rocco Contento për mediat franceze.

Sipas tij, grabitësit ishin të mirëinformuar mbi lëvizjet e autokolonës dhe nisur nga fakti që nuk qëlluan qoftë edhe njëherë dyshohet të kenë qenë profesionistë të rangut të lartë, synimi i vërtetë i të cilëve duhet të kenë qenë dokumentat./TCh/

Qeveria malazeze dhe Bashkësia Islame kanë arritur marrëveshje për të avancuar edhe më tej marrëdhëniet e tyre.

Myslimanëve në Mal të Zi edhe ligjërisht iu është dhënë e drejta që çdo të premte, saktësisht në mesditë, t’i ndalojnë të gjitha aktivitetet dhe t’i përkushtohen namazit qendror - lutjeve të Xhumasë, të bartin kudo kapele dhe shamitë tradicionale, me të cilat mund të fotografohen për dokumente personale, por edhe që, përmes Bashkësisë Islame të krijojnë shkollat e tyre, ndërsa në institucionet publike të ushtrojnë të drejtën e tyre për ushqim të veçantë.

Kjo marrëveshje është nënshkruar nga kryeministri malazez Igor Lukshiq dhe kryetari i Bashkësisë Islame të Malit të Zi, Rifat Fejziq, transmeton Telegrafi.

Ndërkaq, edhe veshjet tradicionale fetare do të mund të barten edhe në ushtrinë malazeze, e cila deri më tani nuk ishte e lejuar.

Kurse rreth restaurimit të objekteve fetare, si dhe ligji rreth trashëgimisë familjare, do të miratohet pas marrjes së bekimit nga komisioni, që do të përbëhet nga dy palët.

Më shumë se 2 000 palestinezë janë vranë në Rripin e Gazës që prej fillimit të muajit korrik dhe shpërthimit të ofensivës izraelite kundër Hamasit, theksoi sot Ministria e Shëndetësisë në enklavën palestineze.

”Sipas ministrisë, mes 2 016 palestinezëve të vrarë, 541 janë fëmijë dhe 250 gra. Ky bilanc i ri përfshin dhe banorë të Gazës që kanë humbur jetën nga plagët e rënda në spitalet e Rripit të Gazës”, theksoi ministria.

”Luftimet mes luftëtarëve të Hamasit palestinez dhe ushtarëve izraelitë dhe sulmet në Rripin e Gazës kanë shkaktuar të paktën 10 196 të plagosur”, shtoi ministria.

Nga krahu izraelit, lufta ka shkaktuar 67 të vdekur, tre civilë, një prej të cilëve tajlandez, vrarë nga raketat palestineze dhe 64 ushtarë./trt/

Spektakli i krijuar me arrestimet e 40 të dyshuarve për pjesëmarrje në Luftën e Sirisë, si duket ka qenë shkak i daljes në pah edhe i një gjuhe të urrejtjes ndaj “mjekroshëve”.

Qysh të martën, ditën e arrestimit të dyshuarve për “terrorizëm”, krahas pompozitet dhe mburrjes së institucioneve me arrestimet e të ndaluarve, kemi një paraqitje e një gjuhe e cila haptazi thërret në mos durim fetar, fashizma, fyerjen e profetit Muhamed, e deri te kërkesa për eliminim fizik të “mjekroshëve”.

Madje, në këtë valle (përdorimin e këtij fjalori linçues dhe përjashtues), përveç qytetarëve të zakonshëm kanë hyrë edhe disa figura të njohura në shoqërinë kosovare.

Njëri nga ta, në murin e tij në rrjetin social Facebook, duke aluduar në arrestimet e 40 të dyshuarve për pjesëmarrje në luftën e Sirisë, shkruan se “ajri në Kosovë është më i pastër”.

Derisa tjetri, përveçse e fyen profetin Muhamed duke e quajtur atë dhe urdhrat e tij “ideolog/gji fashist/e”, ai kërkon që të arrestohen të gjithë “xhihadistët” siç thotë ai muhamedan, sepse kjo hapësirë (hapësira shqiptare) sipas tij, është për “shqiptarë dhe jo për lesh–arapi”.

Derisa një tjetër eksponent i politikës kosovare nuk ngurron që të arrestuarit t’i quaj “flliqana”, duke shkruar në statusin e tij në Facebook: Kosova is mys tate. Kosova is Anti-Fllichans State. I am proud.

Përveç linçimeve dhe fyerjeve në drejtim të “mjekroshëve”, disa kanë shkuar një hap “përpara”, madje duke kërkuar edhe “kokat” e “mjekroshëve”. /Telegrafi/

----------------------------------------------------------------------------------------------------------------

--------------------------------------------------------------------------------------------------------------------

--------------------------------------------------------------------------------------------------------------------

Një holandez i nderuar nga shteti i Izraelit për fshehjen e dhe shpëtimin e një fëmije hebre gjatë Luftës së Dytë Botërore, ka kthyer medaljen pasi gjashtë të afërm të tij u vranë në një sulm Izraelit në Gaza.

Henk Zanoli, 91 vjeçar, i ka dërguar një letër ambasadës Izraelite në Hagë ku thotë se nuk mundet ta mbajë më ‘nderin’.

Ambasada ka refuzuar të komentojë mbi këtë rast./Zëri/

Imami gjilanas Zekirja Qazimi dhe Lirididon Kabashi nga Polaci i Skenderajt, të arrestuar të enjten, me dyshimin për tri vepra penale që lidhen me terrorizëm u është caktuar masa e arrestit shtëpiak për 30 ditë.

Ata dyshohen për veprën rekrutim për terrorizëm, organizim dhe pjesëmarrje në grup terrorist, nxitje të urrejtjes, përçarje ose mosdurim kombëtar, racor, fetar apo etnik.

Murat Demolli, avokat i imamit Qazimi, e ka konfirmuar këtë për Kohën Ditore, duke thënë se nuk është dashur fare të caktohet kjo masë, prapë se prapë është më e butë se paraburgimi.

Prokurori i rastit kishte bërë kërkesë për caktimin e masës së paraburgimit për të dyshuarit, përcjell koha.net. Raportohet se me rastin po merret një gjyqtar i procedurës paraprake nga EULEX-i.

Dy serbë janë arrestuar në Vushtrri, me dyshimin se kanë kryer krime gjatë luftës së fundit në Kosovë.

Lajmin e ka bërë të ditur Policia e Kosovës, teksa ka treguar se të shtunën në fshatin Prelluzhë, janë arrestuar dy meshkuj të komunitetit serb.

“Gjatë kontrollit në shtëpinë e tyre policia ka gjetur dhe konfiskuar një armë të llojit ‘Revolver’, tre fishekë të kalibrit të ndryshëm, tri mjete piroteknike, dy sprej lotsjellës, një këllëf të lëkurës, një shufër gome dhe një shufër metalike”, thuhet në raportin e Policisë.

Me vendim të prokurorit të dyshuarit pas intervistimit janë liruar në procedurë të rregullt.

Lavdrim Muhaxheri është plagosur gjatë luftimeve në Siri. Lajmin e ka dhënë një shok i tij, i cili ka thënë se shpejt  pritet t’i kthehet frontit të luftës.

“Lavdrim Muhaxheri mirë është me shëndet është në shtëpi dhe nuk është në spital . Allahu ia mundësoftë sa më shpejt të shërohet nga plaga e operacionit dhe të kthehet në front baskë me luanët tjerë”, ka shkruar shoku i Lavdrimit, Saleel Al Sawarim.

Analisti Fatos Lubonja e cilëson të ekzagjeruar operacionin e pak ditëve më parë në Kosovë ku u arrestuan 40 persona. Në një intervistë për Express, Lubnja shprehet se aksioni ishte njëjtë i ekzagjeruar ashtu qysh kishte ndodhur në Shqipëri kohë më parë.

“Më ngjason me një version të ekzagjeruar të atij që u krye në Shqipëri para disa kohësh ku akuza ndaj të arrestuarve pak a shumë ishte për rekrutim njerëzish për të shkuar në Irak. Mirëpo nuk di se sa mund të jetë përgjegjës ligjërisht dikush për atë se i mbush mendjen një të rrituri që të shkojë në Siri të luftojë kundër Asadit. Mua kjo më kujton nenin e Agjitacionit dhe Propagandës në kohën e regjimit diktatorial”, thotë ai.

Por, Lubonja është kundër përfshirjes së shqiptarëve në luftëra të tilla.

“Pa dyshim jam krejtësisht kundër që qytetarë të çdo vendi -jo më shqiptarë - të shkojnë të përfshihen në një luftë e të vrasin njerëz apo të vriten ata vetë. E shoh këtë me trishtim dhe dhimbje” vijon me tej Lubonja.

Sipas tij Shteti i Kosovës po ushtron terror ndaj komunitetit mysliman në interes të amerikanëve.

Një hetim i kohëve të fundit ka zbuluar një numër rrjetesh të fshehtë murgeshash, priftërinjsh, doktorësh dhe infermieresh që kanë planifikuar të rrëmbejnë deri 300 mijë bebe spanjolle. Gjatë pothuajse pesë dekadave, shumë spitale spanjollë, shpesh herë të kontrolluar nga Kisha, u thanë nënave se fëmijët e tyre kishin vdekur gjatë ose pas lindjes. Nëse nënat këmbëngulnin që të shihnin fëmijët e tyre, atyre u tregohej shpesh herë kufoma e një të sapolinduri. Më pas, bebet dërgoheshin për adoptim nga familje “të miratuara”. Në disa raste, atyre u shiteshin cifteve pa fëmijë për shuma të mëdha.

Mes të parëve që është akuzuar, është një murgeshë 87-vjecare, Motër Maria Gomez. Ajo akuzohet se i ka marrë një të sapolindur nënës dhe e ka dhënë beben për adoptim.

Këta zbulime të kujtojnë skandalin e bebeve në Kili, ku priftërinjtë dhe murgeshat detyronin nënat e pamartuara që të hiqnin dorë nga bebet e tyre, me qëllim që ato të rriteshin në familje “tradicionale”. Nënat që refuzonin u jepeshin anestetikë gjatë lindjes. Kur këto zgjiheshin, u thoshin që bebja kishte vdekur./bota.al/

Një bombë e pa eksploduar është gjetur të shtunën në mëngjes para një dyqani të argjentarisë në veri të Mitrovicës.

Lajmin e ka konfirmuar për zëvendës drejtori i policisë për rajonin e veriut, Besim Hoti.

Sipas tij, në vendngjarje kanë dalë menjëherë ekipet përkatëse të policisë, ndërsa shpërthimi i saj në mënyrë të kontrolluar është bërë rreth orës 8:35 nga pjesëtarët e KFOR-it.

Ndryshe, dyqani para të cilit është gjendur bomba, ka qenë cak i sulmit të disa hajdutëve para tre muajsh, me ç’rast ishin vjedhur stoli me vlerë prej rreth 100 mijë euro.

Familjarët e 52-vjeçarit, Shaban R. Dumani, nga fshati Miradi e Ulët e Fushë - Kosovës, i cili është njëri nga 40 të arrestuarit si i dyshuar për pjesëmarrje në Luftën e Sirisë dhe Irakut, janë të habitur për arrestimin e tij. Ata nuk mund ta kuptojnë arsyen se pse kryefamiljari (Shabani) është arrestuar, kur ai asnjëherë nuk e ka përmendur luftën në Siri, e as nuk është ndonjë fetar.

I biri i Shabanit,Behar Dumani qeshet kur flet për arrestimin e babait të tij, sepse mendon se i ati i tij nuk ka lidhje me xhihadistët, duke thënë se baba i tij nuk ishte ndonjë “mjekrosh”.

“O, ai as nuk ka as mjekër, as pantolla të shkurta, po ai as nuk falet more. Asnjë kohë të namazit nuk e falë. Thjesht ai merret me biznes, me barnatore bujqësore, etj. Një kohë të gjatë është marrë me biznes. Në të kaluarën ka punuar edhe si profesorë në Shkollën Bujqësore në Fushë – Kosovë. Është agronom i diplomuar. S’po muj me kuptu pse e kanë arrestu hiq”, rrëfen Behari për Telegrafin.

I pyetur se a ka qëndruar Shabani jashtë vendit kohëve të fundit, Behari ka thënë se babai i tij e frekuenton shpesh Turqinë. “Qëndron atje për një kohë të caktuar (një muaj ose dy), derisa t’i përfundon punët që i ka në biznes, me të cilat ka shumë vite që punon”.

Ndërsa, në pyetjen se a mund të ketë qenë arsyeja e ndonjë problemi, zënke ose borxhi, që e ka Shabani me dikë ose ndaj dikujt, Behari ka theksuar se ai nuk është në dijeni për diçka të tillë.

“Unë, me sa e di, edhe mendoj qe e di mirë, sepse jam djali i tij, ai s’ka probleme me dikë. Na kemi pasuri, tokë edhe babai ka shumë të njohur në të gjithë Kosovën. Këto lidhje më tepër i ka krijuar nga raportet që i ka pasur në biznes”, ka shtuar Behar Dumani.

Ndryshe, të martën në aksionin e Policisë së Kosovës, janë arrestuar 40 persona, të cilët janë të dyshuar për pjesëmarrje në luftën e Sirisë dhe Irakut./Telegrafi/

Një tjetër shqiptar është vrarë në luftimet në Siri. Ndërsa beteja për Aleppon ka një javë që ka nisur, 24 vjeçari nga Librazhdi ka humbur jetën mëngjesin e sotëm.

Ende nuk dihet emri i viktimës, por emri i luftës ishte  ‘Ebu Derda esh Shami’.  Foto të shqiptarit të vrarë janë shpërndarë nga shokët në rrjete sociale.

Mësohet se i riu nga Librazhdi arsimin e mesëm e ka bërë në kryeqytet, ndërsa studimet e larta në Arabinë Saudite./shqiptarja/

Burime të Telegrafit brenda Prokurorisë së Shtetit, kanë bërë të ditur se kreu i Bashksisë Islame të Kosovës, myftiu Naim Tërnava, nuk është duke u hetuar “për aktivitete të dyshimta”.

Ditë më parë, mediat kanë theksuar se në mesin e personave që po hetohen nga Policia e Kosovës, për aktivitete të dyshimta është edhe kreu i Bashkësisë Islame të Kosovës, myftiu Naim Tërnava.

Kryeministri Rexhep Tajip Erdoan deklaroi se “fitues i zgjedhjeve presidenciale të 10 gushtit nuk është Erdoani, por 77 milionë qytetarët e Turqisë”. Shefi aktual i Ankarasë zyrtare mbajti sot një fjalim në Mbledhjen e Zgjeruar të Kryetarëve të Degëve të Partisë AK në rrethe.

“Fitues i zgjedhjeve presidenciale të 10 gushtit nuk është Rexhep Tajip Erdoani, por 77 milionët, Turqia dhe të gjithë miqtë e vëllezërit tanë mbi rruzullin tokësor. Këto zgjedhje nuk kanë humbës. Me lejen e Allahut, kur të betohem përpara Kuvendit të Madh Popullor të Turqisë dhe të filloj detyrën më datë 28 gusht, askush të mos shqetësohet apo dyshojë se do të jem Presidenti i 77 milionëve”, u shpreh Erdoan.

Ndër të tjera, ai u ndal gjithashtu mbi sulmet e Izraelit kundër Gazës.

“Çështja jonë ka të bëjë me qeverisjen e Izraelit dhe jo me popullin izraelit. Ne do të veprojmë me maturi dhe jo me ndjenja”, theksoi lideri turk.

Sa u përket komuniteteve pakicë në Turqi, Erdoan tha se “në botë nuk ka asnjë vend tjetër që të jetë kaq i ndjeshëm sa Turqia në lidhje me minoritetet, të cilat aktualisht jetojnë krejtësisht të qetë në Turqi”.

Një tjetër pikë e rëndësishme e fjalimit të Erdoanit ishte dhe Egjipti.

“Sot është 14 gushti, Dita e Rabias, dita e luftës heroike të opozitarëve të grushtit të shtetit në Egjipt. Aktualisht, kjo ditë e shënuar po mbështetet me aktivitete të ndryshme në të gjithë botën. Turqia është vendi i vetëm, që kundërshtoi masakrimin e demokracisë, masakrimin e njerëzve të pafajshëm dhe dramën njerëzore në Egjipt”, nënvizoi Presidenti i porsazgjedhur turk, Rexhep Tajip Erdoan./trt/

Ylli Hoxha, asambleist i Lëvizjes Vetëvendosje në Kuvendin Komunal të Prishtinës, ka reaguar ndaj deklaratave të presidentes së Kosovës, Atifete Jahjaga.

Presidentja e Republikës së Kosovës, Atifete Jahjaga pas takimit me të parin e Policisë së Kosovës, Shpend Maxhuni ka theksuar se “institucionet e Kosovës janë të përkushtuara të sigurojmë lirinë e gjithsecilit qytetarë” duke shtuar se “drejtësia funksionin për të gjithë qytetarët e Kosovës dhe kushdo që nuk është në këtë anë gjithsesi se do të ballafaqohet me dorën e rendit dhe ligjit”.

Lidhur me këtë, Ylli Hoxha, nëpërmjet një postimi në Facebook ka thënë se nëse e ka me të vërtetë, presidentja e Kosovës do të ishte shumë mirë që së pari të fillonte prej Kadri Veselit, Xhabir Zharkut, Ramadan Mujes, Bajrush Xhemajlit, Gani Gecit, Adem Grabovcit, Bekim Haxhiut, Fadil Demakut... /Telegrafi/

Gjykata Themelore e Kosovës ka vendosur masën e paraburgimit prej 30 ditëve për dyzet të arrestuarit që dyshohen se kanë marrë pjesë në luftimet në Siri dhe Irak përkrahë organizatave të shpallura terroriste si ISIS dhe Al-Nusra, nën dyshimin se kanë kryer vepra penale nga kapitulli “Veprat penale kundër rendit kushtetues dhe sigurisë së Republikës së Kosovës.

Avokati Besnik Berisha, i ka thënë KosovaPress-it se ky që është një lajmi keq për vetë imazhin e Kosovës sepse gjykata nuk ka arrit të ketë fakte se këta persona janë marr me veprime që i vihen barrë, në anën tjetër konfirmon edhe dështimin e institucioneve të sigurisë të cilat deri më tani nuk kanë arritur të pengojnë ose të parandalojnë veprimet të tilla.

“Sa i përket ligjshmërisë së vendimit, një vendim i tillë është i ligjshëm por nuk përmban arsye të mjaftueshme ligjore, në veçanti nuk përmban arsye specifike, individuale dhe konkrete për secilin të pandehur veç e veç. Sigurisht që në fazat e më vonshme, ky aktvendim mund të prishet nga Gjykata e Apelit dhe çështja të kthehet në rivendosje”, ka thënë ai.

Ai ka paralajmëruar se do të ofrojë ankesë brenda afatit dhe pret që ky vendim të ndryshohet në favor të klientit të tij. /KP/

Si rezultat i hetimeve disamujore, në ndërlidhje me rastin e arrestimit të katër (4) personave gjatë muajit qershor 2014 në Kaçanik për veprat e njëjta penale, sot me datën 14/8/2014 në orët e hershme të mëngjesit, Policia e Kosovës, sipas urdhrit nga gjyqtari i procedurës paraprake të EULEX-it, ka ndërmarrë një operacion për zbatimin e urdhër kontrollit në dy lokalitete në Gjilan dhe Skenderaj, thuhet në komunikatën e Policise se Kosovës.

"Ky operacion policor ka rezultuar me arrestimin e dy personave të dyshuar (Z. Q, viti i lindjes 1980, imam në xhaminë El-Kuddus në Gjilan, që dyshohet të jetë një ndër frymëzuesit kryesorë të xhihadit dhe i dyshuari tjetër L. K, viti i lindjes 1987, nga fshati Polac, Skenderaj) nën dyshimin se të njëjtit kanë kryer veprat penale nga kapitulli “Veprat penale kundër rendit kushtetues dhe sigurisë së Republikës së Kosovës”./IO/

Kryetari i lëvizjes Vetëvendosje, Albin Kurti, në një intervistë për RTK, thotë se partia e tyre është kundër çdo ekstremizmi fetar, jo vetëm islamik.

Por Kurti thotë se ekstremizmi fetar po përhapet nga qarqe qeveritare.

Qëllimi është që në vend që të flitet për dialogun me Serbinë, po shpiket një armik tjetër nga Lindja.

“Ne jemi për lirinë e fesë, sepse këtë popull e ka karakterizuar bashkëjetesa dhe toleranca fetare. Ka qarqe qeveritare që në vend që të koncentrohemi te armiku ynë shekullor dhe debati me ta, synojnë ta gjejnë një armik tjetër”, tha Kurti./ep

Anijet do të vihen përsëri në udhë për të çarë bllokadën që Izraeli zbaton në Gazë.

Koalicioni i “Flotiljes së Lirisë”, ka marrë vendim për të shkuar në Gazë ndërkohë që bota vazhdon të heshtë përballë sulmeve të Izraelit në Rripin e Gazës.

“Mavi Marmara”-të e reja përgatiten për lundrim...

Vendimin koalicioni e deklaroi pas mbledhjes dyditore së Koalicionit të “Flotiljes së Lirisë”, mbajtur në selinë e Fondacionit të Ndihmave Humanitare (İnsani Yardım Vakfı).

Përfaqësuesit e koalicionit, deklaruan se popujt e botës do të çajnë sërish bllokadën në Gazë dhe do të lundrojnë pa marrë me vete shoqërues ushtarakë.

Anëtarët e koalicionit bënë të ditur se flotilja e re do të ndjekë gjurmët e flotiljeve që kanë shkuar më parë në Gazë dhe do të zhvillojnë protesta të ndryshme.

Ata bënë të ditur se e vlerësojnë vendimin e Parlamentit Evropian dhe kërkuan që vendimi të vihet menjëherë në jetë.

Përfaqësuesit e koalicionit, deklaruan se nuk do të tërhiqen përballë një sulmi i mundshëm të Izraelit dhe i bënë thirrje opinionit publik ndërkombëtar për përkrahje duke thënë “se vdekja nuk na tremb, ne do të shkojmë në Gazë për liri”./trt/

Vrasjet e të paktën 817 personave nga forcat egjiptiane të sigurisë, vitin e kaluar, mund të konsiderohen pa ndonjë rezervë si krime ndaj njerëzimit, ka bërë të ditur organizata “Human Rights Watch”.

Një raport i lëshuar nga grupi me seli në SHBA, bën të ditur se 1000 ose më shumë persona kanë vdekur vetëm brenda një dite në xhaminë Rabaa al-Adawiya. Vdekjet erdhën gjatë demonstratave, të cilat u shpërndanë nga forcat egjiptiane të sigurisë.

Drejtori ekzekutiv i HRW, Kenneth Roth, tha se vdekjet shënuan “vrasjet më masive të demonstruesve të ndodhura në një ditë të vetme, në historinë e viteve të fundit”. Roth dhe një koleg i tij u ndaluan gjatë së hënës të hynin në Egjipt.

Ata do të publikonin një raport të ri, në një konferencë për shtyp në kryeqytetin egjiptian, por u deportuan nga vendi, pasi u mbajtën për rreth 12 orë në Aeroportin ndërkombëtar të Kajros.

Hetimi njëvjeçar i grupit të të drejtave të njeriut ishte fokusuar në 6 demonstrata të mbajtura në Korrik dhe Gusht të vitit 2013, të cilat u shpërndanë me forcë nga forcat e sigurisë, të cilat në atë kohë ishin nën komandën e Presidentit të tanishëm, Abdul Fattah al-Sisi.

Sisi, në atë kohë Gjeneral në krye të ushtrisë egjiptiane, u zgjodh më pas në krye të shtetit, në zgjedhjet e muajit Maj 2014, duke pasuar Presidentin e rrëzuar Mohammed Morsi, në Korrik të 2013-s.

Si pasojë e demonstratave, forcat e armatosura të drejtuara prej tij nisën një kundërsulm brutal ndaj mbështetësve të “Vllazërisë Muslimane”.

Pastrimi i kampit të protestave në xhaminë Rabaa al-Adawiya, më 14 Gusht 2013, erdhi pas “një plani që parashikonte disa mijëra të vdekur”, thuhet në raport. Sipas grupit, të paktën 817 persona vdiqën gjatë dhunës në xhami, por shifrat reale mund të jenë më shumë se 1000 vetë. /tch/

Gjashtëdhjetë për qind e 40 të arrestuarve të cilët dyshohen për pjesëmarrje në luftën e Sirisë dhe Irakut mund të lirohen sot ose nesër.

Këtë e ka thënë avokati Besnik Berisha, i cili mbron Hadi Nurën (1988).

Berisha në një intervistë për Indeksonline ka thënë se, nuk ka qenë e rrugës të bëhet aq spektakël i madh siç është bërë dje në seancën dëgjimore.

“Në qoftë se do të merret vendim bazuar në prova dhe fakte, unë kujtoj se së paku 60% e tyre do të kthehen në shtëpitë e tyre menjëherë, eventualisht me një masë më të butë”, ka thënë ai. /Indeksonline/

"Ministri i Jashtëm i Kosovës, Enver Hoxhaj, ka organizuar një mbledhje të opozitës së armatosur siriane dy vjet më parë në Kosovë”.

Deklarata bombë është bërë nga eksperti për çështjet e sigurisë, Ilir Kulla, gjatë emisionit “Opinion” në Tv “Klan”.

Duke debatuar lidhur me zhvillimet në Siri dhe implikimin e shqiptarëve, të cilët luftojnë atje, Kulla tha se krerët e opozitës siriane janë takuar në Kosovë.

Sipas Kullës, tashmë qëndrimi i ministrit kosovar për zhvillimet në Siri ka ndryshuar, por dy vjet më parë atje janë mbledhur opozitarët e Bashar Al-Asad.

Sipas Kullës, aktualisht vlerësohet të jenë rreth 300 shqiptarë, të cilët po luftojnë në grupe të ndryshme të armatosura.

“Nga ata që kanë shkuar në Siri, vetëm një pjesë e vogël e kanë njohur regjimin e Asadit”, u shpreh Kulla.

Imami i Xhamisë së Madhe në Prishtinë, Shefqet Krasniqi, thotë se Lavdrim Muhaxheri punëtor i dreqit. Ndërsa, shton se ka qenë një prej hoxhallarëve të parë që u ka bërë thirrje njerëzve të mos shkojnë në Siri.

“Vallahi populli sirian nuk ka nevojë për 30 a 40 djemtë tanë”, ka thënë Krasniqi në emisionin “Argument Plus” të RTV 21. “Shumë djem, duke i dëgjuar ligjëratat tona, nuk kanë shkuar në Siri”.

Ai ka akuzuar edhe mediat për krejt situatën e krijuar dhe se BIK duhet të dal me ndonjë komunikatë për media, për “të qetësuar situatën”.

“Është zhvendosur vëmendja nga problemet reale të Kosovës. Në ditën e dytë të Bajramit del në fotografi njeri duke pre koka, pse bash në ditën e dytë të Bajramit”, ka thënë ai.

Krasniqi megjithatë shprehet optimist se mund të kërcënohet Kosova nga terrorizmi se thotë se “nuk e lë Zoti Kosovën në duar të njerëzve të ligë”.

Ai, ndërkohë, thotë se duhet falënderuar Policinë e Kosovës dhe organet e sigurisë kur ndalojnë krimin.

“Askush nuk ka imunitet përball vatanit”, thotë ai, por shton se “stupcat” duhet të përdoren edhe ndaj banditëve dhe politikanëve të korruptuar.

Imami thotë se aksioni i 40 të arrestuarve të djeshëm mund të ketë prapavijë politike, ndonëse thotë se ka individë të manipuluar.

“Çka kuptojmë me manipulu. Nuk është lehtë me u manipulu dikush e me shku në luftë, se e dinë që në luftë nuk japin bonbone po se mund të vriten. Dikush mund t’i shpëlahet truri si Muhaxherit që thotë ‘hajdeni krejt se u kënaqëm’. Diçka ngjashëm. Facebooku e interneti sa është i mirë aq është i keq. Por, po rrehet çekani te hoxhallarët. Cilët janë ata imamë? Le ta thotë Prokuroria që filani i ka thonë filanit shko në Siri”, thotë Krasniqi, duke shtuar se reagon se pse gjithçka me islam lidhet me radikalizëm.

Ai shprehet se i dhimbsen imamët që kanë devijuar e kanë ndikuar keq tek të tjerët.

“Shefqeti flet veç për veten”, thotë ai, duke shtuare se nxitës për të shkuar në Siri është interneti. “Askush në xhami nuk i ka thirr të shkojnë te këto grupe terroriste”.

Në Serbi janë shfaqur bankënotat e 200 dinarëve, me mesazhin “Stop Islam”, të cilin një grup i panjohur apo individ po e vë me vulë.

Vulosjet e tilla po bëhen edhe në të tjerat bankënota, që kanë më së shumti qarkullim, transmeton Telegrafi.

“Nuk është gjë e mirë. Fjala është për provokim, sepse nuk mundesh një religjioni t’i thash ‘stop’”, thotë analisti i feve, Zivica Tucic, sipas të cilit për këtë duhet të reagojë Serbia dhe Banka Popullore e saj.

Pas kërkesës së parashtruar nga njëri nga të dyshuarit që të ndërpritet seanca me qëllim të faljes së namazit, gjyqtari i procedurës paraprake nuk e ka miratuar zyrtarisht këtë kërkesë.

Por me kërkesë të avokatëve, është mbajtur një pauzë gjatë së cilës të pandehurit në sallën e gjykimit i kanë kryer ritualet fetare.

Koha Ditore ka publikuar fotografi nga salla e seancës ku të arrestuarit po falen.

Besnik Berisha, avokati i njërit nga të arrestuarit, Hadi Nura, e arrestimin e dyzet të dyshuarve e ka konsideruar në kundërshtim me dispozitat ligjore.

Ai gjithë këtë e quan spektakël.

“Kërkesa është bërë shkel e shko, nuk i përmban kushtet e domosdoshme për ta dorëzuar në gjykatë dhe t’i caktojë paraburgim. Ata kanë shumica kanë qenë në xhami e disa kanë qenë duke fjetur, ndoshta edhe në mungesë të banimit, pasi që shumë prej tyre janë student. Unë konsiderojë se kërkesa është në kundërshtim me ligjin dhe është motivuar politikisht dhe jo e mbështetur juridikisht”, ka thënë ai.

Berisha thotë se është kundër këtij spektakli dhe e quan të motivuar politikisht, pas deklaratave të kryeministrit, i cili ka thënë se ai ka urdhëruar për arrestimin e 40 të dyshuarve dhe jo nga urdhërat e prokurorit siç duhet të ishte.

Edhe Veton Rrecaj, i cili është avokat i Amir Vuniqit, i cili ende nuk është arrestuar por vetëm dyshuar, tha se klienti i tij po akuzohet për disa vepra kriminale e që sipas tij, janë të pabaza.

“Në i konsiderojmë të pa baza supozimet e prokurorisë, sepse ajo nuk na ka ofruar asnjë provë se i mbrojturi i im është i involvuar në ato vepra”, tha Rrecaj.

Ai në duar mbante një kërkesën e Prokurorisë në të cilën kërkohej masa e paraburgimit ndaj klientit të tij. Por avokati Rrecaj, tha se do të kundërshtoj në gjykatë një kërkesë të tillë të prokurorisë. /KP/

Gjatë seancës së sotme dëgjimore ndaj 40 të akuzuarve kosovarë të cilët dyshohet se ishin në Siri dhe Irak, këta të fundit treguan arsyet e shkuarjes në luftën për xhihad.

Përkundër që mediat nuk u lejuan të futen brenda në seancë, gazetari i KTV-së, Mefail Bajqinovci në profilin e tij në facebook ka shkruar se, njëri prej të akuzuarve ka deklaruar arsyejt e shkuarjes në Siri.

Sipas ish-lufëtarit, njëra ndër motive e shkuarjes në vendet arabe ishte koha kur Ministri i Punëve të Jashtme, Enver Hoxhaj bëri thirrje për përkrahje të forcave opozitare.

Ndryshe, më 26 prill të vitit 2012, ministri i Punëve të Jashtme i Republikës së Kosovës, Enver Hoxhaj pati zhvilluar një takim me përfaqësues të opozitës siriane.

Ministri Hoxhaj në këtë takim ka shprehur përkrahjen e plotë dhe të gjithanshme të institucioneve dhe qytetarëve të Republikës së Kosovës për aspiratat dhe vizionin e popullit sirian për të futur Sirinë në rrugën e demokracisë./io/

Leutrim I. Raifi, 23-vjeçar me banim në Fushë Kosovë,
Armir A. Vuniqi, 23-vjeçar me banim në Lipjan,
Shaban R. Dumani, 52-vjeçar, nga fshati Miradi e Ulët e Fushë Kosovës,
Hadi I. Nura, 26-vjeçar, nga lagjja “Dardania” në Prishtinë,
Burim E. Konjuhi, 30-vjeçar, nga Prugovci i Prishtinës,
Kujtim A. Bllaca, 28-vjeçar, nga Ribari i Madh i Lipjanit,
Albert Berisha, 27-vjeçar, nga Prishtina,
Visar I. Kadriu, 29-vjeçar, nga Prishtina,
Egzon J. Latifi, 20-vjeçar, nga Gjilani,
Fatos I. Rexhepi, 36-vjeçar, nga fshati Ramjan i Vitisë,
Hajdin E. Elezi, 43-vjeçar, nga fshati Smirë i Vitisë,
Blerim Z. Syla, 22-vjeçar, nga fshati Debëllde i Vitisë,
Haviz M. Ahmeti, 20-vjeçar, nga Gjilani,
Kenan R. Rushiti, 25-vjeçar, nga Lubizhdi i Vitisë,
Irfan I. Haqifi, 20-vjeçar, nga Gjilani,
Bekim V. Halili, 37-vjeçar, nga Tankosiqi i Ferizajt,
Fitim D. Dema, 27-vjeçar, nga fshati Bob i Kaqanikut,
Zejadin H. Berisha, 30-vjeçar, nga Goranci i Hanit të Elezit,
Agron Lika, 32-vjeçar, nga fshati Strazhë i Kaçanikut,
Emri R. Bushi, 36-vjeçar, nga Hani i Elezit,
Fisnik R. Bushi, 31-vjeçar, nga Ferizaj,
Besim A. Shabani, 32-vjeçar, nga Shkupi por me banim në Ferizaj,
Adil Bushi, 26-vjeçar, nga Hani i Elezit,
Muxhahid Braha, 25-vjeçar, nga Hani i Elezit,
Jetmir Bushi, 24-vjeçar, nga Hani i Elezit,
Ilir Momqillo, 24-vjeçar, nga fshati Sllakovë i Gjilanit,
Samidin M. Halimi, 40-vjeçar, nga Dragashi,
boshnjaku Fikret J. Krco, 32-vjeçar,
Ibrahim Rashiti, 37-vjeçar, nga Opoja e Dragashit,
Mentor Bellaqa, 29-vjeçar, nga Prizreni,
Kujtim V. Bytyqi, 32-vjeçar, nga Shkoza e Malishevës,
Besim U. Lajqi, 35-vjeçar, nga Peja,
Betim R. Ibrahimaj, 26-vjeçar, nga Zhakova e Istogut,
Muhamed A. Hajrizaj, 52-vjeçar, nga Strellci i Deçanit,
Berat F. Këpuska, 26-vjeçar, nga Gjakova,
Arsim R. Istrefi, 36-vjeçar, nga Bajgora e Mitrovicës,
Sadat Kaqiku, 39-vjeçar, nga Shipoli i Mitrovicës,
Vehbi S. Gërgjaliu, 31-vjeçar, nga Studimja e Poshtme e Vushtrrisë,
Jeton A. Hajdini, 39-vjeçar, nga Kqiqi i Madh i Mitrovicës
Skender Syla, 33-vjeçar, nga Mitovica.

Kryesia e Bashkësisë Islame të Republikës së Kosovës, aksionin e sotëm të organeve të shtetit e përkrah dhe e përshëndet si masë të nevojshme për ruajtjen dhe sigurinë e vendit.

Vendi ynë dhe besimtarët tanë, në asnjë mënyrë e në asnjë rrethanë nuk duhet që të jenë pjesë e grupeve ilegale që me aktivitetin e tyre rrezikojnë jetën e të rinjve tanë dhe kërcënojnë sigurinë e vendit.

Bashkësia Islame e Kosovës kërkon nga organet kompetente që të ndërmarrin të gjitha masat e duhura ndaj kujtdo qoftë që rrezikon sigurinë e qytetarëve dhe rendin kushtetues  të vendit. Bashkësia Islame e Kosovës  po ashtu edhe me këtë rast shprehet kundër atyre që përkrahin e promovojnë gjuhë të urrejtës, interpretim të ngushtë të mësimeve fetare dhe politizimit të fesë.

Stabiliteti i vendit, siguria e qytetarëve dhe jeta e të rinjve tanë është përgjegjësi e institucioneve të vendit, e të cilat duhet mbështetur e përkrahur pa hezitim nga të gjitha strukturat e shoqërisë.
Ftojmë qytetarët tanë që të përkrahin organet e shtetit dhe të mos bien pre e individëve të papërgjegjshëm e të  pa adrese që manipulojnë fenë për qëllime johumane e jo fetare.

Bashkësia Islame e Kosovës, edhe njëherë fton besimtarët e në veçanti të rinjtë tanë, që të mos bien pre e grupeve të ndryshme që thirren në emër të të ashtuquajturit xhihad e njëfarë Halifati./bislame/

Shtëpia e tyre në Strazhë u bë cak i Policisë për bastisje gjatë ditës së sotme, ku arrestuan 40 persona për terrorizëm.

Agron Lika, i cili edhe është arrestuar gjatë ditës së sotme, dyshohet se është pjesëtar i organizatave më të mëdha terroriste.

Latif Lika, babi i Agron Likës, i cili është arrestuar gjatë ditës së sotme nga Policia e Kosovës, për Klan Kosovën, ka thënë se djali i tij nuk bën pjesë në grupin e terroristëve.

Sipas tij, Agroni ka qenë në Turqi e jo në Siri. Ai ka treguar se tre muaj ka qëndruar në Turqi tek disa kusherinjë, që kjo familje ka në atë shtet.

“Ne kemi disa kusheri në Turqi dhe ata e kanë thirr, bile edhe mua më kanë thirrë me shku tek ata e me shku në deti. E unë nuk e besoj se djali është i përfshirë në terrorizëm”, ka deklaruar Latifi, transmeton Klan Kosova.

Policia e Kosovës, gjatë bastisjes së shtëpisë, kishte gjetur dy pushka, por babai i Agronit, Latifi, ka thënë se këto pushka kanë qenë të tij, pasi që siç deklaroi Latifi, ka qenë pjesëtar i luftës së fundit të Kosovës.

Policia e Kosovës, gjatë bastisjes në këtë shtëpi, ka konfiskuar edhe disa celular. /Klan Kosova/

Kanë fituar të gjithë ata që me respektojnë apo edhe ata që nuk më respektojnë; ka fituar Turqia e re përparimtare, por jo vetëm Turqia; ka fituar edhe Kabuli, Bejruti, Sarajeva dhe Shkupi; ka fituar Damasku, Ramallahu, Gaza dhe Jerusalemi, deklaroi kryetari i porsazgjedhur i Turqisë, Recep Tayyip Erdoğan.

“Falënderoj popullin tim shtrenjtë”, janë fjalët me të cilat ai nisi fjalimin e tij në Ankara, ku shprehu falënderimet e tij të përzemërta për të gjithë zgjedhësit, votues ose jo të tij, që kanë dhënë kontributin e tyre në këtë ngjarje historike.

Duke falënderuar edhe qytetarët turq me banim jashtë shtetit, të cilët janë përpjekur të votojnë pavarësisht vështirësive, ai shtoi se “zgjedhjet nuk i ka fituar vetëm Recep Tayyip Erdogan, por vullneti i popullit dhe Turqia e Re”. “Sot po mbyllim një epokë dhe po hedhim hapin e parë drejt një ere të re. Tashmë janë eliminuar të gjitha pengesat ndërmjet Pallatit Presidencial Çankaja dhe popullit”. /Telegrafi/

40 persona të dyshuar se kanë marrë pjesë në luftimet në Siri dhe Irak janë arrestuar nga Policia e Kosovës në orët e hershme të mëngjesit të sotëm, nën dyshimin se kanë kryer vepra penale nga kapitulli “Veprat Penale Kundër Rendit Kushtetues dhe Sigurisë së Republikës Së Kosovës” i Kodit Penal të Kosovës.

“Ky operacion policor është ndërmarrë duke vlerësuar rrezikun dhe rëndësinë për sigurinë nacionale, mbrojtjen e rendit kushtetues, ruajtjen e rendit dhe ligjit, si dhe në frymën e ruajtjes së respektimit të të drejtave të secilit person të garantuara me Kushtetutën e Republikës së Kosovës”, thuhet në një komunikatë të Policisë.

Njoftohet se në cilësi të provave materiale janë konfiskuar materiale inkriminuese lidhur me veprat për të cilat dyshohen këta persona, duke përfshirë mjete eksplozive, armë dhe municion të kalibrave të ndryshëm, si dhe dëshmi tjera që ndërlidhen me rastin.

Policia e Kosovës iu bën thirrje të gjithë personave që mos të bien pre e joshjeve dhe premtimeve të pavërteta dhe se për çdo rast të njoftojnë Policinë.

Nga Siria e Iraku deri më tani janë deklaruar 16 persona të vrarë, e që janë shtetas të Republikës së Kosovës.

11 të dyshuar të arrestuar janë nga Ferizaj, tetë nga Prishtina, shtatë nga Gjilani, pesë nga Prizreni, pesë nga Mitrovica dhe katër persona nga Peja.

Për sanksionim të pjesëmarrjes së qytetarëve të Kosovës në konfliktet jashtë territorit, legjislatura e kaluar ka miratuar Ligjin për Ndalimin e Pjesëmarrjes në Konflikte të Armatosura jashtë vendit dhe dënimet për shkeljen e këtij ligji. Varësisht se për cilën dispozitë bëhet fjalë, parashihen nga 3-15 vjet burg.

Personat e dyshuar tanimë të arrestuar janë:

1.L. R. – (1990) – Prishtinë
2.A. V. – (1991) – Prishtinë
3.Sh.D. - (1962) – Prishtinë
4.H. N. – (1988) – Prishtinë
5.B. K. – (1983) – Prishtinë
6.K. B. – (1986) - Prishtinë
7.A. B. – (1987) - Prishtinë
8.V. K. – (1985) - Prishtinë
9.E. L. – (1994) – Gjilan
10.F. R. – (1978) – Gjilan
11.H. E. – (1971) – Gjilan
12.B. S. – (1992) – Gjilan
13.H. A. – (1994) – Gjilan
14.K. R. – (1989) – Gjilan
15.I . H. – (1993) - Gjilan
16.B. H. – (1976) - Ferizaj
17.F. D. – (1987) - Ferizaj
18.Z. B. – (1984) - Ferizaj
19.A. L. – (1982) - Ferizaj
20.E. B. – (1978) - Ferizaj
21.F. B. – (1983) - Ferizaj
22.B.Sh. – (1982) - Ferizaj
23.A. B. – (1987) - Ferizaj
24.M. B. – (1988) - Ferizaj
25.J. B. - (1990) - Ferizaj
26.I . M. – (1989) - Ferizaj
27.S. H. - (1973) - Prizren
28.F. K. – (1982) - Prizren
29.I . R. - (1977) - Prizren
30.M.B. - (1984) - Prizren
31.K. B. - (1981) - Prizren
32.B. L. - (1978) - Pejë
33.B. I. - (1987) - Pejë
34.M. H. – (1961) – Pejë
35.B. K. - (1988) - Pejë
36.A. I. - (1978) - Mitrovicë
37.S. K. - (1975) - Mitrovicë
38.V. G. - (1983) - Mitrovicë
39.J. H. - (1975) - Mitrovicë
40.S. S. - (1981) – Mitrovicë

/Kosovapress/

Kryeministri aktual i Turqisë, Rexhep Tajip Erdogan është fitues i zgjedhjeve të sotme në Turqi bazuar në rezultat e para jozyrtare të publikuara deri më tani.

Sipas rezultateve paraprake të rreth 90% të votave të numëruara, Erdogan ka marrë rreth 53% të votave, ndërsa kundërkandidatët e tij, Ekmeleddin Ihsanogllu dhe Selahattin Demirtash kanë marrë 38% respektivisht 9%.

Fushata parazgjedhore e cila është karakterizuar me një dozë të lartë tensioni politik, nuk ka reflektuar në ditën e sotme pasi gjatë votimeve nuk janë shënuar incidente të rënda.

Në zgjedhjet presidenciale garuan 3 kandidatë: Kryeministri i deritanishëm Rexhep Tajip Erdogan, ish-Sekretar i Përgjithshëm i Konferencës Islamike Ekmeleddin Ihsanogllu, si dhe kanditati i partisë kurde, Selahattin Demirtash.

Rexhep Tajip Erdogan do të jetë presidenti i 12 -të dhe do të zëvendësojë presidentin e deritanishëm, Abdullah Gyl.

Janë mbyllur vendvotimet në zgjedhjet e para direkte presidenciale në Turqi. Sikurse që favirozohej gjatë fushatës, kryeministri aktual, Recep Tayyip Erdogan, mendohet se do të jetë fitues i këtyre zgjedhjeve, që për herë të parë në Turqi mbahen për të zgjedhur direkt presidentin e vendit.

Mediat turke thonë se Erdogan pritet të fitojë që në roundin e parë, duke marrë kështu më shumë se 50 për qind të votave. Televizioni turk ka thënë se Erdogan do të fitojë me 56 për qind, përcjell Reuters.

Rivalë të tij në këto zgjedhje ishin: Ekmeleddin Ihsanoglu, kandidat i përbashkët i partive kryesore të opozitës në parlament, dhe Selahattin Demirtas, me kombësi kurde, që e udhëheq Partinë Demokratike Popullore të krahut të majtë.

Reagimet e opinionit ndërkombëtarë ndaj sulmeve izraelite në Gazë nuk kanë të ndalur.

Sulmet izraelite ndaj Rripit të Gazës u protestuan në shumicën e qyteteve botërore.

Këto sulme u protestuan edhe njëherë para Shtëpisë së Bardhë në Uashington të SHBA.

Në këto protesta, të përkrahura edhe nga turistët që ndodheshin për vizitë në Shtëpinë e Bardhë, morën pjesë rreth 30 shtetas amerikan, të cilët në duar mbanin pankarta me mbishkrime “SHBA ndal ndihmat Izraelit” dhe “Ndalë masakrën e Izraelit në Gazë”.

Gjatë protestave të organizuara në fundjavë në një kohë kur Shtëpia e Bardhë vizitohet nga ana e turistëve, u vërejtën masa të shtuara të sigurisë.

Edhe qytetet e Francës si Lion, Bordo, Avinjon, Strasburg, Nantë dhe Montpelie me në krye kryeqytetin Paris ishin skenë e protestave kundër sulmeve izraelite ndaj Rripit të Gazës të rifilluara pas armëpushimit 3 ditor.

Rreth 2 mijë protestues të mbledhur në Paris akuzoi komunitetin ndërkombëtarë për neglizhencë të ngjarjeve në Gazë, ndërsa kërkuan që në rajon të vendoset sa më parë një armëpushim i qëndrueshëm dhe të hiqet rrethimi.

Sulmet izraelite u protestuan edhe në kryeqytetin e Anglisë Londër. Me dhjetëra mijëra shtetas anglez të ardhur nga të katër anët e Mbretërisë së Bashkuar u mblodhën para selisë së shtëpisë mediatike BBC për të protestuar këto sulme.

Sulmet izraelite ndaj Rripit të Gazës u protestuan edhe në Nju-Jork para selisë së OKB-së, ndërsa protesta pati edhe në Gjermani, Afrikën e Jugut e Australi./trt/

Presidenti i Republikës së Turqisë për herë të parë do të zgjidhet me vota të popullit e jo nga ana e parlamentit.

Në zgjedhjet presidenciale që do të mbahen nesër në Turqi në 165 mijë e 108 qendra të votimit do të votojnë 52 milionë e 894 mijë e 115 votues.

Në këto zgjedhje garojnë kandidati i Partisë në pushtet AK, Kryeministri Rexhep Tajip Erdoan, kandidati i përbashkët i partive opozitare CHP dhe MHP, Ekmeleddin Ihsanollu dhe kandidati i Partisë HDP, Selahattin Demirtash.

Në këto zgjedhje për herë të parë në fletëvotimet do të jenë edhe fotografitë e kandidatëve për president. Sipas shortit të tërhequr në Këshillin Qendror të Zgjedhjeve në fletëvotime në rend të parë ndodhet fotografia e Kryeministrit Erdoan, në vendin e dytë Demirtash dhe të tretin Ihsanollu.

Votat e shtetasve turq që jetojnë jashtë vendit të cilat u sollën në Ankara me avion do të numërohen së bashku me fletëvotimet në Turqi pas përfundimit të procesit të votimit.

Votimi në mbarë vendin do të filloj në orën 08.00 dhe do të zgjas deri në orën 17.00.

Rezultatet paraprake të votimeve do të publikohen nga ana e KQZ më 11 gusht.

Ndërsa data për publikimin e rezultateve përfundimtare do të bëhet më 15 gusht.

Kandidati i cili fiton shumicën e votave në turin e parë do të shpallet edhe presidenti i 12-të i Turqisë.

Në qoftë se shkohet në turin e dytë të votimeve procesi i votimit jashtë vendit dhe në vendkalimet kufitare do të filloj më 17 gusht, ndërsa do të marr fund më 20 gusht. Ndërkaq turi i dytë i votimeve në vend do të mbahet më 24 gusht.

Një sondazh i publikuar parashikon një fitore të kryeministrit, Rexhep Tajip Erdoan (Recep Tayyip Erdoğan), me 57 për qind, që në raundin e parë të zgjedhjeve presidenciale, që për herë të parë në Turqi zhvillohen me votë popullore dhe jo nga parlamenti, siç ishte vepruar deri tani.

Sipas sondazhit të publikuar nga e përditshmja turke ”Yeni Safak” kandidati kryesor i opozitës, diplomati Ekmeledin Ihsanollu (Ekmeleddin Ihsanoğlu), i kandiduar nga partitë laike të së djathtës MHP dhe nga qendra e majtë, CHP do të marrë 34 për qind të votave. Ndërsa Selahadin Demirtash (Selahattin Demirtaş), nga Partia Kurde do të marrë vetëm nëntë për qind të votave.

Gazeta ”Haberturk” raporton se lideri i partisë kryesore opozitare CHP, Kemal Këllëçdarollu (Kemal Kılıçdaroğlu) ka deklaruar se sipas sondazheve të urdhëruar nga partia e tij Erdoan nuk duhet të fitojë raundin e parë.

”Sondazhet që ne kemi tregojnë se do të kemi edhe një raund të dytë”, tha ai. Shumë analistë e konsiderojnë fakt që Kryeministri Erdoan do të zgjidhet kreu i ri i shtetit./trt/

Drejtori i Muzeut Kombëtar të Historisë në Bullgari, Bozidar Dimitrov, komenton protestat e shqiptarëve në Maqedoni. Sipas tij, shqiptarët në Shqipëri, Kosovë e Maqedoni, po shkojnë drejt realizimit të ëndrrës së tyre, Shqipërisë së Madhe.

Për fat të keq, thuajse gjysma e protestuesve insistojnë për një revolucion islamik brenda vetë komunitetit shqiptar”, thotë historiani kontrovers në një intervistë për “Fokus”. Ai thotë se ky është një trend i rrezikshëm për të gjithë Evropën Juglindore. Duke folur sërish për idenë e Shqipërisë së Madhe, ai thotë se ndërtimi i autostradave që lidhin Shqipërinë, Kosovën dhe Maqedoninë, i shërben këtij qëllimi.

"Gjatë bisedave informale me politikanët shqiptarë, ata vazhdimisht më thonë të njëjtën gjë, të maskuar si shaka, për të parë cili do jetë reagimi bullgar. Ata thonë ‘na lini ta ndajmë Maqedoninë, U them gjithmonë mqive të mi në Shkup, që janë të shqetësuar me politikën, se sa kohë jeni të zënë në beteja verbale me Bullgarinë dhe bullgarët, shqiptarët do t’ua marrin vendin nën hundë".

"Për fat të keq, kjo po ndodh pikërisht tani. Nuk jam i lumtur që po dalin parashikimet e mia, thotë ai, duke shtuar se do të donte që Maqedonia të nënshkruante një traktat të miqësisë së mirë me Bullgarinë dhe të zgjidhte kontestin e emrit me Greqinë. -Në këtë mënyrë ata do bashkohen me BE dhe të gjithë do jetojmë në paqe e lumturi, për shkak se fundamentalistët islamikë nuk mund të tundin flamurin e tyre në tokë evropiane", - ka shtuar Dimitrov./almakos/

Haki Kasumi, nga Këshillit Koordinues i Asociacioneve të Familjarëve të të Zhdukurve të Kosovës, thotë se në varrezën masive në Rudnicë të Rashkës, mund të jenë të varrosur trupat e më tepër se 450 shqiptarëve. “Por, e vërteta do të del atëherë kur të kryhet mihja dhe të bëhet identifikimi", thotë ai. Kasumi thotë se pala serbe ka qenë destruktive dhe ka bërë obstruksione të shumta që nga fillimi i gërmimeve.

“Kemi bindjen dhe burime të palës serbe se në Rudnicë të Rashkës gjendet një numër i madh i mbetjeve mortore të shqiptarëve të vrarë padrejtësisht gjatë luftës së fundit në Kosovë.
Shifrat varirojnë nga 250 edhe pse gjithherë them se janë burime nga institucioneve serbe, e ato mund të shkojnë deri në 450 ose edhe me tepër. Por e vërteta do të del atëherë kur të kryhet mihja dhe të bëhet identifikimi. Përndryshe jam i bindur se pala serbe e din në mos kofshin aty, janë në ndonjë varrezë afër ose rrethinë të Rashkës”, tha Kasumi për Radio Evropa e Lirë.

Sipas tij, gjatë gërmive në "Rudnica 1" janë gjetur rreth 50 trupa.

“Dy trupa janë identifikuar dhe janë të Rezallës së Komunës së Skenderajt gjë që korrespondon me numrin e gjetur deri tash dhe na mban shpresa që kjo pjesë e familjarëve të cilët fatkeqësisht i kanë varret e zbrazura që nga viti 1999", thotë ai duke shprehur bindjen se aty mund të qëndrojnë komplet trupat e të vrarëve në Rezallë, “e poashtu supozojmë se mund të jenë edhe trupat e të vrarëve dhe të zhvarrosurve në Izbicë të Skenderaj”.

Nga lufta e fundit në Kosovë ende mbesin të pagjetur edhe mbi 1,700 veta.

Pesë palestinezë humbën jetën sot pas sulmeve ajrore izraelite në qendër të Rripit të Gazës, njoftuan shërbimet palestineze të sigurisë.

”Dy persona humbën jetën pas një sulmi në kampin e Maghazit dhe tre të tjerë pas shembjes së xhamisë al-Kassam, në Nusseirat, bombarduar nga aviacioni izraelit”, deklaroi Eshref al-Kudra, zëdhënës i shërbimit palestinez të urgjencës.

”Viktimat janë mes 19 dhe 56 vjeç”, saktësoi ai.

Sipas burimeve palestineze, Izraeli ka shkaktuar deri tani vrasjen e mbi 1 500 palestinezëve, mbi 400 e të cilëve fëmijë.

Ndërkaq Hamasi palestinez paralajmëroi sot se nuk do t’i bëjë asnjë lëshim Izraelit ndërkohë që vazhdon konflikti në Rripin e Gazës.

“Nuk ka kthim mbrapa. Rezistenca do të vazhdojë me të gjitha forcat e saj. Papajtueshmëria e pushtuesit nuk do t’i sjellë asnjë përfitim dhe ne nuk do të bëjmë asnjë lëshim në kërkesat e popullit tonë”, theksoi në një komunikatë Fevzi Barhum, një zëdhënës i lëvizjes islamike në Gaza.

Fevzi Barhum u shpreh në një moment që kishte paqartësi mbi rifillimin e bisedimeve në Kajro me izraelitët nën ndërmjetësinë e Egjiptit.

Këto bisedime, që kanë për synim zgjatjen e armëpushimit në fuqi nga dita e martë, dështuan dhe luftimet rifilluan sërish dje në mëngjes./trt/

Përfundon protesta në Shkup për rastin “Monstra”, protesta u ndoq nga qindra protestues që thërrisnin “UÇK, UÇK“, “Jankullovska terroriste” dhe slogane të ngjashme.

Nga politikanët ishte i pranishëm edhe ish-deputeti Hysni Shaqiri, kërkesat e protestueve janë të njejta si në protesta e para, të lirohen të dënuarit e rastit Monstra dhe të shpallen të pafajshem, shkarkimi i menjëhershëm i prokurorit dhe gjyqtarit të “Monstrës”, ndjekja penale ndaj tyre për abuzim me autoritetin dhe mbikëqyrje nga përfaqësuesit ndërkombëtar në sistemi juridik të Maqedonisë.

[youtube height="400" width="100%" align="none"]https://www.youtube.com/watch?v=kfG9ynQ7nJQ[/youtube]

Bisedimet disa ditore në Kajro për zgjatjen e armëpushimit 72 orësh në Gaza nuk kanë patur sukses. Vetëm pak pas përfundimit të afatit, kanë rinisur sulmet në Gaza. Lajmi vjen nga ushtriz izraelite e cila tha se ka filluar sulmet në Gaza pasi palestinezë hodhën 18 raketa në Izrael.

Deri më tani nuk raportohet të ketë pasur viktima nga sulmet e dyanshme. Grupi palestinez që kontrollon Gazën, Hamas ka refuzuar çdo lloj armëpushimi, duke thënë se Izraeli ka dështuar që të përmbushë kërkesat e saj për t’i dhënë fund bllokadës territoriale dhe hapjen e kalimeve kufitare. Sipas zyrtarëve palestinezë, 1875 persona kanë humbur jetën në 4 javë luftime.

Organizata e Kombeve të Bashkuara bën të ditur se të paktën 1354 prej tyre kanë qenë civilë, ku përfshiehn 415 fëmijë dhe 214 gra. Ndërsa qeveria izraelite thotë se janë vrarë 64 ushtarë, 2 civilë izraelitë dhë një shtetas nga Thai./shqiptarja/

Virusi vdekjeprurës afrikan Ebola ka mbërritur edhe në Evropë. Autoritetet spanjolle kanë konfirmuar se një prift 75-vjeçar ka rezultuar pozitiv ndaj virusit dhe është infektuar teksa jepte kontributin e tij humanitar në një spital në Liberi. Gjendja e tij shëndetësore është kritike.

Në Gjenevë, zyrtarë të OBSh janë mbledhur për të diskutuar për situatën dhe për të përcaktuar nëse epidemia përbën një rast urgjent ndërkombëtar.

Më shumë se 930 persona kanë vdekur deri tani nga Ebola në shtetet e Afrikës perëndimore, Guine, Liberi dhe Sierra Leone. Aktualisht edhe eksperimentet për një medikament që lufton virusin po vijojnë, por rezultate nuk janë ende të qarta.

Për këtë çështje, presidenti Obama tha në Samitin e Washingtonit me liderët afrikanë, se procesi testues duhet të vijojë normalisht, pa nxitim.

Ndërkohë Banka Botërore ka akorduar më herët gjatë javës një shumë prej 200 milionë eurosh për luftën ndaj virusit./shekulli/

“Duam të ndërtojmë një urë ajrore për të plagosurit e Gazës”, deklaroi ministri i Punëve të Jashtme të Turqisë, Ahmet Davutollu. Shefi i diplomacisë turke ishte dje i ftuar special në një televizion privat dhe iu përgjigj pyetjeve në lidhje me rendin e ditës.

Pasi bëri me dije se Ankaraja zyrtare po punon me ngulm për të ngritur një urë ajrore me avionë e helikopterë ambulancë për të sjellë në Turqi të plagosurit nga sulmet në Rripin e Gazës, ministri Davutollu vuri në pah se po përballen me dy probleme në lidhje me këtë çështje.

“Problemi i parë është transferimi i të plagosurve brenda Gazës në aeroport, ndërsa i dyti ka të bëjë me hapjen e hapësirës ajrore të Egjiptit ose Izraelit. Bisedimet në këtë kuadër po vijojnë. Nëse lejohet hapja e korridorit ajror, atëherë ne planifikojmë që të ngremë një spital fushor në rajon dhe të dërgojmë atje menjëherë ekipe nga Ministria e Shëndetësisë”, tha kryediplomati turk.

Ai shtoi gjithashtu se po realizojnë kontaktet e nevojshme për arritjen e një armëpushimi të qëndrueshëm, teksa në Gazë nevojat më të mëdha dhe urgjente rezultojnë uji dhe energjia elektrike.

Duke tërhequr vëmendjen se ai vet e njeh shumë mirë këtë proces, pasi ka qenë personalisht i angazhuar edhe gjatë luftërave të mëparshme Hamas-Izrael në vitet 2009 dhe 2012, ministri Davutollu nënvizoi se “kjo është lufta, në të cilën Izraeli ka pësuar më shumë dëme, ka humbur më shumë prestigj në arenën ndërkombëtare dhe është traumatizuar më shumë brenda vetes”./TRT/

Një fëmijë 4-vjeçar është kthyer në simbol të konfliktit në Gaza. Yamin Abu Jabir është i vetmi i mbijetuar nga famija e tij.  Ashtu si 22 pjesëtarët e tjerë të familjes, edhe Yamin mendohej se kishte vdekur mes rrrënojave, pasi trupi i tij nuk u gjet asnjëherë. Kështu që të afërmit e tjerë nisën kërkimet në spital. I deklaruar i vdekur, ashtu si pjesa tjetër e familjes, vogëushi u gjet në një spital pas 5 ditë kërkimesh, në gjendje të shpërfytytruar dhe me njërin krah të fashuar.

“Kur spitali i parë ku u dërgua Yamin u bombardua, e mora në krah dhe e dërgova në spitalin e Shifa”, thotë Muhammad Abu Zeid, një vullnetar që qëndroi pranë të voglit me shpresën se ndonjë i afërm do të mund ta merrte.

Muhamed Xhabir Abu, një i afërm i babait të Yamin tha se besonte se fëmija kishte vdekur, pasi nuk e kishte gjetur nën rrënoja. Muhammad tregon historinë e familjes së Yamin, të cilët ishin mbledhur të martën, ditën e dytë të festës së Bajramit, në përpjekje për të krijuar një atmosferë pozitive dhe për të zbutur sadopak tensionin dhe frikën e shkaktuar nga sulmet ajrore izraelite.

Por ky gëzim ishte i përkohëshëm pasi u ndërpre nga një raketë izraelite që vrau 22 anëtarët e familjes së Yaminit 4-vjeçar.  Familja e Yamin u vranë nga një sulm ajror izraelit në shtëpinë e tyre në tyre në kampin e refugjatëve Al-Bureij në Rripin e Gazës.  Ofensiva ushtarake izraelite në Gaza ka marrë jetën e 400 fëmijëve, përveç mijërave të tjerë të dëmtuar./shqiptarja/

Glenn Greenwald kritikoi ashpër mënyrën se si qeveria e SHBA-së i drejtohet konfliktit të Gazës në një artikull të botuar të hënën nga “The Intercept”. Por kritika e Greenwald shtrihet më gjerë në praktikat e mediave amerikane dhe sipas tij  gazetarët në ShBA meritojnë një notë ngelëse.

"Nuk ka dyshim se mënyra se si media amerikane po mbulon këtë konflikt është i bazuar në parimin se jeta e izraelitëve është më e vlefshme se jeta e palestinezëve”, tha ai për HuffPost në një intervistë të hënën”. “Mund të duhen ndoshta 50 palestinezë për tu vrarë në mënyrë që media amerikane ti kushtojë të njëjtën vëmendje me, le të themi, një grua e moshuar izraelite e cila është e frikësuar në shtëpinë e saj dhe ka një problem mjekësor për shkak të traumës”, shtoi ai.

Sipas Greenwald, numri i të vrarëve palestinezë është pothuajse i njëjtë me numrin e amerikanëve të vrarë gjatë 11 shtatorit dhe mediet amerikane nuk është se kanë reaguar sa duhet për atë që po ndodh aktualisht. "Unë mendoj se ka një element racizmi këtu. Mendoj se ka një element etnocentrik dhe ka padyshim një tendosje antimyslimane në mënyrën se si media po e mbulon këtë konflikt”, tha Greenwald./shekulli/

Maqedonia vendi më i pasigurt në Ballkan. Kështu thekson raporti i fundit i organizatës “Global Peace”. ‘Në këtë studim, ku paraqitet gjendja e sigurisë në 162 vende të botës, Maqedonia radhitet në vendin e 87, pas Serbisë, Bosnjës, Kosovës, Shqipërisë dhe vendeve tjera të Ballkanit. Njëri ndër paradokset është Serbia, e cila renditet para të gjithë vendeve të Ballkanit Perëndimor në vendin 52, para Malit të Zi që zë vendin e 55-të, të Bosnje e Hercegovina në vendin e 61’-shkruan agjencia e lajmeve INA.

Shqipëria gjendet në një vend më poshtë se Kosova, në vendin 65. Ndërsa më keq në rajon renditet Maqedonia, në vendin e 87. Sipas këtij hulumtimi, në pesë vendet e para janë Islanda, Danimarka, Austria, Zelanda e Re dhe Zvicra.

Ndërsa në vendet e rajonit më së miri paraqitet Sllovenia e cila renditet në vendin 14, e më pas Kroacia në vendin 26. Shtetet me renditjen më të keqën janë Afganistani në pozitën 161 dhe e fundit është Siria në vendin 162.

Faik Canolli nga Prishtina, çdo ditë e çdo natë qe 33 vjet përballet me problemin e pagjumësisë.

E kjo i ndodh që nga viti 1981, kur i ishte nënshtruar një intervenimi mjekësor në këmbë.

Ai i tha Klan Kosovës se e tëra kjo i ndodhi qëkur pati përkyer këmbën dhe më pas u bë operacion në Ohër dhe që nga atëherë nuk ka mundur te flejë.

Edhe pse është mësuar me pagjumësinë, ky megjithatë pranon se kohë pas kohe i bëhet e padurueshme edhe pse ilaçin që gjithmonë e kërkoi e asnjëherë nuk e gjeti.

Klan Kosova e ka pasur të pamundur të marrë mendimin e ndonjë psikiatri. Pavarësisht se i kontaktoi rreth 10 sish, asnjë nuk ka dashur të komentojë këtë rast, ndonëse kanë pranuar se diçka e tillë është e mundur të ndodh.

E një kërkim në internet, sjellë informacione se vërtetë këto raste janë të mundura, por janë shumë të rralla në botë.

Kjo është kopeja e deleve e goditur sot nga rrufeja në fshatin Debëllde të Vitisë.

Siç njoftoi përfaqësuesi i fshatit Debëllde Zymri Ilazi, rrufeja ka mbytur mbi 100 copë dele dhe ka lënduar M.Rr. i cili po i ruante ato.

Si në polici ashtu edhe në gjykatë provuan urrejtjen dhe paragjykimin mbi baza të identetit kombëtarë dhe fetar. “Na kanë detyruar të falemi në polici. Na kanë akuzuar se jemi kriminele dhe terroriste pasi mbajmë shami. Kemi dhënë shumë sqarime përse lexojmë Kur’an. Më thoshin sa kam qenë në Afganistan dhe se kam luftuar përkrah radikalëve islamë. Jemi keqtrajtuar edhe fizikisht, na kanë rrahur e kanë gjuajtur pa mëshirë. Por, torturat psikike dhe provokimet e inspektorëve ishin ende më të rënda”, tregon Kimetja. Tortura dhe dhuna e përjetuar, janë kthyer në makth. Dridhet tek kujton çastin e intervistës me “njeriun me maskë”.

Shkruan: Laura PAPRANIKU, Dibër

I nisur me qëllim për të njollosur shqiptarët në çdo anë, aksioni me emrin “Monstra” i policisë maqedonase, ishte kujdesur që këtë radhë të mos i kursejë as gratë. Qëllimi lehtësisht i kuptueshëm: t’i serviren opinionit “nëna dhe motra terroriste”. U arrestuan katër gra, tre prej të cilave të mbuluara, me qëllim që gratë shqiptare të duken monstruoze edhe për nga paraqitja e jashtme, pra nga veshja e tyre tradicionale me mantel dhe shami që në masë të konsiderueshme në Maqedoni mbajnë gratë në ambiente publike. Lokja e Kumanovës, sikurse e quajtën 60-të vjeçaren Feride Bilallin nga fshati Hotël i Kumanovës, si dhe të rejat Mirvete Jashari, Kimete Demiri dhe Sureja Asipi nga vendbanime të ndryshme të Shkupit provuan të përbalten me akuzën për “terrorizëm dhe radikalizëm islam”. Nga gra të rëndomta, nëna, nuse e motra të përkushtuara për familjen e tyre, aksioni i 26 muajve më parë synoi t’i tjetërsojë në atë çfarë nuk ishin në të vërtetë dhe që me sinqeritetin e modestinë e skajshme e kanë vështirë ta kuptojnë se mundet që shteti ku ata jetojnë t’i etiketojë kaq lehtë për krime me të cilat nuk i lidh asgjë.

Leksioni që duhet ta kenë mësuar

Për 48 orë sa kishte zgjatur arrestimi i saj, Kimete Demiri tregon se ajo dhe shoqet e saja kanë provuar për së afërmi dhunën fizike dhe psikike. Si në polici, ashtu edhe në gjykatë kanë përjetuar urrejtjen dhe paragjykimin mbi baza të identitetit kombëtar dhe fetar. “Na kanë detyruar të falemi në polici. Na kanë akuzuar se jemi kriminele dhe terroriste pasi mbajmë shami. Kemi dhënë shumë sqarime përse lexojmë Kur’an, përse mbajmë mbulesa dhe tjera që lidhen me fenë islame. Më thoshin sa kam qenë në Afganistan dhe se kam luftuar përkrah radikalëve islam. Jemi keqtrajtuar edhe fizikisht, na kanë rrahur e na kanë gjuajtur pa mëshirë. Por, torturat psikike dhe provokimet e inspektorëve ishin edhe më të rënda”, tregon Kimetja. E konsideron veten me fat që nuk ka pranuar ta deklarojë “po”-në e kërkuar me ngulm nga inspektorët për vrasjen makabre të pesë maqedonas te liqeni i Smillkovës, më 12 prill 2012. “Fati i madh që nuk kam pranuar se kemi lidhje me atë vrasje, edhe pse më patën bërë injeksion, mbase për ta humbur vetëdijen. S’di të them çfarë injeksioni ishte ai, por pas një kohe e pashë veten të shtrirë përdhe, në pllaka. Inspektorët hynin e dilnin me IPhone në dorë duke incizuar gjithçka. E humba sërish vetëdijen kur më thanë se prindërit të kanë vdekur, që të dy, edhe nëna edhe babai. Thoshin ta deklaroj se vrasjen e ka bërë im vëlla dhe të më lëshonin mua, që të paktën të shkoj unë në varrimin e prindërve. Vëllai, sikurse mundoheshin të ma mbushnin mendjen mua, edhe ashtu e paska pranuar fajin. Bile më thoshin se paska ardhur edhe daja jashtë të më marrë dhe se më lutej të pranoj se janë të vërteta ato që thoshin inspektorët dhe se kjo qenka në të mirën e të gjithëve. Gjithë kohës më kërkonin vetëm të them “po” dhe asgjë më shumë”.

Tortura dhe dhuna e përjetuar janë kthyer në makth. Dridhet tek sa kujton çastin e intervistës me “njeriun me maskë”. Mund të ishte ora rreth dy e mesnatës, kur në dhomë ia mbërrin një njeri me maskë në fytyrë. I urdhëroi të dalin jashtë të gjithë tjerët, e mbylli derën me çelës, më afrohet pranë dhe më thotë se është i pamëshirshëm edhe me gra dhe se do të bëhet i dhunshëm nëse nuk pranoj të them “po”, rrëfen Kimetja, një vajzë krejt e brishtë, por me zemër të madhe. Mjeranit, që kishte fshehur fytyrën me maskë, mbase nuk i kishte rastisur të përballet me urtësinë dhe krenarinë e gruas shqiptare. Tani ishte çasti kur ai do të njihte një burrneshë. Çasti kur do të merrte leksione trimërie nga një vajzë me shtat të njomë. “I thash se neve shqiptarët flasim sy më sy. E po të jesh ai burrë që tregon kaq trimëri largoje maskën dhe bisedo duke të parë dhe duke më parë në fytyre. Trimëria nuk kallëzohet me gra dhe fëmijë”. Kreatorët e “Monstra”-s nuk kishin llogaritur se do të përballen me burrnesha, të cilat nuk ka dhunë e dredhi që mund t’i mposhtë kur u cenohet nderi dhe e vërteta. Mbase nuk e dinin këtë ose e kishin harruar. Tani duhet ta mësuar, sigurisht…

Vetëm Zotit i besojmë

Njëjtë si Lokja e Kumanovës, Mirvetja (bashkëshortja e Afrimit – i dënuar me burg të përjetshëm) dhe Suraja (bashkëshortja e Halil Demirit, që vuan dënimin për një akuzë tjetër në Kosovë), edhe Kimetja e kishte patjetër ta kalonte kordonin e policëve disa metra të gjatë. “Na kanë grushtuar dhe shqelmuar pa mëshirë. Nuk besoja se do të dal e gjallë nga ai kordon. Loken nga Kumanova e sollën të alivanosur në sallë”. Besoni ose jo, kordoni i policëve, ku desh na morën shpirtin, ishte ngritur në korridorin e Gjykatës! Nuses së Halilit mundoheshin t’ia heqin shaminë nga koka. Loken e sollën të alivanosur në sallë. Më dukej se do të jepte shpirt. Do të pyesni se ku? – Në institucionin ku neve pritnim të vendoset drejtësia. Por, që për fatin tonë të keq, u provua se për shqiptarët myslimanë të Maqedonisë vlejnë ligje të tjera”, nënvizon Kimetja.

Kanë kaluar dy vjet e gjysmë nga ia aksion i mallkuar dhe ajo pranon se edhe më tej ai e trishton në gjumë, e jo vetëm. “Më bëhet se dëgjoj zhurma dhe policë që vijnë të më marrin. Trishtohem e them me vete “Jo, s’ka mundësi”. S’më besohet se ajo gjëmë ra mbi mua, mbi familjen time, se mund të akuzoheshim për vrasje edhe atë për çfarë, për terrorizëm, radikalizëm. Absurde dhe e frikshme njëkohësisht. Jam të paktën krenare që populli shqiptar na beson se nuk jemi ne as terroristë dhe as radikalë. Mbështetja që na kanë dhënë shqiptarët nga gjithë bota, duke dalë në protesta dhe duke mbështetur kërkesat kundër drejtësisë selektive në Maqedoni”, thotë Kimetja dhe vazhdon: “Na kanë shëruar të paktën shpirtin se ka dikush që beson në pafajësinë tonë”. Ajo nuk ka humbur shpresat në urtinë e thënies popullore  “E drejta edhe nëse vonon, nuk harron”. Protestat mbarëshqiptare, sigurisht që ia miklojnë shpirtin dhe ushqejnë shpresën. E nëse jo populli, Zoti do ta nxjerrë të vërtetën në dritë. Është mbështetur tek Zoti dhe vetëm Atij i beson!

Kur preken gratë, shembet morali i shoqërisë 

Ideja e aksionit “Monstra” duket tepër djallëzore: të acarohen marrëdhëniet edhe ashtu të brishta ndëretnike duke rritur në sytë e maqedonasve shkallën e rrezikut nga shqiptarët edhe prej elementit femëror. Xhiroja që bënin fotot dhe incizimet e MPB-së me protagoniste gra shqiptare të mbërthyera krahësh nga policë me maska në fytyrë s’ka si të jetë e rastësishme. Në fakt fytyrat e tyre duhej të errësoheshin ose të mbuloheshin në pamjet dhe incizimet para se të dilnin nga laboratorët e policisë. Fundja, ky është një prej standardeve që policia e shtetit duhet ta zbatojë në respekt të ligjeve vendore dhe ndërkombëtare për mbrojtjen e privatësisë dhe të drejtave të njeriut. Mirëpo, regjisori i “Monstrës” dëshironte të ndërtojë personazhe me fytyra të zbuluara, që kur nesër të dalin në rrugë të identifikohen prej të tjerëve si “montruoze” dhe “terroriste”. Përveç kësaj, me arrestimin, kaqtrajtimin dhe mbajtjen në polici të grave, shqiptarët po goditeshin në pikën më të dobët të moralit shoqëror. Po prekej nderi i familjes! Ato që edhe në kohërat më zymta të historisë edhe në regjime më të egra kanë ditur t’i mbrojnë motrat, gratë dhe nënat e tyre nga shteti (dhuna dhe keqpërdorimi), në përballjen me aksionin “Monstra” dështuan ta bëjnë këtë. Thjesht, e panë se sa të pafuqishëm ishin për të mbrojtur gruan nga dhuna dhe terrori… Po shembet ngrehina e paprekshmërisë.

Ishte ora katër e mëngjesit, atë ditë maji, kur shtëpia e familjes Demiri në dalje të fshatit Haraçinë, ishte nxirë nga forcat e shumta policore. Të gjithë të armatosur deri në dhëmbë kërkonin: ku është Kimete Demiri? – Disa më rrinin me automatikë te koka, të tjerët kontrollonin shtëpinë. Nuk mund të besoja çfarë më shihnin sytë. Ishin aq shumë, sa mendoja se kishin sjellë një batalion të tërë dhe s’di se si nuk rrëzohej shtëpia të na përpinte të gjithë. Po, ç’punë kisha unë me policinë? Nuk e dija nëse isha zgjuar apo isha në ndonjë ëndërr të frikshme, tregon Kimetja, atëherë vetëm 21 vjeçe. Dhunshëm ia vënë prangat dhe e nxjerrin në korridor, ku qëndronte gjithashtu i prangosur Qazmedini. Kthjellet çuditshëm kur mëson se ka një fletarrest si për të ashtu edhe për të vëllanë. Akuzën e mësuan shumë orë më vonë, kur motër e vëlla, rreth orës 9, u shoqëruan në stacionin policor të Proleqes në Shkup. Kishin lënë nënën e palëvizshme dhe të atin e sëmurë në shtëpi. Po niseshin drejt të panjohurës, grackave që ishin vendosur për ta. Kimetja ishte me fat. Një fotografi që ishte planifikuar të shërbente në gjyq si argument për gjoja pjesëmarrjen e saj në vrasjen e Smillkovës, rezultoi të ishte bërë katër ditë para krimit. “Pra, mua më kishin ndjekur, më kishin fotografuar para se të ndodhte krimi për të cilën u akuzova. E mbaj mend shumë mirë edhe vendin ku na kanë fotografuar, në “Ramstore mall”. Ka qenë data 8 prill, e mbaj mend si tani – e kishim lënë të takohemi atë ditë te “Ramstori” me të dashurin, sot bashkëshort i imi, Burhanin. Ishte kthyer nga Austria ku kishte qenë për vizitë te disa familjarë. Pra, ishte ditë e veçantë takimi. Nuk mund ta harroja as datën dhe as mënyrën se si isha veshur. Mbaja një palë xhinse dhe një bluzë. Atëherë isha e pamartuar, dilja pa mbulesë”, deklaron Kimetja. Shpalosja e argumenteve në sallën e gjyqit, ia siguruan lirinë e munguar më parë. Më 3 maj 2012 u kthyen bashkë me Qazmedinin të dërmuar në shtëpi. E kishin liruar po atë ditë edhe Surajën, atëherë e fejuara e tani nusja e Halilit. Sa herë u bie të flasin për këtë histori, binden ende më shumë se ishin viktimë e një procesi të montuar.

Drejtësia për dikë mbërrin më shpejt, ndërsa për tjerët më vonë. E rëndësishme është që shpresat nuk janë humbur dhe se, të mbështetur në Zot, presin që një ditë të lirohen të gjithë të pafajshmit./shenja.mk/

Pasi që ka hyrë në fuqi armëpushimi 72 orësh mes Izraelit dhe Hamasit, palestinezët kanë nisur të kthehen në shtëpitë gërmadha në vendbanimet e tyre në Gaza.

Kthimin e palestinezëve nëpër shtëpitë e tyre e ka paraqitur përmes fotografive fotoreporteri i agjencisë Reuters./Telegrafi/

Disa nga rregullat e fesë Hebreje dhe librit të shenjtë Hebre në raport me popujt tjerë Jo Hebrenjë.

Mardhëniet seksuale me Jo-Hebrenjtë janë sikurse marëdhëniet me kafshët. (Synherdin 74, 8)

Çfar është prostitutja? – Çdo femër e cila nuk është Hebreje ( Eben – Ha – Eser, 6 u. 8)

Vetëm Hebrenjtë janë njerëz, Jo Hebrenjtë nuk janë njerëz, ata janë kafshë (Kerithuth 6b, Seite78, Jebhammoth 61a)

Mbeturinat më të mëdha në këtë botë janë popujt, ato janë errësira të cilët quhen Jo – Hebrenj (Sohar III,125a)

Nëse nuk do të ishin Hebrenjtë në këtë botë, Dielli nuk do të ndriçonte, shiu nuk do të binte dhe asnjë bekim tjetër nuk dë të kishte në tokë. (Talmud, amot 1016)

Ashtu siç janë njerëzit mbi të gjitha kafshët, ashtu janë edhe Hebrenjtë mbi të gjithë popujt të vendosur nga Zoti. (Talmud 1026)

Jo Hebrenjntë janë krijuar që tu shërbejnë Hebrenjëve. Ata patjetër duhet të mbjellin, korrin, vadisin, kosisin. Hebrenjtë janë krijuar për të gjetur gjithçka të gatshme. (Talmud, Berahot58a).

Është e ndaluar të tregohesh i mëshirshëm ndaj jo Hebrenjëve. (Talmud, Ramban).

Zoti i krijoi jo Hebrenjtë, edhe pse ata janë të barabartë me kafshët me pamje njerëzore, për këtë arsye nuk i ngjan një Hebreji ti shërbejë kafshëve. Hebreun e shërbejnë këto kafshë me fytyre njeriu. (Shulhan aruh, Mudrash talpiot 225).

Sa do që popujt e botës të kenë trup të ngjashëm me Izraelitët përsëri ato nëse krahasohen me njeriun duhet të llogariten si majmunë.(Talmud, Shene Lukot 250).

Shtëpitë e jo Hebrenjëve janë shtëpi të kafshëve.(Talmud, Leb.tob. 46a).

Femra e huaj e cila nuk është bijë e Izraelit është një kafshë.(Talmud, Abarbanel).

Të gjithë femrat tjera përveç femrave Hebreje janë lavire (Talmud, Even hekor).

Hebrenjtë duhet ti mesojnë këto pesë rregullat: 1. Të duheni njëri me tjetrin, 2. Ta doni vjedhjen, 3. Ta doni dembelizmin, 4. Urreni Pronarët tuaj, 5. Asnjëherë mos e folni të vërtetën.(Talmud, Pesahim 113a).

Ndaj Jo Hebrenjëve është e lejuar çdo lloj gënjeshtre.(Talmud, Berahot).

Nuk është e lejuar ndaj Hebreut, vëllait tënd ti bësh ndonjë padrejtësi. Ndaj jo Hebreut është e lejuar ti bësh çdo lloj padrejtësie. (Talmud, Geneba 40a).

Zoti ka urdhëruar që ndaj Jo Hebreut ti jipen para me kamatë. Ne në këtë mënyrë nuk i ndihmojmë por e dëmtojmë(Talmud, Sefer Mikvod 73).

Hebrenjtë duhet ta rrisin pasurinë e tyre nëpërmjet kamatës. Ai me ndihmën e Kamatës duhet ti shkatërrojë Jo Hebrenjtë (Talmud, Baba Mecija 70b). /klan.mk/

Në Mal të Zi ka një përpjekje të vazhdueshme për të ndalur valën e personave të besimit islam.

Peshkopi serb në Mal të Zi, Amfilohie Radoviç vazhdon akoma të fyejë myslimanët, duke gjykuar, sipas tij, ngjarjet historike të shekullit të 18-të.

Radoviç, në tubimin e Ilindanit në Sinjajevinë, tubim i cili u mbajt të shtunën e kaluar, tha se "hetimi i të konvertuarve në Islam ishte një ngjarje e rëndësishme historike për Malazezët".

Mirëpo, një gjë e tillë është kundërshtuar nga Bashkësia Islame në Mal të Zi, e cila tha se pikëpamjet sllave kundër myslimanëve nuk kanë ndryshuar aspak dhe aq më e rëndë bëhet situata, kur genocidet kundër myslimanëve konsiderohen si "konvertime". /albeu/

Rritet me shpejtësi vala e reagimeve ndaj masakrës së Izraelit në Rripin e Gazës. Sayeeda Warsi, femra e parë myslimane sekretare e Shtetit në Britaninë e Madhe, njoftoi sot në llogarinë e saj “Twitter” se do të japë dorëheqjen, duke deklaruar se nuk mund të mbështesë më politikën e Londrës zyrtare për Gazën, njofton trt.

“Me një keqardhje të thellë i shkrova këtë mëngjes kryeministrit për t’i dhënë dorëheqjen time. Nuk mund të mbështes më politikën e qeverisë në Gazë”, shkroi Sayeeda Warsi, sekretarja aktuale e Shtetit në ministrinë e Punëve të Jashtme, në llogarinë e saj “Twitter”.

Që nga fillimi i ndërhyrjes izraelite në Gazë, Londra ka mbrojtur të drejtën e Izraelit për t’u mbrojtur, duke kërkuar njëkohësisht një përgjigje “proporcionale”.

Warsi është një politikane me origjinë pakistaneze, që ishte emëruar më shtator 2012 sekretare e Shtetit në ministrinë e Punëve të Jashtme dhe sekretare e Shtetit e ngarkuar me besimet dhe komunitetet. Baronesha Warsi, ish-bashkëkryetare e Partisë Konservatore në periudhën 2010-2012, është anëtare e Dhomës së Lordëve që nga viti 2007.

Falënderimi i takon Allahut, kurse paqja, lavdërimi dhe bekimi i Allahut qofshin me të Dërguarin tonë, Muhamedin, me familjen e tij, shokët e tij dhe me të gjithë ata që e pasojnë.

Gjatë këtyre ditëve e gjithë bota po e ndjek luftën e ashpër që po e bën shteti i jehudëve, në bashkëpunim me shtetet e kufrit (mosbesimit) dhe agjentët e tyre në rajon, kundrejt vëllezërve tanë të shtypur në Rripin e Gazës. Armiku me tiraninë më të madhe dhe terror të paparë po ushtron egërsinë e tij ushtarake duke vrarë, shkatërruar dhe qëlluar qytetarët, përfshirë këtu gratë, fëmijët, xhamitë, strehimoret, spitalet dhe shkollat. Kjo luftë erdhi si shkak i rrethimit të padrejtë politik dhe ekonomik, nga i cili po vuan për më shumë se shtatë vjet Rripi i Gazës. Synimi i tërë kësaj ishte nënshtrimi i këtij vendi të qëndrueshëm ndaj vullnetit të jehudëve pushtues, dobësimi i banorëve të tij dhe çrrënjosja e shpirtit të xhihadit dhe rezistencës nga ky vend dhe banorët e tij.

Kurrsesi nuk u lejohet muslimanëve të heshtin ndaj kësaj fatkeqësie e as të preokupohen me çështje tjera të mëdha, që kanë të bëjnë me vendin tonë, duke lënë anash këtë çështje, sepse muslimanët janë si një trup; muslimani gëzohet për gëzimin e vëllait të vet dhe pikëllohet për pikëllimin e tij, madje muslimanët bëjnë gara për të ndihmuar njëri-tjetrin me të gjitha llojet e mundshme të ndihmesës pa përtuar dhe pa u ngadalësuar, duke zbatuar kështu fjalën e Allahut të Plotfuqishëm: "Besimtarët dhe besimtaret janë miq për njëri-tjetrin". [Et-Teube, 71].

Për këtë arsye, nënshkruesit e kësaj deklarate, duke dashur të zbatojnë amanetin që e ka marrë Allahu prej tyre dhe obligimin për të ndihmuar banorët e Gazës, japin mesazhet vijuese:

Mesazhi i parë: Drejtuar vëllezërve tanë të palëkundshëm në Gaza, duke përfshirë pleqtë, gratë dhe fëmijët, të cilët i nxisim të vazhdojnë me qëndrueshmërinë, lavdinë, forcën dhe sakrificën e tyre të madhe dhe njëherazi i porosisim të pajisen me durim, devotshmëri dhe ibadet ndaj Allahut, siç thotë Allahu i Lartësuar: "Kërkoni ndihmën e Allahut me durim e me namaz!" [El-Bekare, 45] Sepse "Vërtet, Allahu është me ata që e kanë frikë dhe që janë punëmirë". [En-Nahël, 128] Atij, me të cilin është Allahu, aspak nuk i bën dëm kurthi i armikut, siç thotë Allahu i Lartësuar: "Nëse ju duroni dhe ruheni nga gjynahet, dinakëritë e tyre nuk mund t’ju dëmtojnë aspak". [Ali-'Imran, 120] Dhe, siç thotë i Dërguari i Allahut, Muhamedi, lavdërimi dhe bekimi i Allahut qofshin mbi të: "Vërtet, Allahu e ndihmon këtë umet me të dobtët e tyre; me lutjet, namazin dhe çiltërsinë e tyre". [Këtë hadith e shënon Nesaiu, kurse Albani e cilëson si të shëndoshë (sahih)].

Prej fryteve të durimit dhe devotshmërisë janë: Mbështetja e çiltër në Allahun, të drejtuarit nga Ai për të gjitha çështjet, kërkimi i ndihmës nga Ai dhe strehimi i vërtetë tek Ai me lutje, duke zbatuar kështu urdhrin e Allahut, në të cilin thuhet: "Lutmuni Mua, se do t’ju përgjigjem!" [Gafir, 60] Dhe, duke ndjekur shembullin e të Dërguarit të Allahut. Prandaj, thoni sikurse thoshte i Dërguari i Allahut: "Allahu ynë, o zbritës i Librit, lëvizës i reve, mposhtës i grupimeve, mposhti ata dhe ndihmona kundër tyre" [Buhariu dhe Muslimi].

Shpresojmë të bëni pjesë të madhe në fjalën e të Vërtetit, të Madhërishmit: "Sa e sa profetë bashkë me shumë besimtarë të vërtetë luftuan e megjithatë nuk u përkulën para goditjeve që morën në rrugën e Allahut, as nuk u dobësuan e as nuk u nënshtruan. Allahu i do të duruarit." [Ali-'Imran, 146]

Ju porosisim të jini mburojë dhe mbështetje për heronjtë e rezistencës, të qëndroni me ta krah për krah, t'i mbroni nga mbrapa, t'ua ruani familjet atyre, kur ata nuk janë të pranishëm, dhe t'ua këpusni rrugën shkatërrimtarëve, të cilët duan t'i përçajnë radhët tuaja dhe t'jua prishin unitetin. Andaj, ju porosisim me fjalën e Allahut: "Të gjithë mbahuni fort për litarin e Allahut (Kuranin) dhe mos u përçani!" [Ali-'Imran, 103]

Mesazhi i dytë: Këtë mesazh ua drejtojmë muxhahidëve të pathyeshëm në fushëbetejë, të cilët tronditën sionistët, madje tërë botën, me qëndrueshmërinë e tyre të pamposhtur dhe veprat e tyre heroike, dhe treguan trimëri të rrallë duke qëndruar të pathyeshëm në fytyrë të armikut dhe arritjen e tyre për të zhvendosur betejën në thellësinë e sionistëve dhe mbrapa radhëve të tyre. Ne i porosisim ata me fjalët, me të cilat i porositi Allahu muxhahidët që luftojnë në rrugën e Tij: "O besimtarë, kur të ndesheni me ndonjë forcë armike, qëndroni të patundur dhe përmendni shumë Allahun që të fitoni." [El-Enfal, 45] Kini mendim të mirë për Allahun e Plotfuqishëm, kijeni në synim vetëm Allahun dhe ndihmojeni Atë, duke iu bindur Atij, duke i zbatuar urdhrat e Tij dhe duke u ndaluar nga gjërat që na i ka ndaluar, "Vërtet, Allahu e ndihmon këdo që e ndihmon Atë. Allahu është vërtet i Fortë dhe i Plotfuqishëm", [El-Haxh, 40] "Është detyra Jonë që t’i ndihmojmë besimtarët". [Er-Rrum, 47]Atyre që u ndihmon Allahu, nuk u bën dëm kundërshtimi që ua bëjnë kundërshtarët e as tradhtia që ua bëjnë tradhtarët. Andaj, mos ia vini veshin thirrjeve të kundërshtarëve, me të cilat zhurmojnë mediet tona dhe skena jonë politike. "(Ata) të cilëve njerëzit (hipokritë) u thanë: “Shumë njerëz po mblidhen kundër jush, prandaj frikësohuni!” e kjo gjë ua shtoi atyre besimin dhe thanë: “Neve na mjafton Allahu, Ai është mbrojtës i mrekullueshëm!”" [Ali-'Imran, 173]

Meqenëse kjo betejë e përgjakshme është vendimtare në historinë e konfliktit me armikun sionist dhe aleatët e tij, porosisim krahun politik të rezistencës të jenë të qëndrueshëm në këtë çështje dhe të mos dorëzohen ndaj presionit të vazhdueshëm nga brenda dhe jashtë. Derisa armiku nuk ka mundësi t'jua thyejë qëndrueshmërinë tuaj në fushëbetejë, mos lejoni që t'jua thyejë atë përmes negociatave politike. Kujtoni porositë e Zotit tuaj, i Cili thotë: "Mos u tregoni të dobët në ndjekjen e jobesimtarëve! Nëse ndjeni dhembje prej luftës, edhe ata ndiejnë dhimbje ashtu si edhe ju. Mirëpo ju shpresoni prej Allahut atë që ata nuk e shpresojnë. Allahu është i Gjithëdijshëm dhe i Urtë." [En-Nisa, 104] "Mos u ligështoni dhe mos u pikëlloni, sepse ju, gjithsesi jeni më të lartët, nëse jeni besimtarë të vërtetë." [Ali-'Imran, 139]

Në këtë drejtim, ne theksojmë se është tejet e rëndësishme që vëllezërit tanë muxhahidë në Gaza të jenë vigjilentë kundrejt kurthave të armikut safevit iranian dhe punëtorëve të tyre siç është "Hizbu'l-Lat", i cili mund ta shfrytëzojë tradhtinë e qeverive arabe për të ndihmuar vëllezërit e tyre, në mënyrë që të fitojnë me disa qëndrime të tyre simpatinë e disa të shkujdesurve nga bijtë e umetit tonë. Ai është armiku që ua shfaqi dhëmbët vëllezërve tanë në Siri dhe Irak, si t'u besojmë atëherë atyre pas gjithë kësaj?! O muxhahidë, shkëputni zemrat tuaja me krijesat dhe lidhni ato me Krijuesin, duke marrë në të njëjtën kohë shkaqet e lejuara.

Mesazhi i tretë: Këtë mesazh ua dërgojmë muslimanëve në përgjithësi. Ne ua kujtojmë atyre hakun e vëllazërisë islame, meqë sikurse thotë Allahu "Në të vërtetë, besimtarët janë vëllezër." [El-Huxhuratë, 10]Gjithashtu, i Dërguari ynë, Muhamedi, paqja dhe lavdërimi i Allahut qofshin mbi të thotë: "Shembulli i besimtarëve në dashurinë, mëshirën dhe dhembshurinë që kanë mes tyre është sikurse shembulli i një trupi të vetëm, në qoftë se ankohet një gjymtyrë i tërë trupi vuan nga pagjumësia dhe ethet". [Muslimi]. Vëllazëria është një lidhje madhështore e imanit, e cila bashkon gjymtyrët e trupit të muslimanit. Frytet e saj janë: përkrahja, ndihmesa dhe përpjekja për largimin e zullumit me të gjitha shkaqet e mundshme. Prej shkaqeve më madhështore është të drejtuarit Allahut me lutje, po ashtu duke bërë dua të kunutit në të gjitha namazet dhe duke shpejtuar për të ndihmuar banorët e Gazës materialisht dhe moralisht me të gjitha llojet e ndihmës. Është përcjellë nga i Dërguari i Allahut, paqja dhe lavdërimi i Allahut qofshin mbi të, të ketë thënë: "Gjaku i muslimanëve është i barabartë, hakun e tyre e kërkon ai që është më i dobët, kurse ua kthen atë ai që është më i fortë, dhe ata janë si një dorë e bashkuar kundër të tjerëve". [Hadithin e shënojnë Ebu Davudi dhe Nesaiu, kurse Albani e cilëson si të shëndoshë].

Moskryerja e këtij obligimi si duhet është prej shkaqeve të trazirave dhe shkatërrimit. Allahu i Lartësuar thotë: "Kurse jobesimtarët janë miq e mbrojtës të njëri-tjetrit. Nëse nuk veproni ashtu siç jeni urdhëruar, do të bëhet ngatërresë dhe shkatërrim i madh në Tokë." [El-Enfal, 73]Imam Taberiu, shpjegon se ky ajet ka këtë kuptim: "Në qoftë se nuk e bëni atë që ju urdhëroj për të përkrahur dhe ndihmuar njëri tjetrin në fe, do të ketë trazira në tokë".

Sot po e shohim se si po bashkohen fuqitë më të mëdha botërore për të mbështetur thjeshtrën e tyre, shtetin e armikut sionist, siç bëhet me dije nga Senati Amerikan, se kupola e hekurt është mbështetur me një shumë prej 225 milionë dollarësh. Kjo na detyron neve t'ia shtrojmë një pyetje të madhe botës arabe dhe asaj islame, në të cilën thuhet: Sa e madhe është mbështetja jonë në botën arabe për të rindërtuar atë që është shkatërruar, për të mjekuar të plagosurit dhe për të ngushëlluar banorët e Gazës?! Muslimanëve u takon më shumë ta ndihmojnë njëri tjetrin! Madje, nuk bën ta kufizojmë ndihmon tonë vetëm në kohën e luftës, ngaqë plagët janë tepër të mëdha dhe nevoja e tyre është shumë e madhe. Jemi të obliguar të vazhdojmë t'i ndihmojmë ata, për t'ua shuar dhembjet dhe për t'ua pakuar plagët. Mbase, në fazën e pasluftës nevoja mund të jetë edhe më e madhe. Allahu i Madhërishëm thotë: "Ja, juve ju bëhet thirrje të shpenzoni në rrugën e Allahut, por disa prej jush janë koprracë. Kush tregohet koprrac, ta dijë se i bën dëm vetes, sepse Allahu është i Pasur (s’ka nevojë për asgjë), ndërsa ju jeni të varfër. E, nëse ju ia ktheni shpinën dhe i largoheni Atij, Ai do t’ju zëvendësojë me një popull tjetër, i cili nuk do ta ndjekë shembullin tuaj". [Muhammed, 38].

Mesazhi i katërt: Këtë mesazh ua drejtojmë dijetarëve dhe thirrësve të umetit, duke ua kujtuar atyre përgjegjësinë e madhe që kanë përpara Allahut të Plotfuqishëm për të ndihmuar të shtypurit dhe për të dhënë mundin e tyre për të ndalur dhe për të zmbrapsur zullumqarët, kushdo qofshin ata, dhe njëherazi për të sqaruar të vërtetën rreth kësaj çështjeje pa hezitim dhe pa u ngadalësuar. Çfarë hajri mund të ketë në atë njeri që i sheh eshtrat e muslimanëve të shkapërderdhura dhe gjakun e tyre duke rrjedhur si lumenj, kurse ai qëndron gjakftohtë dhe me gjuhë të heshtur?!

Mbështjetja e umetit tonë në dijetarë dhe thirrës është e madhe. Ne lusim Allahun t'i mbrojë ata nga kërcënimi i Allahut dhe kërcënimi i të Dërguarit të Tij, lavdërimi dhe bekimi i Allahut qofshin mbi të, për atë që e fsheh dijen dhe e fsheh të vërtetën ose që u bën shtrembërime muslimanëve dhe i ndihmon zullumqarit qoftë edhe me gjysmë fjale.

Sikurse që përgjegjësia e dijetarëve dhe thirrësve është shumë e madhe po ashtu edhe pasanikët dhe gazetarët nga bijtë e umetit tonë kanë një përgjegjësi të madhe për përmbushjen e nevojave të banorëve të Gazës dhe për mbështetjen e tyre dhe po ashtu për të penguar dëmin që ua bëjnë atyre mendjelehtët.

Mesazhi i pestë: Këtë mesazh ua drejtojmë sionistëve arabë, të cilët gëzohen për fatkeqësinë e rezistencës dhe përpiqen ta shëmtojnë imazhin e saj. Për të tillët Allahu thotë: "Ti i sheh ata me zemra të sëmura, sesi vrapojnë për t’u lidhur me ata (hebrenjtë) duke thënë: “Druajmë se mos po na godet ndonjë fatkeqësi”." Ne u themi atyre, siç thotë Allahu i Plotfuqishëm: "Mbase Allahu do të sjellë fitore ose diçka tjetër nga ana e Tij, kështu që ata do të pendohen për atë që kanë fshehur në veten e tyre." [El-Maide, 52]Me lejen e Allahut, së shpejti do të pendoheni për qëndrimet tuaja të turpshme.

Ndërsa, muslimanëve në përgjithësi u themi: Gaza ua shfaqi fytyrën e shëmtuar këtyre munafikëve nga udhëheqësit, intelektualët dhe gazetarët. Gjithashtu ju bëjmë me dije se shumica e këtyre qëndrimeve të turpshme nuk janë thjesht vetëm për të kundërshtuar një fraksion të caktuar politik, por kjo është tradhti ndaj umetit, rënie në kënetën e varësisë dhe të miqësimit me armiqtë që na luftojnë. Falënderimi i takon Allahut që shfaqi prishjen dhe mashtrimin e tyre. Mbase në këtë luftë mund të ketë të mira të shumta, siç thotë Zoti ynë i Plotfuqishëm: "Është e mundur që juve të mos ju pëlqejë diçka, por që Allahu në atë do t’ju sjellë shumë të mira", [En-Nisa, 19] sikurse që është dhënia shpresë umetit se ajo ka forcë të ballafaqohet me armikun më të vështirë (jehudët) dhe shfaqja e armiqve invalidë e të fshehur (munafikëve).

Mesazhi i gjashtë: Ky mesazh u drejtohet qeverive të rajonit. Ne u themi atyre t'i frikësohen Allahut për komplotin që po e bëjnë me armikun sionist dhe për tradhti ndaj muslimanëve të shtypur e të dobët, sepse i Dërguari i Allahut, paqja dhe lavdërimi i Allahut qofshin mbi të, ka thënë: "Atë njeri që tradhton ndonjë musliman në ndonjë vend, duke prekur nderin e tij a duke cenuar shenjtërinë e tij, Allahu do ta tradhtojë atë në një vend ku do të dëshirojë ta ndihmojë Allahu". [Këtë hadith e shënojnë Imam Ahmedi dhe Ebu Davudi, kurse Albani e cilëson si hasen (të mirë)].

Në të kaluarën dëgjonim nga ju denoncime dhe mospajtime, ndërsa tashmë po e shohim që disa nga ju kanë hequr dorë edhe nga kjo gjë e pakët, madje po e shfaqin haptazi tradhtinë e tyre dhe bashkëpunimin me armikun. Andaj, ne ju paralajmërojmë nga bërja zullum dhe përfundimi i tij me fjalët e Allahut: "Sigurisht, do të humbë ai që do të mbartë padrejtësi". [Ta ha, 111].

Ne, së bashku me të gjithë muslimanët, i bëjmë thirrje qeverisë së Egjiptit që ta hapë shpejt dhe përgjithmonë vendkalimin kufitar të Rafahut dhe ta thyejë bllokadën e padrejtë në Rripin e Gazës. Bllokimi i përhershëm, edhe po të mos ishte në kohëra të vështira sikurse kjo, do të numërohej zullum i madh, tradhti e madhe, komplot me armikun që lufton kundër nesh dhe qëndrim në radhët e tyre kundër umetit, e si është puna në këtë sprovë të hidhur?!

Gjithashtu, ua kujtojmë të gjitha qeverive se planet e kryqtarëve, të sionistëve dhe të safevive në rajon nuk do ta përjashtojnë askënd, andaj shmangeni nga vetja poshtërimin e dunjasë para se t'ju vijë dënimi i botës tjetër!

Për fund, i themi botës mbarë: Neve, në çdo fatkeqësi nëpër të cilën kalon ky umet e posaçërisht në çështjen e Palestinës, vetëm sa na shtohet bindja për racizmin e shumicës së qeverive perëndimore dhe të organizatave të kombeve të ndryshme, dhe për standardet dhe vlerat e tyre të dyfishta dhe i kuptojmë gënjeshtrat e tyre, të cilat i përsërisin vazhdimisht, siç janë parullat për të drejtat e njeriut e të ngjashme. Përndryshe, çfarë kuptimi ka heshtja ndaj krimeve të luftës, vrasjeve dhe gjenocidit që po e bëjnë sionistët para syve dhe veshëve të botës?! Madje, perëndimi po e tejkalon heshtjen duke i mbështetur ata materialisht dhe me pjesëmarrje të njerëzve të tyre në luftë bashkë me sionistët kundër muslimanëve në Gaza, siç është raportuar në media!

A nuk ka ardhur koha që të mençurit e botës të dalin përballë padrejtësisë dhe t'i ngritin zërat me plot guxim për ta thënë të vërtetën dhe për ta zbatuar drejtësinë?!

Lusim Allahun të largojë vështirësitë dhe belanë nga vëllezërit tanë në Gaza dhe nga të gjithë vëllezërit tanë të shtypur në Sham (Siri), në Irak, në Libi dhe në Jemen dhe të zbresë dënimin e Tij mbi popullin kriminel! E lusim Atë gjithashtu ta përmirësojë gjendjen e muslimanëve, ngase Ai ka mundësi dhe fuqi ta bëjë këtë! Paqja dhe lavdërimi i Allahut qofshin mbi pejgamberin tonë, Muhamedin dhe mbi familjen dhe shokët e tij.

Më 07.10.1435 h. (04.08.2014)

Burimi: http://almoslim.net/node/215340
Në shqip: Shembulli.com

Emrat e nënshkruesve të kësaj deklarate:

1. Shejh Dr. Abdullah ibn Muhamed El-Gunejman

2. Shejh Dr. Muhamed ibn Nasir Es-Suhejbanij

3. Shejh Dr. Abdurahman ibn Salih El-Mahmud

4. Shejh Sulejman ibn Vail Et-Tuvejxhiri

5. Shejh Prof. Dr. Nasir ibn Sulejman El-Umer

6. Shejh Prof. Dr. Sead ibn Abdullah El-Humejd

7. Shejh Ahmed ibn Abdullah Al Shejban

8. Shejh Dr. Abdullah ibn Hamd El-Xhelali

9. Shejh Dr. Ahmed ibn Abdullah Ez-Zahrani

10. Shejh Dr. Muhamed ibn Seid El-Kahtani

11. Shejh Prof. Dr. Sulejman ibn Hamed El-Audeh

12. Shejh Prof. Dr. Alij ibn Seid El-Gamidij

13. Shejh Dr. Abdulaziz ibn Abdul-muhsin Et-Turkij

14. Shejh Dr. Ibrahim ibn Nasir En-Nasir

15. Shejh Prof. Dr. Sulejman ibn Kasim El-Ijd

16. Shejh Dr. Halid ibn Abdurahman El-Uxhejmi

17. Shejh Fehd ibn Sulejman El-Kadij

18. Shejh Fehd ibn Muhamed ibn Asakir

19. Shejh Muhamed ibn Sulejman El-Mesud

20. Shejh Dr. Abdullah ibn Abdurahman El-Vetban

21. Shejh Dr. Hasen ibn Salih El-Humejdi

22. Shejh Dr. Abdulaziz ibn Muhamed Al Abdil-Latif

23. Shejh Sead ibn Nasir El-Gannam

24. Shejh Abdullah ibn Fehd Es-Selumij

25. Shejh Abdullah ibn Nasir Es-Sulejman

26. Shejh Alij ibn Ibrahim El-Muhejsh

27. Shejh Dr. Muhamed ibn Abdulaziz El-Hudejri

28. Shejh Dr. Muhamed ibn Abdullah Ed-Duvejsh

29. Shejh Prof. Dr. Abdurahman ibn Xhemil Kasas

30. Shejh Dr. Salih Abdullah El-Hedhlul

31. Shejh Dr. Muhamed ibn Abdullah El-Hudejri

32. Shejh Dr. Sulejman ibn Muhamed ibn Abdullah El-Uthejm

33. Shejh Alij ibn Ahmed Alu Is-hak

34. Shejh Ibrahim ibn Abdurahman Et-Turkij

35. Shejh Dr. Musfir ibn Abdullah El-Bevardij

36. Shejh Dr. Abdulaziz ibn Abdullah El-Mubdel

37. Shejh Dr. Abdullah ibn Abdulaziz Ez-Zajidi

38. Shejh Abdurahman ibn Abdulaziz Ebanmij

39. Shejh Hamed ibn Ibrahim El-Hajderij

40. Shejh Ahmed ibn Abdurahman Ez-Zuman

41. Shejh Dr. Abdullah ibn Nasir Es-Subejh

42. Shejh Abdurahman ibn Alij El-Mushejkih

43. Shejh Sulejman ibn Abdullah Es-Suvejd

44. Shejh Mahmud ibn Ibrahim Ez-Zahranij

45. Shejh Mesud ibn Husejn ibn Sahnun

46. Shejh Dr. Muhamed ibn Abdulaziz El-Lahim

47. Shejh Prof. Dr. Nasir ibn Jahja El-Hunejni

48. Shejh Muhamed ibn Abdulaziz El-Maxhid

49. Shejh Abdulaziz ibn Abdullah El-Vuhejbi

50. Shejh Abdullah ibn Alij Er-Rabi'

51. Shejh Abdullah ibn Umer Es-Suhejbani

52. Shejh Ahmed ibn Muhamed Bathaf

53. Shejh Xhemaz ibn Abdurahman El-Xhemaz

54. Shejh Dr. Ibrahim ibn Muhamed Abas

55. Shejh Dr. Halid ibn Muhamed El-Maxhid

56. Shejh Dr. Nasir ibn Muhamed El-Ahmed

57. Shejh Hamud ibn Dhafir Esh-Shihrij

58. Shejh Dr. Sulejman ibn Abdullah Es-Sejf

59. Shejh Alij ibn Jahja El-Karafij

60. Shejh Isa ibn Dirzij El-Meble'

61. Shejh Abdullah ibn Alij El-Gamidij

62. Shejh Abdullah ibn Abdulaziz El-Mubrid

63. Shejh Abdulmelik ibn Alij El-Muhsin

64. Shejh Umer ibn Abdulaziz El-Kubejsi

65. Shejh Hamdan Abdurahman Esh-Sherkij

66. Shejh Abdulaziz Abdullah El-Vuhejbi

67. Shejh Ahmed ibn Salih Es-Samani

68. Shejh Halid Muhamed El-Burejdi

69. Shejh Sad ibn Alij El-Umerij

70. Shejh Muhamed ibn Seid Bafil

71. Shejh Ibrahim ibn Hadran Ez-Zahranij

72. Shejh Salim ibn Faiz El-Halaf

73. Shejh Ahmed Abdullah Er-Raxhihij

74. Shejh Fehd ibn Nasir El-Harbij

75. Shejh Ahmed ibn Abdullah Er-Rubejsh

76. Shejh Abdullah ibn Muhamed El-Burejdi

77. Shejh Feuzan ibn Abdullah El-Feuzan

78. Shejh Rashid ibn Abdulaziz El-Humejd

79. Shejh Muhamed ibn Abdulaziz El-Gufejli

80. Shejh Abdullah ibn Sulejman El-Umejranij

81. Shejh Uthman ibn Abdurahman El-Humejdan

82. Shejh Hamed ibn Sad Eth-Thubejti

83. Shejh Abdullah ibn Alij El-Hetanij

84. Shejh Abdulaziz ibn Muhamed En-Nugejmeshi

85. Shejh Muhamed ibn Mubarek ibn Xherbu'ë

86. Shejh Hamed ibn Ibrahim El-Ubejdij

Ditë më parë në Kaçanik mori flakë banesa ku ka jetuar dëshmori Milaim Loku.

Të lënduar nga djegia nuk ka patur, por vetëm dëme të mëdha materiale.

Fotot e publikuara nga Express, tregojnë se shtëpia është shkrumbuar e tëra, ndërsa prej saj ka arritur të shpëtojë pa u djegur një libër me thënie të arta nga profeti Muhamed.

Zbulohen fotografi tronditëse dhe të rënda shihen në morgun e Gazës të cilat janë tejmbushur deri në atë masë sa që mjekët janë duke u detyruar që trupat e fëmijës të vdekur t’i vëndojnë në frigoriferat e akulloreve, transmeton TetovaSot.

Kombet e Bashkuara kanë paralajmëruar se shërbimet mjekësore e Gazës janë “në prag të kolapsit ‘ përshkak të numrit të madh të viktimave dhe gjysma e mjekëve përshkak të pamjes së rëndë të viktimave janë të paaftë për t’u marrë me punë.

Familja Al-Ghol, e cila humbi nëntë anëtarë, disa fëmijë ishin të vendosur në një frigorifer, sepse nuk kishte vend për ta në morgun e Rafah.

Izraeli njoftoi një tjetër armëpushim humanitar shtatë-orëshe, duke filluar nga ora 10:00 sipas kohës lokale (08:00) këtë mëngjes, por palestinezët menjëherë akuzuan Izraelin për shkeljen e armëpushimit, e cila ka gjuajtur me bombë në një shtëpi në qytetin e Gazës.

Zëdhënësi i Ministrisë së Shëndetësisë Gaza Ashraf Al-Qidra tha se 15 vetë u plagosën në shpërthimin e një shtëpie në kampin Shati, kryesisht gra dhe fëmijë.

KUJDES: Pamjet janë të rënda nuk preferohet për persona nën moshën +18 dhe për publik të ndjeshëm.

Izraeli duke filluar prej 7 korrikut e këtej është duke bërë gjakderdhje të madhe në Rripin e Gazës.

Forcat izraelite vazhdojnë të bombardojnë Gazën pa bërë dallim në gra, fëmijë, e të moshuar.

Bilanci i luftimeve në Gazë vjen duke u rritur çdo ditë e më shumë.

80% të numrit të të vrarëve e përbëjnë civilët ndërsa sistemi shëndetësor i Rripit të Gazës ndodhet para falimentimit.

Sepse Izraeli gjatë bombardimeve si objektiv merr spitalet, ambulancat dhe punonjësit shëndetësor.

Sulmi i fundit i Izraelit ndaj një shkolle të OKB-së në Refah dhe vrasja e fëmijëve dhe civilëve të pafajshëm me pretekst se Hamasi sulmoi me raketa tërhoqi reagimin e madh të opinionit ndërkombëtar.

Tani e gjithë bota dëshiron që këto masakra të marrin fund sa më parë.

James Rawley koordinatori për ndihma humanitare të Kombeve të Bashkuara në rajon, reagoi ashpër ndaj sulmit të shkollave të OKB-së të shpallura si zona të mbrojtura nga sulmet izraelite.

“Këto sulme të bëra ndaj fëmijëve janë mizore”, deklaroi Rawley ndërsa shtoi se “Banorët e Gazës nuk kanë ndonjë vend të sigurt për strehim”.

Rawley tha se kanë bërë atë që është e mundur për banorët e Gazës, por barra që mbajnë vjen duke u rënduar çdo ditë e më shumë dhe se kjo dramë njerëzore duhet të marr fund sa më parë.

Prej fillimit të sulmeve të Izraelit më 7 korrik rreth 1 mijë e 460 palestinezë u detyruan të braktisin dhe të largohen nga shtëpitë e tyre./trt/

Disa shqiptarë janë duke luftuar kundër forcave proruse në qytetin ukrainas Donjeck, kanë lajmëruar shumë media ndërkombëtare duke u thirrur në burime të shërbimeve sekrete.

Sipas tyre, ushtarët shqiptarë, krah për krah me ushtarë ukrainas mbrojnë aeroportin në qytetin Donjeck.

Mediat kanë njoftuar për “shqiptarë që mbrojnë aeroportin e Donjeckut” nga forcat provuese, pa precizuar nëse bëhet fjalë për shqiptarë nga Shqipëria, Kosova apo Maqedonia, transmeton "Lajm".

Ministri i mbrojtjes së forcave proruse në të ashtuquajturën “Republikë e Donjeckut”, Igor Strellkov, ka komentuar informacionin për prezencën e shqiptarëve në aeroportin e Donjeckut, duke mos konfirmuar apo demantuar atë.

“Po, kam dëgjuar për këtë informatë të shërbimeve sekrete, por nuk mundem ta konfirmoj atë”, ka deklaruar Strellkov.

Djem dhe vajza të reja mësohen se si të godasin me “Kallashnikov” , bëjnë stërvitje të ndryshme fizike dhe flejnë në shpella.

Këto janë disa nga fotografitë e tmerrshme që tregojnë se çka ndodhë në “Kampin Ortodoks për të Rinj” (SPOK) shkruan “Blic” i Serbisë.

Këtë stërvitje muajin e kaluar në malin Kuçaj në pjesën perëndimore të Serbisë e ka organizuar “Kisha e vërtetë ortodokse e Serbisë”.

Fëmijë në moshë prej shtatë deri më 17 vjet disa ditë me radhë iu nënshtrohen stërvitjeve aktive luftarake , duke ecur me kilometra, duke fjetur në shpella dhe të veshur me rroba të luftës(uniforma) trajnojnë gjuajtje me pushkë të ashtuquajtur “eirsoft”(airsoft).

-Ky nuk është vetëm një kamp religjioz, por një kamp i kuq patriotik, ku ne i mësojmë të rinjtë se si ta mbrojnë atdheun dhe popullatën. Tani që ushtria nuk është e detyrueshme mbrojtja e atdheut është një detyrë. Kjo është një kamp veror i cili zgjat vetëm dhjetë ditë e jo një vit, ndërsa prindërit me vetëdëshirë i dërgojnë fëmijët e tyre këtu, ka thënë për gazetën peshkopi serb Akakij.

[youtube height="400" width="100%" align="none"]https://www.youtube.com/watch?v=mBhTyYCBLjM[/youtube]

Me kalimin e vetëm 15 minutave nga shpallja e armëpushimit të njëanshëm ushtria izraelite organizoi një sulm ndaj kampit të refugjatëve esh-Shati në perëndim të vendit.

Mësohet se në këtë sulm janë plagosur 30 persona.

Ushtruesi i detyrës së zëdhënësit të Ministrisë së Shëndetësisë të ish-qeverisë palestineze në Gazë, Eshref el-Kudra ka thënë se “Sulmi që si objektiv kishte familjen el-Bekri që jetonte në kamp janë plagosur 30 persona. Në mesin e të plagosurve të dërguar në spital disa janë në gjendje kritike”.

Izraeli deklaroi sot vendosjen e një armëpushimi të njëanshme 7 orësh që do të jetë i vlefshëm për pjesën jugore të Rripit të Gazës.

Izraeli më 7 korrik kishte filluar një operacion gjithëpërfshirës ndaj Rripit të Gazës nga toka dhe deti të quajtur “Fronti mbrojtës”, ndërsa më 17 korrik filloi me operacione tokësore.

Prej fillimit të sulmeve izraelite numri i të vrarëve në Rripin e Gazës arriti në 1 mijë e 840 ndërsa i të plagosurve në 9 mijë e 400 persona.

Ndërkohë bëhet e ditur se vazhdojnë edhe humbjet e trupave tokësore izraelite.

Numri i ushtarëve të vrarë izraelit doli në 64, ndërkaq për shkak të humbjeve të mëdha opinioni publik i Izraelit është ndarë në dysh.

Sepse një pjesë e madhe e izraelitëve dalin kundër armëpushimeve dhe bëjnë thirrje për shtimin e sulmeve për tu hakmarrë për ushtarët e vrarë, ndërsa pjesa tjetër numri i të cilëve vjen duke u rritur humbjet i cilësojnë si dështim.

Në anën tjetër bëhet e ditur se Danjall Kamil Mansur njëri prej komandantëve të Lëvizjes së Xhihadit Islamik, ka rënë dëshmor në sulmet e forcave izraelite./trt/

Ushtria izraelite ka vazhduar sulmet brutale përreth qytetit Rafah në jug të Rripit të Gazës edhe të dielën.

Zyrtarët mjekësor palestinez kanë raportuar se gjatë sulmeve me raketa afër shkollës së Kombeve të Bashkuara janë vrarë së paku 10 persona, derisa janë lënduar afër 40 të tjerë.

Në një fotografi të publikuar nga sulmet e sotme në Rafah, shihet e vdekur nja vajzë rreth 4-5 vjeç e cila qëndron e shtrirë pranë një burri tjetër po ashtu të vdekur. Fotografia është bërë nga Ibraheem Abu Mustafa, fotoreporter i Reutersit. Kjo pamje ka tmerruar botën.

Deri me tash në luftimet afërisht njëmujore ndërmjet ushtrisë izraelite dhe Hamasit, kanë pësuar më shumë se 1400 palestinez, në mesin e tyre rreth 300 fëmijë. /Indeksonline/

Të paktën 10 persona kanë gjetur vdekjen pas një sulmi nga ajri, pranë një shkolle të mbikëqyrur nga OKB-ja, në të cilën strehoheshin të zhvendosurit nga konflikti i Gazës, bëjnë të ditur burime mjekësore palestineze.

Nga sulmi u godit hyrja e godinës në Rafah, ku mijëra palestinezë thuhet se janë strehuar. Ushtria izraelite nuk ka dhënë asnjë koment, por ka rinisur fuqishëm ofensivën e saj në Gaza.

Zyrtarët e shëndetësisë në Gaza than se 30 vetë kanë vdekur gjatë së dielës, ndërsa militantët vazhdojnë të hedhin raketa në drejtim të Izraelit. Shkëmbimi i fundit i luftimeve erdhi pasi ushtria izraelite bëri të ditur se një ushtar, i cili dyshohej të ishte marrë peng, është konfirmuar tashmë i vdekur, transmeton TCH.

Shifrat zyrtare më të fundit, të publikuara nga Ministria e Shëndetësisë në Gaza, bëjnë të ditur se numri i përgjithshëm i viktimave ka shkuar në 1740 palestinezë, si dhe 9080 të tjerë janë plagosur që prej nisjes së konfliktit, më shumë se 3 javë më parë.

Rrjeti i famshëm televiziv "Al Jazeera" po përgatitet të shfaqë pas disa javësh një dokumentar ku do të flitet për një Lazarat pa marijuanë dhe pa "rebelë". Ata ishin dje në Lazarat ku intervistoi banorë, drejtues të pushtetit lokalë dhe besimtarë myslimanë, të cilët ishin të vetmit që nuk kultivuan kanabis në tokat e tyre.

Al Jazeera shoqërohej nga kryetari i Komunitetit Mysliman Shqiptar, Skënder Bruçaj. Ai shprehu mbështetje për banorët e Lazaratit, si dhe vlerësoi faktin që besimtarët myslimanë nuk kultivuan drogë.

"Veçantia e dokumentarit është se tashmë ai paraqet një fshat normal ku njerëzit e sigurojnë jetën me punë të ndershme. Në dokumentarin tonë ne do ti kushtojmë një vend të veçantë grupit të besimtarëve në këtë fshat të cilët nuk kultivuan bime narkotike", u shprehën pjesëtarët e grupit të xhirimit të Al Jazeera-s.

Këto fotogafi tregojnë guximin dhe arsyen se pse populli palestinez nuk përkulet as para armikut shumë herë më të fuqishëm ushtarakisht dhe që gëzon përkahjen e fuqive më të mëdha në botë.

1. Se ka fëmijë që nuk i trembet tankut dhe i del përpara me vetëm një gur në dorë;

2. Se edhe kur xhamitë u rrënohen, kjo nuk i ndalon që të falen;

3. Se ka gra që rrezikojnë jetën e tyre për t'i  ndihmuar një djaloshi të lënduar gjatë një sulmi;

4. Se ka fëmijë që edhe mbi rrënoja ndërtojnë kolovajzë dhe nuk lejojnë që dikush t'ua vjedh fëmijërinë;

5. Se ka vajza që mbledhin dhe marrin librat kur shtëpitë dhe gjithçka e tyre shkatërrohet.

Popujt e tillë nuk shkatërrohen kurrë!.

Burimi:Albtime

Serbia ka kohë që ka startuar zgjerimin e kolonive serbe në veri. Ajo është duke ndërtuar objekte të larta - gjashtë sosh - për banim kolektiv dhe atë pa e pyetur fare askënd nga institucionet e Kosovës.

Sipas Pakos së Ahtisaarit duhet të pezullohet çdo ndërtim kolektiv, posaçërisht në zonën buzë Ibrit - si zonë e sigurisë. Por, aty, vetëm gjatë vitit 2007 kishte filluar ndërtimi i pesë ndërtesave me 180 banesa.

Ndërtimi dhe rindërtimi i shtëpive të djegura e të shkatërruara nga forcat serbe është penguar dhe vazhdon te pengohet nga strukturat paralele, të cilat veprojnë nën dirigjimin e Beogradit. Rasti fundit është lagja Kroi i Vitakut.

Qeveria serbe po ashtu po u ofron benificione edhe atyre serbëve që nuk kanë qenë kurrë banorë të Mitrovicës, me qëllim që t’i mbajnë aty për të ndërruar strukturën etnike të popullsisë. Këtë e thonë banorët shqiptarë të cilët jetojnë në pjesën veriore të Mitrovicës.

“Ka serb të ardhur nga Kroacia, Bosnja... Vazhdimisht lusim Qeverinë e Kosovës që rikthimin e banorëve ta bëjë reciprokisht, e jo vetëm për serbët serbet”, thotë Adem Mripa.

Pjesa dërmuese e pasurisë së shqiptarëve në lagjet veriore të Mitrovicës është blerë nëpërmjet të ashtuquajturit Këshill Nacional Serb, i cili thuhet se direkt e ka mbështetjen e Qeverisë serbe. Qeveria serbe jo vetëm që i ka blerë këto prona, por ka ndërmarrë një fushatë propaganduese për dëbimin e banorëve shqiptarë.

“Serbet do të ndërtojnë gjithnjë dhe kjo sjell konflikte. Kjo situat do të behet gjendja faktike dhe do te vije deri tek referendumi”, thotë Besa Luzha.

Në Ministrinë e Mjedisit dhe Planifikimit Hapësinor thonë se të gjitha ndërtesat të cilat janë ndërtuar pas fotografimit ajror - do të rrënohen. Ministri në detyrë, Dardan Gashi, thotë se do të kërkojnë informata të hollësishme për këto objekte - nga Komuna e Mitrovicës - se kur janë ndërtuar.

Kryenegociatorja në bisedime me Serbinë, Edita Tahiri, tha për RTK-në se çështja e ndërtimeve që po bën Serbia në Kosovë është çështje që do të zgjidhet brenda Kosovës, “sepse është nën sovranitetin e vendit”.

“Ekzistojnë marrëveshje dhe ligje që një shtet tjetër mund të investojë në Kosovë, por atë duhet ta bëjë përmes institucioneve të Republikës së Kosovës. Pastaj, institucionet tona i dërgojnë mjetet në destinacionin e duhur. Çdo praktik tjetër nuk do te lejohet dhe do te sanksionohet me ligjet ne fuqi”, thotë Tahiri.

Sipas disa statistikave të bëra nga struktura ndërkombëtare, në pjesën veriore të Mitrovicës jetonin mbi 15 mijë banorë shqiptarë, kurse tash kanë mbetur rreth katërmijë shqiptarë. Ajo pjesë ishte e banuar me shumicë shqiptare, pjesa dërrmuese e të cilëve janë larguar dhunshëm gjatë dhe pas luftës nga ekstremistët serbë. Këtu duhet veçuar spastrimin etnik më 11 shkurt të vitit 2000. /RTK/

Një burrë palestinez qëndron mbi kufomën e motrës se tij, e mbuluar me batanije.

Ghadeer, 17 vjeçe ishte me aftësi te kufizuara, dhe mund te lëvizte vetëm përmes karrocës.

Ajo kishte mbetur prapa kur po iknin nga një sulm i papritur izraelit, ndërsa familja e saj nuk arritën ta shtyjnë karrigen me shpejtësi të mjaftueshme.

Fotoja e shkrepur nga një gazetar i Associated Press. /IO/

Gazeta “The Times of Israel”, ka publikuar një opinion tronditës. Shkrimi që u fshi nga faqja online e gazetës ishte e shkrimtarit, Yochanan Gordon dhe mbante titullin nxitës: “Kur gjenocidi është i pranueshëm”.

“Ironikisht kemi të bëjmë me një popull që ka vuajtur gjenocidin nga Adolf Hitler gjatë Luftës së Dytë Botërore”, thotë shkrimtari i njohur izraelit.

Opinioni në fjalë nuk mbështet në mënyrë të drejtpërdrejtë gjenocidin ndaj palestinezëve, por në të njëjtën kohë edhe shtron pyetjen: Cila rrugë tjetër duhet ndjekur për të gjetur zgjidhje me një armik të kësaj natyre përveçse ta asgjësosh atë plotësisht?

Më tej Gordon argumenton se Hamasi nuk do të pranojë asnjëherë paqe dhe se Izraeli është i justifikuar për të bërë çdo gjë për të imponuar këtë.

“The Times of Israel” e hoqi tekstin nga faqja duke e fshirë, por për këtë ai nga hackerët u piratua dhe tash për tash në anglisht mund të lexohet në këtë link:

http://www.vox.com/2014/8/1/5959635/heres-the-full-text-of-the-deleted-time-of-israel-post-backing?utm_medium=social&utm_source=facebook&utm_campaign=ezraklein&utm_content=friday

Rreth 15 viktima, pesë prej të cilëve fëmijë 3-12 vjeç bënin pjesë në të njëjtën familje.

Të paktën 101 palestinezë janë vrarë dhe 350 të tjerë janë plagosur që prej ditës së djeshme nga sulmet ushtarake izraelite pas zhdukjes së një ushtari izraelit, që mendohet të jetë marrë peng në Rripin e Gazës, pranë Refahut, sipas një bilanci të ri të forcave të shpëtimit, transmeton TRT.

Që prej mesnatës, 29 palestinezë u vranë në Refah gjatë disa sulmeve nga aviacioni izraelit. Rreth 15 viktima, pesë prej të cilëve fëmijë 3-12 vjeç bënin pjesë në të njëjtën familje, theksoi shefi i shërbimeve të shpëtimit, Eshraf el-Kudra.

Më parë pesë trupa ishin gjetur nën gërmadhat e një ndërtese të sulmuar në Refah, ndërkohë që dy plaestinezë të tjerë ishin vrarë nga predhat e tankeve.

Sipas një bilanci të ri, 1656 palestinezë, pjesa më e madhe civilë, janë vrarë në 26 ditë të konfliktit, sipas zëdhënësit të shërbimeve të shpëtimit.

Mundësitë për një armëpushim afatgjatë duken më të largëta se kurrë pas marrjes peng të një ushtari izraelit, 23 vjeç, Hadar Goldin, pranë Rafahut.

Përkrahësit e luftës së ISIS-it, shokët e Lavdrim Muhaxherit, i cili ditë më parë publikoi një fotografitë teksa i heq kokën një të riu në Siri, kanë filluar një fushatë kërcënuese ndaj hoxhallarëve të Bashkësisë Islame të Kosovës (BIK).

Kërcënimet, fyerjet dhe sharje në adresë të hoxhallarëve kanë filluar kur ata kishin bërë thirrje që të mos shkohet të luftohet në Siri dhe Irak.

Madje kërcënimet me vdekje ndaj hoxhallarëve janë shtuar pasi ata kanë kritikuar ashpër veprimet e Lavdrim Muhaxherit.

Vetëm gjatë dy ditëve të fundit me qindra kërcënime i janë bërë Enis Ramës, imam në xhaminë “Isa Beg” të Mitrovicës, kërcënime me heqje koke ia janë bërë edhe Ernes Gogës, vëllai i imamit të Pejës, Enes Goga, shkruan gazeta Zëri.

Policia e Kosovës thonë se janë duke monitoruar çdo aktivitet të këtyre personave për të cilët është duke siguruar informata. Kurse njohësit e çështjeve të sigurisë kanë tërhequr vëmendjen se Kosova do të përballet me probleme serioze në fushën e sigurisë.

Nga ana tjetër, imami i xhamisë së Tavnikut në Mitrovicë, Ekrem Avdiu, ka shpjeguar se xhemati i ashtuquajtur tekfir janë grupim njerëzish që kanë devijim në të kuptuarit e fesë.

Avdiu ka thënë se një ndër problemet e tyre është se gabimisht i aplikojnë pikëpamjet e tyre duke konsideruar dhe duke shpallur myslimanët “qafira” me pretekste shumë banale. /Zëri/

Një mjek në Belgjikë ka refuzuar t’i ofrojë ndihmë një gruaje 90 vjeçare, vetëm për shkak se është hebre.

Ai ka thënë se “ajo duhet të dërgohet në Gaza” për të parë mirë se nga çka vuhet, shkruajnë mediat e huaja.

“Nuk jam duke ardhur”, ka thënë mjeku, pasi ka marrë një thirrje rreth orës 23 të mërkurën.

90 vjeçarja, Bertha Klein, kishte dhimbje të madhe.

Por përgjigja që mori nga doktori ishte: “Dërgojeni në Gaza për pak orë, pastaj do të dijë se çka është dhimbja”. /Telegrafi/

Mediat izraelite kanë raportuar se edhe një ushtar tjetër është marrë peng sot nga luftëtarët e Hamasit gjatë një përleshje në lindje të rajonit Rafah.

Reporteri i TV 10 të Izraelit kishte njoftuar se luftëtarët e Izz al-Din al-Qassam kishin arritur me shpejtësi në ketë vend duke shfrytëzuar një tunel. Më pas ka pasur luftime të ashpra ndërsa ushtria izraelite kishte përdorur edhe avionët në përpjekje për të shpëtuar me sa më pak dëme.

Burimet ushtarake deri tash nuk kanë njoftuar zyrtarisht për ndonjë të vdekur, të kidnapuar ose të plagosur.

Gjithashtu, pjesëtarët e krahut ushtarak të Hamasit, sot kanë arritur që të depërtojnë në afërsi të shtëpive të oficerëve ushtarakë izraelitë dhe t'i sulmojnë ato./zhurnal/

Partia Lëvizja Islame Bashkohu, LISBA, protestoi të premten në Prishtinë në përkrahje të palestinezëve në Gaza.

Protestuesit thërrisnin dhe mbanin pankarta në përkrahje të palestinezëve të Rripit të Gazës, ku që prej 8 korrikut janë vrarë më shumë se 1400 civilë, gjatë luftimeve mes ushtrisë izraelite dhe Hamasit, transmeton lajmi.net.

Sekretari i Lëvizjes Islame Bashkohu  (LISBA) Fuad Ramiqi, gjatë fjalimit të tij tha se ata janë tubuar për të kundërshtuar atë se çfarë po ndodhë ndaj popullatës në Gaza.

“Sot jemi tubuar këtu për ta kundërshtuar atë se çka po ndodh në Gaza, ku po vriten fëmijë, gra, pleq, njerëz civilë të pafajshëm, ku po rrënohen spitale, shkolla, xhamia, shtëpi, madje edhe strehimore të Kombeve të Bashkuara. Me një fjalë po vritet një popullatë e pa fajshëm vetëm se janë të një kombi dhe feje tjetër”.

“Ky popull ka vuajtje të vazhdueshme edhe për faktin se dikush tjetër vendosi në emër të tyre, pa lejen dhe pranimin e tyre. Ka ardhur koha që bashkësia ndërkombëtare ta korrigjojë padrejtësinë me vepra, e jo me fjalë e rezoluta”.

Ramiqi, i cili në vitin 2010 kishte marr pjesë në një aksion për të dërguar ndihma nga Turqia për në Palestinë, ku më pas ishin ndaluar dhe rrahur nga ushtria izraelite, paraqiti edhe kërkesat e LISBA-së, për zgjidhjen e problemit të Palestinës, ku u kërkua edhe nga Kosova që të ngrijë marrëdhëniet me shtetin e Izraelit.

“Kërkojmë heqjen e embargos dhe debllokadën e pakushtëzuar për Gazën; kërkojë që OKB të formoj gjyqin ndërkombëtar për gjenocid për krime lufte dhe krim kundër njerëzimit për Izraelin; kërkojmë kthimin e gjithë refugjatëve palestinezë në tokat e tyre; kërkojmë që Parlamenti i Kosovës ta miratoj një rezolutë që dënon agresionin izraelitë ndaj popullit palestinez dhe të gjithë institucionet e Kosovës t’i ngrijnë marrëdhëniet me Izraelin”, tha ndër të tjera Ramiqi.

[youtube height="400" width="100%" align="none"]https://www.youtube.com/watch?v=DQGYzA0bFwc[/youtube]

Ka skaduar armëpushimi 72 orësh që ishte shpallur me qëllim lejimin e dërgimit të ndihmave humanitare në Rripin e Gazës ndërmjet Palestinës dhe Izraelit.

3 orë pas hyrjes në fuqi të armëpushimit ushtria izraelite goditi me artileri qytetin Refah.

Numri i të vdekurve në këto sulme ka arritur në 40.

Para shpalljes së armëpushimit Hamasi deklaroi se kishte rrëmbyer një oficer izraelit. Edhe Izraeli e konfirmoi lajmin mbi shkëputjen e kontakteve me oficerin në fjalë.

Armëpushimi që njoftoi në mesnatë Sekretari amerikan i Shtetit, Xhon Kerri zgjati vetëm 3 orë.

Në sulmin që organizoi në qytetin e Refahut Izraeli vrau me dhjetëra palestinezë.

Më pas nga ushtria izraelite erdhi deklarata për skadimin e armëpushimit të arritur.

Pa kaluar shumë kohë nga kjo deklaratë OKB-ja bëri thirrje edhe një herë për armëpushim. Lajmi, që më parë agjencitë e kishin servirur si një thirrje drejtuar palëve për vendosjen dhe respektimin e armëpushimit, u ndryshua si një thirrje drejtuar vetëm palestinezëve për të respektuar armëpushimin.

Para hyrjes në fuqi të armëpushimit Hamasi deklaroi rrëmbimin e një oficeri izraelit. Edhe ushtria izraelite bëri të ditur se një ushtarak izraelit mund të kishte vdekur gjatë shkatërrimit të tuneleve në jug të Gazës.

Ndërsa në orët, që mendohet se armëpushimi ka qenë në fuqi, ushtarët izraelitë hapën zjarr kundër ekipit të agjencisë Anadolli të lajmeve, të cilët ishin duke xhiruar palestinezët që ktheheshin në shtëpitë e tyre pranë Han-Junus.

Në këtë sulm kameramani i agjencisë Anadolli (AA), Metin Jyksel (Metin Yüksel) u plagos lehtë në dorë.

E ndërkohë që në terren kemi këto zhvillime, në Kajro pritej mbajtja e një mbledhjeje për të arritur një armëpushim të qëndrueshëm, por për momentin nuk dihet ende fati i saj.

Numri i palestinezëve që janë vrarë në sulmet e deritanishme të Izraelit në Rripin e Gazës po i afrohet 1500, kur ai i të plagosurve po shkon drejt 8 mijëve./trt/

Bresti kishte vetëm 600 banorë, para rreth 40 viteve. Sot, jeta e fashatarëve është tejet e rëndë, për shkak të gjendjes së rëndë ekonomike. Kjo ishte një ndër arsyet e shumta, që ky fshat u braktis pothuajse tërësisht. Në shkollën fillore, vetëm 6 nxënës ndjekin mësimet, ndërsa të pa martuar janë rreth 24 të rinj, prej tyre vetëm një femër transmeton Vilajeti.

Përderisa ky fshat ishte drejt braktisjes së tërësishme, ”nuset nga Shqipëria e rringjallën atë”. Rreth 78 vajza të reja shqiptare, lanë vendlindjen dhe erdhën u martuan me maqedonas. Banorët e fshatit për Vilajetin thonë se pas martesës ato konvertohen në ortodokse.

Sipas statistikave të fundit që vijnë nga Bresti, kryetari thekson se këto martesa kanë rezultuar të suksesshme, pasiqë rreth 109 fëmijë lindën nga këto çifte, njëashtu martesat e tilla do të vazhdojnë edhe më tutje.

Kryeministri i Turqisë, Rexhep Tajip Erdoan, mbështetës i vendosur i kauzës palestineze, bëri mbrëmë një kritikë fshikulluese kundër Izraelit, duke krahasuar metodat e tij në ofensivën kundër Gazës me ato të Adolf Hitlerit.

“Më thoni, cili është ndryshimi mes operacioneve izraelite dhe atyre të nazistëve dhe Hitlerit”, theksoi Erdoan gjatë një fjalimi me rastin e fushatës presidenciale në provincën Van.

“Ky është racizëm, fashizëm. Ajo që po bëhet në Gazë rikthehet për të na ringjallur frymën e së keqes dhe perverse të Hitlerit”, shtoi Kryeministri Erdoan, i cili gëzon një mbështetje të gjerë për zgjedhjet presidenciale, që për herë të parë do të zhvillohen në votim popullor në Turqi, më 10 gusht.

Shefi i qeverisë së Ankarasë, i cili nuk resht së denoncuari me ashpërsi ofensivën e përgjakshme të ndërmarrë nga Izraeli më 7 korrik kundër enklavës palestineze të kontrolluar nga Hamasi, rikonfirmoi se operacionet kishin pamjen e një gjenocidi kundër popullatës civile palestineze.

Kryeministri turk kritikoi gjithashtu Shtetet e Bashkuara të Amerikës, pa i cituar emrin, për mbrojtjen e operacioneve të ndërmarra nga ushtria izraelite dhe dënoi apatinë e botës myslimane.

“Ata, që rrinë të heshtur para kësaj masakre, janë gjithashtu çnjerëzorë”, nënvizoi ai.

Që prej 7 korrikut, më shumë se 1.370 palestinezë janë vrarë dhe të paktën 7.600 të tjerë janë plagosur, sipas shërbimeve lokale të shpëtimit.

Një ushtar izraelit i quajtur David Ovadia me një postim tronditës në Twitter ka lajmëruar se ka vrarë 13 fëmijë palestinez në Gaza.

Ushtari i cili është pjesëtar i forcave të Izraelit, në luftimet e ashpra që po ndodhin në Gaza është shprehur krenar se ka vrarë 13 fëmijë palestinez gjatë ditës në Gaza duke kërcënuar se tani i ka ardhur radha arabëve të tjerë.

“Vrava 13 fëmijë sot dhe ju jeni në radhë myslimanë m..i. Shkoni në ferr bushtra”, shkruan në Twitter ushtari izraelit.

Nuk kanë mbjellë ndonjëherë qoftë edhe një rrënjë të vetme kanabis sativa, e aq më pak të kenë mbajtur armë apo municion në shtëpi. Këtë nuk e kanë bërë, jo se ishte e jashtëligjshme, por sepse nuk ua lejon feja, e quajnë “haram”. Bëhet fjalë për 40 familje, besimtarë të devotshëm të fesë islame, që nuk u tunduan kurrë, e as nuk xhelozuan fqinjët e shumtë që pasuroheshin shpejt me kultivim droge.

Këtë nuk e thonë vetëm ata, apo fqinjët e tyre, por e thonë edhe vetë forcat e policisë që prej 4 ditësh po kryejnë kontrolle shtëpi më shtëpi. “Nuk u kemi gjetur asgjë të jashtëligjshme. Ndryshe nga fqinjët, këto familje myslimane, në vend të hashashit kishin mbjellë qepë, domate e perime të tjera”, na thonë disa prej oficerëve të forcave speciale që kanë kryer kontroll në banesat e tyre.

Që të gjithë banorët e Lazaratit kultivonin drogë ishte një ide që nuk e kishim krijuar vetëm ne, por edhe vetë Policia e Shtetit. Por ndodhi që pasi policia u fut në fshat, u përballën edhe me njerëz që kishin zbatuar ligjin. Madje një besimtar mysliman, që sapo kishte krijuar familjen e tij të re, kishte preferuar të jetojë në një shtëpi përdhese modeste, duke refuzuar vilën dykatëshe që i kishte dhuruar i ati. 

Policia e Kosovës dhe ajo e EULEX-it kanë përdorur gazin lotsjellës për të shpërndarë turmën e protestuesve, të cilët kishin dalë në jug të qytetit të Mitrovicës për të kundërshtuar rivendosjen e barrikadës në urën qendrore mbi lumin Ibër, nga ana e autoriteteve komunale të Mitrovicës së Veriut, në praninë e zyrtarëve të Qeverisë së Serbisë.

Raportohet se nga përplasjet ndërmjet protestuesve dhe policisë, janë lënduar  të paktën 13 policë. Përderisa nuk ka konfirmime për numrin e të lënduarve nga protestuesit, por sipas policisë, besohet se janë mbi 10 veta.

Zëdhënësi i Policisë së Kosovës nga komanda në jug të Mitrovicës, Avni Zahiti, ka thënë për Radion Evropa Lirë  se përveç lëndimeve, si pasojë e dhunës janë shënuar edhe djegie të automjeteve të policisë. 

“Si pasojë e protestës të së dielës, 13 pjesëtarë të Policisë janë të lënduar. Po ashtu, nga përdorimi i  mjeteve ndezëse nga protestuesit, janë djegur katër vetura, dy të policisë së Kosovës, një e EULEX-it dhe një e UN-it (UNMIK-ut) ", ka konfirmuar Zahiti për Radion Evropa e Lirë.

Sipas tij, policia ka arrestuar të paktën pesë  persona. 

Në anën tjetër, nuk është konfirmuar edhe numri i protestuesve të lënduar, por, sipas policisë, raportohet se më shumë se 10 persona kanë kërkuar ndihmë mjekësore në spitalin e qytetit. 

Protesta ka filluar rreth orës 15:00, kur masa po drejtohej drejt urës së Ibrit, që ndan jugun dhe veriun e qytetit në dy komuna.

Por, gjendja ka eskaluar pak minuta më vonë, kur një grup i protestuesve provoi të çajë kordonin e policisë me synimin që të shkojë drejt urës së Ibrit. Mbi urë, në pjesën jugore shiheshin pjesëtarët amerikanë  të KFOR-it, kurse në veri, karabinierët italianë.

Ndërsa, Policia e Kosovës dhe ajo e EULEX-it kanë përdorur gazin lotsjellës, KFOR-i kryesisht ka qëndruar në gjendje gatishmërie.

Me brohoritjet “UÇK, UÇK”, “S'duam barrikadë - duam urë”, “Liri e lëvizjes” e të tjera, protestuesit u ndanë disa herë nëpër grupe duke e sulmuar policinë me gurë.

Në mbështetje të Policisë së Kosovës është vënë edhe ajo e EULEX-it, e cila ka përdorur gazin lotsjellës. Gjatë gjithë kohës, KFOR-i ka qëndruar në gjendje gatishmërie.

Në orët e mbrëmjes, situata në Mitrovicë është qetësuar, ndërkohë që janë vërejtur patrullime të shtuara të organeve të rendit, si nga ato vendore ashtu edhe ndërkombëtare.

Protesta e së dielës, fillimisht ishte thirrur nga një grup i qytetarëve që kishin paralajmëruar të protestonin qetë. Por, më pas të njëjtit kishin alarmuar organet e rendit se ka grupe që do të infiltroheshin për të përshkallëzuar situatën. Në bazë të këtyre informacioneve, Policia e Kosovës, ajo e EULEX-it dhe KFOR-it vepruan në bazë të një plani të përbashkët.

Ndërsa, në jug të Mitrovicës po protestohej, janë vërejtur tubime të qytetarëve serbë  edhe në veri. Por, ata vetëm i kanë përcjellë qetë këto zhvillime.

Për dallim nga barrikada me rërë e gurë e korrikut të vitit 2011, e vendosur nga serbët lokalë  mbi urën e Ibrit, kjo e fundit, e vendosur më 18 qershor, u quajt "Parku i Paqes" dhe u mbush me vazo prej betoni për të pamundësuar lëvizjet nga të dyja anët e qytetit me mjete motorike. 

Për gjendjen e krijuar në Mitrovicë, kanë reaguar edhe presidentja Atifete Jahjaga dhe Qeveria në largim e Kosovës, duke ftuar qytetarët që të vetëpërmbahen.

Ndërsa, Jahjaga përmes një komunikate me shkrim, ka thënë se problemi i Mitrovicës nuk zgjidhet me dhunë, në komunikatën e qeverisë thuhet se qytetarët duhet të përmbahen ngase barrikada do të largohet së shpejti.

Duke qenë dëshmitar i zhvillimeve të së  dielës në Mitrovicë, forca e KFOR-it ka vlerësuar pozitivisht angazhimin e Policisë së Kosovës.

Sipas një komunikate të KFOR-it, Policia e Kosovës “ka qenë në gjendje që të frenojë  një protestë të madhe, duke treguar profesionalizëm të madh, efektivitet dhe aftësi në menaxhimin e situatës në mënyrën e duhur”.

Sipas komandantit të KFOR-it, gjeneralit Salvatore Farina, përpjekja kryesore ishte që të evitohet përleshja ndër-etnike dhe eskalimi i dhunës. /REL/

Forcat e rendit kanë arritur që turmën e protestuesve ta largojnë rreth 300 metra larg urës qendrore mbi lumin Ibër në Mitrovicë. Policia e Kosovës dhe ajo e misionit evropian për sundimin e ligjit, EULEX, po përdorin gazin lotsjellës për të shpërndarë turmën.

Protestuesit kanë hedhur gurë në drejtim të policisë, kurse në vend të ngjarjes është parë edhe një autoambulancë.

Të paktën dy veturave, një e Policisë së Kosovës dhe një e Policisë së EULEX-it, u është vënë flaka. 

Protestuesit në duar po bartin pankarta me mbishkrimet "S'duam park - duam urë", "Liri e Lëvizjes" e të tjera, ndërsa dëgjohen brohoritjet: UÇK-UÇK, Adem Jashari, Jo nuk ndahet Mitrovica e tjera.

Një grup protestuesish më herët ka djegur flamurin e Serbisë.

Edhe në pjesën veriore janë vërejtur tubime të serbëve lokalë.

Policia e Kosovës ka krijuar kordone, si në jug, ashtu edhe në veri të qytetit, për të pamundësuar kështu kalimet e qytetarëve nga jugu në veri dhe anasjelltas, në përpjekje të parandalimit të ekseseve të mundshme.

Po ashtu, mbi urën kryesore janë edhe forcat e KFOR-it si dhe Policia e EULEX-it.

Që në orët e para të pasdites, policia nuk ka lejuar asnjë qytetar që t'i afrohet urës.

Forcat shumëkombëshe të KFOR-it qysh herët janë stacionuar mbi urën kryesore të lumit Ibër, për të parandaluar eskalimin e situatës.

Në pjesën veriore të urës, janë karabinierët italianë, përderisa në jug vërehen pjesëtarë të forcave amerikane të KFOR-it.

Ndërkohë që pjesëtarët e policisë së Kosovës kanë formuar kordonet në jug të qytetit duke u asistuar edhe nga policia e EULEX-it.

Masat e ndërmarra për të garantuar sigurinë para, gjatë dhe pas protestës së sotme janë kumtuar përmes një komunikate të përbashkët të Policisë së Kosovës, asaj të EULEX-it dhe KFOR-it.

“Policia e Kosovës, EULEX-i dhe KFOR-i do të sillen me vendosmëri dhe pa ndikim për të krijuar mundësinë që t’iu lejohet demonstruesve të sillen në mënyrë të sigurt dhe demokratike”, thuhet në komunikatë.

Protesta e sotme është paralajmëruar të jetë paqësore si shprehje e revoltës ndaj ngritjes së parkut barrikadë mbi urë, nga ana e autoriteteve lokale serbe nga veriu i Mitrovicës dhe Qeverisë së Serbisë.(z.g.) /REL/

Drejtoria për Hetimin e Krimit të Organizuar, përmes rrugëve operative-hetimore ka siguruar informacionin se në Ferizaj ishte duke ndodhur një vepër e rënde penale e ‘rrëmbimit’, ‘detyrimit’ dhe ‘shantazhit’.

Në bazë të informacioneve të pranuara Policia ka ndërmarrë veprimet proaktive hetimore, me ç’rast janë identifikuar të dyshuarit e mundshëm si dhe mënyra e planifikimit të veprës.

Në bazë të informacioneve të dyshuarit e kishin rrëmbyer viktimën të cilën e kishin keqtrajtuar fizikisht dhe psiqikisht. Nga viktima të dyshuarit kishin kërkuar t’ua sillte një shumë parash prej 10.000 (dhjetë mijë euro) me kusht që atë ta lenin të lirë. Viktima kishte pranuar një gjë të tillë.

Hetuesit policorë ishin në gjurmë të kësaj vepre dhe në koordinim me prokurorin e shtetit dhe gjykatën, me qëllim të materializimit të provave të nevojshme për këtë vepër, me datën 17.06.2014 arritën të realizojnë operacionin duke i kapur të dyshuarit në flagrancë.

Të dyshuarit janë: H. K. lindur më 1965; K. J. lindur më 1985 dhe D. M. lindur më 1989.

Gjatë këtij operacioni janë kontrolluar edhe shtëpitë dhe objektet përcjellëse të tyre dhe janë sekuestruar në cilësi të provës materiale: Dy pushkë gjuetie, 22 fishekë kal. 12 mm; Një revole dhe 7 fishekë të kal. 6.35; Një antiplumb ushtarak; Një shtëpizë kompjuteri; Dy laptop; një shufër metali; një palë pranga të modelit policor; një elektroshok dhe pesë telefona celularë.

Të gjitha veprimet policore lidhur me këtë rast janë kryer nën autorizimin e prokurorit përkatës dhe të dyshuarit janë dërguar në mbajtje policore për vazhdim të procedurës.

Aksioni i policisë së Shtetit në ditën ë katërt brenda fshatit të Lazaratit ka hasur sërish rezistencën e armatosur të grupeve kriminale të trafikantëve.

Policia ka identifikuar personin që qëllon me snajper ndaj forcave blu si dhe banesën nga vijnë të shtënat. Bëhet fjalë për snajperistin Neni Çela, snajperist i cili qëllon me armë nga një banesë afër xhamisë së Lazaratit kundër forcave speciale.

Burime nga policia bëjnë të ditur për A1 REPORT se 12 persona po qëllojnë nga banesa e Altin Shurdhit. /Indeksonline/

Dy përfaqësuesit e Aleancës për Ardhmërinë e Kosovës – AAK, Ardian Gjini dhe Burim Ramadani, në bazë të të dhënave paraprake, pritet që në legjislacionin e ardhshëm të Kosovës, të mbesin jashtë parlamentit.

Sipas të dhënave paraprake, Ardian Gjini ka mundur të sigurojë vetëm 3.438 vota ndërkaq, Burim Ramadani, vetëm 2.567 vota. /Telegrafi/

Labinotë Demi- Murtezi jo vetëm që do të jetë deputetja e parë femër me shami në Kuvendin e Kosovës, por ajo doli të jetë femra më e votuar në listën e PDK-së.

Ajo ka marrë mbi 11 mijë vota, duk e lënë shumë prapa nënkryetaren e PDK-së, Vlora Çitakun, e cila ka marrë vetëm 4 mijë e 500 vota, ndonëse ishte e renditur e gjashta në listë.

Ajo pas vetes ka lënë edhe “super” aderimin e PDK-së, Margarita Kadriun, e cila ka qenë kryeredaktore e Gazetës “Kosova Sot”, dhe që ka arritur të marrë vetëm 5 mijë e 167 vota.

As treshi i PDK-së, Flora Brovina nuk ka mundur që t’i afrohet me votë kandidates së PD-së, Labinotë Demi-Murtezi. Flora Brovina nuk ka arritur që të marrë më shumë se 5 mijë e 750 vota.

Nuk janë vetëm femrat e PDK-së ato që kanë pësuar një humbje të thellë nga Labinotë Demaj- Murtezi.
Edhe burrat më të fortë të PDK-së ajo i ka mundur thellë.

Ajo e ka mundur ish-komandantin e Shtabit të Përgjithshëm të UÇK-së, Azem Sylën, i cili nuk ka arritur që të marrë më shumë se 8 mijë e 500 vota. Prapë saj, ka mbetur edhe ndër njerëzit me më ndikim në PDK, Xhavit Haliti, Rrustem Mustafa e shumë deputetë tjerë. /gazetablic/

Sipas listës, Qendra për Numërimin e Rezultateve ka bërë gati të nxjerrë rezultatet e kandidatëve të partive politike për deputetë të Kuvendit të Republikës së Kosovës. Kandidati më i votuar sipas kësaj liste del të jetë lideri i Partisë Demokratike të Kosovës, Hashim Thaçi, me 125 mijë e 509 vota.

Sipas kësaj liste, kandidati i dytë më i votuar është kryetari i Lidhjes Demokratike të Kosovës, Isa Mustafa me 94 mijë e 31 vota; lideri i Lëvizjes Vetëvendosje, Albin Kurti me 47 mijë e 940; ai i Aleancës për Ardhmërinë e Kosovës, Ramush Haradinaj me 39 mijë e 357 vota dhe kryetari i Nismës për Kosovën, Fatmir Limaj me 21 mijë e 235 vota.

Lideri i Aleancës Kosova e Re, Behgjet Pacolli, partia e të cilit nuk i ka fituar votat për të kaluar pragun zgjedhor prej pesë për qind, ka fituar 14 mijë e 520 vota; lideri i Partisë së Fortë, Visar Arifaj ka fituar 475 vota, ndërsa kandidati i pavarur Hasan Gashi ka arritur të mbledh gjithësej 450 vota.

Në vazhdim mund të shikoni rezultatet për secilin kandidatë të disa prej partive kryesore, sipas renditjes që kanë pasur në listën e kandidatëve të partive përkatëse, emrin dhe mbiemrin, gjininë dhe numrin e votave.

58 PARTIA DEMOKRATIKE E KOSOVËS; PARTIA E DREJTËSISË; LËVIZJA PËR BASHKIM; PARTIA SHQIPTARE DEMOKRISTIANE E KOSOVËS DHE PARTIA KONSERVATORE E KOSOVËS

1 HASHIM THAÇI M 125,509
2 KADRI VESELI M 41,500
3 FLORA BROVINA F 5,750
4 HAJREDIN KUÇI M 12,990
5 ENVER HOXHAJ M 17,117
6 VLORA ÇITAKU F 4,585
7 AVNI KLINAKU M 5,300
8 FERID AGANI M 6,827
9 MARGARITA KADRIU-UKELLI F 5,167
10 ARSIM BAJRAMI M 11,937
11 AZEM SYLA M 8,584
12 AURORA BAKALLI F 2,846
13 RRUSTEM MUSTAFA M 6,486
14 IRFAN FUSHA M 5,529
15 EDITA TAHIRI F 5,704
16 ELMI REÇICA M 14,671
17 ZENUN PAJAZITI M 9,128
18 LABINOTË DEMI-MURTEZI F 11,014
19 XHAVIT HALITI M 9,786
20 FADIL FAZLIU M 4,758
21 LULJETA VUNIQI F 855
22 GANI KOCI M 2,909
23 REXHEP HOTI M 3,452
24 SAFETE HADERGJONAJ F 3,967
25 BAJRAM REXHEPI M 5,692
26 RAMIZ KELMENDI M 9,686
27 LAURA PERJUCI-ZHERKA F 1,470
28 AVDULLAH KLINAKU M 3,014
29 KURTAN KAJTAZI M 4,901
30 DHURATA HOXHA F 2,802
31 NAIT HASANI M 7,290
32 ADEM GRABOVCI M 8,710
33 SALA BERISHA-SHALA F 10,741
34 BESIM BEQAJ M 7,821
35 MEMLI KRASNIQI M 12,056
36 BLERTA DELIU-KODRA F 4,869
37 FEHMI MUJOTA M 5,756
38 SYLEJMAN ÇERKEZI M 2,400
39 HASIME KRASNIQI F 2,394
40 FADIL DEMAKU M 6,195
41 ABDYL YMERI M 5,278
42 NERXHIVANE DAUTI F 1,527
43 HALIT KRASNIQI M 3,822
44 LATIF GASHI M 8,390
45 XHEVAHIRE IZMAKU F 4,174
46 FATMIR XHELILI M 6,637
47 NUREDIN LUSHTAKU M 6,807
48 SALIHE MUSTAFA F 4,064
49 LIRAK ÇELAJ M 2,724
50 AGIM ÇEKU M 8,208
51 NAFIYE GAŞ F 1,653
52 MUNIR BASHA M 1,261
53 HAJDAR BEQA M 6,530
54 SELVIJE HALIMI F 5,096
55 BLERAND STAVILECI M 6,497
56 AGIM ALIU M 12,395
57 VALBONA DIBRA F 2,378
58 RAIF QELA M 11,448
59 QEMAJL MUSTAFA M 5,992
60 FEVZIJE BERISHA F 2,448
61 FADIL BEKA M 9,178
62 RAMË VATAJ M 5,655
63 ZAHRIJE JUSUFI F 3,500
64 MUSA DERVISHAJ M 3,868
65 AGIM KULETA M 1,889
66 GANIMETE VISOQI F 3,209
67 BERAT LUZHA M 2,952
68 ELVIS PISTA M 5,423
69 ARBËNESHA KUÇI F 1,493
70 MUHARREM SHABANI M 2,075
71 RAMIZ RRUSTAJ M 3,740
72 DRITA KADRIU F 2,305
73 BEDRI HALIMI M 3,792
74 GËZIM KELMENDI M 7,412
75 JEHONA SHYTI F 3,340
76 EMIN KRASNIQI M 3,271
77 NAIM FETAHU M 7,359
78 MEXHIDE MJAKU-TOPALLI F 6,410
79 DARDAN NOVOSELLA M 3,358
80 SHUKRI BUJA M 6,725
81 GANIMETE MUSLIU F 3,231
82 UKË BERISHA M 1,640
83 AVNI KASTRATI M 5,168
84 SOFIJE NOKAJ F 970
85 BEHAR SELIMI M 5,222
86 BEQIR SADIKAJ M 4,034
87 VJOSA SHEHOLLI F 1,516
88 AVNI TAFILI M 2,885
89 SHAIP MUJA M 6,609
90 FLORINA ZYMBERI F 3,066
91 NEHAT BAFTIU M 6,657
92 SABEDIN KADRIU M 4,179
93 LULJETA VESELAJ GUTAJ F 4,653
94 BISLIM ZOGAJ M 6,408
95 MUHARREM XHEMAJLI M 4,538
96 SANIJE DUBOVA F 1,402
97 FATMIR SHURDHAJ M 5,875
98 BLERIM REXHA M 3,583
99 SHQIPE MJEKIQI F 2,231
100 RAFET RAMA M 10,740
101 NASER BERISHA M 5,310
102 NEZIR ÇOÇAJ M 8,408
103 ADEM BERISHA M 3,873
104 JANEZ FRROKAJ M 1,255
105 NIJAZI KOLSHI M 2,388
106 BAJRAM ZEJNULLAHU M 5,306
107 NDUE SHABANAJ M 1,456
108 EMIN MUSA M 4,171
109 BEKIM HAXHIU M 9,453
110 SADIK HAXHIU M 3,634

54 LIDHJA DEMOKRATIKE E KOSOVËS

1 ISA MUSTAFA M 94,031
2 SABRI HAMITI M 9,643
3 VJOSA OSMANI F 30,431
4 ISMET BEQIRI M 13,158
5 KUJTIM SHALA M 10,559
6 TEUTA SAHATQIJA F 5,523
7 AGIM ADEMAJ M 6,507
8 AVDULLAH HOTI M 8,775
9 LIRIJE KAJTAZI F 7,779
10 SKENDER HYSENI M 4,212
11 EQREM KRYEZIU M 3,372
12 TEUTA RUGOVA F 28,363
13 NASER OSMANI M 7,599
14 SHPEJTIM BULLIQI M 5,948
15 VLORA DUMOSHI F 3,738
16 ARBEN GASHI M 10,922
17 MUHAMET MUSTAFA M 6,296
18 HYKMETE BAJRAMI F 7,439
19 VALON MURTEZAJ M 5,448
20 BARDHYL META M 5,863
21 NAZANE BRECA F 1,868
22 ANTON QUNI M 19,341
23 ADEM SALIHAJ M 6,952
24 KIMETE BYTYÇI F 4,813
25 ARMEND ZEMAJ M 8,643
26 BAJRAM GECAJ M 3,743
27 BESA GAXHERRI F 5,402
28 LUTFI ZHARKU M 5,656
29 AGIM KIKAJ M 5,178
30 DRITA KONXHELI-RADONIQI F 2,015
31 MURAT HOXHA M 6,360
32 SALIH MORINA M 6,307
33 SYNAVERE RYSHA F 5,941
34 ARMEND IBRAHIMI M 5,057
35 HASHIM DESHISHKU M 5,121
36 VJOLLCA KRASNIQI F 2,424
37 NAIM BEHLULI M 5,516
38 SADRI FERATI M 6,484
39 RITA HAJZERAJ-BEQAJ F 2,597
40 HYSNI GËRGURI M 4,549
41 LUAN GOLA M 2,707
42 ALMA LAMA F 5,855
43 HAKI DEMOLLI M 11,661
44 SHAIP SURDULLI M 4,421
45 DORUNTINË MALOKU-KASTRATI F 4,872
46 MUSA MISINI M 3,829
47 ALI SADRIU M 6,706
48 MYBERA MUSTAFA F 1,924
49 MUSTAFA KRASNIQI M 2,511
50 ARBAN ABRASHI M 2,102
51 AFËRDITA BERISHA-SHAQIRI F 2,981
52 SABIT RRUSTEMI M 4,105
53 ARDIAN SHALA M 6,150
54 NJOMZA EMINI F 7,559
55 NUREDIN IBISHI M 11,322
56 FADIL KRASNIQI M 2,476
57 MIRJETA KALLUDRA F 4,900
58 PRENKË GJETAJ M 3,548
59 HAZIZ HODAJ M 4,032
60 VJOLLCA DIBRA IBRAHIMI F 2,526
61 QAUSH BALAJ M 3,440
62 VEHBI IMERI M 6,088
63 SHQIPE HYSENI F 1,936
64 RRUSTEM BUZHALA M 3,607
65 HAZIR BOROVCI M 3,798
66 SHQIPONJA PONOSHECI F 2,661
67 XHAFER TAHIRI M 3,781
68 MUHARREM GASHI M 3,494
69 SELVETE GËRXHALIU-KRASNIQI F 1,854
70 HANEFI MUHARREMI M 3,148
71 DURAK SALIHU M 2,699
72 SADIFETE LUMI F 1,633
73 BAJRUSH YMERI M 3,528
74 MILAZIM HALITI M 6,407
75 SARANDË KIKA F 1,107
76 BLERIM GRAINCA M 6,794
77 FATMIR REXHEPI M 7,071
78 FLORIJE IBISHI-RUDNIKU F 1,580
79 SHANI MULLABAZI M 1,412
80 BAJRUSH HOTI M 2,763
81 ARDITA RIZVANOLLI F 958
82 DAUT GORANI M 2,392
83 BLERIM BAJRAKTARAJ M 2,716
84 AFËRDITA STRELLCI F 1,677
85 BAJRUSH MORINA M 4,041
86 MUHARREM SHAHINI M 2,533
87 TEUTA MUSA F 1,284
88 ISMET GASHI M 2,720
89 JETON LAJQI M 2,852
90 PREMTINA RAKOVICA F 1,430
91 XHAVIT UKA M 5,427
92 HATIM BAXHAKU M 7,179
93 NAILE ALAJ F 1,975
94 AHMET HASI M 4,815
95 NAZMI BYTYQI M 3,215
96 SANIJE KRASNIQI F 1,329
97 FADIL BERJANI M 2,769
98 AVDYL SOPAJ M 4,944
99 DRITA GASHI F 1,643
100 FARUK NURA M 4,207
101 VALON MALOKU M 2,579
102 KOSOVARE AZEMI F 3,255
103 NIJAZI ADEMAJ M 2,654
104 FEIM BRAVA M 1,820
105 EMINE DISHA F 953
106 BRAHIM SELIMAJ M 3,196
107 HALIM MUÇOLLI M 1,835
108 BUJAR ABDULLAHU M 555
109 ARIF KRASNIQI M 768
110 ZEF MORINA M 2,520

35 LËVIZJA VETËVENDOSJE!

1 ALBIN KURTI M 47,940
2 VISAR YMERI M 22,241
3 AIDA DËRGUTI F 7,341
4 MYTAHER HASKUKA M 5,993
5 BESNIK BISLIMI M 7,631
6 PUHIE DEMAKU F 11,327
7 GLAUK KONJUFCA M 12,298
8 LIBURN ALIU M 7,691
9 ALBULENA HAXHIU F 5,820
10 REXHEP SELIMI M 9,193
11 FATON TOPALLI M 5,664
12 HATIXHE HOXHA F 1,257
13 DARDAN SEJDIU M 10,989
14 SALIH SALIHU M 6,041
15 NAZLIE BALA F 2,160
16 AVNI ZOGIANI M 3,503
17 DRITON ÇAUSHI M 5,220
18 SHQIPE PANTINA F 3,085
19 GANI KRASNIQI M 3,338
20 ISMAJL KURTESHI M 6,716
21 AJNISHAHE HALIMI F 1,927
22 SHEMSI SYLA M 5,027
23 EMIN GËRBESHI M 2,457
24 LUMNIJE MORINA F 2,362
25 ALI JANUZI M 2,118
26 ALI LAHU M 2,194
27 MERITA MUSTAFA F 1,616
28 ISMET HAMITI M 988
29 MAZLLUM BARALIU M 2,059
30 ERLETA HOTI F 2,501
31 HYDAJET HYSENI KALOSHI M 4,606
32 ARBERIJE NAGAVCI F 2,439
33 MIRSAD SHKRETA M 1,963
34 ISMAJL KASTRATI M 2,242
35 ARBEN GECAJ M 3,793
36 ALBANA GASHI F 1,503
37 XHEMAJL PLLANA M 972
38 JUSUF ULAJ M 1,405
39 ALBANA FETOSHI F 1,184
40 TAHIR TAHIRI M 677
41 FLORIN KRASNIQI M 4,212
42 FATMIRE KOLLÇAKU F 2,282
43 BASHKIM NURBOJA M 1,650
44 KASTRIOT SPAHIU M 1,189
45 HETE IBERDEMAJ F 732
46 REXHË IBERDEMAJ M 958
47 JETON BUDIMA M 739
48 BESA BERBERI F 801
49 AFRIM HOTI M 944
50 YLLI HOXHA M 3,116
51 BESA BAFTIJA F 3,341
52 EMRUSH XHEMAJLI M 1,815
53 HEDVIG KADRIU M 658
54 MAJLINDA BREGASI F 841
55 FISNIK ISMAILI M 5,357
56 AGRON DIDA M 2,857
57 MIMOZA ABRAZHDA F 1,124
58 BESIM MUZAQI M 1,590
59 OSMAN OSMANI M 974
60 AFËRDITA PIREVA F 1,451
61 ENVER MORINA M 620
62 ALI HALIMI M 1,420
63 JETMIRE VRENEZI F 784
64 IBISH AHMETI M 786
65 BASRI KODRA M 1,352
66 BURBUQE SHURDHA F 579
67 LEON DUHANAJ M 437
68 AZEM ZEKAJ M 441
69 AFËRDITA VELIU DELIJA F 345
70 GËZIM REXHA M 4,408
71 KUSHTRIM KRASNIQI M 1,693
72 MAJLINDA OSTROGLLAVA F 2,477
73 ARTAN ABRASHI M 2,583
74 ARIF BOZAXHI M 487
75 KUJTESË PEJA F 832
76 FARUK MUJKA M 836
77 NASER BERISHA M 1,587
78 NORA ARAPI F 1,913
79 AGRON HAJZERAJ M 759
80 SALIH ZYBA M 1,704
81 KALTRINA SHATRI F 434
82 AFRIM PUSTINA M 275
83 AFRIM SPAHIU M 458
84 ELZA SADIKU F 402
85 MUHAMET BYTYÇI M 735
86 ARTON KADRIU M 305
87 LULJETA JASIQI F 575
88 MIRAN HALILI M 320
89 BASHKIM BEQA M 548
90 FITORE IMERI F 597
91 FAHRI RESTELICA M 888
92 FLAMUR BUJUPI M 478
93 LEONORA UKËHAJDARAJ F 334
94 DURMISH GASHI M 937
95 LEVENT KASËMI M 1,242
96 EMIRE KRYEZIU -MALIQI F 668
97 IBRAHIM ISLAMI M 559
98 NIJAZI ISAKU M 1,925
99 VALIZAKE THAQI CELINA F 1,476
100 ILIR DEDA M 11,662
101 ISMAIL AHMETI M 571
102 BAJRAM CURRI M 613
103 AVDI MUZLIUKAJ M 498
104 MESUD MUHARREMI M 261
105 XHEVDET POZHARI M 1,129
106 HASAN HAXHIU M 379
107 LAZËR NRECAJ M 342
108 BISLIM ELSHANI M 318
109 PËRPARIM MUJA M 3,424
110 ZGJIM HYSENI M 2,680

44 ALEANCA PËR ARDHMËRINË E KOSOVËS

1 RAMUSH HARADINAJ M 39,357
2 BLERIM SHALA M 4,444
3 MELIHATE TËRMKOLLI F 2,033
4 NEXHAT DACI M 2,471
5 ARDIAN GJINI M 3,438
6 DONIKA KADAJ BUJUPI F 4,794
7 AHMET ISUFI M 3,996
8 ANTON BERISHA M 3,507
9 LAURA KRYEZIU-SELIMI F 1,113
10 ALI LAJÇI M 1,346
11 BURIM RAMADANI M 2,567
12 KYMETE BAJRAKTARI F 1,666
13 BLERIM KUÇI M 4,103
14 PAL LEKAJ M 6,991
15 TIME KADRIJAJ F 4,780
16 ALI BERISHA M 3,433
17 RRUSTEM BERISHA M 4,188
18 TEUTA HAXHIU F 3,308
19 GAZMEND ABRASHI M 3,276
20 BESNIK TAHIRI M 3,498
21 MELIZA HARADINAJ STUBLLA F 1,581
22 JAHJA LLUKA M 1,201
23 GENT BEGOLLI M 2,468
24 PRANVERA DOBRUNA KRYEZIU F 441
25 FATMIR HUMOLLI M 1,793
26 MILAZIM ABAZI M 1,949
27 DRITA KELMENDI-KUKAJ F 1,225
28 SMAJL LATIFI M 2,832
29 FEHMI FETAHI M 1,364
30 VASILIKA ZOTAJ-ASLLANI F 1,281
31 NIJAZI IDRIZI M 1,767
32 SHKELZEN JUSAJ M 2,820
33 BURBUQE DEVA F 1,248
34 JONUZ SALIHAJ M 767
35 TOMË HAJDARAJ M 2,745
36 XHENET SYKA F 604
37 TALAT GJINOLLI M 656
38 XHAVIT ZARIQI M 2,783
39 JETA RAFUNA-HASANI F 1,012
40 REXHEP KADRIU M 2,557
41 NIKË GJELOSHI M 1,019
42 ARBËRESHA AJDINI-NALLBANI F 1,034
43 NASER TRONI M 983
44 BALI MUHARREMAJ M 5,038
45 BORE BALAJ F 2,208
46 BEKË BERISHA M 3,433
47 SEJD TOLAJ M 2,111
48 FETIJE HURUGLICA F 887
49 LULZIM LECI M 2,096
50 DAUT HARADINAJ M 9,095
51 TEUTA DURMISHI-BAJRAMI F 830
52 GANI DRESHAJ M 2,838
53 ZENUN HALILI M 1,219
54 DRITA CURRI F 1,296
55 ZEQIR KIQINA M 1,810
56 LAHI BRAHIMAJ M 4,309
57 DRITA MALIQI ZUNÇE F 773
58 MUHAMET KELMENDI M 1,244
59 ESAT PECI M 750
60 XHYLJETA KUQI F 580
61 LUAN JAHA M 2,041
62 SHYQRI MEMA M 1,300
63 FLORIJE BOSHNJAKU F 1,401
64 SHKUMBIN DEMALIAJ M 2,680
65 ISMET ABDULLAHU M 1,030
66 MAGBULE SHKODRA F 1,506
67 ENVER GASHI M 1,205
68 BEDRI GASHI M 760
69 ARDITA RAMADANI F 290
70 REFKI BYTYÇI M 2,096
71 NEXHMEDIN SHALA M 2,314
72 TEUTA BERISHA F 345
73 HAFIR HOXHA M 476
74 BASRI LENJANI M 1,875
75 MEJREME BERISHA F 212
76 MUSA GJAKOVA M 971
77 HAJDAR SUTAJ M 2,813
78 MYRVETE LLALLOSHI KRASNIQI F 365
79 XHEMSHIR RASHITI M 352
80 PAL CANAJ M 1,497
81 VLORA HASANI F 861
82 IDRIZ SELIMAJ M 2,132
83 RIFAT LILA M 275
84 ZIZE PEPSHI F 200
85 AGIM HAZROLLI M 1,810
86 MUHAMET HALILI M 1,654
87 XHEVRIJE PECI F 176
88 BAHRI GASHI M 741
89 REMZI MEHMETI M 487
90 BURBUQE SLISHANI F 261
91 MENTOR FERIZI M 436
92 NAIM QELAJ M 1,358
93 VALDETE BEKTESHI F 372
94 FATMIR KASTRATI M 900
95 LULZIM KABASHI M 1,811
96 VJOLLCA KABASHI F 788
97 XHEVDET DURAKU M 1,099
98 ERNEST LUMA M 529
99 HAMIDE GASHI F 139
100 MAZLLOM KUMNOVA M 886
101 XHAFER ZYMERAJ M 1,606
102 SHEFKI SADRIU M 520
103 HAMEZ CENA M 1,321
104 IZET RUSHITI M 1,919
105 KADRI KRIVENJEVA M 753
106 ZENEL KUÇI M 1,353
107 BUJAR MORINA M 521
108 HASAN CACAJ M 1,276
109 ILMI MUÇAJ M 623
110 DERVISH TAHIRI M 2,659

59 NISMA PËR KOSOVËN

1 FATMIR LIMAJ M 21,235
2 JAKUP KRASNIQI M 14,596
3 VALDETE BAJRAMI F 2,927
4 BILALL SHERIFI M 1,779
5 ZAFIR BERISHA M 3,652
6 SELVIJE REXHEPI F 1,221
7 IMRI ILAZI M 2,299
8 FITIM SELIMI M 2,822
9 ALBULENA BALAJ F 2,595
10 XHEVAT BISLIMI M 1,819
11 SEJDULLAH HOXHA M 1,566
12 ALBANA XHEMSHITI F 361
13 BEDRI STATOVCI M 892
14 MUHARREM KUÇI M 696
15 EDONA SHABANI F 1,535
16 IZET IBRAHIMI M 1,835
17 HAXHI SHALA M 5,915
18 SHUKRIJE BYTYQI F 4,874
19 NEHAT MAXHUNI M 1,532
20 SHEKIP FAZLIU M 1,363
21 LUMTURIJE KRASNIQI F 313
22 BAJRAM AJETI M 910
23 KRESHNIK CUKAJ M 1,138
24 SHUKRIJE HOTI F 282
25 SINAN ALIAJ M 1,472
26 SABRI HAZIRI M 565
27 SHQIPE AHMETI F 631
28 BAJRAM HASANI M 856
29 BURIM BERISHA M 264
30 ADILE NRECAJ F 1,093
31 RAMADAN KRASNIQI M 756
32 FAZLI HOXHA M 456
33 XHEVAHIRE ZHUNIQI F 811
34 AGIM ÇAKA M 815
35 REXHEP VRANJA M 546
36 MERITA ZEQIRI-HAJRIZI F 1,429
37 FEHMI HYSENAJ M 373
38 SADIK KRASNIQI M 662
39 FEXHRIJE KONUSHEVCI F 353
40 HESET SAHITI M 1,973
41 BASHKIM MUSLIU M 417
42 NERXHIVANE AZIZI F 415
43 FATBARDH GASHI M 330
44 MUSA SELIMI M 766
45 SHYHRETE GOSALCI F 243
46 SHABAN GOLLOPENI M 1,327
47 FEIM MAZREKU M 796
48 RREZARTË XHEMA F 733
49 ISA XHEMAJLAJ M 837
50 SKENDER REÇICA M 836
51 ARTIZANE DUSHI F 550
52 FATMIR SUHODOLLI M 293
53 BASHKIM BERISHA M 168
54 ANILA KASTRATI F 479
55 VALON RAMADANI M 1,909
56 MUSA FETAHAJ M 499
57 AFERDITA GJONBALAJ-STUBLLA F 281
58 SHEMSI ILJAZI M 630
59 NAIM BOGUJEVCI M 1,064
60 KRENARE BËRDYNAJ F 398
61 GASPËR DEMAJ M 457
62 SKENDER SUSURI M 1,425
63 ANITA MULOLLI-VRAJOLLI F 425
64 ZENEL ELSHANI M 338
65 ENVER HOTI M 2,916
66 ELFETE SELMANI F 184
67 BETIM KASEMI M 261
68 FATMIR BYTYQI M 779
69 SHQIPE GASHI F 1,011
70 ABDULLAH VOJVODA M 819
71 BAHRI BEQIRI M 227
72 ARTA DEMOLLI F 246
73 SAFET NISHEFCI M 232
74 NEXHAT ISUFI M 431
75 SHEFKIJE SHATRI F 192
76 FERIM GASHI M 545
77 GRANIT SHABANAJ M 209
78 ARIFE MUJI F 879
79 FATMIR HALILI M 284
80 ESHREF VISHI M 657
81 ARBENITA RRUSTEMI F 117
82 FADIL LUBENIQI M 220
83 MUSLI MUSLIU M 229
84 NEVRIJE SEJDIU F 86
85 ISMAJL NEZIRI M 504
86 NAIM HASANAJ M 239
87 FLORIJE KADRIU F 214
88 ARMIR VUÇITËRNA M 232
89 NAHIT THAÇI M 345
90 VALDETE GASHI F 245
91 MITAT KARAHODA M 294
92 BEQIR HAMIDI M 217
93 LEONORA DEVA-BALAJ F 222
94 VISAR TAHIRI M 954
95 PETRIT GASHI M 661
96 SHQIPE ZOGAJ F 494
97 EGZON GASHI M 187
98 SELAMI RAMADANI M 259
99 MIMOZA DILI F 124
100 NASER MORINA M 905
101 FETART VESELI M 143
102 ISLAM KRASNIQI M 123
103 SHEMSI ELEZI M 453
104 BLERIM GASHI M 118
105 ISA MORINA M 367
106 MUHAMET SHALAJ M 323
107 LUMNI ZEJNULLAHU M 272
108 JONUZ ZHINIPOTOKU M 198
109 MILAZIM XANI M 283
110 HYSNI DAKAJ M 892

40 ALEANCA KOSOVA E RE

1 IBRAHIM MAKOLLI M 6,537
2 BAJRAM KOSUMI M 3,320
3 VIOLETA GASHI F 1,229
4 FADIL ISMAJLI M 3,360
5 BERNARD NIKAJ M 3,981
6 FETIJE KËPUSKA F 560
7 AFRIM HOTI M 1,504
8 ARBNOR PULA M 2,730
9 SUZAN NOVOBRDALIJA F 799
10 NAIM MALOKU M 1,571
11 SHEFKI ABDULLAHU M 963
12 XHEVRIJE BAHTIRI ADEMI F 963
13 SAMI ZEKA M 530
14 BANUSH PACOLLI M 1,566
15 MYZEJENE SELMANI F 1,028
16 FATMIR MATOSHI M 1,275
17 NASER PAJAZITI M 685
18 NEXHMIJE KALLABA F 1,019
19 ISMET HAJDINI M 624
20 AMIR AHMETI M 4,136
21 SHUKRENE ROKA F 1,874
22 BEGZAD GASHI M 489
23 TEFIK IBRAHIMI M 767
24 ANITA AHMETI F 629
25 AVNI GASHI M 594
26 MIFTAR DRAGIDELLA M 373
27 TEUTA HASANI F 717
28 FATMIR KRASNIQI M 1,339
29 SEVDIJE LAMA F 1,313
30 REFIK GËRBESHI M 1,387
31 AGIM REXHEPI M 336
32 VJOLLCA SHALA-MULAJ F 482
33 HALIL KASTRATI M 842
34 FEHMI KRASNIQI M 728
35 AZRA KRASNIQI F 604
36 BEJTUSH GASHI M 694
37 SHEMSI REÇICA M 451
38 FERDANE LLONÇARI F 525
39 SEAD MORINA M 756
40 GJERGJ DEDAJ M 1,444
41 MIRLINDA SOPI F 622
42 ARTAN HAZIRI M 799
43 ISMAIL SEYFETTIN M 334
44 ARTA HAXHAJ F 823
45 HALIT YMERI M 475
46 ARDIAN BYTYQI M 762
47 XHEMILE TASHI F 251
48 XHEVDET KRASNIQI M 276
49 ADRIATIK BEQA M 218
50 LIRIDONA LLUKA F 1,925
51 NAIM MAKOLLI M 687
52 BISLIM IMERI M 348
53 HIDAJETE ABDULLAHU F 253
54 NUSRET ÇUBRELI M 603
55 SHPRESA RAMA F 748
56 ISET BEKA M 284
57 HAQIF IBRAHIMI M 342
58 DAFINA REXHEPI F 557
59 SABIT RESTELICA M 261
60 MENDERES HALABAKU M 166
61 MYBERA KASUMI F 139
62 NJAZI MIFTARI M 327
63 XHEMSHIT CAKOLLI M 344
64 ADELINA GJOCAJ F 265
65 SHPEND KRASNIQI M 340
66 FLORENT DOBROSHI M 456
67 VALBONA MAZREKU F 239
68 ADEM ZHITOPOTOKU M 183
69 BEQIR RAÇI M 129
70 DONIKA SURDULLI F 620
71 DRITON MORINA M 3,889
72 AGRON TERZIQI M 3,526
73 NERXHIVANE VITIJA F 294
74 BASHKIM STATOVCI M 391
75 ABEDIN MJEKU M 151
76 KALTRINË DEMIRI F 490
77 MUSTAFË KADRIAJ M 428
78 ISMAIL BEKTESHI M 282
79 MIRVETE MAQEDONCI F 289
80 LULZIM KRASNIQI M 170
81 MUHIDIN HAXHIU M 137
82 MERITA HYSENI F 545
83 HILMI HALIMI M 178
84 ZAIM HAJREDINI M 239
85 NESRETE KUMNOVA F 1,159
86 KJANI BERISHA M 129
87 MIRSIM BEQIRI M 224
88 AFËRDITA NAMANI F 117
89 TAFË VESELAJ M 191
90 HASAN KRASNIQI M 2,059
91 BURBUQE BUCALIU F 544
92 RAMUSH MEHMETI M 444
93 SAMI BILALLI M 187
94 LIRIDONA OSMANAJ F 1,073
95 NAZMI GASHI M 176
96 NAIM HASANI M 425
97 AGRON REXHEPI M 3,185
98 GANI BALAJ M 297
99 ELVIRA ZEQIRAJ F 196
100 ISLAM PACOLLI M 3,071
101 VELİ MAZREKU M 501
102 AFRIM MIFTARI M 417
103 XHEMAJL BERISHA M 207
104 EKREM MUSTAFA M 433
105 IZEIR HYDA M 317
106 SHKELZIM MURTEZI M 217
107 FAZLI HALILAJ M 148
108 REJHAN VUNIQI F 454
109 DARDAN GASHI M 1,111
110 BEHGJET PACOLLI M 14,520

37 PARTIA E FORTË